بھارت بھی فلسطینی مسلمانوں کے قتل عام میں اسرائیل کے ساتھ برابر کا شریک ہے،بھارت سے اسرائیل جانے والے بحری جہاز جس پر 27 ٹن مہلک ہتھیار اور دھماکہ خیز مواد تھا کو اسپین نے اپنی بندرگارہ پر لنگر انداز ہونے سے انکار کیا، وہ جہاز اب چنئی سے بحیرہ احمر کے چھوٹے راستے کے بجائے لمبا راستہ اٰختیار کرکے اسرائیل کے اشدود ساحل کے راستے پر ہے
اس ضمن میں سماجی رابطے کی ویب سائٹ ٹویٹر پر اوپن سیکرٹ نامی صارف نے بھارت سے اسرائیل جانے والے جہاز کی تمام لوکیشنز شیئر کی ہیں، اوپن سیکرٹ کے مطابق کارگو جہاز ڈنمارک سے جسٹرڈ ہے جس کا نام ماریانی ڈینیکا ہے 6 دن قبل تک بھارت سے اسرائیل جانے والے جہاز کا مقام اسرائیلی بندرگاہ اشدود تھا جو غزہ کی پٹی کے بالکل ساتھ ہے .راستے میں جہاز نے پورٹ گرانڈے، کیپ وردے پر لنگر انداز کیا جبکہ اس کو اسپین میں لنگر انداز ہونا تھا تاہم اسپین نے بارودی مواد سے لدے بحری جہاز کو لنگر انداز سے ہونے سے انکار کر دیا تھا اور کہا تھا کہ ” کہ وہ معصوم شہریوں کے قتل عام میں شریک نہیں ہوسکتا”۔جس کے بعد بھارت سے اسرائیل جانے والا جہاز اسپین میں لنگر انداز ہونے کی بجائے آگے بڑھ گیا
https://twitter.com/OpenSecrets7Ave/status/1796964856303677502
اسرائیلی بندر گاہ حیفہ جانے والے جہاز کو اشدود کی طرف موڑ دیا گیا تھا جو رفح،غزہ کے بہت قریب ہے اور جہاں مہاجرین کیمپوں پر بمباری ابھی شروع ہوئی ہے۔ بھارت نے اسرائیل سے 3 ارب ڈالر کا اسلحہ درآمد کیا اور چین اور پاکستان کے خلاف استعمال کیا۔ اب بھارت اسرائیل کو فلسطین کے خلاف اسلحہ مہیا کر رہا ہے،
ہسپانوی وزیر ٹرانسپورٹ کا کہنا ہے کہ جس جہاز میں بھارتی دھماکہ خیز مواد اسرائیل لے جایا جا رہا تھا اس پر ڈنمارک کا جھنڈا لگا ہوا ہے، جہاز بھارت کے چنئی سے اسرائیل کی بندرگاہ حیفہ جا رہا ہے،ہسپانوی وزیر خارجہ جوز مینوئل الباریس کا کہنا ہے کہ اسپین نے ہتھیار لے کر اسرائیل جانے والے جہاز کو ہسپانوی بندرگاہ پر لنگر انداز ہونے کی اجازت دینے سے انکار کر دیا ہے۔ یہ جہاز مبینہ طور پر بھارت سے آیا اور 27 ٹن دھماکہ خیز مواد سے لدا ہوا ہے اور ہو سکتا ہے کہ اس نے بحیرہ احمر کے راستے اسرائیل میں داخل ہونے سے گریز کیا ہو جہاں یمن کے حوثیوں کا قبضہ ہے۔یہ پہلی بار ہے جب ہم نے ایسا کیا ، ہم نے اسرائیل کو ہتھیاروں کی کھیپ لے جانے والے جہاز کا پتہ لگایا ہے جو ہسپانوی بندرگاہ پر لنگر انداز ہونا چاہتا تھا،
بھارت اسرائیل ہتھیاروں کا گٹھ جوڑ
ایل پیس اخبار کے مطابق ڈنمارک کے جھنڈے والا جہاز 27 ٹن دھماکہ خیز مواد ہندوستان کے مدراس ،چنئی سے اسرائیل کی بندرگاہ حیفہ جا رہا ہے،بھارت اسرائیلی ہتھیاروں کا سب سے بڑا خریدار ہے، جن میں سے کچھ مشرقی اور وسطی بھارت اور مقبوضہ کشمیر میں استعمال ہوتے ہیں۔پچھلے 10 سالوں میں، بھارت نے مبینہ طور پر اسرائیل سے 2.9 بلین ڈالر کا فوجی سازوسامان درآمد کیا ہے۔ جس میں جنگی ڈرون، میزائل، ریڈار اور دیگر نگرانی کے نظام شامل ہیں۔ بھارت اور اسرائیل نے 1992 میں سفارتی تعلقات کو معمول پر لایا لیکن نئی دہلی کو تل ابیب کی فوجی برآمدات 1960 کی دہائی سے ہیں۔
اسرائیل نے چین اور پاکستان کے خلاف جنگوں میں بھارت کی مدد کی ہے،۔ ایلبٹ سسٹمز، جو اسرائیل کی سب سے بڑی فوجی کمپنیوں میں سے ایک ہے، نے 2018 میں ہندوستانی گروپ اڈانی گروپ کے ساتھ مل کر جنوبی ہندوستان میں ا 900 ڈرون بنانے کے لیے کام کرنے پر رضامندی ظاہر کی، جو اسرائیل کو اپنے استعمال کے لیے واپس برآمد کیے جاتے ہیں۔ان میں سے کچھ قاتل ڈرون مبینہ طور پر بھارت نے غزہ پر جاری حملے میں اسرائیل کو بھیجے ہیں۔
ایک سال میں 16 خواتین قتل،کاروکاری کے پانچ،گمشدگی کے سات کیس رپورٹ
راہ چلتی طالبات کو ہراساں اور آوازیں کسنے والا اوباش گرفتار
