Baaghi TV

Tag: بارش

  • بارشوں کے متاثرین کی آج بھی ایک بڑی تعداد مدد کے لیے منتظر ہے،بلاول

    پی پی پی چیئرمین و وزیر خارجہ بلاول بھٹو زرداری نے ملک کے مختلف علاقوں میں بارش کی صورتحال پر کہا ہے کہ امیر ممالک کے پیدا کردہ موسمیاتی بحران کا خمیازہ غریب اقوام بھگتنے پر مجبور ہیں

    بلاول بھٹو زرداری کا کہنا تھا کہ موسمی تبدیلیوں کے باعث پاکستان میں اس بار اپریل سے ہی بارشیں شروع ہوگئیں بلوچستان سمیت ملک کے مختلف علاقوں کی ندی نالوں میں طغیانی کی صورتحال ہے گذشتہ ریکارڈ بارشوں کے متاثرین کی آج بھی ایک بڑی تعداد مدد کے لیے منتظر ہے گذشتہ بارشوں کے دوران بہہ جانے والے لاکھوں گھروں اور انفراسٹرکچر کی ازسرنو بحالی کا کام ابھی مکمل نہیں ہوا ،این ڈی ایم اے سمیت تمام متعلقہ اداروں اور حکام بارشوں کے پیش نظر ہمہ وقت چوکس رہیں بارشوں کے دوران عوام احتیاطی تدابیر اختیار کریں، سفر کرنے سے بھی اجتناب برتیں

    بلاول نے دعا کی کہ اللہ تعالیٰ پاکستان کو ہر مصیبت سے بچائے،  بلاول بھٹو زرداری نے ہدایت کی کہ جیالے اپنے اپنے علاقوں میں امدادی کاموں کے حوالے سے انتظامیہ سے رابطے میں رہیں ،پی پی پی چیئرمین نے بلوچستان، سندھ، جنوبی پنجاب اور خیبرپختونخواہ میں بارش کے دوران حادثات میں قیمتی جانوں کے ضیاع پر اظہار رنج و غم کیا،بلاول بھٹو زرداری نے حالیہ بارشوں میں اپنے پیاروں کو کھونے والے خاندانوں سے دلی تعزیت و ہمدردی کا اظہارکیا

    رمضان میں ماہواری میں عورت کیا کرے؟

     مریم نواز نے عمران خان پر کڑی تنقید 

     عمران خان جھوٹے بیانیے پر سیاست کر رہے ہیں،

    وزیراعظم کی بارشوں کی صورتحال پر وفاقی وصوبائی اداروں کو الرٹ رہنے کی ہدایت

  • بند گھر سے ماں بیٹا اور بیٹی کی مسخ شدہ لاشیں برآمد

    بند گھر سے ماں بیٹا اور بیٹی کی مسخ شدہ لاشیں برآمد

    باغی ٹی وی کی رپورٹ کے مطابق  ملتان کے نواحی علاقہ بستی ملوک کے بند گھر سے ماں بیٹا اور بیٹی کی مسخ شدہ لاشیں برآمد ہوئی ہیں.پولیس نے لاشیں تحویل میں لے کر کاروائی شروع کردی ہے

    افسوسناک واقعہ بستی ملوک میں پیش آیا، اطلاع پر پولیس موقع پر پہنچ گئی،ریسکیو اہلکاروں کے مطابق لاشیں 15 دن پرانی لگتی ہیں، اہل علاقہ کا کہنا ہے کہ پندرہ بیس دن سے گھر میں کوئی آیا گیا نہیں، بدبو آنے پر کمرے کے درواے توڑ کا لاشیں نکالی گئی ہیں،

    آئی جی پنجاب نے بستی ملوک ملتان میں گھر سے 3 افراد کی لاشیں ملنے کے واقعہ کا نوٹس لے لیا ہے اور آئی جی پنجاب ڈاکٹر عثمان انور نے آر پی او ملتان سے واقعہ کی رپورٹ طلب کرلی ،آئی جی پنجاب نے سی پی او ملتان کو ملزمان کی گرفتاری کیلئے سپیشل ٹیم تشکیل دینے کا حکم دے دیا، آئی جی پنجاب کا کہنا تھا کہ واقعہ کی ہر پہلو سے تفتیش کرتے ہوئے ملزمان کو جلد از جلد گرفتار کیا جائے،واقعہ میں ملوث ملزمان کو قرار واقعی سزا دلوائی جائے گی،مقتولین کے لواحقین کو انصاف کی فوری فراہمی یقینی بنائی جائے،

