بالی ووڈ کے دبنگ اداکار سلمان خان کا کہنا ہے کہ جسے میں چاہتا تھا کہ وہ مجھے جان کہے، اب وہ بھی مجھے بھائی کہہ رہی ہے-

باغی ٹی وی : سلمان خان جنہوں نے حال ہی میں رومانوی ایکشن فلم ’کسی کا بھائی کسی کی جان‘ میں کام کیا ہے وہ جلد ہی رجت شرما کے مشہور شو ’آپ کی عدالت‘ میں نظر آئیں گے پروگرام کی شیئر کی گئی ایک پروموشنل ویڈیو میں سلمان خان اپنی محبت کی زندگی کے بارے میں بات کرتے دیکھے جا سکتے ہیں۔

سلمان کوخود سلمان ہی نقصان پہنچا سکتا ہے کوئی اور نہیں والد سلیم خان

آپ کی عدالت کے میزبان رجت شرما نے اداکار پر ان کے ’موو آن‘ تبصرے کے بارے میں مذاق اڑایا جو دبنگ اداکار نے ٹریلر لانچ کے موقع پر دیا جس کے جواب میں سلمان خان نے ہنستے ہوئے صرف اتنا جواب دیا کہ وہ محبت کے معاملے میں بدقسمت ہیں۔

سلمان خان کی ثانیہ مرزا اور شعیب ملک کے بیٹے اذہان کے ساتھ ملاقات

پرومو کے ایک اور حصے میں میزبان نے اداکار سے پوچھا کہ ان دنوں آپ کی جان کون ہے؟ جس پر اداکار نے جواب دیا کہ میں ان دنوں صرف ’بھائی‘ ہوں جسے میں چاہتا تھا کہ وہ مجھے جان کہے، اب وہ بھی مجھے بھائی کہہ رہی ہے میں کیا کروں؟-

کپل شرما نے کامیڈی کس سے سیکھی علی ظفر نے بتا دیا

بالی ووڈ اداکار سلمان خان کی نئی فلم ’کسی کا بھائی کسی کی جان‘ آن لائن لیک ہوگئی۔

باغی ٹی وی : شوبز ویب سائٹ کوئی موئی کےمطابق سلمان خان کی فلم کسی کی جان آج سنیما گھروں کی زینت بنی،سنیما گھروں میں دبنگ خان کی فلم دیکھنے کے لیے پرستاروں کی تعداد پہنچی تاہم اب فلم کی آن لائن کے مختلف پلیٹ فارمز پر لیک ہونے کی اطلاعات ہیں۔

سلمان خان کی بہن ارپیتا کے گھر عید ملن پارٹی ، سلمان ، شہناز ، …

رپورٹ کے مطابق کسی کا بھائی کسی کی جان بظاہر آن لائن ڈاؤن لوڈ کے لیے دستیاب ہے اور اسے مختلف سائٹس پر بھی دیکھا جا سکتا ہے۔

فلم مبینہ طور پر جمعہ 21 اپریل کو فلم کی ریلیز کے چند گھنٹوں بعد آن لائن لیک ہوگئی۔ کسی کا بھائی کسی کی جان ٹیلی گرام، تمل راکرز، فلمزیلا، فلمی واپ، آن لائن مووی ویچز، اور کچھ دیگر جیسی ٹورینٹ سائٹس پر موجود ہے،جن شائقین نے پہلے ہی فلم دیکھی ہے، وہ سلمان خان کی فلم کی اہم جھلکیاں ان ٹورینٹ ویب سائٹس پر اپ لوڈ کر رہے ہیں، اس طرح سپائلرز ہر جگہ دستیاب ہو رہے ہیں۔

سلمان خان نے اپنے گھر کی گیلری میں آکر مداحوں کو عید مبارک کہا

واضح رہے کہ کسی کا بھائی کسی کی جان میں سلمان خان کے علاوہ پوجا ہیگڑے کے ساتھ مرکزی کردار میں شہناز گل، راگھو جوئیل، پلک تیواری، جسی گل، سدھارتھ نگم، وجیندر سنگھ اور چند دیگر شامل ہیں۔

اشنا شاہ اپنے شوہر سے کیسے ملیں ؟‌

بالی وڈ کی اداکار جوڑی ایشوریا رائے اور ابھیشیک بچن کی 11 سالہ بیٹی ارادھیا بچن عدالت پہنچ گئیں-

