Tag: انتخابات

الیکشن کمیشن کے پروجیکٹ ڈائریکٹر کرنل ریٹائرڈ سعد نے کہا ہے کہ انٹرنیٹ بند ہوتا ہے تو پریذائیڈنگ افسر کو نتائج بھیجنے میں مسئلہ ہو گا،اللہ کی ذات کے علاوہ کسی چیز کی کوئی گارنٹی نہیں۔

الیکشن منیجمنٹ سسٹم مکمل آپریشنل،صحافیوں کو بریفنگ دی گئی، صحافیوں نے نیٹ ورک آپریشن سیل ایچ نائن کا دورہ کیا،ایچ نائین سیٹ اپ الیکشن کمیشن کا آئی ٹی سیٹ اپ ہے،پروجیکٹ ڈائریکٹر کرنل ر سعد نے میڈیا کو بریفنگ دی اور کہا کہ تمام آر اوز اور فیلڈ آفسز کو یہاں سے مانیٹر کر رہے ہیں ،آر اوز کی 859آر اوز لوکیشن ہیں ،ان کو دو دو کنکشن دئے گئے ہیں،تمام متعلقہ ٹیلی کمپنیوں سے رابطے میں ہیں،ہر شخص اس سسٹم میں نہیں آسکتا،چوبیس گھنٹے مانیٹرنگ کا نظام چلتا رہے گا،چالیس انجنئیرز یہاں پر نیٹورک دیکھ رہے ہیں ،یہاں پر ای ایم ایس کا ہیلپ ڈیسک موجود ہے ،ای ایم ایس ہیلپ ڈیسک میں 8 اپریٹرز موجود ہے، ہر صوبہ کو دو آپریٹرز ڈیل کر رہے ہیں ،آج ہم ریٹرنگ آفسران کو پورٹل میں لوگ ان کروائیں گے

صحافیوں کو میڈیا بریفنگ کے دوران کرنل ر یٹائرڈ سعد کا کہنا تھا کہ یہاں پر الیکشن کمیشن کی سافٹ وئیر پروجیکٹ تیار کیے جاتے ہیں ،پاکستان کی ایک پرائیویٹ کمپنی ہے جس نے ای ایم ایس ڈویلپ کیا ہے،3 ہزار سے زائد لیپ ٹاپ اور 400 کے قریب ڈیسک ٹاپ کام کر رہے ہیں،ڈی آر اوز کی لائیو لوکیشن کواس سسٹم میں دیکھا جا سکتا ہے،صرف ان لوگوں کو سافٹ ویئر میں لاگ ان کر سکتے ہیں جن کو اجازت ہو گی،ہمیں نیپرا نے یقین دلایا ہے ملک میں لوڈ شیڈنگ نہیں ہو گی،ہمیں انٹر نیٹ سے کوئی ضرورت نہیں انٹرنیٹ سے ای ایم ایس سسٹم کو کوئی فرق نہیں پڑے گا، ای ایم ایس میں سارا ڈیٹا آف لائن پڑا ہے، اس میں صرف ریزلٹ ڈالنا ہے

ڈی جی پی ایم یو کرنل ریٹائرڈ سعد نے اپنے بنائے ہوئے ای ایم ایس سسٹم کی گرنٹی دینے سے صاف انکار کردیا
گرنٹی صرف اللہ کی ہے باقی کی چیز کی گرنٹی نہیں ہے
اب کرلو بات @ECP_Pakistan @GovtofPakistan pic.twitter.com/BhgJTxbYnx

— Muhammad Awais (@pkawais1) February 7, 2024

کرنل ر سعد کا مزید کہنا تھا کہ رب کے ذات کے علاوہ کسی چیز کی گارنٹی نہیں،ہم انسان ہیں، ہم صرف کوشش کر سکتے ہیں،سیکیورٹی اور دیگر وجوہات کے باعث مختلف علاقوں میں رزلٹ کی تاخیر تو ہوسکتی ہے مگر رزلٹ پر فرق نہیں پڑے گا،ریٹرننگ افسر کے لئے ہمیں کوئی ایشو نہیں، انٹرنیٹ کی ضرورت نہیں، ای ایم ایس کو کوئی فرق نہیں پڑے گا، مکران میں سیکیورٹی خدشات کے باعث انٹرنیٹ سروسز بند کردی گئی ہے، انٹرنیٹ نہ ہونے سے نتائج وصول ہونے میں کچھ تاخیر ہو سکتی ہے، بطور انسان کوشش کی ہے کہ الیکشن کے دن ای ایم ایس میں کوئی مسائل نہ ہوں، ، الیکشن کمیشن کو پہلے دن رزلٹ نہ پہنچے تو دوسرے دن آجائیں گے،کوئی بڑی بات نہیں،

