بالی وڈ سُپراسٹار سلمان خان نے اپنے پڑوسی کے خلاف ہتک عزت کا مقدمہ دائر کر دیا ۔

باغی ٹی وی : بھارتی میڈیا رپورٹس کے مطابق بالی وڈ سُلطان سلمان خان نے وکیل کے ذریعے بھارتی ریاست مہاراشٹرا کے شہر پنویل کے فارم ہاؤس پنویل میں اپنے پڑوسی کیتن ککڑ پر غیر ضروری طور پر ان کی مذہبی شناخت کوعوام میں گھسیٹنے اور ان کی بدنامی کا الزام لگایا ہےسلمان خان کی قانونی ٹیم نے ممبئی کی عدالت سے استدعا کی ہے کہ ان کے خلاف سوشل نیٹ ورکنگ سائٹس پر موجود تمام گستاخانہ مواد کو ہٹایا جائے یا بلاک کیا جائے۔

کمال آر خان نے سلمان خان کو بڑا بھائی کہہ کر جھگڑا ختم کر دیا

بھارتی میڈیا رپورٹس کے مطابق وکیل نے جمعرات کے روز عدالت میں کہا کہ ان کے پڑوسی کیتن نے ایک یوٹیوبر سے بات کرتے ہوئے اداکار کے خلاف نازیبا تبصرے کیے اور ان کی بدنامی کی کیتن نے اداکار پر ان کی مذہبی شناخت پر تبصرہ کرتے ہوئے الزام لگایا کہ وہ مرکزی اور ریاستی سطح پر حکمراں جماعت سے جڑے ہوئے ہیں کیتن نے سلمان پربچوں کی اسمگلنگ کے الزامات لگاتے ہوئے کہا کہ کئی لاشیں اداکار کے فارم ہاؤس میں دفن ہیں-

سلمان خان باضابطہ اعلانات کے لیے پروٹوکولز کی پیروی نہیں کرتے،فلمساز کبیرخان کا…

رپورٹس کے مطابق سلمان نے اپنے وکیل کے توسط سے ان الزامات کا جواب دیتے ہوئے کہا کہ بغیر مناسب ثبوت کےیہ تمام الزامات من گھڑت کہانیوں کا منہ بولتا ثبوت ہیں، جائیداد کےتنازع میں آپ میری ذاتی ساکھ کو کیوں داغدار کر رہے ہیں؟-

سلمان خان کی نئی گرل فرینڈ کہلانے پر ہالی ووڈ اداکارہ کا ردعمل

سلمان کا کہنا تھا کہ آپ مذہب کو کیوں بیچ میں لا رہے ہیں؟ میری والدہ ایک ہندو ہیں جبکہ میرے والد مسلمان ہیں اور میرے بھائیوں نے ہندوؤں سے شادی کی ہے ہم تمام تہوار مناتے ہیں آج کل سب سے آسان کام یہی ہے کہ سوشل میڈیا پر آکر کسی کے بارے میں بھی بغیر کسی ثبوت کے کچھ بھی الزام لگادو۔

بگ باس 15: سلمان خان کی کھلاڑی کو گھر میں گھس کر مارنے کی دھمکی دی

کمال آر خان نے سلمان خان کو بڑا بھائی کہہ کر رنجشیں ختم کردیں-

باغی ٹی وی : بھارتی میڈیا کے مطابق کمال آر خان المعروف کے آر کے جو اپنے چبھتے الفاظ کے لیے جانا جاتا ہے حال ہی میں، وہ بالی ووڈ کی مشہور شخصیات کے خلاف کافی جارحانہ انداز میں بولتے نظر آ رہے تھے سلمان خان کے ساتھ ان کا سب سے بڑا جھگڑا باقی ہے، جو اس وقت سے شروع ہوا جب کمال نے رادھے کا جائزہ لیا۔ آخر کار، ایسا لگتا ہے کہ جنگ ختم ہو گئی ہے-

غیرمعمولی طور پر، کمال سلمان پر باقاعدگی سے پوٹ شاٹس لے رہے ہیں۔ یہ سب اس وقت شروع ہوا جب سلمان نے کمال کے رادھے ریویو کے خلاف قانونی مدد لینے کا فیصلہ کیا، جس میں انہوں نے سپر اسٹار پر ذاتی تنقید کی۔ تب سے، دونوں کے درمیان بہت کچھ چل رہا ہے لیکن اب کے آر کے یہ جھگڑا ختم کرتے نظر آرہے ہیں۔

I request to media to not connect my each Tweet with @BeingSalmanKhan! We might be having little misunderstanding but still he is my big brother. So I am not his enemy neither hate him nor I tweet everything about him only. There are many other actors, I do tweet about them.

