پشاور : چترال لواری ٹنل اور دیر روڈ پر بھی شدید برفباری کے باعث مسافر اور سیاحوں کی گاڑیوں کی لمبی قطاریں لگ گئیں۔
ملک کے بالائی علاقوں میں شدید بارشوں اور برفباری کے باعث شہریوں کی مشکلات میں اضافہ ہوگیا، برفباری کی وجہ سے چترال لواری ٹنل اور دیر روڈ پر بھی گاڑیاں پھنس گئیں۔
ضلعی انتظامیہ کا کہنا ہے کہ مشینری کی مدد سے برف ہٹانے کا کام جاری ہے تاہم گاڑیوں میں بیٹھے بچے اور خواتین کو محفوظ مقام پر پہنچا دیا گیا ہے۔چترال پولیس نے خراب موسم اور شدید برفباری کے پیش نظر سیاحوں کو چترال کی طرف سفر کرنے سے منع کردیا۔
خیال رہے کہ مری میں ہونے والی شدید برفباری میں کئی گھنٹوں سے پھنسنے سیاحوں میں سے 22 افراد جاں بحق ہوچکے ہیں، زندگی کی بازی ہارنے والوں میں دوخواتین اور آٹھ بچے بھی شامل ہیں۔
ادھرمری میں پیش آنے والے سانحہ کے بعد مری ڈویژن کے کمانڈنگ آفیسر میجر جنرل واجد عزیز نے کہا ہے کہ جب آخری سیاح کو محفوظ مقام پر نہیں پہنچاتے ریسکیو اور ریلیف آپریشن جاری رہے گا۔
میڈیا سے گفتگو کرتے ہوئے میجر جنرل واجد عزیز نے کہا ہے کہ آرمی ریلیف اینڈ ریسکیو آپریشن رات سے ہی شروع ہو گیا تھا، ملٹری پولیس کے اہلکار سول انتظامیہ کے ساتھ مل کر ٹریفک کو دیکھ رہے تھے، رات کو آرمی چیف نے کہا کہ ہدایات کا انتظار کئے بغیر مکمل تعاون کریں۔
ان کا کہنا تھا کہ کوشش یہ ہو کہ تمام لوگوں کو امداد پہنچائی جائے، کسی سیاج کو بھی پریشانی کا سامنا نہ کرنا پڑے، رات کے وقت پاک فوج کے دو کیمپ قائم کر دیئے گئے تھے، کیمپ کلڈنا میں آرمی سکول آف لاجسٹک میں قائم کیا گیا، دوسرا کیمپ سنی بینک میں قائم کیا گیا، آرمی سکول آف لاجسٹک میں 60 خاندانوں کو رکھا گیا۔
انہوں نے کہا کہ سنی بینک میں قائم کیمپ میں 50 خاندانوں کو رکھا گیا، ایف ڈبلیو او راولپنڈی کی مشینری نے ایکسپریس ہائی کو صاف کیا، شام تین بجے تک ایکسپریس وے کھل چکی تھی، جب آخری سیاح کو محفوظ مقام پر نہیں پہنچاتے ریسکیو اور ریلیف آپریشن جاری رہے گا۔
صادق آباد:ولن يؤخر الله نفسا إذا جاء أجلها ۚ والله خبير بما تعملون :مری کے بعد صادق آباد 6 بچے جاں بحق ،اطلاعات کے مطابق صادق آباد کے نواحی علاقہ بستی کلواڑ رحیم آباد میں گھر کی دیوار گرنے سے 6 بچے جاں بحق ہو گئے۔
صادق آباد کے نواحی علاقہ بستی کلواڑ رحیم آباد میں گھر کی دیوار گرنے سے 6 بچے جاں بحق ہوگئے ہیں جبکہ 2 بچے شدید زخمی بتائے جارہے ہیں، اہل علاقہ نے اپنی مدد آپ کے تحت بچوں کو مٹی کے ملبے سے نکال کر جان بحق اور زخمیوں کو قریبی نجی بسپتال منتقل کردیاہے۔
انچارج ہسپتال سید کاظم شاہ کے مطابق ہسپتال میں 6 بچوں کی نعشیں اور ایک زخمی بچی کو لایاگیا تھا زخمی بچی کو شیخ زید ہسپتال منتقل کردیاگیا ہے جبکہ اہل علاقہ کے یہ بھی بتانا ہے کہ یہ بچے دیوار کے پاس کھیل رہے تھے۔
