سئیول: شمالی کوریا نے نئے تجربے کے دوران متعدد کروز میزائل فائر کردیئے-

با غی ٹی وی:شمالی کوریا نے جنوبی کوریا کی بندرگاہ پر جوہری ہتھیاروں سے لیس امریکی آبدوز پہنچائے جانے کے بعد احتجاجاً ”جزیرہ نما کوریا“ کے مغرب میں سمندر کی طرف کئی کروز میزائل داغ دیئے ہیں یہ میزائل لانچ ایسے وقت میں کیا گیا جب سیول اور واشنگٹن کے درمیان شمالی کوریا کے ساتھ بڑھتے تناؤ کے تناظر میں دفاعی تعاون کو مضبوط کیا جارہا ہے، جس میں جدید اسٹیلتھ جیٹ طیاروں کے ساتھ ساتھ امریکا اور جنوبی کوریا کی مشترکہ فوجی مشقیں اور جوہری ہنگامی منصوبہ بندی کی میٹنگز کے نئے دور شامل ہیں۔

N. Korea fires several cruise missiles into Yellow Sea: JCS https://t.co/tBukgJBM3C

— Yonhap News Agency (@YonhapNews) July 21, 2023

شمالی کوریا کے وزیر دفاع کانگ سن نام نے جمعرات کو ایک دھمکی جاری کی، جس میں کہا کیا گیا کہ جنوبی کوریا میں کینٹکی کی ڈاکنگ شمالی کوریا کی طرف سے جوہری حملے کی بنیاد بن سکتی ہے اوہائیو کلاس آبدوز کی تعیناتی ’جوہری طاقت کی پالیسی پر شمالی کوریا کے قانون میں بیان کردہ جوہری ہتھیاروں کے استعمال کی شرائط کے تحت‘ آسکتی ہے’۔

بدھ کو شمالی کوریا نے اپنے دارالحکومت پیانگ یانگ کے قریب ایک علاقے سے مختصر فاصلے تک مار کرنے والے دو بیلسٹک میزائل داغے تھے جنہوں نے جزیرہ نما کوریا کے مشرق میں سمندر میں گرنے سے پہلے تقریباً 550 کلومیٹر (341 میل) کا فاصلہ طے کیا۔

ان میزائلوں کی پرواز کا فاصلہ پیانگ یانگ اور جنوبی کوریا کے بندرگاہی شہر بوسان کے درمیان فاصلے سے تقریباً مماثل ہے، جہاں جوہری ہتھیاروں سے لیس آبدوز یو ایس ایس کینٹکی موجود ہے، یہ 1980 کی دہائی کے بعد امریکی جوہری ہتھیاروں سے لیس آبدوز کا جنوبی کوریا کا پہلا دورہ ہے۔

اس کے بعد ہفتے کو شمالی کوریا نے مزید کروز میزائل جنوبی کوریا کی جانب داغے۔ ہفتہ کو داغے گئے میزائلوں نے جو فاصلہ طے کیا ان کی کوئی تفصیلات جاری نہیں کی گئی ہیں۔

جنوبی کوریا کی وزارت دفاع نے جمعہ کو کینٹکی کی تعیناتی اور واشنگٹن اور سیول کے درمیان جوہری ہنگامی منصوبہ بندی کی میٹنگز کو شمالی کوریا کے خطرے کا مقابلہ کرنے کے لیے ”دفاعی ردعمل کے اقدامات“ قرار دیا جنوبی کوریا کےچیف آف آرمی اسٹاف نے بیان میں کہا کہ شمالی کوریا نے کروز میزائل جزیرہ نما کوریا کے مغرب میں سمندر کی جانب فائر کیے۔

انہوں نے کہا کہ نئے تجربوں کے بارے میں امریکا سے رابطے میں ہیں،شمالی کوریا کی جانب سے جوہری ہتھیاروں کے کسی بھی استعمال کا ”فوری اور فیصلہ کن جواب“ دیا جائے گا، جس کے نتیجے میں کم جونگ اُن کی حکومت کا خاتمہ ہو جائے گا۔

