Tag: بالی وڈ

ملائکہ اروڑا اور ارجن کپور بالی وڈ کے سب سے پیارے جوڑوں میں سے ایک ہیں۔ دونوں کی دوستی کچھ برس پہلے ہوئی اور اب کافی عرصے سے ایک دوسرے کو ڈیٹ کر رہے ہیں۔ ملائکہ نے حال ہی میں اپنے انسٹاگرام ہینڈل پر ایک تصویر شیئر کرتے ہوئے لکھا ‘میں نے ہاں کہا’۔ انہوں نے کچھ ریڈ ہارٹ ایموجیز بھی بنائے. تاہم انہوں نے اس پر اپنے بوائے فرینڈ ارجن کو ٹیگ نہیں کیا۔ تصویر میں وہ ایک سیاہ بغیر آستین والا ٹاپ پہنتے ہوئے اور کیمرے کے لیے اپنی خوش کن مسکراہٹ کا مظاہرہ کرتے ہوئے نظر آ رہی ہے۔ ملائکہ کے کیپشن نے انکے مداحوں کو یہ سوچنے پر مجبور کر دیا ہے کہ کیا ان دونوں کی منگنی ہونے جا رہی ہے. اب ایسی کوئی بات ہے یا ملائکہ کی کوئی پروموشنل چال ہے یہ تو وقت ہی بتائے گا. ملائکہ اور ارجن

کی شادی کو لے کر کافی عرصے سے سوالات اٹھ رہے ہیں. کچھ عرصہ پہلے جب ملائکہ اروڑہ نے کرن جوہر کے شو میں شرکت کی تو انہوں نے کہا کہ میں ابھی شادی کرنے کا نہیں سوچ رہی میری تمام تر توجہ اپنے کیرئیر پر ہے. دوسری طرف ارجن کہتے ہیں کہ میں ایک حقیقت پسند آدمی ہوں میں‌مالی طور پر مستحکم ہونا چاہتا ہوں. میں اگر خود خوش ہوں گا تو ساتھی کو خوش رکھ سکوں گا. واضح رہے کہ ملائکہ اروڑہ اور انکی بہن امریتا اروڑا ایک شو کرنے کےلئے اکٹھی ہوئی ہں . دوسری طرف ارجن آخری بار دیشا پٹانی، جان ابراہم اور تارا ستاریا کے ساتھ ایک ولن ریٹرنز میں نظر آئے تھے۔

سلمان خان اور سورج برجاتیا نے کئی سپر ہٹ فلموں میں کام کیا، فلمساز نے سلمان خان کو پریم بنا دیا . سلمان نے پہلی بار میں نے پیار کیا (1989) میں کام کیا فلم رومانوی تھی جس میں بھاگیہ شری نے بھی مرکزی کردار ادا کیا تھا۔سلمان خان کو اس فلم کی کامیابی نے راتوں رات سپر سٹار بنا دیا . سلماں خان اور سورج برجاتیہ کی جوڑی نے ایک بار پھر ہم آپ کے ہیں کون (1994) ہم ساتھ ساتھ ہیں (1999)، اور پریم رتن دھن پایو میں کام کیا ہر بار انہیں مداحوں کی جانب سے سراہا گیا. شائقین ان دونوں کی جوڑی سے ایکبار پھر کسی سپر ہٹ فلم کا انتظار کررہے ہیں. سلمان خان کے مداحوں کے لئے ایک خوشخبری ہے کہ دونوں ایک ساتھ پھر سے کام کررہے ہیں. فلم اونچائی کی سکریننگ کے دوران سورج برجاتیہ اور

سلمان خان نے تصدیق کہ ہم دونوں بہت جلد ایک نئے پراجیکٹ پر کام شروع کرنے جا رہے ہیں. سورج سے پوچھا گیا کہ کیا وہ اپنی آنے والی فلم میں سلمان کی پریم سیریز کے کرداروں کا نیا ورژن بنانے کے بارے میں سوچتے ہیں؟ اس پر فلم ساز نے کہا "پریم واپس آئے گا” فلم کا نام ہو گا پریم کی شادی . یاد رہے کہ سلمان خان کسی کا بھائی کسی کی جان میں جلوہ گر ہوں گے جو کہ 2023 کی عید ریلیز ہو گی.

