Tag: اسپیکر قومی اسمبلی

اسپیکر قومی اسمبلی راجہ پرویز اشرف سے اساتذہ کے وفد نے پیر کے روز پارلیمنٹ ہاؤس میں ملاقات کی جبکہ اس ملاقات میں اساتذہ نے اسپیکر قومی اسمبلی کو انہیں درپیش مسائل سے آگاہ کیا۔ اسپیکر قومی اسمبلی نے اساتذہ کو درپیش مسائل کو ترجیحی بنیادوں پر حل کرنے کی یقین دہانی کرائی جبکہ اسپیکر قومی اسمبلی نے کہا کہ مہذب اور تعلیم یافتہ معاشرے کی تعمیر میں اساتذہ کا کردار کلیدی اہمیت کا حامل ہے۔ انہوں نے کہا کہ اساتذہ کا ملک میں تعلیم کے فروغ کے لیے کردار قابلِ ستائش ہے۔اسپیکر نے کہا کہ اساتذہ کو ان کا جائز مقام دینا اور ان کو درپیش مسائل کو حل کرنا ضروری ہے۔

اعلامیہ کے مطابق اسپیکر نے کہا کہ پارلیمان نے ہمیشہ بالخصوص گزشتہ ڈیڑھ سال میں ملک میں تعلیم کے فروغ اور اساتذہ کے حقوق کے تحفظ کے لیے متعدد اقدامات اٹھائے ہیں۔ انہوں نے کہا کہ ملک کو ترقی اور خوشحالی کی راہ پر گامزن کرنے کے لیے تعلیم کا فروغ انتہائی اہمیت کا حامل ہے۔ انہوں نے کہا کہ ملک میں تعلیم کے فروغ کے لیے اساتذہ کا کردار اہم ہے

خیال رہے کہ اسپیکر قومی اسمبلی نے کہا کہ اساتذہ کو درپیش مسائل کو حل کیے بغیر تعلیم کا فروغ شرمندہ تعبیر نہیں ہو سکتا۔ اسپیکر نے کہا کہ گوجر خان اور بلخصوص خطہ پوٹھوہار کو جدید تعلیم سے آراستہ کرنا میرا دیرینہ خواب ہے۔ انہوں نے کہا کہ گوجر خان میں یونیورسٹی آف پنجاب پوٹھوہار کیمپس کا جلد اجراء ہونے جا رہا ہے۔ گوجر خان میں یونیورسٹی آف پنجاب پوٹھوہار کیمپس کے قیام سے طلباء کو اعلیٰ تعلیم حاصل کرنے کے مواقع فراہم ہونگے۔
مزید یہ بھی پڑھیں؛
جعلی پاسپورٹ اجراء معاملہ؛ تحقیقات کیلئے اعلیٰ سطحی کمیٹی تشکیل دے دی گئی
آسٹریلیا نے دو کٹوں‌کے نقصان پر 39 رنز بنا لیئے
نگران وزیرِ اعظم انوار الحق کاکڑ دورہ چین کیلئے بیجنگ پہنچ گئے
عمان کی رائل آرمی کے کمانڈر کی آرمی چیف سے ملاقات
سی ڈی اے افسران کے تبادلوں کے احکامات ہوا میں اڑا دیئے گئے
جبکہ اسپیکر قومی اسمبلی نے کہا کہ گوجر خان کے تعلیمی اداروں کے طلباء کو درپیش مسائل کے حل کے لیے موثر اقدامات اٹھائے جارہے ہیں۔ انہوں نے کہا کہ منگھوٹ ڈگری کالج برائے خواتین میں ٹرانسپورٹ کی فراہمی ایک دیرینہ مسئلہ تھا جس کو ترجیح بنیادوں پر حل کیا گیا جس سے طالبات کو درپیش سفری مشکلات کا خاتمہ ہوا ہے۔ اسپیکر نے کہا کہ طلباء کو تعلیم کے حصول میں درپیش تمام مسائل کے مستقل حل کے لیے دن رات کوشاں ہوں۔ انہوں نے کہا کہ تعلیم ہر بچے کا بنیادی حق ہے اور گوجر خان کے بچے کی تعلیم تک رسائی کو ممکن بنانے کے لیے ہر ممکن قدم اٹھایا جائے گا۔ اساتذہ کے وفد نے گوجر خان میں تعلیم کے فروغ اور طلباء کو درپیش مسائل کے حل کے لیے اٹھائے جانے والے اقدامات پر اسپیکر قومی اسمبلی راجہ پرویز اشرف کا شکریہ ادا کیا۔

