Tag: بریکنگ

سابق وزیرداخلہ شیخ رشید کاکہنا ہےکہ توقعی ہے آج الیکشن کے بعد عمران خان لانگ مارچ کی کال دیں گے۔راولپنڈی میں پریس کانفرنس کرتے ہوئے سربراہ عوامی مسلم لیگ شیخ رشید کا کہنا تھا کہ توقع ہےآج الیکشن کےبعد عمران خان لانگ مارچ کی کال دیں گے،عمران خان سےدرخواست ہےعوام توقع رکھتی ہے آر یا پارکرو، پاکستان کی فوج اپنے لوگوں پرگولی نہیں چلا سکتی۔

شیخ رشید کا کہنا تھا کہ جو مرضی ویڈیو اور آڈیو لے آئیں عمران کوکچھ نہیں ہوگا، عمر کے اس حصے میں عمران خان کے ساتھ ہوں، اوراللہ کے بعد عوام کی بڑی تعداد ہمارے ساتھ ہے، ہم عمران خان کے ساتھ اس کی سلامتی کے لیے کھڑے ہیں۔

سابق وزیر نے کہا کہ پاکستان میں مذہبی انتشار پھیلانے کی عالمی سازش ہورہی ہے، شہباز شریف کو کہتا ہوں کہ قومی سلامتی پر آپ کے کسی غیر ذمہ دارانہ اقدام پر قوم آپ کے ساتھ نہیں کھڑی ہو گی۔

شیخ رشید کا کہنا تھا کہ جب سے اسحاق ڈار آیا ہے ایک ارب ڈالر خرچ کر چکا ہے، محکموں میں تنخواہیں دینے کے پیسے نہیں ہیں، اور شہبازشریف فضل الرحمان سے دم کرا رہے ہیں جو دم پر یقین ہی نہیں رکھتے۔

سابق وزیر داخلہ نے کہا کہ یہ گینگ آف فائیو کی حکومت ہے، چوروں کی بارات کو عوام کی آنکھوں کے خون کا اندازہ نہیں، عوام آپ کے چونچلے دیکھ رہے ہیں، ان کو آج شام کو معلوم ہو جائے کہ ان کی سیاست آج ختم ہو گئی ہے۔

شیخ رشید نے مزید کہا کہ یقین سے کہتا ہوں کہ اتھارٹی وزیر اعظم کے پاس ہے لیکن ہلکی پھلکی موسیقی سے کام نہیں چلنا، اس ملک میں قانوں بک رہا ہے، جیل کا دروازہ کھولیں اور ان چوروں کو اندر کریں، مجھے پوری امید ہے سپریم کورٹ 22 کروڑ لوگوں کی خواہشات کے مطابق فیصلہ کریں گی۔

راولپنڈی:سات دن میں لال حویلی خالی کریں ورنہ بیدخل کردیاجائیگا، شیخ رشیدکو نوٹس جاری.یہ نوٹس متروکہ وقف املاک راولپنڈی کےڈپٹی ایڈمنسٹریٹرآصف خان کی طرف سےجاری کیاگیاہے،بیدخلی کےاس نوٹس میں ڈپٹی ایڈمنسٹریٹر کیجانب سےشیخ رشید اور ان کےبھائی شیخ صدیق کو لال حویلی سمیت متروکہ وقف املاک کی 7 اراضی یونٹس سے بےدخلی کا نوٹس جاری کیا گیا ہے۔

نوٹس میں کہا گیا ہے کہ زیر قبضہ اراضی یونٹس 7 دن میں خالی کریں ورنہ آپ کو بذریعہ پولیس بے دخل کر دیا جائے گا۔ڈپٹی ایڈمنسٹریٹر متروکہ وقف املاک بورڈ آصف خان نے ڈپٹی کمشنر راولپنڈی کو پولیس کی معاونت کے لیے بھی خط لکھ دیا ہے۔خط میں 7 اراضی یونٹس خالی کرانےکے لیے 19 اکتوبر کو پولیس کی مدد مانگی گئی ہے۔

ڈپٹی ایڈمنسٹریٹر کا کہنا ہے کہ لال حویلی سمیت متروکہ وقف املاک کی 7 اراضی یونِٹس کیس کی متعدد سماعتیں ہو چکیں، شیخ رشید اور ان کے بھائی شیخ صدیق کوئی مستند دستاویزات پیش نہیں کر سکے۔

