Baaghi TV

Tag: بجلی

  • کے الیکٹرک نے بجلی 11 روپے 39 پیسے فی یونٹ مہنگی کرنے کی تیاری کر لی

    کے الیکٹرک نے بجلی 11 روپے 39 پیسے فی یونٹ مہنگی کرنے کی تیاری کر لی

    کے الیکٹرک نے بجلی کی قیمت میں اضافے کی درخواست دے دی۔

    باغی ٹی وی : کے الیکٹرک کی جانب سے نیشنل الیکٹرک پاور ریگولیٹری اتھارٹی (نیپرا) کو جس میں جون کی ماہانہ فیول ایڈجسٹمنٹ کی مد میں کراچی والوں کیلئے بجلی 11 روپے 39 پیسے فی یونٹ مہنگی کرنے کی درخواست جمع کروادی گئی ہے، جس پر نیپرا کے الیکٹرک کی درخواست پر 28 جولائی کو سماعت کرے گا۔

    نیپرا کے مطابق کے الیکٹرک نے جون کی فیول ایڈجسٹمنٹ کی مد میں فی یونٹ بجلی 11.39 روپے مہنگی کرنے کی درخواست کی ہے۔

    دوسری جانب سینٹرل پاور پرچیزنگ ایجنسی (سی پی پی اے) حکام نے بھی جون کی ماہانہ فیول ایڈجسٹمنٹ کی مد میں 9 روپے 90 پیسے فی یونٹ اضافے کی سمری ارسال کردی ہے درخواست میں کہا گیا ہے کہ گزشتہ ماہ 13 ارب یونٹ بجلی پیدا ہوئی، جس کی لاگت 213 ارب روپے تھی۔

    ملک میں فرنس آئل سے پیدا ہونے والی بجلی کی لاگت فی یونٹ 36 روپے 20 پیسے، کوئلے سے 20 روپے 80 پیسے، مقامی گیس سے 8 روپے 92 پیسے، ایل این جی سے پیدا ہونے والی بجلی کی لاگت 28 روپے 38 پیسے آئی-

    درخواست کے مطابق ایران سے 19 روپے 57 پیسے فی یونٹ میں بجلی درآمد کی گئی۔42پیسے فی یونٹ بجلی لائن لاسز کی نذر ہو گئی۔

  • ملک میں بجلی کا شارٹ فال 7 ہزار سے تجاوز

    ملک میں بجلی کا شارٹ فال 7 ہزار سے تجاوز

    ملک میں بجلی کا شارٹ فال 7 ہزار 130 میگاواٹ سے تجاوز کرگیا-

    باغی ٹی وی: ذرائع پاور ڈویژن کے مطابق بجلی کی مجموعی پیداوار 21 ہزار 570 میگاواٹ جبکہ کل طلب 28 ہزار 700 میگاواٹ ہے۔ پانی سے 6 ہزار 574 میگاواٹ بجلی پیدا کی جارہی ہے اور سرکاری تھرمل پلانٹس 1 ہزار میگاواٹ بجلی پیدا کررہے ہیں۔

    نجی شعبے کے بجلی گھروں کی مجموعی پیداوار 10 ہزار 500 میگاواٹ ہے۔ ونڈ پاور پلانٹس 750 اور سولرپلانٹس سے پیداوار 100 میگاواٹ ہے۔ بگاس سے چلنے والے پلانٹس 77 میگاواٹ بجلی پیدا کررہے ہیں جبکہ جوہری ایندھن سے 2ہزار 569 میگاواٹ بجلی پیدا کی جارہی ہے۔

    پاور ڈویژن ذرائع کے مطابق بجلی کا شارٹ فال بڑھنے سے ملک بھر کے بڑے شہروں میں 12 گھنٹے کی لوڈشیڈنگ کی جارہی ہے جب کہ ہائی لاسز کے علاقوں میں لوڈشیڈنگ کا دورانیہ 12 سے 16 گھنٹے ہے۔

    دوسری جانب وفاقی حکومت نے بجلی کا بنیادی ٹیرف 7روپے 91 پیسے بڑھانے کی درخواست نیپرامیں دائرکردی جس پرآج سماعت کے بعد نیپر اپنا فیصلہ نوٹیفکیشن کیلئے وفاقی حکومت کوبھجوائے گا وفاقی حکومت نے یکساں ٹیرف کے لیے درخواست نیپرا میں جمع کرا دی ہے،وفاقی حکومت کی جانب سے دائردرخواست میں کے الیکٹرک سمیت تمام ڈسکوزکیلئے بجلی کابنیادی ٹیرف بڑھانے کی تجویزہے۔