اسلام آباد: اسپیکر قومی اسمبلی راجہ پرویز اشرف نے کہا ہے کہ خواتین کو زندگی کے تمام شعبوں میں برابر نمائندگی دے کر ملک کو ترقی کی راہ پر گامزن کیا جا سکتا ہے-

باغی ٹی وی: اسپیکر قومی اسمبلی راجہ پرویز اشرف نے وویمن پارلیمانی کاکس کے زیر اہتمام پریس کلب اسلام آباد میں منعقدہ تقریب میں شرکت کی اس موقع پر اسپیکر نے تقریب سے خطاب کرتے ہوئے کہا کہ صحافت ریاست کا چوتھا ستون ہے، صحافت اور پارلیمان کا چولی دامن کا ساتھ ہے۔انہوں نے کہا کہ صحافت کے بغیر پارلیمان مکمل نہیں ہوتا۔پارلیمان کی پریس گیلری ایوان کی کارروائی کو عوام تک پہنچانے میں کلیدی کردار ادا کر رہی ہے۔

اسپیکر نے زندگی کے تمام شعبوں میں خواتین کے کردار کو سراہتے ہوئے کہا کہ دنیا کے ترقی یافتہ معاشروں میں خواتین کا کردار کلیدی اہمیت کا حامل سمجھا جاتا ہے۔ انہوں نے کہا کہ خواتین کی شمولیت کے بغیر کوئی بھی معاشرہ ترقی نہیں کر سکتا۔انہوں نے کہا کہ ملک کو ترقی کی راہ پر گامزن کرنے کے لیے خواتین اور مردوں کو ایک دوسرے کے شانہ بشانہ کام کرنا ہو گا۔ انہوں نے کہا کہ خواتین کو ہر شعبے میں برابر نمائندگی دے کر ملک کو ترقی کی راہ پر گامزن کیا جا سکتا ہے۔ اسپیکر کا کہنا تھا کہ خواتین اراکین نے قانون سازی میں سب سے زیادہ حصہ لیا اور ایوان میں سو فیصد حاضری کو یقینی بنایا ہے۔

بلاول بھٹو کی ا سپیکر قومی اسمبلی کومبارکباد

اسپیکر نے کہا کہ میری سیاسی تربیت بھی ایک خاتون لیڈر نے کی ہے۔ اسپیکر نے کہا کہ پاکستان پیپلز پارٹی نے خواتین کو وزیراعظم، اسپیکر اور ڈپٹی اسپیکر بنانے کا اعزاز بخشا ہے۔ اسپیکر نے سیکرٹری وویمن پارلیمانی کاکس محترمہ شاہدہ رحمانی کی خدمات کو سراہا۔
اسپیکر نے کہا کہ سیاست میں رواداری اور مفاہمت کا دامن نہیں چھوڑنا چاہیے۔ سیاست میں تعصب اور ضد سے بالا تر ہو کر چلنا پڑتا ہے۔اسپیکر نے پارلیمان اور عوام کے درمیان رابطوں کے فروغ کی ضرورت پر زور دیتے ہوئے کہا کہ گزشتہ 13 ماہ میں قومی اسمبلی کو عوام کے لیے کھلا رکھا رہا ہے۔