ہیرا پھیری، ویلکم اور آوارہ پاگل دیوانہ یہ وہ مشہور زمانہ فلمیں ہیں جنہیں آج بھی یاد کیا جاتا ہے اور دیکھا جاتا ہے. ان تینوں فلموں کے سیکوئلز دیکھنےکےلئے شائقین بےتاب ہیں. کہا جا رہا ہے کہ پرڈیوسر ساجد نڈیاڈ والا نے گزشتہ دنوں اکشے کمار کے آفس کے چکر لگائے اور ان کے سامنے ہیرا پھیری، ویلکم اور آوارہ پاگل دیوانہ کے سیکوئلز کے پرپورزل رکھے اور ان کو قائل کرتے رہے لیکن اکشے کمار قائل نہ ہو سکے اور انہوں نے تینوں فلموں کے سیکوئلز میں کام کرنے سے انکار کر دیا. کہا جا رہا ہے کہ ساجد نڈیاڈ والا اور اکشے کمار کی ملاقاتیں بے نتیجہ نکلی ہیں اور ساجد اب سوچ رہے ہیں کہ وہ کسی اور اداکار کے ساتھ فلمیں بنائیں . کارتک آریان کا نام ہیرا پھیری تھری کے لئے لیا جا رہا ہے. کہا جا رہا ہے کہ ہیرا پھیری، ویلکم اور آوارہ پاگل دیوانہ کے سیکوئل بنانے کےلئے ساجد نڈیاڈ والا نے اکشے کمار کو جو سکرپٹ سنائے انہیں وہ پسند نہیں آئےاور اکشے نے

معذرت کرلی. کہا جا رہا ہے کہ اکشے کمار کا کہنا ہے کہ وہ اپنے مداحوں کے مزاج سے اچھی طرح واقف ہیں اور وہ صرف کسی بھی سپر ہٹ فلم کے سیکوئل میں کام کرنے کےلئے سکرپٹ‌پر کمپرومائز نہیں‌کر سکتے . یاد رہے کہ ہیرا پھیری، ویلکم اور آوارہ پاگل دیوانہ یہ وہ تینوں فلمیں ہیں جن کے سیکوئل ماضی میں بنائے گئے لیکن انہیں ناکامی کا سامنا کرنا پڑا اس لئے پرڈیوسر کی کوشش تھی کہ کسی طرح‌سے اکشے کمار ہاں کر دیں لیکن انہوں نے ہیرا پھیری، ویلکم اور آوارہ پاگل دیوانہ کے سیکوئلز میں کام نہ کرنے کا کہہ کر ہمیشہ کے لئے اس باب کو بند کر دیا ہے.

بالی وڈ میں حال ہی میں 15 سال مکمل کرنے والے اداکار رنبیر کپور اس وقت خوشی سے جھوم رہے ہیں کیونکہ ان کے گھر ننھی پری کی آمد ہوئی ہے. کہا جا رہا ہے کہ رنبیر عالیہ اور پنی بیٹی کو ہسپتال سے ڈسچارج ہونے کے بعد گھر لے آئے ہیں اور گھر لانے کے چند گھنٹوں کے بعد وہ شوٹنگ کرنے کےلئے نکل پڑے. رنبیر کپور ذمہ دار باپ اور ذمہ دار شوہر ہونے کے ساتھ ایک ذمہ دار پروفیشنل بھی ہیں. یہی وجہ ہے کہ رنبیر کپور بیٹی کو ہسپتال سے گھر لاکر پہنچ گئے ہیں اپنے کام پر . سوشل میڈیا پر ایک وڈیو سرکولیٹ کررہی ہے جس میں دیکھا جا سکتا ہے کہ رنبیر اپنی گاڑی

