Tag: اٹلی

اٹلی کے شہر بریشیا میں گجرات سے تعلق رکھنے والے ایک 29 سالہ پاکستانی نوجوان نوید اسلم نے بہادری سے نہ صرف اٹلی بلکہ پوری دنیا میں پاکستان کا سر فخر سے بلند کر دیا ہے۔

چند روز قبل بریشیا کے ایک پارک میں معصوم بچے کھیل رہے تھے کہ اچانک ایک نائجیرین شہری نے ان پر حملہ کر دیا اور بچوں کی گردن دبانے کی کوشش کی اس خطرناک صورتحال کو دیکھتے ہی وہاں موجود نوید اسلم نے اپنی جان کی پرواہ کیے بغیر حملہ آور پر جھپٹ پڑے اور اسے دبوچ لیا انہوں نے پولیس کے آنے تک اس وحشی حملہ آور کو پوری طرح قابو میں رکھا، بچوں کو بچانے کی اس جدوجہد کے دوران نوید اسلم خود بھی زخمی ہوئے لیکن انہوں نے معصوم بچوں پر آنچ نہیں آنے دی۔

پاکستانی نوجوان کی اس غیر معمولی بہادری اور انسانی خدمت کے اعتراف میں بریشیا شہر کی میئر لورا کاسٹیلیٹی نے نوید اسلم کو اپنے دفتر بلایا اور انہیں خصوصی اعزازی شیلڈ سے نوازا تقریب کے دوران میئر لورا کاسٹیلیٹی نے نوید اسلم کی جرات کو دل کھول کر سراہا اور کہا کہ نوید اسلم نے اپنی جان خطرے میں ڈال کر معصوم بچوں کو بچایا، ان کی یہ غیر معمولی بہادر ی اور بروقت انسانی خدمت واقعی تعریف کے قابل ہے جس پر پورا شہر ان کا شکر گزار ہے۔

اس موقع پر اعزاز حاصل کرنے کے بعد گجرات کے شیر دل نوجوان نوید اسلم نے انتہائی سادگی اور عاجزی سے بات کرتے ہوئے کہا کہ اس وقت ان بچوں کی جان بچانا ان کی انسانی ذمہ داری تھی، انہوں نے کچھ الگ نہیں کیا بلکہ جو ایک انسان کو دوسرے انسان کے لیے کرنا چاہیے، وہی کیا۔

اٹلی کے دارالحکومت روم کے قریب ماہرین کو قدیم رومی دور کا ایک عظیم ’ولا‘ ملا ہے جس میں خوبصورت موزیک فرش اور تاریخی ڈھانچے موجود ہیں۔

یہ دریافت روم کے نواحی علاقے ’کاسٹیل دی گیوڈو‘ میں ہوئی، جو قدیم رومی دور میں ’لوریم‘کے نام سے ایک اہم رہائشی علاقہ سمجھا جاتا تھا یہ خطہ رومی سلطنت (27 قبل مسیح سے پانچویں صدی عیسوی) کے دوران اشرافیہ اور شاہی شخصیات کی رہائش کے لیے معروف تھا-

اطالوی وزارت ثقافت کےمطابق یہ انکشاف اس وقت سامنے آیا جب مقامی افراد نے علاقے میں مشکوک کھدائی کی اطلاع دی، جس پر پولیس نے فوری کارروائی کرتے ہوئے غیر قانونی کھدائی روک دی،بعد ازاں ماہرین آثار قدیمہ نے تصدیق کی کہ یہ مقام ایک بڑا اور محفوظ رومی ’ولا‘ ہے جہاں شاندار داخلی ہال، مرکزی صحن اور پانی جمع کرنے کا قدیم نظا م موجود ہے جسے ’امپلووئیم‘ کہا جاتا ہے، فرش پر سیاہ اور سفید رنگ کے موزیک موجود ہیں جن پر نباتاتی اور ہندسی نقش و نگار بنے ہوئے ہیں، جو قدیم رومی فن تعمیر کی اعلیٰ مثال سمجھے جاتے ہیں۔

حکام کے مطابق نامعلوم افراد نے بھاری مشینری کے ذریعے غیر قانونی کھدائی کی کوشش کی تھی تاہم ’کارابینیری‘ نے بروقت کارروائی کرتے ہوئے یہ عمل روک دیا،ماہرین کا کہنا ہے کہ یہ ’ولا‘ ممکنہ طور پر رومی اشرافیہ یا شاہی خاندان سے تعلق رکھنے والے افراد کی ملکیت ہو سکتا ہے، کیونکہ اس کی تزئین و آرائش انتہائی شاندار اور نفیس ہے۔

