Tag: بالی ووڈ

نئی دہلی: معروف بھارتی اداکار پرکاش راج نے مودی حکومت پر شدید تنقید کی ہے-

بھارت میں مسلمانوں اور دیگر اقلیتوں کے خلاف مبینہ منظم جبر اور امتیازی پالیسیوں پر ایک بار پھر ملک بھر میں بحث شدت اختیار کر گئی ہےمعروف بھارتی اداکار اور ہدایت کار پرکاش راج نے وزیر اعظم نریندر مودی، بھارتیہ جنتا پارٹی (بی جے پی) اور راشٹریہ سویم سیوک سنگھ (آر ایس ایس) پر سخت تنقید کرتے ہوئے الزام عائد کیا ہے کہ ریاستی ادارے ہندوتوا ایجنڈے کے تابع ہو چکے ہیں۔

پرکاش راج نے کہا کہ بھارت میں مسلمانوں۔ قبائلیوں اور دیگر اقلیتوں کے خلاف ایک منظم ایجنڈے کے تحت کارروائیاں کی جا رہی ہیں جس کے نتیجے میں معاشرہ شدید تقسیم کا شکار ہو رہا ہے ملک میں انصاف میں محض تاخیر نہیں ہو رہی بلکہ انصاف سے انکار کیا جا رہا ہے جبکہ عام شہری پولیس اور دیگر ریاستی اداروں سے خوفزدہ دکھائی دیتے ہیں، غیر قانونی اور جابرانہ رویوں کے باعث پولیس اور عوام کے درمیان خلیج بڑھتی جا رہی ہے۔

انہوں نے آر ایس ایس کو بھارت کے لیے ایک بڑا خطرہ قرار دیتے ہوئے کہا کہ اس تنظیم کا اثر و رسوخ جمہوری ڈھانچے کو نقصان پہنچا رہا ہےپراکاش راج نے رام مندر میں وزیر اعظم نریندر مودی کی موجودگی میں پرچم کشائی کو بی جے پی اور آر ایس ایس کے گٹھ جوڑ کی واضح مثال قرار دیا اور کہا کہ مذہب کو سیاست کے لیے استعمال کیا جا رہا ہے۔

دوسری جانب سیاسی مبصرین اور ماہرین کا کہنا ہے کہ بی جے پی اور آر ایس ایس پر آئینی تبدیلیوں اور جمہوری اقدار کو کمزور کرنے کے الزامات ہیں ان کے مطابق نریندر مودی کے اقتدار میں آنے کے بعد بھارتی جمہوریت پر سنجیدہ سوالات اٹھائے جا رہے ہیں۔ جبکہ اقلیتوں کے حقوق سے متعلق شخدشات میں مسلسل اضافہ ہو رہا ہے۔

ئی دہلی: بالی وڈ کی مشہور جوڑی کترینہ کیف اور وکی کوشال نے اپنے پہلے بچے کی پیدائش کے دو ماہ بعد بیٹے کے نام کا باضابطہ اعلان کر دیا۔

کترینہ کیف اور وکی کوشال کے ہاں گزشتہ سال 7 نومبر کو شادی کے 4 سال بعد پہلے بچے کی پیدائش ہوئی تھی۔ اور آج 7 جنوری کو جوڑے نے انسٹاگرام کے ذریعے اپنے بیٹے کے نام اور پہلی جھلک مداحوں کے ساتھ شیئر کر دی۔

انسٹا گرام پوسٹ میں کترینہ کیف اور وکی کوشال نے بتایا کہ انہوں نے اپنے بیٹے کا نام ویہان کوشال رکھا ہے کیپشن میں جوڑے نے لکھا کہ ہماری روشنی کی کرن، ویہان کوشال۔ دعائیں قبول ہو گئیں، زندگی بہت خوبصورت ہے۔ ہماری دنیا ایک لمحے میں بدل گئی۔

مداحوں اور شوبز شخصیات کی جانب سے جوڑے کو بیٹے کے نام کے اعلان پر مبارکبادوں کا سلسلہ جاری ہے-

