Baaghi TV

Tag: ایف آئی آر

  • بھائیوں کے ہوٹل پر قبضہ کرنے کا الزام،سابق وزیراعظم آزاد کشمیر تنویر الیاس کے خلاف مقدمہ درج

    بھائیوں کے ہوٹل پر قبضہ کرنے کا الزام،سابق وزیراعظم آزاد کشمیر تنویر الیاس کے خلاف مقدمہ درج

    سابق وزیراعظم آزاد کشمیر تنویر الیاس پر بھائیوں کے ہوٹل پر قبضہ کرنے کے الزام میں مقدمہ درج کرلیا گیا ہے۔

    تھانہ کینٹ پولیس نے سردار تنویر الیاس سمیت 13 افراد کے خلاف مقدمہ درج کرلیا، سردار تنویر الیاس کے خلاف راجہ شہزاد سلطان کی مدعیت میں مقدمہ درج کیا گیا،درخواست گزار نے مؤقف اختیار کیا ہے کہ سردار تنویر الیاس کی ایما پر ان کے سپروائزر نے مسلح افراد کے ہمراہ سردار یاسر الیاس کے ہوٹل پر قبضہ کیا۔

    درخواست میں کہا گیا ہے کہ مسلح افراد کی جانب سے عملے کو ذدوکوب کیا گیا جان سے مارنے کی دھمکیاں دی گئیں، مسلح افراد کے ہمراہ سردار تنویر الیاس کے سپروائزر نے کہا کہ ہوٹل سردار تنویر الیاس کا ہے اسے خالی کرو، آدم جی روڈ پر الشمس ہوٹل سردار یاسر الیاس اور سردار راشد الیاس کی جائیداد ہے۔

    ایک شخص کے مفاد کے بجائے عوام کے مسائل پر توجہ دیں،اعظم نذیر تارڑ

    درخواست گزار کا مؤقف ہے کہ سردار تنویر الیاس کے سپروائزر اکرام الحق نے سیکیورٹی گارڈ کو حبس بیجا میں رکھا، سردار تنویر الیاس کے کارندوں سے اسلحہ کے زور پر ہوٹل پر قبضہ کرلیا ہے۔

    تھانہ کینٹ پولیس نے مقدمہ درج کرکے معاملے کی تحقیقات شروع کردیں۔

    بنگلہ دیش ایئر فورس چیف کا نیشنل ڈیفنس یونیورسٹی کا دورہ ،لیفٹیننٹ جنرل بابر افتخار سے ملاقات

  • کراچی: رجب بٹ کے خلاف ایف آئی آر درج نہ ہونے پر وکلا کا ہڑتال کا اعلان

    کراچی: رجب بٹ کے خلاف ایف آئی آر درج نہ ہونے پر وکلا کا ہڑتال کا اعلان

    کراچی: رجب بٹ کے خلاف ایف آئی آر درج نہ ہونے پر کراچی میں وکلانے بدھ کے روز سٹی کورٹ میں ہڑتال کا اعلان کر دیا ہے۔

    صدر کراچی بار عامر نواز وڑائچ نے سوشل میڈیا پر اپنے بیان میں کہا ہے کہ ہڑتال کے دوران پولیس اہلکارو افسران کے داخلہ پر مکمل پابندی ہوگی، جب تک رجب بٹ، ندیم نانی والا، میاں علی اشفاق سمیت دیگر پر مقدمہ درج نہ ہوا احتجاج جاری رہے گا بدھ کے روز کسی بھی پولیس اہلکار کو سٹی کورٹ میں داخل نہیں ہونے دیا جائے گا جب تک وکلا کی درخواست پر رجب بٹ کے خلاف مقدمہ درج نہیں ہوتا، احتجاج جاری رہے گا-

    صدر کراچی بار عامر وڑائچ نے کہا ہے کہ وکلا کی مدعیت میں فوری طور پر رجب بٹ و دیگر کیخلاف مقدمہ درج کیا جائے اور جے آئی ٹی تشکیل دی جائے جو دونوں فریقین کا موقف سنے،جے آئی ٹی فیصلہ کرے اور جس کی بھی غلطی ہو اسے سزا دے، پروپیگنڈے کے تحت وکلا کو بدنام کرنے کی سازش کرکے وکلاء کی کردار کشی کے لیے مہم چلائی جارہی ہے۔