    دوسری جانب ملتان کے علاقے شیر شاہ انٹرچینج شجاع آباد روڈ کے قریب بھانے کی چھت گر گئی۔ریسکیو حکام کے مطابق بارشوں کی وجہ سے بھانے کی چھت کچی ہوئی اور گر گئی جس میں 3 لوگ نیچے دب گئے۔ ریسکیو نے اطلاع ملتے ہی قریبی اسٹیشن سے ایمبولینس اور ریسکیو ٹیمیں بھجوا دیں۔ ریسکیو اہلکاروں نے بروقت کارروائی کرتے ہوئے تین زخمیوں کو ملبے تلے سے نکال لیا۔  دو افراد شدید زخمی ہیں جبکہ ایک شخص معمولی زخمی ہے۔ زخمی ہونے والوں کو ابتدائی طبی امداد دے کر نشتر ہسپتال منتقل کر دیا گیا

    قبل ازیں بستی ملوک کا رہائشی کنواں کھدائی کے دوران مٹی میں دب کر ہلاک گیا، ابتدائی طور مزدور کی شناخت اس کے وزٹنگ کارڈ سے ہوئی ہے۔ مزدور کا نام محمد شاہد ولف محمد بخش مڑل معلوم ہوا ہے جو دنیاپور روڈ پل سکھ بیاس بستی ملوک کا رہائشی ہے.

    طالبہ کے ساتھ جنسی تعلق،حمل ہونے پر پرنسپل نے اسقاط حمل کروا دیا

    ویڈیو بنا کر ہراساں کرنے کے ملزم کی درخواست ضمانت پر فیصلہ محفوظ

    بارہ سالہ بچی کی نازیبا ویڈیو بنانے والا ملزم گرفتار

    روٹی چُرانے کا الزام، کمسن گھریلو ملازمہ بہنوں پر غیر انسانی تشدد

  • لاہور میں بارش، لیسکو ریجن کے 40 فیڈرزسے بجلی کی سپلائی عارضی طور پرمعطل

    لاہور میں بارش، لیسکو ریجن کے 40 فیڈرزسے بجلی کی سپلائی عارضی طور پرمعطل

    لاہور میں بارش، لیسکو ریجن کے 40 فیڈرزسے بجلی کی سپلائی عارضی طور پرمعطل

    لاہور کے مختلف علاقوں میں وقفے وقفے سے ہلکی پارش کا سلسلہ شروع ،بارش کے باعث موسم خوشگوارہو گیا

    شہر میں بادلوں کا راج ،گرمی کا زور ٹوٹ گیا ،جیل روڈ مال روڈ ڈیوس روڈ ٹاؤنشپ سمن آباد اور دیگر علاقوں میں ہلکی بارش ہوئی، بارش کے باعث درجہ حرارت کم سے کم 21 جبکہ زیادہ سے زیادہ 32 ڈگری سینٹی گریڈ تک جانے کا امکان ہے، ڈائریکٹر محکمہ موسمیات چوہدری محمد اسلم کے مطابق بارش کا سلسلہ آئندہ چار روز تک جاری رہنے کا امکان ہے،

    لاہور سمیت لیسکو ریجن کے مختلف علاقوں میں وقفے وقفے سے بارش کا سلسلہ جاری ہے۔ترجمان لیسکو کے مطابق بارش کے باعث لیسکو ریجن کے 40 فیڈرزسے بجلی کی سپلائی عارضی طور پرمعطل ہوئی ہے۔ لیسکو فیلڈ اسٹاف کو ہائی الرٹ کردیا گیا ہے۔ جن علاقوں میں بارش کا سلسلہ رک گیا ہے وہاں بجلی بحالی کے کام جاری ہیں۔ موسم کی خرابی کے پیش نظر لیسکو انتظامیہ کی معزز صارفین سے تعاون کی اپیل ہے۔ بجلی کی ہائی ٹینشن لائنوں سے کم ازکم10فٹ دور رہیں۔ * بجلی معطل ہونے کی صورت میں لیسکو کو مطلع کرکے عملے کے آنے کا انتظار کریں۔ بارشوں کے دوران لائن پر کام کرنے والے فیلڈ ملازمین سیفٹی سے متعلق تمام ایس او پیز پر سختی سے عمل کریں ۔ لائن اسٹاف حفاظتی آلات کے بغیر ہرگز کام نہ کرئے۔ صارفین کی شکایات کے ازالے کے ساتھ ساتھ اپنی قیمتی جان کی بھی حفاظت کریں اور قطعا جلد بازی نہ کریں۔

