Tag: اٹلی

جارجیا میلونی اٹلی کی پہلی خاتون وزیراعظم منتخب ہوگئی ہیں نو منتخب وزیراعظم اور کابینہ نے ہفتے کے روز عہدے کا حلف اٹھا لیا-

باغی ٹی وی: غیر ملکی میڈیا کے مطابق ملک کے صدر سرجیو میٹیریلا سے ملاقات کے بعد انہوں نے اپنی کابینہ کی تشکیل کا اعلان کیا اٹلی کی نئی کابینہ میں 6 خواتین وزراء بھی شامل ہوں گی۔

ایک بِلا بھی برطانوی وزیراعظم بننے کو تیار

صدر سرگیو مٹاریلا نے پارلیمنٹ میں تمام سیاسی جماعتوں سے مذاکرات کے بعد میلونی کو حکومت سازی کی ہدایت دی ،جس کے کچھ ہی دیر میں میلونی نے جارجیٹی کو اپنا وزیر معیشت مقرر کیا۔

31 برس کی عمر میں جارجیا میلونی نے سلویو برلسکونی کی حکومت میں نوجوانوں سے متعلق وزارت سنبھالی۔ دس برس قبل میلونی نے ‘برادرز آف اٹلی’ کی بنیاد رکھی، جس کی وہ 2014 سے قیادت کر رہی ہیں سن 2020 میں، انہوں نے یورپی کنزرویٹو اینڈ ریفارمسٹ پارٹی کی قیادت بھی سنبھالی تھی۔

میلونی برادرز آف اٹلی پارٹی، ایک قومی قدامت پسند تحریک جس میں نو فاشسٹ جڑیں ہیں 25 ستمبر کو ہونے والے ایک مختصر عام انتخابات میں اٹلی کی سب سے بڑی پارٹی کے طور پر ابھری۔

یہ دائیں بازو کے اتحاد کی اہم قوت ہے جس میں میٹیو سالوینی کی ناردرن لیگ موومنٹ اور سلویو برلسکونی کی فورزا اٹالیہ شامل ہیں۔

سالوینی کو خود نائب وزیر اعظم مقرر کیا گیا ہے جس سے وہ دوسری بار اس عہدے پر فائز ہوئے ہیں ساتھ ہی ٹرانسپورٹ کے وزیر بھی ہیں-

میلونی کی کابینہ کے دیگر نمایاں ناموں میں یورپی پارلیمنٹ کے سابق صدر انتونیو تاجانی بھی شامل ہیں، جو نئے سیکرٹری خارجہ اور نائب وزیراعظم ہوں گے۔

میلونی نے ایک متحد نئی حکومت کی قیادت کے لیے اپنی ثابت قدمی کا اظہار کیا ہے انہوں نے جمعرات کو ٹویٹ کیا کہ ہم اٹلی کو ایک ایسی حکومت فراہم کرنے کے لیے تیار ہیں جو ہمارے موجودہ دور کے چیلنجوں اور ہنگامی حالات سے نمٹ سکے۔

یوکرینی فورسز کے خیرسون پر میزائل حملے میں 4 افراد ہلاک؛ روس کا دعویٰ

رہنماؤں، خاص طور پر میلونی اور برلسکونی، کے درمیان تناؤ منظر عام پر آ گیا ہے، خاص طور پر جب بعد میں آنے والے وزیر اعظم کو سرپرستی، دبنگ، متکبر اور جارحانہ” کے طور پر بیان کرتے ہوئے دیکھا گیا میلونی کا جواب بھی کم افسوسناک نہیں تھا کہ مجھے بلیک میل نہیں کیا جائے گا۔

روس کے صدر ولادیمیر پیوٹن کے دیرینہ دوست برلسکونی کے بارے میں یہ کہتے ہوئے صورتحال مزید خراب ہو گئی کہ اس نے بدنام رہنما کے ساتھ اپنے تعلقات کو "دوبارہ بحال” کیا ہے، جس کے ساتھ انہوں نے تحائف اور ” خطوط” کے تبادلے کا اعتراف کیا۔