    سال 2026 معاشی بہتری کا سال ،حالات میں مزید بہتری کی امید ، گیلپ

    وکلا نے کل صبح 11 بجے سٹی کورٹ میں ہنگامی اجلاس بھی طلب کر لیا ہے،صدر کراچی بار کے مطابق اجلاس کے بعد آئندہ کا لائحہ عمل طے کیا جائے گا۔

    اس سے قبل عامر وڑائچ کا کہنا تھا کہ آج صبح معلوم ہوا کہ وکلا کے خلاف مقدمہ درج کر لیا گیا ہے، جبکہ وکلا کی جانب سے بھی ایف آئی آر درج ہونی چاہیے،اگر ایسا نہ ہوا تو احتجاج کا دائرہ مزید وسیع کیا جائے گا۔

    وکلا کی جانب سے سٹی کورٹ کے باہر ایم اے جناح روڈ پر احتجاج کیا گیا، جس کے باعث ایم اے جناح روڈ اور ملحقہ سڑکوں پر ٹریفک کی روانی بری طرح متاثر ہوئی،وکلا برادری نے الزام عائد کیا کہ ملزم رجب بٹ نے وکلا کی توہین کی ملزم رجب بٹ کے وکیل نے اس معاملے میں کئی وکلا ساتھیوں پر غلط مقدمہ درج کرایا ہے، جب ہم اپنے موقف پر مقدمہ درج کرانے گئے تو پولیس ایف آئی آر درج نہیں کررہی ہے۔

    فرانس اور برطانیہ کے درمیان چلنے والی یورو اسٹار ٹرین سروس غیر معینہ مدت تک منسوخ

    واضح رہے کہ گزشتہ روز سٹی کورٹ میں یوٹیوبر رجب بٹ پر تشدد کے واقعے کے بعد 15 سے زائد وکلا کے خلاف مقدمہ درج کیا گیا تھا یہ مقدمہ رجب بٹ کے وکیل میاں علی اشفاق ایڈووکیٹ نے تھانہ سٹی کورٹ میں درج کروایا، جس میں تشدد، مارپیٹ، جان سے مارنے کی دھمکیاں اور دیگر دفعات شامل کی گئی ہیں، مقدمے میں ریاض علی سولنگی، فتح چانڈیو سمیت دیگر افراد کو نامزد کیا گیا ہے،مقدمے کے متن کے مطابق تشدد کے دوران رجب بٹ کے 3 لاکھ روپے بھی غائب ہو گئے۔

  • ادارے کی عزت مجروع کرنے،بدمعاشی کرنے والے پولیس اہلکاروں کے خلاف مقدمہ

    ادارے کی عزت مجروع کرنے،بدمعاشی کرنے والے پولیس اہلکاروں کے خلاف مقدمہ

    قصور
    پولیس کے بھیس میں غنڈہ گردی کرنے والے اہلکاروں کے خلاف ایف آئی آر درج کرکے قانونی کاروائی شروع کر دی گئی

    تفصیلات کے مطابق پولیس کے بھیس میں غنڈہ گردی کرنے والے پیرا فورس اہلکار رزاق اور اے ڈویژن کے کانسٹیبل وقاص ڈوگر اغوا کیس میں نامزد کر دیا گیا

    وردی کی حرمت ایک بار پھر چند بگڑے ہوئے کرداروں نے پامال کر دی
    پیرا فورس کے اہلکار رزاق اور تھانہ اے ڈویژن کے کانسٹیبل وقاص ڈوگر کے خلاف شہری کو اغوا کرنے جیسے سنگین الزام پر تھانہ صدر قصور میں مقدمہ درج کر لیا گیا ہے

    ملزمان پر الزام ہے کہ انہوں نے شہری مظہر فرید کو اٹھا کر ایک نامعلوم نجی مقام پر بند رکھا جہاں مبینہ طور پر جعلی پولیس مقابلے میں مار ڈالنے کی دھمکیاں دے کر بھاری رقم وصول کی گئی
    ریاستی اختیار کو ذاتی کمائی کا ہتھیار بنانا وہی کھلی غنڈہ گردی ہے جس کی سزا پوری فورس کی ساکھ کو بھگتنی پڑتی ہے
    عوامی و سماجی حلقے شدید برہم ہیں اور ان کا کہنا ہے کہ ایسے عناصر پولیس وردی پر بدنما دھبہ ہیں جنہیں نشانِ عبرت بنانا وقت کی ضرورت ہے
    شہریوں نے مطالبہ کیا ہے کہ دونوں اہلکاروں کے خلاف فوری، شفاف اور سخت ترین محکمانہ و قانونی کارروائی کی جائے تاکہ آئندہ کوئی وردی پوش عوام کے جان و مال پر یوں ہاتھ ڈالنے کی جرات نہ کر سکے اور اداروں کی ساکھ لوگوں کی نظروں میں مجروح نا ہو

