Baaghi TV

Tag: ایمرجنسی

  • وزیر آباد انسٹی ٹیوٹ آف کارڈیالوجی کواپ گریڈ کرنے کی منظوری

    وزیر آباد انسٹی ٹیوٹ آف کارڈیالوجی کواپ گریڈ کرنے کی منظوری

    وزیراعلیٰ پنجاب چودھری پرویز الٰہی کے صوبے کے عوام کو صحت کی بہترین سہولتیں فراہم کرنے کے لئے بڑے اقدامات سامنے آ گئے

    وزیراعلیٰ پنجاب چودھری پرویز الٰہی کی زیر صدارت 3 گھنٹے طویل اجلاس ہوا،اجلاس میں شعبہ صحت کی بہتری اور عوام کو علاج معالجہ کی بہتر سہولتیں فراہم کرنے کا تفصیلی جائزہ لیا گیا سابق صوبائی وزیر صحت ڈاکٹر یاسمین راشد،سابق چیئرمین پلاننگ اینڈ ڈویلپمنٹ سلمان غنی،سابق سیکرٹری وزیراعلیٰ جی ایم سکندر،پرنسپل سیکرٹری وزیراعلیٰ محمد خان بھٹی،چیئرمین پلاننگ اینڈ ڈویلپمنٹ، سیکرٹری صحت،وزیرآباد انسٹی ٹیوٹ آف کارڈیالوجی کے سربراہ،ڈی جی ریسکیو 1122 اور متعلقہ حکام نے اجلاس میں شرکت کی

    اجلاس میں سابق وزیراعظم عمران خان کے ہیلتھ کارڈ پروگرام کو مزید بہتر طریقے سے آگے بڑھانے کا فیصلہ کیا گیا ہے، وزیراعلیٰ چودھری پرویز الہٰی نے وزیر آباد انسٹی ٹیوٹ آف کارڈیالوجی کو بھی اپ گریڈ کرنے کی منظوری دے دی ،چودھری پرویز الہٰی کا کہنا تھا کہ وزیرآباد انسٹی ٹیوٹ آف کارڈیالوجی میں بستروں کی تعداد 100سے بڑھا کر200 کی جائے گی-

    پنجاب کے تمام ہسپتالوں کی ایمرجنسی وارڈز کو اپ گریڈکرنے کی منظوری دے دی گئی، وزیراعلیٰ نے کہا کہ ایمرجنسی وارڈز میں مریضوں کو تمام ادویات مفت دی جائیں گی مریض کا حق ہے کہ اسے ایمرجنسی میں مفت ادویات ملیں -دوسرے مرحلے میں وزیرآباد انسٹی ٹیوٹ آف کارڈیالوجی میں بستروں کی تعداد 400 تک بڑھائی جائے گی- وزیرآباد انسٹی ٹیوٹ آف کارڈیالوجی میں ڈاکٹروں خصوصا اینتھیزیالوجسٹ او رپیرا میڈیکل سٹاف کی کمی کو فی الفور پورا کیا جائے گا

    اینتھیزیالوجسٹ کی کمی کو پورا کرنے کے لئے انہیں خصوصی الاؤنس دیں گے- وزیراعلیٰ چودھری پرویز الہٰی نے ڈاکٹرز کی استعداد کار میں اضافے کے لئے خصوصی پروگرام شروع کرنے کی ہدایت کی اور کہا کہ وزیرآباد انسٹی ٹیوٹ آف کارڈیالوجی کی خالی اراضی پر ڈاکٹروں او رپیرا میڈیکل سٹاف کی رہائش گاہیں بنائی جائیں صوبے کے عوام کوصحت کی بہترین سہولتوں کی فراہمی کے لئے فائل کسی جگہ نہیں رکنی چاہیے-

