Baaghi TV

Tag: ایمرجنسی

  • ضلع کرم میں ریلیف ایمرجنسی نافذ

    پشاور: خیبرپختونخوا حکومت نے ضلع کرم میں امن و امان کی صورت حال کے پیش نظر ریلیف ایمرجنسی نافذ کردی۔

    باغی ٹی وی :وزیراعلیٰ خیبرپختونخوا علی امین گنڈا پور کی زیر صدارت کابینہ اجلاس میں کرم میں امن و امان اور مجموعی صورت حال پر تبادلۂ خیال کیا گیا خیبرپختونخوا کابینہ نے ضلع کرم کے لیے ریلیف ایمرجنسی کی توثیق کردی۔

    سرکاری ذرائع کے مطابق ریلیف ایمرجنسی پہلے سے نافذ اورکرم میں ہلاک شدگان اورزخمیوں کوادائیگی کی جاچکی ہےصوبائی کابینہ نے قانونی تقاضا پوراکرنے کے لیے ریلیف ایمرجنسی کے نفاذ کی توثیق کی ہے اس کے علاوہ کابینہ نے انسداد منی لانڈرنگ و مالی دہشتگردی کے نفاذ، اقلیتوں کے حقوق کے لیے نیشنل کمیشن فار مینارٹی کی منظوری دے دی ہے۔

    کابینہ اجلاس میں فیصلہ کیا گیا کہ کُرم میں قیام امن کے لیے فرقہ وارانہ منافرت پھیلانے والوں کے خلاف کارروائی ہوگی، ایسے تمام سوشل میڈیا اکاؤنٹس کی ایف آئی اے کے ذریعے نشاندہی کی جائے گی، کُرم میں زمینی راستےکی بحالی کے لیے اسپیشل پولیس فورس قائم کی جائے گی، راستہ محفوظ بنانے کے لیے 399 پولیس اہلکار بھرتی کئے جائیں گے-

    وزیر اعلیٰ کو اجلاس میں ضلع کرم کی صورتحال اور صوبائی حکومت کے اقدامات پر بریفنگ دیتے ہوئے بتایا گیا کہ کرم مسئلہ کے پائیدار حل کے لیے مختلف سطح پر متعدد جرگے کئے گئے۔

    بریفنگ میں بتایا گیا کہ علاقے میں ادویات کی کمی دور کرنے کے لئے ہیلی کاپٹر کے ذریعے اب تک تقریباً 10 ٹن ادویات پہنچائی گئیں، ادویات کرم کے تمام علاقوں کو فراہم کی گئی ہیں۔

    علی امین خان گنڈاپورکو بتایا گیا کہ علاقے میں غذائی اجناس کی دستیابی کے لئے رعایتی نرخوں پر گندم فراہم کی جارہی ہے، کرم میں جانی و مالی نقصانات کے ازالے کے لئے ادائیگیاں کی جاچکی ہیں علاقے کے عوام کو درپیش آمدورفت کے مسائل کے حل کے لئے ہیلی کاپٹر سروس شروع کی گئی، 2 دنوں میں 220 افراد کو ہیلی کاپٹر کے ذریعے ٹرانسپورٹ فراہم کی گئی۔

    بریفنگ میں بتایا گیا کہ فریقین کے معاہدے کے بعد سڑک کھولی جائے گی، علاقے میں فرقہ وارانہ منافرت پھیلانے والے سوشل میڈیا اکاؤنٹس بند کرنے کے لئے ایف آئی اے سیل قیام کیا جائے گا۔

    علاوہ ازیں صوبائی کابینہ نے گردے اور جگر کے ٹرانسپلانٹ اور کرک میں جوان مراکز کی قیام جبکہ صوبے کی جامعات کیلئے گرانٹ اور اکیڈمک سرچ کمیٹی کے ممبران کی تعیناتی کے ساتھ ڈی آئی خان میں گرلز کیڈٹ کالج کے قیام کی منظوری دے دی۔
    ٹرمپ کا امریکا میں ٹک ٹاک کو کام کرنے کی اجازت دینے کا عندیہ
    وفاقی وزیر تجارت کی کینیا کے ہائی کمشنر سے اہم ملاقات
    لاہور ہائیکورٹ میں موسم سرما کی تعطیلات کا اعلان
    سعودی عرب نے افغانستان میں اپنے سفارتی مشن کا آغاز کردیا
    نوکری کے نام پر اجتماعی زیادتی اور تشدد،24 سالہ لڑکی دم توڑ گئی

  • پنجاب بھر میں سموگ ایمرجنسی نافذ

    پنجاب بھر میں سموگ ایمرجنسی نافذ

    لاہور: پنجاب بھر میں سموگ ایمرجنسی نافذ کر دی گئی ہے۔

    باغی ٹی وی: پنجاب بھر میں اسموگ ایمرجنسی بھی نافذ کر دی گئی جبکہ ایک ماہ کے لیے تمام سرکاری اور نجی اسکولوں میں طلبا و طالبات کے لیے ماسک لازمی قرار دے دیا گیا،نگراں وزیراعلیٰ پنجاب محسن نقوی کی زیر صدارت اجلاس ہوا جس میں انسداد اسموگ اقدامات پر غور کیا گیا،ماہرین ماحولیات اور ماہرین صحت نے اسموگ سے متعلق اجلاس میں سموگ میں کمی اور سموگ کے اثرات سے بچاؤ کے حوالے سے احتیاطی تدابیر کے بارے میں بریفنگ دی۔

