Tag: اپوزیشن

وفاقی وزیر قانون اعظم نذیر تارڑ نے کہا ہے کہ ججزعدالت میں انصاف فراہم کرتے ہیں نہ کہ شاہی دربار میں اوران کا کام ذاتی انا کی تسکین نہیں بلکہ عوام کے حقوق کے تحفظ کو یقینی بنانا ہے۔

اعظم نذیر تارڑ نے کہا ہے کہ آئینی ترمیم کے بعد انصاف کی فراہمی کو جلد ممکن بنانے کی کوشش کی گئی ہے اور ججز کو انصاف پسند ہونا چاہیئے ججزعدالت میں انصاف فراہم کرتے ہیں نہ کہ شاہی دربار میں اوران کا کام ذاتی انا کی تسکین نہیں بلکہ عوام کے حقوق کے تحفظ کو یقینی بنانا ہے بارکی سیاست خدمت کی ہونی چاہیے اورمعصوم بچوں کو ڈھال بنا کرجلسے نہیں کیے جانے چاہئیں۔

انہوں نے اپوزیشن پرزوردیا کہ پارلیمنٹ میں بیٹھ کرمسائل کا حل نکالیں اورایک شخص کے مفاد کے بجائے عوام کے مسائل پر توجہ دیں وزیر قانون نے خیبرپختونخوا کے صوبے کا حوالہ دیتے ہوئے کہا کہ یہ دہشتگردی سے سب سے زیادہ متاثر ہے اور عوام کی حفاظت کے لیے سب کا تعاون ضروری ہے۔

امریکا میں دو بھارتی ڈرائیورزمنشیات اسمگل کرنے پرگرفتار

انہوں نے کہا کہ ایک شخص کو سزا ملی ہے تو رجوع عدالت سے کیا جائے اور کہا کہ کبھی دارلخلافہ پر چڑھائی نہیں کی گئی اعظم نذیرتارڑ نے ملک کی بہتری اورخوشحال پاکستان کے قیام کے لئے سب کو مل کرکام کرنے کی ضرورت پر زور دیا اور بتایا کہ ینگ لائرزکیلئے اسٹیٹ آف دی آرٹ ٹریننگ سینٹر قائم کیا جائے گا۔

وفاقی وزیر قانون نے کہا کہ وفاقی آئینی عدالت سے وفاق مضبوط ہوگا اور وہ ہر اسٹیک ہولڈر کے ساتھ بیٹھ کر بات چیت کرنے کے لئے تیار ہیں تاکہ مسائل کا پرامن اور مؤثر حل نکالا جا سکے اور شفاف اور جلد انصاف کے قیام کے لیے تمام اداروں اور شہریوں کو تعاون کرنا ضروری ہے۔

بنگلہ دیش ایئر فورس چیف کا نیشنل ڈیفنس یونیورسٹی کا دورہ ،لیفٹیننٹ جنرل بابر افتخار سے ملاقات

تحریک تحفظ آئین پاکستان کے نائب صدر مصطفیٰ نواز کھوکھر نے کہا ہے کہ حکومت سے مذاکرات میں بانی پی ٹی آئی کی رہائی یا کیسز کے خاتمے کے مطالبہ نہیں کریں گے۔

ایک ٹی وی پروگرام میں گفتگو کرتے ہوئے ان کا کہنا تھا کہ ہم نے وزیراعظم شہباز شریف کی مذاکرات کی پیشکش پر سنجیدگی سے غور کیا اور مشاورت کے بعد فیصلہ کیا ہے کہ ہم ڈائیلاگ کے لیے تیار ہیں، تحریک تحفظ آئین پاکستان میں کئی سیاسی جماعتیں موجود ہیں، سب سے مشاورت کی۔

