امریکی نیشنل سیکیورٹی کونسل کے ترجمان جان کربی کا کہنا ہے کہ کینیڈا میں سکھ رہنما ہردیپ سنگھ نجار کے قتل کےالزامات کو امریکی صدر سنجیدگی سے لے رہے ہیں جبکہ جان کربی نے بتایا کہ صدر بائیڈن نے بھارت پر زور دیا ہے کہ قتل کی تحقیقات کیلئے تعاون کیا جائے۔
جان کربی نے سکھ رہنما کے قتل پر بیان دیتے ہوئے کہا کہ کینیڈین وزیراعظم نے قتل میں بھارتی حکومت کے ملوث ہونے کا بیان دیا، صدرجوبائیڈن ان الزامات کے حوالے سے انتہائی سنجیدہ ہیں۔ بائیڈن اس قتل کی تحقیقات کیلئے کینیڈا کی کوشش کی حمایت کرتے ہیں۔
ایران نے اپنی حراست میں موجود 5 امریکی شہریوں کو رہا کر دیا ہے جبکہ ایران کی جانب سے امریکی قیدیوں کی رہائی قطر کی ثالثی کے بعد ہوئی اور قطر کی کوششوں سے ایران اور امریکا کے درمیان ایک معاہدہ ہوا تھا جس کے تحت ایران نے امریکی قیدیوں کو رہا کیا۔
نجی ٹی وی کے مطابق معاہدے کے مطابق امریکا نے ایران کے 6 ارب ڈالرز کے منجمد اثاثوں کو بھی قطر کے ایک بینک میں منتقل کیا ہے جبکہ 5 ایرانی شہریوں کو رہا کیا گیا ہے جو قطر کے شہر دوحہ پہنچ گئے ہیں اور قطر کی ثالثی میں ایران اور امریکا کے درمیان اس معاہدے کے لیے کئی ماہ سے کام کیا جا رہا تھا اور اب اس پر عملدرآمد کیا گیا ہے۔
ایران کی جانب سے امریکی شہریوں طیارے میں بیٹھنے کی اجازت اسی وقت ملی جب منجمد اثاثوں کی منتقلی مکمل ہوئی، جن کو پہلے مرحلے میں قطر لے جایا گیا ہے، جہاں سے انہیں واشنگٹن منتقل کیا جائے گا اور 5 میں سے 3 افراد کی شناخت سامنے آئی ہے جن میں سے ایک برطانوی نژاد امریکی شہری مراد تباز ہے۔
تاہم ابھی یہ واضح نہیں کہ اس معاہدے سے ایران اور امریکا کے درمیان سفارتی تعلقات میں بہتری آئے گی یا نہیں، امریکی حکومت کا کہنا ہے کہ ایران کو منتقل کی جانے والی رقم کو صرف ایسی اشیا کی خریداری کے لیے استعمال کیا جاسکے گا جن پر پابندیاں عائد نہیں۔ جو بائیڈن انتظامیہ کی جانب سے کیے جانے والے اس معاہدے پر ریپبلکن جماعت کے رہنماؤں نے شدید تنقید کی ہے۔ امریکی ایوان نمائندگان کانگریس میں خارجہ امور کمیٹی کے سربراہ Michael McCaul نے کہا کہ جو بائیڈن ماضی کی غلطیوں کااعادہ کر رہے ہیں۔
امریکا نے 6 ارب ڈالر کے منجمد ایرانی فنڈز کی جنوبی کوریا سے قطر منتقلی کی اجازت دینے کیلئے پہلے سےعائد پابندیاں ختم کردیں جبکہ امریکا اور ایران کے درمیان قیدیوں کے تبادلے کے معاہدے کے سلسلے میں یہ اقدام عمل میں آیا ہے۔