دوسری جانب امریکا کی جوہری آبدوز جنوبی کوریا کے ساحلی شہر بوسن پہنچ گئی ہے۔ شمالی کوریا کے نئے میزائل تجربات کو امریکی جوہری آبدوز کی خطے میں آمد پر احتجاج کے طور پر دیکھا جا رہا ہے۔

تجربہ کار امریکی سفارت کار ہنری کسنجر نے بیجنگ میں چین کے وزیر دفاع سے ملاقات کی ہے۔

باغی ٹی وی: چین کی وزارت دفاع کی جانب سے منگل کو جاری بیان کےمطابق لی شانگ فو نےکہا کہ چین اور امریکا کے درمیان ’دوستانہ رابطے‘ تباہ ہو گئے ہیں کیونکہ امریکہ میں کچھ لوگوں نے چین سے ملاقات نہیں کی تھی وہ چین کے دوست ہیں نہ تو امریکہ اور نہ ہی چین ایک دوسرے کے ساتھ دشمن جیسا سلوک کرنے کا متحمل ہو سکتا ہے۔ اگر دونوں ممالک جنگ کرتے ہیں تو اس سے دونوں ممالک کے عوام کے لیے کوئی معنی خیز نتائج برآمد نہیں ہوں گے۔

100 سالہ سابق امریکی وزیر خارجہ کا یہ اچانک دورہ ایسے وقت میں ہو رہا ہے جب امریکی ماحولیاتی مندوب جان کیری بیجنگ میں چینی حکام سے ملاقات کر رہے ہیں تاکہ اس بات پر تبادلہ خیال کیا جا سکے کہ دونوں ممالک موسمیاتی بحران سے نمٹنے کے لیے کس طرح تعاون کر سکتے ہیں۔ ۔ دونوں سپر پاورز کے درمیان تعلقات کئی ماہ سے تنزلی کا شکار ہیں لیکن محتاط امید ہے کہ دونوں جانب سے باضابطہ مذاکرات کا دوبارہ آغازبہتر تعلقات کی بنیاد رکھ سکتا ہے۔

کیپیٹل ہل حملہ کیس :ڈونلڈ ٹرمپ کو اپنی گرفتاری کا خدشہ

کسنجر کا دورہ، جس کی تشہیر نہیں کی گئی تھی، میٹنگز کے سرکاری روسٹر سے ہٹ کر ہے۔ جولائی 1971 میں بیجنگ کے ان کے خفیہ دورے کو تقریبا 52 سال ہو چکے ہیں، جس نے اس وقت کے امریکی صدر رچرڈ نکسن کے لیے امریکہ اور چین کے درمیان تعلقات کو معمول پر لانے کی راہ ہموار کی تھی۔

نصف صدی سے زائد عرصہ گزر جانے کے بعد بھی کسنجر کو بیجنگ میں بہت سے لوگ ’چین کے دوست‘ کے طور پر دیکھتے ہیں۔ مئی میں سرکاری اخبار گلوبل ٹائمز نے کسنجر کے ’تیز رفتار‘ دماغ کی تعریف کی تھی کسنجر باربار خبردار کر چکے ہیں کہ امریکہ اور چین کے درمیان تنازع کے ’تباہ کن‘ نتائج برآمد ہوں گے۔

سپرماڈل جیجی حدید منشیات رکھنے کے الزام میں گرفتار

چین 2018 سے امریکی پابندیوں کا نشانہ بنا ہوا ہے،جن کا تعلق ہتھیاروں کے سب سے بڑے برآمد کنندہ سے روس سے لڑاکا طیاروں کی خریداری سے ہے، جسے بیجنگ واشنگٹن کے ساتھ فوجی مذاکرات دوبارہ شروع کرنے سے انکار کی ایک وجہ قرار دیتا ہے گزشتہ چین کے ڈیفنس سیکرٹری لی شنگفو نے سنگاپور میں شنگریلاڈائیلاگ کے دوران میں اپنے امریکی ہم منصب لائیڈ آسٹن سے ملاقات سے انکار کر دیا تھا۔

