Baaghi TV

Tag: الیکشن

  • عمران خان17 تاریخ تک الیکشن مہم چلائیں گے،پی ٹی آئی ہی جیتے گی:شیخ رشید

    عمران خان17 تاریخ تک الیکشن مہم چلائیں گے،پی ٹی آئی ہی جیتے گی:شیخ رشید

    راولپنڈی :شیخ رشید نے کہا ہے کہ عمران خان 17 تاریخ تک الیکشن مہم چلائیں گے۔اطلاعات کے مطابق سابق وزیر داخلہ شیخ رشید نے کہا ہے کہ سپریم کورٹ کا آئینی اور قانونی فیصلہ ہے، دونوں پارٹیوں کو قبول ہے، 17 جولائی کے الیکشن پر سارے ملک کی نظریں ہیں۔

    انہوں نے کہا کہ امید ہے یہ الیکشن دھاندلی سے پاک الیکشن ہوں گے، کل کا جلسہ تاریخی ہوگا، عمران خان17 تاریخ تک الیکشن مہم چلائیں گے، 17 جولائی کے الیکشن میں پی ٹی آئی بھاری اکثریت سے جیتے گی۔چیف جسٹس عمر عطا بندیال نے کیس کی سماعت کرتے ہوئے فیصلہ دیا کہ وزیراعلیٰ پنجاب کا دوبارہ انتخاب 22 جولائی کو ہوگا۔

    تفصیلات کے مطابق وزیراعلی پنجاب کے انتخاب میں ووٹوں کی دوبارہ گنتی سے متعلق سماعت میں سپریم کورٹ نے حمزہ شہباز اوراسپیکر پنجاب اسمبلی چوہدری پرویزالٰہی کوسپریم کورٹ لاہور رجسٹری میں ویڈیو لنک سے سماعت میں طلب کیا۔

    چیف جسٹس پاکستان نے کہا کہ تفصیلی فیصلہ بعد میں جاری کیا جائے گا۔ 22 جولائی تک وزیر اعلیٰ حمزہ شہباز شریف ہی رہیں گے۔وکیل پی ٹی آئی امتیاز صدیقی نے عدالت میں بیان دیا کہ حمزہ شہباز دوبارہ الیکشن تک وزیراعلی رہیں گے۔ پنجاب حکومت سے بات ہو گئی ہے، ضمنی الیکشن کے بعد وزیراعلی کا الیکشن ہو تواعتراض نہیں۔

    عدالت نے ریمارکس دیے کہ صوبے میں 2 اجلاس چل رہے ہیں اس کا کیا کریں گے؟ وکیل پی ٹی آئی نے جواب دیا کہ اسمبلی کا اجلاس ایک ہی ہوگا۔

    چودھری پرویز الٰہی نے کہا کہ ہمارا بھائیوں جیسا تعلق ہوگا، اسمبلی میں بالکل مختلف ماحول ہوگا جس پر چیف جسٹس نے کہا کہ میرے خیال میں ایک نیا دورہوگا، اللہ کا شکر ہے ہم مخالف سیاسی گروپوں کے درمیان افہام و تفہیم کے ساتھ معاملہ حل کرسکے۔

    وکیل بابر اعوان نے کہا کہ عمران خان سے ہدایت لی ہیں۔ عمران خان حکومت کی قانونی حیثیت سے متاثر ہوئے بغیر پنجاب میں شفاف الیکشن چاہتے ہیں۔ عمران خان چاہتے ہیں کہ آئی جی پنجاب، الیکشن کمیشنر، چیف سیکرٹری پنجاب قانون کے مطابق عمل کریں۔انھوں نے کہا کہ نگران وزیراعلی کوئی ایسا حکم یا ہدایت جاری نہیں کرے گا۔ نگران وزیراعلی کوئی ایسا کام نہیں کریں گے جس سے الیکشن متاثرہو۔ کوئی بھی ترقیاتی فنڈز استعمال نہیں کیے جائیں گے۔

    چیف جسٹس پاکستان نے ریمارکس دیے کہ ہم نہیں چاہتے کہ آپ ہمارے پاس واپس آئیں، ہم انتخابی ضابطہ اخلاق پر سختی سے عملدرآمد کا حکم دے دیتے ہیں۔جسٹس اعجاز الاحسن نے کہا کہ تمام بیورو کریسی عین قانون کے مطابق عمل کرے گی۔ ہم یہ بھی حکم کر دیتے ہیں کہ آپ کو ہراساں نہ کیا جائے۔

  • سندھ میں بلدیاتی الیکشن ،پیپلزپارٹی نے واضح برتری کے ساتھ میدان مار لیا

    سندھ میں بلدیاتی الیکشن ،پیپلزپارٹی نے واضح برتری کے ساتھ میدان مار لیا

    سندھ میں بلدیاتی الیکشن کا پہلا مرحلہ مین پولنگ کے بعد نتائج آنے کا سلسلہ جاری ہے جبکہ 946 امیدوار بلا مقابلہ منتخب ہوگئے۔سندھ کے 14 اضلاع میں پہلے مرحلے کے بلدیاتی انتخابات کے اب تک کے غیر حتمی غیر سرکاری نتائج میں پاکستان پیپلزپارٹی نے واضح برتری کے ساتھ میدان مار لیا۔