انتخابی ضابطہ اخلاق کی خلاف ورزی پر 595امیدواروں کو نوٹسز جاری
الیکشن کمیشن کی مانیٹرنگ ٹیمیں فعال، اعدادو شمار جاری کر دیئے گئے، ترجمان الیکشن کمیشن کے مطابق انتخابی ضابطہ اخلاق کی خلاف ورزی پر 595امیدواروں کو نوٹسز جاری کئے، امیدواروں کے علاوہ بلدیاتی نمائندہ اور سرکاری ملازمین کو بھی ضابطہ اخلاق کی خلاف ورزی پر نوٹسز ارسال کیے،ضابطہ اخلاق کی خلاف ورزی پر 261امیدوروں کو جرمانہ کیاگیا،ضابطہ اخلاق کی خلاف ورزی کے خلاف 52شکایات کمیشن میں زیرالتواء ہے،ملک بھر میں 144ڈی آراوز اور1200مانٹرنگ افسران فیلڈ میں ہیں،کل بھی تمام دن مانیٹرنگ ٹیمیں فعال رہیں گی،انتخابات سے متعلق شکایات کیلئے ہماری ٹیلی فون لائنز 24گھنٹے فعال ہیں،

سوشل میڈیا پر بیلٹ پیپر کی پرنٹنگ اور سائز سے متعلق چلنے والی ویڈیو گمراہ کن ہے، الیکشن کمیشن
الیکشن کمیشن آف پاکستان نے سوشل میڈیا میں بیلٹ پیپر کی پرنٹنگ اور سائز سے متعلق چلنے والی ایک ویڈیو کو گمراہ کن قرار دیتے ہوئے واضح کیا ہے کہ بیلٹ پیپر ہمیشہ سے امیدواران کی تعداد کے لحاظ سے سنگل، ڈبل اور ٹرپل کالم اور اردو حروف تہجی کی ترتیب میں پرنٹ کیا جاتا ہے اور اس دفعہ بھی اسی ترتیب سے پرنٹ کیا گیا ہے تاہم بیلٹ پیپر کی فولڈنگ اور الیکشن کے دیگر مراحل سے متعلق معلوماتی ویڈیوز الیکشن کمیشن کی ویب سائٹ اور یوٹیوب چینل پر موجود ہیں۔ ووٹر ز کو سوشل میڈیا میں گردش کرنے والی خبروں پر اعتبار کرنے کی بجائے معلومات کے لیے صرف الیکشن کمیشن کی جاری کردہ آگاہی ویڈیوز سے استفادہ کرنا چاہیے یا کسی شکایت کی صورت میں الیکشن کمیشن کے قائم کردہ Complaint Cell پر 000۔327۔111۔051 سے رابطہ کریں۔

الیکشن سے ایک روز قبل الیکشن کمیشن کی ویب سائٹ بار بار بند
الیکشن کمیشن کی ویب سائٹ قابل رسائی نہیں رہی ،الیکشن کمیشن آف پاکستان کی ویب سائٹس نے کام کرنا چھوڑ دیا، ویب سائٹ کا سرور ڈاون ہوگیاجس کے بعد الیکشن کمیشن کی ویب سائٹ بند ہو گئی،ترجمان الیکشن کمیشن کا کہنا ہے کہ الیکشن کمیشن کی ویب سائٹس پر بہت زیادہ لوڈ ہے،ہم نے ای سی پی کی ویب سائٹ کے علاوہ تین مختلف ناموں سے ویب سائٹس بنائی ہوئی ہیں،الیکشن کمیشن کا آئی ٹی کا عملہ خرابی کو دور کر رہا ہے، بعد ازاں الیکشن کمیشن کی ویب سائٹ بحال کر دی گئی

