Tag: اسرائیل

فلسطین کی مزاحمتی تحریک حماس نے غزہ جنگ بندی معاہدے کے تحت 602 فلسطینی قیدیوں کے بدلے 6 اسرائیلی یرغمالیوں کو ریڈکراس کے حوالےکر دیا ہے۔

باغی ٹی وی: رہا کیےگئے 3 اسرائیلی یرغمالی نصیرات کیمپ میں ریڈکراس کے حوالےکیےگئے، تقریب کے دوران اسٹیج پر کھڑے تینوں اسرائیلیوں نے ہاتھ ہلاکر فلسطینیوں کا شکریہ ادا کیا، اس موقع پر ایک اسرائیلی عومر شیم توف نے 2 حماس کے اہلکاروں کے ماتھوں پر بوسہ بھی دیا جس کی ویڈیو وائرل ہوگئی ہے۔

اسرائیلی فوج کے ترجمان کے مطابق 7 اکتوبر 2023 کو حماس اور اسلامی جہاد کی جانب سے یرغمال بنائےگئے ان تینوں افراد نے 505 دن غزہ میں گزارے اور اب وہ اسرائیل میں پہنچ چکے ہیں جہاں ان کا طبی معائنہ کیا جارہا ہے۔

ٹرائبل یونین آف جرنلسٹس کے انتخابات مکمل، حسبان اللہ صدر منتخب

دوسری جانب حماس کا کہنا ہے کہ یرغمالیوں کی رہائی کا منظر فلسطینی عوام، مزاحمتی دھڑوں کے اتحاد کا عکاس ہے، فلسطینی عوام اور مزاحمتی دھڑوں کے درمیان ہم آہنگی گہری اور مضبوط ہے، آج یرغمالیوں کی حوالگی کے دوران عوام کی بڑی تعداد دشمن اور اس کے حامیوں کے لیے نیا پیغام ہے۔

واضح رہے کہ جنگ بندی کے آغاز کے بعد سے اب تک 22 یرغمالیوں کو اسرائیل کے حوالے کیا جا چکا ہے جن میں تین لاشیں شامل ہیں، اس کے مقابل 1100 سے زیادہ فلسطینی گرفتار شدگان کو رہا کیا گیا ہےفائر بندی معاہدے کے پہلے مرحلے میں جو یکم مارچ کو اختتام پذیر ہو گا، حماس کی جانب سے 33 یرغمالیوں کی رہائی مذکور ہے جن میں آٹھ لاشیں شامل ہیں، اس کے مقابل اسرائیل کی جیلوں سے 1900 فلسطینی رہا کیے جائیں گے-

افریقہ-1 سب میرین انٹرنیٹ کیبل پی ٹی سی ایل سے منسلک کردی گئی

غزہ: فلسطینی مزاحمتی تنظیم حماس نے آج غزہ جنگ بندی معاہدے کے تحت 4 اسرائیلی یرغمالیوں کی لاشیں ریڈ کراس کے حوالے کیں اور اس دوران اسٹیج پر لاشوں کے ساتھ امریکی ساختہ بم بھی رکھے نظر آئے۔

باغی ٹی وی: عرب میڈیا کے مطابق حماس نےغزہ جنگ بندی معاہدے کے تحت آج 4 اسرائیلی یرغمالیوں کی لاشیں ریڈ کراس کے حوالےکیں حماس کی قید میں چاروں اسرائیلی یرغمالی اسرائیل کی غزہ میں بمباری میں مارے گئے تھےحماس نے چاروں فلسطینیوں کی لاشیں خان یو نس میں ریڈ کراس کے حوالے کیں-

یرغمالیوں کی لاشیں ریڈ کراس کے حوالے کرنے کی تقریب میں اسٹیج پر رکھے امریکی بم فضا سے زمین پر مار کرنے والے جی بی یو 39 بم تھے،حماس کی جانب سے ان امریکی ساختہ بموں پر ایک تحریر بھی درج تھی جس میں ہلاک ہو نے والے اسرائیلی یرغمالیوں کے حوالے سے کہا گیا تھا کہ یہ امریکی بموں سے ہلاک ہوئے۔