    باغی ٹی وی کی رپورٹ کے مطابق پولنگ کا وقت صبح 8 بجے سے شام پانچ بجے تک جاری رہا تاہم کچھ حلقوں میں ووٹنگ کا عمل معطل ہونے کی وجہ سے الیکشن کمیشن نے پولنگ کا وقت 7 بجے تک بڑھا دیا تھا۔سندھ کے 14 اضلاع میں پہلے مرحلے کے بلدیاتی انتخابات کے لیے پولنگ ہوئی، 5331 نشستوں پر 21298 امیدوار مدمقابل آئے جب کہ 946 نشستوں پر امیدوار پہلے ہی بلامقابلہ کامیاب ہوچکے ہیں۔

    اب تک کے غیر حتمی غیر سرکاری نتائج کے مطابق 14 ڈسٹرکٹ کونسلز کی نشستوں میں 7اضلاع میں پیپلزپارٹی واضح اکثریت کے ساتھ آگے ہے، پی پی مجموعی 2189 نشستوں کےساتھ پہلے نمبر پر جبکہ جمیعت علما اسلام 64 اور گرینڈ ڈیموکریٹک الائنس (جی ڈی اے) نے 43 سیٹیں حاصل کیں جبکہ پی ٹی آئی 13 امیدوار کامیاب ہوئے۔

     

    سندھ میں بلدیاتی انتخابات :ہمارے امیدواروں کو ووٹ دیں:عمران خان، بلاول کی اپیل

     

    کشمورمین ٹاؤن کمیٹی گڈو کی وارڈ نمبر 7 کے مکمل غیر سرکاری غیر حتمی نتیجہ کے مطابق آزاد امیدوار محراب علی مزاری 37 ووٹ لے کر کامیاب ہوگئے، جماعت اسلامی کے امیدوار عبید اللہ 18 ووٹ لیکر دوسرے نمبر پر رہے۔ٹاؤن کمیٹی گڈو کی وارڈ 8 کے مکمل غیر سرکاری غیر حتمی نتیجہ کے مطابق ایس یو پی کے امیدوار 50 ووٹ لے کر کامیاب ہوگئے، پیپلزپارٹی امیدوار زبیر احمد 49 ووٹ لیکر دوسرے نمبر پر رہے۔کشمور ٹاؤن کے 11وارڈز میں سے 7 امیدوار پر پاکستان پیپلز پارٹی کے امیدوار بنا مقابلہ کامیاب ہوگئے تھے۔۔

    کشمور ٹاؤن کے بقیہ 4 وارڈ ز پر بھی پی پی پی نے مکمل طور پر سوئیپ کرلیا۔۔گڈو ٹاؤن کے ایک وارڈ پر سندھ یونائیٹڈ پارٹی، جبکہ ایک وارڈ پر جماعت اسلامی، 2وارڈز پر آزاد امیدوار غیر حتمی غیر سرکاری نتائج پر کامیاب قرار پائے۔کشمورمیں بخشاپور ٹاؤن کے 3وارڈز پر تحریک انصاف کےرهنما میر غالب حسین ڈومکی کے بیٹے سالار خان ڈومکی ر غیر حتمی غیر سرکاری نتیجے پرکامیاب قرار پائے۔ پاکستان تحریک انصاف کشمور کے ضلعی صدر حنیف خان ڈومکی بھی وارڈ نمبر3سے غیر حتمی و غیر سرکاری نتیجے پر کامیاب قرار پائے.
    ٹنڈو جان محمد کے 8 وارڈ میں پپلزپارٹی کے امیدوار بلا مقابلہ کامیاب ہوچکے ہیں.وارڈ نمبر 7: پی پی پی امیدوار شہزاد احمد 297 ووٹ لے کر کامیاب ہوئے،وارڈ نمبر 12 : پی پی پی پی کے امیدوار شہزاد حسین 505 ووٹ لے کر کامیاب جبکہ آزاد امیدوار راجیش کمار 185 ووٹ لے کر دوسرے نمبر پرہیں، وارڈ نمبر 10 سے پی پی پی امیدوار محمد اسماعیل 325 ووٹ لے کر کامیاب جبکہ آزاد امیدوار اللھ رکھیو 87 ووٹ لے کر دوسرے نمبر پر۔وارڈ نمبر 3 سے آزاد امیدوار صداقت ذوالفقار علی آرائیں 575ووٹ لے کر کامیاب جبکہ پی پی پی امیدوار 551 ووٹ لے کر دوسرے نمبر پرہیں.

    الیکشن مہم میں سرکاری مشینری کا بے دریغ استعمال کیا گیا،علی زیدی

    خیرپورٹاؤن کمیٹی کوٹ ڈیجی کے وارڈ نمبر 8 کے مکمل غیر سرکاری غیر حتمی نتیجہ کے مطابق جی ڈی اے امیدوار میر ڈنل تالپور 954 وقار لیکر کامیاب ہوئے، پیپلز پارٹی کے امیدوار سید انوار علی شاہ 348 ووٹ لیکر دوسرے نمبر پر رہے۔ میونسپل کمیٹی خیرپور کی وارڈ نمبر 15 کے مکمل غیر سرکاری غیر حتمی نتیجہ کے مطابق پیپلز پارٹی کے غلام حسین مغل 1304 ووٹ لے کر کامیاب ہوئے، آزاد امیدوار منصور اقبال شیخ 408 لے کر دوسرے نمبر پر رہے۔ میونسپل کمیٹی وارڈ 17 کے مکمل غیر سرکاری غیر حتمی نتیجہ کے مطابق پیپلزپارٹی کے امیدوار اصغر شیخ 1149 ووٹ لیکر کامیاب ہوئے، آزاد امیدوار مجید شیخ 356 ووٹ لیکر دوسرے نمبر پر رہے۔