سے اتر کر شوٹنگ کی جگہ پہنچے ہیں . یاد رہے کہ جب رنبیر اور عالیہ کے گھر بیٹی کی پیدائش ہوئی تو دونوں نے سوشل میڈیا پر لکھا کہ ہماری بیٹی کا پیدا ہونا ہماری زندگی کی سب سے اچھی خبر ہے. رنبیر اور عالیہ حال ہی میں برہمسٹرا میں نظر آئے۔ یہ فلم باکس آفس پر زبردست ہٹ ثابت ہوئی۔ اب رنبیر شردھا کپور کے ساتھ لو رنجن کی اگلی فلم میں نظر آنے کے لیے تیار ہیں۔ ان کے پاس رشمیکا مندنا، انیل کپور اور بوبی دیول کے ساتھ اینیمل بھی ہے۔

سب کی نظریں سورج برجاتیا اور ان کے آنے والے فیملی انٹرٹینر ”اونچائی” پر ہیں۔ کہانی تین بزرگ شہریوں کی دوستی کے گرد گھومتی ہے جو اس عمر میں ماؤنٹ ایورسٹ پر چڑھنے کا خواب دیکھتے ہیں۔ فلم میں انوپم کھیر، امیتابھ بچن، بومن ایرانی، نینا گپتا، اور ساریکا نے اہم کردار ادا کیے ہیں۔ کاسٹ ان دنوں تشہیری مہم جوئی میں مصروف ہے اور انٹرویوز میں اپنے دل کی بات کہہ رہی ہے۔ ٹائمز آف انڈیا کے ساتھ ایک حالیہ انٹرویو میں انوپم نے اپنی اہلیہ کرن کھیر کے کینسر کے سفر کے بارے میں کئے انکشافات اور بتایا کہ وہ اس مشکل وقت سے کیسے نکلے. انوپم کھیر نے کینسر کے خلاف کرن کھیر کی جیت کو اپنی سب سے بڑی فتح قرار دیتے ہوئے کہا کہ یہ ان کے لیے بڑی خوشی کی بات ہے کہ ان کی

اہلیہ اب صحت مند ہیں. انہوں نے یہ بھی کہا کہ کرن نے دوبارہ کام کرنا شروع کر دیا ہے وہ بہت ہی مضبوط انسان ہیں. انہوں نے کہا کہ ہم دونوں اس مشکل پیریڈ میں کبھی ہار نہیں‌مانے ہمیں یقین تھا کہ سب اچھا ہو گا اور ہوا بھی. آج کرن کھیر صحتیاب ہیں. یاد رہے کہ فلم اونچائی کا ٹریلر پچھلے مہینے ریلیز کیا گیا تھا ، فلم میں پرینیتی چوپڑا ایک ٹرینر کا کردار ادا کر رہی ہیں۔ سورج آر برجاتیا کی ہدایت کاری میں بننے والی اونچائی 11 نومبر 2022 کو ریلیز ہونے والی ہے۔

سیف علی خان بالی وڈ میں ہمیشہ سے بہترین والد رہے ہیں۔ بڑے پردے پر انتہائی خوبصورت انداز میں اپنے کرداروں کو نبھانے کے علاوہ، اداکار اکثر اپنے بچوں کے ساتھ معیاری وقت گزارنے کو یقینی بناتے ہیں۔ حال ہی میں سیف اور تیمور کی ایک کنسرٹ میں شرکت کی تصویر وائرل ہوئی تھی اور اب سیف اور ان کے بڑے بیٹے ابراہیم علی خان کی ایک دوسرے سے بات کرتے ہوئے کی ایک ویڈیو سامنے آئی ہے جو سب کی توجہ اپنی جانب کھینچ رہی ہے۔وڈیو میں سیف علی خان کو ایک دیوار پر بیٹھے دیکھا جا سکتا ہے. دونوں کی شکل ایک دوسرے سے اس قدر ملتی ہے کہ مداحوں نے انہیں ایک دوسرے کا آئینہ کہہ دیا ہے ۔ ایک مداح نے وائرل ہونے والی اس وڈیو کے کمنٹس باکس میں لکھا بوڑھا سیف بمقابلہ