    اجلاس میں صوبائی وزراء، ایس ایم تنویر، ڈاکٹر جاوید اکرم، عامر میر، منصور قادر، ابراہیم مراد، انسپکٹر جنرل پولیس، ایڈیشنل چیف سیکرٹری داخلہ، سیکرٹریز، زراعت، صحت، ٹرانسپورٹ، ماحولیات، لوکل گورنمنٹ، سکول ایجوکیشن، انڈسٹریز، چیئرمین پی آئی ٹی بی، کمشنر لاہور، ڈی جی پی ڈی ایم اے، ڈی جی پی ایچ اے، ڈپٹی کمشنر، سی ٹی او لاہور، سی ای او ایل ڈبلیو ایم سی اور متعلقہ محکموں کے سربراہان نے شرکت کی۔

    بھارت میں قرض دار باپ بیٹے کو فروخت کرنے پر مجبور

    ماہرین ماحولیات نے کہا کہ اسکولوں میں چھٹی اور ٹرانسپورٹ بند کرنے سے فرق نہیں پڑے گا، جس پر پنجاب بھر میں اسموگ ایمرجنسی نافذ کرتے ہوئے ایک ماہ کے لیے تمام سرکاری اور نجی اسکولوں میں طلبا و طالبات کے لیے ماسک لازمی قرار دے دیا گیا۔

    نگران وزیر اعلیٰ محسن نقوی کا کہنا ہے کہ طلباو طالبات کی صحت کے لیے ماسک لازمی قرار دیا گیا ہے،عوام سے بھی اپیل ہے کہ وہ ماسک کا استعمال کریں،صوبائی وزراء کو کل سے سرکاری و نجی اسکولوں کے دورے کرنے کی ہدایت کی گئی ہے،گھروں کی تعمیر کے دوران مٹی، ریت اور ملبہ پر چھڑکاؤ نہ کرنے والوں کیخلاف کارروائی ہوگی۔

    آئی سی سی ورلڈکپ: جنوبی افریقا کا نیوزی لینڈ کو جیت کیلئے 358 …

    کمشنر لاہور ڈویژن، محکمہ بلدیات اور لاہور ویسٹ مینجمنٹ کمپنی کو بھی ہدایات جاری کی گئی ہیں اسموگ کے دوران کاشتکاروں کے خلاف چالان واپس لینے کا حکم دیا گیا ہےوزیر اعلیٰ محسن نقوی نے اس ضمن میں ایڈیشنل چیف سیکرٹری داخلہ کو ہدایات دیں محسن نقوی کا کہنا ہے کہ کاشتکار بھائی فصلوں کی باقیات نہ جلائیں بلکہ انہیں مناسب طریقے سے تلف کریں دھواں چھوڑنے والی گاڑیوں اور فیکٹریوں کیخلاف بلاامتیاز کارروائی جاری رکھی جائے، جو کچھ انسانی بس میں ہے اسموگ میں کمی کے لیے ہر وہ اقدام اٹھایا جائے، تمام متعلقہ محکمے فعال طریقے سے انسداد سموگ کے لئے کام کریں۔