    حکومت کا بجلی کابنیادی ٹیرف مرحلہ واربڑھانے کامنصوبہ ہے اس سلسلے میں جولائی سے بجلی3روپے 50 پیسے فی یونٹ مہنگی کرنے کی تجویزہے۔اگست سے بجلی مزید 3 روپے 50 پیسے فی یونٹ جب کہ اکتوبرسے بجلی کابنیادی ٹیرف91پیسے فی یونٹ مزیدبڑھانے کی تجویزدی گئی ہےجبکہ وفاقی وزیراطلاعات ونشریات مریم اورنگزیب نے بجلی کی قیمتوں میں اضافے کی خبروں کی تردید کی ہے-

  • ملک میں بجلی کا شارٹ فال 6 ہزار 65 میگاواٹ تک پہنچ گیا

    ملک میں بجلی کا شارٹ فال 6 ہزار 65 میگاواٹ تک پہنچ گیا

    ذرائع پاور ڈویژن کے مطابق نجی شعبے کے بجلی گھروں کی مجموعی پیداوار 11 ہزار میگا واٹ ہے –

    باغی ٹی وی : ذرائع پاور ڈویژن کے مطابق ونڈ پاور پلانٹس 1100 میگاواٹ اور سولرپلانٹس سے پیداوار 170 ہے،بگاس سے چلنے والے پلانٹس 160میگاواٹ بجلی پیدا کررہے ہیں ، جوہری ایندھن 2 ہزار 285 میگاواٹ بجلی پیدا کی جارہی ہے ،ملک بھر کے بڑے شہروں میں 8 گھنٹے کی لوڈشیڈنگ کی جارہی ہے،ہائی لاسز کے علاقوں میں لوڈشیڈنگ کا دورانیہ 12 گھنٹے تک ہے-

    ذرائع پاور ڈویژن کے مطابق ملک میں بجلی کا شارٹ فال 6 ہزار 65 میگاواٹ ہے،بجلی کی مجموعی پیداوار 22 ہزار 435 میگاواٹ ہے،ملک میں بجلی کی طلب 28 ہزار 500 میگاواٹ ہے،پانی سے 6 ہزار 600 میگاواٹ بجلی پیدا کی جارہی ہے ،سرکاری تھرمل پلانٹس ایک ہزار 120میگاواٹ بجلی پیدا کررہے ہیں ،

    دوسری جانب ترجمان واپڈا کے مطابق تربیلا میں پانی کی آمد ایک لاکھ 49 ہزار300کیوسک اور اخراج ایک لاکھ 55 ہزارکیوسک ہے ،منگلا میں پانی کی آمد 28 ہزار600 کیوسک اور اخراج 15 ہزارکیوسک ہے ، چشمہ میں پانی کی آمد ایک لاکھ91 ہزار کیوسک اور اخراج ایک لاکھ 90 ہزارکیوسک ہے دریائے چناب میں پانی کی آمد 54 ہزار400 کیوسک اور اخراج 27 ہزار500 کیوسک ہے دریائے کابل میں پانی کی آمد 43 ہزار 100 کیوسک اور اخراج 43 ہزار100 کیوسک ہے –

    ترجمان واپڈ ا کے مطابق تربیلا میں آج پانی کا ذخیرہ 31 لاکھ37 ہزار ایکڑ فٹ ہے،منگلا میں آج پانی کا ذخیرہ 10لاکھ 77 ہزارایکڑ فٹ ہے ،چشمہ میں آج پانی کا ذخیرہ ایک لاکھ 20 ہزار ایکڑ فٹ ہے ، تربیلا ، منگلا اور چشمہ ریزوائر میں پانی کا مجموعی ذخیرہ 43 لاکھ 34 ہزارایکڑ فٹ ہے-

  • لاہور میں موسلادھار بارش سے موسم خوشگوارہوتے ہی بجلی غائب

    لاہور میں موسلادھار بارش سے موسم خوشگوارہوتے ہی بجلی غائب

    لاہور : لاہور میں موسلادھار بارش سے موسم خوشگوارہوتے ہی بجلی غائب ،اطلاعات کے مطابق مون سون کی بارشوں نے لاہور میں جل تھل ایک کردیا، شہریوں کے چہرے کھل اٹھے، شہر کی اہم شاہراہیں زیرآب آگئیں۔