ہیکرز نےونڈوز اور مائیکروسافٹ آفس مفت میں ایکٹیویٹ کرنے کا ٹول جاری کردیا

واضح رہے کہ حماس کی جانب سے متعدد مرتبہ اسرائیلی بمباری میں غزہ میں موجود اسرائیلی یرغمالیوں کو نشانہ بنائے جانے کا اعلان کیا جاتا رہا ہےمغربی میڈیا بھی اسرائیلی کی جانب سے غزہ میں بمباری کے لیے امریکی ساختہ جی بی یو 39 بموں کے استعمال کے بارے میں بتایا جاتا رہا ہے۔

کراچی: سفاری پارک کی دو ہتھنیوں میں ٹی بی کی تشخیص

گزشتہ برس مئی میں امریکی اخبار نیویارک ٹائمز کیجانب سےانکشاف کیاگیاتھا اسرائیلی فوج نےغزہ کےعلاقےرفح میں بے گھر فلسطینیوں کے کیمپ کو امریکی ساختہ جی بی یو 39 بموں سے نشانہ بنایا، اس اسرائیلی حملے کے باعث کیمپ میں آگ بھڑک اٹھی تھی جس کے نتیجے میں 40 سے زائد فلسطینی شہید اور 249 زخمی ہوگئے تھے۔

ایف آئی اے کی انسانی اسمگلنگ کیخلاف 2 ماہ کی کارکردگی رپورٹ جاری

امریکی نیوز چینل سی این این نے بھی گزشتہ سال اپنی رپورٹ میں انکشاف کیا تھا کہ اسرائیلی فوج نے غزہ کے علاقے خان یونس میں ایک اسکول پر امریکی ساختہ جی بی یو 39 بموں کے ذریعے بمباری کی جس میں کم از کم 27 فلسطینی شہید اور 57 زخمی ہوگئے تھے

غزہ:فلسطین کی مزاحمتی تحریک حماس نے غزہ جنگ بندی معاہدے کے تحت 4 اسرائیلی یرغمالیوں کی لاشیں ریڈ کراس کے حوالے کر دیں۔

باغی ٹی وی : حماس کی قید میں موجود چاروں اسرائیلی یرغمالی اسرائیل کی غزہ میں بمباری میں مارے گئے تھے حماس نے چاروں فلسطینیوں کی لاشیں خان یونس میں ریڈ کراس کے حوالے کیں،اس دوران حماس کی جانب سے بینر بھی آویزاں کیے گئے تھے جن پر درج تھا جنگی مجرم نیتن یاہو اور اس کی نازی فوج نے صیہونی لڑاکا طیاروں سے میزائل برسائے، صیہونی لڑاکا طیاروں سے برسائے گئے میزائلو ں سے یرغمالی مارے گئے، جنگ بندی معاہدے پر دستخط کر کے ہم نے لچک کا مظاہرہ کیا ہے۔

واضح رہے کہ حماس اور اسرائیل کے درمیان جنگ بندی معاہدے کے تحت دونوں جانب سے قیدیوں کی رہائی کا سلسلہ جاری ہے۔

کلائمیٹ رسک انڈیکس 2025 کی رپورٹ جاری

دوسری جانب اسرائیلی وزیر اعظم نیتن یایو نے آج جمعرات کے روز کو اسرائیل کے لیے انتہائی تکلیف دہ اور دل دہلا دینے والا دن قرار دیا کہا کہ یہ دن اسرائیل کے لیے سوگ اور رنج کا دن ہے اس موقع پر ہمارا دل ٹوٹ رہا ہے کہ آج ہم اپنے چار ہیروز کی لاشیں غزہ سے رہائی کے ملنے کے بعد وصول کریں گے، اسرائیلی فوج کے نمائندوں کے ذریعے ان خاندانوں کو آگاہ کر دیا ہے جن کے پیار وں کی لاشیں آج حماس سے ملیں گی،اسرائیلی وزیر اعظم کے دفتر نے بھی اطلاع دی ہے کہ اسے موصول ہونے والی چار اسرا ئیلی لاشوں کے نام مل چکے ہیں۔