بارش کی وجہ سے دیوار خستہ حال تھی جو اچانک ک بچوں کے اوپر آن گری، جاں بحق بچوں کی عمریں دو سال سے دس سال ہیں۔ڈپٹی کمشنر رحیم یارخان نے افسوس ناک واقعہ پر افسوس کا اظہار کیا ہے۔
ادھر مری میں برف کا طوفان، سیاحوں پر قیامت ٹوٹ پڑی، گاڑیوں میں پھنسے لوگ رات سٹرک پر گزارنے پر مجبور ہوئے، جس کے نتیجے میں سردی کے باعث 22 افراد جاں بحق ہوگئے، وفاقی وزیر داخلہ شیخ رشید احمد نے 22 افراد کے جاں بحق ہونے کی تصدیق کی ہے۔
مری میں پیش آنے والے سانحہ کے بعد مری ڈویژن کے کمانڈنگ آفیسر میجر جنرل واجد عزیز نے کہا ہے کہ جب آخری سیاح کو محفوظ مقام پر نہیں پہنچاتے ریسکیو اور ریلیف آپریشن جاری رہے گا۔
میڈیا سے گفتگو کرتے ہوئے میجر جنرل واجد عزیز نے کہا ہے کہ آرمی ریلیف اینڈ ریسکیو آپریشن رات سے ہی شروع ہو گیا تھا، ملٹری پولیس کے اہلکار سول انتظامیہ کے ساتھ مل کر ٹریفک کو دیکھ رہے تھے، رات کو آرمی چیف نے کہا کہ ہدایات کا انتظار کئے بغیر مکمل تعاون کریں۔
مری : پاکستان تحریک انصاف (پی ٹی آئی) کی وفاقی اور پنجاب حکومت کی اتحادی جماعت مسلم لیگ ق مری سانحہ پر انتظامیہ پر برس پڑی۔
وفاقی وزیر برائے آبی وسائل مونس الٰہی نے سماجی رابطے کی ویب سائٹ ٹویٹر پر لکھا کہ مری میں کیا اتنی برف پہلی دفعہ پڑی تھی؟ حکومت میں جو سیاحوں کو آج کے المناک سانحہ کا قصور وار ٹھہرا رہے ہیں وہ خدارا ہوش کریں-
مری میں کیا اتنی برف پہلی دفعہ پڑی تھی؟ حکومت میں جو سیاحوں کو آج کے المناک سانحہ کا قصور وار ٹھہرا رہے ہیں وہ خدارا ہوش کریں- متاثرین کی امداد میں فوجی جوانوں، مقامی شہریوں اور ہوٹلوں کا کردار قابل تعریف مگر انتظامیہ کی کارکردگی قابل مذمت- #Muree#PakArmy
انہوں نے لکھا کہ متاثرین کی امداد میں فوجی جوانوں، مقامی شہریوں اور ہوٹلوں کا کردار قابل تعریف ہے مگر انتظامیہ کی کارکردگی قابل مذمت ہے۔
ادھر آج شام پولیس کی طرف سے ایک دُکھ بھری خبرجاری کی گئی کہ مری میں جہاں سانحہ کی وجہ سے ایک طرف جنازے اُٹھ رہے ہیں وہاں دوسری طرف انتظامیہ اورحکام لوگوں سے یہ درخواستیں کررہے ہیںکہ خدارا ابھی نہ جائیں رش کم ہونے دیں مگرکوئی بات سُننے کے لیے تیار ہی نہیں
مری سے یہ مناظردیکھنے والوں کا کہنا ہے کہ بڑی عجیب بات ہے کہ حکومت پچھلے دو روز سے لوگوں کو احتیاط برتنے کا کہہ رہی تھی لیکن لوگوں نے پرواہ تک نہ کی اور اتنے بڑے سانحہ کا سامنا کرنا پڑا
دوسری طرف ابھی ابھی مری سے اسی حوالے سے تازہ ترین اطلاعات میں بتایا گیا ہے کہ حکام اب بھی سیرسپٹے کے شوقین افراد کو انتظار کرنے اور رش کم ہونے تک مری نہ جانے کی گزارشات پیش کررہے ہیں لیکن عوام الناس کو پرواہ تک نہیں اورپھرایسے آنکھیں بند کرکے آگے بڑھ رہے ہیں کہ شاید اس کے بعد دوبارہ موقع ہی نہ ملے
