Baaghi TV

Tag: الیکشنز

  • انڈین انٹیلی جنس سروسز نے پاک فوج کے ساتھ وہ نہیں کیا ہوگا جو عمران خان اور پارٹی نے کردیا،بھارتی تجزیہ نگار

    انڈین انٹیلی جنس سروسز نے پاک فوج کے ساتھ وہ نہیں کیا ہوگا جو عمران خان اور پارٹی نے کردیا،بھارتی تجزیہ نگار

    پاکستان تحریک انصاف کے چئیرمین عمران خان کے اداروں اور پاک فوج کے خلاف بیانات بھارتی میڈیا میں بھی زیر بحث ہیں-

    باغی ٹی وی : بھارتی خبررساں ادارے انڈیا ٹوڈے کے پروگرام میں بھارتی تجزیہ نگار سوشانت ترین نے شرکت کی جس میں پروگرام کے اینکر کی جانب سے سوال کیا گیا کہ کیا آپ جنتے ہیں کی پاکستان میں مارشل لاء لگانے کی کوششیں کی جا رہی ہےاگر پاکستان میں مارشل لاء لگ جائے تو اسے پاک فوج کا کیا بنے گا اسکی معیشت کا کیا بنے گا اور کیا آپ بتا سکتے ہیں پاکستان میں الیکشن وہ مئی میں ہوں گے یا اکتوبر میں ہوں گے اور کیا بنے گا اسکا؟-


    جس پر بھارتی تجزیہ نگار سوشانت ترین نے کہا کہ ملک میں مارشل لاء کا نفاذ حیران کن ہو گا انہیں نہیں لگتا کہ مارشل لاء لگانا درست ہو گا پاکستان اس کو کس طرح لے رہا ہے اور کس طرح اس کے ساتھ مقابلہ کرے گا اور میرا نہیں خیال کہ فوج ملک کے سیاسی اور معاشی بحران سے نکال سکے گی کیونکہ یہ سارا مسئلہ انہوں نے خود بنایا ہے-

    انہوں نے کہا کہ عمران خان اور اس کے لوگوں نے مل کر پاکستان کو دو حصوں میں تقسیم کر دیا ہے آرمی جیسے پہلے ایک یونٹ کی طرح کام کر رہی تھی اب نہیں کر رہی انہوں نے آرمی کواندر سے تقسیم کر رکھا ہے افسران ایک دوسرے پر مزید اعتماد نہیں کرتے عمران خان اور ان کی پارٹی کی جانب سے اداروں اور پاک فوج کو شدید تنقید کا نشانہ بنایا جا رہا ہے-

    سوشانت ترین نے مزید کہا کہ انڈین انٹیلی جسن اور انڈین تنقید نگاروں اور ٹوئتر کے لوگوں نے پاک آرمی کے خلا ف ایسی باتیں نہیں کی ہوں گی جس طرح کی باتیں عمران خان اور ان کے لوگوں نے عمران خان کے خلاف کی ہیں یہاں تک کہ ٹوئٹر پر ایک دوسرے کو گالیاں بھی دیتے ہیں اس طرح کے حالات میں اگر مارشل لاء لگ گئی تو لوگ گلیوں میں نکل آئیں گے اور بلوچستان اور کے پی کا جو علاقہ ہے مثلاٌ اس میں سول وار کا مسئلہ شروع ہو جائے گا جس میں لوگوں کو گرفتار نہیں کیا جا سکتا لوگ اپنی مرضی سے دنگے فساد کریں گے-

  • 9 رکنی بینچ کے3 رکنی رہ جانا اندرونی اختلاف اورکیس پرعدم اتفاق کا نتیجہ ہے،رانا تنویر

    9 رکنی بینچ کے3 رکنی رہ جانا اندرونی اختلاف اورکیس پرعدم اتفاق کا نتیجہ ہے،رانا تنویر

    شیخوپورہ: وفاقی وزیر تعلیم رانا تنویر حسین کا کہنا ہے کہ 9 رکنی بینچ کے 3 رکنی رہ جانے میں حکومت کا کوئی کردار نہیں ہے-

