Tag: بریکنگ

اسلام آباد:وزیراعطم عمران خان قوم کے ترجمان ہیں:پاکستان کوکسی کے زیرنگین نہیں دیکھنا چاہتے: اطلاعات کے مطابق وفاقی وزیر خزانہ شوکت ترین نے کہا کہ قومی سلامتی کو کسی کے سامنے گروی نہیں رکھ سکتے، روس یوکرین کے معاملے پر وزیر اعظم نے سٹینڈ لیا ، یہ قوم کی دل کی آواز تھی ، ان کا یہ بھی کہنا تھا کہ یورپ اور امریکا کو پاکستان کے لیے برآمدات کی سب سے بڑی مارکیٹ ہے ، وزیراعظم کے یورپ کے حوالے سے بیان سے متعلق کہا کہ میرے خیال میں عمران خان کو یورپ کے معاملے پر عوامی اجتماع میں نہیں بولنا چاہیےتھا۔

اسلام آباد میں پریس کانفرنس کرتے ہوئے وزیر خزانہ شوکت ترین نے کہا کہ نہیں معلوم عالمی منڈی میں تیل کی قیمتیں کب کم ہوں گی، وزیراعظم کے اعلا ن کردہ ریلیف پیکج کے تحت 700 روپے یونٹ تک بجلی استعمال کرنے والے صارفین کو 5 روپے فی یونٹ کی سبسڈی دی جائیگی، اس پیکج کے تحت 136 ارب روپے کی سبسڈی فراہم کی جارہی ہے، سبسڈیز پر آئی ایم ایف سے کہا کہ ہاتھ ہولا رکھیں۔

انہوں نے کہا کہ پیٹرولیم اوربجلی کی قیمتوں میں کمی پرمبنی ریلیف پیکج پرآئی ایم ایف سے مشاورت ہوئی ہے، حکومت کا موقف ہے کہ ریلیف پیکج کیلئے مالی گنجائش ہم اپنے وسائل سے نکالیں گے اس مقصدکیلئے سرکاری کاروباری اداروں کے ڈیوڈنڈ جواستعمال نہیں ہوئے ہیں کا استعمال ہوگا، اس کے علاوہ سالانہ ترقیاتی پروگرام سے بھی حصہ ڈالاجائیگا، اس لئے آئی ایم ایف کوریلیف پیکج پراعتراض نہیں کرناچاہئیے۔

وزیر خزانہ نے چین کی جانب سے 21 ارب ڈالرز کی سرمایہ کاری سے متعلق لاعلمی کا اظہار کرتے ہوئے کہا کہ سی پیک پر کام کی رفتار تیز کرنے کی بات ہوئی ہے، چین کی 22 کمپنیوں کو پاکستان میں صنعتیں لگانے پر آمادہ کر رہے ہیں جبکہ آئی ٹی برآمدات 50 ارب ڈالر تک پہنچانے کا ہدف ہے۔ یہ شعبہ پاکستان کے تجارتی خسارہ میں کمی کے حوالہ سے اہم کرداراداکرسکتاہے، اس سال آئی ٹی کے شعبہ میں 70 فیصدنموہوئی ہے اوراگے سال 100 فیصد نموکا امکان ہے، ہماراہدف آنیوالے چند برسوں میں برآمدات کو 50 ارب ڈالرتک بڑھاناہے،حکومت نے آئی ٹی پرکیپٹل گین ٹیکس ختم کردیاہے، فری لانسرزکومراعات دی گئی ہے، آئی ٹی میں سرمایہ کاری پرفارن کرنسی اکاونٹس کھولنے کی اجازت دی گئی ہے۔

اسلام آباد :فیصل مسجد میں شہید ضیاالحق کی قبرکی بیحرمتی:جواپنے محسن کا وفادارنہیں وہ زرداری کاغمخوارنہیں ہوسکتا:اطلاعات کے مطابق مسلم لیگ ضیاء کے صدر اعجاز الحق نے کہا ہے کہ آج وہ لوگ جمہوریت کی باتیں کر رہے ہیں جنہیں نیب نے جیلوں میں ڈالا تھا۔