  • گونگی بہری لڑکی سے زناء کی کوشش ،ملزمان گرفتار

    گونگی بہری لڑکی سے زناء کی کوشش ،ملزمان گرفتار

    قصور
    تھانہ صدر کی حدود میں گونگی بہری معذور لڑکی سے زیادتی کی کوشش،پولیس نے کاروائی کرتے ہوئے ملزمان گرفتار کر لئے

    تفصیلات کے مطابق علی رضا ولد معراج دین سکنہ موضع نتھے والا نے
    ایس ایچ او تھانہ صدر قصور کو درخواست گزاری کہ ملزمان محمد شفیع ولد دلاور ،بشیر ولد عیسی قوم آرائیں ساکن الو آنہ نے مورخہ 2025-08-11 کو میرے گھر میں میری غیر موجودگی میں داخل ہو کر گھر میں موجود اکیلی میری گونگی بہری ہمشیرہ مقدس بی بی کے ساتھ چھیڑ چھاڑ کی اور بوس و کنار کیا اور زناء کرنے کی کوشش شروع کر دی
    جس پر میری بہن نے چیخ و پکار کی
    شور واویلہ کی آواز سن کر غلام حیدر ولد محمد شریف، عثمان ولد محمد دین موقع پر پہنچے جنہیں دیکھ کر ملزمان موقع سے فرار ہو گئے
    ملزمان نے میری بہن کے ساتھ چھیڑ چھاڑ کر کے اور زناء کرنے کی کوشش کر کے زیادتی کی ہے لہذا ملزمان کو گرفتار کرکے کاروائی کی جائے
    تھانہ صدر پولیس کے ایس ایچ او کے حکم پر پولیس پارٹی نے ملزمان کو گرفتار کرکے کاروائی کا آغاز کر دیا ہے

  • بہاولنگر:مریضوں کا آپریشن کرنے والے 2 جعلی ڈاکٹرگرفتار

    بہاولنگر:مریضوں کا آپریشن کرنے والے 2 جعلی ڈاکٹرگرفتار

    بہاولنگر میں حسین آباد چوک میں واقع نجی ہسپتال میں 3 روز قبل خاتون مریضہ کا آپریشن کرنے والے 2 جعلی ڈاکٹروں کو گرفتار کر لیا گیا۔

    ایف آئی آر،ڈپٹی ڈسٹرکٹ ہیلتھ آفیسر کی شکایت پر بی ڈویژن پولیس نے 24 جولائی کو درج کی تھی،ایف آئی آر کے مطابق محکمہ صحت کی ٹیم نے زبیدہ نائیک ہسپتال، حسین آباد چوک کا دورہ کیا، جہاں مختلف کمروں میں کئی مریض آپریشن کے بعد زیر علاج تھے، جن کا سی سیکشن ہوا تھاجب ٹیم آپریشن تھیٹر میں داخل ہوئی تو 4 افراد ڈاکٹرز کے یونیفارم میں ایک مریضہ کا آپریشن کر رہے تھے، طلب کرنے پر وہ کوئی لائسنس یا اسناد پیش نہیں کر سکے اور اعتراف کیا کہ وہ کوالیفائیڈ ڈاکٹر نہیں، بلکہ ہسپتال کے مالک اسلم حیات نے انہیں آپریشن کے لیے رکھا تھا۔

    تین دن سے ٹرانسفارمر خراب،واپڈا اہلکاروں کے حیلے بہانے،پانی کی بوند بوند کو ترس گئے

    ایف آئی آر کے مطابق ہسپتال میں کوئی مستند ڈاکٹر تعینات نہیں تھا، اسلم کے پاس بھی کوئی ڈگری یا لائسنس نہیں تھا، مقدمہ 5 افراد کے خلاف درج کیا گیا تھا، جن میں ہسپتال مالک اسلم بھی شامل ہے، جو موقع سے فرار ہو گیا، اب تک 2 ملزمان کو گرفتار کر لیا گیا ہے۔