جبکہ چین کی وزارت خارجہ نے فوری طور پر اس حوالے سے تبصرہ کرنے کی درخواست پر جواب نہیں دیا۔

شمالی کوریا نے جاپانی سمندری حدود کے قریب بیلسٹک میزائل فائر کر دیا

امریکا نے کہا ہےکہ افغان طالبان کی ذمہ داری ہے کہ وہ اپنے ملک کو دہشت گردوں کی پناہ گاہ نہ بننے دیں۔

باغی ٹی وی: پریس بریفنگ کے دوران امریکی وزرات خارجہ کے ترجمان میتھیو ملر نے کہا کہ افغان طالبان یہ ہر صورت یقینی بنائیں کہ ان کا ملک دہشتگرد حملوں کے لیے استعمال نہ ہو اوروہ اپنی سرزمین کو دہشتگردوں کی محفوظ پناہ گاہیں نہ بننے دیں دہشتگردی کو روکنا طالبان کی ذمہ داری ہے، افغانستان کو دہشتگرد حملوں کے لیے محفوظ مقام کے طور پر استعمال کیا جارہا ہے۔

دوسری جانب پاکستان کی سیاسی اور عسکری قیادت نے افغانستان سے کیے جانے والے دہشتگردوں حملوں پر اپنے شدید تحفظات کا اظہا رکیا ہےگزشتہ روز آرمی چیف جنرل عاصم منیر کی زیر صدارت ہونے والی کورکمانڈرز کانفرنس نے کہا کہ کالعدم تحریک طالبان پاکستان (ٹی ٹی پی) اوردیگر دہشتگرد گروپوں سے ملکی سلامتی کو خطرہ ہے۔

چین نےتائیوان کےنائب صدرکےدورہ امریکہ کی مخالفت کردی

کور کمانڈرز کانفرنس نے ایک پڑوسی ملک میں کالعدم ٹی ٹی پی اور دیگر گروہوں کو کارروائی کی آزادی، دہشت گردوں کے پاس جدید ترین ہتھیاروں کی دستیابی کو نوٹ کیا گیا اور فورم نے کہا کہ دہشت گردوں کے پاس جدید ترین ہتھیار پاکستان کی سلامتی متاثر کرنے کی بڑی وجوہات ہیں۔

اس سے قبل آرمی چیف جنرل سید عاصم منیر نے کہا کہ افغانستان میں کالعدم تحریک طالبان پاکستان (ٹی ٹی پی) کو کارروائیوں کیلئے حاصل آزادی اور ان کے محفوظ ٹھکانوں پر مسلح افواج کو تشویش ہے، امید ہے افغان حکومت دوحہ معاہدے کے مطابق اپنی سرزمین کسی ملک کے خلاف دہشت گردی کیلئے استعمال نہیں ہونے دے گی مسلح افواج کو افغانستان میں ٹی ٹی پی کی محفوظ پناہ گاہوں اور آزادانہ دہشت گرد کارروائیوں پر شدید تحفظات ہیں، توقع ہے کہ عبوری افغان حکومت اپنی سرزمین کو کسی بھی ملک کے خلاف دہشت گردی کیلئے استعمال کرنے کی اجازت نہیں دے گی اور عبوری حکومت حقیقی معنوں میں دوحہ معاہدے میں کیے گئے وعدوں پر عمل درآمد یقینی بنائے گی۔

