Baaghi TV

Tag: انڈیا

  • بھارت میں گوگل پر ایک ہفتہ میں دوسری بار جرمانہ عائد

    بھارت میں گوگل پر ایک ہفتہ میں دوسری بار جرمانہ عائد

    نئی دہلی: مسابقتی کمیشن آف انڈیا (سی سی آئی) نے سرچ انجن گوگل کی من مانی کو روکنے کے لیے ایک بار پھر جرمانہ عائد کیا ہے-

    باغی ٹی وی : بھارتی میڈیا کے مطابق گوگل کو پلے اسٹور کی پالیسیوں میں اپنی غالب پوزیشن کا غلط استعمال کرنے پر مسابقتی کمیشن نے 11 کروڑ 30 لاکھ ڈالرز (24 ارب 59 کروڑ پاکستانی روپے سے زائد) کا جرمانہ کیا ہے۔

    ویڈیو شئیرنگ ایپ یو ٹیوب میں نئے فیچرز کا اضافہ

    اکتوبر کے مہینے میں یہ دوسرا موقع ہے جب بھارت میں گوگل پر اس طرح کی کاروائی کی گئی ہے اس سے قبل سی سی آئی کی جانب سے تقریباً ر 16 کروڑ 19 لاکھ ڈالرز روپے کا جرمانہ عائد کیا گیا تھا۔

    اس طرح گوگل پر اب تک تقریباً 2700 کروڑ روپے کا جرمانہ لگایا جا چکا ہے۔ یہ کاروائی اینڈرائیڈ موبائل ڈیوائس سیگمنٹ میں اس کی مضبوط مارکیٹ پوزیشن کا غلط استعمال کرنے کے لیے کی گئی۔ اس کے علاوہ، سی سی آئی نے معروف انٹرنیٹ کمپنی کو غیر منصفانہ تجارتی سرگرمیوں کو روکنے کی ہدایت کی تھی۔

    سی سی آئی نے گوگل کو یہ ہدایت بھی کی ہے کہ وہ ایپ ڈویلپرز کو تھرڈ پارٹی بلنگ یا پیمنٹ سروسز تک رسائی سے نہ روکے وہ ایک مقررہ وقت کے اندر کام کرنے کے طریقے پر نظر ثانی کرے۔ سی سی آئی کے پہلے ایکشن پر سرچ انجن گوگل کا ردعمل بھی آیا۔

    کمپنی نے کہا تھا کہ سی سی آئی کا فیصلہ ہندوستانی صارفین اور کاروباری اداروں کے لیے ایک بڑا دھچکا ہے۔

    استعمال کرنے والوں کیخلاف پوری دنیا میں کریک ڈاؤن کا فیصلہ

    یہ ان ہندوستانیوں کے لیےسنگین سیکورٹی خطرات کے مواقع پیش کرتا ہےجواینڈرائیڈ کے سیکورٹی فیچرزپرانحصار کرتے ہیں اس فیصلے سے ہندوستانیوں کے موبائل آلات کی قیمت میں اضافہ ہونے کا امکان ہے اس کے ساتھ ہی گوگل نے فیصلے پر نظرثانی کی بات کی تھی۔

    گوگل کے ایک ترجمان نے نئے جرمانے پر کہا کہ اخراجات کو کم رکھ کر ہمارے ماڈل نے بھارت میں ڈیجیٹل انقلاب کے حوالے سے مدد فراہم کی اور کروڑوں شہریوں تک اسے توسیع دی گئی۔

    ترجمان کے مطابق ہم اس فیصلے کا جائزہ لے کر مزید اقدامات کا تعین کریں گے س فیصلے کے خلاف گوگل کی جانب سے عدالت سے رجوع کیا جاسکتا ہے۔

    سی سی آئی نے 199 صفحات کے فیصلے میں گوگل کو 3 ماہ کے اندر تبدیلیوں کا حکم دیا ہے اور ہدایت کی ہے کہ کمپنی کی جانب سے شفافیت کو یقینی بنایا جائے مسابقتی کمیشن نے اس حوالے سے 2020 میں تحقیقات کا آغاز کیا تھا اور شکایت کرنے والے فرد کی شناخت کو چھپایا گیا۔

    واٹس ایپ کا صارفین کیلئے نیا فیچر متعارف کرانے کا اعلان

  • ملازمت چھوڑنے سے انکار،بیوی کو بیہمانہ تشدد کے الزام میں شوہر گرفتار

    ملازمت چھوڑنے سے انکار،بیوی کو بیہمانہ تشدد کے الزام میں شوہر گرفتار

    بھارت میں ایک شوہر نے ملازمت چھوڑنے سے انکار پر اپنی اہلیہ کو بہیمانہ تشدد کا نشانہ بنایا جس پر پولیس نے اسے گرفتار کرلیا۔