یہ بھی یاد رہے کہ اس سے پہلے عوامی مسلم لیگ کے سربراہ شیخ رشید کے لال حویلی سمیت متروکہ وقف املاک کی 7 اراضی یونِٹس پر قبضے کے کیس کا فیصلہ محفوظ کرنے والے راولپنڈی کے ڈپٹی ایڈمنسٹریٹر وقف املاک آصف خان کو ہٹا دیا گیا۔

ڈپٹی ایڈمنسٹریٹر وقف املاک راولپنڈی آصف خان کو ہیڈ آفس لاہور رپورٹ کرنے کا حکم دیتے ہوئے ایڈمنسٹریٹر وقف املاک راولپنڈی تنویر خان کو ڈپٹی ایڈمنسٹریٹر کا اضافی چارج دیا گیا ہے۔ڈپٹی ایڈمنسٹریٹر آصف خان کو چند روز میں لال حویلی سمیت 7 اراضی یونِٹس کیس کا فیصلہ سنانا تھا۔

ذرائع کے مطابق سیکریٹری وزارتِ مذہبی امور آفتاب درانی کے شیخ رشید سے قریبی تعلقات ہیں۔اس حوالے سے آفتاب درانی کا کہنا ہے کہ ڈپٹی ایڈمنسٹریٹر وقف املاک راولپنڈی آصف خان کے تبادلے سے میرا کوئی تعلق نہیں۔شیخ رشید اور ان کے بھائی شیخ صدیق نے متروکہ وقف املاک بورڈ کے خلاف عدالت سے بھی رجوع کیا تھا، تاہم عدالت نے ان کی درخواست خارج کر دی تھی۔

متروکہ وقف املاک میں لال حویلی سمیت 7 اراضی یونِٹس پر قبضے کے کیس کی متعدد سماعتیں ہوئی ہیں۔شیخ رشید کے مستند دستاویزات پیش نہ کیے جانے پر زیرِ قبضہ اراضی پر فیصلہ محفوظ کیا گیا تھا۔شیخ رشید اور ان کے بھائی شیخ صدیق نے گزشتہ روز عدالت سے ایک بار پھر رجوع کیا تھا۔

اسلام آباد:قومی ادارہ برائے صحت اسلام آباد نے وفاقی وزارت صحت کی جانب سے جاری کردہ نوٹیفکیشن کے بعد ذیابطیس کے مریضوں کا قومی ڈیٹا اکٹھا کرنے اور مرض کی روک تھام کیلئے ’’ڈائبٹیز رجسٹری آف پاکستان‘‘ کا انتظام باضابطہ طور پر سنبھال لیا ہے۔اس بات کا انکشاف انٹرنیشنل ڈائبٹیز فیڈیریشن مشرق وسطیٰ اور جنوبی افریقا کے صدر پروفیسر عبدالباسط نے ہفتہ کے روز کراچی کے مقامی ہوٹل میں انٹرنیشنل ڈائبٹیز فٹ کانفرنس سے خطاب کرتے ہوئے کیا۔

انٹرنیشنل ڈائبٹیز فیڈریشن کے مینا ریجن پریذیڈنٹ پروفیسر عبدالباسط کا کہنا تھا کہ نیشنل انسٹی ٹیوٹ آف ہیلتھ اسلام آباد نے وفاقی وزارت صحت کے نوٹیفکیشن کے ذریعے ذیابطیس رجسٹری آف پاکستان کا انتظام باضابطہ طور پر سنبھال لیا ہے تاکہ ٹائپ ون اور ٹائپ 2 ذیابطیس کے مریضوں کا ملک بھر سے ڈیٹا اکٹھا کیا جاسکے۔

انہوں نے کہا کہ این آئی ایچ کے ایگزیکٹو ڈائریکٹر جنرل عامر اکرام کی طرف سے مطلع کیا گیا ہے کہ NIH نے باضابطہ طور پر بقائی انسٹی ٹیوٹ آف ڈائیبیٹولوجی اینڈ اینڈو کرائنولوجی سے ذیابطیس رجسٹری آف پاکستان کا انتظام سنبھال لیا ہے۔