    دعا زہرہ نہیں ملی بلکہ صرف نکاح نامہ ملا،پولیس

    میں کئی دن سے سوئی نہیں،دعا زہرا کی والدہ کا ویڈیو پیغام

     کراچی سے لاپتہ ہونے والی لڑکی دعا زہرہ کا ویڈیو بیان منظرعام پرآگیا

    دعا زہرہ نے نکاح کے بعد والد کے خلاف استغاثہ دائر کردیا۔

    دعا زہرا کے نکاح نامے پر لکھے پتے پر کون مقیم ؟دعا گھر سے کیسے نکلی تھی

    نکاح نامے پر غلط پتہ،پولیس پھر دعا زہرہ تک کیسے پہنچی؟

  • سری لنکا کے قائم مقام صدر نے ملک میں ایک بار پھر ایمرجنسی نافذ کردی

    سری لنکا کے قائم مقام صدر نے ملک میں ایک بار پھر ایمرجنسی نافذ کردی

    کولمبو: سری لنکا کے قائم مقام صدر نے ملک میں ایک بار پھر ایمرجنسی نافذ کردی۔

    باغی ٹی وی : ” الجزیرہ” کے مطابق سری لنکا کے قائم مقام صدر رانیل وکرما سنگھے نے آئندہ ہفتے ملک کے نئے صدر کے انتخاب کے لیے پارلیمنٹ میں ووٹنگ سے قبل ایمرجنسی نافذ کردی۔

    تیل کی پیداوار ایک کروڑ 30 لاکھ بیرل سے نہیں بڑھا سکتے،محمد بن سلمان

    اتوار کو دیر گئے جاری کیے گئے ایک سرکاری نوٹس کے مطابق، وکرماسنگھے نے اس اقدام کا اعلان "عوامی سلامتی، امن عامہ کے تحفظ اور کمیونٹی کی زندگی کے لیے ضروری سامان اور خدمات کی بحالی کے مفادات میں کیا-

    سری لنکا کی حکومت نے بیان میں کہا کہ ملک میں ایمرجنسی لگانے کا مقصد سیکیورٹی اور امن وامان کوبرقراررکھنا اورلازمی سروسز کی بلا تعطل فراہمی جاری رکھنا ہے۔

    نجومی خاتون بابا وانگا کی 2022 میں کی گئی پیشگوئیوں میں 2 پوری ہو گئیں

    حکومت کی طرف سے تازہ ترین ایمرجنسی کی مخصوص قانونی دفعات کا ابھی اعلان ہونا باقی ہے لیکن پچھلے ہنگامی ضابطوں کا استعمال فوج کو لوگوں کو گرفتار کرنے اور حراست میں لینے، نجی املاک کی تلاشی لینے اور عوامی احتجاج کو کم کرنے کے لیے کیا جاتا رہا ہے۔

    سری لنکا کے محصور رہنماؤں کی جانب سے سری لنکا میں کشیدہ حالات کے باعث اپریل سے اب تک متعدد بار ایمرجنسی نافذ کی جاچکی ہے۔گزشتہ ہفتے سری لنکا کے سابق صدر گوٹابایا راجا پاکسے ملک سے فرار ہوگئے تھے جس کے بعد نئے صدر کا انتخاب ہوگا۔ سری لنکا میں بدترین معاشی بحران جاری ہے اورعوام بجلی، گیس، ادویات اورکھانے پینے کی اشیا کی قلت کا سامنا کررہے ہیں۔

    بھارت کا اگلا صدر کون ہو گا؟ ووٹنگ جاری

  • خطرناک ہیٹ ویو:برطانیہ میں ’نیشنل ایمرجنسی‘ نافذ کردی گئی

    خطرناک ہیٹ ویو:برطانیہ میں ’نیشنل ایمرجنسی‘ نافذ کردی گئی

    لندن :برطانیہ میں ’نیشنل ایمرجنسی‘ نافذ ،اطلاعات کے مطابق برطانیہ میں ریکارڈ درجہ حرارت بڑھنے پر شدید گرمی کی وارننگ جاری کردی گئی ۔

    بین الاقوامی خبر رساں ادارے کے مطابق برطانوی محکمہ موسمیات نے ممکنہ خطرناک ہیٹ ویو کی ’نیشنل ایمرجنسی‘ کی سطح تک ’ریڈ وارننگ‘جاری کردی ہے ۔یورپ کا بیشتر حصہ اس وقت شدید گرمی کی لپیٹ میں ہے اور کئی علاقوں میں درجہ حرارت 45 ڈگری سینٹی گریڈ سے بھی بڑھ چکا ہے۔

    شدید گرمی کے باعث گزشتہ روز پرتگال، اسپین، فرانس اور کروشیا میں جنگلات میں آگ بھی بھڑک اٹھی ہے۔