    باغی ٹی وی : بھارتی میڈیا کے مطابق پولیس کاکہنا ہےکہ بیوی اپنے شوہر کی بغیر اجازت سپر مارکیٹ میں ملازمت کررہی تھی اور اسی وجہ سے شوہر نے شدید تشدد کا نشانہ بنایا-

    عراق میں اڑھائی ارب ڈالر کی چوری: عدالت نے فنانس کمیٹی کے رکن کو طلب کر لیا

    پولیس نے بدھ کے روز ایک 27 سالہ شخص کو کیرالہ کے ترواننت پورم ضلع میں اپنی بیوی کو بے دردی سے مارنے اور فلم بنانے کے الزام میں گرفتار کیا۔ پولیس نے دلیپ کو اس وقت گرفتار کیا جب سابق کی ایک پریشان کن ویڈیو انٹرنیٹ پر کئی بار چلی گئی۔

    ترواننت پورم کے ایک مقامی شخص دلیپ نے مبینہ طور پر اپنی بیوی کو اس لیے مارا کہ وہ اس کی خواہش کے خلاف ایک سپر مارکیٹ میں کام کرنے جا رہی تھی-

    بھارتی میڈیا کے مطابق ویڈیو میں دلیپ کو اپنی بیوی کو بری طرح مارتے ہوئے دیکھا جا سکتا ہے خاتون ک موقف تھا کہ قرض ادا کرنے کے لیے مجھے نوکری پر جانا ہےا خاتون کے چہرے پر زخم آئے-

    ٹھٹھہ : ضلع بھر کی پولیس نے منشیات فروشوں کو لوہے کے چَنے چَبْوا دیئے

    دلیپ کی بیوی کی طرف سے درج کرائی گئی شکایت کی اطلاع پر کارروائی کرتے ہوئے، مالائینکیزو پولیس نے ملزم کو قتل کی کوشش اور کئی دیگر الزامات کے تحت گرفتار کیا۔

    اس سے قبل، جون میں، مدھیہ پردیش کے دیواس ضلع میں ایک خاتون کو مارا پیٹا گیا تھا اور اس کے شوہر کو کسی دوسرے مرد کے ساتھ مبینہ تعلقات کی وجہ سےجوتوں کی ہارپہنا کر کندھوں پراٹھانے پر مجبورکیا گیا تھااے این آئی کے مطابق یہ واقعہ دیواس ضلع کے بورپاداو گاؤں میں پیش آیا-

    اے آر وائی دفتر کے باہر آفس وین میں موجود صحافیوں کو لوٹ لیا گیا

  • تین سال کا بچہ اپنی ماں کی شکایت لے کر تھانے پہنچ گیا

    تین سال کا بچہ اپنی ماں کی شکایت لے کر تھانے پہنچ گیا

    نئی دہلی: تین سال کا بچہ اپنی ماں کی شکایت لے کر تھانے پہنچ گیا۔

    باغی ٹی وی : بھارتی میڈیا کے مطابق بھارتی ریاست مدھیہ پردیش میں تین سال کا بچہ اپنی ماں کے خلاف شکایت لے کر تھانے پہنچ گیا۔ بچے نے تھانے کے عملے سے ماں کی شکایت کرتے ہوئے کہا کہ وہ اسے ٹافیاں کھانے نہیں دیتیں اورتھپڑمارتی ہیں اس لیے انہیں گرفتار کیا جائے۔

    بھارت: زائرین کو لیجانے والا ہیلی کاپٹر تباہ،پائلٹ سمیت 7 افراد ہلاک


    تین سال کے صدام کو اس کے والد ضد کرنے پر تھانے لے کر پہنچے تو تھانے کا عملہ اتنے کم عمر شکایت لے کر آنے والے کو دیکھ کر حیران رہ گیا بچے نے خاتون سب انسپکٹر کو اپنی والدہ کے خلاف شکایت درج کرائی اور انہیں گرفتار کرنے کا کہا-

    اس واقعے کی ویڈیو، سوشل میڈیا پر گردش کر رہی ہے، اس میں صدام کو برہان پور کے دیتلائی میں سب انسپکٹر کو اپنی شکایت بیان کرتے ہوئے دکھایا گیا ہے۔ وہ سب انسپکٹر پرینکا نائک سے کہتا ہے، "امّی نے میری مٹھائیاں چرائی، اسے جیل میں ڈال دیا۔

    ڈپریشن کے علاج کے لیے دماغ کی پہلی کامیاب سرجری

    خاتون افسر نے بچے کو پیار کیا اور جھوٹ موٹ اس کی شکایت درج کرکے ایک کاغذ پر باقاعدہ دستخط بھی کروائے بچے کی معصومیت پر اپنی ہنسی پر قابو پانے کے لیے جدوجہد کرتے ہوئے، اس سے کچھ سوالات پوچھتی ہیں اور شکایت درج کروانے کا بہانہ کرتے ہوئے اپنے خدشات کو بیان کرتی ہیں۔