    کیپٹن (ر) صفدر اشتعال انگیز تقاریر اور بغاوت کے مقدمے سے بری

  • پشاور،محرم الحرام کے موقع پر تمام ہسپتالوں میں طبی عملہ چوکس

    پشاور،محرم الحرام کے موقع پر تمام ہسپتالوں میں طبی عملہ چوکس

    محکمہ صحت خیبر پختونخوا نے کل سے عاشورہ تک تمام اسپتالوں کے عملے کی چھٹیاں منسوخ کردیں۔مشیر صحت خیبر پختونخوا ڈاکٹر ریاض انور نے عاشورہ محرم کے دوران اسپتالوں میں عملے کی چھٹیوں کے حوالے سے خصوصی ہدایات جاری کیں۔انہوں نے کہا کہ کل سے عاشورہ تک تمام اسپتالوں کے عملہ کی چھٹیاں منسوخ کر دی ہیں، یہ فیصلہ محرم الحرام میں سیکیورٹی کے بڑھتے واقعات کے مطابق کیا گیا ہے۔مشیر صحت نے مزید کہا کہ عزاداروں کو بروقت طبی امداد کی فراہمی یقینی بنائی جائے اور طبی عملہ اپنی حاضری کو یقینی بنائے، بصورت دیگر کوتاہی پر قانونی کارروائی ہوگی۔
    ڈاکٹر ریاض انور نے یہ بھی کہا کہ اسپتالوں کے سربراہان اسٹاک میں ادویات کی وافر مقدار میں فراہمی یقینی بنائیں، عاشورہ پر تمام اسپتالوں کے انتظامات کی مانیٹرنگ خود کروں گا، دوسری جانب ایل آر ایچ انتظامیہ نے محرم الحرام کے حوالے سے ایمرجنسی مینیجمنٹ پلان جاری کر دیا ہے۔
    ہسپتال ترجمان محمد عاصم کے مطابق میڈیکل ڈائریکٹر ڈاکٹر حامد شہزاد کی سربراہی میں محرم الحرام سے متعلق انتظامات کو حتمی شکل دے دی گئی ہے جبکہ ایمرجنسی میں عزاداروں کو بروقت علاج کی فراہمی کے لئےمختلف زونز قائم کر دئے گئے ہیں اور ایمرجنسی میں تقریباً 200 کیٹس بھی تیار کر دیئے گئے ہیں،
    نویں اور دسویں محرم الحرام کو ڈاکٹرز، پیرامیڈیکل سٹاف اور نرسز کی ڈیوٹیاں لگا دی گئ ہے تاکہ عذاداروں کو بر وقت طبی امداد مہیا کی جا سکے اس کے علاوہ سیکیورٹی خدشات کے پیش نظر سیکیورٹی کو بھی چوکس کر دیا گیا ہے۔
    ترجمان ایل آر ایچ نے بتایا کہ عذاداروں کے بر وقت علاج کے لیے ایل آر ایچ ایمرجنسی کو ہر قسم کی ادویات کی وافر مقدار فراہم کی گئ ہے تاکہ کسی بھی ہنگامی صورت حال سے بغیر کسی رکاوٹ کے نمٹایا جا سکے جبکہ بلڈ بینک اور دیگر متعلقہ ڈیپارٹمنٹس کو بھی تیار رہنے کو کہا گیا ہے۔
    ترجمان نے مزید کہا کہ ہمیشہ کی طرح اس بار بھی عزاداروں کو کسی مشکل کا سامنا نہیں کرنا پڑے گا اور سب کو بروقت طبی امداد فراہم کی جائے گی، انہوں نے مزید کہا کہ حالات کے پیش نظر ڈین، ہسپتال ڈائریکٹر، میڈیکل ڈائریکٹر نے متعلقہ ڈیپارٹمنٹس کو ہر قسم کی سپورٹ مہیا کی ہے۔

  • کے پی کے وزیر اعلی ہاؤس کے کچن میں گیس لیکج

    کے پی کے وزیر اعلی ہاؤس کے کچن میں گیس لیکج

    خیبر پختونخوا پشاور وزیر اعلی ہاؤس کے کچن میں گیس لیکج سے آگ بھڑک اٹھی، ریسکیو1122 کے مطابق اطلاع ملتے ہی ریسکیو1122 کی میڈیکل اور فائر ویکل موقع پر پہنچ گئی، ریسکیو1122کے معلومات کے مطابق آگ کے باعث سعید قریشی نامی شخص جسکی عمر 40 سال ہے آگ بھڑکنے کے باعث جھلس گیا، جسکو ریسکیو1122 زخمی حالت میں برن سینٹر حیات آباد منتقل کردیا،

  • سمندری طوفان،بھارتی گجرات میں ایمرجنسی نافذ ،ہزاروں افراد کا انخلاء

    سمندری طوفان،بھارتی گجرات میں ایمرجنسی نافذ ،ہزاروں افراد کا انخلاء

    سمندری طوفان بپرجوائے کے پیش نظر بھارتی گجرات میں ایمرجنسی نافذ کردی گئی۔

    باغی ٹی وی: بھارتی میڈیا کے مطابق گجرات کے ساحلی علاقوں سے 74 ہزار سے زائد افراد کی محفوظ مقامات پر منتقلی کردی گئی ہے سمندری طوفان کے آج شام ضلع کچ میں داخل ہونے کا امکان ہے جبکہ ریاست گجرات کے کئی علاقوں میں ریڈ اور اورنج الرٹ جاری کیا گیا ہےسمندری طوفان بپرجوائے گجرات کے ساحل سے 200 کلو میٹر دور ہے جو پاکستانی کے ساحلی علاقوں سے ہوتا ہوا شام 4 سے رات 8 بجے کے درمیان سوراشترا اور کچ کے اضلاع کو کراس کرے گا-


    بھارتی محکمہ موسمیات نے طوفان کو انتہائی طاقتوراورکیٹیگری تھری کا طوفان قراردیا ہے جس کے باعث آج دوپہر 115 سے 125 کلو میٹر فی گھنٹہ کی رفتار سے ہوائیں چلنے کا امکان ہے۔

    حکومت نجم سیٹھی کی صلاحیتوں سے کسی اور جگہ استفادہ کرلے،رہنما پیپلز پارٹی

    بھارتی میڈیا کے مطابق نیشنل ڈیزاسٹر رسپانس فورس کی 18، اسٹیٹ ڈیزاسٹر فورس کی 12، اسٹیٹ روڈ اینڈ بلڈنگ ڈیپارٹمنٹ کی 115 اور اسٹیٹ الیکٹرسٹی ڈیپارٹمنٹ کی 397 ٹیموں کو ساحلی علاقوں میں تعینات کیا گیا ہےجبکہ فوج، بحریہ اور ائیرفورس سمیت تمام فورسز نے گجرات میں شہریوں کو ضروری امداد کی فراہمی کے لیے تیاری مکمل کررکھی ہے علاوہ ازیں 76 ٹرینیں بھی منسوخ کردی گئی ہیں۔