اسرائیل نے سرکاری طور پر مغربی صحارا پر مراکش کی خودمختاری کو تسلیم کرلیا

آرمی چیف جنرل عاصم منیر نے مزید کہا کہ پاکستان میں دہشت گردی کی کارروائیوں میں افغان شہریوں کی شمولیت ایک اور اہم تشویشناک پہلو ہے جس پر فوری توجہ دینے اور اس سے نمٹنے کی ضرورت ہے، اس طرح کے دہشت گرد حملے ناقابل برداشت ہیں، ان حملوں پر سکیورٹی فورسز کی طرف سے مؤثر جوابی کارروائی ہوگی دہشت گردوں کے خلاف آپریشن بلاامتیاز جاری رہے گا اور مسلح افواج دہشت گردی کے ناسور کو جڑ سے اکھاڑ پھینکنے تک آرام سے نہیں بیٹھیں گی۔ کوئٹہ گیریژن آمد پر کور کمانڈر کوئٹہ نے آرمی چیف کا استقبال کیا۔

اسی حوالے سے وزیر دفاع خواجہ آصف کا کہنا تھا کہ افغان طالبان اپنی حدود کے اندر عسکریت پسندوں کو لگام ڈالنےکی خواہش رکھتے ہوں یا نہیں، پاکستان اپنی سرزمین سے دہشت گردی ختم کرنے کے عزم پر قائم ہے۔

رجب طیب اردوان سرکاری دورے پر سعودی عرب پہنچ گئے

علاوہ ازیں ٹوئٹر پر ایک بیان میں خواجہ آصف کا کہنا تھا کہ پاکستان میں50 سے 60 لاکھ افغان شہریوں کو 40 سے 50 سال سے حقوق کے ساتھ پناہ میسر ہے لیکن اس کے برعکس پاکستانیوں کا خون بہانے والے دہشت گردوں کو افغان سر زمین پر پناہ گاہیں میسر ہیں لیکن اب یہ صورت حال مزید جاری نہیں رہ سکتی، پاکستان اپنی سرزمین اور شہریوں کےتحفظ کے لیےاپنے وسائل بروئے کار لائےگا، افغانستان ہمسایہ اور برادر ملک ہونےکا حق نہیں ادا کر رہا، افغانستان دوحہ معاہدے کی پاسداری بھی نہیں کر رہا۔

چین نے پیر کو تائیوان کے صدارتی امیدوار نائب صدر ولیم لائی کے اگلے ماہ امریکہ کے منصوبہ بند دورے کی مخالفت کر دی،جبکہ تائی پے کی حکومت نے کہا کہ اسے محض ٹرانزٹ اسٹاپ پر زیادہ رد عمل ظاہر کرنے کی کوئی وجہ نظر نہیں آتی۔

باغی ٹی وی : "روئٹرز” کے مطابق تائیوان کے صدور اور نائب صدور روایتی طور پر چین کے دعویٰ والے جزیرے کے ساتھ رسمی سفارتی تعلقات برقرار رکھنے کے لیے اب بھی چند باقی ممالک کے دوروں پر امریکہ کا سفر کرتے ہیں اس مرتبہ لائی پیراگوئے کے نئے صدر سینٹیاگو پینا کی حلف برداری میں شرکت کریں گے تائیوان کے صدارتی دفتر نے کہا ہے کہ لائی 14 اگست کو پیراگوئے پہنچیں گے۔

یہ امریکی دورہ، اگرچہ اضافی اہمیت کا حامل ہے کیونکہ لائی جنوری میں تائیوان کے اگلے انتخابات میں صدر تسائی انگ وین کی کامیابی کے لیے مقابلہ میں حصہ لے رہے ہیں صدارتی امیدوار عام طور پر وہاں کے عہدے داروں کے ساتھ اپنی دوڑ پر بات کرنے کے لیے ووٹ سے پہلے امریکہ جاتے ہیں لائی اس وقت رائے عامہ کے بیشتر جائزوں میں آگے ہیں۔

