برازیل میں قبر سے ایک مقتولہ خاتون کا سر جادو ٹونے کیلئے چوری کرلیا گیا-

باغی ٹی وی: "نیویارک پوسٹ” کے مطابق 31 سالہ سبرینا تاویرس ڈی المیڈا کو اگست 2022 میں گولی مار کر قتل کر دیا گیا تھا، لیکن رواں برس مارچ میں ان کی قبر اور لاش کی بے حرمتی کی گئی جس کے بعد ریو ڈی جنیرو اسٹیٹ میں واقع قبرستان کے ایک منتظم نے فوری طور پر پولیس سے رابطہ کیا جس نے تحقیقات کا آغاز کیا، اور اب اس معاملے کو منظرعام پر لایا گیا ہے۔

کرائم ایکسپرٹ فابیو باربوسا ٹیکسیرا نے مقامی میڈیا کو بتایا کہ ہم نے پایا کنکریٹ کا چبوترا اور قبر کے اندر لکڑی کے تابوت کا ڈھکن ٹوٹا ہوا تھا اور لاش کا سر نکال لیا گیا تھا ٹیکسیرا کا خیال ہے کہ سر کی اس چوری کا المیڈا کے قتل سے کوئی تعلق نہیں تھا اور جائے وقوعہ سے ملنے والے دیگر شواہد کی وجہ سے ملزم کالا جادو کرنے والا معلوم ہوتا ہے لاش کے سر کی جگہ ایک مٹی کا پیالہ تھا جس کے اندر جلا ہوا مواد تھا۔

بھارت میں زیرتعمیر پل پر کرین گرنے سے 17 افراد ہلاک

پولیس لاش کا سر چوری کرنے والے کی تلاش میں ہے لیکن المیڈا کے وحشیانہ قتل میں پہلے ہی ایک مرکزی ملزم کا نام سامنے آچکا ہے گزشتہ اگست میں المیڈا اور ان کی والدہ فاطمہ ڈی ایزیوڈو تاویرس کو سوتے ہوئے ان کے گھر میں گھسنے والے ایک نے گولی مار دی تھی المیڈا کی جائے وقوعہ پر ہی موت ہو گئی لیکن ان کی ماں اس حملے میں بچنے میں کامیاب ہو گئیں اس کے فوراً بعد، پولیس نے المیڈا کے سابق بہنوئی، میٹیوس ڈا سلوا اوسوریو فریرا کو مشتبہ کے طور پر نامزد کیا۔

امریکا سعودی عرب میں یوکرین امن اجلاس میں شرکت کرے گا،محکمہ خارجہ

المیڈا نے ملزم کے بھائی ایک پولیس افسر سے شادی کی تھی، جسے 2016 میں قتل کر دیا گیا تھا۔ اس کی موت کے بعد، المیڈا اپنے گھر کی واحد وارث بن گئی، جس کی وجہ سے فریرا کو بہت غصہ تھا فریرا نے اپنے بھائی کے گھر کی ملکیت حاصل کرنے کی کوشش میں ایک قانونی جنگ کا آغاز کیا، لیکن یہ جنگ ہار گئے۔

استغاثہ کا کہنا ہے کہ فریرا نے المیڈا کو جائیداد دینے کے عدالتی فیصلے کو کبھی قبول نہیں کیا اور اس کے بعد اسے دھمکیاں دینا شروع کر دیں فریرا کو المیڈا کے قتل کے چار ماہ بعد گرفتار کیا گیا تھا۔ تاہم، 20 جولائی کو عدالت نے ثبوت کی کمی کا حوالہ دیتے ہوئے ملزم کو حراست سے رہا کر دیا۔

قطر میں افغان طالبان کی دو سال بعد امریکی حکام سے ملاقات

جنوبی برازیل کے شہر بلومیناؤ کے پرائمری اسکول میں نوجوان کے کلہاڑی کے وار سے 4 بچے ہلاک اور 4 زخمی ہوگئے۔

باغی ٹی وی: پولیس کے مطابق واقعہ بدھ کو ریاست سانتا کترینا کے پرائمری اسکول میں ہوا،25 سالہ حملہ آور نے اسکول میں داخل ہوکر کلہاڑی سے بچوں پر حملہ کیا حملے میں 3 لڑکوں اور ایک لڑکی سمیت 4 بچے ہلاک ہوئے،جن مین سے ایک بچے کی حالت تشویشناک بتائی جاہری ہے ہلاک ہونے والے بچوں کی عمریں 5 سے 7 برس کے درمیان ہیں۔

ننکانہ :خطرناک ڈکیت گینگ ، اشتہاری مجرم، عدالتی مفرور ،سابقہ ریکارڈ یافتہ گرفتار،ماہانہ رپورٹ جاری

رپورٹس کے مطابق حملہ آور نے ہتھیار ڈال دیے ہیں اور وہ پولیس کی حراست میں ہے حملے کے بعد حملہ آور نے پولیس اسٹیشن جا کر خود کو پولیس کے حوالے کر دیا،حملہ آور نجی طور پر چلائے جانے والے کنڈرگارٹن میں داخل ہونے کے لیے دیوار سے کودا-