    ہر10میں سے7پاکستانیوں کاخیال ہےکہ ملک میں کامیاب کاروبارکیلئےرشوت دینایا لینالازمی ہے،سروے

  • لاڈلے کو جیسے تحفظ دیا جارہا ہے ایسے پھر سارے ڈاکوؤں کو چھوڑ دیں،وزیراعظم

    وزیراعظم شہبازشریف کی زیر صدارت کابینہ کا اجلاس ہوا

    کابینہ اجلاس سے خطاب کرتے ہوئے وزیراعظم شہباز شریف نے عمران خان کی گرفتاری کے بعد پیدا شدہ صورتحال پر بات چیت کی اور عمران خان اور تحریک انصاف کو کڑی تنقید کا نشانہ بنایا، وزیراعظم شہباز شریف کا کہنا تھا کہ عدلیہ عمران خان کو پروٹیکٹ کرنے کیلئے آہنی دیوار بن گئی ہے قانون وآئین پرسختی سے عمل ہوگا اسکے جو بھی نتائج ہوں گے اس کا سامنا کریں گے لاڈلے کو جیسے تحفظ دیا جارہا ہے ایسے پھر سارے ڈاکوؤں کو چھوڑ دیں کسی کو قانون ہاتھ میں نہیں لینے دیا جائے گا،

    کابینہ اجلاس میں خطاب کرتے ہوئے وزیراعظم شہبازشریف کا کہنا تھا کہ عمران نیازی نے ایک سے زیادہ مرتبہ یہ کہا کہ پاکستان کے حالات سری لنکا جیسے ہونے جارہے ہیں وہ دل میں بد دعائیں کر رہا تھا کہ پاکستان ڈیفالٹ کر جائے اور ہم شدید مالی بحران میں مبتلا ہو جائیں جیسے کہ ہمارے چیلنجز کم نہیں تھے ایک سال کی تصویر ہے جو آپ کے سامنے ہے جب سے وہ وزیراعظم بنوایا گیا اورجن لوگوں نے دھاندلی سے وزیراعظم بنوایا وہ ساری کہانی پوری قوم کے سامنے ہے، یہ جو منصوبہ تھا 2018 سے پہلے سے شروع ہو چکا تھا ،جب مسلم لیگ کی حکومت تھی ، کس طریقے سے عمران نیازی کو اس منصوبے کے تحت پوری طرح گائیڈ کیا جارہا تھا، سے بتایا جارہاتھا کہ آپ یہ جھوٹا الزام فلاں پر لگاﺅ،ٹیلی ویژن پرآﺅ اور کاغذات لہراﺅ، لوگوں کو یہ باور کرایا جائے کہ باقی چورہیں اور میں فرشتہ ہوں، نتیجے میں پوری قوم تقسیم ہو گئی، یہ زہر ہر جگہ پہنچ چکا ہے، چاہے وہ سیاسی جماعتیں ہیں، یا مذہبی مدرسے ہیں یا تعلیمی ادارے ، زندگی کے ہرطبقے میں یہ زہر پہنچ چکا ہے، چور ڈاکو کی گردان انہوں نے دن رات کی، جھوٹے مقدمات میں انتقام لینے کی خاطر ان کوجیلوں میں بھجوایا ، کیا کسی عدالت نے اس وقت نوٹس لیا، نیب اور ایف آئی اے جو کیسز بنائے ہیں ،ان کی اپنی ایک آزاد اتھارٹی ہے ، نیب نیازی گٹھ جوڑ نے پاکستان میں جو تباہی مچائی، کاروباری افراد کو بھگا دیا ، سرمایہ کاری بند ہو گئی ، سیاسی لیڈر شپ پر الزامات لگائے گئے ،

    وزیراعظم شہبازشریف کا کہنا تھا کہ نیب نے اگر آج حقیقی کیسز بنائے ہیں کرپشن کے ،تو اس کے اوپر آج عدلیہ جس طرح آہنی دیوار بن چکی ہے، عمران خان کو حفاظت دینے کیلئے ،اس کی مثال پاکستان کیا بلکہ دنیا میں بھی کہیں نہیں ملتی ، جس طرح ہمارے خلاف جھوٹے کیسز بنائے جارہے تھے ، اس وقت بی آر ٹی، بلین ٹری اور دوسرے منصوبوں میں سٹے آرڈر دیئے جارہے تھے بلکہ ان کیسز کی تحقیقات شجر ممنوعہ قرار دی جارہی تھیبی آر ٹی پر کیا تماشا ہوا ،سپریم کورٹ نے سٹے آرڈر دیئے، نیب کہتی ہے کہ ہم کیا کر سکتے ہیں حکم امتناع ملے ہوئے ہیں، مالم جبہ میں نیب نے کلین چٹ دیدی صوبے کے اداروں نے کہا کہ بی آرٹی میں اربوں کی کرپشن ہوئی ہے کسی نے نہیں پوچھا کہ کیا ہورہا ہے جب پشاور ہائیکورٹ نے حکم دیا کہ تحقیقات کی جائیں تو اس پر بھی سٹے آرڈر دے دیا گیا ۔