    برطانیہ میں 25 جولائی 2019 کو کیمبرج یونیورسٹی کے بوٹینک گارڈن میں برطانوی تاریخ کا اب تک کا سب سے زیادہ درجہ حرارت 38.7 ڈگری سینٹی گریڈ (102 فارن ہائیٹ) ریکارڈ کیا گیا تھا۔

    برطانوی محکمہ موسمیات نے جاری کردہ الرٹ میں کہا ہے کہ برطانیہ میں پہلی بار درجہ حرارت 40 ڈگری سینٹی گریڈ تک جاسکتا ہے۔

    محکمہ موسمیات کے چیف میٹرولوجسٹ پال گنڈرسن کا کہنا ہے کہ غیر معمولی اور ریکارڈ توڑنے والے درجہ حرارت کا امکان اگلے ہفتے کے اوائل میں ہے۔انہوں نے مزید کہا کہ اس بات کا 50 فیصد امکان ہے کہ درجہ حرارت 40 ڈگری سینٹی گریڈ سے اوپر چلا جائے گا اور 80 فیصد امکان ہے کہ نئے زیادہ سے زیادہ درجہ حرارت تک پہنچ جائے گا۔

  • ہرنائی میں بارشوں اور سیلاب کے باعث ایمرجنسی نافذ ،پنجاب شاہراہ ٹریفک کےلیے بند

    ہرنائی میں بارشوں اور سیلاب کے باعث ایمرجنسی نافذ ،پنجاب شاہراہ ٹریفک کےلیے بند

    بلوچستان :مون سون بارشیں، ہرنائی میں سیلاب کے باعث ایمرجنسی نافذ کر دی گئی-

    باغی ٹی وی : ہرنائی میں بارش اور سیلابی ریلوں کے باعث پنجاب شاہراہ ٹریفک کےلیے بند کر دی گئی۔سیلابی ریلوں سے ہرنائی کوئٹہ شاہراہ کے دوبڑے رابطہ پل متاثر ہوئے۔

    لاہور،کراچی اوراسلام آباد میں گرج چمک کے ساتھ مزید بارش کا امکان ہے

    ہرنائی کےلیے بنائے گئے حفاظتی بند بھی سیلاب ریلوں سے متاثر ہوئے ہرنائی کے مرزا کلی ،لعل خان حفاظتی بند سیلاب میں بہہ گئے چھوٹے حفظاطتی بند کی ٹوٹنے سے سیلابی پانی ہرنائی میں داخل ہو گیا۔

    ہرنائی میں طوفانی بارشوں نے نظام زندگی تباہ کر دیا۔ سیلابی ریلے بجلی کے کھمبے بھی بہا کر لے گئے۔سیلابی پانی کے گھروں اور دکانوں میں داخل ہونے سے ہرنائی کے کچے مکانات متاثر ہوئے۔

    ڈپٹی کمشنر نثار احمد مستوئی ،اسسٹنٹ کمشنر لیویز فورس نےمتاثرہ علاقوں کا دورہ کیا۔ڈپٹی کمشنر ہرنائی کی جانب سے ضلع میں بارشوں اور سیلاب کے پیش نظر ایمرجنسی نافذ کر دی گئی۔

    ٹھٹھہ: کوئلے کی کان میں پھنسے 6 کان کنوں کی لاشیں نکال لی گئیں

    قبل ازیں کوئٹہ میں مون سون بارشوں سے ہونے والے نقصانات سے متعلق رپورٹ جاری کی گئی تھی پارلیمانی سیکریٹری اطلاعات کا کہنا تھا بارشوں سےاب تک 39 افراد جاں بحق ہوئے،جاں بحق ہونے والوں میں 10 مرد، 16 خواتین اور 13 بچے شامل ہیں بارشوں کے باعث مختلف حادثات میں 47 افراد زخمی ہوئے بارشوں سے سب سے زیادہ کوئٹہ، لسبیلہ، سبی،ہرنائی،دکی متاثر کوہلو ،بار کھان ،ژوب اور ڈیرہ بگٹی بھی بارشوں سے متاثر ہوئے مجموعی طور پر صوبے بھر میں 241 مکانات منہدم ہوئے ۔

