Tag: بریکنگ

اسلام آباد:وفاقی وزیر خزانہ اسحاق ڈار نے کہا ہے کہ اتحادی حکومت اپنی ذمہ داریاں پوری کرے گی، ایٹمی دھماکوں کے بعد بھی مالی مسائل کا مؤثر حل نکالا تھا، بانڈ کے حوالے سے ادائیگی بھی بروقت کریں گے، قرضوں کی ری شیڈولنگ کے لیے پیرس کلب نہیں جائیں گے، تاجر برادری کے تحفظات دور کریں گے، 50 ہزار ڈالرز تک کی ایل سیز کی ادائیگی کرنے جارہے ہیں۔

اسلام آباد میں نیوز کانفرنس کرتے ہوئے اسحاق ڈار کا کہنا تھا کہ تاجر برادری کے تحفظات دور کریں گے، ایل سیز سے متعلق شکایات کا ازالہ کریں گے، گزشتہ حکومت کی وجہ سے ملک مسائل کا شکار ہوا، گورنر اسٹیٹ بینک نے ادائیگوں کے حوالے سے ڈیٹا فراہم کیا ہے۔

اسلام آباد میں جرائم میں خطرناک حد تک اضافہ:پولیس نےمزیدخطرناک مجرم گرفتارکرلیئے

وزیر خزانہ نے مزید کہا کہ 50ہزار ڈالرز تک جتنی پینڈنگ پیمنٹ ہے وہ ریلیز ہوجائیں گی، 50 ہزار ڈالرز تک کی ایل سیز کی ادائیگی کرنے جارہے ہیں، 5 برآمدی صنعتوں کے مسائل حل کیے ہیں، ہمارے کیے گئے تمام فیصلوں پر عمل درآمد ہو گا، عالمی ادارے بھی ہمارے فیصلوں کی تائید کریں گے

عالمی بینک کا پاکستان کے سیلاب متاثرین کی مدد کیلئے 2 ارب ڈالر دینے کا اعلان

انہوں نے مزید کہا کہ حکومت اپنی ذمہ داریاں پوری کرے گی ، آئی ایم ایف معاہدے کی پاسداری کریں گے ، عالمی ادارے بھی ہمارے کئے گئے معاہدوں کی تائید کریں گے، تمام فیصلوں پر عمل درآمد یقینی بنایا جائے گا۔وزیرخزانہ اسحاق ڈار کا کہنا تھا کہ گزشتہ حکومت کی وجہ سے ملک مسائل کا شکار ہوا۔

جن لوگوں کیلئے قربانیاں دیں انہوں نے ہی مسلم لیگ کا بیڑہ غرق کیا:وجاہت حسین

خیال رہےکہ پیرس کلب کے قرض دہندگان جی 20 فریم ورک کے تحت ری شیڈولنگ کی پیشکش کرتے ہیں تاہم اس کیلئے دوطرفہ قرضوں کے ساتھ کمرشل قرضوں کی ری شیڈولنگ بھی ضروری ہے۔

اسلام آباد:جشن عید میلادالنبیﷺ کے موقع پرآسٹریلوی ہائی کمشنرکی مبارکباد،اطلاعات کے مطابق پاکستان میں تعینات آسٹریلیا کے ہائی کمشنر نیل ہاکنز نے عید میلاد النبیﷺ کے موقع پر پاکستان اور آسٹریلیا میں مقیم پاکستانیوں کو مبارکباد دی ہے۔

اس موقع پر نیل ہاکز کی جانب سے مائیکرو بلاگنگ سائٹ ٹوئٹر پر بادشاہی مسجد کی تصویر بھی شئیر کی گئی۔تصویر میں دیکھا جا سکتا ہے کہ آسٹریلوی ہائی کمشنر لاہور کی تاریخی بادشاہی مسجد میں موجود ہیں۔https://twitter.com/AusHCPak/status/1578980759163273221?ref_src=twsrc%5Etfw%7Ctwcamp%5Etweetembed%7Ctwterm%5E1578980759163273221%7Ctwgr%5E65f55cc92e7b9d900ee26bd6d8e58be5eb499899%7Ctwcon%5Es1_&ref_url=https%3A%2F%2Fwww.samaa.tv%2Fnews%2F40008848

تصویر کے ساتھ دیئے گئے کیپشن میں انہوں نے لکھا کہ پاکستان اور آسٹریلیا میں رہنے والے تمام مسلمانوں کو جشن عید میلاد النبیﷺ بہت بہت مبارک ہو۔انہوں نے مزید کہا کہ آسٹریلیا کو محفوظ اور جامع ثقافتی کمیونٹی بنانے کے لیے تقریباً ایک لاکھ سے زائد آسٹریلین پاکستانیوں کا کردار نہ صرف اہم ہے بلکہ ناقابل فراموش ہے۔

نیل ہاکز کا مزید لکھنا تھا کہ یہ ایک بہترین موقع ہے کہ ان تمام پاکستانیوں کی خدمات پر روشنی ڈالی جائے۔