    وزیراعظم شہبازشریف کا کہنا تھا کہ 16 دسمبر 1971 سقوط ڈھاکہ کے بعد 9 مئی کا دن بدترین تھا،ذوالفقار بھٹو شہید کو قتل کر دیا گیا، لیکن کسی فوجی تنصیب کی طرف دیکھا تک نہیں، سب جانتے تھے کہ ذوالفقار بھٹو کا جوڈیشل مرڈر ہواہے، جب محترمہ بینظیر کو شہید کیا گیا تو فورا انگلیاں اٹھیں، کس طرح خون کو دھو دیا گیا، بھر پور احتجاج ہوا س وقت آمر حکومت کا سربراہ تھا لیکن کسی فوجی عمارت کو دیکھا تک نہیں، کسی فوجی تنصیب کی طرف کسی نے رخ نہیں کیا ، بغیر وقت ضائع کیے ، آصف زرداری نے پاکستان کھپے کا نعرہ لگایا ، قائد کا بچا ہوا پاکستان بچ گیا ، س سے بڑی حب الوطنی ، صبر ، برداشت کا کیا ثبوت ہو سکتا تھا ،خاتون وزیراعظم کے الیکشن میں حصہ لے رہی تھی اور انہیں شہید کر دیا گیا ، کل چیف جسٹس نے کہا کہ عمران خان آپ کو مل کر بہت خوشی ہوئی ، ایسے مقدمے میں تاریخ میں کوئی مثال نہیں ملتی ملزم کٹہرے میں آئے اور عدالت کہے کہ آپ کو مل کر بہت خوشی ہوئی کبھی عدالت کے کٹہرے میں کسی عام جج نے بھی کہا ہو کہ آپ کو مل کر خوشی ہوئی،

    اسد عمر  اسلام آباد ہائیکورٹ کے احاطے سے گرفتار 

    ملک بھر میں احتجاج کے دوران جلاؤ گھیراؤ 

     بشریٰ بی بی کی گرفتاری کے بھی امکانات

    سیاسی مفادات کے لئے ملک کونقصان نہیں پہنچانا چاہئے

  • کینیڈا: البرٹا میں کئی مقامات پر لگی جنگلات کی آگ بے قابو ہوگئی ،ایمرجنسی نافذ

    کینیڈا: البرٹا میں کئی مقامات پر لگی جنگلات کی آگ بے قابو ہوگئی ،ایمرجنسی نافذ

    کینیڈا کے صوبے البرٹا میں کئی مقامات پر لگی جنگلات کی آگ بے قابو ہوگئی جس میں غیر معمولی گرم موسم اور تیز ہوائیں چل رہی ہیں۔

    باغی ٹی وی :سی این این کے مطابق البرٹا کے جنگل میں آگ بے قابو ہوگئی جس کے باعث صوبے میں ایمرجنسی نافذ کردی گئی ہے اور 25 ہزار لوگ اپنے گھر چھوڑنے پر مجبور ہوگئے ہیں متاثرہ علاقوں میں مزید افراد کو بھی انخلاء کے لیے تیار رہنے کی ہدایت دی گئی ہے۔

    تنہائی سگریٹ نوشی سےزیادہ خطرناک،جبکہ قبل از وقت موت کےخطرےکو30 فیصد تک بڑھا دیتی ہے

    انتظامیہ کے مطابق 1 لاکھ 22 ہزار ایکٹر زمین پر آگ پھیل چکی ہے جبکہ تیز ہوا چلنے سے آگ بے قابو ہو کر مزید پھیل گئی ہے انتظامیہ نے آگ پر قابو پانے کیلئے فائر فائٹنگ ہیلی کاپٹر اور ائیر ٹینکرزطلب کیے ہیں آگ پر قابو پانے کیلئے وفاقی حکومت نے دارالحکومت اوٹاوا سے بھی مدد کی پیشکش کی ہے۔

    البرٹا کے پریمیئر ڈینیئل اسمتھ نے ایک نیوز بریفنگ میں کہا کہ البرٹا کا بیشتر حصہ گرم، خشک چشمہ کا سامنا کر رہا ہے اور بہت زیادہ جلنے کے ساتھ، کچھ واقعی خوفناک جنگل کی آگ کو بھڑکانے کے لیے صرف چند چنگاریوں کی ضرورت ہے ان حالات کا مطلب یہ ہے کہ جنگل کی آگ کے لیے شروع ہونا اور تیزی سے پھیلنا بہت آسان ہے۔