    پولیس افسر نے بچے کو یقین دہانی کرائی کے اس کی ماں کوگرفتار کرلیا جائے گا۔ ماں کے خلاف تھانے پہنچنے والے بچے کی ویڈیو سوشل میڈیا پر وائرل ہوگی۔

    صدام کے والد نے پولیس کو بتایا کہ جب اس نے کینڈی مانگی تو اس کی ماں نے اس کے گال پر آہستہ سے پیٹا اس نے صدام کو پریشان کر دیا، اور اس نے مجھ سے اسے پولیس والوں کے پاس لے جانے کو کہا۔

    ویڈیو کلپ کے وائرل ہونے کے بعد، ریاست کے وزیر داخلہ نروتم مشرا نے ایک ویڈیو کال پر بچے سے بات کی اور اس سے وعدہ کیا کہ وہ دیوالی پر اسے چاکلیٹ اور ایک سائیکل بھیجے گا-

    قیدیوں کے تبادلے کے معاہدے میں سعودی عرب کی کوششیں قابل تعریف ہیں،یوکرین

  • بھارت: زائرین کو لیجانے والا ہیلی کاپٹر تباہ،پائلٹ سمیت 7 افراد ہلاک

    بھارت: زائرین کو لیجانے والا ہیلی کاپٹر تباہ،پائلٹ سمیت 7 افراد ہلاک

    بھارتی ریاست گجرات میں بس اور ٹرالر میں تصادم سے 6 افراد ہلاک ہوگئے۔

    باغی ٹی وی : بھارتی میڈیا کے مطابق یہ واقعہ احمدآباد ممبئی نیشنل ہائی وے پر پیش آیا جس میں ہائی وے پر بس نے اوورٹیک کی کوشش کی اور وہ ٹرالر سے جاٹکرائی۔

    لاہور میں ایک روز میں تین خواتین کے ساتھ ہوئی زیادتی

    بھارتی میڈیا کے مطابق حادثے میں مرنے والے تمام افراد بس کے مسافر تھے جن میں خاتون اور بچہ بھی شامل ہیں۔

    دوسری جانب بھارتی ریاست اتراکھنڈ میں ہیلی کاپٹر گرکر تباہ ہوگیا جس میں پائلٹس سمیت 7 افراد ہلاک ہوگئےبھارتی میڈیا کے مطابق ہیلی کاپٹر ریاست اتراکھنڈ کے علاقے پھٹا سےکیدرناتھ کے زائرین کو لے کر جارہا تھا کہ اس دوران حادثے کا شکار ہوگیا۔

    بھارتی میڈیا کے مطابق ہیلی کاپٹر کو حادثہ منگل کے روز دوپہر 12 بجے کے قریب پیش آیا جس میں ہیلی کاپٹر گرکر تباہ ہوگیا جس میں دونوں پائلٹ سمیت 6 افراد ہلاک ہوگئے حادثے کی اطلاع ملنے پر انتظامیہ نے ریسکیو آپریشن شروع کردیا اور لاشوں کو اسپتال منتقل کیا۔

    راولپنڈی:مسلح ڈاکو ٹرک سے 40 لاکھ کی مونگ پھلی لوٹ کر فرار

    بھارتی وزارت ہوا بازی کے مطابق یہ حادثہ بارش اور دھند کے باعث پیش آیا ریگولیٹری باڈی ڈائریکٹوریٹ جنرل آف سول ایوی ایشن نے حادثے کی تصدیق کی ہے۔

    ہوابازی کے وزیر جیوتی رادتیہ سندھیا نے کیدارناتھ میں ہیلی خدمات پر اگلے احکامات تک پابندی لگا دی گئی ہے۔ کیدارناتھ میں اب بھی موسم خراب ہے یہاں برف پڑ رہی ہے۔

    ڈاکوؤں نے 15 کروڑ لوٹا، پولیس نے 5 کروڑ برآمد کر لیا

    دوسری جانب بھارت میں ایک اور خوفناک حادثہ پیش آیا اور فیس بک کی لائیو اسٹریمنگ کے دوران چار دوستوں کی جانب سے بولا جانے والا جملہ سچ ثابت ہوگیا-

    میڈیا رپورٹس کے مطابق بی ایم ڈبلیو میں سوارچار دوست تیزرفتاری میں گاڑی چلا رہے تھے اور وہ اس دوران فیس بک پر لائیو اسٹریمنگ کررہے تھے جس میں وہ یہ بتارہے تھے کہ گاڑی کی اسپیڈ 230کلو میٹر فی گھنٹہ ہے جب کہ گاڑی 300 کلو میٹر فی گھنٹہ کو پہنچنے والی ہے اور ہم چاروں مریں گے بی ایم ڈبلیو میں سوار چار دوستوں کو معلوم نہ تھا کہ مذاقاً بولا جانے والا جملہ اتنی جلدی سچ میں بدل جائے گا۔