واضح رہے کہ کترینہ کیف اور وکی کوشال نے 9 دسمبر 2021 کو راجستھان کے ایک ریزورٹ میں شاہی مگر سادہ انداز میں شادی کی تھی۔ اس نجی تقریب میں صرف خاندان کے افراد اور قریبی دوستوں نے شرکت کی تھی۔

بھارت کے معروف اداکار اہلیہ سمیت خوفناک ٹریفک حادثے کا شکار ہو گئے-

بھارتی میڈیا کے مطابق یہ افسوسناک واقعہ ریاست آسام کے شہر گوہاٹی میں رات گئے دی گوہاٹی ایڈریس ہوٹل کے سامنے اس وقت پیش آیا،جب اداکار شیش ودیارتی اور ان کی اہلیہ روپالی بروآہ سڑک عبور کر رہے تھے۔

پولیس نے بتایا کہ اداکار اشیش اور ان کی اہلیہ ہوٹل سے عشایئے کے بعد باہر نکل رہے تھے اور سڑک عبور کرنے کے دوران ایک تیز رفتار ایونجر موٹر سائیکل نے انہیں ٹکر ماری،حادثے کے نتیجے میں آشیش ودیارتی اور روپالی بروآہ دونوں سڑک پر گر گئے اور انھیں شدید چوٹیں آئی ہیں جب کہ موٹر سائیکل سوار کا حال بھی کچھ مختلف نہیں ہے۔

پیسوں کیلئے ماں بیٹی کو نازیبا ویڈیوز سے ہراساں کرنیوالا ملزم گرفتار

گیتانگر پولیس نے اداکار اشیش اور ان کی اہلیہ سمیت موٹر سائیکل سوار کو بھی شدید زخمی حالت میں قریبی اسپتال منتقل کیاتینوں کو اسپتال میں داخل کرلیا گیا اور طبی امداد فراہم کی جا رہی ہے اداکار اور ان کی اہلیہ کی حالت اب خطرے سے باہر بتائی جارہی ہے۔

اداکار شیش ودیارتی نے ایک ویڈیو پیغام کے ذریعے مداحوں اور خیر خواہوں کو اپنی خیریت سے آگاہ کرتے ہوئے کہا کہ ہم دونوں ٹھیک ہیں روپالی احتیاطاً ڈاکٹرز کی نگرانی میں ہیں،زخمی موٹر سائیکل سوار کو بھی ہوش آ چکا ہے اور وہ اس کی جلد صحتیابی کے لیے دعاگو ہیں انہوں نے اسپتال کے ایمرجنسی اسٹاف کی جانب سے فوری اور بہترین طبی سہولتوں پر بھی شکریہ ادا کیا۔

بھارتی فوج کی تشہیری ویڈیو سوشل میڈیا پر مذاق بن گئی

بالی ووڈ کے سپر اسٹار سلمان خان 60 برس کے ہوگئے انہوں نے اپنی سالگرہ قریبی دوستوں اور اہلِ خانہ کے ساتھ پنویل فارم ہاؤس میں منائی۔

تقریب میں سلمان خان کے خاندان کے افراد کے علاوہ فلم اور کھیل کی دنیا سے تعلق رکھنے والی کئی معروف شخصیات شریک ہوئیں وائرل ہونے والی ایک ویڈیو میں دیکھا گیا کہ سلمان خان نے کیک کاٹنے کے لیے اپنے والد سلیم خان کو مدعو کیا، جبکہ ان کے بھائی سہیل خان بھی ان کے ساتھ موجود تھے۔

سالگرمیں کرشمہ کپور، ادیتیا رائے کپور، جینیلیا دیش مکھ، راکول پریت سنگھ، ہما قریشی، ایم ایس دھونی، سنگیتا بجلانی، میکا سنگھ، منیش پال، پراگیا جیسوال اور ذیشان صدیقی سمیت کئی نامور شخصیات نے شرکت کی،اگرچہ جشن زیادہ تر نجی رکھا گیا تھا، تاہم سلمان خان نے فارم ہاؤس کے باہر موجود میڈیا اور مداحوں کو مایوس نہیں کیا وہ خود باہر آئے، پاپارازی اور فینز سے ملاقات کی اور مزید کیک کاٹےاس موقع پر پاپارازی نے ان کے لیے سالگرہ کا گانا بھی گایا-