    شہداد کوٹ میونسپل کمیٹی کے وارڈ نمبر 3 کے مکمل غیر سرکاری غیر حتمی نتیجہ کے مطابق پیپلز پارٹی کے امیدوار طارق حسین بروہی 272 ووٹ لیکر کامیاب ہوگئے، آزاد امیدوار دلاور خان کھوسو 147 ووٹ لیکر دوسرے نمبر پر رہے۔

    پولنگ کے دوران مختلف علاقوں میں دنگے فساد کے واقعات بھی پیش آئے، نوشہرو فیروز کے علاقے بھریاسٹی میں ووٹرز کے درمیان تصادم ہوا، پولنگ کچھ دیر کیلئے روکی گئی جبکہ پولیس کی اضافی نفری کو طلب کیا گیا۔

    کندھ کوٹ میں جے یو آئی (ف) اور پیپلزپارٹی کے کارکنوں کے مابین لاٹھیاں چل گئیں، تصادم کا واقعہ میونسپل کمیٹی وارڈنمبر 10 میں پیش آیا جہاں لاٹھیاں لگنے سے 30 کارکن زخمی ہو گئے جبکہ متعدد گاڑیوں کو نقصان پہنچا، جھگڑے کی اطلاع پر پولیس کی بھاری نفری موقع پر پہنچ گئی اور حالات پر قابو پا لیا، ٹھل کی یوسی 28 پر پیپلزپارٹی اور جے یو آئی ف کے کارکنان میں فائرنگ کا تبادلہ ہوا، سات افراد زخمی اور تین گاڑیوں کو نقصان پہنچا۔

  • مبشر لقمان نے بڑی خوشخبری سنا دی،اچھا وقت کب شروع ہو گا، الیکشن کب ہونگے؟

    مبشر لقمان نے بڑی خوشخبری سنا دی،اچھا وقت کب شروع ہو گا، الیکشن کب ہونگے؟

    مبشر لقمان نے بڑی خوشخبری سنا دی،اچھا وقت کب شروع ہو گا، الیکشن کب ہونگے؟
    باغی ٹی وی کی رپورٹ کے مطابق سینئر صحافی و اینکر پرسن مبشر لقمان نے کہا ہے کہ نہ ملک کی قسمت تبدیل ہو گی نہ عمران خان کی الیکشن اگلے سال ہوں گے عمران خان حکومت نے آئی ایم ایف سے معاہدے کئے اور پھر عمل نہیں کیا پاکستان اس وجہ سے بلیک لسٹ ہونے لگا تھا۔چین قطر سمیت سب نے امداد کو آئی ایم ایف سے مشروط کر دیا تھا

    مبشر لقمان آفیشیل یوٹیوب چینل پر بات کرتے ہوئے مبشر لقمان کا کہنا تھا کہ سعودی عرب کو ترکی سے ہاتھ ملانا پڑ گیا حالانکہ جمال خشوگی کے قتل کا الزام تھا ۔ اب معیشت بہتر کرنے کے لیے دونوں مل رہے ہیں۔پاکستان کی حکومت کے لئے بھی مشکل فیصلہ تھا کہ یا مشکل فیصلے کریں یا ڈیفالٹ ہو جائیں اتحادیوں نے فیصلہ کر لیا تھا کہ ہم نے شرائط ماننی ہیں اور دکھانا ہے کہ ذمہ دارانہ ملک ہیں۔ کل ڈالر کم ہوا آج سٹاک مارکیٹ کریش ہوئی جس کی وجہ کچھ اور ہے بتایا یہ جا رہا ہے کہ ٹیکس بڑھایا گیا ہے۔ اصل وجہ یہ ہے کہ فارن انویسٹرزجو ہیں جب ڈالر گرا ہے تو انہوں نکالنے کی کوشش کی اسکی وجہ سے بھی ایسا ہوتا ہے کچھ دنوں میں یہ سٹیبل ہو جائے گا۔

    مبشر لقمان کا مزید کہنا تھا کہ عمران خان لانگ مارچ دوبارہ نہیں کر سکے پہلا یہ مکمل نہیں کر سکے تھے، دوسرا اب کر نہیں سکتے، عمران خان نے آج ضمانت بھی کروا لی ہر وہ کام جس کا دعوٰی کرتے ہیں نہیں کروں گا اسکو کر رہا ہے عمران خان۔ اب حکومت پر پریشر کم ہو رہا ہے عمران خان کی سپورٹ بھی کم ہو رہی ہے ۔ عمران خان کے لیے اب کوئی باہر نہیں نکل رہا سب کو پتہ ہے کہ یہ خود بنی گالہ بیٹھا ہے بزدار لاہور سے دھرنے کے لیے نہیں گیا بندے لے کر نہیں گیا وسیم اکرم پلس کی پارٹی کے لوگ خود نہیں نکلے ۔ یہ لمحہ فکریہ ہے انکے لیے

    مبشر لقمان کا مزید کہنا تھا کہ عثمان بزدار کو مارنا کس نے ہے اسکی حیثیت کیا ہے وہ بے ضرر چیز ہے کرپشن کر سکتا ہے دبا کر کی۔ انکو سیکورٹی کیوں چاہئے کیا کیا ہے ان لوگوں نے ۔ ایسے بھی وزیراعلی رہے پنجاب کے جنہوں نے وزیراعلی ہوتے ہوئے سیکورٹی نہیں لی۔ جتنی کرپشن کی اب بزدار عدالت پہنچ گئے ہیں اگر وہ رکشہ پر بھی جائیں گے تو کوئی فون نمبر بھی نہیں پوچھے گا۔