    پولیس کے مطابق اسی دوران تیز رفتار گاڑی ایک ٹرک میں جا گھسی جس سے گاڑی میں سوار چاروں دوست باہر جا گرے اور موقعے پر ہی دم توڑ گئے چاروں دوستوں کا تعلق بھارت سے ہے اور وہ بہار سے دہلی جارہے تھے، ان کی گاڑی کو حادثہ اترپردیش میں پیش آیا۔

    آٹھ سالہ بچی کے ساتھ مبینہ زیادتی کا ڈراپ سین،والد لینا چاہتا تھا مخالفین سے دشمنی…

  • ارب پتی تاجر مکیش امبانی اور ان کی اہلیہ کو قتل کی دھمکیاں

    ارب پتی تاجر مکیش امبانی اور ان کی اہلیہ کو قتل کی دھمکیاں

    بھارت میں ایک شخص کی جانب سے دنیا کے ارب پتی تاجر مکیش امبانی اور ان کی اہلیہ کو قتل کی دھمکیاں دی گئی ہیں۔

    باغی ٹی وی : بھارتی میڈیا کے مطابق ریاست بہار کے علاقے دربھنگا سے ایک شخص کو ارب پتی تاجر مکیش امبانی اور ان کی اہلیہ نینا اور بیٹے آکاش کو فون کر کے قتل کی دھمکیاں دینے والے شخص کو حراست میں لیا گیا ہے۔

    نیپال کرکٹ ٹیم کے سابق کپتان جنسی زیادتی کیس میں گرفتار

    ملزم، جو ایک بے روزگار شخص ہے، کی شناخت راکیش کمار مشرا کے طور پر کی گئی ہے، اور اسے ممبئی واپس لایا جا رہا ہے متعلقہ شخص کی جانب سے سر این ایچ رلائنس فاؤنڈیشن اسپتال کو دھماکے سے اڑانے کی دھمکی بھی دی گئی۔

    مکیش امبانی کو قتل کی دھمکیاں دینے والا شخص پولیس کی زیر حراست

    بدھ کو ممبئی کے سر ایچ این ریلائنس فاؤنڈیشن ہسپتال کو پانچ گھنٹے کے اندر دو دھمکی آمیز کالیں موصول ہوئیں اور فون کرنے والے نے ہسپتال کو اڑانے کی دھمکی دی امبانی خاندان کے کچھ افراد کے خلاف دھمکیاں بھی دی گئیں۔

    بھارتی میڈیا کے مطابق دھمکی آمیز فون کال اسپتال کے لینڈ لائن نمبر پر کی گئی جس کے بعد مکیش امبانی کی رہائشگاہ ’انتیلیا‘ کے باہر سکیورٹی سخت کر دی گئی۔

    بھارتی کھانسی کی دوا سے افریقی ملک کے 66 بچے ہلاک

    پولیس ترجمان نے بتایا کہ سر ایچ این ریلائنس فاؤنڈیشن اسپتال کے کال سینٹر پر ایک کال موصول ہوئی جس میں اسپتال کو بم سے اڑانے اور مکیش امبانی، نیتا امبانی، آکاش امبانی اور اننت امبانی کی جان لینے کی دھمکی دی گئی تھی۔

    بھارتی میڈیا کے مطابق امبانی خاندان کو دھمکی آمیز کالوں کے واقعے میں تیزی سے کام کرتے ہوئے، ممبئی پولیس کی ایک ٹیم نے بہار پولیس کی مدد سے بہار کے دربھنگہ کے ایک بلاک سے آدھی رات کو ایک شخص کو حراست میں لیا۔ ٹیم ملزم کے ساتھ ممبئی واپسی کے راستے پر ہے۔ اس معاملے میں تفتیش کی جا رہی ہے-

    پولیس کے مطابق ملزم کے خلاف تعزیرات ہند (آئی پی سی) کی دفعہ 506(2,507) کے تحت مقدمہ درج کیا گیا ہے۔ انہوں نے کہا کہ ملزم بے روزگار ہے اور اس نے دھمکی آمیز کال کرنے کے پیچھے مقصد ظاہر نہیں کیا ہے۔

    بین الاقوامی

    بیٹوں کو یوکرین کیخلاف جنگ میں بھیجنے کا انعام،پیوٹن نے چیچن سربراہ کوروسی فوج کے اعلی فوجی عہدے…

    ریلائنس گروپ ٹیلی کام، ریٹیل، قابل تجدید توانائی اور پیٹرولیم مصنوعات سے وابستہ ہے۔ حال ہی میں، وزارت داخلہ نے انٹیلی جنس ایجنسی کی دھمکی پرسیپشن رپورٹ کی بنیاد پر مکیش امبانی کی سیکیورٹی کو بڑھا کر Z+ کیٹیگری کر دیا ہے۔