    باغی ٹی وی : شرقپور میں تقریب سے خطاب میں رانا تنویر حسین نے کہا کہ 9 رکنی بینچ کے3رکنی رہ جانے میں حکومت کا کوئی کردار نہیں، یہ اندرونی اختلاف اور کیس پر عدم اتفاق کا نتیجہ ہےاس پر فل کورٹ بنانے کا مطالبہ بالکل درست اور جائز ہے فل کورٹ کے ذریعے عدلیہ آئینی بحران سے نکلنے کی راہ تلاش کرے ورنہ آئینی اورسیاسی معاملات بند گلی میں چلے جائیں گے۔

    کراچی سے ٹورنٹو جانے والی پی آئی اے پروازکی اوسلو ائیرپورٹ پر ایمرجنسی لینڈنگ

    رانا تنویر نے کہا کہ حکومت میں شامل تمام اتحادی جماعتوں نے اتفاق رائے سے اس کیس کو نا قابل سماعت قرار دیا سیاسی جماعتوں کو سیاست کی بجائے ریاست کی مضبوطی اور آئین کی بالادستی کیلئے کردار ادا کرنا ہوگا پی ٹی آئی فاشسٹ جماعت بن چکی جسے جمہوری اقدار کا کوئی خیال نہیں، قوم بھی فیصلہ کرےکہ آئین و قانون کی بالادستی کی خاطر کردار ادا کرنا ہے یا آئین و قانون شکنوں کا ساتھ دینا ہے اب عمران خان جس طرح بات کریں گے، اسی طرح کا جواب ملےگا۔

    وزیراعظم کی زیرصدارت ن لیگ کی پارلیمانی پارٹی کا اجلاس آج ہوگا

    قبل ازیں میڈیا سے گفتگو کرتے ہوئے وفاقی وزیر تعلیم رانا تنویر حسین نےکہا کہ 3 مخصوص جج ہیں جو سیاسی فیصلے کرتےہیں، الیکشن کا فیصلہ فل کورٹ کو کرنا چاہیے جس کو ساری قوم تسلیم کرےاگر 3 جج فیصلہ کریں گےتو انتشاررہے گا، ہم تین ججز کے بینچ کا بائیکاٹ کر رہے ہیں، صدر علوی عمران خان کا آلہ کار بنا ہوا ہے۔

    بلوچستان: جلگئی سیکٹر میں شہید پاک فوج کے 4 جوانوں کی نماز جنازہ اور تدفین

    انہوں نے مزید کہا پارلیمنٹ نے جو بل پاس کیا ہے صدر اگر دستخط نہیں کرے گا تو 20 دن بعد قانون بن جائے گا، تمام سیاسی جماعتوں کی سوچ ہے کہ جنرل الیکشن ایک وقت میں ہونے چاہئیں، وزیر اعظم کے مفت آٹا فراہم کرنے کے فیصلے سے کروڑوں لوگ مستفید ہو رہے ہیں، عمران خان شیشے کے گھر میں بیٹھ کر پتھر مارتا ہے۔

  • 90 روز میں الیکشن نہ ہوئے تو قانون کسی کی حفاظت نہیں کرپائےگا،عمران خان

    90 روز میں الیکشن نہ ہوئے تو قانون کسی کی حفاظت نہیں کرپائےگا،عمران خان

    لاہور: چیئرمین پی ٹی آئی عمران خان نے آئین و قانون کی خاطر عوام اور وکلاء کو سڑکوں پر نکلنے کیلئے تیار رہنے کی ہدایت کردی۔

    باغی ٹی وی : تفصیلات کے مطابق زمان پارک سے ویڈیو نیوز کانفرنس میں عمران خان نے کہا کہ پی ڈی ایم کہہ رہی ہےکہ وہ سب سے بڑی عدالت کا فیصلہ نہیں مانےگی،جب یہ سپریم کورٹ کا فیصلہ نہیں مانیں گے تو اس کا کیا مطلب ہوگا؟ جو فیصلہ حق میں آئے انہیں مانیں جو حق میں نہ آئے اس کو نہیں مانیں گے؟، پی ڈٖی ایم کو خدشہ ہے کہ الیکشن ہار جائیں گے اس لیے فیصلہ نہیں مان رہی۔


