اسلام آباد(محمد اویس)قومی اسمبلی کی قائمہ کمیٹی برائے ایوی ایشن میں ڈی جی اے ایس ایف نے انکشاف کیا ہے کہ ائیر پورٹس پر باڈی سرچ عام بات ہے ،میں تین افسران کے ساتھ سرکاری دورے پر ترکی گیا تو استنبول ائیرپورٹ پر ان کو معلوم ہونے کے باجود ہم تینوں افسران کا باڈی سرچ کیا گیا ہمارے کوٹ اور بیلٹ اتارے گئے جبکہ ایک افسر کے جوتے بھی اتارے گئے ۔پی آئی اے کے پاس کل 34ہوائی جہاز ہیں جن میں سے 22جہاز آپریشنل اور 12گراؤنڈ ہیں ۔جلد کسان ایپ لانچ کریں گے ۔
پیر کو قومی اسمبلی کی قائمہ کمیٹی برائے ایوی ایشن کا چیئرمین نوابزادہ افتخار احمد خان بابر کی زیر صدارت اجلاس ہوا۔اجلاس میں ایوی ایشن ڈویژن اور اس کے ماتحت اداروں سے متعلق بریفنگ دیتے ہوئے بتایا کہ ہماری 121منظور شدہ آسامیاں ہیں، 106 آسامیوں پر لوگ کام کررہے ہیں،15 آسامیاں خالی ہیں،پی آئی اے کے پاس 34 جہاز ہیں، 12 گراؤنڈڈ ہیں، پی کے پاس ڈرائی لیز پر 13 جہاز ہیں، پی آئی اے کے پاس آپریشنل 22 جہاز ہیں،پی آئی اے میں 10 ہزار 323 لوگ کام کر رہے ہیں،پی آئی اے میں 7 ہزار 399 ریگولر ملازمین ہیں،کورونا کی وجہ سے روزویلٹ ہوٹل بند ہوگیا تھا،پہلے سال202 ڈالر پر ہوٹل کا کمرہ کرائے پر دیا گیا ہے۔
ایوی ایشن حکام نے بتایا کہ اے ایس ایف میں کل 15 ہزار 565 ملازمین کام کر رہے ہیں، محکمہ موسمیات میں 2 ہزار 430 ملازمین کام کر رہے ہیں، محکمہ موسمیات کے لئے نئے ریڈار لگائے جارہے ہیں، سیکرٹری ایوی ایشن نے ہدایت دی کی تھی کہ کسان ایپ بنائیں،کسان ایپ کا ٹیسٹ ہوچکا ہے، اگلے تین چار مہینوں میں کسان ایپ لانچ ہو جائے گی،کسانوں کو ایک موبائل فون پر تین پانچ دن کا ڈیٹا اور کھیتی باڑی کے لئے معلومات مل جائے گی۔مصنوعی بارش کےحوالے سے ایک منصوبہ لانچ کیا جائے گا،
اسلام آباد ایئر پورٹ پر کسی جہاز کی ایمرجنسی لینڈنگ ہو اور دوسرا رن وے نہ ہو تو کیا کریں گے؟منزہ حسن
ڈی جی اے ایس ایف نے کمیٹی کو بتایا کہ ہمارے پاس خود سے اپنا کوئی ڈویلپمنٹ بجٹ نہیں ہے ،ڈویلپمنٹ بجٹ ہو گا تو ڈویلپمنٹ اسٹریٹجی قائم کر سکیں گے۔سول ایوی ایشن اتھارٹی ہماری بہت سی ضروریات کو پورا کرتی ہے، رکن کمیٹی منزہ حسن نے سوال کیا کہ اسلام آباد ایئرپورٹ ہر برسات میں ڈوب جاتا ہے،اسلام آباد ایئرپورٹ کے دو رن ویز پر ایک وقت میں دو ایئرکرافٹ اکٹھے نہیں اتر سکتے، کسی جہاز کی ایمرجنسی لینڈنگ ہو اور دوسرا رن وے نہ ہو تو کیا کریں گے؟ لاہور ایئرپورٹ پر جہازوں کی پارکنگ میں بڑا کریک ہے، وہ بڑھتا جارہا ہے، موسم اتنا تیزی سے تبدیل ہو رہا ہے،کسانوں کے لئے ایپ بنانے میں اتنی تاخیر کیوں کی گئی،رکن کمیٹی امتیاز احمد نے سوال کیا کہ ایئرپورٹس کی پارکنگ ایریاز کا اسٹینڈرڈ برقرار رکھ لیں تو یہی بہت بڑی اچیومنٹ ہوگی ، رکن رمیش لال نے سوال کیا کہ سول ایوی ایشن اتھارٹی کا ادارہ ڈی جی کے بغیر قائم مقام پر چل رہا ہے،ایئرپورٹ پر پوچھا جاتا ہے کہ آپ کے پاس ہتھیار ہے یا نہیں،جب چیکنگ کرتے ہیں تو پوچھنے کی کیا ضرورت ہے،جب فلائیٹ کی لینڈنگ ہوتی ہے،بیس بیس منٹ اس کو لفٹ نہیں لگاتے۔
