Tag: بریکنگ

اسلام آباد:مریم نوازمحسن بیگ کی حمایت میں بول پڑیں ،اطلاعات کے مطابق پاکستان مسلم لیگ ن کی نائب صدر مریم نواز نے کہا ہے کہ وزیراعظم عمران خان کی کی گستاخی پرشہریوں کے گھروں پر دھاوابولا جاتا ہے۔

ٹویٹر پر جاری کردہ بیان کے مطابق ن لیگ کی نائب صدر کی سوچ کی عکاس سٹیٹمنٹ بھی سامنے آگئی ہے ، جس میں مریم نواز نے جارحانہ انداز اختیار کرتے ہوئے کہا کہ  وزیراعظم عمران خان کو مخاطب کرتے ہوئے کہا کہ آپ کوئی آسمان سے اتری مخلوق نہیں جس کی شان میں گستاخی کرنے پر شہریوں کے گھروں پر دھاوا بولا جائے گا اور انہیں سلاخوں کے پیچھے پھینکا جائے گا۔ آپ کی اہلیہ کا جو احترام ہے وہی میری آئی سی یو میں بیہوش پڑی والدہ کا ہونا چاہیے تھا، مخالفین کی بہنوں اور بیٹیوں کا ہونا چاہیے تھا۔

آپ @ImranKhanPTI کوئی آسمان سے اتری مخلوق نہیں جس کی شان میں گستاخی کرنے پر شہریوں کے گھروں پر دھاوا بولا جائے گا اور انکو سلاخوں کے پیچھے پھینکا جائے گا۔آپ کی اہلیہ کا جو احترام ہے وہی میری ICU میں بیہوش پڑی والدہ کا ہونا چاہیے تھا،مخالفین کی بہنوں اور بیٹیوں کا ہونا چاہیے تھا

— Maryam Nawaz Sharif (@MaryamNSharif) February 16, 2022

انہوں نے مزید کہا کہ ماضی میں آپ نہ صرف خود اس کھیل میں شامل تھے بلکہ جاہل وزرا کا حوصلہ بڑھاتے تھے، اقتدار جب ہاتھ سے نکلنے لگتا ہے تو آپ جیسے انسانوں کا خوف اسی طرح سامنے آتا ہے، آپ کی حرکتیں دیکھ کر مشرف کے آخری ایام یاد آ جاتے ہیں۔

ن لیگی نائب صدر نے کہا کہ وقت کا پہیہ گھوم چکا ہے، عمران خان! آپ جتنی بھی ریاستی طاقت استعمال کرلیں،آپ خود کونہیں بچا سکتے، آپ کے جرائم کی فہرست میں مخالفین سےانتقام لینا شامل ہے، آپ ایف آئی اے جیسے اداروں کو ذاتی اسکور سیٹل کرنے کے لیےاستعمال کرتے ہیں، آپ کوحساب تودینا ہوگا۔

یاد رہے کہ مریم نوازمخالفین کی کردارکُشی سے بازنہیں آتیں: عالیہ حمزہ نے خاتون اول کی تضحیک کرنے پر مریم نواز کیخلاف ایف آئی اے میں درخواست دے دی ۔

ذرائع کے مطابق خاتون اول کی تضحیک پر عالیہ حمزہ نے مریم نواز کے خلاف ایف آئی اے میں درخواست دے دی،درخواست گزار کا کہنا ہے کہ خاتون اول کا سیاست سے کوئی تعلق نہیں ، ایف آئی اے مریم نواز کو گرفتار کرے۔

خاتون اول کی کردار کشی کرنے والے صابر ہاشمی کی وکالت کرکے مریم نواز نے اقبال جرم کیا،شہید بےنظیر بھٹو سے آج تک کرادار کشی میں ن لیگ کی نسل در نسل شمولیت شامل ہے۔

یاد رہے کہ اس سے قبل بھی مریم نواز کی طرف سے مخالفین خصوصا عمران خان کی بہنوں ، عمران خان کی زوجہ محترمہ اور دیگر مخالفین کے مردوخواتین کی کردار کُشی کی مہمات چلائی گئیں‌ جس میں ن لیگ کے سوشل میڈیا کا بھی مرکزی کردار ہے جس کی مانیٹرنگ مریم نواز کرتی ہیں