آڈیو کے بعد عمران خان کی جیل سے تصویر بھی” لیک”

خواب کی تعبیر پر بڑے بڑے وزیر لگائے جاتے تھے،عون چودھری

بشری نے بچوں سے نہ ملنےدیا، کیا شرط رکھی؟ خان کیسے انگلیوں پر ناچا؟

شیر پر مہر لگانے کا کہنے والی ن لیگی قیادت خود عقاب پر مہر لگائیگی

ووٹ صرف اصل شناختی کارڈ پر ہی ڈالا جا سکے گا، الیکشن کمیشن

نتائج کب تک آئیں گے، اس پر کوئی حتمی وقت دینا ممکن نہیں، الیکشن کمیشن حکام

عمران خان کا مستقبل مخدوش،بلاول کی شاندار حکمت عملی،بشریٰ عمران کو سرپرائز دیگی؟ حسین حقانی

عمران خان کو سزا پر مبشر لقمان غمگین کیوں؟

تحریک انصاف آگے، حمزہ شہباز خطرے میں،عمران خان کو سزا،شریعت،قانون کیا کہتا؟

عمران ،بشریٰ بی بی غیر شرعی نکاح کیس ، عدالتی فیصلہ درست ہے، مفتی قوی

عمران بشریٰ شادی،عمران جھوٹ پر جھوٹ بولتے رہے، سب سامنے آ گیا

اسلام آباد: ملک بھر میں انتخابی مہم کا وقت ختم ہوگیا۔

باغی ٹی وی: ترجمان الیکشن کمیشن کے مطابق انتخابی مہم کا وقت آج رات 12 بجے ختم ہوگیا، خلاف ورزی کی صورت میں قانونی کارروائی عمل میں لائی جائے گی، 8 فروری کو ہونے والے الیکشن کے لیے انتخابی مہم کا وقت ختم ہوتے ہی الیکشن مہم کے لیے اشتہارات اور دیگر تحریری مواد کی الیکٹرونک اور پرنٹ میڈیا پر تشہیر پر بھی پابندی ہوگی۔

واضح رہے کہ ملک میں عام انتخابات کیلئے ووٹنگ 8 فروری بروز جمعرات کو صبح 8 بجے شروع ہوگی جو شام 5 بجے تک جاری رہے گی، ترجمان الیکشن کمیشن کا کہنا ہے کہ ووٹ کے لیے اصلی شناختی کارڈ لازمی ہے ، زائد المیعاد شناختی کارڈ پر بھی ووٹ ڈالا جاسکے گا۔

جبکہ الیکشن کمیشن نے عام انتخابات 2024 میں نوجوان ، خواتین اور بزرگ ووٹرز کی تعداد کے اعداد و شمار جاری کر دیئے ہیں الیکشن کمیشن کے مطابق پاکستان کے کل ووٹرز کی تعداد بارہ کروڑپچاسی لاکھ پچاسی ہزارسات سوساٹھ ہے جن میں پانچ کروڑ انسٹھ لاکھ پچیس ہزارنوسوچالیس نوجوان ووٹرزہیں جوکل ووٹرزکا 43.85 فیصد بنتا ہے ان ووٹرز کی عمر 18 سے 35 سال تک ہے۔

نوجوان ووٹرز میں 53.87 مرد اور 6.13 فیصد لڑکیاں شامل ہیںان انتخابات میں ایک کروڑ بائیس لاکھ 43 ہزار477 وہ نوجوان ہیں جو پہلی بارانتخابی عمل میں حصہ لے رہےہیں یہ کل ووٹرزکا 9.60 فیصد ہیں واضح رہےپہلی بارووٹ کاسٹ کرنے والوں کی شرح ہمیشہ سے کافی ذیادہ رہتی ہے،سال 2018 کے انتخابات میں 5 کروڑ 28 لاکھ 57 ہزار536 ووٹرز نے اپنا حق رائے دہی استعمال کیا تھا جوکل ووٹرزکا 52 فیصد تھااگراس باربھی ٹرن آؤٹ کی شرح 50 سے 60 فیصد رہی تو43 فیصد سے زائد نوجوانوں کاووٹ فیصلہ کن ثابت ہوگا۔

