Tag: اہم ترین

واشنگٹن:امریکا کی فیڈرل ایوی ایشن ایڈمنسٹریشن کی سسٹم میں خرابی کے باعث فضائی ٹریفک درہم برہم ہوگئی ہے۔ وفاقی فضائی انتظامیہ کے کمپیوٹرسسٹم میں خرابی سے ہزاروں پروازیں متاثرہوئی ہیں۔وائٹ ہاؤس کی پریس سکریٹری کیرین جین پیری نے ٹویٹر پر بتایا کہ امریکی صدر جو بائیڈن کو ایف اے اے سسٹم کی بندش کے بارے میں بریفنگ دی گئی ہے۔انھوں نے کہاکہ فی الوقت سائبرحملے کا کوئی ثبوت نہیں ملا لیکن صدر نے تحقیقات پرزوردیاہے۔

ایف اے اے نے قبل ازیں بتایا تھا کہ وہ اپنے ایک ایسے نظام کو بحال کرنے کے لیے کام کر رہا ہے جو پائلٹوں کو خطرات اور ہوائی اڈے کی سہولیات اور طریقہ کار میں تبدیلیوں سے آگاہ کرتا ہے۔اس نظام نے تازہ ترین معلومات کی فراہمی پرعملدرآمد روک دیا تھا۔سسٹم کی بندش کو ٹھیک کرنے کی کوشش کے بعدامریکی پروازیں آہستہ آہستہ دوبارہ بحال ہونا شروع ہوگئی ہیں۔ ایف اے اے نے اس سے قبل ایئرلائنز کو حکم دیا تھا کہ وہ اندرون ملک روانہ ہونے والی تمام پروازیں روک دیں کیونکہ اس کے پائلٹ نے نوٹس ٹوایئرمشنز سسٹم کو الرٹ کیا تھا۔

ایف اے اے نے کہاکہ نیوآرک اوراٹلانٹا ہوائی اڈوں سے فضائی ٹریفک کے رش کے بعد پروازوں کی روانگی دوبارہ شروع ہورہی ہے۔ ہم توقع کرتے ہیں کہ دیگر ہوائی اڈوں پر صبح 9 بجے ای ٹی پر روانگی دوبارہ شروع ہوجائے گی۔ایف اے اے اب بھی خرابی کے بعد نوٹس ٹوایئرمشن (نوٹم) سسٹم کو مکمل طور پر بحال کرنے کے لیے کام کررہا ہے۔ اگرچہ اس نظام کے کچھ افعال بحال ہوگئے ہیں، لیکن قومی فضائی حدود کے نظام کی سرگرمیاں محدود ہیں۔پروازوں کا سراغ لگانے والی ویب سائٹ فلائٹ اویئر نے وجوہ کا حوالہ دیے بغیر بتایا کہ مقامی وقت کے مطابق بدھ کی صبح 8 بج کر7 منٹ تک امریکا کے اندر یا باہر کل 32,578 پروازیں تاخیرکا شکار ہوئی تھیں۔ملک کے اندریا باہر مزید 409 پروازوں کومنسوخ کردیا گیا۔

دریں اثناء بدھ کے روز پری مارکیٹ ٹریڈنگ میں امریکاکی فضائی کمپنیوں کے حصص گر گئے ہیں۔ ساؤتھ ویسٹ ایئرلائنزکے 2.4 فی صد جبکہ ڈیلٹا ایئر لائنز انکارپوریٹڈ، یونائیٹڈ ایئر لائنز اور امریکن ایئرلائنز کے حصص میں قریباً1 فی صد کمی ریکارڈ کی گئی۔

واضح رہے کہ نوٹم ایک نوٹس ہے جس میں فلائٹ آپریشنز سے متعلق اہلکاروں کے لیے ضروری معلومات شامل ہوتی ہیں۔طویل فاصلے پر بین الاقوامی پروازوں کے لیے معلومات 200 صفحات تک جا سکتی ہے اور اس میں رن وے کی بندش ، پرندوں کے خطرے کے انتباہات اور تعمیراتی رکاوٹوں جیسی اشیاء شامل ہوسکتی ہیں۔

رنگون:بھارت کی ریاستی دہشت گردی:میانمارکی فضائیہ نے گھُس کرمارا ،اطلاعات کے مطابق بھارت کی ریاستی دہشت گردی کے شکار ایک اور ہمسایہ ملک میانمار سے بڑی خبرآئی ہے جس سے یہ بات ظاہر ہوگئی ہے کہ بھارت ہمسائیہ ممالک میں دہشت گردی سے باز نہیں آرہا

اطلاعات ہیں کہ بھارت کے اس رویے سے تنگ میانمار کی فضائیہ نے بھارت سے جڑے اسرحدی علاقے میں فضائی کارروائی کی ہے اور ان فضائی حملوں میں تھانتلانگ میں چن نیشنل آرمی کے ٹھکانوں کو لڑاکا جدید طیاروں سے نشانہ بنایا گیا،اطلاعات کے مطابق بھارت کے اندر بھی کچھ کیمپوں کو نشانہ بنایا گیا

یہ بھی اطلاعات ہیں کہ میانمار کی فضائیہ کی طرف سے اس حملے میں خواتین سمیت تنظیم سے منسلک متعدد دہشت گرد ہلاک ہوئے ہیں ، یہ بھی معلوم ہوا ہے کہ فضائی حملے میں تنظیم کے کیمپ وکٹوریا ہیڈکوارٹر کی متعدد عمارات، گھر تباہ ہوئے