واضح رہے کہ آسٹریلوی سفارت کار یکم اکتوبر کو سرکاری دورہ پر پاکستان پہنچے ہیں۔ قبل ازیں انہوں نے لاہور میں مختلف ملٹی نیشنل کمپنیوں کے سربراہان سے بھی ملاقاتیں کیں، جس میں دو طرفہ تجارتی تعلقات اور سرمایہ کاری کو وسعت دینے پر گفتگو کی گئی۔علاوہ ازیں وہ لاہور کے قذافی اسٹیڈیم میں پاکستان اور انگلینڈ کے درمیان ہونے والا ٹی 20 میچ بھی دیکھنے گئے۔

جنیوا: اقوام متحدہ کے سکریٹری جنرل انتونیو گوتیرس نے بڑے صنعتی ممالک سے مطالبہ کیا ہے کہ سیلاب سے بری طرح متاثر ملک کی مدد کے لیے آگے آئیں کیوں کہ پاکستان سنگین موسمیاتی ناانصافی کا شکار ہے۔

عالمی خبر رساں ادارے کے مطابق اقوام متحدہ کے جنرل سیکرٹری انتونیو گوتریس نے پاکستان میں سیلاب سے تباہی کا ذمہ دار بڑے صنعتی ممالک کو قرار دیتے ہوئے کہا کہ ان ممالک کا خطرناک گیسوں کے اخراج میں حصہ 80 فیصد ہے جس سے موسمیاتی تبدیلی رونما ہوئی اور گلیشیئر کے پگھلنے، غیر متوقع اور ماضی کے مقابلے میں زیادہ بارشوں کے باعث سیلاب سے تباہی پاکستان جیسے ملک کی ہوئی جن کا گیسوں کے اخراج میں حصہ نہ ہونے کے برابر ہے۔

سیلاب سےمتاثرہ علاقوں میں بیماریوں کی دوسری لہر؛عالمی ادارہ صحت نےخبردارکردیا

اقوام متحدہ کے سیکرٹری جنرل انتونیو گوتریس نے کہا کہ موسمیاتی تبدیلیوں میں بڑا حصہ ڈالنے والے مغربی ممالک کو پاکستان کے سیلاب زدگان کی مدد کرنی چاہیئے یہ ان ممالک کی اخلاقی ذمہ داری ہے۔ آج سیلاب سے متاثر پاکستان ہے لیکن کل اس ناگہانی آفت سے ہمارے ملک اور ہماری کمیونٹیز کا بھی سامنا ہوسکتا ہے۔
خیال رہے کہ اقوام متحدہ کی جنرل اسمبلی نے متفقہ طور پر ایک قرارداد منظور کی ہے جس میں عطیہ دینے والے ممالک اور اداروں پر زور دیا گیا کہ وہ بحالی اور تعمیر نو کی کوششوں میں مکمل تعاون فراہم کریں۔

عالمی بینک کا پاکستان کے سیلاب متاثرین کی مدد کیلئے 2 ارب ڈالر دینے کا اعلان

یہ پہلی بار نہیں جب اقوام متحدہ نے پاکستان کے سیلاب زدگان کی مدد کی اپیل کی ہو۔ سیکرٹری جنرل انتونیو گوتیرس نے حال ہی میں پاکستان کے دورے کے بعد اقوام متحدہ کی جنرل اسمبلی کو بتایا تھا کہ سیلابی پانی نے پاکستان میں سیلاب نے پرتگال کے کُل رقبے سے تین گنا زیادہ حصے کو ڈھانپ لیا ہے۔

انتونیو گوتریس نے وبائی امراض پر خبردار کرتے ہوئے کہا تھا کہ سیلاب سے نبرد آزما پاکستان میں صحت عامہ تباہی کے دہانے پر ہے۔ ہیضہ، ملیریا اور ڈینگی بخار “سیلاب سے تباہی لائیں گے۔ گزشتہ روز اقوام متحدہ نے پاکستان کےساڑھے چھ لاکھ سیلاب متاثرین کے لیے فوری طور پر امدادی سامان فراہم کرنے کی اپیل کی تھی۔

شیخوپورہ واقعہ: وزیراعلیٰ پولیس پر برہم، غفلت برتنے والوں کیخلاف کارروائی کا حکم

اسی طرح اقوام متحدہ کے اعلیٰ کمشنر برائے مہاجرین (UNHCR) کے ترجمان میتھیو سالٹ مارش نے بھی خبردار کیا تھا کہ پاکستان کو ایک زبردست چیلنج کا سامنا ہے جس میں 1,700 اموات ہوچکی ہیں جب کہ 4 ہزار بچوں سمیت 12 ہزار 800 افراد زخمی ہیں اور تقریباً 79 لاکھ افراد بے گھر ہوگئے جن میں سے صرف 6 لاکھ افراد کو پناہ گاہیں میسر آسکی ہیں۔