باغی ٹی وی : بھارتی میڈیا کے مطابق ارادھیا بچن اپنی صحت سے متعلق غلط خبر نشر کرنے پر یوٹیوب چینل کے خلاف دہلی ہائی کورٹ پہنچیں،ارادھیا نے اپنے حوالے سے نامناسب اور جعلی خبر نشر کرنے پر دہلی کی عدالت میں شکایت درج کروائی ہے۔

اسنیپ چیٹ نے بھی اے آئی ٹیکنالوجی ٹول کو ایپ کا حصہ بنا …

بھارتی میڈیا کے مطابق ارادھیا بچن کی دائر کردہ درخواست پر 20 اپریل یعنی آج سماعت ہوگی۔

ارادھیا نے اس طرح کی رپورٹنگ کے خلاف حکم امتناعی طلب کیا ہے کیونکہ وہ نابالغ ہے۔ پٹیشن میں 10 اداروں سے بھی کہا گیا ہے کہ وہ اس کے بارے میں تمام ویڈیوز کو "ڈی لسٹ اور غیر فعال” کریں۔ کیس کے دیگر فریقوں میں گوگل اور وزارت الیکٹرانکس اور انفارمیشن ٹیکنالوجی کا شکایت سیل شامل ہے۔ بچن خاندان نے اس معاملے پر کوئی تبصرہ نہیں کیا ہے۔

سلمان خان کو ایک مرتبہ پھر قتل کی دھمکی،راکھی ساونت کوبھی خبردار کر دیا

ارادھیا بچن کو سوشل میڈیا پر اکثر ہی ٹرولز کا نشانہ بنایا جاتا ہے کبھی ان کےاسٹائل تو کبھی ظاہری شخصیت پرتنقیدکی جاتی ہےابھیشیک بچن بھی بیٹی کو آن لائن ٹرولز کے ذریعے ہراساں کیے جانے کے حوالے سے آواز بلند کر چکے ہیں ابھیشیک بچن نے ردعمل ظاہر کرتے ہوئے کہا تھا کہ معروف شخصیت ہونے کے باعث اگر کسی کو کچھ کہنا ہے تو انہیں کہیں ان کے منہ پرکہیں لیکن ارادھیا بچن کو بیچ میں نہ لایا جائے-

منیب شروع میں کئی بار منال کی وجہ سے کنفیوژ ہوئے ایمن خان

ممبئی: بالی ووڈ کے سُپر اسٹار سلمان خان کو ایک مرتبہ پھر قتل کی دھمکی کے پیغامات موصول ہو ئے-

باغی ٹی وی : بھارتی میڈیا رپورٹ کے مطابق سلمان خان کو ان کی فلم ’کسی کا بھائی کسی کی جان‘ کی ریلیز سے دو دن قبل ایک مرتبہ پھر لارنس بشنوئی گینگ کی جانب سے ای میل کے ذریعے قتل کی دھمکی موصول ہوئی ہے تاہم اس مرتبہ لارنس بشنوئی گینگ نے سلمان خان کے ساتھ راکھی ساونت کو بھی اس معاملے سے دور رہنے کی تنبیہ کی ہے۔

ماہیما چوہدری نے کیمو کے دوران بھی فلمیں کیں ؟‌

راکھی ساونت نے اپنی ایک حالیہ ویڈیو میں میں لارنس بشنوئی کو مخاطب کرتے ہوئے کہا تھا کہ وہ بھائی جان (سلمان خان) کو چھوڑ دیں اور انہیں قتل نہ کریں راکھی نے سلمان خان کی طرف سے لارنس بشنوئی سے معافی مانگی تھی جس کے کچھ گھنٹوں بعد سلمان خان کو ایک مرتبہ پھر قتل کی دھمکی موصول ہوئی۔

اننیا کن ہیروئنز کے ساتھ کام کرنے کی خواہش رکھتی ہیں؟‌

راکھی نے میڈیا کے سامنے لارنس بشنوئی گینک کی جانب سے جاری دھمکی آمیز پیغام پڑھ کر سنایا اور دکھایا بھی جسمیں کہا گیا تھا اب کی بار ہم اسے(سلمان خان)کو سیکیورٹی میں ہی ماریں گے اور راکھی تو اس سب سے دور رہ-