تاہم امریکی دستاویز کے مطابق امریکا نے جنوبی کوریا سے قطر کو 6 ارب ڈالر کے ایرانی فنڈز کی منتقلی کی اجازت دینے کے لیے پابندیاں ختم کر دی ہیں اور امریکی محکمہ خارجہ کی دستاویز میں سیکرٹری خارجہ انٹونی بلنکن نے اس بات کا عزم کیا ہے کہ پابندیوں کو ختم کرنا امریکا کی قومی سلامتی کے مفاد میں ہے۔
جبکہ امریکی کانگریس کی کمیٹیوں کو بھیجی گئی دستاویز میں پہلی بار امریکی حکومت نے باضابطہ طور پر تسلیم کیا ہے کہ وہ 5 امریکی شہریوں کی آزادی کو محفوظ بنانے کے معاہدے کے تحت امریکا میں زیر حراست 5 ایرانیوں کو رہا کر رہی ہے۔ تاہم واضح رہے کہ گزشتہ ماہ ایران اور امریکا کے درمیان قیدیوں کی رہائی کے معاہدے کے تحت ایران نے امریکا کے 5 شہریوں کو جیل سے رہا کر کے گھر میں نظر بند کر دیا۔
علاوہ ازیں رہائی کے بعد نظر بند کیے گئے 5 میں سے 3 قیدیوں کے نام سیامک نمازی، عماد شرغی اور مراد طہباز بتائے گئے تھے جبکہ باقی 2 کی شناخت ظاہر نہیں کی گئی۔ 51 سالہ سیامک نمازی کو پہلی بار 2015 میں گرفتار کیا گیا تھا اور انہیں سکیورٹی الزامات پر 10 سال قید کی سزا سنائی گئی تھی جبکہ 58 سالہ عماد شرغی کی بہن کے مطابق بھائی کو اپریل 2018 کو گرفتار کیا گیا تھا۔
مزید یہ بھی پڑھیں
فاٹا میں طالبان کا اثرورسوخ اور پاکستان پر اثرات
نگران وزیراعظم کا دورہ گلگت،یادگار شہداء پر حاضری
پی آئی اے کا مالی بحران سنگین ہوگیا
ایشیا کپ سپر فور، پاکستان 44 رنز پر 2 کھلاڑی آوٹ، بارش کی وجہ سے میچ روک دیا گیا
تسلسل رہتا تو پاکستان جی 20 میں شامل ہوچکا ہوتا. نواز شریف
جبکہ اس کے علاوہ 67 سالہ تاجر اور جنگلی حیات کے تحفظ کے ماہر مراد طہباز کو جنوری 2018 میں ماحولیاتی کارکنوں کے خلاف کریک ڈاؤن کے دوران گرفتار کیا گیا تھا، وائٹ ہاؤس کا کہنا تھا کہ قیدیوں کے تبادلے کے معاہدے کا خیرمقدم کرتے ہیں لیکن بار بار مطالبہ ہے کہ قیدیوں کو مکمل طور پر رہا کیا جائے۔
بھارت میں جی 20 سربراہی اجلاس میں شرکت کیلئے عالمی رہنماؤں کی آمد کا سلسلہ جاری ہے، اجلاس میں غریب ممالک کیلئے قرضوں میں ریلیف،موسمیاتی تبدیلی کے خلاف اقدامات اور غذائی تحفظ بڑھانے پر بھی بات ہوگی جبکہ دو روزہ جی 20 سربراہی اجلاس کل سے بھارتی دارالحکومت نئی دلی میں شروع ہو رہا ہے، اجلاس میں شرکت کیلئے سربراہوں کی آمد کا سلسلہ جاری ہے، امریکی صدر جو بائیڈن بھی جی 20 سربراہی اجلاس میں شرکت کے لیےنئی دلی پہنچ گئے ہیں۔
#WATCH | G-20 in India: US President Joe Biden arrives in Delhi for the G-20 Summit
He will hold a bilateral meeting with PM Narendra Modi today pic.twitter.com/IVWUE0ft7E