اسلام آباد: الیکشن کمیشن کا پنجاب میں بلدیاتی انتخابات کروانے کا اعلان ،تفصیلات کے مطابق چیف الیکشن کمشنر کی زیرِ صدارت اجلاس ہوا جس میں اہم فیصلہ ہوا کہ پنجاب میں بلدیاتی انتخابات مرحلہ وار کروائے جائیں گے۔الیکشن کمیشن کے مطابق پنجاب میں بلدیاتی انتخابات کے پہلے مرحلے کیلئے پولنگ 29 مئی کو ہوگی۔

ترجمان الیکشن کمیشن کا کہنا ہے کہ بہاولپور، ساہیوال، پاک پتن اور ٹوبہ ٹیک سنگھ میں بھی بلدیاتی انتخابات پہلے مرحلے میں ہوں گے، خوشاب، سیالکوٹ، گجرات، حافظ آباد، منڈی بہاؤالدین، جہلم اور اٹک بھی پہلے مرحلے میں شامل ہیں۔

دوسری جانب الیکشن کمیشن نے فیصل واوڈا کی خالی نشست پر الیکشن کا اعلان کردیا ہے۔الیکشن کمیشن نے سینیٹ کی خالی نشست کا شیڈول جاری کردیا، سینیٹ کی خالی نشست پر 9 مارچ کو سندھ اسمبلی کی عمارت میں پولنگ ہوگی، کاغذات نامزدگی 17 سے 19 فروری تک جمع کروائے جاسکیں گے۔

الیکشن کمیشن کے مطابق امیدواروں کی ابتدائی فہرست 21 فروری کو جاری کی جائے گی، کاغذات نامزدگی کی سکروٹنی 24 فروری تک کی جائے گی، امیدواروں کی حتمی فہرست 3 فروری کو جاری کی جائے گی۔واضح رہے کہ پولنگ 9 مارچ کو صبح 9 بجے سے شام 4 بجے تک ہوگی۔

واضح رہے کہ 9 فروری کو 2018 کے عام انتخابات کے لیے کاغذات نامزدگی کے ساتھ دہری شہریت کے معاملے پر جھوٹا حلف نامہ جمع کروانے پر الیکشن کمیشن نے حکمران جماعت پاکستان تحریک انصاف کے سینیئر رہنما فیصل واوڈا کو نااہل قرار دے دیا تھا الیکشن کمیشن نے فیصل واوڈا کی بطور سینیٹر کامیابی کا نوٹیفیکشن بھی واپس لینے کے احکامات جاری کیے تھے

فیصل واوڈا کو الیکشن کمیشن نے نااہل کیا تھا، الیکشن کمیشن نے فیصل واوڈا نااہلی کا تحریری فیصلہ جاری کردیا،تحریری فیصلے پر چیف الیکشن کمشنرز سمیت 3ممبران نے دستخط کیے فیصل واوڈا کی نااہلی کا فیصلہ 27 صفحات پر مشتمل ہے 27صفحات پر مشتمل فیصلہ چیف الیکشن کمشنر سکندر راجہ سلطان نے تحریر کیا فیصل واوڈا کو 3 رکنی کمیشن نے متفقہ طور پر نااہل کیا،

فیصل واوڈا کو آرٹیکل 62 ون ایف کے تحت نااہل کیا گیا ،کاغزات نامزدگی کے وقت فیصل واوڈا انتخاب لڑنے کے اہل نہیں تھے،فیصل واوڈا نے الیکشن کمیشن میں جھوٹا بیان حلفی جمع کرایا،جھوٹا بیان حلفی جمع کرانے پر 62 ون ایف کے تحت نااہل کیا جاتا ہے فیصل واوڈا تمام تنخواہیں اور مراعات سیکریٹری قومی اسمبلی کو 2 مہینوں میں جمع کرائیں،کاغذات نامزدگی جمع کراتے وقت فیصل واوڈا دہری شہریت کے حامل تھے،امریکی شہریت چھوڑنے کا سرٹیفکیٹ الیکشن کمیشن میں جمع نہیں کرایا گیا

