Tag: اسلام آباد

اسلام آباد: اسپیکر قومی اسمبلی راجہ پرویز اشرف نے کہا ہے کہ خواتین کو زندگی کے تمام شعبوں میں برابر نمائندگی دے کر ملک کو ترقی کی راہ پر گامزن کیا جا سکتا ہے-

باغی ٹی وی: اسپیکر قومی اسمبلی راجہ پرویز اشرف نے وویمن پارلیمانی کاکس کے زیر اہتمام پریس کلب اسلام آباد میں منعقدہ تقریب میں شرکت کی اس موقع پر اسپیکر نے تقریب سے خطاب کرتے ہوئے کہا کہ صحافت ریاست کا چوتھا ستون ہے، صحافت اور پارلیمان کا چولی دامن کا ساتھ ہے۔انہوں نے کہا کہ صحافت کے بغیر پارلیمان مکمل نہیں ہوتا۔پارلیمان کی پریس گیلری ایوان کی کارروائی کو عوام تک پہنچانے میں کلیدی کردار ادا کر رہی ہے۔

اسپیکر نے زندگی کے تمام شعبوں میں خواتین کے کردار کو سراہتے ہوئے کہا کہ دنیا کے ترقی یافتہ معاشروں میں خواتین کا کردار کلیدی اہمیت کا حامل سمجھا جاتا ہے۔ انہوں نے کہا کہ خواتین کی شمولیت کے بغیر کوئی بھی معاشرہ ترقی نہیں کر سکتا۔انہوں نے کہا کہ ملک کو ترقی کی راہ پر گامزن کرنے کے لیے خواتین اور مردوں کو ایک دوسرے کے شانہ بشانہ کام کرنا ہو گا۔ انہوں نے کہا کہ خواتین کو ہر شعبے میں برابر نمائندگی دے کر ملک کو ترقی کی راہ پر گامزن کیا جا سکتا ہے۔ اسپیکر کا کہنا تھا کہ خواتین اراکین نے قانون سازی میں سب سے زیادہ حصہ لیا اور ایوان میں سو فیصد حاضری کو یقینی بنایا ہے۔

بلاول بھٹو کی ا سپیکر قومی اسمبلی کومبارکباد

اسپیکر نے کہا کہ میری سیاسی تربیت بھی ایک خاتون لیڈر نے کی ہے۔ اسپیکر نے کہا کہ پاکستان پیپلز پارٹی نے خواتین کو وزیراعظم، اسپیکر اور ڈپٹی اسپیکر بنانے کا اعزاز بخشا ہے۔ اسپیکر نے سیکرٹری وویمن پارلیمانی کاکس محترمہ شاہدہ رحمانی کی خدمات کو سراہا۔
اسپیکر نے کہا کہ سیاست میں رواداری اور مفاہمت کا دامن نہیں چھوڑنا چاہیے۔ سیاست میں تعصب اور ضد سے بالا تر ہو کر چلنا پڑتا ہے۔اسپیکر نے پارلیمان اور عوام کے درمیان رابطوں کے فروغ کی ضرورت پر زور دیتے ہوئے کہا کہ گزشتہ 13 ماہ میں قومی اسمبلی کو عوام کے لیے کھلا رکھا رہا ہے۔

اس موقع پر سیکرٹری وویمن پارلیمانی کاکس شاہدہ رحمانی نے اجلاس کو پارلیمانی کاکس سے متعلق آگاہ کرتے ہوئے بتایا کہ پاکستان پیپلز پارٹی کے سابق دور حکومت میں وویمن پارلیمانی کاکس کا قیام عمل میں لایا گیا۔ انہوں نے کہا کہ اسپیکر قومی اسمبلی راجہ پرویز اشرف نے وویمن پارلیمانی کاکس کے لیے گراں قدر تعاون کیا ہے۔ انہوں نے کہا کہ وویمن کاکس میں سب نے بطور ٹیم ورک ملکر کام کیا ہے۔ انہوں نے کہا کہ پاکستان میں خواتین کے مسائل بہت گھمبیر ہیں۔ ہم نے ملکر کوشش کی ہے کہ خواتین کو درپیش مسائل کو کم کیا جائے۔

بچوں کے مسائل ترجیحی بنیادوں پر حل کرنا ہمارا نصب العین ہونا چاہیے،راجہ پرویز اشرف