واضح رہے کہ دبنگ خان اور ان کے والد کو اس سے قبل بھی کئی مرتبہ بدنام زمانہ گینگسٹر لارنس بشنوئی اور گولڈی برار کی جانب سے قتل کی دھمکیاں موصول ہو چکی ہیں حال ہی میں پولیس کوایک کال موصول ہوئی تھی جس میں کہا گیا تھا کہ ان کی فلم ’کسی کا بھائی کسی کی جان‘ کی ریلیز کے دن وہ سلمان خان کو قتل کر دے گا۔

راگھو جوئل نے شہناز گل کو ڈیٹ کرنے کی حققیت بتا دی

گلوکارہ، موسیقار، اداکارہ مصنفہ , ہدایت کارجدن بائی بالی ووڈ کی ایک ابتدائی گلوکارہ، موسیقار، اداکارہ ، مصنفہ ، فلم ساز اور ہندوستانی سنیما کے علمبرداروں میں سے ایک تھیں۔ وہ معروف اداکارہ نرگس کی والدہ اور سنجے دت کی نانی تھیں۔ وہ ہندوستانی فلم انڈسٹری کی پہلی خاتون میوزک ڈائریکٹر تھیں۔

جدن بائی 1892 میں الہ آباد، شمال مغربی صوبے، برطانوی ہندوستان میں پیدا ہوئیں۔ وہ ایک مصنفہ اور ہدایت کار تھیں، جنہیں میڈم فیشن (1936)، ہردے منتھن (1936) اور موتی کا ہار (1937) کے لیے جانا جاتا ہے۔ ان کا انتقال 8 اپریل 1949 کو ہوا۔

موتی لال نہرو اور دلیپا بائی کی بیٹی۔ نرگس، انور حسین اور اختر حسین کی والدہ۔ سنجے دت، پریا دت اور انجو دت کی نانی سنیل دت کی ساس ہندوستانی سنیما میں موسیقی کی پہلی خاتون موسیقار۔

جدن بائی حسین 1892 میں پیدا ہوئیں ان کی پرورش ان کی والدہ اور سوتیلے والد نے بطور مسلمان کی۔ دلیپ بائی اور اس کے شوہر بعد میں پنجاب اور بعد میں الہ آباد کے چلبیلا گاؤں چلے گئے، جہاں انہوں نے طوائف کا کام کیا۔ اس کے سوتیلے والد کا انتقال اس وقت ہوا جب وہ پانچ سال کی تھیں۔ جدن بائی شہر چلی گئیں اور گلوکارہ بن گئیں لیکن باقاعدہ تربیت نہ ہونے کی وجہ سے انہیں مشکلات کا سامنا کرنا پڑا۔ بعد میں اس نے کلکتہ کے شریمنت گنپت راؤ (بھیا صاحب سندھیا) سے رابطہ کیا اور ان کی طالبہ بن گئیں۔ شریمنت گنپت راؤ کا 1920 میں انتقال ہو گیا جب وہ ابھی طالب علم ہی تھیں، اس لیے انھوں نے اپنی تربیت استاد معین الدین خان سے مکمل کی۔ بعد ازاں اس نے استاد چدو خان ​​صاحب اور استاد لب خان صاحب سے بھی تربیت حاصل کی۔

اس کی موسیقی مقبول ہوئی۔ اس نے کولمبیا گراموفون کمپنی کے ساتھ غزلیں ریکارڈ کرنا شروع کیں۔ وہ میوزک سیشنز میں حصہ لینے لگی۔ انہیں کئی ریاستوں جیسے رام پور، بیکانیر، گوالیار، کشمیر، اندور اور جودھ پور کے حکمرانوں نے مدعو کیا تھاانہوں نے ملک کے مختلف ریڈیو سٹیشنوں پر گانے اور غزلیں بھی پیش کیں۔

اس نے بعد میں اداکاری شروع کی جب لاہور کی پلے آرٹ فوٹو ٹون کمپنی نے 1933 میں اپنی فلم راجہ گوپی چند میں ایک کردار کے لیے ان سے رابطہ کیا۔ اس نے ٹائٹل کردار کی ماں کا کردار ادا کیا۔ بعد ازاں اس نے کراچی کی ایک فلم کمپنی میں انسان یا شیطان میں کام کیا۔