    شوہرکے موبائل میں بیوی نے دیکھی لڑکی کی تصویر،پھر اٹھایا کونسا قدم؟

    تعلیمی ادارے میں ہوا شرمناک کام،68 طالبات کے اتروا دیئے گئے کپڑے

  • کراچی اور بلوچستان میں مزید بارش کا امکان

    کراچی اور بلوچستان میں مزید بارش کا امکان

    کراچی: محکمہ موسمیات نے شہر قائد نمیں 24 گھنٹوں کے دوران مطلع جزوی ابرآلود رہنے اور بارش کا امکان ظاہر کیا ہے۔

    باغی ٹی وی: محکمہ موسمیات نے کراچی میں آج بھی گرج چمک کے ساتھ بارش کی پیشگوئی کی گئی ہےمحکمہ موسمیات کے مطابق شہر کا مطلع جزوی ابرآلود ہے جبکہ درجہ حرارت 32 ڈگری ریکارڈ کیا گیا ہوامیں نمی کا تناسب 77فیصد ہے۔

    پی ٹی آئی کی ریلی، لبرٹی چوک پرسیاسی پاورشوکی تیاریاں مکمل،الیکشن کمیشن نے بھی عمران …

    شام میں گرج چمک کے ساتھ کہیں ہلکی کہیں تیز بارش ہوسکتی ہے شمال مغرب سے چلنے والی ہواؤں کی رفتار7 کلومیٹر فی گھنٹہ ہے
    شمال مشرقی سمت سے ہوا کی رفتار 14 ناٹیکل مائل ہے جب کہ درجہ حرارت 36 ڈگری سینٹی گریڈ تک جانے کا امکان ہے۔

    دوسری جانب کوئٹہ سمیت بلوچستان کے اکثر علاقوں میں تیز ہواؤں کے ساتھ آج بھی بارش کا امکان ہے۔

    سابق گورنر پنجاب کیخلاف اغوا کا مقدمہ درج

    محکمہ موسمیات کے مطابق بلوچستان کے بیشتر اضلاع میں موسم جزوی طور پر ابر آلود ہے، کوئٹہ ، قلات، خضدار، زیارت ، بارکھان، چمن، قلات، دالبندین، آواران، پنجگور ، خاران اورلسبیلہ میں تیز ہواؤں کے ساتھ بارش اور پہاڑی علاقوں کےندی نالوں میں طغیانی کا امکان ہےکوئٹہ کو بولان سے ملانے والا پنجرہ پل دوبارہ پانی میں بہہ جانے کے بعد چھوٹی گاڑیوں کی آمدو رفت کے لیے راستہ بحال کیا گیا ہے۔

    پولیس مقابلے میں مطلوب ریکارڈ یافتہ 2 ڈاکو ہلاک

    محکمہ موسمیات کے مطابق کوئٹہ میں زیادہ سے زیادہ درجہ حرارت 26 سینٹی گریڈ جب کہ زیارت میں زیادہ سے زیادہ درجہ حرارت 24 سینٹی گریڈ ریکارڈ کیا گیا قلات میں زیادہ سے زیادہ درجہ حرارت 22 سینٹی گریڈ، پشین میں زیادہ سے زیادہ درجہ حرارت 24 سینٹی گریڈ، گوادر میں زیادہ سے زیادہ درجہ حرارت 33 سینٹی گریڈ اور سبی میں زیادہ سے زیادہ درجہ حرارت 35 سینٹی گریڈ ریکارڈ کیا گیا۔

    پاکستان کیخلاف بھارتی میڈیا کا من گھڑت پروپیگنڈا بے نقاب

  • خیبرپختونخوا: بارش سے ندی نالوں میں طغیانی،شاہراہِ قراقرم بند، بحرین اورکالام کےدرمیان زمینی رابطہ منقطع

    خیبرپختونخوا: بارش سے ندی نالوں میں طغیانی،شاہراہِ قراقرم بند، بحرین اورکالام کےدرمیان زمینی رابطہ منقطع

    خیبر پختونخوا کے بالائی علاقوں میں بارش کے بعد ندی نالوں اور دریاؤں میں طغیانی آگئی-