— KRK (@kamaalrkhan) January 16, 2022

کے آر کے نے 16 جنوری کو ٹویٹ کیا جس میں انہوں نے میڈیا والوں پر ناراضگی کا اظہار کیا انہوں نے کہا میں دوسرے اداکاروں کے خلاف بھی بولتا ہوں لیکن میڈیا والے میرے ہر ٹویٹ کو سلمان خان کے خلاف جوڑ دیتے ہیں۔

عدالت کا غیرملکی ماڈل ٹریزا کا پاسپورٹ سمیت دیگر سامان واپس کرنے کا حکم

انہوں نے کہا کہ ہاں کچھ غلط فہمیاں ہیں لیکن سلمان خان میرے بڑے بھائی ہیں نہ ہی وہ میرے دشمن ہیں اور نہ ہی میں اپنے دل میں ان کیلئے کوئی نفرت محسوس کرتا ہوں۔

تاہم اس سے قبل انہوں نے دیگر معروف اداکاروں کو بھی فلاپ فلموں پر آڑے ہاتھوں لیا تھا جس میں اجے دیوگن، شاہ رُخ خان، ایوشمن کھرانا شامل ہیں۔ انہوں نے کہا تھا کہ یہ بالی وُڈ والے اپنے آپ کو عقلمند سمجھتے ہیں۔ انہوں نے اداکاروں کو مخاطب کرتے ہوئے کہا تھا کہ کیا آپ لوگ یہ فلمیں خود کیلئے بناتے ہیں؟ یا اپنے گھر میں اپنی فیملی کو دکھانے کیلئے بناتے ہیں؟۔

بالی ووڈ خانز کا دور اپنے اختتام کو پہنچ چکا،کے آر کے کا دعویٰ

بھارتی اداکارہ اور سابق مس یونیورس سشمیتا سین کے حوالے سے بھارتی میڈیا پرخبریں گردش کر رہی ہیں کہ اداکارہ نے دو بیٹیوں کے بعد ایک بیٹے کو بھی گود لیا ہے –

باغی ٹی وی : بھارتی میڈیا رپورٹس کے مطابق حال ہی میں سشمیتا سین کو اپنی دونوں بیٹیوں رینے اور الیساہ سین کے ہمرا ممبئی کے علاقے بیندرا میں ایک ریسٹورنٹ کے باہر دیکھا گیا سشمیتا فوٹوگرافرز کو پوز دے رہی تھیں جب ہی ان کے ساتھ ایک تین چار سال کے بچے کو دیکھا گیا جو سشمیتا کے پیچھے کسی خاتون نے پکڑا ہوا ہے-

سشمیتا سین نے بچے کے ساتھ بھی تصاویر اور ویڈیوز بنوائیں جس کے بعد یہ ویڈیو سوشل میڈیا پر وائرل ہوگئی اور بھارتی میڈیا میں کہا جانے لگا کہ اس بچے کو سشمیتا سین نے گود لیا ہے اور یہ ان کا تیسرا بچہ ہے تاہم اداکارہ نے اس بارے میں کوئی باضابطہ بیان نہیں دیا ہے۔

ملائکہ سےعلیحدگی کی خبریں،ارجن کپور نے خاموشی توڑ دی

دوسری جانب بھارت میں یہ رپورٹس بھی ہیں کہ سشمیتا کے بیٹے کو گود لینے کے حوالے سے خبریں درست نہیں ہیں ویڈیو میں نظر آنے والا بچہ اُن کا اپنا نہیں بلکہ کسی دوست کا بچہ ہے۔