    ٹیکساس کے شاپنگ مال میں فائرنگ،8 افراد ہلاک اور 9 زخمی

    اسمتھ کے مطابق، آگ نے 121,909 ہیکٹر رقبہ کو جلا دیا ہے تقریباً 301,000 ایکڑ سے زیادہ اور جمعہ کے بعد سے، کم از کم 45 نئی جنگل کی آگ شروع ہوئی ہے اور 14 مقامی ریاستوں نے ہنگامی حالت جاری کی ہے انہوں نے کہا کہ میں سب کو یقین دلانا چاہتی ہوں کہ ہمارے صوبے کے پاس اس چیلنج سے نمٹنے کے لیے صحیح ٹولز، صحیح ٹیکنالوجی اور وسائل موجود ہیں۔

    البرٹا وائلڈ فائر کے انفارمیشن یونٹ مینیجر کرسٹی ٹکر کے مطابق، فاکس لیک کی کمیونٹی کے کچھ رہائشیوں کو، جہاں آگ شدید ہے، کو ہیلی کاپٹروں کے ذریعے وہاں سے نکالنا پڑا۔ حکام نے بتایا کہ جمعہ کی صبح، فاکس لیک میں درجنوں فائر فائٹرز آگ سے لڑ رہے تھے، جس نے تقریباً 11,000 ایکڑ رقبہ کو جلا دیا۔

    ایڈسن کے حکام نے ٹویٹ کیا کہ ییلو ہیڈ کاؤنٹی کی میونسپلٹی اور ایڈسن قصبے کے حکام نے بھی البرٹا میں جنگل کی آگ کے باعث فوری طور پر انخلاء کا حکم دیا ہے۔ کمیونٹی کی ویب سائٹ کے مطابق ایڈسن کے قصبے کی آبادی صرف 9,000 سے کم ہے۔

    ساس نے حاملہ بہو کو زندہ جلا دیا

    بگ لیکس کاؤنٹی کے عہدیداروں نے ایک پوسٹ میں کہا، "زندگی اور صحت کے لیے خطرے کا امکان ہے۔

    کرسٹی ٹکر نے کہا کہ درجہ حرارت کچھ عرصے سے معمول سے 10 سے 15 ڈگری زیادہ رہا ہے۔” "ہمارے پاس اب بھی پورے صوبے میں سبز گھاس اور پتے نہیں ہیں، جس کا مطلب ہے کہ زمین بہت خشک ہے شمالی صوبہ انتہائی گرم حالات اور تیز ہواؤں کا سامنا کر رہا ہے، اور رہائشیوں کو سرکاری یا نجی زمینوں پر لکڑی کی کھلی آگ لگانے کی اجازت نہیں ہے جب کہ آگ جل رہی ہے۔

    ٹکر نے کہا کہ البرٹا میں جنوری سے اب تک 348 جنگلات میں آگ لگ چکی ہے، جس میں 61,776 ایکڑ سے زیادہ رقبہ جل چکا ہے یہ سال کے اس بار جنگل کی آگ کی سرگرمی سے کہیں زیادہ ہے جو ہم نے یقینی طور پر ماضی میں کسی بھی وقت دیکھی ہے۔

    بھارتی مسافر طیارے میں خاتون کو بچھو نے کاٹ لیا

  • نیوزی لینڈ میں ہنگامی ایمرجنسی نافذ

    نیوزی لینڈ میں ہنگامی ایمرجنسی نافذ

    نیوزی لینڈ میں تباہ کن سمندری طوفان کے باعث ایمرجنسی نافذ کر دی گئی۔

    باغی ٹی وی: غیر ملکی خبر رساں ایجنسی کے مطابق نیوزی لینڈ کے نارتھ آئر لینڈ میں تیز ہواوْں کے ساتھ شدید بارشوں کا سلسلہ جاری ہے جبکہ متعدد درخت اور بجلی کے پول گر گئے ہیں۔ لینڈ سلائیڈنگ سے گھروں اور سڑکوں کو بھی نقصان پہنچا اور نظام زندگی مفلوج ہوگئی ہے۔

    ورجن اٹلانٹک کا لاہور اور اسلام آباد کے درمیان اپنی سروس معطل کرنے کا اعلان

    نیوزی لینڈ کے شمالی حصے میں گبریئل نقمی سمندری طوفان کے باعث ایمرجنسی نافذ کی گئی ہےآکلینڈ سمیت نارتھ آئرلینڈ کے کئی علاقوں میں اسکول بند کر دیئے گئے ہیں جبکہ حکام نے لوگوں کو غیرضروری سفر نہ کرنے کی ہدایت کی ہے۔ نیوزی لینڈ میں 509 پروازیں بھی منسوخ کردی گئی ہیں۔

    امریکی ریاست مشی گن کی یونیورسٹی میں فائرنگ،3 افراد ہلاک 5 زخمی

  • پرویز الٰہی کا ایک اوراحسن اقدام۔ پنجاب کی تمام تحصیلوں میں ایمرجنسی سروسز کا آغاز کر دیا

    پرویز الٰہی کا ایک اوراحسن اقدام۔ پنجاب کی تمام تحصیلوں میں ایمرجنسی سروسز کا آغاز کر دیا

