Tag: ایف آئی آر

قصور
لاہور پولیس کے جوانوں کا ضلع قصور کی حدود میں شہری پر تشدد اور مار پیٹ،جان سے مارنے کی دھمکی دینے کے بعد پیسے چھین لئے،کاروائی کا مطالبہ

تفصیلات کے مطابق صابر مسیح ولد یونس مسیح ذات کرسچن رہائشی موضع لکھنیکی قصور نے تھانہ مصطفی آباد للیانی میں درخواست دی کہ کا وہ ایک بیوپاری ہے اور مال مویشی کی خرید و فروخت کا کا کرتا ہے اور وہ اپنی مذہبی دعا کے لئے مورخہ 10/3/24 کو بہار کالونی لاہور گیا اور واپسی پر جب وہ مصطفی آباد راجباہ حدودِ تھانہ مصطفی آباد قصور کے پاس پہنچا تو دس بجے کے قریب لاہور پولیس کے ملازم ارسلان اور محرر چوکی سبزی منڈی نزد گجومتہ لاہور اور 4 کس نا معلوم افراد نے گن پوائنٹ پر اس سے 270000 روپے ہتھیا لئے اور شدید مار پیٹ کا نشانہ بنایا اور جان سے مارنی کی دھمکیاں دیں
سائل نے ڈی پی او قصور اور آئی جی پنجاب سے پولیس گردی کے خلاف کاروائی کا مطالبہ کیا ہے

قصور
تھانہ صدر قصور نے بذریعہ ڈرون منشیات اسمگلنگ ناکام بنا دی،ایک ملزم بمعہ منشیات گرفتار،مقدمہ درج

تفصیلات کے مطابق قصور
کے تھانہ صدر کے اے ایس آئی محمد ندیم نے کامیاب کاروائی کرتے ہوئے بذریعہ ڈرون منشیات کی اسمگلنگ ناکام بنا دی اور ملزم ایک کس کو بمعہ منشیات گرفتار کر لیا
تھانہ الہ آباد کی حدود موضع ٹبہ بھاگیوال کا رہائشی شاہد ولد ریاض قوم جٹ اپنے ساتھیوں احمد وغیرہ کے ہمراہ بی آر بی نہر کے قریب منشیات سے ڈرون اسمگلنگ کیلئے موجود تھا کہ تھانہ صدر کے اسسٹنٹ سب انسپکٹر محمد ندیم نے اپنی ٹیم سمیت ریڈ کیا جنہیں دیکھ کر ملزمان بھاگ نکلے تاہم پولیس ٹیم نے شاہد کو پکڑ لیا جس کے قبضہ سے 1000 گرام سے زائد لاکھوں روپیہ مالیت کی ہیروئن برآمد ہوئی
ملزم کو گرفتار کرکے ہیروئن کے نمونے لیبارٹری کیلئے بجھوا دیئے گئے ہیں اور بھاگ جانے والے ملزمان کی گرفتاری کیلئے سپیشل ٹیمیں تشکیل دے دی گئی ہیں

قصور
بیوہ عورت پہ اس کے سامنے یتیم بچے پہ تشدد،ملزمان یتیم کے مکان پہ قبضہ کرنا چاہتے ہیں

تفصیلات کے مطابق قصور تھانہ سٹی اے ڈویژن کو رحمت بی بی بیوہ رحمت علی سکنہ کوٹ میر باز خان قصور نے مورخہ 24/11/23 کو درخواست دی کہ وہ اپنے بیٹے مظہر فرید کے ساتھ سبزی منڈی جا رہی تھی کہ تجمل ولد مشتاق اپنے ساتھیوں سمیت گلی کی نکر پہ اپنے ساتھیوں سمیت کھڑا تھا جس نے مجھے اور میرے بیٹے کو دیکھتے ہی گالیاں دینی شروع کر دیں جب میں نے اسے منع کیا تو اس نے میرے بیٹے کو میرے سامنے مارنا شروع کر دیا جس سے میرا بیٹا زخمی ہو گیا تو اس کے اور میرے شور کرنے پہ اہل محلہ نے چھڑوایا
ملزمان ہم دونوں کو جان سے مارنے کی دھمکیاں دیتے ہوئے فرار ہو گئے
اس سے قبل بھی ملزمان نے میرے بیٹے اور مجھے نقصان پہنچانے کی کوشش کی ہے جس کی دو مرتبہ پہلے درخواست گزاری جا چکی ہے تاہم کوئی شنوائی نہیں ہوئی
بیوہ رحمت بی بی نے بتایا کہ ملزمان میرے مکان پہ قبضہ کرنا چاہتے ہیں جس کی وہ دھمکیاں کئ بار دے چکے ہیں لہذہ ڈی پی او قصور ازخود نوٹس لیتے ہوئے مجھے انصاف مہیا کریں