چیمپئنز ٹرافی دوسرا میچ:بنگلادیش کی بھارت کیخلاف ٹاس جیت کر بیٹنگ

یاد رہے اسرائیل نے ساڑھے پندرہ ماہ تک اپنے تباہ کن جنگ کے جاری رکھنے کے ہمیشہ تین بڑے اہداف بتائے تھے پہلا یہ کہ غزہ میں قید اسرائیلیوں کو چھڑوا لے جانا، دوسرا یہ کہ حماس کا خاتمہ کرنا اور تیسرا یہ کہ غزہ سے حماس کی مزاحمتی قوت سمیت اسرائیل کے لیے کسی بھی قسم کے خطرے کا امکان باقی نہ رہنے دینا ہے۔

امریکا کی مقابلہ حسن جیتنے والی 18 سالہ دوشیزہ حادثے میں ہلاک

لیکن اسرائیل کی اس سب سے طویل جنگ کے لڑے جانے کے بعد بھی کوئی مقصد حاصل نہ ہو سکا وہ ساڑھے پندرہ ماہ تک اسرائیل کی اپنے اتحادیوں کی غیر معمولی مدد سے جاری رکھی گئی جنگ کے باو جود اپنے یرغمالیوں کو رہا نہ کرا سکے زندہ تو در کنار مردہ حالت میں بھی اسرائیل کی فوج انہیں حماس سے نہ چھڑا سکی ،یہاں تک کہ اسرائیل کو حماس کے ساتھ ہی سمجھوتہ کرکے 19 جنوری سے جنگ بندی کرنا پڑی اس جنگ بندی کا پہلا مرحلہ یکم مارچ تک جاری رہے گا اور وعدے کے مطابق 33 اسرائیلیوں کو رہا کرے گا ان 33 میں کئی ہلاک شدہ اسرائیلی قیدی بھی ہیں جن کی پہلی کھیپ آج چار لاشوں کی صورت اسرائیل کو مل گئی ہے۔

مصطفیٰ عامر کیس:مرکزی ملزم ارمغان کے سنسنی خیز انکشافات،آلہ قتل برآمد

غزہ: فلسطینی مزاحمتی تنظیم حماس رواں ہفتے 4 اسرائیلی یرغمالیوں کی لاشیں اسرائیل کے حوالے کرے گا۔

باغی ٹی وی : غیر ملکی خبر ایجنسی کے مطابق حماس رواں ہفتے جمعرات کو 4 یرغمالیوں کی لاشیں ریڈ کراس کے ذریعے اسرائیلی حکام کے حوالے کرے گی جب کہ حماس ہفتے کے دن 3 یرغمالی بھی رہا کرے گا جنگ بندی معاہدے کے بعد یہ پہلا مرحلہ ہوگا جب حماس اسرائیلی یرغمالی جو جنگ کےدوران بیماریوں سے ہلاک ہوئے یا اسرائیلی بمباری سے مارے گئے ان کی لاشیں اسرائیلی کو واپس کرے گا۔

اسرائیلی میڈیا نے دعویٰ کیا ہے کہ حماس 27 فروری کو بھی مزید 4 یرغمالیوں کی لاشیں واپس کرے گا اور لاشوں کے بدلے اسرائیل 7 اکتوبر کے بعد غزہ سے گرفتار کیے گئے تمام خواتین اور بچوں کو رہا کرے گا۔

دوسری جانب خبر رساں ادارے روئٹرز نے ایک اسرائیلی سکیورٹی اہلکار کے حوالے سے بتایا ہے کہ اسرائیل جمعرات کو غزہ سے چار قیدیوں کی لاشیں وصول کرنے کی تیاری کر رہا ہے اور وہ ہفتے کے روز 6 زندہ قیدیوں کی واپسی کے لیے کام کر رہا ہے اگر یہ مکمل ہو جاتا ہے تو غزہ میں صرف 4 قیدی رہ جائیں گے جن کے بارے میں خیال کیا جاتا ہے کہ وہ غزہ میں جنگ بندی کے معاہدے کے پہلے مرحلے میں رہا کیے جانے والے 33 قیدیوں میں شامل ہوں گے۔