    محکمہ صحت کے ذرائع کے مطابق غیر قانونی ہسپتال کو سیل کر دیا گیا ہے اور تمام مریضوں کو ریسکیو 1122 کے ذریعے ڈی ایچ کیو ہسپتال منتقل کر دیا گیا ہے، یہ ہسپتال تقریباً 15 سال سے چل رہا تھا اور محکمہ صحت کی جانب سے کئی بار چھاپے مار کر سیل کیا گیا، مگر معمولی جرمانہ ادا کر کے دوبارہ کھول دیا جاتا تھا۔

    کراچی: رینجرز اور پولیس کی مشترکہ کارروائی، کالعدم تنظم کے 2ملزمان گرفتار

  • اسلام آباد: گدھے کے گوشت کی برآمدگی کا مقدمہ درج

    اسلام آباد: گدھے کے گوشت کی برآمدگی کا مقدمہ درج

    اسلام آباد میں گدھے کے گوشت کی برآمدگی کے معاملے کا مقدمہ درج کرلیا گیا۔

    رپورٹ کے مطابق مقدمہ اسسٹنٹ فوڈ سیفٹی آفیسر کی مدعیت میں تھانہ سنگجانی میں درج کیاگیا،مقدمے کے متن کے مطابق اطلاع ملی کہ اسلام آبادمیں گدھے کے گوشت کی فروخت کاکام کیاجارہاہے، پولیس کے ہمراہ چھاپہ مارا تو 25من گدھے کا گوشت برآمد ہوا، فارم ہاؤس سے 45 کے قریب زندہ گدھے بھی ملے۔

    ایف آئی آر کے مطابق جائے وقوع سے گدھے کے گوشت کی ترسیل کا کوئی ریکارڈ اورنہ ہی کوئی سرکاری اجازت نامہ برآمدہوا، جائے وقوعہ سے چینی نماشخص پایا گیاچینی نماباشندے نے فارم ہاؤس کے مالک کا نام جانگ لیانگ بتایا جو کہ چین میں رہتاہے، جائے وقوعہ سے 1000کلوگرام گدھے کا گوشت ملا،جسے تلف کر دیا گیا۔

    کراچی: رینجرز اور پولیس کی مشترکہ کارروائی، کالعدم تنظم کے 2ملزمان گرفتار

    گدھے کا گوشت کس کو سپلائی کیا جارہاتھا، تاحال معمہ حل نہ ہوسکا، گدھوں کا گوشت پاکستان میں کس کو سپلائی کیا جارہا تھا یا کسی دوسرے ملک جانا تھا، تفتیش میں تاحال سامنے نا آسکا،ذرائع نے کہا کہ جائے وقوعہ سے گرفتارشخص سے تفتیش کے دوران پولیس کچھ نانکلواسکی،گرفتارشخص چین کاشہری نکلا، گرفتارشخص 23جون کو نوے دن کے ویزے پر پاکستان داخل ہوا۔

    پولیس ذرائع نے کہا کہ گرفتارچینی باشندہ ناخواندہ اور انگریزی نہیں جانتا، گدھوں کا گوشت کرتے ہوئے گرفتارشخص کو مجسٹریٹ کے سامنے پیش کردیا گیا مجسٹریٹ نے گرفتارچینی باشندے کو جوڈیشل ریمانڈ پر جیل بھیج دیا۔

    شیخ حسینہ نےعوامی مظاہروں کے دوران براہ راست فائرنگ کی اجازت دی،تحقیقاتی رپورٹ میں تہلکہ خیز انکشافات

  • پولیس نے کم سن لڑکی کے اغواء کا ملزم گرفتار کرکے فوری چھوڑ دیا،ڈی پی او سے اپیل

    قصور
    کم سن لڑکی کو اغواء کرنے والا ملزم پولیس نے گرفتار کرکے چھوڑ دیا،ورثاء میں سخت تشویش،ڈی پی او قصور سے نوٹس کی اپیل