اعجاز الحق نے ضیاء الحق کے مزار کی بے حرمتی کے معاملے پر نیشنل پریس کلب میں نیوز کانفرنس کرتے ہوئے کہا کہ فیصل مسجد میں شہید ضیاء الحق کے مزار کی بے حرمتی کی گئی، کل کا واقعہ انتہائی شرمناک ہے۔ان کا کہنا تھا کہ نوازشریف جو اپنے محسن کا وفادار نہیں وہ زرداری کا غمخوار نہیں ہوسکتا ، لگتا ہے کہ یہ عمران خان کے خلاف اکھٹے ہیں اندرسے ان کے دلوں میں وہی نفرت اور دشمنی ہے

انہوں نے کہا کہ سندھ کے آئے شرپسندوں نے مزار کی بے حرمتی کی ہے، یہ پاکستان کے سپہ سالار کی قبر کی بے حرمتی ہے، اس واقعے پر کارکنان اور ضیاء الحق کے چاہنے والوں کو تکلیف پہنچی ہے۔

ان کا کہنا تھا کہ ہم حکومت سے مطالبہ کرتے ہیں کہ اس واقعے میں ملوث افراد کو گرفتار کیا جائے، یہ واقعہ بلاول اور آصف زرداری کی ایما پر کیا گیا ہے، شر پسندوں کا تعلق سندھ سے تھا، مولانا فضل الرحمان اپنے مفاد میں ان کے ساتھ بیٹھے ہیں جنہیں لاڑکانہ کی سٹرکوں پہ کھسیٹنا چاہتے تھے۔

اعجاز الحق نے کہا کہ لانگ مارچ میں چوری کی گاڑی لائی گئیں تھیں جو پنجاب میں بیچ کر جائیں گے، فی بندہ 30 ہزار دیکر لوگوں کو لانگ مارچ میں لایا گیا ہے، ہم نے بلاول اور آصف زرداری کے نام پہ ایف آئی آر کی درخواست تھانہ میں جمع کروا دی ہے۔

انہوں نے کہا کہ 100 سے زائد کارکنان نے اس واقعے کے خلاف درخواستیں دی ہیں، پیپلز پارٹی اگر معافی مانگ لیں تو ٹھیک ورنہ لاڑکانہ بھی دور نہیں، آج وہ لوگ بھی جمہوریت کی باتیں کر رہے ہیں جنہیں نیب نے جیلوں میں ڈالا تھا۔

ان کا کہنا تھا کہ آصف علی زرداری اپنے والد کی روح سے پوچھ سکتے ہیں، آصف زرداری نے پی ڈیم کو توڑ کر پیپلز پارٹی کو نکال لیا، مجھے شیخ رشید کا فون آیا تھا اور انہوں نے افسوس کا اظہار کیا ، جس سے نیکی کریں اس کے شر سے بچیں۔

اعجاز الحق نے کہا کہ پی پی اور ن لیگ میں کیا مشترکہ ہے، یہ صرف ڈر کے وجہ سے اکھٹے ہوئے ہیں، یہ لوگ بائیس کروڑ عوام کے لیے نہیں کر رہے، اپنے مفاد کے لیے عدم اعتماد لائے ہیں۔مسلم لیگ ضیاء کے صدر اعجاز الحق کا مزید کہنا تھا کہ دس پندرہ دن میں سب سامنے آجائے گا، انکی لائی عدم اعتماد بھی ناکام ہوگی۔

