Tag: بریکنگ

میرپور خاص: ایم کیو ایم پاکستان کے کنوینر ڈاکٹر خالد مقبول صدیقی نے کہا ہے کہ ملک کو منڈی بنا دیا گیا ہے۔ انہوں نے کہا کہ پہلے قائد اعظم کا پاکستان تھا، اب اس کو بھٹو کا پاکستان بنانے کی کوشش کی جا رہی ہے۔

ذرائع کے مطابق انہوں ںے میر پور خاص حقوق ریلی کے حوالے سے منعقدہ جلسہ عام سے خطاب کرتے ہوئے کہا کہ ہم حکومت بنانے اور گرانے اس ملک میں نہیں آئے ہیں لیکن سب کو پتہ چل چکا ہے کہ پاکستان وہی بچا سکتا ہے جس نے اس ملک کو بنایا ہے۔

سابق وفاقی وزیرڈاکٹر خالد مقبول صدیقی نے کہا کہ ہم نے اپنے حصے سے بہت زیادہ قربانی دی ہے۔ انہوں نے واضح طور پر کہا کہ ہم لڑنا نہیں چاہتے، ساتھ لے کر چلنا چاہتے ہیں۔

ایم کیو ایم کے کنوینر ڈاکٹرخالد مقبول صدیقی نے خبردار کرتے ہوئے کہا کہ ہم وارننگ دیتے ہیں کہ مردم شماری کو درست کریں اور صحیح ووٹر لسٹیں بنائی جائیں۔

انہوں نے کہا کہ ہم ایمانداری سے اپنا ٹیکس دے رہے ہیں، ہمیں کسی کی بھیک کی ضرورت نہیں ہے۔ ان کا کہنا تھا کہ زرداری اور شریف فیملی بتائے کہ کیا وہ کراچی کے کسی ایک تاجر سے زیادہ ٹیکس دیتے ہیں؟

ڈاکٹر خالد مقبول صدیقی نے کہا کہ اپنے کارکنان کو تیار کرنے آئے ہیں، بہت جلد وزیراعلیٰ یا بلاول ہاؤس کا گھیراؤ ہونے کو ہے۔ ان کا کہنا تھا کہ ہمیں مارنے والے اور راستہ روکنے والے ہاتھ اب تھک چکے ہیں۔

ذرائع کے مطابق ایم کیو ایم کے ڈپٹی کنوینر کنور نوید جمیل نے کہا کہ کراچی کو سندھ میں شامل کیا گیا وگرنہ کراچی سندھ کا حصہ نہیں تھا۔ انہوں نے کہا کہ پیپلزپارٹی نے سندھ کے ساتھ سوتیلی ماں جیسا سلوک کیا ہے۔

کنورنوید جمیل نے کہا کہ کراچی اور میرپورخاص کے لوگوں کا حق جعلی ڈومیسائل بنا کر مارا گیا۔ انہوں نے الزام عائد کیا کہ پیپلزپارٹی پاکستان کو توڑنے کی بھی سازش کرتی آئی ہے۔

ایم کیو ایم کے ڈپٹی کنوینرکنور نوید جمیل نے کہا کہ کراچی کے بعد اندون سندھ سے بھی اپنے صوبے کی آوازیں اٹھنے لگیں گی۔ انہوں نے شرکا کو مخاطب کرتے ہوئے کہا کہ ایم کیو ایم کے کارکنان قربانی کے لیے تیاررہیں۔

وزیرمملکت فرخ حبیب نے کہا ہے کہ جنہوں نےشیروانیاں سلوائی ہیں ان کیلئےہتھکڑیاں تیارکی ہیں، چوروں اور ڈاکوؤں کوجیلوں میں ڈالیں گے۔

وزیرمملکت فرخ حبیب نے فیصل آباد میں عوامی اجتماع سے خطاب کرتے ہوئے کہا کہ عمران خان آئندہ 5سال بھی وزیراعظم رہیں گے، جنہوں نےشیروانیاں سلوائی ہیں ان کیلئےہتھکڑیاں تیارکی ہیں، چوروں اور ڈاکوؤں کوجیلوں میں ڈالیں گے۔

فرخ حبیب نے کہا کہ اپوزیشن کےخلاف انتقامی کارروائی نہیں احتسابی کارروائی ہورہی ہے، وزیراعظم عمران خان کبھی ان کواین آراونہیں دیں گے۔