لاہور میں تین دن کے لیے بسنت منانے کی اجازت

سالگرہ کے موقع پر گفتگو کرتے ہوئے سلمان خان کا کہنا تھا کہ 60 برس کی عمر انہیں کسی طور پریشان نہیں کرتی ان کے مطابق آج وہ جو کچھ کر رہے ہیں، وہ ان کی 20، 30 یا 40 کی دہائی سے بھی بہتر ہے کیونکہ اب ان کے پاس توانائی، جوش اور تجربہ تینوں موجود ہیں، جو ان کے نزدیک بہترین امتزاج ہے۔

سلمان خان جلد ہدایتکار اپوروا لکھیا کی فلم ’بیٹل آف گلوان‘ میں جلوہ گر ہوں گے، جو 2020 میں گلوان ویلی میں پیش آنے والے بھار تی اور چینی فوجیوں کے واقعے پر مبنی ہے ،جس کا ٹیزر جاری کر دیا گیا ہے،سالگرہ کے موقع پر سامنے آنے والے اس ٹیزر نے ریلیز کے ساتھ ہی سوشل میڈیا پر دھوم مچا دی، جبکہ فلم کی ریلیز تاریخ کا اعلان بھی اسی ٹیزر کے ذریعے کر دیا گیا۔

سابق گورنر اسٹیٹ بینک شمشاد اختر چل بسیں

اپوروا لکھیا کی ہدایت کاری میں بننے والی یہ فلم سلمان خان کے اپنے پروڈکشن ہاؤس کے بینر تلے تیار کی جا رہی ہے، جس میں وہ مرکزی کردار ادا کر رہے ہیں اس سے قبل شوٹنگ کے دوران کی ایک جھلک سلمان خان خود انسٹاگرام پر شیئر کر چکے تھے، تاہم اب پہلی بار فلم کے انداز اور کہانی کی سمت کا باقاعدہ اندازہ ٹیزر کے ذریعے سامنے آیا ہے۔

ٹیزر میں سلمان خان ایک ہندوستانی فوجی افسر کے کردار میں نظر آتے ہیں، جو اب تک کے ان کے کیریئر کے سب سے طاقتور کرداروں میں شمار کیا جارہا ہے ٹیزر کی عکس بندی اس انداز میں کی گئی ہے کہ سلمان خان کی نظریں براہِ راست ناظرین سے مکالمہ کرتی محسوس ہوتی ہیں، جبکہ ان کی اسکرین پریزنس اور گہرے اثر چھوڑنے والے ڈائیلاگ ماحول کو سنجیدگی اور شدت سے بھر دیتے ہیں۔

پختون ثقافت ہمیشہ عزت، وقار اور انسانی حرمت کی علمبردار رہی ہے،گورنر خیبر پختونخوا

خصوصاً ڈائیلاگ "موت سے کیا ڈرنا”نے شائقین کی توجہ اپنی جانب کھینچ لی ہے، جبکہ ٹیزر کی ابتدا بھی چند مختصر مگر مؤثر مکالموں سے کی گئی ہے، جو فلم کے سنجیدہ اور جذباتی مزاج کی واضح عکاسی کرتے ہیں،’بیٹل آف گلوان‘ کو خود سلمان خان نے پروڈیوس کیا ہے اور یہ فلم 17 اپریل 2026 کو سینما گھروں کی زینت بنے گی۔ ٹیزر کے بعد یہ فلم باضابطہ طور پر 2026 کی سب سے زیادہ انتظار کی جانے والی فلموں کی فہرست میں شامل ہو چکی ہے۔

کراچی کے علاقے لیاری پر فلمائی گئی پروپیگنڈا فلم ’دھرندھر‘ کی شاندار کامیابی کے بعد اس کے سیکوئل ’دھرندھر 2‘ کی ریلیز کی تاریخ باضابطہ طور پر طے کردی گئی ہے۔

بھارتی میڈیا کے مطابق فلم سازوں نے اعلان کیا ہے کہ یہ فلم عید کے موقع پر 19 مارچ 2026 کو نمائش کے لیے پیش کی جائے گی’دھرندھر 2‘ اس بار صرف ہندی زبان تک محدود نہیں رہے گی بلکہ اسے بیک وقت ہندی، تیلگو، تمل، کنڑ اور ملیالم زبانوں میں ریلیز کیا جائے گا–