    باغی ٹی وی :بارشوں اور لینڈ سلائیڈنگ سے خیبر پختونخوا، گلگت بلتستان اور آزادکشمیر کے مختلف علاقے متاثر ہوئے ہیں جب کہ دریاؤں میں سیلابی صورتحال ہےخیبرپختونخوا کے کئی اضلاع میں گزشتہ روز سے وقفے وقفے سے بارش کا سلسلہ جاری ہے بارش کے بعد ندی نالوں اور دریاؤں میں طغیانی آگئی اپر کوہستان کے اچھار نالے میں اونچے درجے کے سیلاب کے بعد اچھار نالہ اور پانی باہ کے مقام پر شاہراہِ قراقرم کو ہر قسم کی ٹریفک کے لئے بند کردیا گیا۔

    اندھے قتل اور نقب زنی میں ملوث 10 ملزمان گرفتار


    سوات میں درال خوڑ اور دریا میں طغیانی سے بحرین پل زیر آب آنے سے بحرین اور کالام کے درمیان زمینی رابطہ منقطع ہوگیا لاکھوں افراد پھنس گئے ہیں دریائے پنچکوڑہ کے ندی نالوں میں پانی کی سطح میں اضافے کے باعث دیر چترال شاہراہ پر مینہ خوڑ میں پانی میں پھنسی گاڑیوں کو نکل لیا گیا۔

    عید کے تیسرے دن تک بہترین انتظامات یقینی بنانے کیلئے ڈی سی لاہور کی ہدایت


    اس کے علاوہ وادی کاغان کے بالائی علاقوں میں برف پگھلنے سےدریائے کنہار کے بہاؤمیں اضافہ ہوگیا جس کے بعد انتظامیہ نے شہریوں کو دریا کے قریب جانے سے منع کردیا دیر بالا میں مکان لینڈ سلائیڈنگ کی زد میں آ گیا، ملبے تلے دب کر ایک بچہ جاں بحق اور 2 افراد زخمی ہوگئے جبکہ زخمیوں کو اسپتال منتقل کردیا گیا۔

    حامد میر پر قاتلانہ حملے کو 9 سال مکمل مگر انصاف نہ مل سکا

    گلگت بلتستان کا ملک کےدیگرشہروں سے زمینی رابطہ منقطع ہوگیا جب کہ آزاد کشمیر میں سیلابی ریلوں اورلینڈ سلائیڈنگ سے مرکزی شاہراہ نیلم متعدد مقامات سے بند ہوئی دریائے نیلم میں درمیانی درجے کا سیلاب ہے اور وادی نیلم کےکئی علاقوں میں 24 گھنٹے سے بجلی معطل ہے جب کہ علاقے میں موبائل فون اور انٹر نیٹ سروسز شدید متاثر ہے۔

    محکمہ موسمیات کے مطابق خیبر پختونخوا میں بارش کا سلسلہ اگلے 24 گھنٹے تک جاری رہنے کا امکان ہے۔

  • ملک بھر میں مزید بارشوں کی پیشگوئی

    ملک بھر میں مزید بارشوں کی پیشگوئی

    محکمہ موسمیات نے ملک بھر میں مزید بارشوں کی پیشگوئی کی ہے-

    باغی ٹی وی: ملک کے مختلف شہروں میں موسلادھار بارش کا سلسلہ جاری ہےجبکہ پنجاب میں بھی وقفے وقفے سے بارش ہوئی ساہیوال، سیالکوٹ، سمندری، سرگودھا، بہاولپور، راجن پور میں گرج چمک کے ساتھ بارش ہوئی جس سے گرمی کا زور ٹوٹ گیا۔

    طور خم بارڈر پر پہاڑی تودہ گرنے سے متعدد کنٹینرز اور مال بردارگاڑیاں ملبے تلے …

    محکمہ موسمیات کے مطابق کرک میں بارش سے گرمی کےشدت میں کمی آگئی،آزاد کشمیر اور جڑواں شہروں کےمختلف علاقوں میں ہلکی بارش سے موسم خوشگوار ہوگیا،راولپنڈی اور اسلام آباد کے مختلف علاقوں میں رات گئے موسم ابرآلود رہنے کے ساتھ ہلکے بادل برسنا شروع ہوگئے، بادل برسنے سے موسم خوشگوار ہوگیا۔

    سی ٹی ڈی کا راجن پور میں آپریشن، کالعدم تنظیم کے 2 دہشتگرد اپنے ہی …

    محکمہ موسمیات کے مطابق ملک کے بالائی علاقوں سمیت وسطی پنجاب اور شمالی و مشرقی بلوچستان میں گرج چمک کے ساتھ بارش ہوسکتی ہےخیبرپختونخوا، کشمیر، گلگت بلتستان اور بالائی وسطی پنجاب سمیت شمالی ومشرقی بلوچستان میں گرج چمک کے ساتھ بارش کا امکان ہے، اس دوران بعض مقامات پر موسلادھاربارش بھی ہوسکتی ہے۔