لاہور:فاطمہ جناح میڈیکل یونی ورسٹی کا کانووکیشن:گورنرپنجاب کی شرکت کے تذکرے ابھی تک جاری ،اطلاعات کے مطابق لاہور کی فاطمہ جناح میڈیکل یونیورسٹی کے چھٹے کانووکیشن میں ستاون طالبات کو گولڈ میڈل اور دو سو پچاسی طالبات کو اسناد دی گئیں ۔ تقریب کے مہمان خصوصی گورنر پنجاب چوہدری محمد سرور نے گریجویٹ ہونے والے طالبات کے لیے نیک خواہشات کا اظہار بھی کیا

ذرائع کے مطابق اس موقع ہر آنکھوں میں خوشی اور چہرے پر مسکراہٹ فاطمہ جناح میڈیکل یونیورسٹی کی فارغ التحصیل ہونے والی طالبات دو سو پچاسی طالبات کو اسناد سے نوازا گیا ۔

گورنر پنجاب چوہدری محمد سرور نے گریجویٹ ہونے والی طالبات کو تلقین کی کہ وہ ایمانداری سے اپنا فرض ادا کریں، بولے جس بھی یونیورسٹی میں جاتا ہوں زیادہ گولڈ میڈل طالبات ہی حاصل کرتی ہیں۔

گورنرپنجاب چوہدری محمد سرور نے اس موقع پر کہا کہ حکومت تعلیم کے حصول کے لیے تمام تراقدامات بجا لا رہی ہے اور اس کے ساتھ ساتھ اعلیٰ تعلیم کے لیے سکالرشپس دے کراپنے طالبعلوں کو ہرممکن مدد فراہم کررہی ہے

صوبائی وزیر صحت ڈاکٹر یاسمین راشد نے تقریب سے خطاب میں کہا کہ صحت کے شعبہ میں کام حکومت کی اولین ترجیح ہے، حکومت کے اختتام تک اسی ہزار افراد کو صرف محکمہ صحت میں ہی نوکریاں مل چکی ہوں گی۔ڈاکٹر یاسمین راشد بولیں کہ گنگا رام اسپتال میں مدر اینڈ چائلڈ بلاک کا قیام ایک انقلابی قدم ہے، سو سے زائد ہیلتھ کیئر سینٹر کو اپگریڈ کرنے کا کام بھی جاری ہے،

بیجنگ: افغان اثاثے امریکیوں میں تقسیم کرنا”ڈاکے”سے کم نہیں‌ ،اطلاعات کے مطابق چین نے افغانستان کے منجمد اثاثوں کو نائن الیون متاثرین میں تقسیم کرنے کے فیصلے کو ”ڈاکہ“ قرار دے دیا۔

امریکیوں کے ہاتھوں افغانستان کے اثاثوں کی بندر بانٹ کے حوالے سے غیر ملکی میڈیا رپورٹس کے مطابق ترجمان چینی وزارت خارجہ نے اپنے ایک بیان میں کہا ہے کہ امریکی اقدام شرمناک اور اخلاقی گراوٹ ظاہر کرتا ہے۔

ادھر اسی حوالے سے چین نے کہا کہ امریکا افغانستان کے تمام اثاثے جلد از جلد بحال کرے، امریکا، عراق، لیبیا اور دیگر ممالک کے عوام کا بھی ازالہ کرے جن کا امریکی فوجی کارروائیوں میں جانی نقصان ہوا۔

خیال رہے کہ امریکا نے افغان منجمد اثاثوں میں سے 7 بلین ڈالرز ریلیز کرنے کا فیصلہ کیا ہے۔ 7 بلین ڈالرز میں سے 3.5 افغانستان میں انسانی امداد اور 3.5 بلین ڈالرز نائن الیون متاثرین کو دی جائے گی۔پاکستان نے بھی جو بائیڈن انتظامیہ کے فیصلے پر تحفظات کا اظہار کیا ہے۔ پاکستان کا مطالبہ ہے کہ افغانستان کے تمام اثاثے فوری طور ہر بحال کیے جائیں۔