    تفصیلات کے مطابق شہری علی اصغر ولد محمد صفدر نے تھانہ صدر قصور میں مدثر ولد نا معلوم کے خلاف درخواست دی کہ میری ہمشیرہ شریف ٹاؤن نزد کھارا چونگی رہائش پذیر ہے جس کا خاوند فوت ہو چکا ہے اس کی بیٹی اور میری بھانجی سویر نعیم بعمر 14/15 سال مورخہ 7 اپریل بوقت 8 بجے دن گھر سے علامہ اقبال سکول پڑھنے کے لئے گئی جو چھٹی ہونے کے بعد گھر واپس نہ آئی تو میری ہمشیرہ نے مجھے بذریعہ فون اطلاع دی کہ سوپر سکول سے گھر واپس نہ آئی ہے جس پر میں نے محمد اعظم ، محمد صفدر کے ہمراہ سویرا کی تلاش شروع کر دی تو ہمیں لوگوں نے بتایا کہ مدثر میری بھانجی کو زبر دستی اغواء کرکے لے گیا ہے اور انہوں نے از خود دیکھا ہے اور اسے روکنے کی کوشش بھی کی تھی اور بذریعہ CCTV کیمرہ جات میں بھی دیکھا جا سکتا ہے کہ مدثر ولد نا معلوم میری بھانجی سویرا کو ڈرا دھمکا کر اپنے ساتھ موٹر سائیکل پر بٹھاتے ہوئے نظر آیا ہے
    10 سے 12 گھنٹوں بعد میری بھانجی اس کے چنگل سے بھاگ کر واپس آگئی
    پولیس تھانہ صدر نے ایف آئی آر درج کرکے ملزم کو گرفتار کیا اور اگلے دن ہی چھوڑ دیا جبکہ گواہان اور سی سی ٹی وی فوٹیج بھی پولیس کو بطور ثبوت دی گئی ہے
    ملزم کو چھوڑنے پر ورثاء میں سخت تشویش پائی جا رہی ہے اور ورثاء نے ڈی پی او قصور سے از خود نوٹس لے کر انصاف کی اپیل کی ہے

  • گھر میں گھس کر مارپیٹ اور تشدد ،ڈی پی او سے انصاف کی اپیل

    قصور
    منڈی عثمان والا کے علاقہ میں بااثر لوگ محنت کش کے گھر میں گھس گئے اور مار پیٹ کرکے زخمی کرنے کے بعد قتل کی دھمکیاں دیتے ہوئے فرار ہو گئے،پولیس نے ایف آئی آر درج کی تاہم پولیس نے گھر میں داخل ہو مارپیٹ کی دفعات نہیں لگائیں اور نا ہی ملزمان کو گرفتار کیا
    تفصیلات کے مطابق محمد منشاء ولد محمد رمضان قوم انصاری سکنہ سکنہ نتارا کامل حدود منڈی عثمانوالہ نے ایس ایچ او منڈی عثمانوالہ کو 14/3/2025 کو درخواست دی کہ محمد راشد ولد عبد الرشید مسلح پسٹل، محمد ارشد ولد محمد رمضان مسلح کلہاڑی، محمد عدیم ولد احمد دین مسلح بندوق، ساکنان تارا کامل و بازی فارم تحصیل و ضلع قصور نے مورخہ 2025-03-5 بوقت ساڑھے 7 بجے گالی گلوج شروع کی اور جان سے مار دینے کی دھمکیاں دیتے ہوئے زبردستی میرے گھر کا بیرونی دروازہ توڑتے ہوئے اندر داخل ہوئے اور مجھے مارنے لگے
    تو گھر میں موجود سائل کی بیوی، بیٹیوں اور بیٹے نے سائل کی جان بخشی کروانی چاہی تو ملزمان نے انہیں بھی مارا پیٹا جس سے ہم سب شدید زخمی ہو گئے
    شور و غل سن کر فوری موقع پر محمد فیصل ولد محمد منشاء پہنچا اور منت سماجت کر کے ملزمان سے ہماری جان بخشی کروائی سائل نے فوری ریسکیو 15 پر کال کی تو علاقہ کی پولیس موقع پر پہنچتے ہی ملزمان گالی گلوچ اور جان سے مار دینے کی دھمکیاں دیتے ہوئے موقع سے فرار ہو گئے
    پولیس نے موقع دیا اور جائے وقوعہ سے ثبوت اکھٹے کرکے ایف آئی آر درج کر لی تاہم اس میں چادر چار دیواری کا تقدس پامال کرتے ہوئے گھر میں داخل ہونے کی دفعات شامل نہیں
    اور ابھی تک پولیس ملزمان کو گرفتار نہیں کر رہی
    متاثرہ خاندان نے ڈی پی او قصور سے انصاف کی اپیل کی ہے