مصطفیٰ نواز کھوکھر نے کہا ہے کہ محمود خان اچکزئی نے ایوان میں کھڑے ہوکر ذمہ داری لی ہے کہ اگر باقی تمام جماعتیں قانون کی حکمرانی اور میثاق کے لیے تیار اور حکومت مذاکرات کے لیے سنجیدہ ہے تو عمران خان کی رضامندی کا دستخط لانا ان کی ذمہ داری ہے۔

آئی سی سی نے نئی پلیئرز رینکنگ جاری کردی

انہوں نے کہا کہ حکومت اگر مذاکرات کے لیے آگے بڑھتی ہے تو مذاکراتی کمیٹی کی تشکیل دوسرا مرحلہ ہے، نئے چیف الیکشن کمشنر کی تعیناتی اور نئے انتخابات کا مطالبہ بھی مذاکرات کا حصہ ہوگا، نئے میثاق ملک کے سیاسی مستقبل کے لیے اہم ہے پورا پاکستان چاہتا ہے کہ ملک میں سیاسی و معاشی بحران ختم ہو۔

مصطفیٰ نواز کھوکھر نے کہا کہ اگر مذاکرات کا عمل بڑھ گیا تو عمران خان سے ملاقات کا مطالبہ کریں گے اور ان سے مل کر گفت و شنید سے راستہ بنالیں گے، سیاستدان راستہ بنانے کے عادی ہیں، مذاکرات میں بانی پی ٹی آئی کی رہائی یا کیسز کے خاتمے کا مطالبہ نہیں کریں گے، حکومت اگر صاف نیت کا مظاہرہ کرتی ہے تو ہم بھی صاف نیت سے ڈائیلاگ میں شامل ہوں گے۔

حکمران زنا کیلیے آسانی اور حق نکاح کیلیے مشکلات پیدا کررہے ہیں،مولانا فضل الرحمان

دوسری جانب وزیر مملکت برائے داخلہ طلال چوہدری کا کہنا ہےکہ وزیراعظم نےکہا ہےکہ بات چیت ہوگی لیکن بلیک میلنگ نہیں ہوگی، تحریک انصاف کی پوزیشن ہر گھنٹے بدلتی رہتی ہے۔طلال چوہدری کا کہنا تھا کہ تحریک انصاف کے مؤقف میں ابھی وضاحت آنے دیں، بانی پی ٹی آئی خود دو دو تین تین باتیں کرتے ہیں۔

خیال رہے کہ اپوزیشن اتحاد تحریک تحفظ آئین پاکستان نے حکومت کی مذاکرات کی پیشکش قبول کرلی ہے۔

تحریک تحفظ آئین پاکستان نےحکومت سے بات چیت پر آمادگی ظاہر کردی

پنجاب اسمبلی میں اپوزیشن کے معطل ارکان کے خلاف مزید کارروائیاں روک دی گئیں۔

اسپیکر پنجاب اسمبلی ملک احمد خان کی برطانیہ روانگی کے بعد ڈپٹی اسپیکر ظہر عباس چنڑ قائم قام اسپیکر پنجاب اسمبلی بن گئے جبکہ ملک محمد احمد خان کی غیر موجودگی میں پنجاب اسمبلی میں معطل اپوزیشن ارکان کے خلاف مزید کارروائیاں روک دی گئی ہیں۔

حکومتی ذرائع کے مطابق اپوزیشن کے 10 معطل ارکان سے توڑ پھوڑ کے الزام میں جرمانہ وصولی کی کارروائی روک دی گئی ہے، مذاکرات نتیجہ خیز ہونے تک اپوزیشن کے خلاف مزید کارروائی نہیں کی جائے گی 19 معطل ارکان کے خلاف اسمبلی سیکرٹریٹ نے مزید کارروائی کرنی تھی، اپوزیشن کے معطل 10 ارکان کو جرمانوں کا دوسرا نوٹس بھی جاری نہیں کیا گیا، اپوزیشن کے معطل 10 ارکان کی تنخواہوں سے جرمانے کی رقم کاٹنے کا عمل بھی روک دیا گیا ہے اپوزیشن کے معطل ارکان پر اسپیکر نے توڑ پھوڑ کے الزام میں 20 لاکھ سے زائد کا جرمانہ عائد کیا تھا۔