صدر جو بائیڈن نے جمعے کے روز ایک صدارتی حکمنامہ جاری کر دیا ہے جس کے تحت امریکی بنکوں میں منجمد افغانستان کے سات بلین ڈالر کو دو حصوں میں تقسیم کیا گیا ہے تاکہ افغانستان کے اندر انسانی بحران کے لیے رقم فراہم کی جا سکے اور نائن الیون کے دہشگردی کے واقعے کے متاثرین کی مالی اعانت کے لیے بھی فنڈ قائم کیا جا سکے۔ امریکہ میں تجزیہ کار اس پیش رفت کو مثبت قرار دے رہے ہیں جبکہ طالبان نے اس اقدام کو افغانستان کے پیسے کی چوری قرار دیا ہے۔

صدر بائیڈن کی طرف سے جمعے کو جاری کردہ حکم نامے میں امریکہ کے مالیاتی اداروں سے کہا گیا ہے کہ وہ افغانستان کے عوام کی امداد اور بنیادی ضروریات کے لیے 3.5 ارب ڈالر تک رسائی میں سہولت فراہم کریں۔ باقی کے 3.5 بلین ڈالر امریکہ کے اندر موجود رہیں گے اور اس رقم کو نائن الیون کے دہشتگرد حملے کے امریکی متاثرین کی طرف سے دائر مقدے میں ادائیگیوں کے لیے استعمال کیا جائے گا۔

افغانستان کے لیے بین الاقوامی فنڈنگ اور شورش زدہ ملک کے باہر کی دنیا میں زیادہ تر امریکہ کے اندر موجود اثاثے اس وقت منجمد کر دیے گئے تھے جب طالبان نے اگست میں کابل کا کنٹرول سنبھالا اور امریکی افواج کا انخلا عمل میں آیا تھا۔

وائٹ ہاوس کا کہنا ہے کہ یہ صدارتی حکمنامہ افغانستان کے عوام تک فنڈ کی ترسیل کے لیے ایک راستہ فراہم کرنے کے لیے تشکیل دیا گیا ہے اور اس سے یہ رقوم ، بیان کے مطابق، طالبان کے بد نیت عناصر کے ہاتھوں سے دور رکھی جائیں گی۔

افغانستان میں کووڈ نائنٹین کے پھیلاو کے سبب خراب ہوتی ہوئی صورتحال، صحت کی سہولیات کے فقدان اور خشک سالی اور قحط کے سبب عوام کی پریشانی اور مشکلات میں اضافہ ہوا ہے۔

صدارتی حکم نامے کے اجرا سے پہلے انتظامیہ کے دو عہدیداروں نے صحافیوں کو بریفنگ دیتے ہوئے بتایا کہ نائین الیون کے دہشتگرد حملے کے متاثرین نے عدالت میں طالبان کے خلاف مقدمہ دائر کر رکھا ہے اور انتظامیہ نے افغانستان کے اثاثوں میں شامل ساڑھے تین ارب ڈالر کا فنڈ اس لیے قائم کیا ہے کہ عدالت کی طرف سے اگر معاوضے کی ادائیگی کا حکم آتا ہے تو اس کے لیے ایک فنڈ پہلے قائم ہو۔

طالبان نے صدر بائیڈن کے اس حکمنامے کو افغان عوام کے پیسے کی چوری قرار دیا ہے، جبکہ امریکہ میں تھنک ٹینکس کے ساتھ وابستہ ماہرین فیصلے کو سراہ رہے ہیں کہ اس سے مشکلات سے دوچار افغانستان کے عوام کو فوری ریلیف دیا جا سکے گا۔

فغانستان کے عوام کا وہ پیسہ چوری کرنا جو امریکہ کے اندر منجمد تھا ایک انتہائی ہیچ قدم ہوگا، جو کسی بھی ملک کی اخلاقی اور انسانی معیار سے گری ہوئی حرکت کے مترادف ہے۔ فتح اور شکست انسانی تاریخ کا حصہ ہے۔ لیکن کسی بھی ملک کے لیے بڑی اورہتک آمیزبات وہ ہوتی ہے جب وہ عسکری لحاظ سے ہی نہیں بلکہ اخلاقی لحاظ سے بھی مات کھا جائے ‘‘

