Tag: بریکنگ

اسلام آباد: کیپیٹل پولیس کامنشیات فروشی اور جرائم پیشہ عناصر کی گرفتاری کیلئے مو ثر کریک ڈاؤن جاری،گزشتہ 24گھنٹوں کے دوران مختلف علاقوں سے منشیات فروشی اور دیگر جرائم میں ملوث10 ملزمان گرفتار،ملزمان کے قبضہ سے منشیات اور وارداتوں میں استعمال ہو نے والا اسلحہ معہ ایمونیشن برآمد کرلیا گیا، ملزمان کیخلاف مختلف تھانہ جات میں مقدمات درج کرکے مزید تفتیش جاری ہے۔

برآمدکنندگان کےلیے 100 ارب روپے کے سبسڈی دے رہے ہیں‌،اسحاق ڈار

تفصیلات کے مطابق ڈی آئی جی آ پر یشنز سہیل ظفر چٹھہ کے خصوصی احکامات کی روشنی میں اسلام آباد کیپیٹل پولیس کا ضلع بھر میں جرائم پیشہ عناصر کیخلاف کارروائیوں کا سلسلہ جاری ہے،گزشتہ 24گھنٹوں کے دوران مختلف علاقوں سے منشیا ت فروشی اور دیگر جر ائم میں ملوث10 ملزمان گرفتارکر لیے گئے،ملزمان کے قبضہ سے منشیات اور وارداتو ں میں استعما ل ہو نے والا اسلحہ معہ ایمو نیشن برآمد کرلیا گیا،

کراچی:ٹینکروں میں مضرصحت پانی کی فروخت پرواٹربورڈ کا آئی جی سندھ کو خط

تھا نہ آبپا رہ پولیس نے ملزم اسد خا ن سے پسٹل 9mmمعہ ایمو نیشن برآمد کرلیا، بہا رہ کہو پولیس نے ملزم محمد نبیل کو گرفتار کرکے پسٹل 30بور معہ ایمو نیشن برآمد کرلیا، پھلگر اں پولیس نے دو ملزمان محمد وسیم اور محمد حار ث 210گرام ہیروئن اور پسٹل 9mmمعہ ایمو نیشن برآمد کر لیا،کھنہ پو لیس نے ملزم عبدالاعظم اور محمد آصف کو گرفتار کر کے دو پسٹل 30بور معہ ایمو نیشن برآمد کر لیا، لو ہی بھیر پولیس نے ملز م احد علی کوگرفتار کر کے پسٹل 30بور معہ ایمو نیشن برآمد کر لیا،

سیلاب سے 90 لاکھ تک پاکستانی غربت کا شکار ہونے کا خدشہ ہے، ورلڈ بینک

نون پولیس نے ملزم دانش کو گرفتار کرکے پسٹل 30بور معہ ایمو نیشن برآمد کرلیا، گرفتار ملزمان کے خلاف مختلف مقدما ت درج کرکے مزید تفتیش شروع کر دی گئی، جبکہ مجرمان اشتہا ریو ں کی گرفتار ی کے لیے چلا ئی جا نے والی خصوصی مہم کے دوران پولیس ٹیموں نے دو مجرمان کو گرفتار کرلیا، اسلام آباد کیپیٹل پولیس شہریوں کے جان و مال کے تمام تر ممکنہ اقدامات اٹھا رہی ہے، شہریوں سے بھی گزارش ہے کہ وہ پولیس کے ساتھ تعاون کریں اور کسی بھی مشکو ک چیزیا سرگرمی کے بارے میں ‘ پکار 15 ” پر فوراً اطلا ع دیں۔

برلن:وزیر خارجہ بلاول بھٹو زرداری نے کہا ہے کہ پاکستان اس وقت سیلاب کی صورتحال میں مشکل ترین حالات سے گزر رہا ہے، پاکستان کا ایک تہائی رقبہ سیلاب سے متاثر ہوا ہے، تباہ کن سیلاب نے پاکستان میں تاریخ کی بڑی تباہی پھیلائی ہے۔ جرمنی کے دو روزہ سرکاری دورے کے موقع پر جمعہ کو یہاں جرمن ہم منصب اینالینا بیرباک کے ہمراہ مشترکہ پریس کانفرنس سے خطاب کرتے ہوئے انہوں نے کہا کہ پاکستان میں ہولناک سیلاب سے 3 کروڑ 30 لاکھ افراد براہ راست متاثر ہوئے ہیں، متاثرہ علاقوں سیلابی پانی سے متعدد بیماریاں پھیل رہی ہیں۔