اس نے سنگیت فلمز کے نام سے اپنی پروڈکشن کمپنی شروع کرنے سے پہلے دو اور فلموں، پریم پریکشا اور سیوا سدن میں کام کیا۔ کمپنی نے 1935 میں طلشے حق تیار کیا، جس میں انہوں نے اداکاری اور موسیقی ترتیب دی۔ انہوں نے اپنی بیٹی نرگس کو بھی بطور چائلڈ آرٹسٹ متعارف کروایا۔ 1936 میں اس نے میڈم فیشن کے لیے اداکاری، ہدایت کاری اور موسیقی لکھی۔

ان کی پہلی شادی ایک ہندو شخص نروتم داس کھتری عرف بچی بابو سے ہوئی جس نے اسلام قبول کیا اور "نذیر محمد” کا نام اپنایا ان کے بیٹے کا نام اختر حسین تھا۔ ان کی دوسری شادی استاد ارشاد میر خان سے ہوئی اور ان کا ایک بیٹا انور حسین ہے۔ اس کی تیسری شادی موہن چند اتم چند تیاگی عرف موہن بابو سے ہوئی، جو اصل میں ایک موہیال سرسوات برہمن ہندو تھے جنہوں نے اسلام قبول کیا اور عبدالرشید نام اپنایا۔ فلمی اداکارہ، نرگس (اصل نام، فاطمہ راشد) ان کی بیٹی تھیں۔

تلشے حق (1935) (موسیقی موسیقار)
میڈم فیشن (1936)
دل منتھن (1936)
پرل کے بال (1937)
جیون خواب (1937)

بالی ووڈ سلطان سلمان خان نے انکشاف کیا ہے کہ ماضی میں ان کی سپر ہٹ فلم "میں نے پیار کیا” کے لیے ان سے بہترین اداکار کا ایوارڈ دینے کا وعدہ کیا گیا تھا جو پورا نہیں ہوا۔

باغی ٹی وی: بدھ کے روز ممبئی میں 68 ویں فلم فیئر ایوارڈز کے حوالے سے ہونے والی پریس کانفرنس کے دوران سلمان خان نےا نکشاف کیا کہ ماضی میں فلم فیئر کی ٹیم نے ان سے وعدہ کیا کہ بہترین اداکار کا ایوارڈ انہیں دیا جائے گا اور انہیں ایوارڈز کی تقریب میں آنے کا دعوت نامہ دیا گیا۔

دیویا بھارتی کا سوچتا ہوں تو کلیجہ منہ کو آتا ہے دھرمیندر

انہوں نے کہا کہ مجھے ایوارڈز میں کوئی دلچسپی نہیں ہے، میں کبھی ایوارڈ نہیں جیت پاتا، میں انعام میں دلچسپی رکھتا ہوں جو میرے مداح مجھے پیار اور عزت کی صورت میں دیتے ہیں،میں ایڈیٹر کا نام نہیں لوں گا لیکن یہ واقعہ فلم میں نے پیار کیا کے بعد پیش آیا تو آپ اندازہ لگالیں کہ کون ہوگا، مجھ سے وعدہ کیا گیا کہ آپ کو ایوارڈ دیا جائے گا، میں اپنے والد اور پورے خاندان کے ساتھ تقریب میں گیا-

سلمان خان نے مزید کہا کہ پھر نامزدگیوں کا اعلان کیا گیا، اس کے بعد جب بہترین اداکار کو بلانے کا وقت آیا تو میں کھڑا ہونے لگا، اتنے میں میری جگہ جیکی شروف کو ایوارڈ دے دیا گیا میرے والد بولے یہ کیا ہے؟ –

مجھے خواتین سے اختلاف ہے گل رعنا

اداکار نے کہا کہ مجھے اس رات اسٹیج پر پرفارم بھی کرنا تھا میں بیک اسٹیج گیا اور ایڈیٹر سے کہا کہ یہ کیا طریقہ ہے، میں یہ نہیں کروں گا جس پر اس نے کہا آپ کو پرفارم کرنا پڑے گا، جس پر میں نے کہا نہیں میں پرفارم نہیں کروں گا، ایڈیٹر نے مجھے پیسوں کی پیشکش کی اور کہا کہ میں تمہیں پیسے دوں گا پھر میں نے پانچ گنا زیادہ پیسے لیے۔