    چئیرمین پی ٹی آئی نے کہا کہ سپریم کورٹ کا کام ہی آئین پر عمل درآمد کرانا ہے، الیکشن کرالیں، عوام کو فیصلہ کرنے دیں وہ کس کو چاہتےہیں؟ ملک میں آئینی بحران پیدا ہوچکا ہے اگر عوام آئین کے ساتھ نہ کھڑے ہوئے تو یہ ملک رہنے کے قابل نہیں رہےگا، اس طرح کے طاقتور مفرور لوگ اوپر بیٹھ کر فیصلے کریں گے،عوام کو آئین کےلیے باہرنکلنا پڑے گا،یہ حقیقی آزادی کا جہاد ہے۔


    عمران خان نے عوام سے درخواست کی کہ آپ سڑکوں پر باہر نکلنے کیلئے تیار ہوں اپنے آئین اور قانون کی حفاظت کیلئے ہم سب کو تیار ہونا چاہیئے ہم سب کو وڑکوں پر نکلنا چاہیئے خاص طور پر وکلا کو کیونکہ وکلا کے اوپر سب سے زیادہ ذمہ داری ہے آپوہ لیگل کمیونٹی ہیں جو جانتی ہے کہ آئین اور قانون کیا ہے آپ کو پتہ ہے کہ یہ کوششیں کیا ہو رہی ہیں یہ 90 دن سے باہر نکل کر کس طرف جا رہے ہیں میں آپ سب کو آج کہتا ہوں کہ یہ حقیقی آزادی حاصل کرنے کے لئے اصل جہاد ہے آزادی آتی ہے انصاف سے اور انصاف آپ کے بنیادی حقوق کی حفاظت کرتا ہے پاکستان میں کوئی بنیادی حقوق نہیں ہیں ہمارے 3100 ورکرز پکڑے ہیں یہ کسی بھی جمہوری ملک میں نہیں ہو سکتا کہ آپ پکڑ کر ان کو اغوا کر کے جیلوں میں ڈال دیں کیونکہ بنیادی حقوق کی خلاف ورزی ہو رہی ہے ایک دفعہ یہ اس طرف نکل گئے تو یہاں مجھے افسوس ی0ہ ہے کہ وہ پاکستان کے اندر کوئی بھی محفوظ نہیں رہے گا قانون کسی کی بھی حفاظت نہیں کرے گا-


    انہوں نے مزید کہا کہ ان کو اندازہ نہیں نوے دن میں الیکشن نہ ہوئے تو ملک کس طرف جائےگا؟ میرا سوال ہےکیااکتوبرمیں ملک کےحالات ٹھیک ہوجائیں گے؟اس وقت فنڈز کی کمی ہے تو اکتوبر میں بھی فنڈز کی کمی ہوگی، یاد رکھیں انصاف نہیں ہوگا ملک میں جنگل کا قانون ہوجائےگا۔


    سابق وزیراعظم نواز شریف کی گذشتہ روز کی جانے والے نیوز کانفرنس پر سخت ردعمل کا اظہار کرتے ہوئے عمران خان نے کہا کہ لندن میں بیٹھا مفرور برملا کہ رہا ہے کہ وہ تین ججز کا فیصلہ نہیں مانیں گے، میں قوم کے سامنے سوال رکھتا ہوں کہ نواز شریف کون ہوتے ہیں فیصلہ ماننے اور نہ ماننے والے،اسی نوازشریف کو عدالت نے بھی ‘سسلین مافیا’ کہا، جان لیں کہ نوازشریف کا مفاد پاکستان نہیں بلکہ ان کا پیسہ ہے۔

  • زلمے خلیل زاد کے عمران خان کے حق میں بیانات ،امریکہ کا لاتعلقی کا اظہار

    زلمے خلیل زاد کے عمران خان کے حق میں بیانات ،امریکہ کا لاتعلقی کا اظہار

    واشنگٹن: امریکہ نے زلمے خلیل زاد کے عمران خان کے حق میں بیانات سے لاتعلقی کا اظہار کرتے ہوئے بیانات کو ان کی ذاتی رائے قرار دیا-