    مبشر لقمان کا مزید کہنا تھا کہ ابھی بھی لوگ عمران خان کے ساتھ ہیں لیکن وہ اسکو جھوٹا سمجھتے ہیں وہ عمران خان ہے ساتھ نہیں نواز شریف اور آصف زرداری کے خلاف ہیں۔ لوگ کہتے ہیں عمران کو ہٹانا ہے ہٹا دو ان میں سے کسی کو نہ بناو اب سیاسی نہ بنائیں تو کس کو بنائیں۔ ابھی تک عمران خان نے یہ نہیں بتایا کہ انکی حکومت نے کیا کیا ۔ کوئی کارکردگی تو بتائیں۔کچھ نہ کرتے تو کم از کم کرپشن تو نہ کرتے۔ نفرت کا بیانیہ پھیلایا یے عمران خان نے۔ ہیومن رائٹس کی وائلیشن کی۔ کرونا کا فائدہ ہوا تھا عمران خان کو ۔یہ دیوالیہ دو سال پہلے ہو جانا تھا کرونا کی وجہ سے بچت ہو گئی لون ری سٹرکچر ہو گئے حج اور عمرہ ڈھائی سال بند رہے 12 بلین ڈالر بچے ۔اوورسیز ٹریولنگ رک گئی تھی۔ کرونا میں اچھا کام ایکسپورٹ بڑھانا یہ کارکردگی کہ وجہ سے نہیں اور وجہ سے۔ کارکردگی تھی تو وزیر خزانہ۔چیئرمین ایف بی آئی سیکرٹری خزانہ کیوں بدل دیا عمران خان نے پونے چار سال میں کونسا کام کیا ہے جس کی وجہ سے وہ عوام کے سامنے آئیں۔ اب جو باتیں کر رہے ہیں وہ بھی ان کی دیکھ لیں انکی ذات محدود ہے ۔ یہ عمران خان کا بیان ہے کہ اگر انکو حکومت میں لانا تھا ملک کو نیوکلیر بم مارنا تھا ۔ وہ کہتا ہے کہ میں نہیں تو کوئی نہیں وہ کسی کو اقتدار میں نہیں دیکھ سکتا ۔ ایک طرف اسمبلی سے استعفے دے رہے ہیں تو دوسری طرف ضمنی الیکشن لڑ رہے ہیں تنخواہیں کیوں لے رہے ہیں استعفے دے دئیے ہیں۔

    الیکشن کیلیے تیار،تحریک انصاف کا مستقبل تاریک،حافظ سعد رضوی کا مبشر لقمان کوتہلکہ خیز انٹرویو

  • الیکشن کمیشن سے ووٹوں کی منتقلی پر تفصیلات مانگنے کی استدعا کردی۔ پرویز خٹک

    الیکشن کمیشن سے ووٹوں کی منتقلی پر تفصیلات مانگنے کی استدعا کردی۔ پرویز خٹک

    تحریک انصاف نے صوبائی الیکشن کمیشن سے ووٹوں کی منتقلی سے متعلق تفصیلات مانگنے کی استدعا کردی ہے۔

    تحریک انصاف خیبرپختونخوا کے صدر پرویز خٹک نے الیکشن کمیشن کو ایک خطہ بھیجا ہے جس میں خیبرپختونخواہ میں ووٹوں کی منتقلی بارے تفصیلات مانگنے کی استدعا کی ہے۔

    نجی چینل جیو نیوز کے مطابق: تحریک انصاف خیبرپختونخوا کے صدر اور سابق وزیر دفاع پرویز خٹک نے لکھا ہے کہ شکایات ملی ہیں کہ الیکشن کمیشن نے حکومت کی ملی بھگت سے اکثر ووٹ دوسرے حلقوں میں منتقل کردیے تھے جس سے ان کی جماعت تحریک انصاف کو نقصان پہنچانے کے لیے بغیر اجازت اور انکی منشاء کے متعدد ووٹرز کو دوسرے حلقوں میں منتقل کر لیا گیا ہے۔

    انہوں نے خط میں مزید پوچھا ہے کہ: الیکشن کمیشن نے تعداد میں کل کتنے ووٹرز کے ووٹ منتقل کیے اور کتنے ووٹرز کی اپنی مرضی یا درخواست پر ووٹ منتقل کئے گئے۔

    سابق وزیر دفاع نے خط میں الیکشن کمیشن سے ووٹرز کی منتقلی کی تفصیلات فراہم کرنے کی استدعا کی ہے۔ اور انہیں کہا ہے کہ ہمیں یہ تفصیلات فراہم کی جانی چاہئے 

  • سینیٹ الیکشن ویڈیواسکینڈل: تحریک انصاف کے رہنماء کی درخواست خارج

    سینیٹ الیکشن ویڈیواسکینڈل: تحریک انصاف کے رہنماء کی درخواست خارج

    اسلام آباد ہائیکورٹ نے سینیٹ الیکشن ویڈیو اسکینڈل کے معاملے میں الیکشن کمیشن کا فیصلہ درست قرار دیتے ہوئے پی ٹی آئی رکن اسمبلی فہیم خان کی درخواست خارج کردی۔

    پی ٹی آئی رکن اسمبلی فہیم خان کی فوجداری مقدمہ درج کرنے کے حکم کے خلاف دائر درخواست پر چیف جسٹس اطہر من اللّٰہ نے سماعت کی۔