غزہ میں جنگ بندی کے معاہدے کے دوسرے مرحلے کے لیے ہونے والے مذاکرات پر بات چیت کے لیے پیر کی شام کو اسرائیلی سکیورٹی کابینہ کا اجلاس ہوا ہے جنگ بندی اور قیدیوں کے تبادلے کے معاہدے کا پہلا مرحلہ 19 جنوری کو شروع ہوا تھا اور اسے تین مرحلوں میں تقسیم کیا گیا ہے ہر ایک مرحلہ 42 دن تک جاری رہے گا، اس دوران اگلے مرحلے کے مذاکرات شروع کیے جائیں گے۔

یہ بات ایسے وقت میں سامنے آئی ہے جب اسرائیلی وزیر خزانہ بزلئیل سموٹریچ اور مستعفی قومی سلامتی کے وزیر ایتمار بن گوریر نے پیر کے روز وزیر اعظم نیتن یاہو سے مطالبہ کیا کہ وہ غزہ کی پٹی پر فوری طور پر جنگ دوبارہ شروع کریں اور امریکی صدر ڈونلڈ ٹرمپ کے منصوبے کے مطابق وہاں سے فلسطینیوں کو بے گھر کریں-

سموٹریچ نے کہا کہ میں مطالبہ کرتا ہوں کہ وزیر اعظم فوری طور پر جنگ کے لیے اسرائیلی فوج کی واپسی کا اعلان کریں ہم غزہ کی پٹی کے 10 فیصد حصے پر قابض ہیں اور اس پر خودمختاری نافذ کریں۔

دوسری طرف اخبار "اسرائیل ٹوڈے” نے سموٹریچ کے حوالے سے کہا کہ آج میں حکومت سے ووٹ دینے اور صدر ٹرمپ کے منصوبے کو اپنانے کا مطالبہ کروں گا اسرائیل کو حماس کو واضح انتباہ جاری کرنا چاہیے اسے اب تمام قیدیوں کو ہمارے پاس واپس کرنا چاہیے، غزہ چھوڑ کر دوسرے ممالک کو جانا چاہیے، اور غیر مسلح کرنا چاہیے”۔

سموٹریچ نے دھمکی دی کہ اگر حماس نے الٹی میٹم کا جواب نہ دیا تو اسرائیل جہنم کے دروازے کھول دے گا غزہ کی پٹی پر مکمل قبضہ، امداد کی مکمل بندش، پانی، ن بجلی، ایندھن سمیت ہر چیز بند کردی جائے گی”۔

تل ابیب: اسرائیلی وزیراعظم نیتن یاہو نے کہا ہےکہ ہم نے اس بات پر اتفاق کیا کہ آیت اللہ کے پاس جوہری ہتھیار نہیں ہونے چاہئیں۔

باغی ٹی وی : عالمی خبر رساں ادارے کے مطابق ایران کے جوہری ہتھیاروں کی تیاری پر کڑی تنقید کرتے ہوئے کہا کہ امریکا کے ساتھ مل کر ایران کے جوہری عزائم اور مشرق وسطیٰ میں اس کی جارحیت کو ناکام بنانے کے لیے پُرعزم ہیں غزہ میں جنگ شروع ہونے کے بعد سے اسرائیل نے ایران کو زبردست دھچکے اور کاری ضربیں پہنچائی ہیں۔

امریکی وزیر خارجہ مارکو روبیو کے ساتھ ملاقات کے بعد اسرائیلی وزیراعظم کا مزید کہنا تھا کہ ہم نے اس بات پر اتفاق کیا کہ آیت اللہ کے پاس جوہری ہتھیار نہیں ہونے چاہئیں، ایران کا مقابلہ کرنے کے لیے اسرائیل اور امریکا کندھے سے کندھا ملا ئے کھڑے ہیں۔