ریحام خان نے اپنی سیاسی جماعت کا اعلان کر دیا،نام بھی رکھ لیا

ذرائع کے مطابق مذاکرات نتیجہ خیز ہونے تک اپوزیشن کے مزید 9 چیئرمینز کو عہدوں سے ہٹانے کی اعتماد کی تحریک بھی روک دی ہے، حکومتی ارکان کی تحریک عدم اعتماد کے ذریعے اپوزیشن کے 4 چیئرمینز کو عہدوں سے پہلے ہی ہٹایا جا چکا ہےحکومت نے اپوزیشن کے 13 ارکان کو اسٹینڈنگ کمیٹیوں کے چیئرمین کے عہدوں سے ہٹانے کا فیصلہ کیا تھا۔

وزیراعظم سے انڈونیشین وزیر دفاع کی ملاقات

جمعیت علمائے اسلام (جے یو آئی) نے پاکستان تحریک انصاف (پی ٹی آئی) کو گرینڈ اپوزیشن الائنس میں شمولیت کے لیے اپنی شرائط سے آگاہ کر دیا ہے۔

ذرائع کے مطابق جے یو آئی کے رہنماؤں نے اسد قیصر کو اپنی شرائط سے آگاہ کیا اور اسد قیصر نے ان شرائط کو پی ٹی آئی کے بعض مرکزی رہنماؤں تک پہنچایا۔پی ٹی آئی کے ذرائع کا کہنا ہے کہ جے یو آئی کی بیشتر شرائط وزیراعلیٰ خیبرپختونخوا، علی امین گنڈاپور سے متعلق ہیں، لیکن اسد قیصر نے ان شرائط کو باضابطہ طور پر وزیراعلیٰ کے پی کو آگاہ نہیں کیا۔

جے یو آئی کی طرف سے پی ٹی آئی کو آگاہ کی جانے والی شرائط پر پی ٹی آئی کے سیکرٹری اطلاعات شیخ وقاص اکرم نے نجی ٹی وی جیو نیوز سے گفتگو کرتے ہوئے کہا کہ "جے یو آئی نے اپنے تحفظات سے آگاہ کیا ہے اور ان تحفظات کے بارے میں بانی پی ٹی آئی کے احکامات پر عمل درآمد کیا جائے گا۔”اس حوالے سے جے یو آئی کے ترجمان اسلم غوری نے کہا کہ "جے یو آئی نے الائنس میں شرکت کے بارے میں ابھی باضابطہ فیصلہ نہیں کیا۔ جو بھی فیصلہ ہوگا، وہ سب کو آگاہ کر دیا جائے گا۔”

دوسری طرف، جیو نیوز کے پروگرام ‘نیا پاکستان’ میں پی ٹی آئی کے سینیئر رہنما اسد قیصر نے کہا کہ "مولانا فضل الرحمان کو علی امین گنڈاپور سے کوئی ذاتی مسئلہ نہیں ہے۔ ہمیں صرف اس اتحاد کے بارے میں بانی پی ٹی آئی سے ہدایات کا انتظار ہے۔”جے یو آئی کی جانب سے خیبرپختونخوا میں الیکشن آڈٹ کے مطالبے پر اسد قیصر نے کہا کہ "ہم سے بھی پشاور میں سیٹیں چھینی گئیں۔ جو بھی چاہتا ہے، وہ آ کر پشاور میں الیکشن آڈٹ کرا لے۔”

بھارتی فضائیہ کے دو طیارے ایک دن میں تباہ

ڈیرہ غازی خان :ادویات اسکینڈل، معطلیوں کی گونج، بڑی مچھلیاں محفوظ؟