Tag: اوکاڑہ

اوکاڑہ(علی حسین ) لاہور ملتان روڈ پر مسافروں سے بھری بس ٹائر بلاسٹ ہونیکی وجہ سے الٹ گئی۔ بیس افراد زخمی ہو گئے۔ ریسکیو کا عملہ موقع پر پہنچ گیا۔ زخمیوں کو مقامی ضلعی ہسپتال ریفر کردیا گیا ہے۔ مسافر بس لاہور سے بہاولنگر جا رہی تھی ۔

اوکاڑہ ( علی حسین ) اوکاڑہ میں فیصل محمود کالونی کے قریب سے گزرنے والی نہر سے تیس سالہ نوجوان کی لاش برآمد ہو ئی ہے۔ لاش کی شناخت شہباز علی ساکن عید گاہ روڈ اوکاڑہ کے نام سے ہوئی ہے۔ شہباز رکشہ ڈرائیور تھا اور تین روز سے غائب تھا۔ متوفی کا رکشہ جنرل بس سٹینڈ اوکاڑہ سے ملا ہے تاہم آج لاش نہر سے برآمد ہوئی ہے۔ متوفی کو اغواء کے بعد قتل کرکے نہر میں پھینکنے کا شبہ ظاہر کیا جارہا ہے۔ پولیس نے لاش تحویل میں لیکر تحقیقات کا آغاز کردیا ہے۔

اوکاڑہ(علی حسین ) دیپالپور کے نواحی گاؤں رتیکی میں 17سالہ نوجوان لڑکی نے خود کو گولی مار کر زندگی کا خاتمہ کرلیا۔ محنت کش محمد امیر کی 17سالہ جواں سال بیٹی ریحانہ بی بی نے گھریلو رنجش کی بنا پر دلبرداشتہ ہوکر گزشتہ رات خود کشی کرلی ۔

اوکاڑہ(علی حسین) اوکاڑہ میں چونگی نمبر 6 گریڈ سٹیشن کے قریب ٹریفک حادثے میں ایک نوجوان جاں بحق ہوگیا ہے۔ جاں بحق ہونیوالے کی شناخت حافظ خادم فرید ولد منظور احمد سکنہ دیپالپور کے نام سے ہوئی ہے جو کہ موٹر سائیکل پر سوار تھا۔

صدر گوگیرہ(نامہ نگار) یہاں ایک مقامی سکول سسٹم میں مذاکرہ بسلسلہ یوم نفاذ اردو منعقد ہوا۔ مذاکرے کا اہتمام مرکز قومی زبان ضلع اوکاڑہ نے کیا۔ صدارت پروفیسر اللہ دتہ آزاد نے کی جبکہ مہمان خصوصی جماعت اسلامی کی مرکزی مجلس شوریٰ کے رکن ڈاکٹر لیاقت علی کوثر تھے۔ عمران جاذب ایڈووکیٹ ،پٹی جنرل سیکریٹری وسطی پنجاب مرکز قومی زبان، جناب افتخار حسین فاخر صدر مرکز قومی زبان ضلع اوکاڑہ اور دیگر نے اردو زبان کی اہمیت اور نفاذ پر زور دیا اور آٹھ ستمبر کے فیصلے جواد ایس خواجہ کے مطابق ملک میں حکومت وقت سے مطالبہ کیا کہ اردو کو نافذ کیا جائے ۔

اوکاڑہ(علی حسین) رینالہ خورد میں دو خواتین ریلوے لائن کراس کرتے ہوئے ٹرین کی زد میں آکر ہلاک ہوگئیں۔ جاں بحق ہونیوالی خواتین کی عمریں تقریباً 56 سے 60 سال بتائی جاتی ہیں۔ ریسکیو کے امدادی عملے نے موقع پر پہنچ کر ضروری امور نمٹا لیے ہیں۔ جاں بحق ہونیوالی خواتین کی شناخت تاحال نہیں ہوئی۔