حضرت لعل شہباز قلندرؒ کا عرس، سیکیورٹی کے خصوصی انتظامات

اسرائیلی وزیراعظم نے ایران کو جارحیت سے روکنے کے حوالے سے اپنے عزائم کا اظہار کرتے ہوئے کہا کہ کوئی شبہ نہیں کہ ڈونلڈ ٹرمپ کی حمایت سے اسرائیل یہ کام کرسکتا ہے اور کرے گا اسرائیل نے جنوبی لبنان میں حزب اللہ کو کمزور کر دیا ہے اور شام میں سیکڑوں اہداف کو نشانہ بنایا ہے ان کارروائیوں سے ایران کی حمایت یافتہ گروپ حزب اللہ کو ایک نیا محاذ کھولنے سے روکا جانا ممکن ہوسکا ہے۔

حافظ آباد: سکیورٹی گارڈ سے ڈاکوؤں نے دن دہاڑے موٹر سائیکل، نقدی اور موبائل فون چھین لیا

نیتن یاہو نے کہا کہ شام کو ہمارے خلاف کارروائیوں کے اڈے کے طور پر استعمال کرنے کی اجازت نہیں دیں ایسا سوچنے والے سنگین غلطی کر رہے ہیں، ہم سب کو یہ یقین دہانی کرانا چاہتے ہیں کہ صدر ٹرمپ اور میں مکمل تعاون اور ہم آہنگی کے ساتھ کام کر رہے ہیں۔

ایٹمی پروگرام سے متعلق بیان،ایران نے اسرائیل اور امریکہ کو خبردار کر دیا

بیروت: سربراہ حزب اللہ نعیم قاسم نے خبردار کیا ہے کہ 18 فروری کے بعد لبنان میں اسرائیلی فوج کی موجودگی قبضہ تصور ہوگی۔

عالمی خبر رساں ادارے کے مطابق حزب اللہ کے سربراہ نعیم قاسم نے خبردار کیا ہے کہ اسرائیلی فوج 18 فروری تک لبنانی سرزمین خالی کردےنومبر میں امریکی ثالثی میں ہونے والے جنگ بندی معاہدے کے تحت اسرائیلی فوج کو لبنان سے مکمل انخلا کے لیے 60 دن دیئےگئےتھے 60 دن کی اس ڈیڈ لائن میں کسی قسم کی رعایت نہیں دی جائیگی اسرائیل کےپاس کوئی بہانہ نہیں ہے۔

دوسری جانب لبنان کے سرکاری میڈیا نے کہا ہے کہ پیر کو جنوبی شہر صیدا میں ایک گاڑی پر اسرائیلی حملے میں ایک شخص ہلاک ہو گیا یہ حملہ اسرائیل اور حزب اللہ کے درمیان جنگ بندی کی ڈیڈ لائن سے ایک دن پہلے ہوا ہے۔

مخالفین کو پنجاب کی ترقی ہضم نہیں ہورہی،وزیراعلیٰ پنجاب

دو لبنانی سکیورٹی ذرائع نے بتایا کہ حملے میں ایک کار میں حماس کے ایک اہلکار کو نشانہ بنایا گیالبنان کی سرکاری خبر رساں ایجنسی نے کہا کہ امدادی کارکنان نے گاڑی سے ایک لاش نکال لی ہے لیکن مقتول کی شناخت نہیں کی۔

سرکاری نیشنل نیوز ایجنسی نے بتایا، صیدا میں "آگ بجھانے کے بعد ایک لاش اس گاڑی سے برآمد ہوئی جسے اسرائیلی حملے میں نشانہ بنایا گیا۔

واضح رہے کہ اسرائیلی فوج نے اکتوبر کے شروع میں جنوبی لبنان میں زمینی حملہ شروع کیے تھے جس کے بعد حزب اللہ کے جنگجوؤں کے ساتھ مسلسل جھڑپیں ہو رہی تھیں، غزہ میں بھی جنگ بندی معاہدے کے تحت یرغمالیوں اور قیدیوں کا تبادلہ ہوا جاری ہے۔