مری سے آمدہ اطلاعات میں بتایا گیا ہے کہ ہنگامی صورتحال کے باوجود منچلے مری جانے پر بضد، داخلی راستوں پر بڑی تعداد موجود ہیں،ملکی سیاحتی مقام مری میں برفانی طوفان اور ہلاکتوں کے باوجود منچلے مری جانے پر بضد ہیں۔
آگاہی اعلانات کے باوجود بڑی تعداد میں سیاح مری کے داخلی راستوں پر موجود ہیں جس کے باعث اسلام آباد سے مری جانے والے راستے پر شدید ٹریفک جام ہوگیا۔17 میل کے علاقے پر رینجرز نے راستہ بند کردیا جبکہ رینجرز اور انتظامیہ کی شہریوں سے واپس جانے اورتعاون کرنے کی اپیل کی ہے۔
پاک فوج کے دستے عوام الناس کی خدمت میں مصروف ہیں اور سخت سردی میں محنت اورمحبت کے ساتھ خدمت کی وجہ سے ان کےپسینے چھوٹ رہے ہیں لیکن ان کو بس ایک ہی فکر ہے کہ ہمارے اہل وطن مشکلات اورنقصان سے محفوظ رہ سکیں ، انہیں مقاصد کے تحت مری کے تمام انٹری پوائنٹس پر سیاحوں کو روکنے کیلئے خصوصی پکٹس قائم کردی گئیں ہیں۔
اُدھر انتظامیہ نے اتوار کی رات تک گاڑیوں کے مری داخل ہونے پر پابندی لگا رکھی ہے جبکہ مری کو آفت زدہ بھی قرار دے دیا گیا ہے۔
خیال رہے کہ مری میں شدید برفباری اور سیاحوں کے رش کی وجہ سے صورتحال انتہائی خراب ہوگئی اور 20 سے زائد افراد کی گاڑیوں میں اموات کے بعد سیاحتی مقام کو آفت زدہ قرار دے دیا گیا ہے۔
باغی ٹی وی کی رپورٹ کے مطابق مری میں برف باری میں پھنسے افراد کی اموات میں اضافہ ہوا ہے
ریسکیو حکام کے مطابق اموات کی تعداد 22 ہو چکی ہے تا ہم ابھی اموات میں مزید اضافے کا خدشہ ہے کیونکہ روڈ بند ہونے کی وجہ سے کئی گاڑیاں رات کو کھلے آسمان تلے تھیں اور ان میں شہری پھنسے ہوئے تھے، رات کو برفباری جاری رہی، صبح جب شہریوں نے گاڑیوں کے دروازے کھولنے کی کوشش کی تو کئی گاڑیوں میں شہری یا تو بیہوش تھے یا انکی موت ہو چکی تھی
ریسکیو حکام نے مری میں مرنے والوں کی تفصیلات جاری کی ہیں، واقعہ کی اندوہناک ویڈیو سامنے آئی ہیں، چھوٹے چھوٹے بچے گاڑیوں میں لاشیں، ویڈیو وائرل ہو چکی ہیں، ریسکیو حکام کے مطابق مری میں ہونے والی برفباری میں اسلام آباد پولیس کا اہلکار اہلخانہ سمیت جاں بحق ہو گیا ،ترجمان اسلام آباد پولیس کے مطابق اسلام آباد پولیس کا اے ایس آئی تھانہ کوہسار میں تعینات تھا ،پولیس اہلکار کی گاڑی میں7سے 8 افراد سوار تھے تمام افراد برف باری اور سردی میں امداد نہ ملنے پر جان کی بازی ہار گئے
مری افسوسناک حادثہ میں جاں بحق ہونے والے اے ایس آئی کا تعلق تلہ گنگ سے ہے اے ایس آئی نوید اپنی اہلیہ اور پانچ بچوں سمیت برف باری میں جاں سے ہاتھ دھو بیٹھے محمد نوید تھانہ کوہسار اسلام آباد میں تعینات تھے ۔ فیملی سمیت اسلام آباد رہائش پذیر تھے محمد نوید صبح نو بجے مری کےلئے روانہ ہوئے ، واپسی پر انکی کار برف باری میں پھنس گئی محمد نوید انکی اہلیہ اور پانچ بچوں کی میتیں ان کے آبائی گاؤں دودیال پہنچانے کے انتظامات کئے جا رہے ہیں ۔