    لاہور ميں موسلادھار بارش اور ژالہ باری سے موسم خوشگوار ہوگيا جبکہ کئی فيڈرز ٹرپ ہونے سے مختلف علاقوں میں بجلی کی فراہمی معطل ہوگئی۔محکمہ موسميات کے مطابق لاہور کے جیل روڈ پر33.6 ،ایئرپورٹ پر 45.5،گلبرگ میں 57.5 ملی میٹر بارش ریکارڈ کی گئی ہے۔

    موسلادھار بارش کے باعث شہر کے نشيبی علاقے زيرآب آگئے، لکشمی چوک اور نسبت روڈ سمیت شہر کی مختلف سڑکوں پر بارش کا پانی جمع ہوگیا۔

    لکشمی چوک پر 85،اپر مال پر69، مغل پورہ میں 66،تاج پورہ میں83 ملی میٹر، نشتر ٹاؤن میں 80 ،چوک نا خدا پر67 ،پانی والا تالاب میں104 ملی میٹر بارش ریکارڈ کی گئی۔

    موسم کا حال بتانے والوں کا کہنا ہے کہ فرخ آباد میں101 ،گلشن راوی میں78, اقبال ٹاؤن میں41، سمن آباد میں50 ملی میٹربارش ہوئی۔اس حوالے سے ایم ڈی واسا کا کہنا ہے کہ جوہر ٹاؤن میں 63 ملی میٹر بارش ریکارڈ کی گئی، پانی والا تالاب میں سب سے زیادہ 104 ملی میٹر بارش ریکارڈ کی گئی۔

    اس کے علاوہ کوپر روڈ، لکشمی چوک، دوموریہ، جی پی او، کشمیر روڈ، قینچی اسٹاپ، شاہ جمال اور اللہ ہو چوک کے علاقے کلیئر کردیے گئے ہیں۔

  • گدوپاورپلانٹ مکمل جل کرراکھ بن گیا،قومی خزانےکو20 ارب روپےکا نقصان

    گدوپاورپلانٹ مکمل جل کرراکھ بن گیا،قومی خزانےکو20 ارب روپےکا نقصان

    لاہور:ایک طرف قوم عیدالاضحیٰ کی خوشیاں منارہی تھی تو دوسری طرف عملے کی نااہلی کی وجہ سے گدوپاورپلانٹ مکمل جل کرراکھ بن گیا،اس حوالے سے تخمینہ لگانے والوں کا کہنا ہے کہ قومی خزانےکو20 ارب روپےکا نقصان ہو گیا۔

    گدوپاورپلانٹ میں اس بڑے حادثے کے حوالے سے ذرائع کاکہناہےکہ عید کی رات گدو پاور پلانٹ میں آگ لگنے سے747 میگا واٹ بجلی سسٹم سےنکل گئی،ذرائع کا کہنا ہےکہ آتشزدگی سے گدو پاور پلانٹ مکمل طور پرجل گیا جس کی بحالی میں کئی ماہ لگ سکتےہیں۔واقعے کی تحقیقات شروع کردی گئی ہیں۔

    ذرائع کا کہنا ہے کہ جس وقت آگ لگی گدو پاور پلانٹ میں آگ بجھانے کے آلات نہیں تھے، اس وقت عملہ بھی ڈیوٹی پر نہیں تھا، 3 گھنٹے کی کوششوں کے بعد آگ پر قابو پایا جاسکا تھا۔کیا آگ لگانے والے آلات سرے سے ہیں ہی نہیں‌یا پھروقتی طورپرمل نہ سکے یہ بھی ایک حساس معاملہ ہے جس کی تحقیقات ہونی چاہیں

    ذرائع کے مطابق عید سے ایک روز قبل نیلم جہلم ہائیڈرو پراجیکٹ بھی فنی خرابی کے باعث بند ہو گیا تھا۔دوسری طرف سینئر انجینئر گدو پاور پلانٹ کا کہنا ہے کہ طوفانی بارش سے جنریٹرز میں پانی چلا گیا، یہ اتفاقی حادثہ تھا تاہم واقعے کی چھان بین کر رہے ہیں۔