    باغی ٹی وی:امریکی محکمہ خارجہ کے نائب ترجمان ویدانت پٹیل نے پریس کانفرنس میں افغانستان کے لیے سابق امریکی نمائندہ خصوصی زلمے خلیل زاد کے پاکستان کی سیاسی صورتحال سے متعلق بیانات پر وضاحت دیتے ہوئے کہا کہ زلمےخلیل زاد کے بیانات کا امریکی خارجہ پالیسی سے کوئی تعلق نہیں ہے اور زلمے خلیل زاد کا بیان انتظامیہ کی نمائندگی نہیں کرتا، زلمے خلیل زاد عام شہری ہیں اور ان کے بیانات ان کی ذاتی رائے ہے۔

    پی ٹی آئی پر آئندہ چند روز میں پابندی کے اشارے مل رہے ہیں،زلمے خلیل داد

    ترجمان نے کہا کہ تشدد، ہراسانی یا دھمکی کا سیاست میں عمل دخل نہیں، ہم سیاسی فریقین کو قانون کی عزت کرنے کی حوصلہ افزائی کرتے ہیں عوام کو آئینی اور جمہوری طریقے سے رہنماؤں کے انتخاب کا حق ملنا چاہیے۔

    واضح رہے کہ سابق امریکی نمائندہ خصوصی زلمے خلیل زاد کی جانب سے پی ٹی آئی اور عمران خان کے حق میں متعدد بیانات دیئے گئے تھے –

    زلمے خلیل زاد نے پاکستانی سیاسی صورتحال پر بیان جاری کرتے ہوئے کہا تھا کہ پاکستان کو تین بحرانوں کا سامنا ہے، یہ بحران سیاسی، اقتصادی اور سکیورٹی کے ہیں یہ سنجیدہ ، جرات مندانہ سوچ، اور حکمت عملی کا وقت ہے، سیاستدانوں کو جیلوں میں ڈالنا، پھانسی دینا، قتل کرنا غلط راستہ ہے۔

    زمان پارک میں بجلی چوری:عمران خان ایک اورمقدمےسےبچنا چاہتے ہیں تو بجلی کا بل ادا کریں،خرم دستگیر

    زلمے خلیل زاد نے کہا کہ ایسا لگتا ہے حکومت نے عمران خان کو ریاست کا دشمن نمبر ون بنانے کا فیصلہ کر لیا ہے  عمران خان کی گرفتاری سے پاکستان کا سیاسی,  اقتصادی اور سلامتی بحران مزید گہرا ہو گا پہلے ہی کچھ ممالک نے پاکستان میں سرمایہ کاری کو معطل کر دیا ہے  عالمی مالیاتی ادارے سے معاہدہ بھی غیریقینی کا شکار ہے، مذکورہ اقدامات سے پاکستان کیلئے عالمی حمایت میں مزید کمی آئے گی سیاسی پولرائزیشن اور تشدد بڑھنے کا امکان ہے۔

    زلمے خلیل زاد نے کہا تھا کخرابی کو روکنے کے لیے جون کے اوائل میں قومی انتخابات کے لیے ایک تاریخ مقرر کریں، جو پارٹی الیکشن جیتے گی اسے عوام کا مینڈیٹ حاصل ہو گا کہ کیا کرنا چاہیے، پاکستان میں الیکشن جلد کرا دیئے جائیں، اس پر پاکستانی دفتر خارجہ نے بھی احتجاج کیا تھا۔

    جج ارشد ملک ویڈیو کیس میں عمران خان اور ان کے پرنسپل سیکرٹری نے دباؤ ڈالا تھا،بشیر میمن

  • مریم نواز نے انتخابی فارم حاصل کرلیے

    مریم نواز نے انتخابی فارم حاصل کرلیے

    لاہور: رہنما ن لیگ مریم نواز گوجرانوالہ کےحلقہ پی پی 63 سے انتخاب لڑیں گی۔

    باغی ٹی وی: مریم نواز نے انتخابی فارم حاصل کرلیے ہیں جو کل ریٹرننگ آفیسر کے دفتر میں جمع کرائے جائیں گے فارم ن لیگ کے سٹی نائب صدر شعیب بٹ نے وصول کیے ، شعیب بٹ نے مریم نواز کے فارم وصول کرنے کی جیو نیوز کو تصدیق کردی ہے۔