    امریکی جریدے فوربس کی رپورٹ کے مطابق مکیش امبانی کے اثاثوں کی مالیت 85 اعشاریہ 9 ارب ڈالر ہے۔

  • بھارت کو شکست، پی سی بی نے پاکستانی ڈریسنگ روم سے کھلاڑیوں کے جذباتی مناظرشئیر کر دیئے

    بھارت کو شکست، پی سی بی نے پاکستانی ڈریسنگ روم سے کھلاڑیوں کے جذباتی مناظرشئیر کر دیئے

    متحدہ عرب امارات میں جاری ایشیا کپ ٹی ٹوئنٹی ٹورنامنٹ کے سپر فور مرحلے کے سنسی خیز میچ میں پاکستان نے بھارت کو 5 وکٹوں سے شکست سے دوچار کیا تھا جس پر جہاں پاکستانی عوام نے خوشی منائی وہیں پاکستانی کھلاڑیوں نے بھی ڈریسنگ روم میں جشن منایا جس کے مناظر سوشل میڈیا پر وائرل ہو گئے-

    باغی ٹی وی : گزشتہ روز پاکستان نے دلچسپ مقابلے کے بعد بھارت کو آخری اوور میں 5 وکٹوں سے شکست دے کر گروپ میچ میں ہار کا حساب برابر کر دیا میچ کی آخری گیند تک جہاں شائقین کرکٹ کی نظریں اسکرینوں پرجمی رہیں اور دل کی دھڑکنیں اوپرنیچے ہوتی رہیں وہیں پاکستانی کرکٹرز بھی ڈریسنگ روم میں سانسیں روکے نظر آئے جس کی ویڈیو پی سی بی نے سوشل میڈیا پر جاری کی ہے-

    بھارت میں سکھوں سے نفرت: آصف کا کیچ کیوں چھوڑا؟ بھارتی انتہا پسندوں نے ارشدیپ سنگھ کو خالصتانی قرار…


    پی سی بی کی جانب سے شیئر کی گئی ویڈیو میں سنسنی خیز میچ کےدوران کپتان بابر کو شیشے کے پاس کھڑے پریشان سی صورتحال میں میچ دیکھتے دیکھا جا سکتا ہے، دوسری جانب فاسٹ باؤلر نسیم شاہ، شاداب اور حارث رؤف بیٹھے منہ پر ہاتھ رکھے میچ دیکھ رہے ہیں۔

    ویڈیو میں پاکستان کی جیت پر شاداب خوشی کے مارے اچھلتے دیکھے گئے اور بابر اور دیگر کھلاڑی بھی ایک دوسرے کے ساتھ جذبات میں گلے ملتے بھی دیکھے گئے۔

    دوسری جانب بھارت کےخلاف پاکستان کی جیت کا جشن مقبوضہ کشمیرمیں بھی بھرپور طریقے سے منایا گیا سنسنی خیز مقابلے میں بھارت کو پاکستان سے شکست کے بعد مقبوضہ کشمیر میں بھی نوجوان سڑکوں پر نکل آئے اور خوشی میں پٹاخے چلائے گئے۔

    پاکستانی ٹیم کی بھی کلاس ہے جس کے چیلنج کا سامنا آج ہوا، بھارتی کپتان،پاکستان مقابلے کی ٹیم…

    جشن کے دوران نوجوانوں نےمقبوضہ کشمیرکےمتعدد مقامات پر اللہ اکبراورپاکستان زندہ باد کے نعرے بھی لگائےاس کے علاوہ آزاد کشمیر میں بھی مختلف مقامات پر بڑی اسکرینوں پر پاک بھارت میچ دیکھا گیا اور پاکستان کی جیت کی خوشی میں جشن بھی منایا گیا۔


    اس حوالے سے لیگی رہنما خواجہ سعد رفیق نے اپنے ٹوئٹر پر ویڈیو شئیر کی جس میں کشمیریوں کو پاکستانی جھنڈے لہراتے اور پٹاخے جلاتے دیکھا جاسکتا ہے۔

    کیچ چھوڑنے پر دھمکیاں، ہربھجن سنگھ اورمحمد حفیظ ارشدیپ سنگھ کی حمایت میں سامنے آ گئے

    ویڈیو کے ہمراہ انہوں نے ایک ٹوئٹ کی جس میں انہوں نے کہا کہ پاکستان جب بھی ہندوستان کو میچ ہراتا ہے جیت کی اصل اور بے مثال خوشی مقبوضہ کشمیر میں منائی جاتی ہے کشمیری ہم سے بڑے پاکستانی ہیں، جدوجہد آزادی کشمیر کو سلام۔