راولپنڈی:پاکستان مسلم لیگ ق کے رکن قومی اسمبلی چودھری حسین الٰہی نے کہا ہے کہ جن لوگوں کیلئے ہم نے قربانیاں دیں انہوں نے ہی مسلم لیگ کا بیڑا غرق کیا، ایسے لوگوں کو عنقریب حلقے سے جوتے پڑیں گے اور ان کی ضمانتیں ضبط ہوں گی، عمران خان اور ہمارا اتحاد انشاء اللہ قائم رہے گا۔

ان خیالات کا اظہار انہوں نے مسلم لیگ راولپنڈی کی تنظیمی عہدیداروں کے اجلاس سے خطاب کرتے ہوئے کیا۔ سابق وفاقی وزیر چودھری وجاہت حسین، چیئرمین وزیراعلیٰ شکایات سیل و ضلعی صدر راولپنڈی زبیر خان، نائب صدر راولپنڈی چودھری شہباز گوشی، جنرل سیکرٹری فیاض تبسم، ڈسٹرکٹ کونسل ممبرز راولپنڈی حاجی ارشد محمود، میڈم رفعت اور راولپنڈی کی تنظیم کے عہدیداروں نے اجلاس میں شرکت کی۔

سابق وفاقی وزیر اور مسلم لیگ ق کے سربراہ چودھری شجاعت حسین کے بھائی چودھری وجاہت حسین نے کہا کہ کارکنوں کو ساتھ لے کر چلنا اور انہیں آ گے بڑھنے کا موقع دینا چودھری پرویز الٰہی کی سیاست کا نصب العین ہے، جن لوگوں کیلئے ہم نے قربانیاں دیں انہوں نے ہی مسلم لیگ کا بیڑا غرق کیا، ایسے لوگوں کو عنقریب حلقے سے جوتے پڑیں گے اور ان کی ضمانتیں ضبط ہوں گی، جو سمجھتے ہیں عمران خان اور پرویزالٰہی کے آپس میں اچھے روابط نہیں تو یہ ان کی بھول ہے، عمران خان اور ہمارا اتحاد انشاء اللہ قائم رہے گا، راولپنڈی کی تمام تحصیلوں میں پاکستان مسلم لیگ کی تنظیموں کو مزید فعال بنائیں گے، اپنی جماعت کی شناخت اور عمران اتحاد کو قائم رکھنے کیلئے ہم نے مل کر آگے بڑھنا ہے۔

اس موقع پر ق لیگی رکن قومی اسمبلی چودھری حسین الٰہی نے کہا کہ پاکستان مسلم لیگ ملک، صوبے اور عوام کی فلاح وبہبود کیلئے کوشاں ہے، وزیراعلیٰ پنجاب پرویزالٰہی جب بھی صوبے میں ڈیلیور کرنے کا سوچتے ہیں تومرکز سے رکاوٹیں کھڑی کر دی جاتی ہیں، امپورٹڈ حکومت کو عوام کے درد کی کوئی پروا نہیں، مریم صفدر کہتی تھیں پٹرول کی قیمت بڑھنے سے دل خون کے آنسو روتا ہے، بند کمروں میں شہباز شریف کو کہتی رہیں پٹرول کی قیمت بڑھا دیں، اب مریم صفدر کا عوام کیلئے درد کہاں گیا؟

اپنی بات کو جاری رکھتے ہوئے حسین الٰہی نے کہا کہ اتنے زیادہ بجلی کے بلوں اور مہنگائی نے عوام کی کمر توڑ دی ہے، یہ لوگ اقتدار میں ہوں تو مزے لوٹتے ہیں اور اقتدار میں نہ ہوں تو لندن بھاگ جاتے ہیں، پیپلز پارٹی والے ایسے شخص کو وزیراعظم بنانا چاہتے ہیں جسے یہ نہیں پتہ انڈے درجن میں بکتے ہیں یا کلو میں بکتے ہیں۔

انہوں نے کہا کہ ملک ایسے لوگوں کے ہاتھوں میں نہیں دے سکتے جو پچھلے تیس سالوں سے ملک اور عوام کو لوٹ رہے ہیں، ان کے کاروبار اور اولاد سب بیرون ملک ہیں، ڈالر کی قیمت بڑھنے سے انہیں کوئی فرق نہیں پڑتا بلکہ ان کے ذاتی سرمایہ میں اضافہ ہو جاتا ہے، جب عمران خان نے لانگ مارچ کی کال دیں تو ہم نے متحد ہو کر باہر نکلنا ہے، وقت آ گیا ہے عوام اپنے ملک اور بچوں کے بہتر مستقبل کیلئے باہر نکلیں اور اپنی آواز بلند کریں۔

ق لیگی رکن قومی اسمبلی نے کہا کہ پاکستان مسلم لیگ نے ہر دور میں مشکل حالات کا سامنا کیا اور ہمیشہ سرخرو ہوئے، راولپنڈی کی تنظیم ہمارے پیچھے دیوار بن کر کھڑی ہے، انشاء اللہ ہم بھی اپنے مخلص کارکنوں کو کبھی اکیلا نہیں چھوڑیں گے۔