اس موقع پر سیکرٹری وویمن پارلیمانی کاکس شاہدہ رحمانی نے اجلاس کو پارلیمانی کاکس سے متعلق آگاہ کرتے ہوئے بتایا کہ پاکستان پیپلز پارٹی کے سابق دور حکومت میں وویمن پارلیمانی کاکس کا قیام عمل میں لایا گیا۔ انہوں نے کہا کہ اسپیکر قومی اسمبلی راجہ پرویز اشرف نے وویمن پارلیمانی کاکس کے لیے گراں قدر تعاون کیا ہے۔ انہوں نے کہا کہ وویمن کاکس میں سب نے بطور ٹیم ورک ملکر کام کیا ہے۔ انہوں نے کہا کہ پاکستان میں خواتین کے مسائل بہت گھمبیر ہیں۔ ہم نے ملکر کوشش کی ہے کہ خواتین کو درپیش مسائل کو کم کیا جائے۔

بچوں کے مسائل ترجیحی بنیادوں پر حل کرنا ہمارا نصب العین ہونا چاہیے،راجہ پرویز اشرف

صدر پاکستان فیڈرل یونین آف جرنلسٹ (پی ایف یو جے ) افضل بٹ نے تقریب سے خطاب کرتے ہوئے کہا کہ اسپیکر قومی اسمبلی راجہ پرویز اشرف نے بطور اسپیکر ایک تاریخ ساز اسمبلی کو چلایا ہے۔ انہوں نے کہاہے کہ پاکستان کی تاریخ میں پہلی بار پارلیمنٹ اپنے پاؤں پر کھڑی نظر آئی ہے۔ انہوں نے کہا کہ پارلیمنٹ کو مضبوط بنانا کسٹوڈین آف دی ہاؤس کا کام ہوتا ہے۔ انہوں نے کہا کہ اسپیکرراجہ پرویز اشرف نے ایک حقیقی جمہوری اسپیکر ہونے کا ثبوت دیا ہے۔انہوں نے کہا کہ راجہ پرویز اشرف نے پارلیمنٹ کی طاقت کو باور کروا کر جمہوریت کو مضبوط کیا ہے۔

اسلام آباد: اسپیکر قومی اسمبلی راجہ پرویز اشرف نے پاکستان پیپلز پارٹی کے چیئرمین/ پارلیمانی رہنما اور وزیر خارجہ بلاول بھٹو زرداری سے ملاقات کی-

باغی ٹی وی : اسپیکر قومی اسمبلی راجہ پرویز اشرف نے نئی روایت قائم کرتے ہوئے قومی اسمبلی کی مدت پوری ہونے پر ایوان میں موجود جماعتوں کے پارلیمانی رہنماؤں سے ملاقاتوں کا فیصلہ کیا تھا دونوں رہنماؤں کے درمیان آج کی ملاقات اسی سلسلے کی ایک کڑی تھی ملاقات میں وزیراعلی سندھ سید مراد علی شاہ بھی موجود تھے۔

ملاقات میں سپیکر قومی اسمبلی راجہ پرویز اشرف نے پندرویں قومی اسمبلی کی کارروائی میں مثبت اور بامعنی کردار ادا کرنے پر ان کا اور جماعت کا شکریہ ادا کیا سپیکر نے کہا کہ پیپلز پارٹی کے مثبت رویے کی بدولت ملک میں جمہوریت مضبوط ہوئی اور ملک سیاسی اور معاشی استحکام کی طرف گامزن ہوا پارلیمان عوام کی امیدوں اور امنگوں کا محور ہے مجھے اس بات کی خوشی ہے کہ گزشتہ ڈیڑھ سال کے دوران آپکی رہنمائی میں پیپلز پارٹی نے مکمل دل جمی سے اپنی زمہ داریوں کو پورا کیا اور وہ فیصلے لئے جو عوام اور ملک کے لئے کارآمد ثابت ہوئے-