ادھر عام انتخابات کے لیے لاہور، قصور اور شیخو پورہ میں فوج تعینات کردی گئی ہے، پاک فوج کے دستے کوئیک رسپانس فورس کے طور پر الرٹ رہیں گے،پنجاب پولیس نے لاہور سمیت صوبے کے تمام ریجنز اور اضلاع میں سیکیورٹی، ٹریفک اور لاجسٹکس انتظامات کی فل ڈریس ریہرسل کی، الیکشن میٹریل کی بحفاظت ترسیل، پولنگ سٹیشنز و کلسٹرز پر پولیس نفری کی تعیناتی، سی سی ٹی وی کیمروں کی مانیٹرنگ کا جائزہ لیا گیا –

ریہرسل کے دوران صوبہ بھر میں خصوصی ناکہ جات، سرچ اینڈ سویپ آپریشنز کئے گئے، پولیس افسروں نے لا اینڈ آرڈر کی مجموعی صورتحال پولنگ کے عمل کو پرامن رکھنے کی ریہرسل کا جائزہ لیا، پولنگ ڈیوٹی پر تعینات نفری کی ذمہ داریوں بارے بریفنگ بھی دی گئی، لاہور سمیت تمام اضلاع میں سپروائزری افسران کی زیر قیادت فلیگ مارچز کا انعقاد بھی کیا گیا، فلیگ مارچز میں ضلعی پولیس، ڈولفن سکواڈ، پولیس ریسپانس یونٹ، ایلیٹ فورس، ٹریفک پولیس کی موبائلز اور جوانوں نے حصہ لیا۔

حکام کے مطابق الیکشن کے دن انٹرنیٹ بند کرنے کا کوئی فیصلہ نہیں ہوا،جبکہ الیکشن کمیشن آف پاکستان نے 8 فروری کو پولنگ والے دن کے حوالے سے سیاسی جماعتوں کے لیے خصوصی ہدایات جاری کردیں ہیں، الیکشن کمیشن نے اپنے اعلامیے میں کہا ہے کہ سیاسی جماعتوں کو انتخابات کے دن پولنگ اسٹیشن کے اردگرد 400 میٹر تک کسی بھی قسم کی مہم کی اجازت نہیں ہوگی، اسی حدود میں ووٹرز کو قائل کرنے پر اور ان کو ووٹ ڈالنے اور نہ ڈالنے کی التجا کرنے پر بھی پابندی ہوگی۔

الیکشن کمیشن نے ملک بھر میں انتخابات کے لیے7 لاکھ بیلٹ باکس کا انتظام کر لیا جبکہ ووٹنگ کے لیے 2 لاکھ 76 ہزار سے زائد پولنگ بوتھ قائم کئے جائیں گے، ہر پولنگ بوتھ پر 2 بیلٹ باکس رکھے جائیں گے، ایک بیلٹ باکس میں قومی اسمبلی اور دوسرے میں صوبائی اسمبلی کے لیے ووٹ کاسٹ ہوں گے۔

ملک بھرمیں 5 لاکھ 52 ہزار بیلٹ باکس استعمال ہوں گے جبکہ ڈیڑھ لاکھ ریزرو رکھے جائیں گے، بیلٹ باکس بھرجانے پر دوسرا بیلٹ باکس فراہم کیا جائے گا، بیلٹ پیپرز کی پرنٹنگ کا کام مکمل ہو چکا ہے، صوبائی سطح پر سکیورٹی، ٹرانسپورٹ، مواصلاتی اور ایمرجنسی پلان بھی تیار ہے،الیکشن کمیشن نے عام انتخابات کے لیے 26 کروڑ بیلٹ پیپرز کی ترسیل کا کام مکمل کرلیا۔