    تیسرا ٹی ٹوئنٹی: نیوزی لینڈ نے ہاکستان کو4 رنز سے شکست دیدی

  • مسجد الحرام میں اچانک بارش کے دلکش مناظر،ویڈیو

    مسجد الحرام میں اچانک بارش کے دلکش مناظر،ویڈیو

    مکہ مکرمہ: رمضان کے مقدس مہینے میں مسجد الحرام میں اچانک بارش سے موسم خوشگوار ہوگیا –

    باغی ٹی وی: مکہ المکرمہ میں خانہ کعبہ کے زائرین اور معتمرین نے آج پیر کی صبح فجر سے پہلے المسجد الحرام پر ہونے والی خیر و برکت کی بارش کے درمیان خوبصورت لمحات گزارے بارش سے معتمرین نہال ہوگئے اور اللہ کے شکر گزار بندے اس کی کبریائی اور پاکی کا ورد کرتے رہے-

    مسجد نبویﷺ میں 4 ہزار سے زائد مرد اور خواتین اعتکاف بیٹھیں گے


    رمضان جو کہ رحمتوں کا مہینہ ہے، مقام دنیا کا سب سے مقدس ترین ہو اور پھر اللہ کی رحمت مینہ کی شکل میں بادلوں سے برس رہی ہو تو اس خیر و برکت کی بارش میں عبادت کےلطف اُٹھانےوالے خوش قسمت ترین افراد ہی ہوں گے نمازی خوشی سےجھوم اٹھے، اور دعاؤں میں با آواز بلند رحمت کی بارش کے لیے شکر گزار ہوتے رہے۔

    امریکا میں نامعلوم شخص کا نماز فجر کے دوران امام مسجد پر چاقو حملہ

    اس دوران کسی بھی ہنگامی حالت سے نمٹنے کے لیے سیکیورٹی اور سیفٹی کے شعبہ جات بھی متحرک ہوگئے محکمہ موسمیات نے امکان ظاہر کیا ہے کہ مملکت میں آج سے بارشوں کے نیا سلسلہ داخل ہو گیا جس کے باعث وقفے وقفے سے بارشیں مزید ایک دو دن تک جاری رہ سکتی ہیں۔

  • تیز آندھی،شدید بارش،گندم کی فصل کو نقصان،عشر نکالنے کی اپیل

    تیز آندھی،شدید بارش،گندم کی فصل کو نقصان،عشر نکالنے کی اپیل

    قصور
    گزشتہ رات ایک بار پھر طوفانی بارش سے گندم کی فصل کو نقصان،درخت گر گئے،بیشتر علاقوں میں بجلی تاحال بند

    تفصیلات کے مطابق قصور اور گردونواح میں گزشتہ دن بوقت افطاری شدید بارش و تیز آندھی چلی جس کے باعث گندم کی تیار فصل کو نقصان پہنچا
    واضع رہے کہ بار بار کی برسات سے فصلوں کو نقصان کے ساتھ گندم کی کٹائی بھی تاخیر کا شکار ہے وگرنہ بیشتر علاقوں میں ان دنوں کٹائی کا آغاز ہو جاتا ہے تاہم ابھی گندم کی فصل کچھ حد تک کچی ہے
    رات آنے والی تیز آندھی سے بیشتر درخت گر گئے اور برقی نظام بھی متاثر ہوا جس کے باعث کچھ علاقوں میں چند گھنٹوں بعد ہی بجلی کی ترسیل بحال ہو گئی تاہم کچھ علاقوں میں ابھی بھی بجلی بند ہے
    علماء کرام نے کسانوں سے اپیل کی ہے کہ اس سال لازمی اپنی فصل کا عشر ادا کریں کیونکہ لوگ عشر نہیں نکالتے جس کے باعث بے وقت بارشیں ہوتی ہیں جو کہ اللہ کی ناراضگی کی علامت ہے

  • ملک کے مختلف علاقوں میں بارش اور ژالہ باری کی پیشگوئی

    ملک کے مختلف علاقوں میں بارش اور ژالہ باری کی پیشگوئی

    محکمہ موسمیا ت نے ملک کے مختلف علاقوں میں بارش اور ژالہ باری کی پیشگوئی کی ہے-

    باغی ٹی وی : محکمہ موسمیات کے مطابق آج بالائی خیبر پختونخوا، گلگت بلتستان اور کشمیر میں کہیں کہیں بارش کا امکان ہے جبکہ ملک کے بیشتر علاقوں میں آج موسم خشک رہے گا کراچی میں بھی آئندہ 3روز میں گرمی پڑنے کا امکان ہے۔