ان کا کہنا تھا کہ وزیراعظم عمران خان کا جینا مرنا پاکستان میں ہے، وہ عوام کی بہتری کیلئےاقدامات کررہےہیں، اپنی جائیدادوں کے بجائے غریبوں کوگھربناکر دے رہے ہیں، غریب خاندانوں کوصحت کارڈ دیا ہے۔

وزیر مملکت نے کہا کہ نام کےآخرمیں زرداری لگانےسےکوئی لیڈرنہیں بن جاتا، قیمتوں میں اضافے پر شور مچانے والے اب کمی پر واویلا کیوں مچارہےہیں، زرداری کے فرزند نے مینار پاکستان کے ناصر باغ میں جلسی کی ہے۔ان کا کہنا تھا کہ رمضان شوگر ملز کے ملازمین کے اکاؤنٹس سے اربوں روپے نکل رہے ہیں۔

اسلام آباد:قبل از وقت الیکشن ہوسکتے ہیں،اطلاعات کے مطابق وفاقی وزیر داخلہ شیخ رشید نے قبل از وقت الیکشن پر اپوزیشن کو مذاکرات کی پیشکش کرتے ہوئے کہا کہ مل بیٹھ کر مسائل حل کرنے کی ضرورت ہے۔

برطانوی نشریاتی ادارے سے گفتگو کرتے ہوئے شیخ رشید نے کہا کہ بات چیت ہونی چاہیے، حالات ہی ایسے ہیں، اتحادیوں کے ساتھ ساتھ اپوزیشن میں شامل جماعتوں سے بھی مذاکرات ہوں۔وفاقی وزیر داخلہ نے مزید کہا کہ مل بیٹھ کر بات کرنے سے مسائل حل کرنے کی ضرورت ہے۔

قبل ازیں وفاقی وزیر فواد چودھری کا کہنا ہے کہ آئندہ ہفتے کے دوران اپوزیشن اپنی تحریک سمیت گھروں میں واپس چلی جائے گی۔

وفاقی وزیر اطلاعات نے ٹویٹر پیغام میں کہا کہ ‏فضل الرحمان کے 48 گھنٹے اور بلاول کے پانچ دن تو کاٹھ کا گھوڑا نکلے لیکن میں بتا رہا ہوں آئندہ ہفتے میں اپوزیشن اپنی تحریک سمیت گھروں میں واپس چلی جائے گی۔ انہوں نے کہا کہ اپوزیشن کے تمام دعوؤں سے مکمل ہوا نکل جائے گی۔

واضح رہے کہ وزیراعظم عمران خان کے خلاف تحریک عدم اعتماد کے معاملے پر اپوزیشن جماعتیں ایک پیج پر نظر آرہی ہیں، پیپلز پارٹی پٹرول کی قیمت میں 10 روپے اور بجلی کے نرخوں میں 5 روپے کمی کو لانگ مارچ کی کامیابی قرار دے رہی ہے۔ پی پی رہنما خورشید شاہ نے کہا ہے کہ ریاست بچانے کے لیےعمران خان کو جانا ہو گا، ہماری گنتی پوری ہوگئی، 8 یا 9 تاریخ کو تحریک عدم اعتماد پیش کریں گے۔ ان کا مزید کہنا تھا کہ ہماری کوشش ہو گی امپائر نیوٹرل ہو جائے۔

لاہور:پاکستان بھرمیں‌ پیپلز پارٹی نے روٹی،کپڑا اورمکان کا وعدہ پوراکیا:18ترمیم کرکےسب کوآزادیاں‌ دیں:اطلاعات کے مطابق آج ابھی تھوڑی دیر پہلے پاکستان پیپلز پارٹی کے چیئرمین بلاول بھٹو زرداری نے ناصر باغ لاہور میں خطاب کرتے ہوئےکہا ہےکہ پاکستان پیپلزپارٹی نے پورے ملک میں‌ روٹی،کپڑا اور مکان کا وعدہ پورا کردیا ہے