پاکستانی فلم ’پرے ہٹ لو’ نے بھارتی ایوارڈ جیت لیا

یاد رہے کہ سشمیتا سین نے حال ہی میں اپنے بوائے فرینڈ روہمن شال کے ساتھ علیحدگی کا اعلان کیا تھا۔ سشمیتا سین نے دو بچیوں کو گود لیا ہے اور وہ دونوں کی بطور سنگل ماں پرورش کررہی ہیں۔

بھارتی موسیقار اے آر رحمن نے بیٹی کی منگنی کر دی

بھارتی معروف اداکارہ مونی رائے رواں ماہ 27 جنوری کو اپنے قریبی دوست سورج نمبیار کے ساتھ رشتۂ ازدواج میں منسلک ہوں گی۔

باغی ٹی وی : بھارتی میڈیا رپورٹس کے مطابق مونی رائے اور اُن کے بوائے فرینڈ سورج نمبیار کی شادی سے متعلق پہلے یہ اطلاعات سامنے آئی تھیں کہ مونی رائے اور سوراج نمبیار کی شادی کی تقریبات دبئی یا یورپی ملک اٹلی میں منعقد کی جائیں گی، جس کے بعد بھارت میں بھی ان کی شادی کی تقریب رکھی جائے گی –

تاہم اب تازہ ترین اطلاعات کے مطابق یہ جوڑا بھارت میں گوا کے ساحل پر اپنی شادی کی تقریب منعقد کرے گا مونی رائے کی شادی میں دونوں خاندان کے افراد سمیت قریبی رشتے دار بھی شرکت کریں گے۔

میڈیا رپورٹس کے مطابق مونی رائے کی شادی کے لیے ایک فائیو اسٹار ریزورٹ کو بُک کیا گیا ہے، اگرچہ دعوت نامے تقسیم ہونا شروع ہو گئے ہیں لیکن مہمانوں سے کہا گیا ہے کہ وہ اس کے بارے میں خاموش رہیں تمام مہمانوں سے کہا گیا ہے کہ وہ اپنے ویکسینیشن سرٹیفکیٹ ساتھ رکھیں۔

"ڈھولکی” کی رسم سے صبور علی اور علی انصاری کی شادی کی تقریبات کا آغاز

شادی میں مدعو کرنے والوں کی فہرست میں کرن جوہر، ایکتا کپور اور منیش ملہوترا جیسے نام شامل ہیں دوسری جانب اپنی شادی کی تمام تیاریوں کی ذاتی طور پر نگرانی مونی رائے خود کر رہی ہیں۔

واضح رہے کہ مونی رائے اور اُن کے بوائے فرینڈ سورج نمبیار نے ابھی تک اپنی شادی کی خبر کی تصدیق یا تردید نہیں کی ہے۔

آئمہ بیگ پرفارمنس کے دوران خوفناک حادثے میں بال بال بچ گئیں

سوراج نمبیار سے قبل مونی رائے کے تعلقات ٹی وی اداکار گوراو چوپڑا سے تھے جب کہ ان کا نام دیگر اداکاروں کے ساتھ بھی جوڑا جاتا رہا ہے مونی رائے نے ٹی وی سے اداکاری کا آغاز کیا اور انہوں نے ’کیوں کہ ساس بھی کبھی بہو تھی، کسوٹی، ناگن، ایک تھا راجا، ایک تھی رانی اور کرشنا چلی لندن‘ جیسے ڈراموں سمیت کئی ڈراموں اور ریئلٹی شوز میں شرکت کی۔

مونی رائے نے 2004 کی فلم ’رن‘ سے بولی وڈ کیریئر کا آغاز کیا اور انہوں نے تم بن ٹو، گولڈ، رومیو، اکبر، والٹر سمیت دیگر فلموں میں کام کیااداکارہ کی حال ہی میں ریلیز کی جانے والی فلم ’لندن کانفیڈنشل‘ کو زی فائیو پر ریلیز کیا گیا تھا، جس کی کہانی کورونا وائرس سے متعلق پھیلنے والی افواہوں اور بھارت و چین کی سرحد پر ممکنہ پھیلنی والی نئی وبا کے گرد گھومتی ہے۔