قصور
سکول ٹیچرز کی گرفتاری پہ اظہار افسوس،گورنمنٹ اپنی آئینی حدود میں رہے اور پامالی نا کرے،مرکزی مسلم لیگ سٹوڈنٹس و مسلم یوتھ قصور

تفصیلات کے مطابق گورنمنٹ ہائی سکول موضع جوڑا تحصیل و ضلع قصور کے ٹیچر محمد اصغر اور دیگر اساتذہ کے خلاف مقدمہ کے اندراج پہ مرکزی مسلم لیگ سٹوڈنٹس و مسلم یوتھ قصور نے اظہار افسوس کیا اور کہا کہ گورنمنٹ اپنی آئینی حدود میں رہے اور اساتذہ کا احترام کرے نہ کہ ان کی عزت کی پامالی کرے اور یہ نہ ہو کہ ان اوچھے ہتھکنڈوں سے پنجاب سے بغاوت کی ہوا شروع ہو جائے
مسلم یوتھ ونگ کے عہدیداران نے کہا کہ ہر کام جھوٹ کی بنیاد پر نہیں کیا جاسکتا
ہم اپنے عزت مآب اساتذہ اور اگیکا کے ساتھ شانہ بشانہ کھڑے رہیں گے لہٰذہ گورنمنٹ اوچھے ہتھکنڈوں سے باز رہے اور گرفتار اساتذہ کو فوری رہا کیا جائے کیونکہ احتجاج کرنا ان کا آئینی حق ہے

قصور
عوام اپنی مدد اپکے تحت چور ڈاکو پکڑنے پہ مجبور، حراست میں لئے گئے چور کی اطلاع
ریسکیو 15 پہ دینے کے باوجود پولیس 3 گھنٹے بعد آئی

تفصیلات کے مطابق قصور میں لوگ چوروں ڈاکوؤں کو اپنی مدد آپ کے تحت پکڑنے پہ مجبور ہیں
محمد ریحان ولد قاری عبدالجبار سکنہ کوٹ اندرون موری گیٹ قصور نے تھانہ صدر قصور میں درخواست دی کہ قادر آباد سٹی قصور میں وہ ایک نیا مکان تعمیر کر رہا ہے جس میں چند دن قبل چوری کی واردات ہوئی اور جس کی پولیس کو تحریری درخواست دی گئی تاہم کوئی شنوائی نا ہوئی اسی دوران مورخہ 27/9/23 کو میں اپنے زیر تعمیر مکان سکنہ قادر آباد میں صبح کے وقت چکر لگانے گیا تو دو نامعلوم ملزمان سامان چوری کر رہے تھے جن میں سے ایک کو میں نے موقع پہ رنگے ہاتھوں پکڑ لیا اور پولیس کو بذریعہ ریسکیو 15 اطلاع کی کہ میں نے نامعلوم چور کو پکڑا ہے تاہم اطلاع کے تین گھنٹوں بعد پولیس آئی اور ملزم کو حراست میں لے کر چلی گئی
مدعی نے ڈی پی او قصور سے درخواست کی ہے کہ میری پہلی درخواست پہ ابھی تک کوئی عمل درآمد نہیں ہوا اور میں نے خود چور کو پکڑ کر حوالہ پولیس کیا ہے لہذہ میری موجودہ درخواست پہ مقدمہ درج کرکے کاروائی کا آغاز کیا جائے اور مجھے میرا قیمتی سامان واپس دلوایا جائے

قصور
تھانہ صدر کی کاروائی،ریکارڈ یافتہ ملزم منشیات سمیت رنگے ہاتھوں گرفتار

تفصیلات کے مطابق تھانہ صدر قصور کے سب انسپیکٹر مشتاق حیدر نے کاروائی کرتے ہوئے ریکارڈ یافتہ منشیات فروش کو رنگے ہاتھوں گرفتار کر لیا
ملزم آصف ولد محمد اشرف عرصہ دراز سے منشیات فروشی کا دھندہ کر رہا تھا اور ریکارڈ یافتہ تھا تاہم ہر بار پولیس سے بچ نکلتا تھا
سب انسپیکٹر مشتاق حیدر نے کاروائی کرتے ہوئے ملزم کو 1250 گرام چرس سمیت رنگے ہاتھوں گرفتار کر لیا
ملزم کے خلاف منشیات فروشی کی دفعات کے تحت مقدمہ درج کرکے حوالات میں بند کر دیا گیا ہے اور مذید تفتیش کی جا رہی ہے تاکہ ملزم کے سہولت کار منشیات فروشوں کو پکڑا جا سکے