— ANI (@ANI) September 8, 2023
جبکہ اس کے علاوہ برطانوی وزیر اعظم رشی سونک بھی جی 20 سربراہی اجلاس کیلئے بھارت پہنچ گئے ہیں، واضح رہے کہ چینی صدرشی جن پنگ نے بھارت میں ہونے والے جی 20 سربراہی اجلاس میں شرکت سے معذرت کر لی تھی ان کی جگہ چینی وزیر اعظم لی چیانگ اجلاس میں شریک ہوں گے۔
تاہم اس کے علاوہ روسی صدر ولادیمیر پیوٹن نے بھی جی 20 ممالک کے سربراہی اجلاس میں شرکت سے معذرت کی تھی۔ نجی ٹی وی کے مطابق کل سے نئی دلی میں شروع ہونے والے اجلاس میں سعودی ولی عہد محمد بن سلمان اور بھارتی وزیراعظم نریندر مودی سرمایہ کاری فورم کی میزبانی کریں گے، سرمایہ کاری فورم میں کیمیکلز،انرجی،مینو فیکچرنگ اور ٹیکنالوجی پراجیکٹس پر توجہ مرکوز رہے گی۔
سعودی وزارت سرمایہ کاری کے مطابق سرمایہ کاری فورم کا مقصد تیل پر انحصار کے ساتھ ساتھ معیشت میں تنوع کی کوشش کرنا ہے اور اجلاس کے موقع پر سعودی عرب کے امریکا، بھارت اور یواے ای کے رہنماؤں کے ساتھ ایک انفرا اسٹرکچر ڈیل کا بھی امکان ہے جس کےتحت خلیجی اور عرب ممالک ریلوے اور بندرگاہوں کے ذریعے بھارت سے جڑ سکیں گے، اس کے علاوہ اجلاس میں بھارتی وزیراعظم مودی 15 سے زائد عالمی رہنماؤں سے سائیڈ لائن ملاقاتیں کریں گے۔
بھارتی وزیراعظم مودی نے اپنے بیان میں کہا ہے کہ وہ آج اپنی رہائش گاہ پر امریکی صدر جوبائیڈن ،وزیراعظم بنگلا دیش اور وزیراعظم موریشس سے دوطرفہ ملاقات کریں گے۔یہ ملاقاتیں دو طرفہ تعلقات کا جائزہ لینے ، ترقیاتی تعاون کو مزید مستحکم کرنے کا موقع فراہم کریں گی تاہم دوسری جانب نئی دلی میں جی20 اجلاس سے قبل تبتی کمیونٹی نے احتجاج کیا،نئی دلی میں جی20اجلاس کےحوالےسےسکیورٹی سخت ہے۔
سابق امریکی صدر ڈونلڈ ٹرمپ کے ہوٹل میں کام کرنیوالی خاتون ملازمہ کے ساتھ ساتھی ملازم نے جنسی زیادتی کی ہے،
پولیس نے واقعہ کا مقدمہ درج کر لیا ہے اور کہا ہے کہ تحقیقات کر رہے ہیں، ٹرمپ کے ہوٹل میں کام کرنے والی خاتون ملازمہ کے ساتھ جنسی زیادتی کا واقعہ 23 جون کو پیش آیا، خاتون کے ساتھ جنسی زیادتی ہوئی تو اس نے پہلے ہوٹل انتظامیہ کو آگاہ کیا،پولیس کی جانب سے بھی کہا گیا ہے کہ زیادتی کے الزام میں ایک شخص کو گرفتار کیا گیا ہے جو ہوٹل میں ہی ملازم ہے، ملزم کو عدالت پیش کیا گیا تا ہم اسکے بعد کیس کی دوبارہ تاریخ ابھی تک مقرر نہیں ہوئی، پولیس کا کہنا ہے کہ ساؤتھ ایر شائر میں واقع ڈونلڈ ٹرمپ کی ملکیت لگژری ٹرن بیری زیزورٹ میں کام کرنے والی خاتون کی جانب سے ساتھی ملازم پر لگائے گئے جنسی زیادتی کے الزامات کی تحقیقات کر رہے ہیں