لاہور :ذاتی اختلافات کا مطلب یہ نہیں کہ قومی نقصان کریں:صوبائی وزیرنے علیم خان کوکھری کھری سنادیں ،اطلاعات کے مطابق ایک طرف حکومت کے خلاف سازشوں کا بازار گرم ہے تودوسری طرف ان سازشوں کو تہس نہس کرنے والے بھی کسی سے کم نہیں ، اس سوچ اور فکرکا تازہ واقعہ اس وقت سامنے آیا جب کچھ لوگوں نے پی ٹی آئی کے ایک صوبائی وزیرکوپارٹی کے خلاف ووٹ دینے پر اکسایا ،

اس حوالے سے معلوم ہوا ہے کہ پنجاب کے صوبائی وزیر اختر ملک نے علیم خان کا ساتھ دینے سے انکار کردیا اور کہا مشکل وقت میں پارٹی نہیں چھوڑ سکتا۔

تفصیلات کے مطابق پنجاب کے صوبائی وزیر اختر ملک نے علیم خان کا ساتھ دینے سے انکار کردیا ہے ، ذرائع کا کہنا ہے کہ اختر ملک نے علیم خان کو جواب میں کہا کہ مشکل وقت میں پارٹی نہیں چھوڑ سکتا۔اختر ملک اور علیم خان کی 2روز قبل ملاقات ہوئی تھی جبکہ وزیراعلیٰ پنجاب سردار عثمان بزدار نے اختر ملک سے رابطہ کیا، اختر ملک آج وزیراعلیٰ پنجاب سے ملاقات کریں گے۔

یاد رہے وزیراعلیٰ پنجاب نے ترین اورسپرمیسی آف پارلیمنٹ گروپ کوملاقات کیلئےبلالیا ہے، ارکان میں خرم لغاری، فیصل جبوانہ عبدالحئی دستی،رفاقت علی ،طاہر رندھاوا شامل ہیں۔جہانگیر ترین سے الگ ہونیوالے نذیر چوہان بھی وزیراعلیٰ سے ملاقات کریں گے جبکہ ایم این اےریاض فتیانہ،صاحبزادہ محبوب سلطان، امیر سلطان سے بھی ملاقات ہوگی۔

اسلام آباد : پی ٹی آئی ارکان کی پارٹی سے ناراضی کی ایسی وجوہات سامنے آئیں کہ خود پی ٹی آئی والے بھی حیران رہ گئے ،اطلاعات کے مطابق اس وقت ایک نئی بحث جنم لے چکی ہے جس کے مطابق یہ کہا جارہا ہےکہ پارٹی ممبران کو عمران خان کی قیادت پر اعتراض نہیں بلکہ آپ کے اختلافات ہیں جن کو وضاحت کے باوجود بھی حل نہ کیا جاسکا ،

پارٹی کے اندراختلافات کی نوعیت بھی علاقائی ہے ، مثلا فیصل آباد ڈویژن کے ارکان شہبازگل کی مداخلت پر ناراض ہیں کیونکہ شہبازگل فیصل آباد میں آئندہ الیکشن میں اپنے لیے سپورٹ مانگتے رہے،ارکان نے وزیراعظم کو شہبازگل کی مداخلت پر تحفظات سے آگاہ کیا لیکن وزیراعظم ارکان کے تحفظات دورکرنے کے بجائے شہبازگل کو ماسکو لے گئے۔

ایسے ہی کے پی سے نور عالم خان کو اسپیکر اسد قیصر کے خلاف بولنا مہنگا پڑا، وہ حکومتی فنڈز صرف صوابی میں خرچ کرنے پر نالاں تھے اور اپنے حلقے کے لیے ترقیاتی فنڈز مانگتے رہے جو نہیں ملے، نورعالم خان کی وزیراعظم سے ملاقات میں بھی تحفظات دورنہیں کیے گئے جب کہ پارٹی کےشوکاز نوٹس اور پی اے سی سے نکالنا نورعالم کی ناراضی کی وجہ بنا۔