لاہور:‏مہنگائی کی صورتحال میں عوام کا گزارا ممکن نہیں،جہانگیر ترین کے اس بیان سے اپوزیشن نے امیدیں لگانا چھوڑدیں،اطلاعات ہیں کہ تحریک انصاف ترین گروپ کے سربراہ جہانگیر ترین نے حالیہ سیاسی صورتحال میں متحرک کردار ادا کرنے کا اعلان کردیا۔دوسری طرف جہانگیر ترین کے اس بیان کو اپوزیشن نہیں سمجھ سکی ،

کل جہانگیر ترین گروپ کی عون چوہدری کی رہائش گاہ پر ہونے والے اہم اجلاس میں سیاسی حالات اور اپوزیشن کے عدم اعتماد کی تحریک کے اعلان پر مشاورت ہوئی۔لیکن یہ بھی معلوم ہوا ہے کہ جہانگیر خان ترین کے ساتھی وہی فیصلہ کریں گے جو جہانگیرخان ترین کا ہوگا اور جہانگیر خان ترین کے بارےمیں سُننے میں آیا ہے کہ وہ عمران خان سے ناراض تو ہیں مگردھوکہ نہیں دیں گے

یاد رہے کہ ترین گروپ کے مشاورتی اجلاس میں6 ایم این اے اور 20 ارکان پنجاب اسمبلی نے شرکت کی، غیر حاضر رہنماؤں سے ٹیلی فون پر مشاورت کی گئی،لاہور میں ترین گروپ کے سیاسی عشائیے کے بعد میڈیا سے گفتگو میں جہانگیر ترین نے کہا کہ تحریک عدم اعتماد ابھی نہیں آئی اور معلوم نہیں آئے گی بھی یا نہیں۔

ان کا کہنا تھا کہ طویل عرصے بعد تمام دوست اکٹھے ہوئے ہیں، اُن سے رائے لینی تھی کہ آئندہ گروپ کیسے چلے، سیاسی حالات میں اپنے کردار کو دیکھیں گے۔

انہوں نے کہا کہ رابطے ابھی بھی ہیں اور آئندہ بھی رکھیں گے، سیاسی لوگ ہر ایک سے رابطے کرتے ہیں، خان صاحب سے گزارش ہے عوام کو ریلیف ملنا چاہے۔پی ٹی آئی ترین گروپ کے سربراہ نے مزید کہا کہ ملک کے حالات سیاسی طور پر گرم ہیں، موجودہ نازک صورتحال میں سب کا مل کر بیٹھنا ضروری تھا، سیاسی مشاورت وقت کی ضرورت ہے۔

جہانگیر ترین نے یہ بھی کہا کہ ہم نے سوچا ہے موجودہ صورتحال پر مشاورت جاری رکھیں گے، تحریک عدم اعتماد سے متعلق کوئی بات نہیں کی، یہ بات قبل از وقت ہے۔انہوں نے کہا کہ عدم اعتماد آئےگ ی تو بیٹھ کر مشاورت کریں گے، تحریک عدم اعتماد ابھی آئی نہیں، آئے گی بھی یا نہیں، نہیں معلوم ہے۔ترین گروپ کے سربراہ نے کہا کہ خان صاحب سےگزارش ہے معیشت پر فوکس ہونا چاہے، عوام کو ریلیف ملنا چاہے۔

یاد رکھیں کہ جہانگیر ترین کے اس نرم اور قابل اصلاح بیان کو عمران خان سے نفرت یا بے وفائی نہیں‌لینا چاہیے ، جہانگیر خان ترین وہ کام کررہےہیں جوکسی اپوزیشن اور دیگر سوچ بچار کرنے والوں کی سمجھ میں‌ نہیں آسکتا