علی انصاری سے شادی کے بعد صبورعلی کا سوشل میڈیا پرنام تبدیل

’لندن کانفیڈنشل‘ میں جہاں مونی رائے کی اداکاری کو سراہا گیا، وہیں اسے کہانی کی وجہ سے تنقید کا نشانہ بھی بنایا گیا، وہ جلد ہی رنبیر کپور، عالیہ بھٹ اور امیتابھ بچن سمیت دیگر اداکاروں کی کاسٹ پر مبنی فلم ’براہمسترا‘ میں دکھائی دیں گی۔

ممبئی: بالی وڈ اداکار ارجن کپور نے اپنی گرل فرینڈ ملائکہ اروڑا سے راہیں جدا کرنے کی خبروں پر خاموشی توڑ دی۔

باغی ٹی وی : بھارتی میڈیا میں خبریں گردش کر رہی ہیں کہ ارجن کپور اور ملائکہ اروڑا نے 4 سال بعد ایک دوسرے سے راہیں جدا کرلی ہیں رپورٹس میں کہا گیا کہ گزشتہ 6 روز سے ملائکہ اپنے گھر سے باہر نہیں نکلیں اور ارجن سے تعلق ختم کرنے کے بعد انہوں نے خود کو گھر کے اندر محدود کرلیا ہے اور وہ مکمل طور پر تنہائی میں چلی گئی ہیں اداکارہ بہت غمزدہ ہیں اور انہوں نے دنیا سے فی الحال دور رہنے کا فیصلہ کیا ہے

ارجن کپوراورملائکہ اروڑا نے راہیں جدا کرلیں ،بھارتی میڈٰیا

خبروں میں یہ بھی کہا گیا کہ ارجن کپور گزشتہ کئی روز سے ملائکہ سے ملنے ان کے گھر نہیں گئے تین روز قبل ارجن اپنی بہن ریحا کپور کے گھر جانے کے باوجود ملائکہ اروڑا سے ملنے نہیں گئے ملائکہ عموماً ارجن کپور کے ساتھ ان کے فیملی ڈنر میں ضرور ہوتی ہیں لیکن اس بار وہ ان کے ساتھ نظر نہیں آئیں حالانکہ ریحا کپور اور ملائکہ اروڑا کے گھر کے درمیان چند ہی قدموں کا فاصلہ ہے۔

ارجیت سنگھ اور ان کی اہلیہ کورونا کا شکار

تاہم ارجن کپور نے سماجی رابطے کی ویب سائٹ انسٹاگرام پر ملائکہ اروڑا کے ہمراہ تصویرشئیر کر کے ان خبروں کی تردید کی اداکار نے تصویر کے کیپشن میں غیر واضح طور پر لکھا کہ ’مشکوک افواہوں کے لیے کوئی جگہ نہیں، محفوظ رہیں اور خوش رہیں ، ساتھ ہی انہوں نے لوگوں کے لیے نیک خواہشات اور اپنی محبت کا اظہار بھی کیا۔

پاکستانی فلم ’پرے ہٹ لو’ نے بھارتی ایوارڈ جیت لیا

واضح رہے کہ بالی ووڈ اداکارہ و ماڈل ملائکہ اروڑا نے سال 1998 میں اداکار و فلم ساز ارباز خان سے شادی کی تھی، جوڑے کے ہاں 2002 میں بیٹے ارہان خان کی پیدائش ہوئی تھی، 19 سال شادی رہنے کے بعد ان کی طلاق 2017 میں ہوئی-

اکشے کمار کی فلم ریلیز سے قبل ہی تنازعات کا شکار

ممبئی: معروف فلم ہدایت کار کبیر خان کا کہنا ہے کہ سلمان خان باضابطہ اعلانات کے لیے پروٹوکولز کی پیروی نہیں کرتے۔