نوجوان سیف۔ دونوں کی آپس میں کمال مشابہت ہے.واضح رہے کہ ورسٹائل اداکار سیف علی خان بہت سوچ سمجھ کر کسی بھی پراجیکٹ کا انتخاب کرتے ہیں. سیف علی خان بہت جلد تیلگو سنیما میں اپنا ڈیبیو کرنے جا رہے ہیں . دوسری طرف ابراہیم علی خان نے راکی ​​اور رانی کی پریم کہانی میں کرن جوہر کے اسسٹنٹ ڈائریکٹر کے طور پر کام کیا ہے اس فلم میں عالیہ بھٹ اور رنویر سنگھ مرکزی کردار ادا کر رہے ہیں۔

معروف فلم میکر ڈیوڈ‌دھون کے صاحبزادے ورون دھون نے نہایت ہی کم عرصے میں بالی وڈ میں اپنا نام بنایا . ورون دھون کا شمار آج کے بہترین بالی وڈ اداکاروں‌میں‌ہوتا ہے . انہوں نے ابھی تک جتنا بھی کام کیا ہے ان کے مداحوں اور ناقدین نے بہت سراہا ہے . ہر وقت ہنستے مسکراتے رہنے والے ورون دھون ہیں کچھ پریشانی میں . وہ کس قسم کی پریشانی میں‌ہیں‌ ہم آپ کو بتاتے ہیں. ورن دھون کے حالیہ انٹرویو میں انہوں نے بتایا ہے کہ وہ شدید ذہنی دبائو کا شکار ہیں اور اسی وجہ سے انہیں ویسٹیبولر ہائپو فنکشن نامی بیماری لاحق ہو گئی ہے، اس بیماری میں مبتلا ہونے کی وجوہات پر بات کرتے ہوئے انہوں نے کہا کہ میں نے کام کا بہت سٹریس لیا ہے اور کام کے دبائو نے مکمل طور پر ذہنی مریض بنا دیا ہے. انہوں نے

کہاکہ میری فلم جگ جگ جیو کے لئے میں نے جس طرح محنت کی اور سٹریس لیا اس نے مجھے بہت پریشان کیا ہے حالانکہ ایسا کرنا ضروری نہیں تھا میں آرٹسٹ تھا میرا کام صرف کام کرنا تھا لیکن میں بہت دبائو لیا. ایسا نہیں ہونا چاہیے. ورون دھون نے کہا کہ ہر کوئی کسی نہ کسی مقصد کے تحت زندگی گزارتا ہے اس مقصد کی تلاش میں پھر رہا ہوتا ہے میری زندگی کا کیا مقصد ہے مجھے ابھی تک نہیں پتہ بس اسی کو تلاش کررہا ہوں. انہوں نے کہا کہ میں اس بیماری پر قابو پانے کے لئے ہر ممکن جتن کر رہا ہوں .

بالی وڈ اداکار ارباز خان جو کہ سلمان خان کے بھائی ہیں اور ملائکہ اروڑہ کے سابق شوہر ہیں .انہوں نے نوے کی دہائی میں ملائکہ اروڑہ کے ساتھ شادی کی ان کا ایک بیٹا بھی ہے لیکن 18 سال کے بعد یہ رشتہ اختتام پذیر ہو گیا. رشتہ اختتام پذیر کیوں ہوا اس پر دونوں نے کھل کر بات نہیں کی لیکن حال ہی میں ارباز خان نے ایک انٹرویو دیا ہے اس میں انہوں نے بتایا ہے کہ وہ کس قدر پریشان رہے ہیں، رشتوں اور پیسوں کے معاملات کو لیکر. ارباز خان نے کہا کہ کوئی ایسا انسان نہیں ہوتاکہ جس کی زندگی میں مسائل نہ ہوں لیکن میری زندگی میں بہت زیادہ مسائل رہے.

انہوں نے کہا کہ میرے صحت کے مسائل بھی رہے بہت سارے تنائو تھے جن سے لڑتے رہے. ارباز خان نے کہا کہ ہر انسان زندگی میں تنائو سے لڑتا ہے ،یقینا یہ سب زندگی کا حصہ ہے. یاد رہے کہ ملائکہ اروڑہ اور ارباز خان کی علیحدگی کے بعد بھی یہ ایک دوسرے کو اپنے بیٹے کی خوشی کی خاطر ملتے ہیں . اور اکثر بیٹے کے ساتھ دکھائی دیتے ہیں. آخری بار دونوں‌بیٹے کو چھوڑنے کے لئے ائیر پورٹ آئے. جہاں دونوں نے ایک دوسرے کے ساتھ کھڑے ہو کر بات چیت بھی کی .

