Tag: اوکاڑہ

اوکاڑہ(علی حسین) اوکاڑہ فیصل آباد روڈ پر غلہ منڈی کے قریب ٹریکٹر اور موٹر سائیکل کے تصادم میں ایک شخص محمد امین ولد شعبان قوم بھٹی سکنہ صدرگوگیرہ موقع پر ہلاک ہوگیا۔

اوکاڑہ(علی حسین) صدر گوگیرہ میں ن لیگ کی ذیلی تنظیم حمزہ یوتھ لوورز کی تنظیم سازی کے لیے ایک مشاورتی اجلاس منعقد کیا گیا جس میں چوہدری ضیاء حسین گوگیرہ، رائل نیوز کے نمائندے غلام عباس، ڈاکٹر اسامہ فرید ، ملک آصف ، محمد زاہد نظیر، چوہدری فرید ، چوہدری شاہد نذیر، ڈاکٹر عثمان، رائے ظہیرپروکہ، چوہدری نواز گوگیرہ، رائے مبشر ساغراور دیگر معززین نے شرکت کی۔ اجلاس میں حمزہ یوتھ لوورز کی تنظیم سازی کے لیے باہمی مشاورت کی گئی۔

اوکاڑہ(علی حسین)رینالہ خورد کے نواحی گاؤں چک 21/1RB کلاں میں زمین کے معمولی تنازع پروہدری محمد کاشف،چوہدری محمد آصف،چوہدری محمد ثاقب ودیگر ملزمان کا اسلحہ پسٹل،ڈنڈے سوٹے وآہنی ہتھیاروں سے حملہ آور چوہدری محمد بوٹا فائرنگ کی زد میں آ کر شدید زخمی اور دیگر رشتہ دار بھی زخمی ہو گئے محمد بوٹا زخموں کی تاب نہ لاتے ہوئے ہسپتال میں دم توڑ گیا حملہ آور فائرنگ کرتے ہوئے فرار ہو گئے
لواحقین کا ڈی پی او اوکاڑہ ڈی ایس پی سرکل رینالہ خورد سے پر زور مطالبہ ہے کہ محمد بوٹا کے قاتلوں کو جلد از جلد گرفتار کرکے کیفر کردار تک پہنچایا جائے۔

اوکاڑہ(علی حسین) حجرہ شاہ مقیم میں معمولی رنجش کی بنا پر انجمن تاجران حجرہ شاہ مقیم کے جنرل سیکرٹری طارق ندیم کو قتل کردیا گیا۔ ذرائع کے مطابق آر ایچ سی حجرہ شاہ مقیم میں دو گروپس کے تصادم میں مہر طارق ندیم کے سر میں ڈنڈا مارا گیا جس کیوجہ سے وہ موقع پر جاں بحق ہوگیا۔

جماعت اسلامی حلقہ پی پی 190کے امیر چوہدری رب نواز ثاقب ایڈوکیٹ ، نائب امیر محمد یونس رحمانی نے31جیڈی میں جماعت اسلامی کی تنظیم سازی کردی ہے۔ رائے بابر کی رہائش گاہ پر منعقدہ اجلاس میں درج ذیل عہدیدار منتخب ہوئے۔ صدر رائے زوہیب جعفر ایڈوکیٹ، جنرل سیکرٹری رائے عمیر افتخار، سینئرنائب صدر رائے عمرحیات، نائب صدر رائے افتخار، ڈپٹی جنرل سیکرٹری رائے ندیم، ایڈیشنل سیکرٹری محمد حسین، سیکرٹری مالیات رائے عثمان احمد۔

اوکاڑہ(علی حسین) اوکاڑہ کے نواحی قصبے موضع اکبر میں زہریلا دہی کھانے سے تین بچوں سمیت 10 افراد جن میں عورتیں بھی شامل ہیں کی حالت غیر ہوگئی ہے، جن کو علاج کے لیے ہسپتال میں ریفر کردیا گیا ہے۔ ضلع بھر میں دودھ اور دہی میں ملاوٹ کا دھندہ عروج پر ہے۔ عوام الناس نے حکام اور محکمہ فوڈ اتھارٹی سے مطالبہ کیا ہے کہ ملاوٹ کرنیوالے اور عوام کی جانوں سے کھیلنے والے پیشہ ور عناصر کے خلاف قانونی کاروائی کی جائے اور اشیائے خورد و نوش کی کوالٹی کو بہتر بنایا جائے۔

اوکاڑہ( علی حسین) نہر لوئر باری دو آب میں نوجوان ڈوب کر جانبحق ہوگیا. ریسکیو نے نعش تلاش کر مقامی پولیس کے حوالے کر دی۔ حبیب آباد سے چوچک روڈ پر واقع لوئر باری دو آب میں نوجوان ڈوب گیا ۔
اطلاع ملنے پر ریسکیو 1122 رینالہ خورد کی ایمبولینس اور اوکاڑہ سے ریسکیو وہیکل نے جائے حادثہ پر پہنچ کر سرچ آپریشن شروع کر دیا تھا۔ریسکیو ٹیموں نے 3 گھنٹے کے کامیاب آپریشن کے بعد نعش نہر سے برآمد کر لی۔
ریسکیو ٹیموں نے ضروری کارروائی کرنے کے بعد نعش کو مقامی پولیس کے حوالے کر دیا۔ جانبحق ہونے والے نوجوان کی شناخت سجاد ولد ممتاز (25 سال) کے نام سے ہوئی ہے جو کہ مقامی گاؤں 5 ون ایل کا رہائشی تھا۔

اوکاڑہ(علی حسین) بصیرپور میں گھریلو جھگڑا پر ایک خاتون سمیت تین افراد نے زھریلی گولیاں کھا لیں. وقاص نامی نوجوان کی دوماہ قبل شادی ھوئی قرضہ واپس نہ ھونے پر گندم والی گولیاں کھا کر زندگی کا خاتمہ کرلیا.
مقامی پولیس واقعہ کی اطلاع ملتے ھی موقعہ پر پہنچ گئی مقامی ھسپتال پہنچایا گیا مگر تینوں دم توڑ گئے۔

اوکاڑہ(علی حسین) ستگھرہ روڈ پر دو نامعلوم موٹر سائیکل سوار ڈاکووں نے گن پوائنٹ پر زبیراحمد سے رقم چھیننے کی کوشش کی تو مزاحمت پر اس پر فائرنگ کرکے زخمی کردیا۔ مضروب کو ہسپتال داخل کرادیا گیا ہے۔

اوکاڑہ(علی حسین) ماڑی پتن پل کے قریب دریائے راوی سے ایک شخص کی لاش برآمد ہوئی ہے. لاش کی شناخت نہیں ہوسکی۔ عمر 35 سال کے قریب ہے۔ ریسکیو ٹیم نے لاش نکال کر گوگیرہ پولیس کے حوالے کردی ہے۔