مری میں مرنیوالوں میں گوجرانوالہ کے 31 سال کے اشفاق ولد یونس، لاہور کے 31 سال کے معروف ولد اشرف شامل ہیں، ایک شخص کی شناخت نہیں ہو سکی، 46 سال کے محمد شہزاد ولد اسماعیل اور 35 سال کی مسز شہزاد عمران اور ان کے 2 بچوں کی بھی موت ہوئی ہے، 21 سال کے محمد بلال ولد غفار بھی ، 24 سال کے محمد بلال حسین ولد سیدغوث کی بھی موت ہوئی ہے
آئی جی اسلام آباد محمد احسن یونس کی ہدایت پر ASP کوہسار بینش فاطمہ اور SHO کوہسار گزشتہ رات مری میں تین بیٹیوں اور ایک بیٹے سمیت وفات پانے والے ASI نوید اقبال کی بیوی اور 1 بیٹے کے ساتھ انکے گھر پر موجود ہیں۔ اسلام آباد پولیس کی 3 ایمبولینسز مرحوم ASI اور فیملی کے جسد خاکی لینے مری روانہ ہوچکی ہیں۔اسلام آباد پولیس کے دو افسران بھی مری روانہ ہیں۔ اسلام آباد پولیس راولپنڈی انتطامیہ کے ساتھ رابطے میں ہے۔
وفاقی وزیر حماد اظہر کا کہنا ہے کہ مری میں شدید برف باری کے باعث بجلی کے نظام میں بھی تعطل آیا ہے۔ مری سٹی کے ایک فیڈر کو بحال کیا جا چکا ہے جبکہ شہر کے باقی دو فیڈرز بھی تقریباً ایک گھنٹے تک بحال ہو جائیں گے۔ شدید برف باری کے باوجود آئیسکو کے سٹاف کو بجلی بحال کرنے کی ہدایت دی ہے۔
دوسری جانب سماجی رابطے کی ویب سائٹ ٹویٹر پر چھوٹی چڑیا حنا نے مری میں پاک فوج کی جانب سے آپریشن کی تصاویر شیئر کی اور ساتھ کہا کہ تقریبا چار دن سے بلوچستان ریسکیو ہورہا ہے سیلاب اور طوفانی بارشوں میں پھنسے لوگوں کی مدد کررہی فوج آج مری میں پھنسے لوگوں کی مدد کررہی ہے فوج ،لیکن اس سب کے بعد فوج کہ حصہ میں آتی ہے گالیاں طعنے بجٹ کے بھاشن۔۔جہموریت کے چیمپئن اپنے اپنے بنگلوں میں سورہے ہیں
قبل ازیں پاک فوج کے اہلکار مری پہنچ گئے ،مری میں فوجی دستے سول انتظامیہ کی مدد میں مصروف ہیں ،ڈی جی آئی ایس پی آر کے مطابق مری ڈویژن کے دستے ٹریفک میں پھنسے افراد کو نکالنے میں مصروف ہیں مرکزی شاہراہو ں کو کھولنے کے لیے آرمی انجینئرز بھی پہنچ گئے، لوگوں کو کھانا،پانی، چائے و دیگر ضروری سامان فراہم کیا جا رہا ہے لوگوں کومحفوظ شیلٹر فراہم کیا گیاہے ایف ڈبلیو او کے جوان مشینری کے ساتھ روڈ کھولنے میں مصروف ہیں
جمعیت علماء اسلام ف کے سربراہ مولانا فضل الرحمان کا کہنا ہے کہ مری میں 19سیاحوں کی ہلاکت اندوہناک سانحہ ہے، بغیر وارننگ سیاحوں کو داخلے کی اجازت دی ،برف باری میں پھنسے لوگوں کو بے یار ومددگارچھوڑ دیا گیا،مری کے عوام اپنے پاکستانی بہن بھائیوں کی مدد کریں،