    چیف جسٹس اسلام آباد ہائیکورٹ جسٹس اطہر من اللّٰہ نے درخواست ناقابل سماعت قرار دے کر خارج کی۔
    واضح رہے کہ سینیٹ الیکشن میں علی حیدر گیلانی کی ویڈیو سامنے آئی تھی جس کے بعد الیکشن کمیشن نے علی حیدر گیلانی کےخلاف فوجداری کارروائی کا حکم دیا تھا۔

    الیکشن کمیشن نے ویڈیو بنانے والے پی ٹی آئی کے فہیم خان اور کیپٹن ریٹائرڈ جمیل کے خلاف بھی کارروائی شروع کی، اس پر فہیم خان نے اپنے خلاف کارروائی کو ہائیکورٹ میں چیلنج کیا تھا

  • ‏جب تک شفاف الیکشن کا اعلان نہیں ہوتا ہمارا احتجاج جاری رہے گا:عمران خان

    ‏جب تک شفاف الیکشن کا اعلان نہیں ہوتا ہمارا احتجاج جاری رہے گا:عمران خان

    اسلام آباد:پاکستان تحریک انصاف کے چیئرمین اور سابق وزیر اعظم عمران خان نے ملک بھر میں مہنگائی کیخلاف احتجاج سے ویڈیو لنک پر خطاب کرتے ہوئے کہا کہ حکومت نے ہر چیز کی قیمتوں میں ہوشربااضافہ کردیا ہے۔ان کا کہنا تھا کہ ‏جب تک شفاف الیکشن کا اعلان نہیں ہوتا ہمارا احتجاج جاری رہے گا

    انہوں نے کہا کہ ہم جب اقتدار میں آئے تو اس وقت ملک بہت مشکل میں تھا، یہ لوگ پاکستان کو خسارے میں چھوڑ کر گئے تھے۔ کورونا بحران کے دوران ہم نے معیشت کو تباہی سے بچایا جبکہ پی ٹی آئی حکومت نے غریب عوام کو صحت کارڈ بھی فراہم کیا۔عمران خان کا کہنا تھا کہ جدوجہد ہماری بہتری کیلئے ہوتی ہے اور اپنےحقوق کیلئے باہرنکلنا جہاد ہے جبکہ پرامن احتجاج ہماراجمہوری حق ہے۔انہوں نے کہا کہ ڈیزل کی قیمت میں 120روپے اضافہ کیا گیا اور اب بجلی کا بل آئے تو سب کو لگ پتہ جائے گا کہ بم پھٹا ہے یا نہیں۔

    عمران خان کے قتل کی سپاری دے دی گئی، فیاض الحسن چوہان کا دعویٰ

    سابق وزیر اعظم کا یہ بھی کہنا تھا کہ ڈیزل مہنگا ہونے سے کسانوں کو بہت نقصان ہورہا ہے اور اگر کسان متاثر ہوگا تو فوڈ سیکیورٹی کا مسئلہ پیدا ہوگا۔عمران خان نے کہا کہ ہمارے دور میں پیٹرول 12روپے بڑھا تو انہوں نے لانگ مارچ کیے، ہم نے پیٹرول کی قیمت 10روپے بڑھانے کی بجائےکم کرکے ریلیف دیا تھا لیکن موجودہ حکومت نے آتے ہی پیٹرول کی قیمت میں84روپے کا اضافہ کردیا۔انہوں نے یہ بھی کہا کہ اس وقت پاکستان کی معیشت تیزی سےنیچےجارہی ہے، کہا گیا آئی ایم ایف کی وجہ سے پیٹرول کی قیمتیں بڑھائی گئیں، ہم نےآئی ایم ایف سے معاہدہ کیا لیکن قوم کاخیال رکھا

    عمران خان نے اتوار رات 9 بجےاحتجاج کی کال دے دی

    عمران خان کا کہنا تھا کہ ہمیں پتہ تھا کہ ان کے پاس قابلیت نہیں یہ صرف اپنےکیسز ختم کرنے کے لئے اقتدار میں آئے، امریکا سے سازش ہوئی اور یہاں میرجعفر اور میرصادق ساتھ مل گئے، میں نےکہا تھاکہ اگر سازش کے تحت حکومت کو گرادیا گیا توسنبھالا نہیں جائےگا۔ان کا یہ بھی کہنا تھا کہ ہم نے اپنے دور میں اداروں کو آزادی سےکام کرنے دیا، خرم دستگیرنے ٹی وی پروگرام میں کہا کہ اگر عمران خان رہ جاتا تو انہوں نے ہمیں جیلوں میں ڈال دینا تھا، خرم دستگیرکی بات سے ثابت ہوگیا کہ یہ صرف این آراوٹو لینےحکومت میں آئے۔

    پاکستان تحریک انصاف کے چیئرمین نے کہا کہ یہ امریکا کے غلام ہیں اس لیے روس سےسستاتیل نہیں خریدر ہے اور اگرآپ کو قوم کی فکر ہے توآپ کو 2ماہ ہوگئے روس سےسستا تیل کیوں نہیں خریدا؟انہوں نے یہ بھی کہا کہ فیٹف ایشو پر ہمارےدور میں بہت کام کیا گیا، جب ہم فیٹف قانون سازی کررہےتھےتویہ اس وقت نیب قانون میں ترمیم لانےکی کوشش کی کیونکہ جب یہ نیب قانون بنےگا تو کل ان کے1200ارب کے کرپشن کیسز ختم ہوجائیں گے۔