باغی ٹی وی : بھارتی خبر رساں ادارے ہندوستان ٹائمز کے مطابق سلمان خان کی جانب سے ’بجرنگی بھائی جان‘ کے سیکوئل کے اعلان کی ہدایت کار کبیر خان نے تردید کر دی ہے کبیر خان کا کہنا ہے کہ اداکار نے جذبات میں آکر سیکوئل کا اعلان کیا جبکہ حقیقت یہ ہے کہ اس کے لیے اسکرپٹ لکھنا باقی ہے۔

سلمان خان کی نئی گرل فرینڈ کہلانے پر ہالی ووڈ اداکارہ کا ردعمل

کبیر خان نے کہا کہ ’پون پترا بھائی جان‘ کو یقیناً لکھا جا رہا ہوگا لیکن سلمان خان نے جذبات میں آکر اعلان کر دیا، میں نے تو اب تک اس کا اسکرپٹ بھی نہیں پڑھا مجھے یقین ہے کہ سر وجیندر کچھ دلچسپ لکھیں گے، سیکوئل بننے کے خیال نے مجھے کبھی پُر جوش نہیں کیا، میں اپنی سپر ہٹ فلموں کا کبھی سیکوئل بنانے کے بارے میں نہیں سوچوں گا، اگر مجھے کوئی بھی بہترین کہانی ملی تو میں اس بارے میں ضرور سوچوں گا ساتھ ہی شکوہ کیا کہ سلمان خان باضابطہ اعلانات کے پروٹوکولز کی پیروی نہیں کرتے۔

سلمان خان کی گھوڑے کے ساتھ شئیرکی گئی تصویر پر دلچسپ تبصرے

خیال رہے کہ دسمبر 2021 میں سلمان خان نے ممبئی میں ایک تقریب کے دوران فلم ہدایتکار کرن جوہر سے گفتگو کرتے ہوئے کہا تھا کہ بجرنگی بھائی جان میرے کیرئیر کی بہترین فلموں میں سے ایک ہے، بجرنگی بھائی جان 2 پر کام کا آغاز جلد کیا جائے گا۔

دوسری جانب فلم بجرنگی بھائی جان میں منی کا کردار ادا کرنے والی اداکارہ ہرشالی ملہوترہ نےاپنا ایوارڈ سلمان خان کےنام کردیا بجرنگی بھائی جان میں غلطی سے سرحد پارکرنے والی پاکستانی بچی کے کردار عمدگی سے ادا کرنے پراداکارہ ہرشالی ملہوترہ کو بھارت رتن ڈاکٹرامبیدکرایوارڈ 2022 سے نوازا گیا۔

بگ باس 15: سلمان خان کی کھلاڑی کو گھر میں گھس کر مارنے کی دھمکی دی

ہرشالی ملہوترہ نے سوشل میڈیا پرایوارڈ کے ساتھ تصویرشئیرکرتے ہوئےاپنا ایوارڈ بجرنگی بھائی جان یعنی سلمان خان کےنام کردیاانہوں نےفلم کےڈائریکٹرکبیر خان سمیت فلم کی ٹیم کے تمام افراد کا شکریہ بھی ادا کیا ہرشالی ملہوترہ کا کہنا تھا کہ یہ ایوارڈ ملنا ان کے لئے اعزاز ہے۔

واضح رہے کہ سلمان خان نے ہرشالی ملہوترہ کو بجرنگی بھائی جان میں منی کے کردار کے لئے چانس دیا تھا 2015 میں ریلیزہوئی فلم بجرنگی بھائی جان میں ہرشالی ملہوترہ نے قوت گویائی سے محروم پاکستانی بچی کا کردار عمدگی سے ادا کرکے شہرت حاصل کی تھی بجرنگی بھائی جان کوپاکستان میں بہت پسند کیا گیا تھا۔ فلم میں سلمان خان نے بجرنگی بھائی جان کا مرکزی کردارادا کیا تھا اس فلم میں ان کے ساتھ کرینہ کپور، نواز الدین صدیقی بھی تھے۔

بالی ووڈ خانز کا دور اپنے اختتام کو پہنچ چکا،کے آر کے کا دعویٰ

ممبئی: بالی وڈ کے خود ساختہ فلمی ناقد کمال آر خان کا کہنا ہے کہ بھارتی فلم انڈسٹری کے تینوں خانز کا دور اب اپنے اختتام کو پہنچ چکا ہے۔