پردسیوں سے نہ اکھیاں نہ ملانا
پردیسیوں کو ہے اک دن جانا

آنند بخشی

بالي وڈ کے مشہور نغمہ نگار آنند پرکاش بخشی المعروف آنند بخشی نے تقریبا ًچار دہائیوں تک سامعین کواپنا دیوانہ بنائے رکھا۔ وہ پاکستان کے راولپنڈی شہر میں 21 جولائی 1930 کو پیدا ہوئے۔

آنند بخشی نے 90ء کے عشرے کے اختتام تک اچھے اور مقبول گیت لکھے ہیں۔ صنائع بدائع کی جتنی مثالیں آنند بخشی کے کلام میں نظر آتی ہیں، وہ کسی دوسرے شاعر کے ہاں نہیں ملتیں۔ فطرت اور کائنات کے مشاہدے سے بھرپور ایک صاف اور رواں گیت آنند بخشی کی پہچان ہےآنند بخشی کا انتقال 30 مارچ 2002 کو ممبئی کے ناناوتی ہسپتال میں ہوا۔انتقال کے وقت ان کی عمر 72 سال تھی۔

🍁چند مشہور گیت🍁

پردیسیوں سے نہ انكھياں ملانا
۞۔۔۞۔۔۞
یہ سماں سماں ہے یہ پیار کا
۞۔۔۞۔۔۞
چاند سی محبوبہ ہو میری کب ایسا میں نے سوچا تھا
۞۔۔۞۔۔۞
ساون کا مہینہ پون کرے شور
۞۔۔۞۔۔۞
میرے سپنوں کی رانی کب آئے گی تو
۞۔۔۞۔۔۞
یہ جو محبت ہے، یہ ان کا ہے کام ارے محبوب کا جو بس لیتے ہوئے نام مر جائیں، مٹ جائیں، ہوجائیں بدنام
۞۔۔۞۔۔۞
کورا کاغذ تھا یہ من میرالکھ لیا نام اس پہ تیرا
سونا آنگن تھا جیون میرا بس گیا پیار اس میں تیرا
۞۔۔۞۔۔۞
تیرے میرے بیچ میں کیسا ہے یہ بندھن انجانا۔۔۔۔۔۔
۞۔۔۞۔۔۞
چنگاری کوئی بھڑکے تو ساون اسے بجھائے
ساون جو اگن لگائے اسے کون بجھائے
۞۔۔۞۔۔۞
یہ شام مستانی مدہوش کئے جائے
مجھے ڈور کوئی کھینچے تیری اَور لئے جائے
۞۔۔۞۔۔۞
تجھے دیکھا تو یہ جانا صنم
پیار ہوتا ہیں دیوانا صنم
۞۔۔۞۔۔۞
عشق بنا کیا جینا یارا
۞۔۔۞۔۔۞

🍁منتخب کلام🍁

اگر دلبر کی رسوائی ہمیں منظور ہو جائے
صنم تُو بے وفا کے نام سے مشہور ہو جائے

ہمیں فرصت نہیں ملتی کبھی آنسو بہانے سے
کئی غم پاس آ بیٹھے تِرے اک دُور جانے سے
اگر تُو پاس آ بیٹھے تو سب غم دُور ہو جائے

وفا کا واسطہ دے کر محبت آج روتی ہے
نہ ایسے کھیل اِس دل سے یہ نازک چیز ہوتی ہے
ذرا سی ٹھیس لگ جائے تو شیشہ چُور ہو جائے

تِرے رنگین ہونٹوں کو کنول کہنے سے ڈرتے ہیں
تِری اِس بے رخی پہ ہم غزل کہنے سے ڈرتے ہیں
کہیں ایسا نہ ہو تُو اور بھی مغرور ہو جائے

ممبئی: بالی ووڈ سُپر اسٹار سلمان خان کو قتل کی دھمکیاں دینے والےلارنس بشنوئی سمیت دیگر گینسٹرز کے خلاف مقدمہ درج کرلیا گیا۔

باغی ٹی وی: بھارتی میڈیا کے مطابق ممبئ پولیس نے سلمان خان کے قریبی ساتھی کی مدعیت میں گینگسٹر لارنس بشنوئی اور گولڈی برار سمیت روہت گرگ کے خلاف مقدمہ درج کرلیا ہے۔