    ان کا کہنا ہے کہ پلانٹ بحال ہونے میں ایک ماہ کا وقت لگے گا، نقصان اتنا نہیں ،جتنا بتایا جا رہا ہے، واقعے کے ذمہ داران کا تعین بھی کیا جائے گا۔

  • بجلی کی قیمتوں میں7روپے 91 پیسے اضافےکی منظوری نہیں دی گئی،قیاس آرائیوں سے گریز کیا جائے،خرم دستگیر

    بجلی کی قیمتوں میں7روپے 91 پیسے اضافےکی منظوری نہیں دی گئی،قیاس آرائیوں سے گریز کیا جائے،خرم دستگیر

    وفاقی وزیر توانائی خرم دستگیر نے کہا ہے کہ بجلی کی قیمتوں میں7روپے 91 پیسے اضافے کی منظوری نہیں دی گئی، بجلی کے نرخوں میں اضافے کی قیاس آرائیوں سے گریز کیا جائے-

    باغی ٹی وی : خرم دستگیر نے کہا کہ وفاقی کابینہ نے بجلی کی قیمتوں میں اضافے کی سفارش مسترد کردی ہے بجلی کے نرخوں میں اضافے کے حوالے سے قیاس آرائیوں سے گریز کیا جائے، بجلی کی قیمتوں میں 7 روپے 91 پیسے اضافے کی منظوری نہیں دی گئی۔

    حکومت نے بجلی کی قیمیت میں فی یونٹ 7 روپے91 پیسے مزید اضافہ کردیا

    انہوں نے کہا کہ وزیراعظم کی ہدایت پرلائف لائن صارفین کو خصوصی رعایت دی جائے گی، 100یونٹ تک صارفین کیلئے بجلی کے نرخ نہیں بڑھائیں گےگیس سے چلنے والے پاور پلانٹس کو متبادل ذرائع سے چلایا جا رہا ہے، کراچی کے ایٹمی پاور پلانٹ کےٹو کی ری فیولنگ جاری ہے، ایٹمی پاورپلانٹ سے مزید 1100میگاواٹ بجلی سسٹم میں شامل ہوگی۔

    خرم دستگیر نے کہا کہ افغانستان سے کوئلے کی درآمد کے معاملے میں پیش رفت ہوئی ہے، کوئلے سے بھری 3 ٹرینیں ساہیوال پہنچ چکی ہیں۔

    زرعی ٹیوب ویلوں کو شمسی توانائی پر تبدیل کیا جائے گا،طارق بشیر چیمہ

    واضح رہے کہ خبریں تھیں کہ حکومت نے بجلی کی قیمیت میں فی یونٹ 7 روپے91 پیسے مزید اضافہ کردیا ہے خبریں تھیں کہ اس سلسلے میں حکومت نے عالمی مالیاتی ادارے (آئی ایم ایف) کے سامنے سرنڈر کرتے ہوئے ایک اور شرط پوری کرتے ہوئے بحلی کا بنیادی ٹیرف 7 روپے 91 پیسے فی یونٹ بڑھانے کی مرحلہ وار منظوری دی –

    محنت کریں، حسد نہ کریں،مریم نواز کا مفت بجلی پر تنقید کرنیوالوں کوجواب

  • بجلی کے نرخوں میں اضافے کی سفارش کابینہ نے مسترد کی،وفاقی وزیر

    بجلی کے نرخوں میں اضافے کی سفارش کابینہ نے مسترد کی،وفاقی وزیر

    وفاقی کابینہ نے بجلی کے نرخوں میں اضافے کی سفارش مسترد کی،

    وفاقی وزیر توانائی خرم دستگیر کا کہنا ہے کہ بجلی کے نرخوں میں 7 روپے 91 پیسے اضافے کی منظوری نہیں دی گئی،ب جلی کے نرخوں میں اضافے کے حوالے سے قیاس آرائیوں سے گریز کیا جائے وزیراعظم کی ہدایت پرلائف لائن صارفین کو خصوصی رعایت دی جائے گی 100یونٹ تک صارفین کیلئے بجلی کے نرخ نہیں بڑھائیں گے، گیس سے چلنے والے پاور پلانٹس کو متبادل ذرائع سے چلایا جارہا ہے، کراچی کے ایٹمی پاور پلانٹ کے ٹو کی ری فیولنگ جاری ہے، ایٹمی پاور پلانٹ سے مزید1100میگاواٹ بجلی سسٹم میں شامل ہوگی، افغانستان سے کوئلے کی درآمد کے معاملے میں پیش رفت ہوئی ہے، کوئلے سے بھری 3ٹرینیں ساہیوال پہنچ چکی ہیں،