برآمدکنندگان کےلیے 100 ارب روپے کے سبسڈی دے رہے ہیں‌،اسحاق ڈار

وزیر خارجہ نے کہا کہ پاکستان کو ماحولیاتی تبدیلی کے باعث اس بڑی آفت کا سامنا کرنا پڑا ہے، ماحولیاتی تبدیلی کی وجہ بننے والی گرین ہائوس گیسز میں پاکستان کا حصہ نہ ہونے کے برابر ہے ۔ انہوں نے کہا کہ ہمیں اس ماحولیاتی تباہی سے نمٹنے کے لئے عالمی برادری کی معاونت درکار ہے۔ بلاول بھٹو زرداری نے کہا کہ یورپی یونین میں جرمنی پاکستان کا سب سے بڑا تجارتی پارٹنر ہے، پاکستان اور جرمنی کے درمیان بہترین سفارتی تعلقات قائم ہیں۔

موڈیز نے پاکستان کی کریڈٹ ریٹنگ کو مزید کم کردیا:ملکی زرمبادلہ کے ذخائربھی مزید کم…

انہوں نے کہا کہ گرمجوش میزبانی پر جرمن ہم منصب کا مشکور ہوں، جرمنی میں پاکستانی کیمونٹی کی بڑی تعداد آباد ہے، پاکستانی طلباءکے لئے جرمنی ایک بہترین ملک ہے۔ وزیر خارجہ بلاول بھٹو زرداری نے کہا کہ جرمن ہم منصب سے تجارت اور علاقائی مسائل پر گفتگو ہوئی۔ انہوں نے کہا کہ افغانستان کو بھی یوکرین کی طرح عالمی مدد چاہئے۔ اس موقع پر جرمنی کی وزیر خارجہ اینالینا بیرباک نے پاکستان کے سیلاب متاثرین کے لئے مزید ایک کروڑ یورو دینے کا اعلان کرتے ہوئے کہا کہ پاکستان میں سیلاب سے کس قدر تباہی ہوئی اس کا اندازہ لگانا مشکل ہے، سیلاب متاثرین خاص طور پر بچے کھلے آسمان تلے رہنے پر مجبور ہیں۔

سیلاب سے 90 لاکھ تک پاکستانی غربت کا شکار ہونے کا خدشہ ہے، ورلڈ بینک

انہوں نے کہا کہ موسمیاتی تبدیلیوں سے پاکستان سب سے زیادہ متاثر ہورہا ہے، سیلاب کے بعد متاثرہ علاقوں میں ملیریا پھیل رہا ہے۔ جرمنی کی وزیر خارجہ نے کہا کہ پاکستان جرمنی کا اہم ترین تجارتی شراکت دار ہے، جرمن کمپنیاں پاکستان میں بنیادی ڈھانچے کے منصوبوں میں سرمایہ کاری کررہی ہیں۔ انہوں نے کہا کہ جرمنی پاکستان کے ساتھ دوطرفہ تعاون کو مزید مستحکم کرنے کا خواہاں ہے۔

لندن :پاکستان مسلم لیگ ن کی نائب صدر مریم نواز نے سابق وزیراعظم عمران خان کے ساتھ کسی بھی قسم کے مذاکرات کا نہ اعلان کرتے ہوئے کہا ہے کہ اس کے ساتھ بیٹھنا نہیں بلکہ اسے عبرت کا نشان بنانا ہے، آڈیو لیکس نے اس کے بیانیے کا تیا پانچہ کردیا ہے۔ اس کے تمام بیانیے غلط ثابت ہوئے ہیں، لوگوں کو لوٹوں کے خلاف بھڑکاتا ہے اور خود بند دروازوں کے پیچھے خرید و فروخت کر رہا ہے۔

لندن میں صحافیوں سے خصوصی گفتگو میں مریم نواز کا کہنا تھا کہ عمران خان کا اصل نام سازش خان ہونا چاہیے۔ عمران خان ہارس ٹریڈنگ کرنے والوں پر الزام لگاتا تھا مگر خود بند کمرے میں ارکان کی خرید و فروخت کی منڈیاں لگاتا رہا۔