مری اور گلیات میں سیاحوں کی اموات کے خلاف مذمتی قرارداد پنجاب اسمبلی میں جمع کروا دی گئی،قرارداد رکن پنجاب اسمبلی رابعہ فاروقی نے جمع کروائی ،،قرارداد کے متن میں کہا گیا کہ ایوان مری اور گلیات میں سیاحوں کی اموات پر گہرے رنج و غم کا اظہار کرتا ہے،مری واقعہ انتظامی نااہلی اور مجرمانہ غفلت کا نتیجہ ہےحکومت کی انتظامی صلاحیت نہ ہونے کے برابر ہے، شہریوں کو بچانے اور محفوظ مقامات تک پہنچانا حکومت کی ذمہ داری ہے،محکمہ موسمیات کی پیشن گوئی کے باوجودحکومت کا حرکت میں نہ آنا سنگین جرم ہے، مجرمانہ غفلت پر وزیر اعظم اور وزیر اعلیٰ پنجاب فی الفور مستعفی ہوں
سابق وزیراعظم ،ن لیگ کے رہنما شاہد خاقان عباسی کا کہنا ہے کہ حکومت مری میں پھنسے سیاحوں کی مدد کرنے سے قاصر ہے،وزرا اور حکام فوٹو بنا بنا کر سوشل میڈیا پر ڈال رہے ہیں بدنصیبی ہے کہ ایسے لوگ ملک کے حکمران ہیں،مری میں سیاحوں کی اموات پر افسوس ہے، مری میں مقامی افراد سیاحوں کی مدد کررہے ہیں، ریکارڈ برفباری سے متعلق محکمہ موسمیات ایک ہفتہ قبل بتا چکا تھا،یہ جھوٹ سے نہیں چھپ سکتے،یہ آپ کی غفلت ہے اربوں روپے کی مشینری مری میں موجود ہے کالاباغ سے لیکر باڑیاں تک گلیات کی سڑک بند ہے،
محکمہ موسمیات نے آئندہ ہفتے بارشوں اور برفباری کی پیش گوئی کی ہے-
باغی ٹی وی : محکمہ موسمیات کے مطابق خیبر پختونخوا کے بیشتر اضلاع میں پیرسے بارش اور پہاڑوں پر برفباری کا امکان ہے جبکہ ،چترال، دیر، سوات، مالاکنڈ، کوہستان، شانگلہ اورمانسہرہ میں بارش متوقع ہے۔
محکمہ موسمیات کے مطابق ایبٹ آباد، ہری پور، مردان، نوشہرہ، پشاور، کوہاٹ اورباجوڑ میں بارش کا امکان ہے۔ گلیات، ناران، کاغان چترال، دیر، سوات اور مالم جبہ کے پہاڑوں پر برفباری متوقع ہے۔
محکمہ موسمیات کی جانب سے بالائی اضلاع میں تیز بارش اور برفباری کے باعث روڈ بندش اور لینڈسلاڈینگ کا خدشہ بھی ظاہر کیا گیا ہے جبکہ بارشوں اور برفباری کا سلسلہ پیر سے جمعرات تک جاری رہنے کی پیش گوئی کی گئی ہے۔
علاوہ ازیں بلوچستان کے مختلف اضلاع میں بھی آج سے بارش اور پہاڑوں پر برف پڑنے کا امکان ہے محکمہ موسمیات نے چمن، قلعہ عبداللہ، قلعہ سیف اللہ، زیارت، کوئٹہ اورملحقہ علاقوں میں بارش اور برفباری کی پیش گوئی کی ہے۔
محکمہ موسمیات کے مطابق بلوچستان کے بیشتر اضلاع میں سخت سردی اور سرد ہواوں کا راج رہے گا گزشتہ چوبیس گھنٹے میں کوئٹہ میں کم سے کم درجہ حرارت منفی 2 گری سینٹی گریڈ کیا گیا ۔زیارت میں کم سے کم درجہ حرارت منفی4 اور قلات میں کم سے کم درجہ حرارت منفی3گری سینٹی گریڈ کیا گیا۔
مری میں برفباری،سیاحوں کی آمد،60 ہزار سے زائد گاڑیاں مری پہنچ گئیں
سی ٹی او راولپنڈی تیمور خان کی سربراہی میں ٹریفک وارڈنز سیاحوں کی خدمت میں پیش پیش ہیں