بالی وڈ اداکارہ عالیہ بھٹ پہلے الٹے سیدھے بیانات بول دینے کی وجہ سے خبروں میں رہتی تھیں لیکن اب جب سے ان کی شادی رنبیر کپور سے ہوئی ہے وہ ہیں خبروں میں. ان کے ہاں حال ہی میں بیٹی کی ولادت ہوئی ہے جس پر انہیں دنیا بھر سے مبارکبادیں وصول ہو رہی ہیں. ابھی تک عالیہ بھٹ اور رنبیر کپور نے اپنی بیٹی کی تصویر سوشل میڈیا پر جاری نہیں کی تاہم ان کی بیٹی کا نام کیا ہو گا یا اس کا نام کیا رکھا جائیگا اسکو لیکر سوشل میڈیا پر بحث جاری ہے. عالیہ بھٹ کی ایک پرانی وڈیو سوشل میڈیا پر بہت زیادہ وائرل ہو رہی ہے جس میں وہ ایک بچے سے اپنے نام کے

سپیلنگ پوچھتی ہیں وہ بچہ ان کے نام کے سپیلنگ غلط بتا دیتا ہے اور عالیہ کی بجائے وہ آملہ کہہ دیتا ہے جس پر عالیہ بھٹ کہتی ہیں کہ یہ تو بہت خوبصورت نام ہے میری بیٹی ہوئی تو میں اس کا نام آملہ ہی رکھوں گی. لہذا عالیہ کے اس کلپ کے مطابق سوشل میڈیا صارفین کا کہنا ہے کہ نام آملہ ہونا چاہیے. کئی سوشل میڈیا صارفین میں تشویش ہے کہ عالیہ اور رنبیر اپنی بیٹی کا نام کیا رکھیں گے. یاد رہے کہ حال ہی میں عالیہ کے گھر بیٹی کی ولادت ہوئی ہے اور دونوں فیملیاں خوشی سے نہال ہیں.

بالی وڈ کی نوجوان نسل کی نمائندہ فنکارہ کیرتی سینن اور ان کی والدہ گیتا سینن نے حال ہی میں ایک انٹرویو دیا ہے اس میں‌ کیرتی کی والدہ نے بتایا کہ وہ ماہر فزکس ہیں میری لکھی کتابیں طالب علم پڑھتے ہیں اور میری وجہ شہرت کتابیں لکھنا ہی تھا لیکن جب میری بیٹی کیرتی سٹار بن گئی تو اب میری وجہ شہرت کیرتی کی ماں ہونا بن گئی ہے . مجھے اس بات پر فخر ہے کہ میں‌کیرتی کی ماں ہوں. گیتا سینن نے کہا کہ شروع میں جب کیرتی لیٹ آتی تھی تو پریشان ہوجاتی تھی لیکن اب ایسا نہیں ہے کیونکہ اب سمجھ میں آچکا ہے کہ شوٹنگ کے شیڈیول دن رات کے ہوتے ہیں. انہوں نے ایک سوال کے جواب میں کہا کہ شروع میں ایسا بھی ہوا کہ جب میں اپنے بیٹی کے بارے میں الٹی سیدھی خبریں پڑھتی تو

بہت پریشان ہوجاتی تھی لیکن جیسے جیسے وقت گزرتا گیا تو سمجھ میں آئی کہ جو مشہور ہوتے ہیں گوسپس انہی کے بارے میں کی جاتی ہیں، پہلے تو میرا دل کرتا تھا کہ میری بیٹی کے بارے میں جس نے بھی سوشل میڈیا پر لکھا ہے اس کو جواب دوں لیکن ایسا کرتے کرتے رک جاتی تھی.اسی انٹرویو میں کیرتی سینن نے یہ بھی کہا کہ ہم پنجابی فیملی ہیں اور ہمارے گھر میں راجما چاول بہت اچھے بنتے ہیں. میں آج جس بھی مقام پہ ہوں اس سے بہت زیادہ مطمئن ہوں.