مریم نواز لندن پہنچ گئیں: خاندان کے افراد سے 4 سال بعد ملاقات

مریم نواز کا کہنا تھا کہ ریاست مدینہ کا دعویدار لوگوں کو شرک کا مطلب سمجھاتا ہے اگر یہ شرک ہے تو سب سے بڑے مشرک خان صاحب خود ہوئے۔ مریم نواز کا کہنا تھا کہ عمران خان ہمیشہ فاؤل پلے کرتا رہا، پکڑا آج گیا ہے۔انہوں نے مزید کہا کہ 2018ء میں نوازشریف اور مسلم لیگ ن کو ہرانا مشکل تھا مگر چن چن کر ہمارے الیکٹیبلز کو میدان سے باہر کیا گیا اور جھوٹے مقدمے میں نواز شریف کو سیاست سے باہر کیا گیا۔

مریم نواز کا کہنا تھا کہ سینیٹ انتخابات میں اپوزیشن کی تعداد حکومت سے کئی زیادہ تھی، کافی ارکان کو کنٹینرز میں بند کیا گیا، فون کرائے گئے اور سینیٹ الیکشن میں دھاندلی کر کے جیت گئے۔مریم نواز کا کہنا تھا کہ بیساکھیاں ہٹیں تو کس طرح منہ کے بل گرگیا، اب ہاتھ، آنکھ، کان اور بیساکھیاں نہیں ہیں۔

عمران خان کا لانگ مارچ سازش، فسادیوں سے آہنی ہاتھ سے نمٹا جائے گا: ن لیگی قیادت…

لیگی نائب صدر کا کہنا تھا کہ پہلی بار ان کی سازش ناکام ہوئی ہے، پوری دنیا ان کا یہ سیاہ چہرہ دیکھ چکی ہے، قوم کو آج پتہ چل گیا اس کا اصل بیانیہ کیا ہے، جو ان کو سپورٹ کرتے تھے وہ بھی آج سوال کرتے ہوں گے۔

پی ٹی اے ممنوعہ فنڈنگ کیس میں بڑی پیشرفت سامنے آئی ہے۔ وزارت داخلہ نے ایف آئی اے کوعمران خان کیخلاف کیس درج کرنے کی اجازت دیدی، فیصلہ وزات داخلہ اور ایف آئی اے کے اعلیٰ حکام کی میٹنگ میں کیا گیا۔

ایف آئی اے کی تحقیقاتی ٹیم نے پاکستان تحریک انصاف کے 6 رہنماؤں کیخلاف ایف ائی آر درج کرنے کی سفارش کی، جس میں کہا گیا کہ شواہد کی بنیاد پر تحریک انصاف چیئرمین عمران خان کیخلاف ایف ائی آر درج کرنے کی اجازت دی جائے۔ذرائع کے مطابق پی ٹی اے ممنوعہ فنڈنگ کیس میں فیصلہ وزات داخلہ اور ایف آئی اے کے اعلیٰ حکام کی میٹنگ ہوئی، جس میں وزارت داخلہ نے ایف آئی اے کو سابق وزیراعظم عمران خان کیخلاف کیس درج کرنے کی اجازت دیدی۔

بشریٰ بی بی کوعمران نےتھپڑمارا،بشیرمیمن کو باتھ روم میں بند”

تحقیقاتی ٹیم نے پی ٹی آئی کے 8 رہنماؤں کیخلاف ایف ائی آر درج کرنے کی سفارش کی اور کہا تھا کہ شواہد کی بناء پر چیئرمین کیخلاف ایف آئی آر درج کرنے کی اجازت دی جائے۔

امریکی صدر جوبائیڈن نے عالمی ایٹمی جنگ کے خطرے سے آگاہ کردیا

ذرائع کے مطابق تحقیقاتی ٹیم نے پی ٹی آئی رہنماؤں اسد عمر، اسد قیصر، قاسم سوری، عمران اسماعیل، سیف اللہ نیازی، طارق شفیع اور میاں محمود الرشید کیخلاف کیس درج کرنے کی سفارش کی۔ایف آئی اے ذرائع کا کہنا ہے کہ وزارت داخلہ سے اجازت ملنے پر آئندہ دو روز میں تحریک انصاف رہنماؤں کیخلاف ایف آئی آر درج ہونے کا امکان ہے۔