بجلی کی فی یونٹ قیمت 59 روپے تک کی بلند ترین سطح پر پہنچ گئی

بلاول بھٹو زرداری نے بھی اسپیکر قومی اسمبلی کو ایوان کی کاروائی احسن طریقے سے چلانے پر مبارکباد پیش کی اور انکے کردار کو سراہا بعد ازاں سپیکر کی طرف سے بلاول بھٹو زرداری کو موجودہ اسمبلی میں بھرپور اور مثبت کردار ادا کرنے کے اعتراف میں یادگاری شیلڈ بھی پیش کی۔

اگست کا مہینہ جیل میں، بشریٰ بی بی زمان پارک سے غائب

اسلام آباد: اسپیکر قومی اسمبلی راجہ پرویز اشرف کا پارلیمنٹ ہاؤس میں بچوں کے پارلیمانی کاکس کے رسمی افتتاح کے سلسلے میں منعقدہ تقریب سے خطاب۔

باغی ٹی وی : اسپیکر قومی اسمبلی راجہ پرویز اشرف نے پیر کے روز پارلیمنٹ ہاؤس میں پارلیمانی کاکس برائے چائلڈ رائٹس کے رسمی افتتاح کی منعقدہ تقریب سے خطاب کرتے ہوئے کہا کہ میرے لیے باعث اعزاز کی ہے کہ میں پاکستان کے بچوں کے مستقبل کے بارے میں بات کر رہا ہوں۔انہوں نے کہا کہ مہناز اکبر عزیز اور ان کی ٹیم نے بڑی محنت اور لگن سے بچوں کے کاکس کے لیے کام کیا ہے۔مہناز اکبر عزیز کی سربراہی میں کام کرنے والے کاکس نے آنے والی اسمبلی کے لیے بڑی حد تک کام کو آسان بنا دیا ہے بچے ہمارا مستقبل ہیں۔انہوں نے کہا کہا کہ پوری دنیا کی صرف پانچ پارلیمانو ں میں چلڈرن پارلیمنٹری کاکس قائم ہیں جس میں پاکستان بھی شامل ہے۔انہوں نے کہا کہ یہ بات ہمارے لیے باعث فخر ہے کہ ہم خواتین کاکس کےبعد بچوں کےحقوق کے تحفظ کے لیے پارلیمانی کاکس قائم کرنے میں کامیاب ہوئے ہیں۔انہوں نے کہا کہ بچوں کے مسائل ترجیحی بنیادوں پر حل کرنا ہمارا نصب العین ہونا چاہیے۔انہوں نے کہا پارلیمان میں بچوں کے کے لیے سمر انٹرن شپ پروگرام کا انعقاد کرکے ان کو پارلیمان ہونےوالی قانون سازی کے طریقہ کار اور پارلیمان میں سرانجام دیئے جانے والے دیگر امور سے روشناس کیا گیا ۔

سویلینزکے فوجی عدالتوں میں ٹرائل کیخلاف کیس کی سماعت کاحکمنامہ جاری

اسپیکر نے کہا کہ گزشتہ دنوں پاکستان کی پارلیمان میں بچوں کی موک اسمبلی منعقد ہوئی جس میں بچوں نے حقیقی پارلیمان کے ایوان کی کارروائی کی طرح سوالات و جوابات اور قانون سازی سے متعلق اجلاس منعقد کیا۔انہوں نے کہا کہ بچوں کی موک پارلیمنٹ کی کارروائی کو دیکھ کر دلی خوشی محسوس ہوئی۔انہوں نے کہا کہ پارلیمان پاکستان کی عوام کی دانشگاہ ہےہم نے پارلیمان کے دروازے عوام کے لیے کھول دیے ہیں انہوں نے کہا کہ پارلیمان کی ڈائمنڈ جوبلی کے موقع پر خواتین اور بچوں کو اپنے خیالات کا اظہار کرنے کا موقع فراہم کیا گیا۔انہوں نے کہا کہ پارلیمان سے عوام اور بلخصوص بچوں کا رابطہ آنے والی نسلوں کو قانونی سازی میں آگاہی فراہم کرنے میں معاون ثابت ہو گا۔