  • رمضان نگہبان پیکج 2025 میں خرد برد ،ڈیوائس ہولڈرز کیخلاف ایف آئی آر

    قصور
    رمضان نگہبان پیکج 2025 میں غرباء کو لوٹنے پر
    تھانہ سٹی چونیاں میں ڈیوائس ہولڈرز کے خلاف ایف آئی آر درج کر لی گئی

    تفصیلات کے قصور کی تحصیل چونیاں میں رمضان نگہبان پیکج 2025 میں غرباء کیلئے 10000 روپیہ پیکج کی تقسیم کے عمل میں ڈیوائس ہولڈرز کی طرف سے خودساختہ کٹوتی کرنے پر تحصیلدار چونیاں کی مدعیت میں ایف آئی آر درج کر لی گئی ہے
    ڈیوائس ہولڈر مافیا نے لوگوں کا جینا حرام کیا ہوا ہے رمضان پیکج کی مد میں ملنے والے 10000 کے اوپر ایک سے دو ہزار روپیہ بطور رشوت کٹوتی کی جا رہی ہے
    ضلع قصور کے شہریوں کا کہنا ہے کہ ضلع بھر میں تمام ڈیوائس ہولڈرز لوگوں کو سرعام لوٹ رہے ہیں لہذا گورنمنٹ اس مافیا کے خلاف 420 کے مقدمات درج کرے اور
    مستحق شہریوں کو ان کے نام کی سمز کارڈز کا اجراء کرکے ان پر موبائل اکاؤنٹس بنا کر رقم ڈائریکٹکلی ان میں منتقل کرے تاکہ غریب اور مستحق لوگ ایسے ضمیر فروش لوگوں سے بچے رہیں

  • رینجرز اہلکاروں کی شہادت کا واقعہ عمران خان کے حکم پر ہوا، ایف آئی آر

    رینجرز اہلکاروں کی شہادت کا واقعہ عمران خان کے حکم پر ہوا، ایف آئی آر

    پی ٹی آئی کے احتجاج میں رینجرز اہلکاروں کی شہادت کے معاملے پر تھانہ رمنا میں بانی پی ٹی آئی عمران خان، بشریٰ بی بی کیخلاف تہرے قتل کی ایف آئی آر منظرعام پر آگئی۔

    باغی ٹی وی کے مطابق منظرعام پر آنے والی ایف آئی آر کے مطابق تمام واقعے کا منصوبہ اڈیالہ جیل میں بنایا گیا رینجرز اہلکاروں کی ہلاکت کا واقعہ بانی پی ٹی آئی عمران خان کی ایما اور حکم پر ہوا۔ اعلیٰ حکام کے حکم پر مقدمے کی ایف آئی آر سیل کر دی گئی تھی۔ جیل میں ملاقات کیلئے جانے والی پی ٹی آئی قیادت کے ذریعے منصوبہ بنایا گیا منصوبے کے گواہان کچھ قیدی، مشقتی، جیل میں خفیہ پولیس کے ملازمین ہیں، بانی پی ٹی آئی کے حکم کی تعمیل بشریٰ بی بی، علی امین گنڈاپورنے کی۔عمرایوب، شیخ وقاص، سلمان اکرم نے باہمی سازش مجرمانہ کے تحت حکمت عملی بنائی جب کہ مرادسعید، ذلفی بخاری، رؤف حسن، حماد اظہر اور دیگر قیادت نےحکم کی تعمیل کی ۔بشریٰ بی بی اور دیگر ملزمان نے ویڈیو پیغام کے ذریعے عوام کو مشتعل کیا۔ پی ٹی آئی قیادت نے عوام کو فوج، حکومت کیخلاف بغاوت پر اکسایا جس سے واقعہ ہوا۔

    گوجرہ کے کھلاڑیوں کی کھیلتا پنجاب میں شاندار کامیابیاں

    کرکٹ چیمپئنز ٹرافی: بھارت نے پاکستان کے آگے گھٹنے ٹیک دیے

    سندھ سرمایہ کاروں کو مکمل تحفظ فراہم کرے گا، شرجیل میمن

    وزیراعلیٰ سندھ نے عالمی کتب میلے کا افتتاح کردیا