    علاوہ ازیں پاکستان کی جیت پرحریت پسند کشمیری رہنما یاسین ملک کی اہلیہ مشعال ملک نے بھی سوشل میڈیا پر ایک بیان جاری کیا ہے مشعال ملک نے ٹوئٹر پر پاکستان اور بھارت کے میچ کی تصویر شیئر کرتے ہوئے لکھا کہ ’باپ باپ ہوتا ہے‘۔

    واضح رہے کہ گزشتہ روز ایشیا کپ 2022ء کے سپر فور مرحلے میں پاکستان نے بھارت کو شکست دے کر ایونٹ کے ابتدائی مرحلے کی ہار کا بدلہ لے لیا ہے، پاکستان نے بھارت کی جانب سے دیا گیا 182 رنز کا ہدف 5 وکٹوں کے نقصان پر آخری اوور کی پانچویں گیند پر پورا کر لیا۔

    ایشیا کپ: سنسنی خیزمقابلے کے بعد پاکستان نے بھارت کو5 وکٹوں سے ہرا دیا

  • کیچ چھوڑنے پر دھمکیاں، ہربھجن سنگھ اورمحمد حفیظ ارشدیپ سنگھ کی حمایت میں سامنے آ گئے

    کیچ چھوڑنے پر دھمکیاں، ہربھجن سنگھ اورمحمد حفیظ ارشدیپ سنگھ کی حمایت میں سامنے آ گئے

    ایشیا کپ ٹی 20 کے سپر فور مرحلے میں سنسنی خیز مقابلے میں پاکستانی بلے باز محمد آصف کاکیچ چھوڑنے پر بھارتی کھلاڑی زیرعتاب آگیا، انڈین انتہا پسندوں نےارشدیپ سنگھ کو‘خالصتانی’ قرار دیدیا ارشدیپ کوسوشل میڈیا پر دھمکیاں دی جا رہی ہیں۔ ایسے میں سابق بھارتی کرکٹر ہربھجن سنگھ اور پاکستان کے محمد حفیظ نے ان کی حمایت کی ہے۔

    باغی ٹی وی :ایشیا کپ کےاہم میچ میں پاکستان اور بھارت مدمقابل تھےمیچ کے انتہائی سنسنی خیز مرحلے میں بھارتی سکھ کھلاڑی ارشدیپ سنگھ سے پاکستانی بیٹر محمد آصف کا کیچ ڈراپ ہوگیا، جس پر بھارتی انتہا پسند ارشدیپ سنگھ پر برس پڑے۔

    ایشیا کپ: سنسنی خیزمقابلے کے بعد پاکستان نے بھارت کو5 وکٹوں سے ہرا دیا

    اٹھارویں اوور میں پاکستان کو 16 گیندوں پر 31 رنز درکار تھے۔ تیسری گیند پر آصف علی نے شاٹ ماری جس پر گیند ہوا میں گئی، بھارتی کھلاڑیوں کی جانب سے کیچ ، کیچ کی آوازیں لگائی گئیں لیکن فیلڈر ارشدیپ سنگھ نے آصف علی کا آسان کیچ چھوڑ دیا۔

    آصف علی کا کیچ چھوڑنے پر انتہا پسند بھارتیوں نے انہیں خالصتانی قرار دیتے ہوئے کہا کہ ارشدیپ نے پاکستان کو جتوانے کے لیے جان بوجھ کر کیچ چھوڑا جس پر سابق بھارتی کرکٹر ہربھجن سنگھ اور پاکستان کے محمد حفیظ ان کی حمایت میں سامنے آ گئے-


    ہربھجن سنگھ نے ٹویٹ کرتے ہوئے کہا کہ نوجوان کرکٹر پر تنقید کرنا بند کریں،کوئی بھی جان بوجھ کر کیچ نہیں چھوڑتا۔ ہمیں اپنے لڑکوں پر فخر ہے پاکستان نے بہتر کھیلا، شرم آتی ہے ایسے لوگوں پر جو اس پلیٹ فارم پر ارش اور ٹیم کے بارے میں گھٹیاں باتیں کہہ کر اپنے ہی کھلاڑیوں کو نیچا دکھا رہے ہیں۔


    سابق پاکستانی کپتان محمد حفیظ نے کہا کہ بھارتی ٹیم کے تمام شائقین سے میری درخواست ہے کہ کھیل میں ہم انسان ہونے کے ناطے غلطیاں کرتے ہیں۔ براہ کرم ان غلطیوں پر کسی کی تذلیل نہ کریں-

    پاکستانی ٹیم کی بھی کلاس ہے جس کے چیلنج کا سامنا آج ہوا، بھارتی کپتان،پاکستان مقابلے کی ٹیم ہے،ویرات کوہلی