خاتون ملازمہ کے ساتھ جنسی زیادتی کا واقعہ ہوٹل ملازمین کو دی گئی رہائش گاہ میں پیش آیا، ملازمین کو رہائشگاہیں دی گئی ہیں، ہوٹل کے 300 ملازم وہاں رہتے ہیں،
کرونا میں مرد کو ہمبستری سے روکنا گناہ یا ثواب
لاک ڈاؤن ختم کیا جائے، شوہر کے دن رات ہمبستری سے تنگ خاتون کا مطالبہ
لاک ڈاؤن، فاقوں سے تنگ بھارتی شہریوں نے ترنگے کو پاؤں تلے روند ڈالا
کرونا مریض اہم، شادی پھر بھی ہو سکتی ہے، خاتون ڈاکٹر شادی چھوڑ کر ہسپتال پہنچ گئی
ماں بیٹی سے زیادتی کیس میں اہم پیشرفت سامنے آ گئی
دس سالہ بیٹی کے ساتھ زیادتی کرنیوالے سفاک ملزم کو عدالت نے سنائی سزا
میگنس وائٹ بولڈر، کولوراڈو میں اپنے گھر کے قریب تربیتی سواری کے دوران جان کی بازی ہار گیا 17 سالہ امریکی سائیکلسٹ میگنس وائٹ کو کھیل میں ’ابھرتا ہوا ستارہ‘ قرار دیا گیا تھا میگنس وائٹ بولڈر، کولوراڈو میں تربیتی حادثے کے دوران زخمی ہو کے جاں بحق ہو گیا،
دل دہلا دینے والی خبر کی تصدیق امریکہ میں سائیکلنگ کی گورننگ باڈی یو ایس اے سائیکلنگ نے اتوار کو کی تھی میگنس اسکاٹ لینڈ کے گلاسگو میں جونیئر ماؤنٹین بائیک ورلڈ چیمپئن شپ میں کراس کنٹری ڈسپلن میں مقابلہ کرنے کی تیاری کر رہا تھا جب اسے ایک گاڑی نے المناک طور پر ٹکر مار دی۔
انٹرنیشنل کرکٹ کونسل نے ٹی ٹوئنٹی ورلڈ کپ 2024 کی تاریخوں اعلان کر دیا ائی سی سی کے مطابق ائندہ سال ویسٹ انڈیز اور امریکہ میں شیڈول ٹی ٹوئنٹی ورلڈکپ 4 سے 30 جون تک ہوگا،،، میزبان ملکوں کے 10 وینیوز کو شارٹ لسٹ کرلیا ہے،،، امریکا میں فلوریڈا، ڈیلیس، نیویارک اور موریس ول میں ورلڈ کپ میچز ہوں گے،،، امریکہ کے نئے وینیوز پر ہونے والے لیگ اور کوالیفائرز میچز کے دوران ائی سی سی کے وفود گراؤنڈز اور انتظامات کے معیار کا معائنہ کیا تھا، امریکہ سمیت ویسٹ انڈیز کے وینیوز کا حتمی بھی اعلان جلد کر دیا جائے گا۔
تحریک انصاف کی ایک اور ملک دشمنی سامنے آ گئی، آئی ایم ایف نے پاکستان کو قرض کیوں دیا؟ پی ٹی آئی امریکہ کے رہنماؤں نے کانگریس اراکین کے سامنے کھل کر مخالفت کر دی
اس حوالہ سے ایک ویڈیو سامنے آئی ہے جس میں دیکھا جا سکتا ہے کہ تحریک انصاف کے امریکہ میں مقیم رہنما نے آئی ایم ایف امداد کی کھل کر مخالفت کی، ویڈیو میں ایک شخص کہتا ہے کہ میں سمجھے سے قاصر ہوں کہ بائیڈن ایڈمنسٹریشن پاکستان میں ہونے والے ظلم کو نہیں دیکھ رہی، اسکے باوجود تین ارب ڈالر کا تحفہ دیا جاتا ہے تا کہ وہ یہ جاری رکھ سکیں اور آنے والے الیکشن میں دھاندلی کر سکیں، میں پاکستان اور امریکہ کے مابین اچھے تعلقات چاہتا ہوں، یہ اسی وقت ممکن ہے جب امریکہ پاکستان کے عوام سے تعلقات بہتر بنائے،اس وقت پاکستان کے عوام عمران خان کو سپورٹ کرتے ہیں اگر شفاف الیکشن ہوتے ہیں تو عمران خان کلین سویپ کرے گا