بھارت کی روایتی دہشت گردانہ پالیسی سامنے آئی ہے اور یہ بھی معلوم ہو اہے کہ مکتی باہنی طرز پر میانمار کی سرحد پر بھارت نے یہ مبینہ تربیتی کیمپ قائم کر رکھے ہیں،میانمار میں سیاسی عدم استحکام پھیلانے کے لیے چن نیشنل فرنٹ 1988 سے سرگرم ہے

چن نیشنل فرنٹ نامی سیاسی تنظیم کا مسلح ونگ چن نیشنل آرمی کے نام سے میانمار میں دہشت گردی کارروائیوں میں ملوث ہے۔میانمار میں دہشت گرد تنظیم کے خلاف کارروائی سے خطے کے امن کا سب سے بڑا دشمن چہرہ سامنے آ گیا

ثابت ہو گیا بھارت بطور ریاست پورے جنوبی ایشیاء میں دہشت گردی کا کنٹرول روم ہے،پاکستان، افغانستان، سری لنکا سمیت خطے کے دیگر ممالک پہلے ہی بھارتی ریاستی دہشت گردی کا نشانہ ہیں،میانمار کی حکومت بھی تنگ آ کر بڑا ایکشن لینے پر مجبور ہو گئی،میانمار کے فوجی ایکشن سے بھارت کی دہشت گردی کا نیا چہرہ دنیا کے سامنے آیا

بھارت دہشت گردوں کو ہتھیار، تربیت و دیگر وسائل فراہم کرنے کے لیے پیسے کا بے دریغ استعمال کر رہا ہے ،کچھ عرصہ قبل اکانومسٹ نے 44 بھارتی بنکوں کی مشکوک ٹرانزیکشنز کا پتہ چلایا تھا،یہ مشکوک ٹرانزیکشنز مبینہ طور پر دہشت گردوں کی مالی معاونت کے لیے کی گئی تھیں،بھارت کا اپنے علاقوں آسام، کرناٹکا میں دہشت گرد تربیتی کیمپ آپریٹ کرنے کا معاملہ عالمی سطح پر بھی اٹھایا جا چکا،نیپال بھی اپنی سرحد پر بھارتی دھونس و دہشت گردی کا شکار ہے، سرحدی کشیدگی و جھڑپیں معمول بن چکا

اروناچل پردیش میں بھارت نے چین کے ساتھ بھی پنگے بازی کی کوشش کی اور منہ کی کھائی اور یہ کہ میانمار کے آج کے ایکشن نے ثابت کر دیا پورے خطے میں بھارت کی بدمعاشی کو اب کوئی ملک برداشت کرنے کو تیار نہیں

صنعا:یمنی ذرائع ابلاغ کے مطابق سعودی اتحاد نے گزشتہ چوبیس گھنٹوں میں یمن کے صوبے الحدیدہ میں ہوائی حملے، میزائل اورتوپخانے سے حملے جاری رکھے ہوئے ہیں اور 70 مرتبہ سعودی اتحاد اوریمنی انصاراللہ کے درمیان سیزفائر معاہدے کی خلاف ورزی کی ہے۔اطلاعات کے مطابق یمنی المسیرہ کے مطابق سعودی اتحاد نے یمن کے صوبے الحدیدہ میں جاسوس ڈرون طیاروں کے ذریعے یمنی ہوائی فضائی حدود کی خلاف ورزی کی اور تین مرتبہ حیس کے علاقے میں بمباری کی۔

ولی عہد محمد بن سلمان کا پاکستان میں سرمایہ کاری میں اضافے کا جائزہ لینے کی ہدایت

رپورٹ کے مطابق الحدیدہ صوبے کے مختلف علاقوں میں سعودی اتحاد کے راکٹ اور توپخانے کے حملے بھی جاری ہیں جن میں حیس اور الجبلیہ کے علاقوں کو نشانہ بنایا جارہا ہے۔اقوام متحدہ کی مدد سے یمنی انصاراللہ اور سعودی اتحاد کے درمیان سیزفائر کا اعلان کیا گیا تھا جس کی مدت ختم ہونے کے بعد اس میں کئی مرتبہ اضافہ کیا گیا ہے۔

پاکستان کا پرانا حج کوٹہ بحال،عمر کی حد بھی ختم

یمنی وزیراعظم کے دفاع اورسیکورٹی کے مشیر جنرل جلال الرویشان نے کہا تھا کہ نہ جنگ اورنہ صلح کی حالت ایک خطرہ ہے اور ہمارا یمنی قوم اور اپنے ذمہ داروں پر پورا اعتماد ہے۔اس سے پہلے یمنی کی سیاسی شوری کے صدر مہدی المشاط نے کہا تھا کہ سعودی اتحاد کی جانب سے بار بار کی خلاف ورزی سے سیزفائرتقریبا ختم ہو کر رہ گیا ہے۔

110 سال قبل ڈوبنے والے ٹائی ٹینک جہاز سے ملنی والی گھڑی 98 ہزار پاؤنڈز میں نیلام

یاد رہے کہ سعودی عرب نے26مارچ 2015 کو خطے کے سب سے یمن پر اپنے اتحاد کی مدد سے حملہ کر دیا تھا ۔ یمن میں جاری آٹھ سالہ جنگ میں یمنی انفراسٹرکچر کی نابودی، ہزاروں افراد کی شہادت اورزخمیوں کے باوجود سعودی اتحاد یمن میں اپنے اہداف حاصل کرنے میں بری طرح ناکام رہا ہے۔