    واضح رہے کہ خلیج بنگال سے ملک میں داخل ہونے والا مون سون سسٹم پنجاب، سندھ، بلوچستان اور آزاد کشمیر میں وقفے وقفے سے بارشوں کا باعث بن رہا ہےمحکمہ موسمیات کے مطابق پنجاب، سندھ اور بلوچستان کے مختلف علاقوں میں بارشیں ہورہی ہیں اور یہ سلسلہ جمعرات کی صبح تک جاری رہے گا۔

    حوالدار لالک جان شہید(نشان حیدر) کی 23 ویں برسی

  • شمالی کوریا میں پہلے کورونا کیس کی تصدیق ، ملک میں نشینل ایمرجنسی نافذ

    شمالی کوریا میں پہلے کورونا کیس کی تصدیق ، ملک میں نشینل ایمرجنسی نافذ

    شمالی کوریا کی حکومت نے پہلی مرتبہ ملک میں ایک کورونا کیس کی تصدیق کی ہے۔

    باغی ٹی وی : غیرملکی میڈیا رپورٹس مطابق شمالی کوریا نے کورونا وبا کے آغازسے اب تک ملک میں کورونا کیسز کی موجودگی سے انکار کیا ہے تاہم اب کورونا کا ایک کیس سامنے آگیا ہے۔

    کرونا کی نئی قسم، وزیراعظم کا این سی او سی بحال کرنے کا حکم

    رپورٹس کے مطابق کورونا کا پہلا کیس سامنے آنے کے بعد شمالی کوریا کے رہنما کم جونگ ان نے ملک میں نیشنل ایمرجنسی نافذ کردی ہے اورلاک ڈاؤن لگا دیا ہے حکام کا کہنا ہے کہ اومیکرون وائرس سے متاثرمتعدد کیسز سامنے آ رہے ہیں۔

    یہ واضح نہیں ہے کہ کتنے انفیکشنز کا پتہ چلا ہے لیکن سرکاری خبر رساں ایجنسی نے جمعرات کو اطلاع دی ہے کہ دارالحکومت پیانگ یانگ میں اومیکرون قسم کے کیسز پائے گئے ہیں KCNA نے رپورٹ کیا کہ 8 مئی کو بخار کا سامنا کرنے والے لوگوں کے ایک گروپ سے جمع کیے گئے نمونوں میں انتہائی متعدی اومیکرون قسم کے لیے مثبت تجربہ کیا گیا۔

    کوویڈ 19 کا پھیلنا شمالی کوریا کے لیے خطرناک ثابت ہو سکتا ہے۔ ملک کے خستہ حال صحت کی دیکھ بھال کے بنیادی ڈھانچے کا امکان نہیں ہے کہ وہ بہت زیادہ متعدی بیماری میں مبتلا مریضوں کی ایک بڑی تعداد کا علاج کر سکے۔

    شمالی کوریا نے اس سے قبل کسی بھی کورونا وائرس کے کیسز کو تسلیم نہیں کیا تھا، حالانکہ کچھ لوگوں کا خیال ہے کہ تقریباً 25 ملین افراد پر مشتمل ملک کو ایک وائرس سے بچایا گیا ہے جس نے دنیا بھر میں لاکھوں افراد کو متاثر کیا ہے۔

    پاکستان میں کورونا اموات تصدیق شدہ ہیں، وزارت صحت نے عالمی ادارے کوکھری کھری سنادیں

    KCNA کے مطابق، جمعرات کو، شمالی کوریا کے رہنما کم جونگ ان نے تمام شہروں میں لاک ڈاؤن کے اقدامات کا حکم دیا اور طبی سامان کی تقسیم کی ہدایت کی جو پارٹی نے مبینہ طور پر کووِڈ ایمرجنسی کی صورت میں اسٹاک کی تھی۔

    کورونا وبا کو پھیلنے سے متعلق ہنگامی اجلاس کی صدارت کرتے ہوئے شمالی کوریا کے رہنما کم جونگ ان کا کہنا تھا کہ کورونا کوپھیلنے سے روکنے کے لئے فوری اورموثر اقدامات کئے جائیں گے۔۔

    امریکی وزیر خارجہ کا کورونا ٹیسٹ مثبت آگیا

    کے سی این اے کے مطابق، پولٹ بیورو نے ملک کے انسداد وبا کے شعبے کو "لاپرواہی، سستی، غیر ذمہ داری اور نااہلی کے لیے تنقید کا نشانہ بنایا، اور کہا کہ یہ پڑوسی خطوں سمیت دنیا بھر میں کوویڈ 19 کے بڑھتے ہوئے کیسز کے لیے "حساس طریقے سے جواب دینے میں ناکام رہا۔