    واضح رہے کہ اس سے پہلے محمد شامی کو بھی بھارتی انتہاپسندوں نے نشانہ بنایا تھا محمد شامی سے پہلے بھی بھارت میں انتہاپسندوں نے ہمیشہ اپنے کھلاڑیوں‌ پرشک کیا اوران کو پاکستان کیطرف داری کےطعنے دیئے گئے یہ وجہ ہےکہ بھارت میں تمام اقلیتیں اس وقت بھارتی ہندووں کی انتہا پسندی سہے خائف ہیں اورعالمی برادری سے مطالبہ کررہے ہیں‌ کہ بھارت کو لگام ڈالی جائے ورنہ بھارت میں اقلیتوں کی زندگیاں مزید مشکلات کا شکار ہوجائیں گی –

    خیال رہے کہ ادھرمتحدہ عرب امارات میں جاری ایشیا کپ ٹی ٹوئنٹی ٹورنامنٹ کے سپر فور مرحلے میں پاکستان نے دلچسپ مقابلے کے بعد بھارت کو آخری اوور میں 5 وکٹوں سے شکست دےکرگروپ میچ میں ہار کا حساب برابر کردیا پاکستان نے بھارت کا 182 رنز کا ہدف محمد رضوان اور محمد نواز کی شاندار اننگز کی بدولت آخری اوور میں 5 وکٹوں کے نقصان پر پورا کرلیا۔

    محمد رضوان نے 71 اور محمد نواز نے 20 گیندوں پر 42 رنز کی اننگز کھیلی جبکہ 4 وکٹیں گرنے کے بعد اختتامی اوورز میں خوشدل اور محمد آصف نےجارحانہ اننگز کھیلی آصف نے 8 گیندوں پر 16 رنز بنائےجبکہ خوشدل 11 گیندوں پر 14 رنز بناکر ناقابل شکست رہے۔محمد نواز کو شاندار اننگز کھیلنے پر مین آف دی میچ کا ایوارڈ دیا گیا۔

    بھارت میں سکھوں سے نفرت: آصف کا کیچ کیوں چھوڑا؟ بھارتی انتہا پسندوں نے ارشدیپ سنگھ کو خالصتانی قرار…

  • بھارت میں پاکستانی ٹوئٹر اکاؤنٹ بندش پر بھارتی ناظم الامور کی طلبی

    بھارت میں پاکستانی ٹوئٹر اکاؤنٹ بندش پر بھارتی ناظم الامور کی طلبی

    پاکستان کے 80 سرکاری ٹوئٹر اکاؤنٹ بند کرنے پر بھارتی ناظم الامور کو دفتر خارجہ طلب کرلیا.

    دفترخارجہ نے بھارت کے ناظم الامور کو طلب کرکے، بھارت کی طرف سے پاکستان کے 80سرکاری ٹوئٹر اکاؤنٹ بند کرنے پر احتجاج کیا گیا۔

    ترجمان دفتر خارجہ کے مطابق بھارت نے پاکستان کے سفارتی مشنز سمیت 80 ٹوئٹر اکاؤنٹ بند کر رکھے ہیں۔ان سفارتی مشنز میں ایران، ترکی، مصر ،اقوام متحدہ سمیت اہم ادارے شامل ہیں۔

    ترجمان کے مطابق: بھارتی ناظم الامور کو بتایا گیا کہ یہ پابندیاں عالمی قواعد و ضوابط اور معلومات تک رسائی کے حقوق و آزادی رائے کی بنیادی آزادی کیخلاف ہے۔

  • پاکستان نے 20 بھارتی ماہی گیروں کو رہا کر دیا

    پاکستان نے 20 بھارتی ماہی گیروں کو رہا کر دیا

    کراچی: پاکستان نے سزا پوری ہونے پر 20 بھارتی ماہی گیروں کو رہا کر دیا۔

    باغی ٹی وی : پاکستان کی جانب سے رہا کیےگئےبھارتی ماہی گیر لانڈھی جیل میں قید تھے بھارتی ماہی گیروں کو حکومت پاکستان نے جذبہ خیر سگالی کے تحت آج صبح ملیر جیل سے رہا کرکے لاہور روانہ کردیا ہے جنہیں پیر کی دوپہر واہگہ بارڈر پر بھارت کے حوالےکیا جائےگا۔

    رحیم یارخان میں کانگو وائرس کا ایک مشتبہ مریض جاں بحق

    کراچی میں نیشنل ہائی وے پر واقع ملیر ڈسٹرکٹ جیل لانڈھی کے سپرنٹنڈنٹ کے مطابق 20 بھارتی ماہی گیروں کو کورٹ پولیس اور ایدھی فاؤنڈیشن کی انتظامیہ کے حوالے کردیا گیا ہے۔