الیکشن کمیشن کی عمران خان کو پارٹی عہدے سے ہٹانے کی خبروں کی تردید

قبل ازیں کنوینر پارلیمنٹری کاکس برائے چائلڈ رائٹس محترمہ مہناز اکبر عزیز نے تقریب سے خطاب کرتے ہوئے بچوں کیلئے پارلیمانی کاکس کے قیام میں اسپیکر قومی اسمبلی راجہ پرویز اشرف اور قومی اسمبلی سیکرٹریٹ کے کردار کو سراہا۔انہوں نے کہا کہ پاکستان کے پارلیمان نے خواتین اور بچوں کے حقوق کے تحفظ کے لیے قانون سازی کی ہے۔پاکستان میں بچوں اور خواتین کو بہت مسائل کا سامنا رہا ہے۔انہوں نے کہا کہ موجودہ قومی اسمبلی میں قائم پارلیمانی کاکس نے اپنے 13 ماہ کے قلیل عرصے میں بچوں اور خواتین سے متعلق اہم قانون سازی کی ہے۔انہوں نے کہا کہ پاکستان کے بچوں کو بہترین مستقبل فراہم کرنا ہم سب کی مشترکہ زمہ داری ہے۔

بجلی کی فی یونٹ قیمت 59 روپے تک کی بلند ترین سطح پر پہنچ گئی

اسپیکر قومی اسمبلی راجا پرویز اشرف کا کہنا تھا کہ موجودہ اتحادی حکومت نے مشکلات کے باوجود عوام دوست بجٹ پیش کیا ہے، جب کہ مولانا فضل الرحمان کا کہنا ہے کہ ملک کو بحرانوں سے نکالنے کے لیے پارلیمان کا کردار کلیدی اہمیت کا حامل ہے۔ نجی ٹی وی کے مطابق جمعیت علمائے اسلام ف کے سربراہ مولانا فضل الرحمان نے اسپیکر قومی اسمبلی راجہ پرویز اشرف کے گھر جاکر ملاقات کی جبکہ ملاقات میں وفاقی وزیر برائے مواصلات مولانا اسعد محمود، خرم پرویز راجہ اور شاہ رخ راجہ بھی موجود تھے۔

واضح رہے کہ اس ملاقات میں اہم سیاسی اور معاشی امور پر تبادلہ خیال کیا گیا، جب کہ مولانا فضل الرحمان نے اسپیکر قومی اسمبلی سے گزشتہ دنوں پیش آنے والے حادثے سے متعلق خیریت دریافت کی۔ اسپیکر قومی اسمبلی راجا پرویز اشرف کا کہنا تھا کہ موجودہ اتحادی حکومت نے مشکلات کے باوجود عوام دوست بجٹ پیش کیا ہے، سابق حکومت نے ملک کو بحرانوں سے دو چار کیا۔
مزید یہ بھی پڑھیں؛
بہکی بہکی باتیں،عمران کی ذہنی حالت تشویشناک، مبشر لقمان کا اہم ویلاگ
آئی سی سی ورلڈ کپ سے پہلے دوسرا بڑا اپ سیٹ ہو گیا
عمران خان کیخلاف مقدمات کی تفصیلات فراہمی تک کاروائی روکی جائے، وکیل
یونان کشتی حادثہ کے بعد کاروائیاں،35 انسانی سمگلرز گرفتار
نومئی واقعات،خواتین کا فوجی عدالتوں میں ٹرائل نہیں ہو گا
سویڈن واقع پر سپریم کورٹ بار ایسوسی ایشن آف پاکستان نے فارن آفس میں مذمتی قرارداد جمع کرا دی
مولانا فضل الرحمان نے ایوان کی کارروائی خوش اسلوبی سے چلانے پر اسپیکر قومی اسمبلی کے کردار کو سراہتے ہوئے کہا کہ ملک کو بحرانوں سے نکالنے کے لیے پارلیمان کا کردار کلیدی اہمیت کا حامل ہے، موجودہ حکومت نے ملک میں معاشی استحکام لانے کے لیے اہم کردار ادا کیا ہے۔