حکومت پاکستان اور ایشیائی ترقیاتی بینک (اے ڈی بی) کے درمیان 304.5 ملین ڈالر کے دو منصوبوں پر دستخط ہو گئے ہیں، جن کا بنیادی مقصد موسمیاتی تبدیلیوں کے اثرات سے نمٹنے کی صلاحیت کو فروغ دینا ہے
ترجمان اقتصادی امور نے بتایا کہ ان منصوبوں میں 180.5 ملین ڈالر کا سندھ کوسٹل ریزیلینس سیکٹر پراجیکٹ اور 124 ملین ڈالر کا پنجاب کلائمیٹ ریزیلینٹ اور زرعی میکانائزیشن پراجیکٹ شامل ہیں۔
معاہدوں پر سیکریٹری اقتصادی امور محمد حمیر کریم اور ایشیائی ترقیاتی بینک کی کنٹری ڈائریکٹر ایمافان نے دستخط کیے، جبکہ سندھ اور پنجاب حکومت کے نمائندوں نے متعلقہ صوبائی حکومتوں کی جانب سے دستخط کیے۔
امریکا کی بھارتی شہریوں کو سخت سزا ؤں کی وارننگ
سندھ کوسٹل ریزیلینس پراجیکٹ کے لیے ایشیائی ترقیاتی بینک 140 ملین ڈالر قرض اور 0.5 ملین ڈالر کی تکنیکی گرانٹ فراہم کرے گا، جس سے ٹھٹہ، سجاول اور بدین کے اضلاع براہِ راست مستفید ہوں گے۔
کنٹری ڈائریکٹر اے ڈی بی نے کہاکہ یہ منصوبہ ماحولیاتی تبدیلی کے باعث پیدا ہونے والے خطرات سے نمٹنے اور ساحلی آبادیوں کے تحفظ میں کلیدی کردار ادا کرے گا، پنجاب کلائمیٹ ریزیلینٹ پراجیکٹ پنجاب کے 30 اضلاع میں زرعی پیداوار اور ماحولیاتی لچک کو فروغ دے گا۔
مغربی ہواؤں کا ایک نیا سلسلہ بلوچستان میں داخل،صوبے میں بارش اور برفباری
اس منصوبے کے لیے ایشیائی ترقیاتی بینک 120 ملین ڈالر قرض اور 4 ملین ڈالر گرانٹ فراہم کرے گا جبکہ پنجاب حکومت کی جانب سے بھی 5 ملین ڈالر فراہم کیے جائیں گے۔
سیکرٹری اقتصادی امور کے مطابق منصوبے کے تحت چھوٹے کاشتکاروں کو کلائمیٹ اسمارٹ زرعی مشینری تک بہتر رسائی فراہم کی جائے گی،کنٹری ڈائریکٹر اے ڈی بی نے کہاکہ یہ منصوبہ زراعت کی جدید کاری اور اخراج میں کمی کے لیے ایک نہایت اہم قدم ہے۔
مغربی ہواؤں کا ایک نیا سلسلہ بلوچستان میں داخل،صوبے میں بارش اور برفباری