ذرائع کے مطابق فواد چوہدری نے نجی محفل میں ایک دو اپنے مخالف ارکان کو غدار قرار دیا اور کہا کہ غدار ارکان کو بیرون ملک بھیجا جا رہا ہے، ارکان تک فواد چوہدری کی باتیں پہنچ گئیں جس پر شدید ناراضی کا اظہار کیا گیا، اس معاملے پر بھی وزیراعظم نے ارکان کے تحفظات دور نہیں کیے۔ایسے ہی میجر ریٹائرڈ طاہرصادق کے حلقے میں ملک امین اسلم کی مداخلت کی شکایات رہیں اور وزیراعظم کو شکایت کے باوجود ملک امین اسلم کو مداخلت سے نہیں روکا گیا،

ذرائع کا کہنا ہےکہ اقبال خان نے بھی اپنے حلقے میں ایوب آفریدی کی مداخلت کا شکوہ کیا لیکن وزیراعظم نے اقبال خان کے تحفظات کو دور نہیں کیا، ایوب آفریدی متعلقہ حلقے میں ترقیاتی اسکیموں کا افتتاح کرتے رہے۔اس کے علاوہ بعض اراکین پر شک ناراضی کا باعث بنا اور غلام بی بی بھروانا کو پہلے روز سے ہی شک کے دائرے میں رکھا گیا۔

ذرائع کے مطابق اکثر اراکین کی جانب سے پارٹی ارکان کو عزت نہ ملنے پر بھی ناراضی ہے اور بعض ارکان نے پارٹی ارکان قومی اسمبلی کیلئے قائم واٹس ایپ گروپ بھی چھوڑ دیا۔

دوسری طرف یہ بھی اطلاعات ہیں کہ ان ناراض اراکین نے کہا ہے کہ وہ وزیراعظم سے ضرور یہ شکوہ کریں‌ گے کہ بعض ارکان بعض کی مخالفت کرکے پارٹی کو نقصان دے رہے ہیں جس کا اگر ازالہ نہ کیا گیا تو پارٹی کو مزید نقصان ہوسکتا ہے

اسلام آباد :وزیراعظم کی پیر پگاڑا سے ملاقات کی خواہش،ابھی تک جواب نہ آسکا ،اطلاعات کے مطابق وزیراعظم عمران خان اپوزیشن کی جانب سے تحریک عدم اعتماد جمع کرانے کے بعد متحرک ہوگئے ہیں۔ذرائع کے مطابق حکومت نے اتحادی جماعت مسلم لیگ فنکشنل سے رابطہ کیا ہے اور وزیراعظم عمران خان نے پیر پگاڑا سے ملاقات کی خواہش ظاہر کی ہے۔

ذرائع بتاتے ہیں کہ حکومت نے فنکشنل لیگ کوپیغام دیا ہے کہ وزیراعظم دورہ کراچی میں پیرپگاڑا سے ملاقات کرنا چاہتے ہیں۔ تاہم ذرائع کے مطابق مسلم لیگ فنکشنل کی جانب سے تا حال حکومتی پیغام کا کوئی جواب نہیں دیا گیا۔

خیال رہے کہ وزیر اعظم عمران خان کل کراچی کا دورہ کریں گے جہاں وہ ایم کیو ایم کے بہادر آباد میں مرکز کا دورہ کریں گے۔خیال رہے کہ مسلم لیگ فنکشنل گرینڈ ڈیموکریٹک الائنس (جی ڈی اے) میں شامل ہے اور جی ڈی اے وفاق میں حکومتی اتحادی جماعت ہے۔

ادھر اس سے قبل ملک میں جاری سیاسی صورتحال کے پیش نظر پاکستان مسلم لیگ (ق) کے سربراہ چودھری شجاعت حسین اور پاکستان ڈیمو کریٹک موومنٹ (پی ڈی ایم) کے سربراہ مولانا فضل الرحمان کی ملاقات ہوئی جس میں تحریک عدم اعتماد کے معاملے پر بات چیت ہوئی۔

واضح رہے کہ وزیراعظم عمران خان کے خلاف قومی اسمبلی میں جمع کرائی گئی تحریک عدم اعتماد کے بعد 11 جماعتی پی ڈی ایم اتحاد کی طرف سے اب بندے پورے کرنے کا سلسلہ جاری ہے