    کے سی این اے نے رپورٹ کیا کہ کم نے کہا کہ ملک "غیر متوقع کوویڈ 19 پھیلنے” پر قابو پالے گا۔

    آج تک، شمالی کوریا صحت عامہ کے سخت اقدامات کی بدولت کوویڈ 19 کے کیسز کے بڑے پھیلاؤ کو روکنے میں کامیاب رہا ہے شمالی کوریا کی سرحدوں کو جنوری 2020 سے سیل کر دیا گیا تھا تاکہ وائرس کو روکا جا سکے-

    رپورٹس کے مطابق شمالی کوریا کے پاس کورونا سے بچاؤ کی ویکسین نہیں ہے کیونکہ کم جونگ ان کی حکومت نے عالمی ادارہ صحت، چین اورروس کی جانب سے کورونا ویکسین کی فراہمی کی پیشکش کو مسترد کردیا تھا۔

    نیٹو سربراہ کورونا وائرس کا شکار ہوگئے

  • چین میں کورونا پھر بے قابو:دنیا میں پھر نئی لہر کا خطرہ :ہرطرف خوف طاری

    چین میں کورونا پھر بے قابو:دنیا میں پھر نئی لہر کا خطرہ :ہرطرف خوف طاری

    بیجنگ :چین میں کورونا پھر بے قابو:دنیا میں پھر نئی لہر کا خطرہ :ہرطرف خوف طاری،اطلاعات کے مطابق چین میں کورونا بے قابو ہوگیا جس کے باعث دنیا بھر میں پھر نئی لہر کا خطرہ منڈلانے لگا ہے۔

    بین الاقوامی خبر رساں ادارے کے مطابق چین میں کورونا کے نئے کیسز کی شرح 2 سال کی بلند ترین سطح پر پہنچ گئی ہے۔

    چین میں کورونا وائرس کے پھیلنے کے بعد اسرائیل میں بھی کورونا کی نئی قسم سامنے آگئی ہے جس کے بعد امریکا اور یورپ پر بھی کورونا کی نئی لہر کا خطرہ منڈلا رہا ہے۔

    چین میں کورونا کی صورت حال بے قابو ہو گئی ہےاور کورونا پابندیوں سے تقریباً 3 کروڑ افراد متاثر ہیں۔چین کو فروری 2020 کے بعد سے اب تک کورونا کی بدترین صورتحال کا سامنا ہے، یہاں چند دنوں سے روزانہ 3 ہزار سے زائد نئے کیسز رپورٹ ہو رہے ہیں۔

    چین کے علاوہ ہانگ کانگ، جنوبی کوریا سمیت افریقی اور یورپی ممالک میں بھی کورونا کے کیسز بڑھنے لگے ہیں۔

    عالمی ادارہ صحت کی پورٹ کے مطابق چین اور جنوبی کوریا میں کورونا کے کیسز میں 25 فیصد اور اموات میں 27 فیصد کا اضافہ ہوا ہے۔ افریقا میں بھی نئے کیسز میں 12 فیصد اور اموات میں 14 فیصد کا اضافہ ہوا ہے۔

    عالمی ادارہ صحت کا کہنا ہے کہ یورپ میں نئے کیسز میں 2 فیصد کا اضافہ ہوا ہے تاہم وہاں ہلاکتوں کی تعداد مستحکم ہے۔

    رپورٹ میں کہا گیا ہے کہ آسٹریا، جرمنی، سوئٹزرلینڈ، ہالینڈ اور برطانیہ میں کیسز بڑھنے لگے ہیں جس کے باعث یورپ میں کورونا کی ایک اور لہر کا امکان بڑھ گیا ہے۔

  • کینیڈا: ٹرک ڈرائیورز کا احتجاج رنگ لے آیا، حکومت مان گئی:ایمرجنسی ختم ہونے کا امکان

    کینیڈا: ٹرک ڈرائیورز کا احتجاج رنگ لے آیا، حکومت مان گئی:ایمرجنسی ختم ہونے کا امکان

