نیویارک: مائیکروسافٹ کے شریک بانی بل گیٹس نے آرٹیفیشل انٹیلیجنس (اے آئی) کے حوالے سے نئی ییشگوئی کی ہے-
باغی ٹی وی: غیر ملکی خبر رساں ایجنسی کے مطابق مائیکروسافٹ کے شریک بانی بل گیٹس نے پریس کانفرنس کرتے ہوئے کہا کہ آرٹیفیشل انٹیلیجنس (اے آئی) ڈیڑھ سال میں بچوں کو پڑھنے اور لکھنے میں مدد فراہم کر رہی ہو گی۔
ڈرپ کی بجائے اینٹی بایوٹکس کھانا زیادہ مفید،تحقیق
بل گیٹس نے کہا کہ اے آئی چیٹ بوٹس کسی انسان جتنے ہی اچھے استاد ثابت ہو سکتے ہیں اور موجودہ دور کے چیٹ بوٹس پڑھنے لکھنے کی بہت زیادہ قابلیت رکھتے ہیں آئندہ چند ماہ میں طلبہ اے آئی ٹیکنالوجی کی مدد سے اپنی صلاحیتوں کو بہتر بنا سکیں گے۔ تبدیلی آ رہی ہے اور اے آئی ٹیکنالوجی کو استاد کے طور پر استعمال کرنے سے اخراجات میں بھی کمی آئے گی۔
دنیا کے تین صدیوں پرانے اخبار کی اشاعت بند کرنے کا اعلان
بل گیٹس نے کہا کہ اے آئی ٹیکنالوجی لوگوں کے کام کرنے، سیکھنے، سفر سمیت ایک دوسرے سے رابطوں کے طریقے کو بدل دے گی۔ دنیا بھر کی حکومتیں ٹیکنالوجی کی صنعت کے ساتھ مل کر اے آئی سے جڑے خطرات کو محدود کریں۔
واضح رہے کہ مائیکرو سافٹ نے چیٹ جی پی ٹی کو اپنے سرچ انجن، براؤزر اور دیگر سروسز کا حصہ بنا لیا ہے۔