فلم ’دھرندھر‘ ایک خفیہ بھارتی انٹیلی جنس مشن پر مبنی تھی، جس میں ایک انڈر کور ایجنٹ کو کراچی کے مجرمانہ اور سیاسی نیٹ ورک میں داخل ہوتے دکھایا گیا فلم کا اختتام ایک سنسنی خیز موڑ پر ہوا تھا، جس کے بعد شائقین سیکوئل کے منتظر تھے توقع کی جارہی ہے کہ ’دھرندھر 2‘ اسی ادھوری کہانی کو آگے بڑھائے گی۔

فلم کی ہدایت کاری ایک بار پھر ادتیہ دھر کر رہے ہیں، جبکہ پروڈکشن کے فرائض جیو اسٹوڈیوز اور B62 اسٹوڈیوز نے سنبھال رکھے ہیں رنویر سنگھ مرکزی کردار میں جلوہ گر ہوں گے، جبکہ فلم میں اکشے کھنہ،سنجے دت، آر مادھون، ارجن رامپال، سارہ ارجن، راکیش بیدی، مانَو گوہل، دانش پنڈور، سومیا ٹنڈن، گورو گرا، اور نوین کوشک اداکاری کریں گے-

پوپ لیو کا پہلا کرسمس خطبہ: غزہ کی سنگین انسانی صورتحال کو افسوسناک قرار دیا

جیو اسٹوڈیوز کے مطابق، جنوبی بھارت میں فلم کے ڈب شدہ ورژنز کے لیے شائقین اور ڈسٹری بیوٹرز کی جانب سے مسلسل مطالبہ کیا جا رہا تھا سوشل میڈیا اور زبانی تشہیر کے ذریعے فلم نے جنوبی ریاستوں میں غیر متوقع مقبولیت حاصل کی، جس کے بعد فیصلہ کیا گیا کہ سیکوئل کو ابتدا ہی سے مقامی زبانوں میں پیش کیا جائے۔

واضح رہے کہ ’دھرندھر‘ نے بھارت میں اب تک 730 کروڑ 77 لاکھ بھارتی روپے کا بزنس کیا، جبکہ اوورسیز کمائی 186 کروڑ 90 لاکھ روپے تک پہنچ چکی ہے جس کے ساتھ یہ فلم سال 2025 کی دوسری سب سے زیادہ کمائی کرنے والی فلم بن گئی ہے، انہی شاندار نتائج کی بنیاد پر ’دھرندھر 2‘ کو 2026 کی سب سے زیادہ انتظار کی جانے والی بھارتی فلموں میں شمار کیا جا رہا ہےفلم اس وقت پوسٹ پروڈکشن کے مراحل میں ہے، جبکہ فلم ساز بیرونِ ملک بھی ڈائسپورا سے آگے مین اسٹریم ریلیز کے امکانات پر غور کر رہے ہیں۔

بنگلہ دیش: عثمان ہادی کے قاتل کو بھارت فرار کرانے والا ملزم گرفتار

پاکستان شوبز کی خوبرو اداکارہ ہانیہ عامر اور بھارتی پنجابی گلوکار و اداکار دلجیت دوسانجھ کی نئی فلم کی ریلیز کی تاریخ سامنے آگئی۔

باغی ٹی وی : ہانیہ عامر کی چند ماہ قبل دلجیت دوسانجھ کے کنسرٹ میں اچانک شرکت کے بعد سے خبریں گردش کر رہی تھیں کہ اداکارہ جلد ہی گلوکار کے ساتھ ایک بین الااقوامی پراجیکٹ کرنے والی ہیں جس کی اداکارہ نے تصدیق بھی کی تھی،یہ دلجیت دوسانجھ کی فلم ’سردار جی 3‘ ہے جس میں ہانیہ عامر اداکاری کے جوہر دکھاتی نظر آئیں گی-