شہزادہ محمد بن سلمان کی جاپانی وزیر اعظم سے ملاقات

جبکہ اس طرح کی نقل و حمل چین کو مشتعل کردیتی ہے چین اسے تائیوان کی چین سے علیحدگی اور بیجنگ کے علاقائی دعوؤں کو چیلنج کرنے کے لیے امریکہ کی طرف سے ڈھکی چھپی حمایت کے طور پر دیکھتا ہے، اپریل میں جب تسائی نے وسطی امریکہ سے واپسی کے دوران لاس اینجلس میں امریکی ایوانِ نمائندگان کے سپیکر کیون میکارتھی سے ملاقات کی تھی تب چین نے تائیوان کے گرد جنگی مشقوں کا آغاز کیا-

سعودی عرب میں موسلا دھار بارشیں، صحرائی اور پہاڑی وادیاں پانی سے بھر گئیں

بیجنگ میں بات کرتے ہوئے چینی وزارت خارجہ کے ترجمان ماؤ ننگ نے کہا کہ حکومت نے پہلے ہی لائی کے سٹاپ اوورز کے بارے میں امریکہ کو سفارتی شکایت درج کرائی ہے چین امریکہ اور تائیوان کے درمیان کسی بھی قسم کے سرکاری تبادلوں کی سختی سے مخالفت کرتا ہے۔ تائیوان کے علیحدگی پسندوں کے کسی بھی نام یا کسی بھی وجہ سے خفیہ دوروں کی سختی سے مخالفت کرتا ہے۔ اسی طرح تائیوان کی آزادی کے علیحدگی پسندوں کی حمایت کے لیے امریکہ کی طرف سے کسی بھی قسم کی ملی بھگت کی سختی سے مخالفت کرتا ہےچین اس پیش رفت پر توجہ مرکوز کئے ہوئے ہے۔ قومی خودمختاری اور علاقائی سالمیت کے تحفظ کے لیے پرعزم اور مضبوط اقدامات کرے گا۔

مرد اپنی بیوی کا خیال رکھ سکتا ہے تو ماں کا کیوں نہیں؟ عدالت

واشنگٹن: امریکا نے ایران پر الزام عائد کرتے ہوئے ایف 16 طیارے خلیج بھیجنے کا اعلان کر دیا۔

باغی ٹی وی: غیر ملکی خبر رساں ایجنسی کے مطابق آبنائے ہرمز میں ایران کی جانب سے بحری جہازوں کو پکڑنے اور سفر سے روکنے کی کوششوں کے تناظر میں امریکہ اس علاقے میں گزشتہ ایک ہفتے سے ’’ اے 10 ‘‘ لڑاکا طیارہ اڑا رہا ہے تاہم امریکہ نے اعلان کردیا ہے کہ وہ اس ہفتے کے آخر میں خطے میں ’’ ایف 16‘‘ طیاروں کا نیا بحری بیڑہ خلیج میں بھیجے گا یہ اقدام ایران کی جانب سے آبنائے ہرمز میں تیل کے بحری ٹینکرز پر قبضہ کی ایرانی کوششوں کے جواب میں کیا جارہا ہے۔

پینٹا گون کی جانب سے کہا گیا ہے کہ ایران کی جانب سے آبنائے ہرمز میں تیل کے بحری ٹینکرز پر قبضہ کرنے کی کوشش کی گئی جس کے جواب میں ایف 16 طیارے بھیجے جا رہے ہیں۔

سینئر امریکی فوجی اہلکار نے روس، ایران اور شام کے درمیان بڑھتے ہوئے قریبی تعلقات پر تشویش کا اظہار کرتے ہوئے کہا کہ یہ تینوں ممالک امریکہ کو شام سے باہر دھکیلنا چاہتے ہیں فضا میں امریکہ کی موجودگی سے نگرانی کا موقع ملے گا کہ خطے میں کون سے بحری جہاز موجود ہیں اور وہ کیا لے کر جاتے ہیں اور ان کا مالک کون ہے جس سے امریکہ کو یہ بھی اندازہ ہو گا کہ کون سے بحری جہازوں کو خطرہ لاحق ہو سکتا ہے۔