مری میں ہزاروں کی تعداد میں سیاحوں کی آمد کا سلسلہ جاری ہے، ڈی ایس پی ٹریفک مری اجمل ستی خود آن فیلڈ ٹریفک وارڈنز کے ساتھ سیاحوں کی مدد اور رہنمائی کے لیے موجود ہیں، ترجمان ٹریفک پولیس کے مطابق مری میں گزشتہ رات تک 60560 گاڑیوں داخل ہوچکی ہیں.مری میں صرف 3500گا ڑیوں کی پارکنگ کی گنجائش ہے۔ پارکنگ کی کمی اور سلیپری روڈ ہونے کے باوجود ٹریفک وارڈن بھرپور انداز میں ٹریفک کی روانی کو برقرار رکھے ہوئے۔ٹریفک پولیس برف باری کے دوران 700 سے زائد سیاحوں کو آن گراﺅنڈ مدد بھی فراہم کی۔
مری۔ سیاح فیملی کی گاڑی خراب ہونے کی صورت میں ٹریفک پولیس کے افسران انکی مدد کو پہنچے۔ CPO ساجد کیانی کی ہدایات کے مطابق راولپنڈی سٹی و ٹریفک پولیس سخت سرد موسم میں سیاحوں کےتحفظ اور ٹریفک کی روانی بحال رکھنے کے ساتھ ساتھ ہر ممکن مدد و رہنمائی کےلیے سرگرم عمل ہیں۔ @SajidKianiPSPpic.twitter.com/ErGUlC5Uoh
سیاحوں کی سہولت کے لیے ٹریفک پولیس فری ٹو ٹرک سروس بھی فراہم کر رہی ہے۔سیاحوں کی سہولت کے لیے ٹریفک اہلکار صبح تک اضافی اوقات میں بھی ڈیوٹی سر انجام دیتے رہے پارکنگ کی کمی کے باعث مخصوص جگہوں پر سنگل لائن میں پارکنگ کروائی جا رہی ہے۔سیاح حضرات پارکنگ کی کمی کے باعث گاڑی کو مناسب جگہ پر پارک کریں تاکہ ٹریفک کے بہاؤ میں خلل پیدا نہ ہو۔ مری کی تمام روڈز پر دو-طرفہ ٹریفک چلتی ہے لہذا ڈبل لائن بنانے سے گریز کریں۔ مری میں احتیاط سے ڈرائیونگ کریں اور صبر وتحمل سے کام لیں. دوران ڈرائیو نگ ٹریفک قوانین پر سختی سے عمل کریں.روڈ پر گاڑی کھڑی کر کے سلفیاں نہ بنائیں.سرکل مری میں کسی بھی جگہ ٹریفک پرابلم پیش آنے کی صورت میں ہیلپ لائن 0519269200پر رابطہ کریں.
اتوار و پیر کو ملک کے مختلف علاقوں میں بارش اور پہاڑوں پر برفباری متوقع ہے۔
باغی ٹی وی :محکمہ موسمیات کے مطابق ملک میں بارشوں کا سبب بننے والا مغربی ہواؤں کاسلسلہ بلوچستان میں داخل ہو چکا ہے جس کے باعث ملک کے بیشتر اضلاع میں گہرے بادلوں کا راج ہے اورسردی کی شدت میں بھی اضافہ ہوا ہے-
کل سے لاہور، گوجرانوالہ، سیالکوٹ، فیصل آباد اور جنوبی پنجاب میں بارش متوقع ہے اس کے علاوہ کراچی،سکھر ،میر پور خاص سمیت متعدد شہروں میں تیز ہواوں کے ساتھ بارش کا امکان ہے۔
محکمہ موسمیات کے مطابق اتوار کو بلوچستان ،خیبر پختونخوا، پوٹھوہار، وسطی/جنوبی پنجاب،گلگت بلتستان اورکشمیر میں بارش اور برفباری کا امکان ہے۔ اس دوران پنجاب کے میدانی علاقوں میں رات و صبح کے اوقات میں دھند اور اسموگ چھائے رہے گی-
دوسری جانب اسلام آباد، راولپنڈی، چکوال، جہلم ، گجرات میں بھی بارشوں کا امکان ہے جبکہ نیلم، مری، گلیات، کاغان ناران، سکردو، گلگت، استور، ہنزہ، چترال، سوات مالم جبہ میں برفباری متوقع ہے۔