    اوٹاوا:کینیڈا: ٹرک ڈرائیورز کا احتجاج رنگ لے آیا، حکومت مان گئی:ایمرجنسی ختم ہونے کا امکان ،اطلاعات کے مطابق کینیڈا میں ٹرک ڈرائیوروں کا احتجاج رنگ لے آیا، حکومت نے پابندیوں سے متعلق اہم بیان جاری کردیا ہے۔

    غیر ملکی میڈیا رپورٹ کے مطابق کینیڈا سے امریکا جانے والے ٹرک ڈرائیوروں کے لیے لازمی کورونا ویکسین کے قانون کے خلاف گزشتہ ماہ کے آخر میں شروع والے احتجاجی مظاہروں کی وجہ سے دارالحکومت اوٹاوا میں معمولات زندگی انتہائی متاثر ہیں۔

    صورتحال کے مدنظر وزیراعظم جسٹن ٹروڈو نے صوبائی رہنماؤں سے گزشتہ روز مشاورت کے بعد قوم سے خطاب کرتے ہوئے ہنگامی حالت نافذ کرنے کا اعلان کیا، جس پر ٹروڈ کی حکومت پر کڑی تنقید کی جارہی تھی، اوٹاوا پولیس چیف تنقیدپرعہدے سےمستعفی ہوگئے۔

    میڈیا رپورٹ کے مطابق اوٹاوا پولیس چیف کے عہدے سے مستعفی ہونے پر حکومت نے اپنی پالیسی پر نظر ثانی کی اور کینیڈا کی سرحد پر کرونا سے متعلق نافذ پابندیوں میں نرمی کا اعلان کردیا ہے۔

    یاد رہے کہ دس روز قبل کینیڈا کے دارالحکومت اوٹاوا میں کووڈ ویکسین کے خلاف ہزاروں مظاہرین سڑکوں پر آ گئے تھے، کینیڈا کے دارالحکومت اوٹاوا کے میئر نے کووڈ 19 کی بندشوں کے خلاف ٹرک ڈرائیوروں کے احتجاج کے مد نظرصورتحال بڑی خراب ہوگئی تھی

    جس کے بعد کینیڈا کے وزیراعظم وزیر اعظم جسٹن ٹروڈو نے صوبائی رہنماوں کے ساتھ صلاح و مشورے کے بعد مظاہرین سے نمٹنے کے لیے ایمرجنسی قانون نافذ کردیا۔ کینیڈا سے امریکا جانے والے ٹرک ڈرائیوروں کے لیے لازمی کورونا ویکسین کے خلاف گزشتہ ماہ کے اواخر میں شروع والے احتجاجی مظاہروں کی وجہ سے دارالحکومت اوٹاوا میں معمولات زندگی تقریبا ً مفلوج ہو کر رہ گئے ہیں۔

    مظاہرین کورونا وبا کے حوالے سے نافذ تمام پابندیوں کو ختم کرنے کا مطالبہ کر رہے ہیں۔ اپنے مطالبات پر زور دینے کے لیے انہوں نے اوٹاوا شہر کے مرکز سمیت کئی اہم بین صوبائی شاہراہوں پر دھرنا دے رکھا ہے۔

    اس صورت حال کے مدنظر وزیر اعظم جسٹن ٹروڈو نے صوبائی رہنماؤں کو اعتماد میں لے کر قوم سے خطاب کرتے ہوئے کہا کہ احتجاج سے عوام کی سلامتی کو سخت خطرات لاحق ہوگئے ہیں اور ملکی معیشت کو سخت نقصان پہنچ رہا ہے۔ جسٹن ٹروڈونے کہا کہ ہم احتجاج کی آڑ میں اس طرح کی غیر قانونی اور خطرناک سرگرمیوں کو جاری رکھنے کی اجازت نہیں دے سکتے

  • میاں چنوں سے پریشان کن خبرآگئی :لاہور سے کراچی جانے والی خیبر میل ایکسپریس کو حادثہ

    میاں چنوں سے پریشان کن خبرآگئی :لاہور سے کراچی جانے والی خیبر میل ایکسپریس کو حادثہ

    میاں چنوں:میاں چنوں سے پریشان کن خبرآگئی :لاہور سے کراچی جانے والی خیبر میل ایکسپریس کو حادثہ ،اطلاعات کے مطابق لاہور سے کراچی آنے والی خیبر میل ایکسپریس کے میاں چنوں کے قریب بریک فیل ہوگئےکئی بوگیاں پٹڑی سے اتر گئیں ۔