باغی ٹی وی :بھارتی میڈیا کے مطابق ایک دہائی سے زیادہ کا عرصہ ہوگیا لیکن بالی ووڈ کے تینوں خانز (شاہ رخ خان، عامر خان، سلمان خان) اب بھی انڈسٹری پر راج کر رہے ہیں اور اس بات کا اندازہ باکس آفس کے اعداد و شمار سے بخوبی لگایا جا سکتا ہے۔
https://twitter.com/kamaalrkhan/status/1478945347686838282?s=20
سماجی رابطے کی ویب سائٹ ٹوئٹر پر کمال خان نے اپنے حالیہ بیان میں دعویٰ کیا ہے کہ بالی وڈ کے تینوں خانز کا دور ختم ہوگیا، ان تینوں میں حد سے زیادہ گھمنڈ اور حسد ہے جس کا اب انہیں سامنا کرنا پڑے گا۔

کمال آر خان نے سلمان خان کو کیا دھمکی دی؟

سلمان خان کی فلم پر منفی تجزیہ: میکا سنگھ کا کمال آر خان کیخلاف گیت بنانے کا فیصلہ

فلمی ناقد نے کہا ’وقت کسی کا نہیں ہوتا، وہ آتا ہے اور چلا جاتا ہے، مغل اور برطانیہ بھی اپنی حکمرانی ہندوستان میں برقرار نہیں رکھ سکے، اسی طرح تینوں خانز کا دور بھی اب ختم ہو چکا ہے۔‘
https://twitter.com/kamaalrkhan/status/1478947035009146883?s=20
کمال خان نے مزید کہا کہ اسلام بھی کہتا ہے کہ گھمنڈ اور حسد دو ایسی چیزیں ہیں جو انسان کی تباہی کا باعث بنتی ہیں، یہ دونوں چیزیں ان تینوں خانز میں کثرت سے پائی جاتی ہیں جس سے ظاہر ہوتا ہے کہ وہ بھی تباہ چکے۔

بالی وڈ کی بلاک بسٹر فلمیں جو سلمان خان نے ٹھکرا دیں تھیں

فلمی ناقد نے اپنے بیان میں کہا تھا کہ میں سلمان خان کا کیریئر ختم کر دوں گا اور تب تک نہیں رکوں گا جب تک یہ سپر اسٹار بالکل صفر نہیں ہو جاتا کے آر کے نے کہا تھا لیکن کیریئر تھا ہی کہاں؟ ایکٹنگ کا ’اے‘ نہیں آتا، زبردستی کا اسٹار تھا، بس مجھے لوگوں کو بتانے میں تھوڑا وقت لگا۔

سلمان خان پر تنقید کرنے والے کمال آر خان کی بھارت چھوڑنے کی دھمکی

کےآرکے نے کہا تھا کہ میں نے فلموں کےریویو کرنا چھوڑ دیا تھا تاہم بالی وڈ والوں نے دوبارہ مجبور کیا، مجھے ریویو کرنے سے صرف عدالت کے ذریعے روکا جاسکتا ہے، ایک بار بھارت سے چلاگیا تو پھر کوئی نہیں روک پائے گا اور اگر میں ہندوستان چھوڑوں گا تو مجھے افسوس ہوگا بالی ووڈ کے لوگوں کا تاحیات بھائی چارہ ختم ہو چکا ہو گا بہتر ہے مجھے زیادہ پریشان نہ کیا جائے ورنہ میرے پاس بالی وڈ والوں سے متعلق بہت سی ویڈیوز اور تصاویر ہیں جنہیں وائرل کر کے سب کے راز فاش کرسکتا ہوں۔