جنوبی کوریا میں طوفانی بارشیں،24 افراد ہلاک، ہزاروں افراد کا انخلا

سینئر امریکی عہددیدار نے نام ظاہر نہ کرنے کی شرط پر بتایا کہ امریکہ کے لڑاکا طیارے ’’ اے 10‘‘ ڈیڑھ ہفتہ سے آبنائے ہرمز اور وسیع تر خلیجی علاقوں پر پرواز کر رہے ہیں۔ اس موجودگی کو مزید مضبوط بنانے کے لیے ہم اس ہفتے کے آخر میں ایف 16اڑانا شروع کر رہے ہیں۔

امریکی بحریہ کے مطابق ابھی گزشتہ ہفتے ہی ایران نے آبنائے ہرمز کے قریب تیل کے دو ٹینکوں پر قبضہ کرنے کی کوشش کی اور ان میں سے ایک پر گولیاں چلائی تھیں امریکی فوجی عہدیدار نے کہا کہ جیٹ طیاروں کو گولہ بارود سے لیس کیا گیا ہے۔ ان طیاروں میں لیزر گائیڈڈ بم بھی ہیں جو تیز کشتیوں کے خلاف جانے کے لیے کارآمد ہوں گے ’’ اے 10 ‘‘ طیارہ نے اپنی قابلیت ثابت کی ہے۔ یہ مخصوص طیارہ اس ماحول میں کارگر ہے جہاں فضائی خطرات یا سطح سے فضا میں مار کرنے والے میزائل کے خطرے سے متعلق کوئی تشویش نہ ہو۔

پیٹرولیم مصنوعات کی قیمتوں میں کمی

واضح رہے گزشتہ ہفتے کے دوران روسی لڑاکا طیاروں نے شام میں داعش مخالف مشن کے دوران تین الگ الگ مرتبہ امریکی ڈرونز کو ہراساں کیا اور بعض صورتوں میں ان کے سامنے شعلے گرائے۔ مشرق وسطیٰ میں امریکہ کے اعلیٰ فوجی جنرل نے خبردار کیا ہے کہ روس کی بار بار خلاف ورزیاں خطے میں ایک اہم حفاظتی مسئلہ بن رہی ہیں۔ روس گزشتہ کئی مہینوں میں درجنوں بار ایسی خلاف ورزی کر چکا ہے۔

امریکا نے واضح کردیا ہے کہ روس سے تنازعہ ختم ہونے تک یوکرین کو نیٹو میں شامل نہیں کیا جائے گا۔

باغی ٹی وی : روسی میڈیا کے مطابق لیتھوانیا میں 2 دو روزہ نیٹو سمٹ کے اختتام پر خطاب کرتے ہوئےامریکی صدر جو بائیڈن نے کہا کہ یوکرین کو نیٹو کا رکن بنایا جانا مستقبل قریب میں نہیں ہوگا، یہ اس وقت تک ممکن نہیں جب تک کہ جنگ ختم نہیں ہوجاتی اوریوکرین کے صدر زیلنسکی بھی سمجھتے ہیں کہ نیٹو ممالک کی ذمہ داریاں اس بات سے کہیں زیادہ اہم ہیں کہ یوکرین کو نیٹو کا رکن بنایا جائے۔

لیتھوانیا میں نارتھ اٹلانٹک ٹریٹی آرگنائیزیشن (نیٹو) اجلاس میں جی سیون ممالک نے واضح کیا کہ جب تک ضرورت پڑی یوکرین کی بھرپور مدد کی جائےگی اور روسی اثاثے اس وقت تک منجمد رہیں جب تک ماسکو ہرجانہ نہیں دیتا۔