پاکستان نے عالمی بینک کے ساتھ شراکت داری سے استفادہ کیا،وزیراعظم

تہران: ایٹمی پروگرام سے متعلق بیان دینے پر ایران نے اسرائیل اور امریکہ کو خبردار کر دیا۔

باغی ٹی وی : غیر ملکی میڈیا کے مطابق ایرانی وزارت خارجہ نے بیان میں کہا کہ ایران نے اپنے ایٹمی پروگرام کا دفاع کیا ہے اور وہ اسے جاری رکھنے میں کوئی خوف محسوس نہیں کرے گا ایران کا پرامن ایٹمی پروگرام جاری ہے اور یہ تین دہائیوں سے پرامن ہے جب کہ این پی ٹی ممبر ہونے کی بنیاد پر ایران کو یہ حق حاصل ہے کہ وہ کسی بھی صورت اپنے ایٹمی پروگرام پر کمزوری واضح نہ کرے۔

واضح رہے کہ اسرائیلی وزیراعظم نیتن یاہو نے اتوار کو امریکی وزیر خارجہ مارکو روبیو سے ملاقات کے بعد کہا تھا کہ امریکا اور اسرائیل ایران کے ایٹمی مقاصد کو روکنے کے لیے پرعزم ہیں،جبکہ امریکی وزیر خارجہ کا کہنا تھا کہ ہردہشتگرد گروپ کے پیچھے، ہر تشدد کے پیچھے، ہر عدم استحکام کی سرگرمی کے پیچھے اور خطے میں کروڑوں لوگوں کے امن کو لاحق خطرے کے پیچھے ایران ملوث ہے۔

مفتی قوی مجھے نہیں سنبھال پائیں گے،راکھی ساونت

لوئر کرم:قافلے پر حملہ، شدید فائرنگ،امدادی گاڑیوں میں لوٹ مار

سندھ نے ہمیشہ ن لیگ اور پی ٹی آئی کو مسترد کیا ہے،شرجیل میمن

ہفتے کے روز،تین اسرائیلی قیدیوں کے بدلے 369 فلسطینیوں کو رہا کیا گیا،اسرائیلی قید سے رہائی پانے والے فلسطینیوں نے زبردستی پہنائی گئی اسرائیلی نشانات اور نعروں والی ٹی شرٹس جلا دیں۔

باغی ٹی وی: رہائی پر فلسطینیوں کا شاندار استقبال کیا گیا اسرائیل کی جانب سے رہائی پانے والے فلسطینی قیدیوں کو ایسے شرٹس پہننے پر مجبور کیا گیا، جن پر اسٹار آف ڈیوڈ کا نشان اور عربی میں ”ہم نہ بھولیں گے، نہ معاف کریں گے“ لکھا تھااس اقدام کو ایک ”نسلی جرم“ قرار دے کر سخت تنقید کی جا رہی ہے۔

ہفتے کے روز، تین اسرائیلی قیدیوں کے بدلے 369 فلسطینیوں کو رہا کیا گیا رہائی سے قبل اسرائیلی جیل سروس نے کچھ فلسطینی قیدیوں کی تصاویر جاری کیں، جن میں انہیں ان متنازعہ شرٹس میں ملبوس دکھایا گیارہائی کے دوران متعدد فلسطینیوں نے ان پیغامات کو چھپا نے کے لیے اپنی شرٹس الٹی پہن لی تھیں۔

آرمی آج بھی فتنہ الخوارج سے روزانہ کی بنیادوں پر لڑ رہی ہے، آرمی چیف

قطری نشریاتی ادارے الجزیرہ کی جانب سے غزہ میں بنائی گئی فوٹیج میں کچھ فلسطینیوں کو خان یونس کے یورپی غزہ اسپتال پہنچنے کے بعد ان شرٹس کو آگ لگاتے ہوئے دیکھا گیا،حماس نے اسرائیل کے اس اقدام کی مذمت کرتے ہوئے کہا کہ ہم اپنے بہادر قیدیوں کے لباس پر نسل پرستانہ نعرے تحریر کرنے اور ان کے ساتھ ظالمانہ اور پرتشدد سلوک کی سخت مذمت کرتے ہیں، جو انسانی قوانین اور اصولو ں کی کھلی خلاف ورزی ہے، یہ عمل قابض افواج کی پستی کو ظاہر کرتا ہے، جبکہ فلسطینی مزاحمت قیدیوں کے ساتھ اخلاقی اقدار کی پاسدار ی کرتی ہے۔