    تربیلاڈیم میں پانی کی سطح میں اضافہ ہوا ہے،عیدپرعوام کو لوڈشیڈنگ کے معاملے پر بہتری نظرآئے گی،بجلی کا شارٹ فال 4 سے 5 ہزار میگاواٹ ہے تربیلاڈیم سے ڈھائی ہزارمیگاواٹ بجلی کی پیداوارمیں اضافہ ہوا،موسم کی بہتری کی وجہ سے بجلی کی طلب میں کمی آئی بارشوں میں حفاظتی انتظامات کو مزید بہتر بنایا جائے،

    قبل ازیں وفاقی وزیر خرم دستگیر خان نے گوجرانوالہ نرسری چوک میں مبینہ کرنٹ لگنے کے افسوس ناک واقعے کا نوٹس لے لیا۔ قیمتی جانوں کے ضیاں پر گہرے دکھ کا اظہار۔ وفاقی وزیر کی جانب سے لواحقین سے اظہار تعزیت۔ خرم دستگیر نے گیپکو چیف کو 24 گھنٹے میں واقعے کی انکوائری رپورٹ پیش کرنے کا حکم دیا۔ اور ذمہ داروں کو قرار واقعی سزا کی ہدایت کی۔ سی او گیپکو کو بارشوں کے دوران حفاظتی اقدامات مزید بہتر کرنے کی ہدایت کی تاکہ مستقبل میں ایسے واقعات کی روک تھام کی جا سکے۔ چیف گیپکو نے ایس ڈی او اور لائن سپریڈینٹ کو معطل کر دیا۔

    سابقہ حکومت نے بجلی کی پیداوار نہ بڑھا کر مجرمانہ غفلت کی،وفاقی وزراء

    شادی شدہ کامیاب مرد سے پیسے کی خاطر جسمانی تعلق رکھنا عورت کی تذلیل ہے۔ فرح سعدیہ

    ‏خواتین کو جب اعتکاف کی مبارکباد دینے جائیں تو صرف مٹھائی لے کر جائیں. شفاعت علی

    عظمیٰ تشدد کیس میں تاحال کوئی گرفتاری نہیں، کہیں انہیں فرار تو نہیں کروا دیا ؟ حسان نیازی

    میں نے کوئی ڈیل نہیں کی اور نا ہی دبئی گئی، لاہور ہی ہوں تو انصاف لے کر رہوں گی، عظمیٰ خان

  • حکومت نے بجلی کی قیمیت میں فی یونٹ 7 روپے91 پیسے مزید اضافہ کردیا

    حکومت نے بجلی کی قیمیت میں فی یونٹ 7 روپے91 پیسے مزید اضافہ کردیا

    اسلام آباد:حکومت نے بجلی کی قیمیت میں فی یونٹ 7 روپے91 پیسے مزید اضافہ کردیا،اطلاعات کے مطابق وفاقی حکومت نے عوام پرمزید بوجھ ڈالتے ہوئے بجلی کی قیمیت میں مزید اضافہ کردیا ہے، یہ بھی معلوم ہواہے کہ اس سلسلے میں حکومت نے عالمی مالیاتی ادارے (آئی ایم ایف) کے سامنے سرنڈر کرتے ہوئے ایک اور شرط پوری کردی، بحلی کا بنیادی ٹیرف 7 روپے 91 پیسے فی یونٹ بڑھانے کی مرحلہ وار منظوری دے دی۔

    ذرائع کے مطابق وزیراعظم شہباز شریف نے وزارت توانائی کی سمری پر منظوری دی، وفاقی کابینہ میں بجلی کے بنیادی ٹیرف میں اضافے کی سمری ٹیک اپ نہیں ہو سکی تھی، بجلی کا بنیادی ٹیرف مرحلہ وار بڑھایا جائے گا۔

    اس حوالے سے ذرائع کا بتانا تھا کہ پہلا اضافہ 3 روپے 50 پیسےکا ہے، یکم جولائی سے بجلی 3 روپے 50 پیسے فی یونٹ مہنگی کرنے کی منظوری دی گئی، اگست سے بجلی مزید 3 روپے 50 پیسے فی یونٹ مہنگی ہو گی، اکتوب