اگرچہ برلسکونی نے ایسے الزامات کی تردید کی ہے، لیک ہونے والی آڈیو کے بعد پھوٹنے والے ہنگامے نے اتحادی حکومت کے منصوبوں کو کافی پریشان کر دیا ہے۔ میلونی نے خود نیٹو کے حامی موقف کو برقرار رکھا ہے اور یوکرین پر ماسکو کے حملے کی شدید مذمت کی ہے۔

ابھرتے ہوئے اسکینڈل کے جواب میں، درمیانی بائیں بازو کے رہنما اینریکو لیٹا نے کہا کہ وہ روس پر ابہام برداشت نہیں کریں گے-

سعودی عرب اور چین کے درمیان توانائی کے شعبے میں دو طرفہ تعاون اور سرمایہ کاری کا فیصلہ

پوپ فرانسس نے عالمی برادری سے پاکستان کے سیلاب متاثرین کی مدد کرنے کا مطالبہ کیا ہے۔

باغی ٹی وی: غیر ملکی میڈیا کے مطابق رومن کیتھولک کے روحانی پیشوا پوپ فرانسیس نے اتوار کے روزعالمی برادری سے طوفانی بارشوں اور سیلاب سے متاثرہ پاکستان کی مدد کرنے کا مطالبہ کیا ہے جہاں تباہ کن سیلاب سے ایک ہزار سے زیادہ افراد ہلاک اور لاکھوں بے گھرہوچکے ہیں۔

میرا دل پاکستان کے لوگوں کے ساتھ ہے ،مفتی مینک کا پاکستان کیلئے دعائیہ پیغام

اٹلی کے شہر لاعقیلا کے دورے کے دوران انہوں نے پاکستان کے ساتھ فوری اور فراخدلی سے بین الاقوامی یکجہتی کی اپیل کی پوپ نے کہا کہ وہ سیلاب زدگان کے لیے دعاگو ہیں۔

اٹلی کا شہر لاعقیلا 2009 میں زلزلے سے متاثر ہوا تھا اور اس کے نتیجے میں میں 300 سے زیادہ افراد ہلاک ہوئے تھے85سالہ پوپ نے لاعقیلا کے پرعُزم اور پُروقار لوگوں کی تعریف کی۔

پوپ فرانسیس اس دورے کے موقع پر وہیل چیئر پر تھے اوروہ آج سہ پہر ویٹی کن واپس آنے والے تھے۔وہ پیر اور منگل کو دنیا بھر کے کارڈینلز کے ساتھ ایک اجلاس کی صدارت کریں گے اوران سے کیتھولک چرچ کے مستقبل کے بارے میں تبادلہ خیال کریں گے۔

اسلامی تنظیمیں اور عالمی برادری پاکستان کی فوری مدد کریں ،او آئی سی

واضح رہے کہ قبل ازیں گزشتہ روز متحدہ عرب امارات کی جانب سے سیلاب متاثرین کیلئے امداد کی پہلی کھیپ پاکستان پہنچی ہے وفاقی وزیرِ منصوبہ بندی احسن اقبال اور پاکستان میں امارات کے سفیر نے نور خان ایئربیس پر امدادی قافلے کو خوش آمدید کہا۔

واضح رہے کہ متحدہ عرب امارات کے صدر شیخ محمد بن زاید نے پاکستان کے سیلاب متاثرین کی فوری امداد کا حکم دیا تھا جس کے بعد اماراتی نیوز ایجنسی نے بتایا تھا کہ اماراتی صدر کے اعلان کے بعد سیلاب متاثرین کیلئے 3 ہزار ٹن خوراک بھیجی جائے گی۔

اماراتی نیوز ایجنسی نے مزید بتایا تھا کہ امارات کی جانب سے خوراک کے ساتھ ساتھ کئی ٹن ادویات اور خیمے بھی شامل ہیں۔

پاکستان کی بڑی فضائی کمپنی اسکائی ونگزایوی ایشن سیلاب متاثرین کی مدد میں بازی لےگئی،اہم اعلان