استنبول ائیرپورٹ پر سرکاری دورے کے دوران باڈی سرچ ہوئی، ہماری جیکٹ،بوٹ ،بیلٹ اتروائے گئے،ڈی جی اے ایس ایف کا انکشاف
ڈی جی ائیرپورٹ سیکیورٹی فورس (اے ایس ایف) نے منزہ حسن کے مسافروں کے باڈی سرچ کے حوالے سے سوال پر جواب دیا کہ پوری دنیا میں ائیرپورٹ پر باڈی سرچ ہوتی ہے میں فیملی کے ساتھ دبئی گیا تو وہاں بچے کے بخار کی وجہ سے میری کانیکٹنگ فلائٹ مس ہوگئی دوبارہ بورڈنگ کارڈ بنایا تو میری باڈی سرچ ہوئی ہمارے جوتے تک اتار دیئے گئے تھے ، جن ائیرپورٹس پر جدید ترین آلات لگے ہوئے ہیں وہاں بھی باڈی سرچ ہوتی ہے ۔انہوں نے انکشاف کیا کہ ترکی آفیشل دورے کے دوران استنبول ائیرپورٹ پر میرے ساتھ تین آفسران تھے ان کو پتہ بھی تھا کہ ہم سرکاری دورے پر آئے ہیں اور ہمارا تعلق ائیر پورٹ سیکیورٹی فورس سے ہے مگر اس کے باوجود استنبول ائیرپورٹ پر ہماری جیکٹیں اتاری گئیں بیلٹ کھونے کا کہا گیا ایک افسر کے چوتے بھی تارے گئے اور اس کے بعد سارے افسران کی باڈی سرچ کی گئی باڈی سرچ پوری دنیا میں عام بات ہے پاکستان میں ہم خواتین کا باڈی سرچ پردے میں کرتے ہیں جبکہ بیرون ممالک میں سب کو باڈی سرچ سب کے سامنے ہوتا ہے ۔
قائمہ کمیٹی ایوی ایشن، پائلٹس کے لائسنسز کے معاملے پر بھی رپورٹ طلب
وفاقی سیکرٹری ایوی ایشن نے کمیٹی کو بتایا کہ ایئرپورٹس کی آؤٹ سورسنگ انٹرنیشنل پریکٹس ہے۔ سی ای او پی آئی اے نے بتایا کہ ایاسا کا آڈٹ پی آئی اے نے کلیئر کر لیا ہوا ہے۔منزہ حسن نے کہاکہ لاہور اسلام آباد روٹ کسی پرائیویٹ ایئر لائن کو دے رہے ہیں یا نہیں؟سیکرٹری نے بتایا کہ کوئی ایئر لائن لاہور اسلام آباد کے درمیان چلنے میں دلچسپی نہیں رکھتی، چیئرمین کمیٹی نے کہاکہ لوگوں کی شکایات ہیں کہ پی آئی اے کی فلائیٹس لیٹ ہو رہی ہیں، کھانا غیر معیاری ہے،فیصل آباد میں کریش لینڈنگ کی وجہ کیا تھی؟ سیکرٹری ایوی ایشن نے بتایاکہ جہاز کے انجن سے پرندہ ٹکرایا تھا، کمیٹی نے اسلام آباد ایئر پورٹ کا دورہ کرنے کا فیصلہ کرلیا۔کمیٹی نے پائلٹس کے لائسنسز کے معاملے پر بھی رپورٹ طلب کرلی۔
پاکستان سٹیل ملز کو نجکاری کے لسٹ سے نکال لیا گیا، رانا تنویر
امید ہے پی آئی اے کی نجکاری سے کوئی بھی بے روزگار نہیں ہوگا،علیم خان
پی آئی اےکی نجکاری کیلئے 6کمپنیوں نے پری کوالیفائی کرلیا
پی آئی اے کا خسارہ 830 ارب روپے ہے، نجکاری ہی واحد راستہ ہے، علیم خان
پیشکشوں میں توسیع کا وقت ختم، نجکاری کمیشن پری کو آلیفیکیشن کریگا:عبدالعلیم خان
پی آئی اے سمیت24اداروں کی نجکاری، شفافیت کیلئے ٹی وی پر دکھائینگے:وفاقی وزیر عبد العلیم
پی آئی اے کی نجکاری کے حوالہ سے اہم پیشرف
پی آئی اے کسے اور کیوں بیچا جارہا،نجکاری پر بریفنگ دی جائے، خورشید شاہ
پی آئی اےکی نجکاری کیلئے 6کمپنیوں نے پری کوالیفائی کرلیا
اسٹیل مل کی نجکاری نہیں، چلائیں گے، شرجیل میمن