    صدر ایف پی سی سی آئی عرفان اقبال شیخ نے کہا ہے کہ کراچی کے کاروباری ادارے 10 سے 15 گھنٹے کی بجلی بندش کا شکار ہیں جس کی مذمت کرتے ہیں۔

    کراچی کے کاروباری ادارے 10 سے 15 گھنٹے بجلی کی بندش کا شکار ہیں جس کی صدر ایف پی سی سی آئی عرفان اقبال شیخ نے شدید مذمت کرتے ہوئے کہا ہے کہ بجلی کی بدترین لوڈشیڈنگ سے نہ صرف مقامی اقتصادی اور تجارتی سرگرمیاں تباہ ہورہی ہیں بلکہ برآمدات کرنے والی صنعتوں کیلیے بھی بحران کی کیفیت پیدا ہوگئی ہے کیونکہ مختلف صنعتیں اور شعبے آپس میں جڑے ہوئے ہیں۔

    صدر ایف پی سی سی آئی عرفان اقبال شیخ نے مزید کہا کہ کراچی میں کاروباری، صنعتی اور تاجر برادری کو گزشتہ 4 سے 6 ہفتوں کے دوران غیر معمولی لوڈ شیڈنگ سے اربوں روپے کا مالی نقصان ہوچکا ہے اور سینکڑوں کاروباری مالکان نے ایف پی سی سی آئی سے اپنے ناقابل برداشت نقصانات اورممکنہ دیوالیہ ہونے کے خدشات کا اظہار کیا ہے۔ر سے بجلی کا بنیادی ٹیرف 91 پیسے فی یونٹ بڑھایا جائے گا، نیپرا نے بجلی کا بنیادی ٹیرف بڑھانے کا فیصلہ وفاقی حکومت کو بھجوایا تھا۔

  • بجلی کا بحران برقرار،بجلی کا شارٹ فال 7000 میگاواٹ سے زیادہ

    بجلی کا بحران برقرار،بجلی کا شارٹ فال 7000 میگاواٹ سے زیادہ

    بجلی کا بحران برقرار،ملک میں بجلی کا مجموعی شارٹ فال 7800 میگاواٹ تک پہنچ گیا ہے-

    باغی ٹی وی : ذرائع پاور ڈویژن کے مطابق ملک میں بجلی کی طلب 29ہزار اور پیداوار 21ہزار 200 میگا واٹ کے لگ بھگ ہے جبکہ بدترین لوڈشیڈنگ کا سلسلہ جاری ہے-

    ذرائع پاور ڈویژن کا کہنا ہے کہ آئی پی پیز سے 10ہزار 241 میگاواٹ،وِنڈ پاور سے ایک ہزار 629 ، سولر پلانٹس سے 123،بگاس سے 120،جوہری پلانٹس سے 2ہزار 275 اور ہائیڈل پاور سے 5 ہزار میگاواٹ سمیت دیگر ذرائع سےبجلی پیدا ہو رہی ہے۔

    اُدھر لاہور الیکٹرک سپلائی کمپنی (لیسکو) ذرائع کے مطابق لیسکو کو تقریباً 800 میگاواٹ شارٹ فال کا سامناہے،لیسکو نے ساڑھے 3 گھنٹے کی لوڈشیڈنگ کا شیڈول دیا ہے ۔

    تاہم کئی کئی گھنٹے کی غیر اعلانیہ لوڈشیڈنگ کی جا رہی ہے، لوڈمیں کمی سے ٹرانسفارمرز اور میٹر جلنےکی شکایات بھی بڑھ گئی ہیں۔

    روہڑی میں بھی بجلی کی غیر اعلانیہ لوڈ شیڈنگ کا سلسلہ جاری ہے ،عوام کی جانب سے لوڈ شیڈنگ کے خلاف احتجاج جاری ہے جبکہ مظاہرین نے سڑک پر دھرنا دے رکھا ہے جس کی وجہ سے ٹریفک کی روانی بھی متاثر ہوئی ہے-

    قبل ا زیں وزیراعظم کی زیر صدارت منقدہ وفاقی کابینہ کے اجلاس میں کابینہ کو پاور ڈویژن کی طرف سے لوڈشیڈنگ پر تفصیلی بریفنگ دی گئی تھی جس میں بتایا گیا تھا کہ جون 2022 میں بجلی کی جنریشن کی کیپسٹی 23 ہزار900 میگا واٹ تک تھی اجلاس میں بجلی کی فراہمی کے دوران ہونے والے لائن لاسز کے حوالے سے بحث کی گئی۔