    محکمہ موسمیات کے مطابق شہرِ قائد میں ہواؤں میں تبدیلی سے کراچی میں7اپریل سے گرمی کی شدت میں اضافہ ہوگا دن بھر شہر میں تیز دھوپ کا راج رہے گا،. یہی وجہ ہے کہ گرمی معمول سے زیادہ محسوس ہوگی کراچی میں دن میں شمال مشرق سے ہوائیں چلتی رہیں گی، جبکہ شام میں سمندری ہوائیں چلنے کا امکان ہے۔

    محکمہ موسمیات نے بتایا ہے کہ جمعرات کو درجہ حرارت 34 ڈگری سینٹی گریڈ جبکہ جمعے کو 34 سے 37ڈگری سینٹی گریڈ تک رہنے کا امکان ہے اور گرمی کا زور چار روز تک برقرار رہے گا۔

    دوسری جانب شمال مشرقی بلوچستان، پنجاب، خیبر پختونخوا اور آزاد کشمیر کے مختلف علاقوں میں آندھی، بارش اور ژالہ باری ہوئی ہے۔

    مختلف برساتی نالوں میں طغیانی سے رابطہ سڑکیں متاثر ہوئی ہیں، بارش سے گندم، خربوزے، ٹماٹر اور دیگر فصلوں کے کاشتکاروں میں تشویش کی لہر دوڑ گئی ہرنائی میں بارش سے مکان کی چھت گرنے سے ایک خاتون جاں بحق ہوگئی، دکی میں آسمانی بجلی گرنے سے 15 مویشی ہلاک ہوگئے۔

  • بلوچستان میں بارش برسانے والی مغربی ہوائیں داخل،موسلا دھار بارش سے ندی نالوں میں طغیانی

    بلوچستان میں بارش برسانے والی مغربی ہوائیں داخل،موسلا دھار بارش سے ندی نالوں میں طغیانی

    کوئٹہ: بلوچستان میں بارش برسانے والی مغربی ہوائیں داخل ہوگئیں مکران ،زیارت ،قلات ، قلعہ عبداللہ ،ہرنائی، سوراب، پنجگور، گوادر ،واشک سمیت کئی دیگر علاقوں میں رات گئے سے وقفے وقفے کے ساتھ بارش کا سلسلہ جاری ہے-

    باغی ٹی وی: بلوچستان کے مختلف علاقوں میں ہونے والی بارشوں سے ندی نالوں میں طغیانی ہوئی جس کے باعث آمد و رفت کے راستے بند ہوگئےقلعہ عبداللہ میں گزشتہ رات سےموسلادھار بارش کےباعث ندی نالوں میں طغیانی آنےسےآرمبی، کاکوزئی ،توبہ اچکزئی سمیت دیگر علاقوں میں آمد ورفت کےراستےبند ہوگئے ہیں۔

    قلعہ عبداللہ شہرکے قریب ماچکہ اور باغک ندی میں بھی طغیانی آ گئی وادی زیارت و ملحقہ علاقوں میں گزشتہ شام سے بارش کا سلسلہ جاری ہے، جس کے باعث سردی کی شدت میں اضافہ ہوگیا ہےزیارت میں موسلادھار بارش کے باعث بجلی اور گیس کی سپلائی مکمل معطل ہو گئی ہے۔

    چمن میں بارش کے باعث ندی نالوں میں پانی کا بھاؤ بڑھ گیا جس کے باعث راستوں کو بند کردیا گیا ہے جبکہ مستونگ میں بھی نشیبی علاقے زیر آب آگئے بلوچستان کی وادی بولان کے علاقے ڈھاڈر میں سیلابی ریلے این 65 قومی شاہراہ پر قائم عارضی پل کو بہا لے گیا، جس کی بحالی میں چوبیس گھنٹے لگ سکتے ہیں۔

    ڈپٹی کمشنر بولان سید سمیع اللہ نے عوام سے اپیل کی کہ وہ سبی سے کوئٹہ زمینی سفر سے اجتناب کریں صوبے کے مختلف علاقوں میں جاری بارشوں کے پیش نظر ڈی سی آفس کوئٹہ میں کنٹرول روم قائم کردیا گیا ہے۔