لبنان میں اقوام متحدہ کے قافلے پر حملہ، 25 سے زائد افراد گرفتار

جبکہ فلسطینی اسلامی جہاد نے بھی اس اقدام کو ایک ”نسلی جرم“ قرار دیتے ہوئے مذمت کی ،اسرائیلی نشریاتی ادارے کے مطابق، اسرائیل میں بھی اس متنازعہ لباس پر تنقید کی گئی ہے،ایک اسرائیلی ذرائع کے حوالے سے بتایا گیا کہ یہ فیصلہ سیاسی قیادت کو اطلاع دیئے بغیر اسرائیلی جیل کمشنر کوبی یعقوبی نے خود کیا تھا۔

امریکا سے مزید 120 بھارتیوں کی ملک بدری،زنجیروں اور ہتھکڑیوں میں جکڑ کر بھارت بھیجا گیا

قیدیوں کےتبادلے میں سہولت فراہم کرنیوالی بین الاقوامی ریڈ کراس کمیٹی (آئی سی آر سی) نے تمام فریقین سے زیادہ ”باعزت“ طریقے سے رہائی کا مطالبہ کیاان کے بیان میں کہا گیا کہ ہم بار بار مطالبہ کر رہے ہیں کہ تمام منتقلیاں وقار اور رازداری کے ساتھ انجام دی جائیں، لیکن اس عمل کو بہتر بنانے کے لیے تمام فریقین، بشمول ثالثوں، کو مزید اقدامات کرنے ہوں گے۔‘

یروشلم: امریکا سے 2 ہزار ٹن وزنی بموں کی کھیپ اسرائیل پہنچ گئی۔

باغی ٹی وی : خبر ایجنسی "روئٹرز” کے مطابق وزارت دفاع نے اتوار کو کہا کہ امریکی صدر ڈونلڈ ٹرمپ کی جانب سے پیشرو جو بائیڈن کی انتظامیہ کی طرف سے اسلحہ کی برآمد پر عائد پابندی ہٹانے کے بعد اسرائیل کو امریکہ سے بھاری ایم کے 84 بموں کی کھیپ موصول ہوئی ہے۔

اسرائیلی وزارت دفاع کے مطابق گزشتہ رات کو پہنچنے والے جہاز سے 2,000 پاؤنڈ وزنی بموں کی بڑی مقدار اشدود پورٹ پر اتاری گئی بموں کو درجنوں ٹرکوں پر لوڈ کرکے اسرائیلی ایئر بیسز کی طرف روانہ کر دیا گیا ہے، اکتوبر 2023 میں جنگ کے آغاز سے لے کر اب تک 76,000 ٹن سے زائد فوجی ساز و سامان اسرائیل پہنچ چکا ہے، جس میں سے زیادہ تر سامان امریکہ سے آیا ہے –

امریکا سے مزید 120 بھارتیوں کی ملک بدری،زنجیروں اور ہتھکڑیوں میں جکڑ کر بھارت بھیجا گیا

اسرائیلی میڈیاکے مطابق دفاعی وزیر اسرائیل کٹز نے بموں کی آمد پر خوشی کا اظہار کرتے ہوئے کہا کہ یہ کھیپ ٹرمپ انتظامیہ کی جانب سے جاری کی گئی جو دونوں ملکوں کے درمیا ن مضبوط اتحادی تعلقات کا ثبوت ہے۔