دلجیت نے تصدیق کی ہے کہ ان کی فلم ’سردار جی 3‘ رواں سال جون کی 27 تاریخ کو ریلیز کی جائے گی، فلم میں ہانیہ عامر، دلجیت دوسانجھ اور اداکارہ نیرو باجوہ مرکزی کردار نبھاتے نظر آئیں گے، ہانیہ عامر اور دلجیت کے مداحوں کو اس فلم کی ریلیز کا بےصبری سے انتظار ہے اور وہ ان دونوں فنکاروں کی آن اسکرین کیمسٹری دیکھنے کیلئے پرجوش ہیں۔

نیوزی لینڈ نے پاکستان کو شکست دے کر سیریز 1-4 سے اپنے نام کرلی

اداکار سنی دیول کا بھی بالی وڈ چھوڑنے کا عندیہ

ہم تینوں خانز ہمیشہ سے ایک دوسرے کو پسند نہیں کرتے تھے،عامر خان

بالی ووڈ اسٹار عامر خان نے عامر خان اداکار شاہ رخ خان اور اداکار سلمان خان سے دشمنی کا اعتراف کرلیا۔

باغی ٹی وی : حال ہی میں بھارتی میڈیا کو دیئے گئے ایک انٹرویو میں عامر خان نےشاہ رخ اور سلمان خان کے ساتھ اپنے تعلقات سے متعلق گفتگو کرتے ہوئے اعتراف کیا کہ ہم ہمیشہ سے ایک دوسرے کو پسند نہیں کرتے تھے حتیٰ کہ کیرئیر کے ابتدائی سالوں میں ایک دوسرے کیلئے شدید دشمنی کا احساس رکھتے تھے۔

دوران انٹرویو عامر خان سے سوال کیا گیا کیا آپ تینوں کے درمیان کبھی تناؤ رہا ؟ جس کے جواب میں عامر خان نے اعتراف کیا کہ’یقیناً ایسا تھا، ہم میں سے ہر کوئی ایک دوسرے کو پیچھے چھوڑنا چاہتا تھا، کیا اسے دشنی کہیں گے؟ لیکن یہ شمنی دوستانہ مقابلے کی طرح لگتی تھی، تنازعات بھی تھے ان میں سے کئی تنازعات کو میڈیا پر رپورٹ بھی کیا گیا، میں یہاں کچھ نیا نہیں کہہ رہا اختلافات ہوئے ہیں لیکن یہ چیزیں دوستوں کے درمیان بھی ہوتی ہیں کیوں کہ دوستی میں بھی اختلاف ہو سکتا ہے۔

کرینہ کپور اور راہول گاندھی، ایک انکشاف جو مداحوں کو حیران کر گیا

عامر خان نے کہا کہ ہمیں ایک ساتھ اب 35 سال ہو گئے ہیں، ہم تینوں 1965 میں پیدا ہوئے اور ہم نے کم و بیش ایک ہی وقت میں ڈیبیو کیا، ہمارے درمیان اب وہ دشمنی باقی نہیں رہی،مجھے نہیں لگتا کہ شاہ رخ، سلمان یا میں اب چیزوں کو ایسے دیکھتے ہیں، 35 سال ایک ساتھ سفر کرنے کے بعد، ہمارے درمیان پہلے سے زیادہ گرم جوشی اور دوستی کا احساس موجود ہے، ہم اب ایک دوسرے کے ساتھ آرام دہ اور پرسکون محسوس کرتے ہیں۔

ایک دو نہیں، دو درجن سابق اراکین اسمبلی نااہل قرار

اکثر یہ کہا جاتا ہے کہ عامر خان، سلمان خان اور شاہ رخ خان ’انڈسٹری کے آخری سُپر اسٹارز‘ ہیں اور نئے زمانے کے اداکاروں کو ان کے جیسی کامیابی کو دہرانا مشکل ہوگا تاہم عامر خان اس خیال پر یقین نہیں رکھتے ان کے مطابق ہر چیز تخلیق اور تباہی کے عمل میں ہے اور اسی طرح ایک دن لوگ بالی ووڈ کے تینوں ’خانز‘ کو بھول جائیں گے۔

عامر خان نے اس حوالے سے کہا کہ مجھے نہیں لگتا کہ ہمارے بعد کوئی سُپر اسٹار نہیں ہوگا ہمارے بعد بہت آئیں گے، ہم لوگ گنتی میں بھی نہیں رہیں گے آپ بھول جاؤ گے ہم تینوں کو،’یہ تو دنیا کی ریت ہے کہ ہر عروج کا زوال ہے اور پھر لوگ بھول جات ہیں ہر چیز کو-