ناصر باغ لاہور میں جلسہ سے خطاب کرتے ہوئے چیئرمین پی پی بلاول بھٹو زرداری نے کہا کہ پیپلزپارٹی لاہور کے عوام کی ہے اور لاہور پیپلزپارٹی کا، پیپلزپارٹی کی بنیاد لاہو رمیں ہی رکھی گئی تھی، طاقت کا سرچشمہ عوام ہے، پیپلز پارٹی کے خلاف ہونے والی سازش عوام اور جمہوریت کے خلاف تھی، قائدعوام نے روٹی ،کپڑا،مکان کانعرہ دیا، بے نظیر بھٹو نے جمہوریت کی بحالی کے لیے 30سال محنت کی، پیپلزپارٹی کوکمزورکرنےکی سازش کی گئی، پی پی کی بنیاد لاہور میں رکھی گئی تھی۔

بلاول بھٹو زرداری نے مزید کہا کہ کہ 18ویں ترمیم کے ذریعے ہم نے صوبوں کو ان کا حق دلوایا، ترمیم سے پہلے لاہور کا پیسہ اسلام آباد میں خرچ ہوتا تھا، این ایف سی کے ذریعے ہم نے لاہور کو اس کے وسائل کا مالک بنایا، ہمارا جینا مرنا عوام کے ساتھ ہے، موجودہ حکمرانوں کا کوئی مستقبل نہیں انہوں نے بھی لندن بھاگ جانا ہے، ثابت کروں گا کہ میں نے لاہور کو نہیں چھوڑنا۔

انہوں نے کہا کہ پیپلزپارٹی کو صرف ایک موقع دیں، ہم آپ کو عوام کی خدمت کرکے دکھائیں گے، بیرون ملک پاکستان کی نمائندگی کرکے دکھائیں، مل کر جمہوریت کو بحال کریں گے، پیپلز پارٹی کے جیالوں نے جمہوریت کیلئے کوڑے کھائے ہیں، 18ویں ترمیم سے پہلے لاہور کا پیسہ اسلام آباد میں خرچ ہوتا تھا، لاہورمیٹروٹرین 18 ویں ترمیم کی وجہ سے بنی، آصف زرداری چین سے سی پیک لے کر آئے، موجودہ حکمرانوں کا کوئی مستقبل نہیں انہوں نے لندن بھاگ جانا ہے، میں نے پاکستان میں رہنا ہے کبھی نہیں بھاگوں گا۔

۔

کراچی : کراچی :‏تحریک اللہ اکبرکا ورکرز کنونشن:اہم رہنماوں کی آمد جاری اطلاعات کے مطابق تحریک اللہ اکبر پاکستان کے مرکزی رہنما سیف اللہ خالد دورہ سندھ پر ہیں۔ جہاں وہ مختلف شہروں میں ورکرز کنوشنز سے خطاب کر رہے ہیں۔ تحریک اللہ اکبر کے جاری کردہ اعلامیے کے مطابق کراچی میں ورکرز کنونشن شروع ہوچکا ہے ،

صدر، اللہ اکبر تحریک پاکستان

اہل کراچی کو خصوصی پیغام 🎤#اللہ_اکبروالے pic.twitter.com/JGT15Ox3HS

— آل بلدیہ خدمت کمیٹی یوسی 36 (@alhamdulillha11) March 6, 2022

اطلاعات کے مطابق اس کنونشن میں سندھ بھر سے اہم رہنماوں کی آمد کا سلسلہ جاری ہے ، اس سے اللہ اکبر تحریک کے مرکزی رہنما سیف اللہ خالد کے علاوہ تحریک اللہ اکبر سندھ کے صدر فیصل ندیم اور تحریک اللہ اکبر کراچی کے صدر احمد ندیم سمیت دیگر رہنما خطاب کریں گے۔

https://twitter.com/AbuHanzala222/status/1500366389001224192

کراچی میں ورکرز کنونشن بالمقابل سفاری پارک گلشن اقبال میں شام 6 بجے شروع ہو گا۔ تحریک اللہ اکبر کراچی کے صدر احمد ندیم کا کہنا ہے کہ کارکن گزشتہ کئی دنوں سے شہر کے طول و عرض میں رابطہ مہم اور کارنر میٹنگز جاری رکھے ہوئے ہیں ۔ انھوں نے اس امید کا اظہار کیا ہے کہ ورکرز کنونشن میں ہزاروں افراد شریک ہوں گے اور اللہ اکبر تحریک کا کراچی میں فعال کردار پاکستانی سیاست کے باب میں مثبت و اہم اضافہ ہو گا.