نیشنل ایسوسی ایشن آف ذیابطیس ایجوکیٹرز آف پاکستان نے بقائی انسٹی ٹیوٹ آف ڈائیبیٹولوجی اینڈ اینڈو کرائنالوجی، انٹرنیشنل ڈائیبیٹس فیڈریشن، ڈائبیٹک فٹ انٹرنیشنل اور دیگر کے اشتراک سے ’NADEP Footcon 2022 کے عنوان سے تین روزہ بین الاقوامی کانفرنس کا انعقاد کیا، جس میں دنیا کے کئی ممالک کے ساتھ ساتھ پاکستان کے دیگر شہروں کے ماہرین صحت بھی شرکت کر رہے ہیں۔

پروفیسر ڈاکٹر عبدالباسط نے مزید کہا کہ ذیابطیس کی پیچیدگیوں کی وجہ سے پاکستان میں ہر سال تقریباً 4 لاکھ افراد کی ٹانگیں کاٹ دی جاتی ہیں کیونکہ اس مرض میں پاؤں کا زخم ہونا ایک بنیادی پیچیدگی ہے، پاکستان میں تقریباً 3 کروڑ 30 لاکھ لوگ ذیابطیس کے مرض کے ساتھ زندگی گزار رہے ہیں، جن میں سے زیادہ تر لوگ پاؤں یا ٹانگیں کٹنے کے 5 سال کے اندر ہی دم توڑ دیتے ہیں۔ان کا کہنا تھا کہ 75 سے 80 فیصد لوگوں کے پاؤں اور ٹانگیں کٹنے سے بچانے کیلئے پورے ملک میں ڈائبیٹک فٹ کلینک قائم کرنے کی ضرورت ہے۔

ڈاکٹر عبدالباسط نے کہا کہ ذیابطیس ملک میں جنگل کی آگ کی طرح پھیل رہا ہے اور ابھی سے حفاظتی اقدامات نہ کئے گئے تو اگلے 10 سالوں میں پاکستان میں یہ تعداد دگنی ہوکر 6 کروڑ 60 لاکھ تک پہنچ سکتی ہے۔انہوں نے بتایا کہ بقائی انسٹیٹیوٹ نے ملک بھر میں 118 فٹ کلینکس قائم کئے ہیں، جہاں ذیابطیس کے مرض سے پیدا ہونے پیچیدگیوں کو روکنے کیلئے مدد مل رہی ہے اور ان کلینکس کے نتیجے میں ذیابطیس کے مریضوں کے پاؤں کٹنے کی شرح میں 50 فیصد کمی آئی ہے۔

تقریب کے مہمان خصوصی اور پاکستان میڈیکل کمیشن صدر پروفیسر نوشاد شیخ نے خطاب میں ذیابطیس کو پاکستان کیلئے آنے والے وقتوں میں صحت کا سب بڑا چیلنج قرار دیا اور کہا کہ فوری تدارک کیلئے اقدامات نہ کئے گئے تو 2032ء تک ملک میں ذیابطیس کے مریضوں کی تعداد ساڑھے 6 کروڑ سے تجاوز کر جائے گی۔ان کا کہنا تھا کہ ان حالات میں آگہی اور حفاظتی انتظامات ہی وہ بنیادی طریقہ کار ہیں جن کے ذریعے اس وبائی مرض سے ملک کو محفوظ رکھا جا سکتا ہے۔ انہوں نے میڈیکل انسٹیٹیوٹس خاص طور پر میڈیکل یونیورسٹیوں پر زور دیا کہ وہ طبی تحقیق کو فروغ دیں۔

کانفرنس سے خطاب کرتے ہوئے ڈاکٹر زاہد میاں نے کہا کہ ملک میں ذیابطیس سے بچاؤ کیلئے ضروری ہے کہ فٹ مینجمنٹ پر کام کیا جائے اور فٹ کیئر کلینکس بنائے جائیں۔ان کا کہنا ہے کہ ہم اس وقت ملک بھر میں 118 کلینکس قائم کرچکے ہیں، اگلے سال ان کلینکس کی تعداد کو بڑھاکر 300 تک لے جائیں گے اور ہمارا ٹارگٹ ہے کہ ملک بھر میں 3 ہزار فٹ کیئر کلینکس قائم ہوں تاکہ لوگوں کے پاؤں کٹنے سے بچا سکیں، بلکہ ان کی زندگیوں کو بھی محفوظ کیا جا سکے۔

نیشنل ایسوسی ایشن آف ڈائبیٹیز ایجوکیٹرز آف پاکستان کے صدر ڈاکٹر سیف الحق نے کہا کہ پرائمری سطح پر جب تک ڈائبٹیز کیلئے کام نہیں ہوگا تب تک اسے روک نہیں سکتے۔