کراچی : میری ٹائم سکیورٹی ایجنسی نے کھلے سمندر میں ایک کشتی سے 62 کروڑ روپے مالیت کی منشیات برآمد کرلی۔

غیر ملکی سمیت دوہری شہریت رکھنے والے اسمگلروں کے خلاف پاکستان میری ٹائم سیکورٹی ایجنسی اور پاکستان کسٹمز کی مشترکہ کارروائی،بڑی مقدار میں منشیات برآمد کرلی گئی. پاکستان میری ٹائم سیکیورٹی ایجنسی اور پاکستان کسٹمز انٹیلی جنس اطلاعات پر انسداد منشیات کے خلاف شمالی بحیرہ عرب میں مشترکہ آپریشن کیا گیا. آپریشن کے دوران شمالی بحیرہ عرب میں 05 غیر ملکی اور 02 دوہری شہریت سمیت 07 اسمگلروں کو گرفتار کر لیا گیا جبکہ غیر ملکی کشتی سے 625 کلوگرام منشیات بھی برآمد کرلی گئی برآمد شدہ منشیات کی بین الاقوامی منڈی میں مالیت کا تخمینہ تقریباً 625 کروڑ روپے لگایا گیا ہے برآمد کی گئی منشیات کو اسمگلروں سمیت مزید تفتیش اور قانونی کارروائی کے لیے پاکستان میری ٹائم سیکورٹی ایجنسی نے پاکستان کسٹمز کے حوالے کر دیا گیا ہے جس میں گرفتار فرد یا گروہ کے دیگر ریاست مخالف سرگرمیوں میں ملوث ہونے کی تحقیقات اور قانونی کارروائیوں کی تکمیل شامل ہے

پاکستان میری ٹائم سیکیورٹی ایجنسی اور پاکستان کسٹمز کی جانب سے کامیاب آپریشن جس کے نتیجے میں منشیات کی برآمدگی ہوئی اس بات کا ثبوت ہے کہ ہم کسی بھی غیر قانونی کام/مقاصد کے لیے پاکستانی پانیوں کے استعمال کو روکنے کے لیے چوکس اور پرعزم ہیں پاکستان میری ٹائم سیکیورٹی ایجنسی سمندر میں امن و امان قائم کرنے کے لیے اپنی قومی ذمہ داریوں کو نبھاتی رہے گی۔

یاد رہے کہ پچھے سال فروری ہی میں میری ٹائم سکیورٹی ایجنسی نے کھلے سمندر میں کارروائی کرتے ہوئے 2 کشتیوں کے ذریعے اسمگل کیا جانے والا 64 ہزارلیٹرایرانی ڈیزل تحویل میں لے کر 11 اسمگلروں کو گرفتار کیا تھا ۔

ترجمان کے مطابق ایم ایس اے کے جہازنےاینٹی اسمگلنگ کارروائی کے دوران آلاصف اورالشمس نامی کشتیوں کو 11 اسمگلروں کو تحویل میں لے لیا گیا، کشتیوں سے 64ہزارلیٹر ایرانی ڈیزل برآمد ہوا، جوکہ غیرقانونی طریقے سے پاکستان لایا جارہا تھا، دونوں کشتیوں اورغیرقانونی ڈیزل کسٹم ایکٹ 1969کے قانون کے مطابق تحویل میں لے لیا گیا تھا

ترجمان کے مطابق کسٹم ایکٹ کے تحت گرفتارعملے کے خلاف ایف آئی آردرج کرلی گئی، پکڑی گئی کشتی بمعہ عملے کے قانونی کارروائی کے لیے کسٹم پریوینٹوکے حوالے کردیا گیا تھا

یاد رہے کہ پاکستان میری ٹائم سیکیورٹی ایجنسی واحد بحری قانون نافذ کرنے والی ایجنسی ہے، جسے ایکٹ کے تحت ذمہ داری دی گئی ہے کہ سمندر میں اسمگلروں کا تعاقب کرنے کے بعد ان کو کیفر کردار تک پہنچائے، محدودو سائل کے باوجود ایم ایس اے اپنے فرائض احسن طریقے سے انجام دے رہی ہے۔