اس سے قبل محکمہ موسمیات نے 25اور 26 دسمبر 2021 کو سردی کی شدید ترین لہر کے پاکستان میں داخل ہونے کی پیش گوئی کی تھی جس سے سردی کا52 سالہ ریکارڈ ٹوٹنے کا امکان ہے ہیڈ کوارٹر ائیر پورٹس سیکیورٹی فورس کی جانب سے مراسلہ جاری کیا گیا تھا جس کے مطابق 25اور 26 دسمبر 2021 کو سردی کی شدید ترین لہر کے پاکستان میں داخل ہونے کا امکان ہے جس کے باعث درجہ حرارت 1 تا 2ڈگری سینٹی گریڈ تا منفی 1 تامنفی 2 ڈگری سینٹی گریڈ تک گر سکتا ہے جس سے سردی کا 52 سالہ ریکارڈ بھی ٹوٹ سکتا ہے-
بتایا گیا تھا کہ سائیبیریا سے آنے والی یہ سرد ہوائیں 28 تا 29 دسمبر 2021 کو تمام عام معمولات زندگی کاروبار نقل و حمل اور ماحول کو بری طرح متاثر کر سکتی ہیں اور اسی دوران 26دسمبر کو صبح 8 بج کر 41 منٹ تا صبح 10 بج کر 41 منٹ تک مکمل سورج گرہن ہو گا اور بتدریج درجہ حرارت گرنے کا خدشہ ہے جس سے سردی کی شدت مزید بڑھ سکتی ہے جس سے تمام افسران و اہل کاران کے متاثر ہونے کا امکان ہے-
لاہور میں سموگ کا راج،کب ہو گی بارش؟
ہفتہ سے ملک بھر میں بارش اور پہاڑوں پر برفباری کا امکان ہے
محکمہ موسمیات کے مطابق مغربی ہواؤں کا سلسلہ ہفتہ کوملک کے مغربی اوربالائی علاقوں میں داخل ہو گا ، طویل خشک موسم کے بعد مغربی ہواؤں کا سلسلہ ہفتہ کی ( شام / رات) کو ملک کے مغربی /بالائی علاقوں میں داخل ہو گا
پنجاب کے میدانی علاقوں میں دھند اوراسموگ پڑنے کا امکان ہے، ملک کے بیشتر علاقوںمیں موسم سرد اور خشک رہے گا،اسلام آباد میں موسم سرد اور مطلع جزوی ابر آلود رہنے کا امکان ہے، خیبر پختونخوا،کشمیر اور گلگت بلتستان میں چند مقا مات پر بارش اوربرفباری کی توقع ہے، ہری پور،ایبٹ آباد ،مانسہرہ ،دیر، چترال ، کرم، بونیر، شانگلہ اور سوات میں بارش کاامکان ہے
وادی نیلم میں بارش اور بالائی علاقوں میں برف باری کی وجہ سے سردی کی شدت میں اضافہ ہو گیا ہے، ڈسٹرکٹ ہیڈ کوارٹر آٹھمقام ،سالخلہ ،سیاحتی مقام کیرن ،کنڈلشاہی میں بارش ہوئی ہے. کیل ،گریس ،تاؤبٹ ،رتی گلی ،شونٹھر ،سرگن ،بابون میں برف باری جاری ہے
دوسری جانب لاہورشہر میں اسموگ اور فضائی آلودگی کا راج برقرار ہے، آلودہ ترین شہروں میں 319 اے کیو آئی کے ساتھ لاہور کا دوسرا نمبرہے، محکمہ موسمیات کے مطابق شہر میں اگلے ہفتے بارش کا امکان ہے،
مظفرآباد (نمائندہ باغی ٹی وی) دارلحکومت مظفرآباد اور گردونواح میں مسلسل ہلکی بارش، سردی کی شدت میں اضافہ ہوگیا۔ شہر میں برساتی نالے بند ہونے کے باعث سڑکیں تالاب کا منظر پیش کرنے لگیں، ندی نالے بھی غیر معمولی پانے سے بھر گئے۔ برف باری کے باعث لیپہ ویلی اور بالائی نیلم کا زمینی راستہ دارلحکومت سے کٹ گیا، لوگ گھروں میں محصور، غذائی اجناس اور ادویات کی قلت سے عوام نئے امتحان سے دوچار۔ اہل علاقہ کا ہیلی کاپٹر سروس کا مطالبہ تاحال پورا نہ ہو سکا۔