    وزیراعلیٰ پنجاب چودھری پرویز الٰہی کا ایک اوراحسن اقدام۔ پنجاب کی تمام تحصیلوں میں آج سے ایمرجنسی سروسز کا آغاز کر دیا گیا. ایمرجنسی سروسز اکیڈمی،ٹھوکرنیاز بیگ میں 74 ایمبولینسزکی چابیاں ڈویژنل ایمرجنسی آفیسرز کے حوالے کرنے کی تقریب منعقد ہوئی۔

    وزیراعلیٰ پنجاب چو دھری پرویز الٰہی نے74 ایمبولینسزکی چابیاں ڈویژنل ایمرجنسی آفیسرز کے حوالے کیں۔ وزیراعلیٰ پنجاب چودھری پرویز الٰہی نے تقریب سے خطاب کرتے ہوئے ریسکیورز کا رسک الاؤنس بحال کرنے کا اعلان کیا۔انہوں نے کہا کہ ریسکیورز کے سروس رولز میں ترمیم کی سمری چیف سیکرٹری کے پاس ہے، اس پرہمدردانہ غورکریں گے۔ریسکیورز کیلئے اسمبلی میں قانون بنا دیا جسے کوئی تبدیل نہیں کر سکتا۔ہم نے ایمرجنسی وارڈز میں تمام ادویات مفت کردی ہیں اورا یمرجنسی وارڈز میں ڈیوٹی دینے ڈاکٹروں کو 3 گنا الاؤنس دیں گے۔انہوں نے کہا کہ ایمرجنسی سروسز اکیڈمی میں تمام صوبوں کے ریسکیورزکودیکھ کر بہت خوشی ہوئی ہے اور خوش آئند بات ہے کہ تمام صوبے اچھے کام میں شامل ہیں۔وزیراعلیٰ نے کہا کہ بھارت پاکستان کا ہرجگہ مقابلہ کرنے کی کوشش کرتا ہے لیکن بھارت ریسکیو میں مار کھا گیا ہے۔

    ایمر جنسی سروسز اکیڈمی میں تمام صوبوں کو ریسکیورز کی تربیت سے صوبوں کے درمیان محبت بڑھی ہے اورضرورت بھی اس امر کی ہے۔چاروں صوبوں کے ریسکیورز کی شرکت سے گلدستہ مکمل ہواہے اوراس کی خوشبو کبھی ختم نہیں ہوگی کیونکہ اچھے کام کی خوشبو ہمیشہ رہتی ہے۔ انہوں نے کہا کہ قائداعظمؒ اکیلے تھے لیکن انہوں نے انتھک محنت کر کے مسلمانوں کیلئے الگ وطن کا حصول یقینی بنایا۔ڈاکٹر رضوان نصیر محنت سے ریسکیو1122کے ادارے کو بلندیوں پر لے کر گئے ہیں۔میں نے ہمیشہ سب کا اچھا سوچا ہے کسی کا نقصان نہیں کرسکتا۔

    انہوں نے کہا کہ چیف سیکرٹری اورآئی جی پولیس شہبازشریف نے لگائے، میں نے انہیں اپنے دل کے ساتھ لگالیا ہے۔اللہ سے ہمیشہ اچھی ٹیم ملنے کی دعا کی، میں نے شہباز شریف کی ٹیم کو نہیں چھیڑا۔اپنے ساتھی کا بہتر اورخیر خواہی کیلئے سوچناہی کامیابی ہے۔میں اپنی ٹیم کیلئے بہتر سوچتا ہوں اورانہیں ساتھ لے کر چلتاہوں۔انہوں نے کہا کہ ریسکیو1122کا آغاز میں نے کیااورآج یہ بہترین ادارہ بن چکا ہے۔ریسکیو1122نے نہ صرف پاکستان بلکہ دنیا میں اپنانام کمایا ہے۔

    ایمرجنسی سروسز اکیڈمی میں سری لنکا سمیت بیرون ملک سے بھی ریسکیورز آتے ہیں۔ ریسکیو1122 نے اپنے قیام سے آج تک ایک کروڑ لوگوں کو ایمرجنسی سروس فراہم کی۔انہوں نے کہا کہ پاکستان جیسا ریسکیو سسٹم دنیا میں کہیں نہیں ہے۔ریسکیو 1122 کا رسپانس امریکہ اور انگلینڈ سے بھی بہتر اور تیز ہے۔مجھے ایمرجنسی سروسز کیلئے انگلینڈ میں 25 منٹ اورامریکہ میں 40 منٹ انتظار کرنا پڑا۔ کورونا میں ریسکیو 1122 نے جس طرح کام کیا، اس کی مثال نہیں ملتی۔جب کوئی کورونا سے جاں بحق افراد کو ہاتھ نہیں لگاتا تو ریسکیورز اس کی تدفین کرتے تھے۔ہندوستان میں کورونا سے جاں بحق افراد کی لاشوں کو اکٹھا جلایا جاتاتھا۔