    عمران خان سے رابطےتیزہوگئے:بڑی بڑی شخصیات قافلے میں شامل ہونے کےلیےتیار

    عمران خان کا کہنا تھا کہ بلاول نےکہا بھارت سے اچھے تعلقات ہونے چاہئیں تو ہم نے بھی بھارت سے اچھےتعلقات بنانےکی کوشش کی، جب بھارت نےکشمیر کی خصوصی حیثیت ختم کی تو ہم نے ناطہ توڑدیا اور اب اگر آپ بھارت سے تعلقات بناتے ہیں تو یہ کشمیریوں سے غداری ہوگی ،پاکستان تحریک انصاف کے چیئرمین اور سابق وزیر اعظم عمران خان کا مزید کہنا تھا کہ یہ سب ایک ایجنڈے کے تحت یہ کام کررہےہیں، جب تک صاف اور شفاف الیکشن کا اعلان نہیں ہوتا ہمارااحتجاج جاری رہےگا۔

  • تحریک لبیک پاکستان نے ضمنی انتخابات کیلئے امیدواروں کو ٹکٹ جاری کر دیئے

    تحریک لبیک پاکستان نے ضمنی انتخابات کیلئے امیدواروں کو ٹکٹ جاری کر دیئے

    تحریک لبیک پاکستان نے ضمنی انتخابات کیلئے امیدواروں کو پارٹی ٹکٹ جاری کر دیئے.تحریک لبیک پاکستان شمالی پنجاب کے ناظم اعلی علامہ غلام عباس فیضی نے ضمنی انتخابات کے سلسے میں لاہور کے حلقہ پی پی 170 سے پارٹی کا ٹکٹ علامہ جمیل احمد شرقپوری کو جاری کر دیا جبکہ لاہور کے حلقہ پی پی 167 کی ٹکت حسنین احمد شہزاد کو جاری کی ہے.

    تحریک لبیک پاکستان شمالی پنجاب کے ناظم اعلی علامہ غلام عباس فیضی نے لاہور ہی کے ایک اور حلقہ پی پی 168سے پارٹی کا ٹکٹ امجد عباس کو جاری کیا ہے، اس موقع پر علامہ غلام عباس فیضی کا کہنا تھا کہ تحریک لبیک پاکستان ضمنی انتخابات میں بھرپور شرکت کرے گی اور تمام حلقوں سے پارٹی کے امیدواروں کو ٹکٹ جاری کر دیئے گئے ہیں.

    تحریک لبیک پاکستان نے راولپنڈی کے حلقہ پی پی 7 سے پارٹی کا ٹکٹ رانا منصور کو دیا ہے جبکہ شیخوپورہ کے حلقہ پی پی 140 سے پارٹی کا ٹکٹجاوید اقبال کو دیا گیا ہے، اسی طرح لاہور کے حلقہ پی پی 158 سے بلال شیخ تحریک لبیک پاکستان کے امیدوار ہوں گے.

    قبل ازیں تحریک لبیک پاکستان کراچی کے امیر کا کہنا ہے کہ مفتی قاسم فخری کا کہنا ہے کہ ہم دعوی کرتے ہیں کہ کزشتہ رات ہمارے افراد اورنمائیندگان کو اغوا کای گیا ہے ان کو رات کو چھاپے مار کر اغوا کیا گیا ہے انہیں فوری طور پر بازیاب کرایا جائے.

    کراچی میں پریس کانفرنس کرتے ہوئے انہوں نے کہا کہ ہم ایک آئینی دائرے کے اندر رہتے ہوئے کام کر رہے ہیں اور جب ہم سڑکوں پے نکلتے ہیں تو پھر تمھاری چیخیں نکلتی ہیں کہ کیوں سڑکوں پر آگئے ہیں،ہم سڑکوں پر نہیں آنا چاہتے مگر ہمارا معاملات حل کئے جائیں کیوں ہمارے معاملات حل نہیں کرتے؟، کیوں ہماری سیٹ زبردستی اٹھا کر دوسرے کو دے دی گئی؟، کیوں ہماے بلدیاتی نمائیندوں کو اٹھایا گیا ہے،انہوں نے کہا کہ ہمیں آئینی طریقے سے رہنے دیا جائے ہم پاکستان کے شہری ہیں اورایک رجسٹرڈ سیاسی جماعت ہیں کیوں ہمیں روکا جارہا ہے جب ہم آئینی طریقے سے آرہے ہیں.

    مفتی قاسم فخری نے کہا کہ ہمیں ہمارا حق دیا جائے،جن پولنگ اسٹیشنز پر انہوں نے دھاندلی کی ان پولیگ اسٹیشنز پر ہماری درخواست پر کیوں دوبارہ پولنگ نہیں کرائی گئی ،کس بات کا ڈر ہےآپ زبردستی جعلی طریقے سےاپنی مرضی سےنشتیں دیں گے تو پھرکیا فائدہ ، اس الیکشن کمیشن کو ختم کر دیں یہ ویسے ہی نااہل ہے ڈمی ہے.پھر آپ کسی سے 2 کروڑ لے لیں کسی سے 10 کروڑ لے لیں یا 20 کروڑ لے لیں اوراپنی مرضی کا ایم این اے اور ایم پی اے منتخب کر لیں پھر کیوں قوم کا پیسہ بھنسایا ہوا ہے کیوں وقت ضائع کررہے ہیں.