     

     

    کراچی جانے والی 2 ڈاؤن خیبر میل ایکسپریس کی کئی بوگیاں پٹری سے اتر گئیں تاہم حادثے میں کسی جانی نقصان کی اطلاع نہیں ملی ہے۔ رپورٹ کے مطابق خیبر میل کے ڈرائیورز حنیف غازی نے قریبی عزیز کے انتقال پر چارج چھوڑا اور ٹرین کا چارج ڈرائیور محمد زبیر کے حوالے کر کے روانہ ہوگیا۔

     

     

    ڈرائیورزبیر نے بریکنگ پاور کو چیک نہیں کیا، بریکنگ پاور چیک نہ ہونے کی وجہ سے ڈرائیور بریک پر کنٹرول نہ رکھ سکا۔حادثے سے متعلق مزید تحقیقات جاری ہیں۔

     

    پاکستان میں حادثات کی ایک لمبی تاریخ ہے ، اسی سال جون کے مہہینے میں گھوٹکی میں حادثہ پیش آیا جہاں اس حادثےمیں 60 سے زائد افراد جانبحق ہوگئے تھے اور بڑی تعداد میں زخمی بھی ہوئے

    افسوس کی بات یہ ہےکہ حادثات کی صورت میں بڑےبڑے صدمات سے گزرتے ہیں لیکن ریلوے کے نظام میں بہتری کے آثار ابھی تک نظر نہیں‌آرہے ، یہی وجہ ہے کہ لوگ اب ریل پرسفر کرنے کی بجائے دیگرذرائع سے سفر کرلیتے ہیں لیکن ریلوے پراعتبار نہیں کرتے

    آج کے واقعہ کے بعد بھی شاید یہی صورت حال ہے ، مسافر میاں چنوں میں پریشان بیٹھے ہیں اور انکا کوئی پرسان حال نہیں لیکن ریلوے حکام کو کوئی پرواہ تک نہیں کہ وہ مسافروں کی دل جوئی ہی کرسکیں‌

  • کراچی روئی کے گودام میں آتشزدگی ، ایمرجنسی نافذ

    کراچی روئی کے گودام میں آتشزدگی ، ایمرجنسی نافذ

    کراچی: رزاق آباد پولیس ٹریننگ سینٹر کے قریب روئی کے گودام میں آتشزدگی کی خبر موصول ہوئی ہے .بقول ایم ڈی واٹربورڈ ، شیرپاؤ اور لانڈھی ہائیڈرنٹس پر ایمرجنسی نافذ کردی گئی ہے. پانی سے بھرے متعدد ٹینکر حادثہ کے مقام کی جانب روانہ کردیئے گئے ہیں، دیگر ہائیڈرنٹس کو بھی الرٹ کردیا گیا ہے. سپرنٹنڈنگ انجینئر ہائیڈرنٹس سیل کو بھی عملےسمیت جائے وقوعہ پر پہنچنے کی ہدایت کردی ہے. ایم ڈی واٹربورڈکے مطابق آگ پر قابو پائے جانے تک فائربریگیڈ کو بلامعاوضہ پانی کی فراہمی جاری رہے گی.

  • پی آئی اے کی تاریخ کا دل خراش واقعہ

    پی آئی اے کی تاریخ کا دل خراش واقعہ

    پی آئی اے کا طیارہ کراچی ائر پورٹ کے نزدیک لینڈنگ کے وقت گر کر تباہ. پی آئی اے کی پرواز پی کے 8303 لاہور سے کراچی جارہی تھی۔
    طیارے میں 91 مسافر اور عملے کے 7 ارکان سوار تھے۔ پی آئی اے کے چیف ایگزیکٹو آفیسر ائر مارشل ارشد ملک فوری طور پر پی اے ایف کے طیارے سے کراچی روانہ ہو گئے۔ ائر مارشل ارشد ملک نے ناگہانی حادثے پر گہرے رنج و غم کا اظہار کیا ہے۔ پی آئی اے کے آپریشنل ملازمین کو ڈیوٹی پر طلب کر لیا گیا ہے۔
    پی آئی اے کا ایمرجنسی کال سینٹر فعال کر دیا گیا ہے۔

    جیسے جیسے معلومات آئیں گی میڈیا کے ساتھ شیئر کی جائیں گی۔