اطالوی وزارت ثقافت نے کہا ہے کہ کھدائی کا عمل جاری ہے اور مزید اہم تاریخی آثار سامنے آنے کا امکان ہے، جبکہ مستقبل میں عوام کو محدود اجازت کے ساتھ اس مقام کا دورہ کرایا جائے گا۔

امریکا کے وزیر خارجہ مارکو روبیو اس ہفتے اٹلی کے دارالحکومت روم اور ویٹیکن کا دورہ کریں گے-

اطالوی حکومتی ذریعے کے مطابق مارکو روبیو، جو خود بھی کیتھولک ہیں،ویٹیکن کے سیکریٹری آف اسٹیٹ پیٹرو پیرولن اور اٹلی کے وزیر خارجہ انتونیو تاجانی سے ملاقات کریں گےاطالوی میڈیا کے مطابق وہ اپنے دورے کے دوران وزیر دفاع گویڈو کروسیٹو سے بھی ملاقات کریں گے،یہ دورہ ایسے وقت میں ہو رہا ہے جب چند ہفتے قبل امریکی صدر ڈونلڈ ٹرمپ اور پوپ لیو چہاردہم کے درمیان سخت بیانات کا تبادلہ سامنے آیا تھا یہ دورہ امریکا اور ویٹیکن کے درمیان تعلقات میں کشیدگی کم کرنے کی کوشش کے طور پر دیکھا جا رہا ہے۔

واضح رہے کہ پوپ لیو چہاردہم نے امریکا کی ایران کے خلاف پالیسی اور جنگی بیانات پر تنقید کی تھی، جس پر ڈونلڈ ٹرمپ نے سخت ردعمل دیا تھا،پوپ لیو چہاردہم نے 7 اپریل کو ایران کے خلاف امریکی دھمکیوں کو ‘ناقابل قبول’ قرار دیتے ہوئے امن کی اپیل کی تھی، جس کے جواب میں ٹرمپ نے سوشل میڈیا پر پوپ کو تنقید کا نشانہ بنایا اور ان کی پالیسیوں کو کمزور قرار دیا۔

دوسری جانب اطالوی وزیر اعظم جورجیا میلونی نے پوپ کے حق میں بیان دیتے ہوئے ٹرمپ کی تنقید کو ‘ناقابل قبول’ کہا، جس پر ٹرمپ نے میلونی کو بھی تنقید کا نشانہ بنایا اور ان کی قیادت پر سوال اٹھایا ذرائع کے مطابق مارکو روبیو کا یہ دورہ دونوں فریقین کے درمیان کشیدہ تعلقات کو بہتر بنانے کی ایک اہم سفارتی کوشش سمجھا جا رہا ہے، جبکہ عالمی سطح پر امریکا، یورپ اور ویٹیکن کے تعلقات پر بھی اس کے اثرات مرتب ہو سکتے ہیں۔

امریکی صدر ٹرمپ نے اٹلی کی وزیر اعظم جارجیا میلونی کو سخت تنقید کا نشانہ بنایا،جبکہ ٹرمپ ماضی میں اطالوی وزیراعظم جارجیا میلونی کی تعریف کرتے رہے ہیں ۔

ٹرمپ نے کہا میرے تبصرے نہیں ، جارجیا میلونی خود ناقابلِ قبول ہیں کیوں کہ میلونی کو فکر نہیں کہ ایران کے پاس ایٹمی ہتھیار ہوں یا نہ ہوں، میلونی کو یہ بھِی فکر نہیں کہ ایران کو اگر موقع ملے تو وہ دو منٹ میں اٹلی کو تباہ کردے گا ۔

واضح رہے کہ ٹرمپ کی یہ تنقید اس وات سامنے آئی جب گزشتہ روز جارجیا میلونی نے اسرائیل کے ساتھ اپنا دفاعی معاہدہ معطل کرنے کا فیصلہ کیا ہے، جس میں فوجی سازوسامان کے تبادلے اور ٹیکنالوجی تحقیق شامل تھی۔

اٹلی کی وزیراعظم کا کہنا تھا کہ موجودہ صورتحال کے پیشِ نظر حکومت نے اسرائیل کے ساتھ دفاعی معاہدے کی خودکار تجدید کو معطل کرنے کا فیصلہ کیا ہے یہ فیصلہ حالات کو مدنظر رکھتے ہوئے کیا گیا ہے، تاہم اس حوالے سے مزید تفصیلات فراہم نہیں کی گئیں۔

بین الاقوامی صورتحال پر بات کرتے ہوئے جارجیا میلونی نے امن مذاکرات کو آگے بڑھانے اور کشیدگی کو کم کرنے کی ضرورت پر زور دیاانہوں نے کہا کہ آبنائے ہرمز کو دوبارہ کھولنا نہایت اہم ہے، جو نہ صرف ایندھن بلکہ کھاد کی فراہمی کے لیے بھی کلیدی حیثیت رکھتا ہے-