اٹلی :دنیا کوخشک سالی کا سامنا ہے یہ خشک سالی ان ملکوں میں بھی بڑی تیزی سے پھیل رہی ہے جہاں کبھی پانی کے کم ہونے کا تصور بھی نہیں تھا ، دنیا بھر میں ہونے والی موسمیاتی تبدیلی کے نتیجے میں کہیں بارشیں بہت زیادہ یا کم اور موسم میں نمایاں فرق آیا ہے جس کے سبب کچھ علاقوں میں سیلابی صورتحال ہے تو دوسری جانب خشک سالی کا مسئلہ درپیش ہے۔

عالمی اداروں نے خبردارکیا ہے کہ دنیا بھرمیں موسمیاتی تبدیلیوں نے گہرے اثرات چھوڑے ہیں‌، ادھر اس حوالے سے غیرمعمولی طور پر گرم موسم، موسمیاتی تبدیلیوں نے اٹلی کے شمالی حصے کو بھی بری طرح متاثر کیا ہے جہاں 70سالہ ریکارڈ ٹوٹ گیا۔

شمالی اٹلی میں انتہائی کم بارشوں کے سبب 5 علاقے بری طرح خشک سالی کا شکار ہوگئے، حکومت کی جانب سے آرائشی فواروں کو بند، گاڑیاں دھونے اور پودوں کو غیرضروری پانی نہ دینے کی ہدایات کی گئی ہے۔

اٹلی کے شمال میں واقع امیلیا، روماگرا، فریوللی ونیزیا، لومبرڈی، پیڈمونٹ، وینٹو ودیگر علاقوں میں پانی کی شدید قلت کا سامنا ہے، خشک سالی سے نمٹنے کے لئے حکومت کی جانب سے 36 ملین یورو کے فنڈز جاری کر دیئے گئے ہیں۔

غیرملکی خبر رساں ادارے کی رپورٹ کے مطابق یورپی ملک اٹلی کو ستر برس میں سب سے زیادہ موجودہ وقت میں قحط اور خشک سالی کا سامنا کرنا پڑ رہا ہے، اس خشک سالی کے باعث خدشہ ظاہر کیا جارہا ہے کہ اٹلی کی30 فیصد سے زائد زرعی پیداوار کو نقصان پہنچ سکتا ہے۔

یاد رہے کہ کچھ روزقبل شدید موسمی تبدیلیوں کے باعث اٹلی کے انتہائی شمال میں ایلپس پہاڑی سلسلے میں گلیشیئر ٹوٹ گیا تھا جس کے نتیجے میں سات افراد ہلاک جبکہ متعدد زخمی ہوئے۔

روم: شمالی اٹلی میں لاپتہ ہونے والے مسافر بردار ہیلی کاپٹر کا ملبہ دو دن بعد پہاڑی علاقے سے مل گیا۔

باغی ٹی وی : "سی این این” کے مطابق اٹلی کی نیشنل فلائٹ سیفٹی ایجنسی نے ایک پریس ریلیز میں کہا کہ ٹلی میں دو روز قبل 7 مسافروں کو لے جانے والا ہیلی کاپٹر لاپتہ ہوگیا تھا جس کا ملبہ پہاڑی علاقے سے مل گیا ابتدائی طور پر پانچ لاشیں ملی تھیں، لیکن بعد میں ہفتے کے روز جہاز میں سوار دو دیگر افراد کی لاشیں ملی تھیں۔

گستاخانہ بیانات:برطانیہ میں بھارتی ہائی کمیشن کے سامنے بڑی تعداد میں مظاہرین کا احتجاج

یہ ہیلی کاپٹر، جو جمعرات 9 جون سے لاپتہ تھا، سات مسافروں کے ساتھ لوکا ہوائی اڈے سے اڑان بھرا تھا اور آج ماؤنٹ کسنا پر پایا گیا، مکمل طور پر تباہ ہو گیا یہ باقیات ٹسکنی سے چند کلومیٹر کے فاصلے پر ایمیلیا روماگنا کے شمالی علاقے میں اپینینس میں مونٹی کسنا پر پائی گئیں۔