غنڈہ نہیں ہوں مگرسلمان خان کو مارنے میں غنڈہ بن جاؤں گا، لارنس بشنوئی

ممبئی پولیس کے مطابق سلمان خان کے قریبی ساتھی کو روہت گرگ نامی شخص کی جانب سے ای میل پر سلمان خان کو قتل کرنے کی دھمکیاں موصول ہوئی ہیں جس میں یہ بھی کہا گیا ہے کہ گینگسٹر گولڈی برار سلمان خان سے براہ راست ملنا چاہتا ہےای میل پر ملنے والی قتل کی دھمکیوں کے بعد ممبئی پولیس نے سلمان خان کے گھر کے باہر سیکیورٹی میں بھی اضافہ کر دیا ہے۔

قتل کرنے کی دھمکیاں،ممبئی پولیس نے سلمان خان کی سیکیورٹی بڑھا دی

واضح رہے کہ اس سے قبل جیل میں قید گینگسٹر لارنس بشنوئی نے اپنے ایک حالیہ انٹرویو میں کہا تھا کہ اُس کی زندگی کا واحد مقصد سلمان خان کو قتل کرنا ہے جبکہ اس سے پہلے بھی اداکار کو کئی مرتبہ لارنس بشنوئی کی جانب سے قتل کی دھمکیاں دی جا چکی ہیں۔

لارنس بشنوئی بھارتی جیل میں سدھو موسے والا کے قتل کی منصوبہ بندی کرنے کے الزام میں گرفتار ہے اس سے قبل دیے گئے انٹرویو میں لارنس نے سلمان خان کو کالے ہرن کا شکار کرنے پر سخت تنقید کا نشانہ بنایا تھا اور عوام کے جذبات مجروح کرنے کا الزام عائد کیا تھا۔ گینگسٹر نے کہا تھا کہ معافی مانگیں ورنہ نتائج کیلئے تیار رہیں چپن کا غصہ ہے میرے اندر، آج نہیں تو کل اس کا غرور ضرور توڑوں گا اگر سلمان خان معافی مانگ لے تو میں اس کو قتل نہیں کروں گا، وہ بہت مغرور ہے، سدھو موسے والا بھی اس کی طرح تھا۔

لارنس بشنوئی کی سلمان خان کو ایک اور دھمکی

تم آئے تو آیا مجھے یاد گلی میں آج چاند نکلا

گلوکارہ الکا یاگنک

آغا نیاز مگسی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ہندوستان کی معروف گلوکارہ الکا یاگنک 23 مارچ 1966 میں کلکتہ میں پیدا ہوئیں ۔ ان کی ماں شوبھا یاگنک ایک کلاسیکل گلوکارہ تھی اسی وجہ سے الکا کو بچپن میں ہی گھر میں موسیقی کا ماحول ملا جس سے متاثر ہو کر انہوں نے 6 سال کی عمر میں ہی آل انڈیا ریڈیو کے آکاشوانی اسٹیشن سے چائلڈ اسٹار کے طور پر اپنے فنی سفر کا آغاز کر دیا ۔ ان کی ماں نے ان کی بھرپور فنی تربیت کی یہی وجہ ہے کہ وہ ایک کامیاب گلوکارہ بن گئیں ۔

الکا نے پہلا فلمی گیت 14 سال کی عمر میں 1980 میں فلم پائل کی جھنکار کیلئے گایا جبکہ 1988 میں فلم تیزاب کیلئے انہوں نے ” ایک دو تین ” گانا گایا جس سے ان کو بڑی شہرت حاصل ہوئی جس کیلئے ان کو فیمیل پلے بیک سنگر نیشنل فلم ایوارڈ دیا گیا ۔ الکا یاگنک اب تک 7 فلم فیئر ایوارڈز اور دو نیشنل فلم فیئر ایوارڈز حاصل کر چکی ہیں ۔

الکا یاگنک کو 2019 میں ایک بیٹی پیدا ہوئی جس کا نام سشیشما کپورہےشادی کے بعد 8 سال بعد میاں بیوی کے درمیان کچھ عرصے کیلئے علیحدگی ہو گئی لیکن بعدازں دونوں کے درمیان صلح اور ہم آہنگی پیدا ہو گئی۔ گینز بک آف ورلڈ ریکارڈ کے مطابق الکا یاگنک 2022 دنیا میں یوٹیوب پر عالمی سطح پر سب سے زیادہ سنی گئی۔