    آپ نے اگریہی کچھ کرنا ہے تو پھر اپنی مرضی سے لائیں لوگوں کو چھوڑیں جمہوریت کو کیوں جمہوریت کے نام پر ایسے کام کر رہے ہیں، ہم اس بات کو باور کرانے آئے ہیں اور اس بات کا پیغام دینے آئے ہیں کہ تحریک پاکستان کے اس وقت پورے پاکستان سے اس وقت پاکستان کی تمام سیاسی جماعتیں خوفزدہ ہیں، ٹھریک لبیک پاکستان ملک کے کوئی بھی الیکشن ہوں خواہ وہ صوبائی ہون یا بلدیات کے الیکشن ہوں تحریک لبیک پاکستان انشاءاللہ کامیاب ہو گی.رات اندھیرے میں ہمارے بلدیات کے امیدواروں چیئرمینز،وائس چیئرمینز اور کونسلرز کو پولیس نے اغوا کیا ہے. ہم ان سے رابطہ کر رہے ہیں مگر وہ رابطے میں نہیں آرہے آج ان کاّذات کی اسکروٹی ہونا تھی اگر وہ نہیں پہنچیں کے تو ان کاّزات مسترد ہو جائیں گے.

  • ‏ہم ووٹوں کی دوبارہ گنتی کی درخواست دیں گے،ٹی ایل پی رہنما

    ‏ہم ووٹوں کی دوبارہ گنتی کی درخواست دیں گے،ٹی ایل پی رہنما

    کراچی: ‏ہم ووٹوں کی دوبارہ گنتی کی درخواست دیں گے،ٹی ایل پی رہنما نے نتائج ماننے سے انکار کردیا ،اطلاعات کے مطابق تحریک لبیک کے مرکزی رہنما اور ممبر سندھ اسمبلی مفتی قاسم فخری نے میڈیا سے بات کرتے ہوئے کہا کہ آج پھرسسٹم بٹھا دیا گیا اور45 مںٹ تک نتائج کو روکا گیا ،

    مفتی قاسم فخری کا کہنا تھا کہ 302 پولنگ سٹیشن تک ہم جیت رہے تھے پھر اچانک سسٹم رک گیا 45 منٹ بعد جب دوبارہ چلا تو تحریک لبیک کو دوسرے نمبر پر کر دیا گیا ،

    ادھر غیرسرکاری اورغیرحتمی نتائج کے مطابق ایم کیوایم پاکستان کےمحمدابوبکر10683 ووٹ لےکرجیت گئے ہیں جبکہ تحریک لبیک کےشہزادہ شہباز 10618 ووٹ لےکردوسرے نمبرپر ہیں ، ادھرکراچی سے اطلاعات میں بتایا گیا ہے کہ ایم کیوایم اپنی فتح کا جشن منارہی ہے،جبکہ ٹی ایل پی نے نتائج ماننے سے انکارکردیا ہے

    299 پولنگ سٹیشنز کے نتائج کے بعد سسٹم کا رک جانا تشویش کا باعث ہے ۔ہم جیت چکےتھے لیکن اب ہماری جیت چھیننے کی کوشش ہورہی ہے جسے ہرصورت ناکام بنائیں گے،ان خدشات کااظہارتحریک لبیک پاکستان کے مرکزی رہنما مفتی قاسم فخری نے ایک ٹویٹ کے ذریعے عوام الناس تک پہنچانے کی کوشش کی ہے

    مفتی قاسم فخری نے ٹویٹ کرتے ہوئے کہا ہے کہ رات کے اندهیرے میں نتائج کی تبدیلی کسی صورت برداشت نہیں کی جاۓ گی۔ان کا یہ بھی کہنا تھا کہ اگر ہمارے حق پر ڈاکہ ڈالا تو لائحہ عمل کا اعلان کیا جائے گا ۔

    ادھر کراچی سے ملنے والی اطلاعات میں بتایا گیاہے کہ 309 میں سے 299پولنگ اسٹیشنزکاغیرحتمی غیرسرکاری نتیجہ اس وقت سامنے آیا ہےجس کے مطابق تحریک لبیک کےشہزادہ شہباز 10272 ووٹ لےکرپہلے نمبرپر ،ایم کیوایم پاکستان کےمحمدابوبکر10261 ووٹ لےکردوسر ے نمبرپر، مہاجرقومی موومنٹ کےرفیع الدین فیصل8233 ووٹ لےکرتیسرےنمبرپر موجود ہیں‌

    این اے 240 کی نشست پر ضمنی الیکشن میں ووٹنگ کا عمل ختم ہونے کے بعد گنتی کا عمل جاری ہے، اس دوران ایم کیو ایم پر تحریک لبیک پاکستان کو برتری حاصل ہے جبکہ دن بھر کشیدگی دیکھی گئی اور فائرنگ سے ایک شخص جاں بحق ہو گیا۔

    تفصیلات کے مطابق این اے 240 کے ضمنی الیکشن میں پولنگ صبح 8 بجے سے شام 5 بجے تک بلا کسی تعطل کے جاری رہی، پولنگ کے دوران گورنمنٹ بوائزپرائمری سکول انصاری محلہ یوسی 2 لانڈھی میں دو سیاسی جماعتوں میں تصادم ہوگیا، سیاسی جماعت کے کارکنوں کو منتشر کرنے کے لیے پولیس نے لاٹھی چارج کیا، جھگڑے کے باعث متعدد سیاسی کارکن زخمی ہوگئے، پولیس نے صورت حال پر قابوپالیا۔

    کراچی میں قومی اسمبلی کی نشست این اے 240 میں ضمنی الیکشن کے لیے پولنگ کا وقت ختم ہوگیا ہے جبکہ ووٹنگ کا عمل مکمل ہونے کے بعد ووٹوں کی گنتی کا سلسلہ جاری ہے