    اجلاس میں اتفاق کیا گیا تھا کہ لائن لاسز میں کمی کے لیے ایک مکمل پلان مرتب کیا جائے گا، گردشی قرضے میں کمی لانے کی کوششوں میں تیزی لائے جائے گی۔ شرکائے اجلاس نے پاور سیکٹر میں موجود گردشی قرضے کے حوالے سے تشویش کا بھی اظہار کیا۔

    وزیراعظم میاں شہباز شریف نے کہا تھا کہ ہماری حکومت کا مختصر وقت باقی ہے، ہمیں اسی عرصے میں بہتری لانی ہے، کوشش کی جائے کہ ملک میں لوڈشیڈنگ کا دورانیہ 2 گھنٹے سے زیادہ نہ ہو بجلی منصوبے بروقت مکمل ہوتے تو لوڈ شیڈنگ نہ ہوتی، پچھلی حکومت نے وقت پر گیس نہیں خریدی، پاور پلانٹس کیلئے ہمیں تیل کی خریداری کرنا پڑی۔

    میاں شہباز شریف نے پاور ڈسٹری بیوشن کمپنیز کو صوبوں کے حوالے کرنے سے متعلق تفصیلی پلان بنانے کی ہدایت دی انہوں نے کہا صوبائی حکومتوں کے پاس ڈسٹری بیوشن کے حوالے سے بہتر حکمت عملی کی صلاحیت ہوتی ہے۔

    وفاقی وزیر توانائی کو وزیراعظم نے ہدایت دی کہ 2 بہترین اور 2 سب سے خراب کارکردگی والی ڈسٹری بیوشن کمپنیز کا دورہ کریں، دونوں کمپنیز کی کارکردگی کے فرق کے حوالے سے تفصیلی رپورٹ کابینہ میں جمع کروائیں اور ٹیوب ویلز کی سولر انرجی پر منتقلی کے حوالے سے پلان جلد از جلد مرتب کریں۔

  • نواز شریف نے سی پیک اور عمران نےجی پیک بنایا،مریم نواز

    نواز شریف نے سی پیک اور عمران نےجی پیک بنایا،مریم نواز

    مسلم لیگ ن کی نائب صدر مریم نواز نے کہا کہ وزیراعظم شہباز شریف کو پٹرول ڈیزل کی قیمتیں دل پر پتھر رکھ کر بڑھانی پڑی وہ معاہدہ کس نے کیا تھا،کس کے آئی ایم ایف کے ساتھ معاہدے پر ہمیں قیمتیں بڑھانی پڑی مجھے بتائیں؟،اگر قیمتیں نہ بڑھاتے تو ملک دیوالیہ ہوجاتا، نواز شریف نے کہا عوام میں جاؤ اور ان کو بتاؤ مشکل وقت میں ان کے ساتھ کھڑے ہیں،مگر اپ جانتے ہیں کہ ئی قیمتیں کس کی وجہ سے برھی ہیں.آج حمزہ شہباز نے اعلان کیا ہے کہ جو 100 پونٹ سے کم بجلی کے یونٹ استعمال کرے گا اس کو بل نہیں آئے گا، مسلم لیگ ن نے یہ فیصلہ اس وقت کیا جب ضزانہ خالی ہے مگر ہم عوام کو ریلیف دیں گے مریم نواز نے کہا کہ 75 سال میں کھبی ایسا ہوا کہ آپ بجلی استعمال کریں اور بل نہ ائے،انہوں نے کہا کہ میرا بس چلے تو سب کچھ آپ کیلئے لے آون،مشکل حالات میں بھی شہباز شریف نے یوٹیلیٹی سٹور پر قیمیتں نہیں بڑھائیں .ابھی ہمیں آئے ہوئے ڈھائی مہینے ہوئے ہیں انشاء اللہ وہ وقت دور نہیں جب غریب پیٹ بھر کر روٹی کہائے گ، پاکستان کا پالا ایک ایسے شخص سے پڑ گیا ہے جو سب سے بڑا فتنہ سب سے بڑا بہروپیا ہے.