اس کے علاوہ امریکی صدر نے پوپ لیو کو بھی تنقید کا نشانہ بنایا کہا کہ پوپ لیو کو ایران کے ایٹمی خطرے کا کوئی علم نہیں، پوپ کو جنگوں پر بات نہیں کرنی چاہیے، پوپ کو پتا ہی نہیں ہے کہ دنیا میں ہو کیا رہا ہے؟

اٹلی کے سابق وزیر اعظم پاؤلو جینٹی لونی نے پاکستانی وزیر اعظم شہباز شریف کو نوبیل انعام کا حقدار قرار دے دیا۔

امریکا و اسرائیل اور ایران کے درمیان جنگ بندی کی کوششوں کو سراہتے ہوئے جینٹی لونی نے سوشل میڈیا پلیٹ فارم ایکس پر لکھا کہ اس جنگ بندی کیلئے کامیابی پر وزیراعظم شہباز شریف نوبیل انعام کے مستحق ہیں۔

واضح رہے کہ پاکستانی وزیراعظم اور فیلڈ مارشل سید عاصم منیر کی طرف سے جنگ بندی کیلئے کی گئی کوششوں کو پوری دنیا میں سراہا جارہا ہے،وزیراعظم شہباز شریف اور آرمی چیف فیلڈ مارشل عاصم منیر کی قیادت کو خطے میں امن کے قیام کے لیے مثبت پیشرفت قرار دے دیا۔

اٹلی نے امریکی فوجی طیاروں کو مشرق وسطیٰ سے منسلک کارروائیوں کے لیے سسلی کا فضائی اڈہ استعمال کرنے سے منع کردیا۔

میڈیا رپورٹس کے مطابق اس فیصلے کا تعلق نیول ایئر اسٹیشن سگونیلا سے ہے جو ایک اسٹریٹجک مرکز ہے جو اکثر نیٹو اور امریکی مشنز کے لیے استعمال ہوتا ہے، امریکی طیاروں بشمول بمباروں کے مشرق وسطیٰ کی طرف جانے سے پہلے اڈے پر اترنے کی توقع تھی تاہم اٹلی نے اترنے سے منع کردیا۔

رپورٹس کے مطابق درخواست مسترد اس لیے کی گئی کیونکہ اجازت کے مناسب طریقہ کار پر عمل نہیں کیا گیا تھا، اٹلی میں امریکی فوجی اڈوں کے استعمال کو کنٹرول کرنیوالےمعاہدوں کےتحت، روم سے باضابطہ طور پر مشورہ کیا جانا چاہیے اور اس طرح کی کارروائیوں کو آگےبڑھنے سے پہلےمنظوری دینا چاہیے، مبینہ طور پر اطالوی حکام سے پیشگی مشاورت نہیں کی گئی تھی، جس کی وجہ سے انکار کیا گیا،وزارت دفاع نے اس معاملے پر کوئی سرکاری بیان جاری نہیں کیا ہے۔

اٹلی میں دن دیہاڑے پولیس کی وردی میں ملبوس ڈاکوؤں نے فلمی انداز میں کیش وین لوٹنے کی کوشش کی، تاہم یہ واردات ناکام بنا دی گئی۔

غیر ملکی میڈیا کے مطابق واقعہ اسٹیٹ روڈ 613 پر پیش آیا جہاں ملزمان نے ایک ٹرک سڑک کے درمیان کھڑا کر کے اسے آگ لگا دی ڈاکوؤں نے پولیس کی طرز پر گاڑیوں کی لائٹس روشن کر کے یہ تاثر دینے کی کوشش کی کہ اہلکار کسی ہنگامی صورتحال پر قابو پا رہے ہیں اسی دوران آرمرڈ کیش وین کے قریب دھماکا ہوا اور ملزمان کا پولیس سے فائرنگ کا تبادلہ بھی ہوا۔

واقعے کے دوران سڑک پر موجود کئی شہریوں کو زبردستی گاڑیاں روکنے پر مجبور کیا گیا اور ڈاکوؤں نے ان سے نقدی اور قیمتی اشیاء بھی چھین لیں، تاہم کیش وین لوٹنے میں ناکامی رہی فرار کی کوشش کے دوران ملزمان نے پولیس کی گاڑی پر بھی فائرنگ کی، جس کے بعد پولیس نے کارروائی کرتے ہوئے دو ملزمان کو گرفتار کر لیا، جبکہ دیگر فرار ہونے میں کامیاب ہو گئے،خوش قسمتی سے اس واقعے میں کوئی شخص زخمی نہیں ہوا پولیس نے علاقے کو گھیرے میں لے کر تفتیش شروع کر دی ہے اور فرار ہونے والے ملزمان کی تلاش جاری ہے۔