امریکہ نے پاکستان،چین ،یو اے ای کی کمپنیوں‌پر کی پابندی عائد

دریں اثنا عامر خان نے حال ہی میں اس خواہش کا اظہار کیا تھا کہ وہ اور بالی ووڈ کے دیگر دو خانز، شاہ رخ اور سلمان خان ایک ساتھ ایک فلم میں کام کرنا چاہتے ہیں اور صحیح اسکرپٹ کا انتظار کر رہے ہیں، عامر نے اپنی 60 ویں سالگرہ سے ایک دن قبل میڈیاز سے ایک ملاقات میں کہا کہ ایک فلم میں خان ٹرائیکا کے نظر آنے کا امکان ایک ایسی چیز ہے جس کا ناظرین بھی انتظار کر رہے ہیں۔

ممبئی: بھارت کے نامور موسیقار اے آر رحمان کو اسلام قبول کرنے کے بعد ان کے خاندان کے اندر سے بہت زیادہ دباؤ کا سامنا کربا پڑا تھا-

باغی ٹی وی : حال ہی میں بھارت کے فلم ساز راجیو مینن نے اے آر رحمان کے اسلام قبول کرنے کے فیصلے سے متعلق بھارتی میڈیا سے گفتگو میں بتایا کہ ایک ایسا وقت بھی تھا جب وہ ( اے آر رحمان ) ہندی نہیں جانتے تھے اس لیے میں ان کا مترجم بن گیا، میں نے ان کی مذہب و عقیدے کی طرف منتقلی کا یہ دور دیکھا۔‘

فلم ساز راجیو مینن نے بتایا کہ حتیٰ کہ میں نے اے آر رحمان کو ان کے خاندان کے اندر سے بہت زیادہ دباؤ کا سامنا کرتا پایا، خاص طور پر ان کی بہنوں کی شادیوں کے وقت لیکن موسیقی نےاسے اس طوفان کا مقابلہ کرنے میں مدد کی، اے آر رحمان کے اس مشکل وقت میں موسیقی نے ان کی مدد کی جس کا اعتراف وہ خود بھی کرتے ہیں کہ موسیقی نے اسے بھولنے میں مدد کی، مزید یہ کہ اے آر رحمان کے اسلام قبول کرنے سے ہمیں ہندوستانی موسیقی اور قوالیوں کو دریافت کرنے میں مدد ملی-

وزیراعظم کا رمضان ریلیف پیکج کا تھرڈ پارٹی آڈٹ کرنے کی ہدایت

واضح رہے کہ بھارت کے شہر چنئی میں پیدا ہونے والے دلیپ کمار( آج کےموسیقار اے آر رحمان) نے اپنے موسیقار والد شیکھر کی موت کے کئی برس بعد اسلام قبول کیا تھا جس کے بعد ان کا نام اللہ رکھا رحمان رکھا گیا، اے آر رحمان نے 23 سال کی عمر میں اسلام قبول کیا تھا اس حوالے سے بھارتی میڈیا کو سال 2000 میں دیئے گئے انٹرویو میں اے آر رحمان نے خو دبتایا تھا کہ انہوں نے روحانی راستے کی تلاش میں اسلام قبول کیا اور انہیں اس فیصلے سے بے حد سکون ملا۔

جنت مرزا نے ڈراموں میں کام نہ کرنے کی وجوہات سے پردہ اٹھا دیا

ممبئی: بالی وڈ کی معروف اداکارہ ملیکہ شیراوت نے انکشاف کیا ہے کہ 2007 کی مشہور فلم "ویلکم” کے سیٹ پر انیل کپور اور نانا پاٹیکر ان کی توجہ حاصل کرنے کے لیے آپس میں جھگڑا کرتے تھے۔