    مریم نواز نے پی پی 170 کے ضمنی الیکشن کے سلسلے میں وزکرز کنونشن سے خطاب کرتے ہوئے کہا کہ ہیمین تاریخ کے سب سے بڑے بہروپئے کا سامنا ہے،عون چوہدری ،علیم خان اور عظمی کارردار بنی گالہ سے طوبہ طوبہ کر کے نکلے،انہوں نے کہا کزشتہ 4 سالوں میں عمران خان نے دوستون کو بوازا،مریم نواز نے کہا فتنا خان پیجاب کے حق پر پھر داکہ ڈالنے کیلئے تیار ہے مگر پنجاب کے عوام جانے ہیں کہ تم کون ہو، فتنہ خان کی سیاست کا اب خاتمہ ہونے والا ہے .

    رہنما مسلم لیگ ن مریم نواز نے کہا کہ لوگوں کو کہتا تھا یہ امریکہ کے غلام ہیں ،لوگوں کو سازش اور خط کے پیچھے لگادیا، چار سال پاکستان آزاد تھا اور جب کرسی گئی تو سازش ہوگئی،کہتا تھا ڈونلڈ لو نے مجھے دھمکی دی تھی دو دن پہلے اپنا ایک بندہ ڈونلڈ لو کے پاس بھیجا ہمیں معاف کردو،لوگوں کو غدار کہتا رہا اللہ کا شکر ہے میرے حوالے سے کچھ ثابت نہ کرسکا ،اپنی پنکی پیرنی ثابت آگئی کہ مجھ پر یا فرح گوگی پر الزام لگائے تو غداری کا ٹرینڈ چلاؤ،مذہب کو دکھاوے، سیاست کے لئے استعمال کرنا اس سے بڑا جرم کوئی نہیں، فتنہ خان وہ شخص ہے مذہب کی آڑ میں گولیاں لگوائی، اپنی باری آئی تو پیچھے شخص نے کہا خان صاحب اسلامی ٹچ تو دیں، لوگوں کو چور اور ڈاکو کہنے والا پاکستان کی تاریخ کا سب سے بڑا وارداتیہ نکلا.

    مریم نواز نے کہا کہ علیم خان صاحب ہوں ، جہانگیر ترین ، عون چوہدری یہ پارٹی سے توبہ توبہ کرکے نکلے کہ اتنا کرپٹ آدمی ہے.نواز شریف پر الزامات لگے ایک بھی ثابت نہ ہوسکا، نواز شریف کو کوئی کبھی کوئی چھوڑ کر نہیں گیا اگر گیا تو اس نے کہا میں نے نواز شریف کو کرپٹ نہیں دیکھا،جو بھی نواز شریف کو چھوڑ کر گیا باہر جا کر نواز شریف کی شرافت کی ضمانت دی،انہون نے کہا کہ ایک فتنہ جس کی نظر پھر پنجاب پر ہے وہ پنجاب پر پھر ڈاکہ ڈالنا چاہتا ہے،پنجاب اور لاہور شیر کو ووٹ دیتا ہے،پنجاب کے دشمن کا نام عمران خان ہے، پنجاب اور پورے پاکستان سے تمھاری سیاست کا صفایا ہونے جارہا ہے،بارہ کروڑ کے صوبے پر ایک گینگ حکومت کررہا تھا یہ بنی گالہ گینگ تھا.

    مریم نواز کا کہنا تھا کہ اس گینگ میں پنکی پیرنی، فرح گوگی، پنکی پیرنے کے بچے شامل تھے،شیر واپس آگیا ہے پنجاب دن دگنی رات چگنی ترقی کرے گا،بتاؤ سی پیک کس نے بنایا تھا، نواز شریف نے سی پیک بنایا اور پاکستان میں سڑکوں کے جال بنائے،مگرعمران خان نے گوگی پنکی اکنامک کوری ڈور بنایا ،عوام کا مال سیدھا بنی گالہ جاتا تھا، وعدہ کرو چوہدری امین کو الیکشن جتواؤ گے، یہ بازو آپ کے آزمائے ہوئے ہیں آپ کو مایوس نہیں کریں گے ، وعدہ کرو ن لیگ کا ساتھ دو گے، نواز شریف، شہباز شریف اپنی ترقی کا ساتھ دو گے،سترہ جولائی کو کوئی بھی گھر نہ بیٹھنا یہ پنجاب کی ترقی کی جنگ ہے..انہوں نے کہا کہ ہمارے دل پر بوجھ ہے ،ہمیں راتوں کو نیند نہیں اتی.