امید کرتا ہوں واشنگٹن کے ساتھ بات چیت کے مثبت نتائج برآمد ہوں گے۔ اردوان

جو بائیڈن نے کہا ہے کہ روسی صدر ولادیمیر پیوٹن نے طاقت اور زمین کے حصول کی ہوس میں یوکرین پر حملہ کرکے جنگ کا آغاز کردیا، ان کا اندازہ تھا کہ ایسا کرنے سے نیٹو اتحاد ٹوٹ جائے گا لیکن وہ غلط سوچ رہے تھے، نیٹو اتحاد پہلے سے زیادہ مضبوط، متحد اور پرعزم ہے۔

بائیڈن کا کہنا تھا کہ روسی صدر نے امریکی سربراہی میں عسکری اتحاد کے بارے میں انتہائی غلط اندازہ قائم کیا تھا۔ نیٹو اپنی تاریخ میں سب سے زیادہ مضبوط، زیادہ طاقتور، زیادہ متحد اور اپنے مشترکہ محفوظ مستقبل کیلئے زیادہ پرعزم ہے یوکرین کیلئے ہماری حمایت اور مدد جاری رہے گی اور یہ یوکرین کیلئے ہماری مضبوط عزم کا اظہار ہے۔

نیٹو سمٹ کے موقع پر یوکرینی صدر زیلنسکی سے ہونے والی ملاقات میں امریکی صدر کی جانب سے انہیں یقین دہانی کروائی گئی کہ روس کے ساتھ جنگ میں یوکرین کی ضروریات کے تحت انہیں ہر ممکن مدد فراہم کی جائے گی امریکی صدر نے یوکرینی صدر کے عزم کو سراہتے ہوئے کہا کہ مجھے اس دن کا انتظار ہے جس دن ہم باضابطہ یوکرین کے نیٹو میں شمولیت کا جشن منائیں گے زیلنسکی کے ساتھ مذاق کرتے ہوئے امریکی صدر جو بائیڈن نے کہا کہ تمہارے لیے بری خبر یہ ہے کہ ہم کہیں نہیں جا رہے تم ہمارے پاس پھنس چکے ہو۔

صدیاں ہیں فقط ایک ہی لمحے کی کہانی ، لمحہ جسے کھو دے وہ دوبارہ …

دوسری جانب برطانیہ نے یوکرین کی جانب سے بار بار اسلحے کی درخواست پر حالت جنگ کا سامنا کرنے والے اپنے اتحادی ملک سے کہا ہے کہ ’ہم کوئی ایمازون، دنیا کی معروف ترین ای کامرس کمپنی، نہیں‘ ہیں برطانوی سیکرٹری دفاع بین والس نے ایک بیان میں کہا کہ مغربی امداد کے بدلے یوکرین کو ہمارا احسان مند ہونا چاہیے اور اس چیز کو سمجھنا چاہیے کہ ان کے اتحادی ممالک کے بھی اپنے اندرونی معاملات ہیں۔

یوکرین کی جانب سے بار بار اسلحے کی درخواست پر سیکرٹری دفاع بین والس کا کہنا تھا کیف کو سمجھنا چاہیے کہ کیپیٹل ہل میں کچھ بڑبولے بیٹھے ہیاگر وہ واشنگٹن کو اسلحے کی شاپنگ لسٹ میں شامل کرتے ہیں توامریکی حکومت ایمازون کی برانچ کی طرح ہے، یوکرین کو اس چیز کو سمجھنا چاہیے کہ وہ اپنے اتحادیوں سے اسلحے کے اسٹاک کا ذخیرہ مانگ رہا ہے، ہم کوئی ایمازون نہیں ہیں۔

اقوام متحدہ میں قرآن پاک کی بےحرمتی کیخلاف پاکستان کی قرارداد منظور

برطانیہ کے سیکرٹری دفاع بین والس کے حالیہ بیان پر ردعمل دیتے ہوئے یوکرین کے صدر ولادیمیر زیلنسکی کا کہنا تھا ہم برطانوی عوام کے شکر گزار ہیں کیونکہ وہاں کے عوام نے ہمیشہ یوکرین کی حمایت کی، مجھے نہیں معلوم کہ بین والس کے حالیہ بیان کا کیا مطلب ہے، انہیں چاہیے کہ وہ اس حوالے سے مجھے تحریری طور پر لکھیں اور بتائیں کہ وہ کس طرح سے ہمیں اپنا احسان مند دیکھنا چاہتے ہیں۔