عمران خان کا لانگ مارچ سازش، فسادیوں سے آہنی ہاتھ سے نمٹا جائے گا: ن لیگی قیادت…

ذرائع کے مطابق ان رہنماؤں پر جماعت کے 10 بے نامی اکاؤنٹس چلانے کا الزام ہے، انہوں نے اکاؤنٹس میں 10 کروڑ سے زائد کی ترسیلات حاصل کیں۔

لاہور: امیر جماعت اسلامی پاکستان سراج الحق نے کہا ہے کہ ٹرانسجینڈر بل واپس نہ لیا تو اسلام آباد کی طرف لانگ مارچ کریں گے۔اطلاعات کے مطابق سراج الحق نے لاہور میں خطاب کرتے ہوئے کہا کہ حکومت نے ایکٹ پاس کیا ہے کہ جو چاہے اپنے آپ کو مرد یا عورت ظاہر کیا یہ قابل مذمت ہے، امریکہ میں بھی یہ قانون ہے جہاں خود 33 ریاستیں اس قانون کے خلاف ہیں اور اس میں تبدیلی کا مطالبہ کیا جارہا ہے۔

عمران خان کا لانگ مارچ سازش، فسادیوں سے آہنی ہاتھ سے نمٹا جائے گا: ن لیگی قیادت…

سراج الحق نے کہا کہ ہم خواجہ سراؤں اور ان کے حقوق کے خلاف نہیں، حقیقی خواجہ سراﺅں کی تعداد ساڑھے تین ہزار سے زیادہ نہیں ہے، حکومت انہیں روزگار اور گھر دے ، سولہ، سترہ گریڈ کی ملازمت دے ہمیں کوئی اعتراض نہیں، لیکن حکمران مغربی ایجنڈے کو یہاں فروغ دینا چاہتے ہیں، مغربی ملک نے پاکستان میں ہم جنس پرستی کو فروغ دینے کے لئے فنڈز مختص کیے ہیں۔انہوں نے کہا کہ مغرب میں کوئی بھی شخص مرضی سے خود کو مرد اور عورت ظاہر کرسکتا ہے، ہاکستان میں سرکاری ریکارڈ کے مطابق29 ہزار میں سے16 ہزار مردوں نے خود کو عورت ظاہر کیا، پی ڈی ایم میں شامل اسلامی جماعتیں اس بل کے خلاف آواز بلند کریں۔

مریم نواز لندن پہنچ گئیں: خاندان کے افراد سے 4 سال بعد ملاقات

امیر جماعت اسلامی کا کہنا تھا کہ حکومت قانون تبدیل کرلے، بل واپس نہ لیا گیا تو اسلام آباد کی طرف مارچ کریں گے، حکومت اس قانون کو فی الفور واپس لے ورنہ قوم لانگ مارچ کے لئے تیار ہو جائے، سیاسی جماعتیں اس قانون کے خلاف اٹھ کھڑی ہوں، سیاست کی دنیا میں پی ٹی آئی، پی پی پی، مسلم لیگ ن اور ایم کیو ایم ایک دوسری کی حریف ہیں لیکن بل ان سب جماعتوں نے مل کر پاس کیا ہے، آئین کے مطابق کوئی قانون قرآن اور حدیث کے خلاف نہیں ہو سکتا۔

برآمدکنندگان کےلیے 100 ارب روپے کے سبسڈی دے رہے ہیں‌،اسحاق ڈار

انہوں نے زور دیا کہ جماعت اسلامی کے سینیٹر مشتاق احمد نے بل میں ترمیم کی قرار داد پیش کی ہے، اگر کوئی خود جنس تبدیلی چاہتا ہے تو اس پر میڈیکل بورڈ بننا چاہیے، اس کے لئے ڈاکٹر، ماہر نفسیات پر مشتمل بورڈ ہو۔سراج الحق نے مزید کہا کہ حکومت صادق اور امین کے قانون کو واپس لینا چاہتی ہے جس کی اجازت نہیں دی جائے گی، حکومت چوروں ڈاکوؤں کے لئے اقتدار کے راستے کھولنا چاہتی ہے۔