    پنجاب اسمبلی کے انتخابات :حمزہ شہباز نے 3 حلقوں سے کاغذات نامزدگی جمع کرا دیئے

    انہوں نے بتایا کہ 2018 کے انتخابات میں پی پی 63 سے اشرف انصاری ایم پی اے منتخب ہوئے تھے، اشرف انصاری ن لیگ کےمنحرف اراکین میں رہے، بعد میں ن لیگ میں واپس آگئے تھے۔

    قبل ازیں پنجاب اسمبلی کے انتخابات کے لیے مسلم لیگ ن کے نائب صدر حمزہ شہباز نے 3 حلقوں سے کاغذات نامزدگی جمع کرا دیئے ہیں مسلم لیگ ن کے رہنما حمزہ شہباز نے بھی پنجاب اسمبلی کے انتخابات کے لیے 3 حلقوں سے اپنے کاغذات نامزدگی جمع کرائے ہیں، حمزہ شہباز نے پی پی 146، پی پی 147 اور پی پی 163 سے کاغذات نامزدگی جمع کرائے ہیں۔

    دفترخارجہ کا’’پاکستان میں انتخابات اورعمران خان کی گرفتاری‘‘ سےمتعلق کازلمےخلیل زاد کا بیان مسترد

    ذرائع کے مطابق مسلم لیگ ن کی چیف آرگنائزر مریم نواز بھی پنجاب اسمبلی کے انتخابات کے لیے لاہور سے الیکشن لڑیں گی۔

    خیال رہےکہ پنجاب اسمبلی کے انتخابات کے لیےکاغذات نامزدگی جمع کرانےکا سلسلہ جاری ہے قبل ازیں مسلم لیگ ن کے رہنما بلال یاسین نے پی پی 173 سے کا غذات جمع کرائے ہیں، اس موقع پر ان کا کہنا تھا کہ مریم نواز کو بھی اس حلقے سے الیکشن لڑنےکی دعوت دی ہے، مریم نواز نے اس حلقے سے کاغذات حاصل کیے ہیں۔

    خواتین کو حقوق کیلئے کاغذوں پر نعرے لکھ کر عورت مارچ کی شکل میں سڑکوں پر آنا پڑتا. شازیہ مری

  • الیکشن کمیشن میں پنجاب اورکے پی انتخابات کی تیاریوں پر آج اجلاس،وزیر اعلیٰ پنجاب محسن نقوی،چیف سیکریٹری ،آئی جی پنجاب بھی طلب

    الیکشن کمیشن میں پنجاب اورکے پی انتخابات کی تیاریوں پر آج اجلاس،وزیر اعلیٰ پنجاب محسن نقوی،چیف سیکریٹری ،آئی جی پنجاب بھی طلب

    الیکشن کمیشن کی جانب سے پنجاب اور خیبرپختونخوا انتخابات کی تیاریوں پر آج اجلاس طلب کیا گیا ہے-

    باغی ٹی وی: الیکشن کمیشن نے پنجاب اور خیبرپختونخوا انتخابات کے لیےتیاریوں سے متعلق فریقین کو بھی آج طلب کر لیا ہے چیف الیکشن کمشین کی جانب سے نگران وزیر اعلیٰ پنجاب محسن نقوی اور گورنر خیبرپختونخواغلام علی الیکشن کمیشن میں طلب کیا گیا ہے-

    آئی جی پنجاب، خیبرپختونخوا اور چیف سیکریٹری ، خیبرپختونخوا الیکشن کمیشن میں پیش ہوں گے،گورنر خیبرپختونخوا الیکشن تاریخ پر الیکشن کمیشن کے اہم مشاورتی اجلاس میں شرکت کریں گے،نگران وزیر اعلیٰ پنجاب محسن نقوی پنجاب میں الیکشن تیاریوں پر اجلاس میں شرکت کریں گے-

    محسن نقوی الیکشن کمیشن کو پنجاب میں انتخابات کی تیاریوں پر بریفنگ دیں گے،آئی جی پنجاب اور خیبرپختونخوا الیکشن کمیشن کو امن و امان کی صورتحال پر بریفنگ دیں گے،چیف سیکریٹری پنجاب اور خیبرپختونخوا صوبوں میں الیکشن کی انتظامی تیاریوں پر بریفنگ دیں گے-