    انہوں نے کہا کہ ڈاکٹر رضوان نصیرکی سربراہی میں یہ سارا کام ہورہا ہے۔وزیراعلیٰ نے کہا کہ خوف خدا بہت ضروری ہے۔اپنے بچوں سے کہتا ہوں کہ کسی کو تکلیف نہ دو۔ جو چیز تمہیں تکلیف دے تو اسے سوچ کردوسروں کا احساس کرنا چاہیے۔وزیراعلیٰ نے کہا کہ انگلی اٹھا کر کسی کا نقصان کرنا یا بدنام کرنا کوئی کام نہیں۔اصل کام لوگوں کے دل جیتنا ہے۔ انتقام ہمیشہ مہنگا پڑتا ہے اوریہ حکمرانوں کو بھی مہنگا پڑا ہے لیکن ہمارے حکمران سیکھتے نہیں۔انہوں نے کہا کہ دعا ہے کہ اللہ تعالیٰ پاکستان کو ہمیشہ شادوآباد رکھے اوریہ ملک دن دگنی رات چوگنی ترقی کرے۔

    ڈی جی ریسکیو 1122 ڈاکٹر رضوان نصیر نے تقریب سے خطاب کرتے ہوئے کہا کہ آ ج ایک تاریخ ساز دن ہے۔2004میں ایمرجنسی سروس شروع کرنے کا آئیڈیا پرویز الٰہی کا تھا۔آپ نے ناممکن کو ممکن کردکھایا۔ریسکیو1122سروس جنوبی ایشیاء ماڈل سروس ہے۔آج یہ سروس پنجاب کی تمام تحصیلوں تک پھیل چکی ہے۔چیف سیکرٹری کامران افضل، انسپکٹر جنرل پولیس فیصل شاہکار، سابق پارلیمنٹیرین امتیاز رانجھا، ڈی جی ریسکیو 1122 ڈاکٹر رضوان نصیر، سیکرٹری اطلاعات راجہ منصور اور ریسکیورز کی بڑی تعداد نے تقریب میں شرکت کی۔

  • منکی پاکس کا پھیلاؤ:کیلیفورنیا میں ایمرجنسی نافذ

    منکی پاکس کا پھیلاؤ:کیلیفورنیا میں ایمرجنسی نافذ

    امریکی ریاست کیلیفورنیا میں منکی پا کس کے بڑھتے کیسسزکے باعث گورنر کیلیفورنیا نےایمرجنسی کے نفاذ کا اعلان کردیا،کیلیفورنیا ، نیویارک اور الینوائے کے بعد تیسری ریاست ہے جس نے منکی پوکس کے خطرے کے پیش نظر ریاستی ایمرجنسی کا اعلان کیا ہے۔

    باغی ٹی وی : غیر ملکی میڈیا کے مطابق امریکہ میں منکی پاکس کیسوں کی تعداد 5 ہزار 800 تک پہنچ گئی ہے، منکی پاکس کے 800 کیس کیلیفورنیا میں پائے گئے ہیں

    منکی پاکس وبا بھارت بھی پہنچ گئی،پہلا کیس رپورٹ

    گورنرکیلیفورنیا کا کہنا ہے کہ کیلیفورنیا حکومت تمام سطحوں پر فوری طور پر منکی پوکس کے پھیلاؤ کو کم کرنے کے لیے کام کر رہا ہے، اس بات کو یقینی بنایا جا رہا ہے کہ سب سے زیادہ خطرے والے افراد ویکسین، علاج اور ہماری توجہ کا مرکز رہیں تاکہ اس وبا کو مزید پھیلنے سے روکا جا سکے۔

    عالمی ادارہ صحت نے منکی پاکس کو عالمی ہیلتھ ایمرجنسی قرار دیا ہے، تاہم بائیڈن انتظامیہ نے ایمرجنسی کا اعلان نہیں کیا ہے۔

    واضح رہے کہ افریقا میں منکی پاکس بنیادی طور پر چوہوں جیسے متاثرہ جنگلی جانوروں سے لوگوں میں پھیلتا ہے۔اس نے ماضی میں کبھی وبائی شکل اختیار نہیں کی اور نہ یہ کسی متاثرہ ملک سے سرحدپارپھیلی ہے تاہم یورپ، شمالی امریکااور دیگر جگہوں پرمنکی پاکس کا وائرس ان لوگوں میں بھی پھیل رہا ہے جن کا جانوروں سے کوئی تعلق نہیں یا جنھوں نے حال ہی میں افریقا کا سفر بھی نہیں کیا ہے۔

    سعودی عرب میں بھی منکی پاکس کے کیسز سامنے آگئے

    منکی پاکس کا شکار ہونےوالے افراد میں بخار، سردی لگنا، تھکن اور جسم دردر کی شکایات نمایاں ہوتی ہیں۔وائرس سے زیادہ متاثر ہونےوالے افراد کو شدید خارش اور جسم کے مختلف حصوں پر دانے نکلنے کا بھی سامنا کرنا پڑ سکتا ہے۔

    منکی پاکس وائرس کے علاج کے لیے فی الحال دو ویکسین استعمال کی جا رہی ہیں۔ جو سمال پاکس یا چیچک کے علاج کے لیے تیار کی گئی تھیں۔

    دس سال بعد امریکا میں پولیو کا پہلا کیس سامنے آ گیا