لبنان میں اقوام متحدہ کے قافلے پر حملہ، 25 سے زائد افراد گرفتار

واضح رہے کہ سابق امریکی صدر جوبائیڈن نے اسرائیل کو جنگی سامان بھیجنے پر روک لگا دی تھی تاہم ٹرمپ نے صدارت کا عہدہ سنبھالنے کے بعد اسرائیل کو جنگی سامان کی ترسیل دوبارہ شروع کردی،MK-84 ایک 2,000 پاؤنڈ وزنی بم ہے، جو موٹے کنکریٹ اور دھات کو چیر سکتا ہے، جس سے دھماکے کا ایک وسیع رداس پیدا ہوتا ہے بائیڈن انتظامیہ نے غزہ کی پٹی کے گنجان آباد علاقوں پر پڑنے والے اثرات کے بارے میں تشویش کی وجہ سے انہیں اسرائیل کو برآمد کرنے کے لیے کلیئر کرنے سے انکار کر دیا۔

ایلون مسک کے وائٹ ہاؤس میں بڑھتے اختیارات ،ٹرمپ نے میڈیا کو نشانے پر لے لیا

فلسطین کی مزاحمتی تحریک حماس نے غزہ جنگ بندی معاہدے کے تحت مزید 3 اسرائیلی یرغمالیوں کو رہا کر دیا۔

باغی ٹی وی : عرب میڈیا کے مطابق حماس نے اسرائیلی یرغمالیوں کو خان یونس میں منعقد کی گئی باقاعدہ تقریب میں ریڈ کراس کے حوالے کیا، ریڈ کراس کی اہلکار نے یرغمالیوں کی رہائی کی دستاویزات پر دستخط بھی کیے، غزہ جنگ بندی معاہدے کے تحت اسرائیلی یر غمالیوں کے بدلے 369 فلسطینی قیدیوں کو رہا کیا جائے گا۔

اس سے قبل حماس نے اسرائیل کی جانب سے جنگ بندی معاہدے کی مسلسل خلاف ورزی پر جنگ بندی معاہدے پر عمل درآمد روک دیا تھا تاہم مصر اور ترکی کی جانب سے فریقین کو معاہدے پر عمل درآمد پر آمادہ کیا گیا جس کے بعد مزید یرغمالیوں کی رہائی ممکن ہو سکی۔

فراڈ‌کیس میں قید ملزم کا جیکولین کوویلنٹائن ڈے پر قیمتی جہاز کا تحفہ

حماس تنظیم نے گذشتہ ماہ اس بات پر آمادگی ظاہر کی تھی کہ جنگ بندی معاہدے کے پہلے مرحلے میں 33 اسرائیلیوں کو حوالے کیا جائے گا جن میں خواتین اور بوڑھے شامل ہیں، معاہدے کا پہلا مرحلہ چھ ہفتوں پر مشتمل ہو گا۔ اس دوران میں غزہ کی پٹی کے کچھ علاقوں سے اسرائیلی فوج کا انخلا عمل میں آئے گا مذکورہ 33 اسرائیلیوں میں سے اب تک 16 کو رہا کیا جا چکا ہے ان کے علاوہ پانچ تھائی باشندوں کو بھی رہائی کے عمل میں واپس کیا گیا جن کا معاہدے میں فیصلہ نہیں کیا گیا تھا۔

پاکستان میں دہشت گرد حملوں کی بڑھتی وجہ افغان طالبان کی مدد قرار

اسرائیلی رپورٹوں کے مطابق غزہ میں باقی 76 اسرائیلیوں میں سے آدھی تعداد ابھی زندہ ہے توقع ہے کہ فائر بندی معاہدے کے دوسرے مرحلے کے حوالے سے مذاکرات آئندہ ہفتے شروع ہوں گے اس میں بقیہ اسرائیلی قیدیوں کو سیکڑوں فلسطینیوں کے مقابل رہا کیے جانے کی توقع ہےمعاہدے کا تیسرا اور آخری مرحلہ غزہ کی تعمیر نو کے لیے مخصوص ہے۔ اقوام متحدہ کے اندازے کے مطابق تعمیر نو پر 53 ارب ڈالر سے زیادہ لاگت آئے گی۔

مفتی قوی نے راکھی ساونت کو رلا دیا