ٹائمز آف انڈیا نے الکا یاگنک کوشہد کی آواز کی گلوکارہ Honey Vioce Singer جبکہ ہندوستان ٹائمز نے انہیں جادوئی آواز کی گلوکارہ Magical Vioced Singer کے خطاب سے نوازا ہے۔ الکا یاگنک مہدی حسن کی بہت بڑی مداح ہیں ان کا کہنا ہے کہ مہدی حسن بیت بڑے گلوکار تھے میں ان کی غزلیں سن کر بڑی ہوئی ہوں۔

الکا یاگنک کی آواز میں گائے گئے چند گیتوں کے بول

تم آئے تو آیا مجھے یاد گلی میں آج چاند نکلا

یہ دعا ہے میری رب سے تجھے دوستوں میں سب سے میری دوستی پسندآئے

تم سے بڑھ کر دنیا میں نہ دیکھا کوئی

ممبئی: بھارتی گلوکار سدھو موسے والا کے قتل کی منصوبہ بندی کے الزام میں گرفتار گینگسٹر لارنس بشنوئی کی جانب سے سلمان خان کو جان کی دھمکیاں ملنے کے بعد ممبئی پولیس نے اداکار کے گھر کے باہر سیکیورٹی میں اضافہ کر دیا۔

باغی ٹی وی: بھارتی میڈیا کے مطابق ای میل کے ذریعے سلمان خان سے متعلق جان لیوا دھمکی موصول ہونے کے بعد ممبئی پولیس نے باندرہ پولیس اسٹیشن پر اداکار کے قریبی ساتھی کی مدعیت میں گینگسٹر لارنس بشنوئی اور کینیڈین نژاد گینگسٹر گولڈی برار سمیت روہت گرگ کے خلاف مختلف دفعات کے تحت مبینہ دھمکیوں کا مقدمہ درج کرلیا اور اداکار کے گھر کے باہر سیکیورٹی بڑھا دی-

لارنس بشنوئی کی سلمان خان کو ایک اور دھمکی

بھارتی میڈیا کے مطابق پولیس کا کہنا ہے کہ سلمان خان کےقریبی ساتھی کو روہت گرگ نامی شخص کی جانب سے ای میل کے ذریعے جان لیوا دھمکیاں موصول ہوئی تھیں، ای میل میں کہا گیا تھا کہ کینیڈین نژاد گینگسٹر گولڈی برارسلمان خان سےبراہ راست مل کربات کرنا چاہتے ہیں۔

واضح رہے کہ گینگسٹر لارنس بشنوئی نے کہا ہے کہ اس کی زندگی کا مقصد ہی سلمان خان کو قتل کرنا ہے لارنس بشنوئی نے سلمان پر زور دیا کہ وہ اس کے مذہبی گرو جمبیشور(جمبا جی) کے مندر جائے اور معافی مانگے، اگر ہماری برادری معاف کر دے تو میں کچھ نہیں کہوں گا، ابھی میں غنڈہ ’نہیں‘ ہوں مگرسلمان کو مارنے میں غنڈہ بن جاؤں گا میری زندگی کا مقصد سلمان کو مارنا ہے، سکیورٹی ہٹتے ہی میں سلمان خان کو قتل کردوں گا۔

غنڈہ نہیں ہوں مگرسلمان خان کو مارنے میں غنڈہ بن جاؤں گا، لارنس بشنوئی

لارنس بشنوئی کے مطابق اس کی برادری کالے ہرن کو اپنے مذہبی گرو بھگوان جمبیشور (جمبا جی) کا اوتار سمجھتی ہے، لہٰذا عدالت سے اس کیس میں سزا یا بریت سلمان خان کیلئے حتمی فیصلہ نہیں ہوگی، اگر سلمان خان اور ان کے والد سلیم خان جمبا جی مندر میں جاکر سر عام معافی مانگ لیں تو وہ اپنا ارادہ بدل سکتا ہے ورنہ بشنوئی برادری انہیں قتل کردے گی، بچپن کا غصہ ہے میرے اندر، آج نہیں تو کل اس کا غرور ضرور توڑوں گا اگر سلمان خان معافی مانگ لے تو میں اس کو قتل نہیں کروں گا، وہ بہت مغرور ہے، سدھو موسے والا بھی اس کی طرح تھا۔

بھارتی طیارہ گر کر تباہ خاتون پائلٹ سمیت 2 افراد ہلاک