ترجمان الیکشن کمیشن کے بیلٹ پیپرز کی ترسیل کا عمل زمینی اور ہوائی راستوں سے مکمل کیا گیا، تمام بیلٹ پیپرز، سرکاری پریس سے متعلقہ ڈسٹرکٹ ریٹرننگ آفسران اور ان کے نمائندوں کے حوالے کیے گئے، موسم کی خرابی کے باعث بھی بیلٹ پیپرز کی ترسیل میں مسائل درپیش رہے۔

عام انتخابات کی مانیٹرنگ کے لیے کنٹرول روم قائم کردیا گیا، 32 ریجنل اور 144 ضلعی مانیٹرنگ ٹیمیں شکایات کے ازالے لیے کام کررہی ہیں، الیکشن کمیشن کا میڈیا نمائندگان کو انتخابات کےلئے قائم نیٹورک آپریشن سینٹر کا دورہ تفصیلی بریفنگ دی گئی، ایڈیشنل ڈی جی مرکزی کنٹرول روم ہارون شنواری نے بریفنگ میں بتایا اسٹیٹ آف ارٹ سسٹم میں مانیٹرنگ کے لیے خصوصی اقدامات کیے، شکایات درج کرانے کے لیے پہلی مرتبہ واٹس ایپ استعمال کر رہے ہیں، 26 دسمبر سے اب تک 625 افراد کو نوٹسز، 252 امیدواروں کو شوکاز نوٹس اور 156 لوگوں کو ضابطہ اخلاق کی خلاف ورزی پر جرمانے کیے، اب تک 221 شکایات موصول ہوئیں، جن میں سے 198 شکایات کو حل کرلیا گیا ہے۔

اسلام آباد: عورت فاؤنڈیشن نے عام انتخابات 2024 میں سیاسی جماعتوں کی طرف سے الیکشنز ایکٹ 2017 کے سیکشن 206 کی خلاف ورزی پر چیف الیکشن کمشنر سکندر سلطان راجہ کو خط لکھ دیا-

باغی ٹی وی : عورت فاؤنڈیشن، پاکستان میں خواتین کے حقوق اور جمہوریت کو مضبوط بنانے کے لیے کام کرنے والی سول سوسائٹی کی تنظیم ہے۔ماضی کی طرح یہ تنظیم حالیہ الیکشن کے حوالے سے بھی ایک گہری نظر رکھے ہوئی ہے اور ایک تجزیے کے مدنظر جو کہ الیکشن کمیشن کے ڈیٹا کی روشنی میں کیا گیا ہے یہ بات سامنے آئی ہے کہ کئی مرکزی دھارے کی سیاسی جماعتوں نے الیکشنز ایکٹ 2017 کے سیکشن 206 کی تعمیل نہیں کی، جس کے مطابق عام انتخابات 2024 میں ہر صوبائی اور قومی اسمبلی میں خواتین کو کم از کم پانچ فیصد جنرل نشستوں کے ٹکٹ دیئے جانا ایک قانونی تقاضا تھا۔

قومی اسمبلی (این اے) کی 266 نشستوں پر الیکشن میں حصہ لینے والی8 سیاسی جماعتوں کے عورت فاؤنڈیشن کی جانب سے کیے گئے اس تجزیے میں یہ بات سامنے آئی کہ صرف ایم کیو ایم اور پاکستان مسلم لیگ(ن)نے جنرل نشستوں پر خواتین کو 5 فیصد سے زیادہ ٹکٹ دے کر قانونی تقاضے کو پورا کیا ہے، اور باقی 6 جماعتیں، بشمول، پی پی پی پی،جمعیت العلمائے اسلام (ف)،جماعت اسلامی ،عوامی نیشنل پارٹی ،بلوچستان نیشنل پارٹی (مینگل) اورتحریک لبیک پاکستان الیکشن کمیشن کے مقرر کردہ ہدف کو پورا کرنے میں ناکام رہی ہیں۔