میں نے اکیلے ہی سلمان خان کا پورا کیریئر ختم کردیا کمال آر خان کا دعویٰ

بالی ووڈ اداکار سلمان خان نے فیروزہ پتھر والا بریسلٹ پہننے کی وجہ بتادی۔

باغی ٹی وی : اداکارسلمان خان سلمان خان کو کبھی بھی ان کے نیلے پتھر والے بریسلیٹ کے بغیر نہیں دیکھا گیا ہے اور نا ہی اداکار اسے کبھی اتارنے کی کوشش کرتے ہیں ماضی میں ایک بار ایک مداح کے ساتھ بات چیت کے دوران اس بریسلٹ کو ہر وقت پہنے رکھنے کے پیچھے کی کہانی کے بارے میں کُھل کر گفتگو کی تھی جس کی ویڈیو سوشل میڈیا پر وائرل ہورہی ہے۔

ملیالم اداکارصرف 10 منٹ میں سلمان خان کے گرویدہ ہو گئے

پرانی ویڈیو میں سلمان خان سے ایک تقریب میں خاتون مداح نے اس بریسلٹ کی اہمیت کے بارے میں پوچھا جو وہ ہمیشہ پہنتے ہیں۔ مداح کو جواب دیتے ہوئے سلمان خان نے کہا کہ ’میں نے بچپن سے اپنے والد کے ہاتھ میں یہ بریسلٹ دیکھا اور میں اُن کے بریسلٹ سے کھیلتا بھی تھا۔‘

سلمان خان کو سانپ نے کاٹ لیا

سلمان خان نے کہا کہ ’میں جب بڑا ہوا اور کام شروع کیا تو میرے والد نے مجھے بھی فیروزہ پتھر کا یہ بریسلٹ دیا اور میں اسے ہر وقت پہن کر رکھتا ہوں-

اداکار نے بتایا کہ ’اُن کا یہ پتھر اُنہیں برائیوں سے محفوظ رکھتا ہے، جب بھی اُن پر برائی آنے والی ہوتی ہے تو اس پتھر میں دراڑ پڑ جاتی ہے۔‘

اُنہوں نے مزید کہا کہ ’وہ اب تک اپنے بریسلٹ کا پتھر 3 بار تبدیل کرچکے ہیں۔

بگ باس 15 میں کھلاڑیوں کی غیر ضروری گفتگو اور حرکتیں،سلمان خان غصے میں آگ بگولہ ہو…

دوسری جانب بالی ووڈ اداکارہ اور ماڈل دیویا دتہ نے بتایا کہ زمانہ طالب علمی میں وہ اپنے فیوریٹ اداکار سلمان خان سے ملیں اور ان کے ساتھ تصویر بنوائی ہندی، پنجابی اس کے علاوہ ملیالم اور انگلش فلموں میں اپنے کام کے حوالے سے شہرت حاصل کرنے والی 44 سالہ دیویا دتہ نے کہا کہ وہ اپنی گرمیوں کی چھٹیوں کے پنجاب سے ممبئی آئی تھیں۔

میرے شادی نہ کرنے کی وجہ ریکھا ہیں ،سلمان خان

انہوں نے سلمان خان کے ہمراہ اپنی ایک پرانی تصویر اپنے انسٹاگرام پر شیئر کی ہے اور لکھا کہ بہت پرانی تصویر ملی جب میں نے گرمیوں کی تعطیلات کے دوران ممبئی گئی جہاں میری اپنے پسندیدہ فلم اسٹار سے بطور پرستار ملاقات ہوئی اور ان کے ساتھ تصاویر بنائیں۔جس کے چند سال بعد میں نے بالی ووڈ جوائن کیا تو سلمان خان کے ساتھ بھی کام کیا۔

شاہ رخ خان کی بلاک بسٹر فلم جو سلمان خان نے پاکستانی مداحوں کیلئے ٹھکرا دی

’آسکر‘ ایوارڈ یافتہ بھارتی موسیقار و گلوکار اللہ رکھا رحمٰن (اے آر رحمٰن) کی بڑی صاحبزادی گلوکارہ و موسیقار خدیجہ رحمٰن نے سالگرہ کے موقع پر منگنی کر لی-

باغی ٹی وی : خدیجہ رحمٰن نے 2 جنوری کو منگیتر کے ہمراہ تصویر شیئر کرتے ہوئے اپنا رشتہ طے ہونے پر خدا کے شکرانے بھی ادا کیے اور بتایا کہ ان کی منگنی ان کی سالگرہ کے موقع پر 29 دسمبر 2021 کو ہوئی اور ان کے منگیتر آڈیو انجنیئر ہیں۔