    ایدھی فاؤنڈیشن کے سربراہ فیصل ایدھی کے مطابق 20 ماہی گیروں کو لاہور کے واہگہ بارڈر تک پہنچانے کے تمام سفری اخراجات ایدھی فاؤنڈیشن ادا کر رہی ہے ایدھی فاؤنڈیشن نے ماہی گیروں کو خصوصی بس کےذریعہ لاہور روانہ کر دیا ہے، جیل پولیس کی ٹیم بھی بس میں ماہی گیروں کے ساتھ جائےگی حسب سابق ماہی گیروں کے سفری اخراجات کے علاوہ اخراجات کی رقم اورکچھ تحائف بھی دیے گئے ہیں۔

    پولیس ذرائع کے مطابق رہا کیے گئے ماہی گیروں کو جون 2018 میں پاکستانی سمندری حدود میں غیر قانونی طور پر گھسنے اور بلا اجازت ماہی گیری کرنے کے الزام میں سرکاری اداروں نے گرفتار کیا تھا۔

    رہائی پانے والے ماہی گیروں میں کانجی، مانو، دانا، جیوا، رمیش، دنیش، دیوسی، میرو، نارائن، بھانرا، لال جی، نان جی، دینیش، ابو، یونس، نثار، عقیل، امین، فرید اور انیس شامل ہیں۔

    کسی خونی اور فسادی احتجاج کی اجازت نہیں ہو گی،وفاقی وزیر اطلاعات

  • ہندوستان مسلمان مظاہرین پر پرتشدد کریک ڈاؤن بند کرے،ایمنسٹی انٹرنیشنل

    ہندوستان مسلمان مظاہرین پر پرتشدد کریک ڈاؤن بند کرے،ایمنسٹی انٹرنیشنل

    ایمنسٹی انٹرنیشنل نے بھارت میں جاری مسلمانوں پر تشدد کے واقعات پر مذمت کا اظہار کیا ہے۔

    باغی ٹی وی : تفصیلات کے مطابق ایمنسٹی انٹرنیشنل کے بھارت میں سربراہ آکار پٹیل نے کہا ہے کہ ہندوستان مسلمان مظاہرین پر پرتشدد کریک ڈاؤن بند کرے۔


    انہوں نے کہا کہ امتیازی سلوک پر آواز اٹھانے والے مسلمانوں پر حکومت کریک ڈاؤن کررہی ہے، من مانی حراست،گھروں کی مسماری بھی انسانی حقوق کے عالمی قوانین کی خلاف ورزی ہے۔

    اس کے علاوہ ایمنسٹی انٹر نیشنل نے مظاہرین کی فوری اور غیر مشروط رہائی کا مطالبہ بھی کیا ہے۔

    واضح رہے کہ گزشتہ جمعے کو بھارت کے مختلف شہروں میں توہین رسالت ﷺ کے خلاف احتجاجی مظاہرے کیے گئے لیکن انتہاپسند ہندوؤں اور پولیس نے بھارتی شہر رانچی میں فائرنگ کر کے 16 سالہ نوجوان سمیت 2 افراد کو قتل کیا اور متعدد افراد زخمی ہوئے۔

    سوشل میڈیا پر سامنے آنے والی ویڈیوز میں دیکھا جاسکتا ہے کہ مسلمان مظاہرین کو پولیس اور ہندو انتہا پسند جتھوں نے گولیاں ماریں اور تھانوں کے اندر بھی بد ترین تشدد کا نشانہ بنایا۔

    بھارتی جنتا پارٹی کی حکومت کو مسلمانوں پر بد ترین تشدد اور فائرنگ کرنے کے بعد بھی چین نہ آیا اور احتجاج میں شرکت کرنے والے مسلمانوں کے اسرائیلی طرز پر گھر مسمار کرنا شروع کردیے ہیں۔

    ان تمام واقعات میں سب سے اہم بھارتی ریاست اترپردیش کے شہر الہٰ باد میں ویلفیئر پارٹی کے رہنما محمد جاوید کی گرفتاری اور ان کا گھر مسمار کرنا ہے-

    واضح رہےکہ بھارت میں حکمران جماعت بھارتی جنتا پارٹی (بی جے پی) کی سابق خاتون ترجمان نوپور شرما کی جانب سے رسول اللہ ﷺ کے بارے میں گستاخانہ بیان کے بعد پرتشدد مظاہروں کا سلسلہ جاری ہے-

    احتجاج مہم کے باعث کئی عرب ممالک نے بھارتی سفیروں کو طلب کرکے احتجاج کیا اور بھارتی حکومت سے معافی کا بھی مطالبہ کیا۔ عرب ممالک کے بعد یہ سلسلہ پاکستان سمیت دیگر ممالک میں بھی پھیل گیا اور کئی اسلامی ممالک نے بھی بھارت کے سفیروں کو بلا کر اپنا احتجاج ریکارڈ کروایا اس سب کے باوجود حکومتی سطح پر بی جے پی نے معافی نہیں مانگی بلکہ بھارت میں احتجاج کرنے والے مسلمانوں پر ہی تشدد کا بازار گرم کردیا۔