صدر پاکستان فیڈرل یونین آف جرنلسٹ (پی ایف یو جے ) افضل بٹ نے تقریب سے خطاب کرتے ہوئے کہا کہ اسپیکر قومی اسمبلی راجہ پرویز اشرف نے بطور اسپیکر ایک تاریخ ساز اسمبلی کو چلایا ہے۔ انہوں نے کہاہے کہ پاکستان کی تاریخ میں پہلی بار پارلیمنٹ اپنے پاؤں پر کھڑی نظر آئی ہے۔ انہوں نے کہا کہ پارلیمنٹ کو مضبوط بنانا کسٹوڈین آف دی ہاؤس کا کام ہوتا ہے۔ انہوں نے کہا کہ اسپیکرراجہ پرویز اشرف نے ایک حقیقی جمہوری اسپیکر ہونے کا ثبوت دیا ہے۔انہوں نے کہا کہ راجہ پرویز اشرف نے پارلیمنٹ کی طاقت کو باور کروا کر جمہوریت کو مضبوط کیا ہے۔

اسلام آباد: لاپتہ سابق پرنسپل سیکرٹری اعظم خان کا کوئی سراغ نہ مل سکا –

سابق پرنسپل سیکرٹری اعظم خان کی بازیابی کیلئے دائر درخواست پر سماعت ہوئی، چیف جسٹس عامر فاروق نے کیس کی سماعت کی
عدالتی حکم پر ایس ایس پی آپریشنز جمیل ظفر ہائی کورٹ میں پیش ہوئے،عدالت نے ایس ایس پی آپریشنز سمیت متعلقہ حکام کومزید ایک ہفتے کی مہلت دے دی عدالت نے ایس ایس پی آپریشنز کی مزید وقت دینے کی استدعا منظورکر لی-

عدالت نے کہا کہ کوشش جاری رکھیں، فیملی کے ساتھ بھی رابطہ رکھیں ، آئندہ سماعت پر پیش رفت سے آگاہ کریں ، عدالت نے اعظم خان کی فیملی کو پولیس کے ساتھ تعاون کی ہدایت کردی اسلام آباد پولیس نے پیش رفت رپورٹ اسلام آباد ہائیکورٹ میں جمع کرادی –

پاکستان کوآئی ایم ایف فنڈنگ کےعلاوہ اضافی فنانسنگ درکارہوگی،ریٹنگ ایجنسیز

پولیس حکام نے کہا کہ اعظم خان جس گاڑی میں اپنے گھر سے نکلے تھے وہ گاڑی مبینہ طور پر رجسٹرڈ ہی نہیں ،اعظم خان کی تلاش کیلئے تمام وسائل بروئے کار لائے جارہے ہیں ،ایس ایس پی آپریشنز نے کہا کہ معاملے کی خود نگرانی کر رہا ہوں ، عید کی وجہ سے اعظم خان کی فیملی سے ملاقات نہیں ہوئی ،اعظم خان انٹرنیشنل نمبر استعمال کر رہے تھے جو صرف وائی فائی سے استعمال ہوتا ہے ، انٹرنیشنل نمبر ہونے کی وجہ سے ٹریس کرنے میں دشواری ہے کوشش کر رہے ہیں تلاش جاری ہے-

اس جدید دور میں مذہبی جذبات کی توہین کی گنجائش نہیں ہونی چاہیے،صادق سنجرانی کا …

نمائندہ پولیس کاظم نیاز نے کہا کہ اعظم خان جس گاڑی میں گئے گاڑی 2017 ماڈل ہے جو رجسٹرڈ نہیں ہے، گاڑی کا نمبر نہ ہونے سے بھی ٹریس کرنے میں تکنیکی طور پر دشواری کا سامنا ہے –

وکیل قاسم ودود نے کہا کی جب تک ہائی آفیشل کو نہیں بلائیں گے تحقیقات آگے نہیں بڑھیں گی، چیف جسٹس نے کہا کہ ایس ایس پی آپریشنز خود نگرانی کر رہے ہیں انھیں وقت دے کر دیکھ لیتے ہیں ، عدالت نے پولیس کو مزید ایک ہفتے کی مہلت دیتے ہوئے سماعت اگلے ہفتے تک ملتوی کردی-

میں اپنے دل سے مٹاؤں گی تیری یاد مگر، تو اپنے ذہن سے پہلے نکال …