اسی تناظر میں پاکستان ق لیگ کے سربراہ چودھری شجاعت حسین جمعیت علمائے اسلام (ف) کے سربراہ مولانا فضل الرحمان کے گھر پہنچے جہاں پر دونوں کی ملاقات ہوئی۔

باغی ٹی وی کو ملنے والی اطلاعات میں بتایا گیا ہے کہ اس ملاقات میں چوہدری شجاعت حسین نے مولانا فضل الرحمن کو مخاطب ہوتے ہوئے کہا کہ حضرت جی چوہدری جس کے ساتھ وعدہ کرتے ہیں اس کو نبھاتے بھی ہیں ، ہم عمران خان کے اتحادی ہیں اور اتحادی رہیں گے ، یہ بھی معلوم ہوا ہے کہ اس موقع پر فضل الرحمن نے چوہدری شجاعت کو پنجاب کی وزارت اعلیٰ کا چکمہ دینے کی بھی کوشش کی تو چوہدری شجاعت حسین نے کہا کہ وہ ہمارا اور ہمارے اتحادیوں کا معاملہ ہے

اس موقع پر یہ بھی بات سامنے آئی ہے کہ فضل الرحمن نے چوہدری شجاعت حسین سے مخاطب ہوتے ہوئے کہا کہ آپ اگرہماری حمایت کرتے ہیں تو ہم عمران خان کو ہٹاسکتے ہیں ،

ادھر اس حوالے سے یہ بھی کہا جارہاہے کہ فضل الرحمن کے ان جملوں سے دعووں کی قلعی کھل کرسامنے آگئی ہے جس میں کہا گیا تھا کہ اپوزیشن کو حکومتی اتحاد کے 25 ارکان کی خاموش حمایت حاصل ہے ،سوشل میڈیا پراس حوالے سے یہ خیالات پیش کیے جارہے ہیں کہ اگراپوزیشن کے پاس 25 ارکان ہیں تو پھرپاکستان مسلم لیگ کی بار بار کیوں منتیں کی جارہی ہیں ،اس سے معلوم ہوتا ہے اپوزیشن حقائق کو صیح بیان نہیں کررہی

لاہور:عمران خان عوامی لیڈر:پاکستان ہی خطے کی ضرورت ہے:عدم اعتماد میں اللہ خیرکریں گے:،اطلاعات کے مطابق پاکستان تحریک انصاف (پی ٹی آئی) کے سینئر رہنما اور وفاقی وزیر برائے منصوبہ بندی اسد عمر نے کہا ہے کہ وزیراعظم عمران خان عوامی لیڈر ہیں ، الیکشن میں جانے سے نہیں گھبرائیں گے،

انہوں نے کہا کہ اپوزیشن ہمارے اتحادیوں بارے دعویٰ کر رہی ہے، آج صرف 86 ممبران نے تحریک عدم اعتماد پر دستخط کیے، ظاہرہے اپوزیشن کے پاس نمبرز پورے نہیں ہیں، اپوزیشن کے پاس آج تک نمبرز پورے نہیں ہیں، پریس کانفرنس میں بیٹھنے والے ایک دوسرے کوچورڈاکوکہتے تھے۔ پاکستان کے عوام یہ تماشا دیکھ رہے ہیں۔

پی ٹی آئی رہنما کا کہنا تھا کہ اپوزیشن نے 172 نمبرز پورے کرنے ہیں، اگران کے پاس واضح اکثریت ہوتی تو آج ہی 172 ارکان سے دستخط کرا لیتے۔ قومی اسمبلی کے اندر ہماری کل تعداد 179 ہے، یہ تعداد سپیکر اور اتحادیوں کو ملا کر ہے، پارٹی میں ٹوٹ پھوٹ کے حوالے سے دعوے درست نہیں ہیں، ہمیں پتا ہے کون کہاں کھڑا ہے، اگراپوزیشن کے دعوؤں کو دیکھا جائے تو 90 سے 95 فیصد تو عمران کے ساتھ کھڑے ہیں۔