    کراچی ضمنی انتخابات، حافظ سعد رضوی کی گاڑی پر فائرنگ

     

    پاکستان میں لیٹر گیٹ کی سازش

    یاد رہے کہ یہ نشست ایم کیوایم پاکستان کےاقبال محمدعلی خان کےانتقال پرخالی ہوئی تھی۔

    این اے 240: پولنگ کا عملہ غائب، نامعلوم افراد نے بیلٹ باکس توڑ دیے

  • ضمنی انتخابات،ن لیگ نے ٹکٹوں کی تقسیم شروع کر دی

    ضمنی انتخابات،ن لیگ نے ٹکٹوں کی تقسیم شروع کر دی

    مسلم لیگ ن نے ضمنی انتخابات کے لئے ٹکٹوں کی تقسیم شروع کر دی

    لاہور کے حلقہ پی پی 170 سےامین ذوالقرنین کو ٹکٹ جاری کر دیا گیا ،ٹکٹ مسلم لیگ ن کے صدر اور وزیراعظم شہباز شریف کے دستخطوں سے جاری کی گئی .مسلم لیگ ن نے پی پی 167 سے نذیر چوہان کو ضمنی الیکشن کی ٹکٹ جاری کر دی .ملتان میں پی ٹی ائی کے منحرف رکن سلمان نعیم کو بھی نون لیگ نے پارٹی ٹکٹ جاری کر دیا نون لیگ کی جانب سے پی ٹی ائی کے دس منحرف اراکین کو پارٹی ٹکٹ جاری کئے جاچکے ہیں،

    لاہور پی پی 167 پر پارٹی ٹکٹ کس کو دیا جائے، تاحال فیصلہ نہ ہوسکا .پی پی 167 سے علیم خان نے الیکشن نہ لڑنے کا فیصلہ کیا تھا ،علیم خان کے نمائندے شعیب صدیقی نے بھی پی پی 158 سے الیکشن نہ لڑنے کا فیصلہ کیا تھا دونوں رہنماؤں نے ٹکٹ کا اختیار نون لیگ کو دے دیا تھا،

    واضح رہے کہ پی ٹی آئی کے 25 ارکان پنجاب اسمبلی کا پارٹی پالیسی سے انحراف ثابت ہونے پر الیکشن کمیشن آف پاکستان نے انہیں نااہل قرار دے دیا تھا الیکشن کمیشن نے منحرف ارکان پنجاب اسمبلی کو پارٹی پالیسی سے انحراف پر آرٹیکل 63 اے کے تحت نا اہل قرار دیدیا تھا ، ان بیس سیٹوں پر ضمنی الیکشن 17 جولائی کو ہو رہے ہیں،

  • پنجاب ضمنی انتخابات،پی ٹی آئی نے امیدواروں کو پارٹی ٹکٹس جاری کر دیئے

    پنجاب ضمنی انتخابات،پی ٹی آئی نے امیدواروں کو پارٹی ٹکٹس جاری کر دیئے

    پنجاب ضمنی انتخابات،پی ٹی آئی نے امیدواروں کو پارٹی ٹکٹس جاری کر دیئے

    پی پی 07 سے شبیر اعوان ،پی پی 83 سے حسن اسلم اور پی پی 90 سے عرفان نیازی کو ٹکٹ جاری کیا گیا ،پی پی 97سے علی افضل ساہی، پی پی 125 سے میاں اعظم اور پی پی 127 سے نواز بھروانہ کو ٹکٹ جاری کیا گیا ،پی پی 140 سے خرم ورک،پی پی 158سے اکرم عثمان اور پی پی 167 سے عاطف چودھری کو ٹکٹ جاری کیا گیا،پی پی 168سے نواز اعوان،پی پی 202 سے میجرسرور اور پی پی 217سے زین قریشی کو ٹکٹ جاری کیا گیا پی پی 224سے عامر اقبال شاہ،پی پی 228 سے عزت جاوید خان کو ٹکٹ جاری کر دیا گیا پی پی 272سے معظم جتوئی اور پی پی 273 سے یاسر جتوئی کو ٹکٹ جاری کر دیا گیا پی پی 282سے قیصر عباس اور پی پی228سے سیف الدین کھوسہ کو ٹکٹ جاری کرد یا گیا

    واضح رہے کہ پی ٹی آئی کے 25 ارکان پنجاب اسمبلی کا پارٹی پالیسی سے انحراف ثابت ہونے پر الیکشن کمیشن آف پاکستان نے انہیں نااہل قرار دے دیا تھا الیکشن کمیشن نے منحرف ارکان پنجاب اسمبلی کو پارٹی پالیسی سے انحراف پر آرٹیکل 63 اے کے تحت نا اہل قرار دیدیا تھا ، ان بیس سیٹوں پر ضمنی الیکشن 17 جولائی کو ہو رہے ہیں،

    پولیس پہنچی تو میاں محمود الرشید گرفتاری کے ڈر سے سٹور میں چھپ گئے

    لانگ مارچ میں فیاض الحسن چوہان کتنے بندے لے کر نکلے،ویڈیو وائرل

    کارکن تپتی دھوپ میں سڑکوں پرخوار،موصوف ہیلی کاپٹر پرسوار،مریم کا عمران خان پر طنز

    ضمنی انتخابات،وزیراعظم شہباز شریف نے مریم نواز کواہم ہدایت دے دی