تحریک انصاف کی جانب سے آئی ایم ایف امداد کی مخالفت کی ویڈیو سامنے آنے پر سینئر صحافی و اینکر سلیم صافی کہتے ہیں کہ کوئی شرم ہوتی ہے ،کوئی حیا ہوتی ہے،اسلئے میں کہتا ہوں کہ جس کسی نے غیرملکی شہریت لی ہو،انڈیا کے طرز پر اسکی پاکستانی شہریت ختم کردینی چاہئے ۔واضح رہے کہ انڈیا میں دھری شہریت رکھنے کی اجازت نہیں کم ازکم اس طرح پاکستان کے خلاف لابنگ کرنے والوں کی پاکستانی شہریت منسوخ کردینی چاہئے
تحریک انصاف کی ملک دشمنی کھل کر سامنے آ گئی!
تحریک انصاف کے امریکہ میں مقیم لیڈر کی آئی ایم ایف ڈیلز ختم کرنے کیلئے امریکی حکومت کے سامنے دہائی۔۔ pic.twitter.com/aQnlzPiCDi— Team Aleem Khan (@teamaleemkhan) July 28, 2023
ن لیگی ترجمان کا کہنا ہے کہ عمران خان اور ان کے کارکنان کے لیے سب سے بڑی مایوسی یہ ہے کہ پاکستان ان کی پوری کوششوں کے باوجود ڈیفالٹ نہیں ہوا۔
فوج اور قوم کے درمیان خلیج پیدا کرنا ملک دشمن قوتوں کا ایجنڈا ہے،پرویز الہیٰ
سپریم کورٹ نے دیا پی ٹی آئی کو جھٹکا،فواد چودھری کو بولنے سے بھی روک دیا
عمران خان نے کل اداروں کے خلاف زہر اگلا ہے،وزیراعظم
عمران خان کے فوج اور اُس کی قیادت پر انتہائی غلط اور بھونڈے الزامات پر ریٹائرڈ فوجی سامنے آ گئے۔
القادر یونیورسٹی کا زمین پر تاحال کوئی وجود نہیں،خواجہ آصف کا قومی اسمبلی میں انکشاف
سیاسی مفادات کے لئے ملک کونقصان نہیں پہنچانا چاہئے
سافٹ ویئر اپڈیٹ، میں پاک فوج سے معافی مانگتی ہوں،خاتون کا ویڈیو پیغام
Biggest disappointment for foreign funded Imran Khan and his cult following is that Pakistan has not defaulted despite his best efforts that it did. https://t.co/ApfXYlg0pf
— PMLN (@pmln_org) July 28, 2023
امریکہ میں پاکستان سفیر مسعود خان کی امریکی سینٹر، کانگریس اراکین سے ملاقات، پاک امریکہ تعلقات پر تبادلہ خیال
امریکہ میں پاکستانی سفیر مسعود خان نے سینیٹر ٹوڈ ینگ، چیئرمین آرمڈ سروسز کمیٹی کانگریس مین مائیک راجرز اور کانگریس پروگریسو کاکس کی نائب صدر کانگریس وومن الہان عمر سے ملاقات کی اور پاک امریکہ تعلقات، دونوں ممالک کی اقتصادی شراکت داری، دفاعی تعلقات اور سیکیورٹی تعاون، ماحولیاتی تبدیلی اور علاقائی پیشرفت کے حوالے سے بات چیت کی۔