پولیس کا کہنا ہے کہ حملے کی وجہ ابھی سامنے نہیں آئی ہے، واقعہ کی تفتیش جاری ہے۔

پچھلی نصف صدی میں 10 لاکھ عراقی لاپتہ ہوئے،اقوام متحدہ

ایک ٹیچر، سیمون اپریسیڈا کیمارگو نے کہا کہ یہ ایک ایسا منظر ہے جو آپ نے کبھی سوچا بھی نہیں ہوگا کہ آپ اپنی زندگی میں دیکھیں گے ایک ساتھی بھاگتا ہوا آیا کہ دروازہ بند کرو، کھڑکی بند کرو، کیونکہ کوئی عمارت میں گھس رہا ہے۔ پہلے تو ہم نے سوچا کہ یہ ڈکیتی ہے کیونکہ اس نے اندر جانے کی کوشش کی، اس لیے میں نے بچوں کو باتھ روم میں بند کر دیا، پھر کوئی آیا۔ دروازے پر یہ کہتے ہوئے کہ ‘وہ مارنے آیا ہے پری اسکول کی پوری کلاس کھیل کے میدان میں تھی۔

واقعہ کی خبر پھیلتے ہی والدین کنڈرگارٹن کی طرف بھاگے شہر کے حکام نے کم از کم کل تک بلومیناؤ میں کلاسز معطل کر دی ہیں سانتا کیٹرینا ریاست کے گورنر نے تین دن کے سوگ کا اعلان کیا ہے۔

برطانیہ؛ سائبر کرائم کی مشہور ویب سائٹ بند

یہ پہلی بار نہیں ہے کہ ریاست میں ایک کنڈرگارٹن کو حملے کا نشانہ بنایا گیا ہو۔ 2021 میں، ایک 18 سالہ شخص نے سعوداس کی میونسپلٹی میں ایک کریچ میں عملے کے دو ارکان اور تین چھوٹے بچوں کو قتل کر دیا تھا-

برازیل میں سابق صدر بولسونارو کے حامیوں نے نیشنل کانگریس کی عمارت پر حملہ کردیا

برازیل میں سابق صدر بولسونارو کے حامیوں نے نیشنل کانگریس کی عمارت، صدارتی محل اور سپریم کورٹ حملہ کر دیا ہے۔ عالمی میڈیا کے مطابق دارالحکومت برازیلیا میں تین ہزار سے زائد مظاہرین نے صدارتی محل، نیشنل کانگریس اور سپریم کورٹ میں گھس کر توڑ پھوڑ کی ، مظاہرین کی جانب سے صدر ڈی سلوا سے استعفیٰ کا مطالبہ کیا جا رہا ہے۔ برازیل کے صدر نے دارلحکومت میں سیکورٹی فورسز کو مظاہرین کے خلاف آپریشن کا حکم دے دیا ہے۔
مزید یہ بھی پڑھیں؛
کاسمیٹک مصنوعات کے نقصانات سے خبردار کرنے والی سعودی ایپلی کیشن متعارف
آج ترکیہ کی نامور مصنفہ کالدہ ادیب خانم کا یوم وفات ہے
قلعہ سیف اللہ کے قریب خوفناک ٹریفک حاثہ میں 7 افراد جاںبحق
وزیر اعظم شہباز شریف وفد کے ساتھ جنیوا پہنچ گئے
ایک کمرے میں دو دو کلاسز؛ کراچی میں سرکاری اسکول کی عمارت ٹھیکیدار نے کرائے پر دیدی
امریکی وزیرخارجہ انٹونی بلنکن کی جانب سے برازیل میں کانگریس کی عمارت پر حملے کی مذمت کی گئی ہے۔ انٹونی بلنکن کا کہنا ہے کہ جمہوری اداروں پر حملے نا قابل قبول ہیں۔ برازیل میں سابق صدر بولسونارو کے حامی ابھی تک انتخابات میں شکست کو تسلیم کرنے سے انکار کر رہے ہیں ۔

غیر ملکی خبر رساں اداروں کے مطابق سابق صدر بولسونارو کے سینکڑوں حامی بھی صدارتی محل اور سپریم کورٹ کے باہر جمع ہوئے تاہم فوری طور پر یہ واضح نہیں ہوسکا کہ آیا وہ عمارتوں میں داخل ہونے میں کامیاب ہوئے یا نہیں۔ سوشل میڈیا پر وائرل ہونے والی ویڈیوز میں بولسونارو کے حامیوں کو کھڑکیوں کے شیشے توڑتے اور نیشنل کانگریس کی عمارت کی چھت پر چڑھتے ہوئے دیکھا جا سکتا ہے۔

سیکورٹی فورسز نے مظاہرین کو منتشر کرنے کے لیے آنسو گیس کا استعمال کیا جب کہ کانگریس پر حملے کے بعد کانگریس کی عمارت اور آس پاس کے علاقے کو سیل کردیا گیا ہے۔ واضح رہے کہ یہ حملہ برازیل کے صدر لوئیز اناسیو لولا کے یکم جنوری کو حلف اٹھانے کے ایک ہفتے بعد کیا گیا ہے۔دوسری جانب برازیل کے صدر لوئیز اناسیو لولا کا کہنا ہے کہ برازیلیا فسادات میں ملوث ہر فرد کو ڈھونڈ کر سزا دی جائے گی۔

علاوہ ازیں امریکی وزیر خارجہ انتھونی بلینکن نے برازیلین کانگریس پر حملے کی مذمت کرتے ہوئے کہا ہے کہ جمہوری اداروں پر حملے ناقابل قبول ہیں۔