اسد عمر نے کہا کہ وزیراعظم عمران خان نے کبھی جہانگیرترین کے خلاف بات نہیں کی، ترین نے بھی کبھی عمران خان کے خلاف بات نہیں کی، جہانگیرترین کوبالکل تحفظات ہیں جس طریقے سے ان کے کیسزکوہینڈل کیا گیا،ترین کے خیال میں ان کے کیسزمیں انصاف نہیں برتا گیا۔ جس دن عدم اعتماد کی ووٹنگ ہو گی نظرآجائے گا یہ لوگ کدھرکھڑے ہیں۔ وہی ہوگا جو منظور خدا ہو گا۔

انہوں نے کہا کہ عمران خان عوامی لیڈرالیکشن میں جانے سے نہیں گھبرائیں گے، اس وقت اپوزیشن کے دعوے پرالیکشن کرانے کی کوئی منطق نہیں بنتی۔ اسمبلی میں عمران خان کے ووٹ کی وجہ سے پہنچا ہوں، عمران خان سے بڑی قربت ہے، ہر ایم این ایز، ایم پی ایز مجھ سے رابطے میں ہوتے ہیں، ایسا نہیں ہے سارے لوگ عثمان بزدارکے خلاف ہیں، چیف منسٹرکے اوپنین پول کے مطابق عثمان بزدار چاروں صوبوں میں نمبرون یا نمبر ٹو ہوتے ہیں، کچھ لوگ عثمان بزداربارے تحفظات بھی کرتے ہیں۔

راولپنڈی:بلوچستان میں سکیورٹی فورسز کا خفیہ اطلاعات پر آپریشن،7دہشت گرد ہلاک ،اطلاعات کے مطابق سکیورٹی فورسز نے بلوچستان میں امن دشمنوں کے خلاف آپریشن کرتے ہوئے 7 دہشتگردوں کو ہلاک کر دیا۔

پاک فوج کے شعبہ تعلقات عامہ (آئی ایس پی آر) کی طرف سے جاری کردہ بیان کے مطابق سکیورٹی فورسز نے بلوچستان کے علاقے تربت میں دہشتگردوں کے ٹھکانے کی موجودگی پر خفیہ معلومات پر آپریشن کیا، یہ آپریشن صوبے میں امن کے بیرونی سپانسر شدہ دشمنوں کو پکڑنے کے لیے کیا گیا۔

بیان کے مطابق سکیورٹی فورسز نے علاقے میں کلیئرنس آپریشن شروع کیا تو دہشتگردوں نے اپنے کیمپ سے فرار ہونے کی کوشش اور اس دوران سکیورٹی فورسز کا دہشتگردوں کے ساتھ اندھا دھند فائرنگ کا تبادلہ ہوا۔

آئی ایس پی آر کے مطابق شدید فائرنگ کے تبادلے میں 7 دہشتگرد مارے گئے، مارے جانے والوں میں کمانڈر حاصل ڈوڈ اور واشدل شامل ہیں۔ یہ دہشت گرد مکران ڈویژن میں حالیہ فائرنگ اور سکیورٹی فورسز پر حملوں میں ملوث تھے۔بیان کے مطابق آپریشن کے دوران اسلحہ اور گولہ بارود کا ایک بڑا ذخیرہ بھی برآمد کر لیا جو دہشت گردی کی کارروائیوں میں استعمال کرنا تھا۔

آئی ایس پی آر کے مطابق ملک میں دہشت گردی کی کارروائیاں کرنے والوں کے خاتمے کے لیے آپریشن جاری رہے گا اور انہیں بلوچستان کے امن، استحکام اور ترقی کو سبوتاژ کرنے کی اجازت نہیں دی جائے گی۔