اس موقع پر یوکرین کے صدر نے ساتھ بیٹھے وزیر دفاع سے پوچھا کہ کیا تمھارے برطانوی سیکرٹری دفاع کے ساتھ کوئی مسائل ہیں، کیا آپ نے کبھی کہا کہ آپ ان کے شکر گزار ہیں، آپ کو بین والس کو آج ہی فون کرنا چاہیےدوسری جانب برطانوی وزیراعظم رشی سونک نے خود کو اپنے سیکرٹری دفاع بین والس کے بیان سے علیحدہ رکھتے ہوئے کہا کہ یوکرین کے صدر ولادیمیر زیلنسکی ہمیشہ شکر گزار رہے ہیں۔

نیٹو کایوکرین کو اتحاد میں شمولیت کا دعوت نامہ اور ٹائم فریم دینے سے انکار

امریکی صدر جو بائیڈن نے کہا ہے کہ فی الحال یوکرین نیٹو میمبرشپ کیلئے تیار نہیں ہے یوکرین کی نیٹو میں شمولیت کو حتمی شکل دینے سے قبل روس، یوکرین جنگ کا خاتمہ ہونا ضروری ہے۔

باغی ٹی وی: امریکی میڈیا کو اپنے خصوصی انٹرویو میں صدر بائیڈن نے کہا کہ امریکی صدرجو بائیڈن نے کہا ہے کہ سعودی عرب اور اسرائیل کے درمیان تعلقات معمول پر آنے میں کافی وقت لگے گا انہوں نے کہا کہ امریکی حکام تعلقات میں معمول کے معاہدے تک پہنچنے کیلئے مذاکرات کر رہے ہیں ہم ابھی سعودی، اسرائیل تعلقات کے معاہدے سے بہت دور ہیں تاہم ہمیں بات کرنے کیلئے بہت کچھ ملا ہے، سچ کہوں تو مجھے نہیں لگتا کہ انہیں اسرائیل سے کوئی زیادہ مسئلہ ہے۔

یوکرین کی نیٹو میں شمولیت کے حوالے سے انہوں نے کہا کہ فی الحال یوکرین نیٹو ممبرشپ کیلئے تیار نہیں ہے، اس عمل کی تکمیل کیلئے یوکرین میں جاری جنگ کا خاتمہ ضروری ہے جس کے بعد اس کی اتحاد میں شمولیت پر غور کیا جائے گا۔

سعودیہ کا فرانس سے توانائی کےشعبے میں تعاون پر اتفاق

انہوں نے کہا کہ نیٹو ممبرشپ ہونے تک امریکا اور نیٹو اتحادی، روس کے خلاف جنگ کے خاتمے کیلئے یوکرینی افواج کو درکار دفاعی مدد اور اسلحہ فراہم کرتے رہیں گے،انہوں نے یوکرینی صدر ولودومیر زیلنسکی کو بتادیا دیا ہے کہ اسرائیل کے معاملے کی طرح امریکا یوکرین کو دفاعی امداد اور اسلحے کی فراہمی جاری رکھے گا۔

واضح رہے کہ گزشتہ ہفتے امریکی صدر نے روس کے خلاف جنگ میں مدد کیلئے یوکرین کو پہلی مرتبہ کلسٹر ہتھیار فراہم کرنے کا اعلان کیا تھا امریکی صدر کو اپنے اس فیصلے پر اپنی پارٹی سے تنقید کا سامنا کرنا پڑا تاہم ان کا کہنا تھا کہ یہ اقدام ضروری ہے کیونکہ یوکرین کے پاس اسلحہ ختم ہو رہا ہے-

طالبان نے افغانستان سے تیل نکالنے کا آغاز کردیا