    وزارت دفاع اور حساس اداروں کے افسران الیکشن کمیشن کے اجلاس میں شرکت کریں گے،پنجاب اور خیبرپختونخوا میں انتخابات سے متعلق امن و امان کی صورتحال کا تفصیلی جائزہ لیا جائے گا-

  • ضمنی انتخابات میں حصہ لینا ہے ہا نہیں مشاورت کے بعد فیصلہ کیا جائےگا،ذرائع پیپلز پارٹی

    ضمنی انتخابات میں حصہ لینا ہے ہا نہیں مشاورت کے بعد فیصلہ کیا جائےگا،ذرائع پیپلز پارٹی

    پاکستان ڈیموکریٹک موومنٹ (پی ڈی ایم) کی جانب سے ضمنی الیکشن میں حصہ نہ لینے کی تجویز پر پاکستان پیپلز پارٹی(پی پی پی) نے مشاورت کا فیصلہ کیا ہے۔

    باغی ٹی وی: ذرائع کے مطابق پیپلز پارٹی کی جانب سے ضمنی انتخابات کے لیے اپنے نامزد امیدواروں سے مشاورت کی جائےگی نامزد امیدواروں سے مشاورت کے بعد ضمنی انتخابات میں حصہ لینے یا نہ لینےکا فیصلہ کیا جائےگا۔

    کوہاٹ: نامعلوم افراد کی فائرنگ سے ایک خواجہ سرا ہلاک دو زخمی

    واضح رہےکہ ایک روز قبل پیپلز پارٹی کی قیادت سے پی ڈی ایم رہنماؤں کی ورچوئل میٹنگ ہوئی تھی جس میں پی ڈی ایم رہنماؤں کی جانب سے پیپلز پارٹی کو ضمنی انتخابات میں حصہ نہ لینے کی تجویز پیش کی گئی تھی۔

    چیئرمین پیپلز پارٹی بلاول بھٹو زرداری کی زیر صدارت پی پی پی کے سینئر رہنماؤں پر مشتمل پارلیمانی بورڈ کا اجلاس ہوا تھا جس میں پی ڈی ایم کی تجویز زیر بحث آئی اجلاس میں ضمنی انتخابات میں حصہ نہ لینے کی تجویز پرمختلف آراء سامنے آئیں،پیپلز پارٹی نے ضمنی انتخابات میں حصہ لینے یا نہ لینے کے لیے مشاورت آگے بڑھانے کا فیصلہ کیا تھا-

    دریاؤں اور آبی ذخیروں میں پانی کی صورتحال

  • کون سے حکومتی عہدیداران سینیٹ ٹکٹ کے خواہشمند؟

    کون سے حکومتی عہدیداران سینیٹ ٹکٹ کے خواہشمند؟

    پنجاب میں سینیٹ الیکشنز کامیابی کے لئے تحریک انصاف کے رابطوں میں تیزی دیکھنے میں آرہی ہے-‏ پنجاب میں سینیٹ کیلئےپارٹی اورحکومتی عہدوں پرفائزرہنماٹکٹ کےخواہشمند‏ ہیں-

    ذرائع‏ سے معلوم ہوا ہے کہ سینٹرل پنجاب سےعمرسرفراز چیمہ،اعجازچودھری ،ظہیر عباس ٹکٹ کےخواہشمندہیں- نارتھ پنجاب سےسیف اللہ نیاز ی،ساوتھ پنجاب سےجلال الدین رومی ٹکٹ کےخواہشمند ہیں- ڈاکٹرزرقا،تنزیلہ عمران،جمشیداقبال چیمہ بھی ٹکٹ کےلئےکوشاں،،ذرائع‏سینیٹ ٹکٹ کے خواہشمند نظر آرہے ہیں- حکومتی رہنماوں میں بابراعوان ،شہزاد اکبر شامل ہیں- ثانیہ نشتر، کے نام بھی متوقع امیدواروں میں شامل ہے- ق لیگ کےاتحادی کامل علی آغا کےٹکٹ کی منظوری عمران خان پہلےہی دےچکے ہیں-