ہوٹل میں کھانا کھا رہی تھی وہیں رشتہ آگیا،زینب شبیر کی دلچسپ کہانی

خدیجہ رحمٰن نے آڈیو انجنیئر اور کاروباری شخص ریاض الدین شیخ کے ساتھ منگنی کی اور انہیں نئی زندگی کے آغاز پر کئی شوبز شخصیات نے مبارک باد بھی پیش کی۔

ان کے منگیتر ریاض الدین شیخ نے بھی منگنی کی تصاویر انسٹاگرام پر شیئر کرتے ہوئے خدیجہ سے رشتہ ہونے پر اللہ کا شکر ادا کیا۔

خدیجہ رحمٰن نے ایک ایسے وقت میں منگنی کی ہے جب کہ حال ہی میں ان کی کزن رشدہ رحمٰن نے بھی شادی کی تھی رشدہ رحمٰن نے گزشتہ ماہ 10 دسمبر کو شادی کی تھی جو خدیجہ رحمٰن کی خالہ کی بیٹی ہیں۔

سال 2021 میں شادی کے بندھن میں بندھنے والی شوبز، سیاسی و سماجی شخصیات

رشدہ رحمٰن معروف تامل، ملایلم اور تیلگو اداکارہ رحمٰن کی صاحبزادی ہیں، جنہوں نے تامل اداکار الطاف نواب سے شادی کی اور ان کی شادی میں تامل ناڈو کے وزیر اعلیٰ سمیت اہم سیاسی و سماجی شخصیات نے بھی شرکت کی۔

خدیجہ رحمٰن ایوارڈ یافتہ موسیقار کی بڑی صاحبزادی ہیں اور انہوں نے انتہائی کم عمری میں گلوکاری کا آغاز کیا تھا خدیجہ رحمٰن متعدد ملایلم، تیلگو اور تامل فلموں میں گانے گا چکی ہیں جب کہ گزشتہ برس انہوں نے ’دبئی ایکسپو 2020‘ کے دوران باحجاب پرفارمنس کرکے لوگوں کے دل جیتے تھے۔

میرے شادی نہ کرنے کی وجہ ریکھا ہیں ،سلمان خان

اے آر رحمٰن نے 1995 میں سائرہ بانو سے شادی کی تھی اور ان کی دو بیٹیاں اور ایک بیٹا ہے اے آر رحمٰن اور ان کے والدین پیدائشی ہندو تھے، والد کی وفات کے بعد موسیقار نے والدہ کے ہمراہ اسلام قبول کیا تھا۔

اے آر رحمٰن تامل ناڈو کے رہائشی ہیں اور انہوں نے کم از کم عالمی معیار کے 100 گانوں کی موسیقی ترتیب دے رکھی ہےاے آر رحمٰن بھارت کے واحد موسیقار اور شوبز شخصیت ہیں، جنہیں فلمی دنیا کا اعلیٰ ترین ایوارڈ آسکر ملا جب کہ وہ بافٹا اور گولڈن گلوب جیسے اعلیٰ ایوارڈز بھی متعدد بار جیتنے والے واحد بھارتی ہیں۔

حریم شاہ کو کیسے حاصل کیا:خاوند نے ساری کہانی سنادی

اے آر رحمٰن نے خود بھارت کا اعلیٰ ترین نیشنل ایوارڈ بھی 4 مرتبہ حاصل کیا ہے جب کہ کئی اعلیٰ اداکار و موسیقار بھی تاحال یہ ایوارڈ نہیں جیت پائے علاوہ ازیں اے آر رحمٰن فلم فیئر سمیت دیگر متعدد اقسام کے درجنوں ایوارڈز جیت چکے ہیں اور وہ یورپ سمیت امریکا کا انٹرنیشنل میوزیکل ٹوئر کرنے والے واحد بھارتی موسیقار ہیں۔

عامر خان اور فاطمہ ثنا شیخ خفیہ طور پر شادی کے بندھن میں بندھ گئے؟