وفاقی کابینہ نے پی آئی اے کی تنظیم نو کی منظوری دے دی

تجزیہ سے یہ بھی پتہ چلتا ہے کہ ایم کیو ایم نے 73 ٹکٹیں مرد امیدواروں کو دی ہیں، جن میں سے 7 خواتین کو دیے گئے، خواتین کے ٹکٹوں کا تناسب 9.59 ہے۔ مسلم لیگ (ن) نے مجموعی طور پر 205 جنرل نشستوں کے ٹکٹ دیے ہیں جن میں سے 189 مردوں اور 16 خواتین کو 7.80 فیصد کے ساتھ ٹکٹ دیے گئے۔ پی پی پی پی نے 245 این اے ٹکٹ دیے ہیں، جس میں 234 مرد اور 11 خواتین کو شامل ہیں، جو کہ 4.5 فیصد کا تناسب بنتا ہے۔ جماعت اسلامی نے این اے کے 229 ٹکٹ دیے ہیں، جسمیں 219 مرد اور 10 خواتین شامل ہیں، جن کا تناسب 4.37 فیصد بنتا ہے-

اے این پی نے 59 ٹکٹ دیے ہیں جن میں سے صرف دو جنرل نشستوں کے ٹکٹ خواتین کے لیے ہیں، جن کی فیصد 3.33 بنتی ہے۔ TLP (تحریک لبیک پاکستان) نے 220 ٹکٹوں میں سے صرف 2 خواتین کو ٹکٹ دیے ہیں اور اسکا تناسب 0.09% بنتا ہے۔ جے یو آئی (ف) اور (بی این پی) نے قومی اسمبلی کے لیے ایک بھی ٹکٹ خواتین کو نہیں دیا، جب کہ جے یو آئی (ف) نے 127 مردوں کو ٹکٹ دیے ہیں۔ بی این پی نے مردوں کو 11 سیٹیں دی ہیں۔

خاور مانیکا اور عمران خان کی اڈیالہ جیل میں ہونے والی بات چیت منظر …

خیبر پختونخواہ صوبائی اسمبلی میں متحدہ قومی موومنٹ، پاکستان مسلم لیگ (ن) ،جماعت اسلامی، اور جمعیت العلمائے اسلام (ف) الیکشن کمیشن کے مقرر کردہ ہدف کو پورا کرنے میں ناکام رہی ہیں، اور انہوں نے عورتوں کوپانچ فیصد سے کم ٹکٹ دئیے ہیں۔

پنجاب صوبائی اسمبلی میں متحدہ قومی موومنٹ، پاکستان مسلم لیگ (ن)، پی پی پی پی ،جماعت اسلامی ،تحریک لبیک پاکستان اور بلوچستان نیشنل پارٹی (مینگل) الیکشن کمیشن کے مقرر کردہ ہدف کو پورا کرنے میں ناکام رہی ہیں، اور انہوں نے عورتوں کوپانچ فیصد سے کم ٹکٹ دئیے ہیں۔

سندھ صوبائی اسمبلی میں متحدہ قومی موومنٹ اورجماعت اسلامی نے عورتوں کوپانچ فیصد سے کم ٹکٹ دئے ہیںاور لیکشن کمیشن کے مقرر کردہ ہدف کو پورا کرنے میں ناکام رہی ہیں۔

بلوچستان اسمبلی میں متحدہ قومی موومنٹ، پاکستان مسلم لیگ (ن)، پی پی پی پی ،تحریک لبیک پاکستان، جمعیت العلمائے اسلام (ف) اور ،عوامی نیشنل پارٹی ا لیکشن کمیشن کے مقرر کردہ ہدف کو پورا کرنے میں ناکام رہی ہیں، اور انہوں نے عورتوں کوپانچ فیصد سے کم ٹکٹ دئیے ہیں۔

سوک چیمبر آف دی رشین فیڈریشن کے ارکان الیکشن کمیشن کا دورہ

واضح رہے کہ خواتین کو 5 فیصد عام نشستوں کا ٹکٹ دینا ایک قانونی شرط ہے، اور اگر سیاسی جماعتیں اسے پورا نہیں کرتیں تو انہیں انتخابی نشان نہیں دیا جا سکتا، اور سیاسی جماعت کے طور پر الیکشن نہیں لڑ سکتے۔ ہم یہ بھی بتانا چاہیں گے کہ قومی اسمبلی میں انتخاب لڑنے والے امیدواروں کی حتمی فہرست چند روز قبل جاری کی گئی تھی، جو کہ شیڈول سے بہت زیادہ ہے، اس لیے ابھی تجزیہ کیا جا رہا ہے۔یہ حقیقت بھی مدنظر رکنی چاہیے کہ الیکشن کمیشن نے ابھی تک سیاسی جماعتوں کی طرف سے پیش کردہ فہرستیں اپنی ویب سائٹ پر نہیں ڈالی ہیں۔