سینیٹر ٹوڈ ینگ اس وقت امریکی سینیٹ کی کمیٹی برائے خزانہ ، خارجہ تعلقات؛ کامرس، سائنس اور ٹرانسپورٹیشن؛ اور چھوٹے کاروبار اور انٹرپرینیورشپ میں خدمات سرانجام دے رہے ہیں۔ملاقات کے بعد سفیر پاکستان نے اپنی ٹویٹ میں کہا کہ انڈیانا کے ایک عظیم رہنما سینیٹر ٹوڈ ینگ سے ملاقات کرکے خوشی ہوئی۔ پاک امریکہ اقتصادی شراکت داری کو مضبوط بنانے اور علاقائی سلامتی سے متعلق امور پر تبادلہ خیال کیا ۔
مسعود خان نے چیئرمین آرمڈ سروسز کمیٹی کانگریس مین مائیک راجرز سے بھی ملاقات کی اور علاقائی صورتحال، دفاعی تعلقات اور سیکیورٹی تعاون پر تبادلہ خیال کیا۔ دونوں فریقوں نے روابط جاری رکھنے پر اتفاق کیا۔
علاوہ ازیں ، پاکستانی سفیر نے رکن کانگریس الہان عمر سے ملاقات کے بعد اپنے ٹویٹ کیا کہ انہیں الہان عمر سے مل کر خوشی ہوئی اور انہوں نے پاک امریکہ تعلقات، خطے میں ہونے والی پیشرفت اور موسمیاتی موافقت اور تخفیف پر بات کی۔ انہوں نے انسانی سلامتی کو فروغ دینے پر کانگریس کی خاتون رکن الہان عمر کے کام کو سراہا۔
نمائندہ الہان عمر ہاؤس بجٹ کمیٹی کے نائب رینکنگ ممبر ہیں۔ وہ ہاؤس ایجوکیشن اینڈ ورک فورس کمیٹی میں بھی کام کرتی ہیں، جہاں وہ ورک فورس پروٹیکشنز کی ذیلی کمیٹی اور ہیلتھ، ایمپلائمنٹ، لیبر، پنشن کی ذیلی کمیٹی کی رکن ہیں۔ وہ کانگریشنل پروگریسو کاکس کی ڈپٹی چیئر اور میڈیکیئر فار آل کاکس کی وائس چیئر ہیں۔
ڈاؤیونیورسٹی ایشیا کی بہترین جامعات کی فہرست میں شامل
تعلیمی میدان میں گلگت بلتستان کے نوجوان آزاد کشمیر اور اسلام آباد کے نوجوانوں سے آگے
سلمان خان نے نوازالدین صدیقی کی اہلیہ کو ذاتی زندگی کے بارے میں بات کرنے سے منع کر دیا
قومی اسمبلی: نااہلی کی سزا 5 سال کرنے کا بل اتفاق رائے سے منظور
مئیر کراچی انتخابات: پی ٹی آئی کےمزید 6 اراکین پی ٹی آئی سے فارغ
ورلڈ اسکریبل چیمپئن شپ میں پاکستان کے عنایت اللہ نے لیٹ برڈ ٹورنامنٹ جیت لیا۔ جیو نیوز کے مطابق امریکا میں ہونے والی ورلڈ اسکریبل چیمپئن شپ میں لیٹ برڈ ٹورنامنٹ عالمی چیمپئن شپ کے آخری روز کھیلا گیا جس میں عنایت اللہ ٹورنامنٹ میں ناقابل شکست رہنے والے واحد کھلاڑی تھے۔
عنایت اللہ نے ٹورنامنٹ میں سابق ورلڈ چیمپئن کینیڈا کے جوئیل ویپنک کو بھی شکست دی۔ٹورنامنٹ میں نائیجیریا کے ایڈ تومیوا نے دوسری اور انگلینڈ کی سنبل صدیقی نے تیسری پوزیشن حاصل کی۔واضح رہے اس سے قبل ورلڈ اسکریبل چیمپئن شپ میں پاکستان کے حماد ہادی نے ڈائمنڈ کیٹیگری جیتی، جس میں انہوں نے پہلی پوزیش حاصل کرتے ہوئے 24 میں سے 21 گیمز جیتے۔