باغی ٹی وی : حال ہی میں یوٹیوب چینل کو دیئے گئے ایک انٹرویو میں ملیکہ شیراوت نے اپنے فلمی کیریئر اور ماضی کے دلچسپ تجر بات بتائے انہوں نے 2007 میں ریلیز ہونے والی رومانوی کامیڈی فلم ‘ویلکم’ کے سیٹ پر ہونے والے مزاحیہ قصوں کا تذکرہ بھی کیا انہوں نے "ویلکم” کے سیٹ کا ذکر کرتے ہوئے کہا کہ انیل کپور اور نانا پاٹیکر کے درمیان ایک مزاحیہ کشمکش چلتی تھی تاکہ وہ ان کی توجہ حاصل کر سکیں، جس کی وجہ سے وہ خود کو بہت خاص محسوس کرتی تھیں، وہ دونوں بہت اچھے انسان اور اداکار ہیں-

یوم پاکستان، سیالکوٹ اور تنگوانی میں تقریبات

اداکارہ نے مزید بتایا کہ فلم کی شوٹنگ دبئی میں ہوئی تھی جہاں بہت گرمی تھی اور ہمارا میک اپ بھی خراب ہو رہا تھا لیکن اس بات کی کسی کو بھی فکر نہیں تھی، بس ہر کوئی جلد سے جلد شوٹنگ مکمل کرکے گھر جانا چاہتا تھا۔

واضح رہے کہ "ویلکم” میں انیل کپور، اکشے کمار، نانا پاٹیکر، کترینہ کیف، اور ملیکہ شیراوت نے مرکزی کردار ادا کیے تھے فلم کی کامیابی کے بعد اس کا سیکوئل "ویلکم بیک” کے نام سے 2015 میں ریلیز کیا گیا تھا، جو ناظرین میں بھی مقبول رہا۔

بھارتی اسٹار ہاکی اولمپئینز نے شادی کر لی

ساؤتھ انڈین اسٹار الو ارجن، جو اپنی حالیہ فلم پشپا 2 کی زبردست کامیابی کے بعد شہرت کی بلندیوں پر ہیں نے ایک بڑے پراجیکٹ میں بالی وڈ سلطان سلمان خان کو آؤٹ کر دیا-

باغی ٹی وی : بھارتی میڈیا کے مطابق مشہور ہدایتکار ایٹلی، جنہوں نے شاہ رخ خان کی فلم ’جوان‘ بنا کر بالی ووڈ میں تہلکہ مچا دیا تھا، اپنی اگلی بڑی فلم کے لیے الو ارجن کو کاسٹ کر رہے ہیں پہلے بھارتی میڈیا کا کہنا تھا کہ ایٹلی اس فلم کے لیے سلمان خان کے ساتھ کام کریں گے، لیکن ذرائع کے مطابق، کچھ رکاوٹوں کی وجہ سے پروجیکٹ میں بڑی تبدیلی کی گئی، اور اب الو ارجن نے دبنگ خان کی جگہ لے لی ہے۔

رپورٹس کے مطابق، الو ارجن نے فلم کے لیے گرین سگنل دے دیا ہے،اور جلد ہی اس پر باضابطہ کام شروع ہونے والا ہے، البتہ، فلم کے باقی اداکاروں کو حتمی شکل دینا ابھی باقی ہے،تاہم خبروں کے مطابق، فلم میں جھانوی کپور کو ہیروئن کے لیے منتخب کیے جانے کا امکان ہے، تاہم ابھی تک اس بارے میں کوئی باضابطہ اعلان نہیں کیا گیا۔

اوکاڑہ : قصاب مافیا کا راج، بیمار جانوروں کا گوشت فروخت

تاہم یہ تبدیلی واضح کرتی ہے کہ ساؤتھ انڈین فلم انڈسٹری کے اداکار اب بالی ووڈ میں بھی بڑا مقام بنا رہے ہیں۔ پشپا 2 کی زبردست کامیابی کے بعد، الو ارجن کا بالی ووڈ میں ایک بڑے پروجیکٹ کا حصہ بننا اس بات کی نشاندہی کرتا ہے کہ وہ جلد ہی ہندی فلم انڈ سٹری میں بھی اپنی دھاک بٹھانے والے ہیں۔

مذہبی انتہا پسند گروہوں کے ہاتھوں تشدد اور جبر کا سامنا کرنا پڑا، عورت مارچ کا وزیراعظم کو خط