یہ بھی واضح رہے کہ الیکشنز ایکٹ 2017 کے سیکشن 206 کو سیاسی جماعتوں کے ضابطہ اخلاق کے نکتہ نمبر 6 کے ساتھ پڑھنے کی ضرورت ہے، جس میں واضح طور پر کہا گیا ہے کہ ہر سیاسی جماعت ہر اسمبلی میں خواتین کو 5 فیصدعام نشستوں پر ٹکٹ دے گی۔
یہ بھی تسلیم نہیں کیا جا سکتا کہ سیاسی جماعتیں اس ذمہ داری سے آگاہ نہیں ہیں کیونکہ تمام جماعتیںہر انتخابات کے موقع پر الیکشن کمیشن کو حلف نامہ جمع کراتی ہیں کہ انہوں نے خواتین کو 5% ٹکٹیں الاٹ کی ہیں ۔ اگر انہوں نے ایسا کیا ہے اور پاننچ فیصد سے کم ٹکٹ دیے ہیں، تو وہہ ایلیکشن کمیشن کو ”غلط اطلاعات فراہم ‘ کرنے کی مرتکب ہوئی ہیں، جو ایک سنگین خلاف ورزی ہے۔ دوئم ، یہ کہ پی پی پی پی، مسلم لیگ (ن)،پی ٹی آئی، اے این پی اور حتیٰ کہ ٹی ایل پی سمیت مرکزی دھارے کی بیشتر جماعتوں نے عام انتخابات 2018 میں اس قانونی تقاضے کو کو پورا کیا تھا۔

پولنگ کے دوران یقینی بنایا جائے کہ میڈیا انتخابی عمل میں کوئی رکاوٹ نہ ڈالے،الیکشن …

ہم الیکشن کمیشن آف پاکستان سے درخواست کرتے ہیں کہ وہ انتخابی قانون کی اس خلاف ورزی کا نوٹس لے، کیونکہ 5% کی پابندی پہلے سے ہی ایک کم حد تھی، اور اگر پارٹیاںاپنے بلند بانگ دعووں کے باوجود خواتین کو انتخابی عمل میں مرکزی دھارے میں لانے کے مواقع فراہم کرنے میں ان کو نظرانداز کرتی رہیں، یعنی نصف آبادی کو ان کے جائز حق سے محروم رکھتی ہیں تویہ جمہوریت کے فروغ کے لیے تشویشناک بات ہے۔

یہ وقت ہے کہ الیکشن کمیشن آف پاکستان خواتین کو وہ اہمیت دے جس کی وہ حقدار ہیں اور تمام سیاسی جماعتوں پر اپنے قوانین کو بلا تفریق نافذ کرے۔ہمارا مقصد عورتوں کے حوالے سے آئین اور قانون میں موجود شقوں کا تحفظ کرنا ہے، اور ہم الیکشن کمیشن پر مکمل اعتماد کا اظہار کرتے ہیں، اور ان کے ساتھ مکمل تعاون کے خواہاں ہیں۔

حساس پولنگ اسٹیشن پر سی سی ٹی وی کیمرے لگانے والی ٹیم اور واپڈا اہلکار …

عورت فاؤنڈیشن نے کہا کہ (یہ واضح رہے کہ یہ تجزیہ ECP کی ویب سائٹ پر دستیاب فارم 33 پر مبنی ہے جن کی تعداد ایک ہزار سے زائد ہے،اور، چونکہ ECP نے سیاسی جماعتوں کے امیدواروں کی فہرست ابھی تک اپنی ویب سائٹ پر اپ لوڈ نہیں کی ہے ، اس لیے غلطی کا معمولی امکان ہے، اس لیے ECP سے گزارش ہے کہ ہمارے تجزیے کا اپنے اعداد و شمار کے مطابق ہمارے اعداد و شمار کا جایزہ لے، اور اس کی تصحیح کرے)