ہیلی کاپٹر میں زمین پر گرنے کے بعد آگ بھڑک اُٹھی تھی۔ لاشیں بھی جل کر راکھ ہوگئیں۔ ہیلی کاپٹر میں 7 افراد سوار تھے جن میں سے 4 ترکی شہری اور دو لبنانی ہیں جب کہ پائلٹ مقامی شخص تھا ہلاک ہونے والے ترک شہری اٹلی کی ایک کمپنی میں ملازمت کرتے تھے۔

دنیا بھر میں میزائل تجربات پرپابندی لگانے کامطالبہ

تباہ ہونے والا ہیلی کاپٹر کیڑے مار دوائیں اور کیمیکل بنانے والی ایک کمپنی کی ملکیت ہے جو اپنے صارفین کو فیکٹری کا دورہ کرانے یا پروڈکٹس کی پروموشن کے لیے ہیلی کاپٹر استعمال کرتے تھے۔

ہیلی کاپٹر حادثے کی وجہ معلوم نہیں ہو سکی حکومت کی جانب سے انکوائری کمیٹی تشکیل دے دی گئی ہے-

نیویارک، مجسمہ آزادی کے پیچھے عورت: لیڈی لبرٹی کون ہے؟

اٹلی میں سکھ فار جسٹس کی جانب سے خالصتان ریفرنڈم کا انعقاد کیا گیا-

باغی ٹی وی : بھارت سے خالصتان کی آزادی کی تحریک اٹلی پہنچ گئی ہے جہاں سکھ فار جسٹس کی جانب سے خالصتان ریفرنڈم کا انعقاد کیا گیا اٹلی کے شہر بریشیا میں خالصتان ریفرنڈم کے لیے ووٹنگ کا عمل مکمل ہوگیا، خالصتان ریفرنڈم میں تقریباً 40 ہزار ووٹ کاسٹ کیےگئے۔

غیر ملکی میڈیا کے مطابق خالصتان پر ووٹنگ صبح 9 سے شام 5بجےتک بغیر وقفےکےجاری رہی، تقریباً 10 ہزار لوگ وقت ختم ہونے کےباعث ووٹ نہ ڈال سکے، اٹلی کے مختلف شہروں میں تقریباً 2 لاکھ سکھ آباد ہیں۔

سکھ برادری سے تعلق رکھنے والوں کی بڑی تعداد ووٹنگ سینٹر کے باہر موجود تھی، ووٹنگ میں حصہ لینے والوں کا مطالبہ تھا کہ بھارت خالصتان کو آزاد کرے اور اقوام عالم بھارت میں سکھوں پر ہونے والے مظالم کا نوٹس لے۔

خالصتان ووٹنگ سے ایک روز قبل ہزاروں سکھوں نے مارچ کیا جس کا مقصد بیساکھی کے موقع پر خالصتان کی اہمیت کو اجاگرکرنا تھا خالصتان مارچ میں عورتوں ، بچوں اور مردوں کی بڑی تعداد شریک ہوئی، سکھوں نے بھارت سے آزادی کے لیے نعرے لگائے۔

نائجیرین ایئر لائن نے اپنی پروازیں معطل کر دیں

واضح رہے کہ علیحدہ سکھ وطن کے لیے ریفرنڈم کا آغاز گزشتہ سال 31اکتوبر کو لندن سے ہوا تھا اور اب تک برطانیہ اور دیگر ممالک کے مختلف شہروں میں ہونے والی پولنگ میں ہزارسکھوں نے حصہ لیا ہےاس عمل کے ذریعے بھارت کو سکھوں کے ساتھ امتیازی سلوک ختم کرنے کا سخت پیغام بھی دیاگیا۔

ریفرنڈم کے نتائج کو اقوام متحدہ اور دیگربین الاقوامی اداروں کو پیش کیا جائے گا تاکہ بھارت میں سکھوں کے لیے علیحدہ وطن کے حوالے سے وسیع تر اتفاق رائے پیدا کیا جا سکے۔سکھوں کا علیحدہ وطن کا مطالبہ اقوام متحدہ کے چارٹر سے مکمل مطابقت رکھتا ہے اور بھارت انہیں آزادی کا پیدائشی حق حاصل کرنے سے نہیں روک سکتا۔

سعودی فرماں روا شاہ سلمان بن عبدالعزیز علیل،اسپتال منتقل