Baaghi TV

Tag: بریکنگ

  • ن لیگی ایم این اے برجیس طاہر کیخلاف انویسٹی گیشن کی منظوری

    ن لیگی ایم این اے برجیس طاہر کیخلاف انویسٹی گیشن کی منظوری

    اسلام آباد: ن لیگی ایم این اے برجیس طاہر کیخلاف انویسٹی گیشن کی منظوری ،اطلاعات کے مطابق قومی احتساب بیورو (نیب) ایگزیکٹو بورڈ نے 6 انویسٹی گیشنز کی منظوری دے دی۔نیب اعلامیے کے مطابق بورڈ نے ایم این اے برجیس طاہر، سلیم گورایا ٹھیکیدار اور دیگر کے خلاف انویسٹی گیشنز کی منظوری دی۔

    نیب کا کہنا ہے کہ سابق سیکرٹری ریونیو اسٹیمپس اینڈ اویکیوپراپرٹیزعبدالرزاق قریشی کےخلاف انویسٹی گیشن کی منظوری دی گئی ہے اورعبدالرزاق قریشی کے ساتھ حکومت سندھ اوردیگرکےخلاف بھی انویسٹی گیشنز کی منظور کی گئی ہے۔

    نیب کے مطابق پاکستان پیٹرولیم لمیٹڈکےخلاف انکوائری مزید کارروائی کیلئے متعلقہ محکمے کو بھیجنے کی منظوری دی گئی ہے۔نیب کا کہنا ہے کہ اسپیکربلوچستان اسمبلی جان محمد جمالی اوردیگرکےخلاف انوسٹی گیشن بند کرنےکی منظوری دی ہے۔

    قومی احتساب بیورو کےایگزیکٹو بورڈ کے اجلاس میں 2 ریفرنسزدائر کرنے کی منظوری دی گئی جن میں ایف بی آر کے افسران اوراہلکاروں اور دیگر کے خلاف ریفرنس دائر کرنے کی منظوری دی گئی۔

    اعلامیے میں کہا گیا ہے کہ ملزمان پراختیارات کے ناجائزاستعمال سے غیرملکی کمپنی کوغیرقانونی ٹھیکا دینےکا الزام ہے، اس ٹھیکے سے قومی خزانے کو 11.125ملین ڈالر کا نقصان پہنچا۔

    اعلامیے میں کہا گیا ہے کہ ایگزیکٹو انجینیئراریگیشن ڈپارٹمنٹ ملتان راناافضل اوردیگرکےخلاف ریفرنس کی منظوری دی گئی اور ملزمان پر مبینہ طور پربد عنوانی اور رشوت دینے کا الزام ہے۔

  • تحریک لبیک پاکستان(ٹی ایل پی ) کو بڑا دھچکا:قومی اسمبلی امیدوار پی پی میں شامل

    تحریک لبیک پاکستان(ٹی ایل پی ) کو بڑا دھچکا:قومی اسمبلی امیدوار پی پی میں شامل

    سرگودھا :تحریک لبیک پاکستان(ٹی ایل پی ) کو بڑا دھچکا:قومی اسمبلی امیدوار پی پی میں شامل ،اطلاعات کے مطابق تحریک لبیک پاکستان کو پہلا بڑا سیاسی دھچکا ، تحریک لبیک پاکستان کے ٹکٹ ہولڈر این اے 92 صاحبزادہ اظہر عباس سیالوی نے پی پی پی میں شمولیت اختیار کر لی۔

    تفصیلات کے مطابق تحریک لبیک پاکستان کے سرگرم کارکن اور این اے 92 کے ٹکٹ ہولڈر بھی تھے ،صاحبزادہ اظہر عباس سیالوی کی پی پی میں شمولیت پر انہیں روایتی سکار ف بھی پہنایا گیا ۔

    پاکستان پیپلزپارٹی کے رہنما راجہ پرویز اشرف نے کہا صاحبزادہ اظہر عباس کی شمولیت سے پی پی مزید مظبوط ہوئی ہے ، صاحبزادہ اظہر عباس سیالوی تحصیل ساہیوال سرگودھا کے سرگرم رہنما تھے، راجہ پرویز اشرف نے باضابطگی طور پر ان کو شمولیت پر سکارف پہنایا۔

    راجہ پرویز اشرف نے مزید کہا بلاول بھٹو 27 فروری کو مزار قائد سے بذریعہ جی ٹی روڈ مزار قائد سے اسلام آباد پہنچیں گے،11 مارچ کو اسلام آباد پہنچ کر پیپلز پارٹی عوام کو سرپرائز دیگی، بلاول بھٹو کا قافلہ مختلف مقامات سے ہوتا ہوا 12 روز میں اسلام آباد پہنچے گا، پی پی اپوزیشن کی تمام جماعتوں کو ساتھ لیکر چلنے کی پالیسی پر یقین رکھتی ہے۔

    انہوں نے کہا عوام بد حالی کی وجہ سے 27فروری کے مارچ کا بے صبری سے انتظار کر رہی ہے،لانگ مارچ کا مقصد عام آدمی کو موجودہ حکومت کی ظالمانہ پالیسیوں سے نجات دلانا ہے۔

  • سندھ: خواتین پر مبینہ ظلم و زیادتیاں جاری تودوسری طرف بلاول بھٹوکا وفاق کےخلاف تحریک چلانے کا اعلان

    سندھ: خواتین پر مبینہ ظلم و زیادتیاں جاری تودوسری طرف بلاول بھٹوکا وفاق کےخلاف تحریک چلانے کا اعلان

    سندھ: خواتین پر مبینہ ظلم و زیادتیاں جاری تودوسری طرف بلاول بھٹوکا وفاق کےخلاف تحریک چلانے کا اعلان ،اطلاعات ہیں کہ خواتین پر مبینہ ظلم و زیادتی کیخلاف احتجاجی خط وزیراعلیٰ ہاؤس پر چسپاں کردیا گیا ہے

    پاکستان تحریک انصاف (پی ٹی آئی) کے ارکان، خواتین اور طالبات سے ظلم و زیادتی کے خلاف خط لے کر وزیر اعلیٰ ہاؤس کے باہر پہنچ گئے اور احتجاج کیا۔وزیراعلیٰ ہاؤس سے خط وصول کرنے کوئی نہیں آیا جس پر ارکان نے خط وزیراعلیٰ ہاؤس کی دیوار پر چسپاں کردیا۔

    ارکان کا کہنا تھا کہ سندھ حکومت نے کنٹینر اور پولیس لگا کر راستے بند کردیے، وہ احتجاج کرنے نہیں بلکہ یادداشت پیش کرنے آئے تھے۔دوسری طرف حکومت مخالف احتجاج کے سلسلے میں پاکستان پیپلز پارٹی نے 27 فروری کے لانگ مارچ کے شیڈول کا اعلان کر دیا۔

    ملکی سیاست میں ہلچل پیدا ہونے لگی، پاکستان پیپلز پارٹی نے اپنے لانگ مارچ کے شیڈول کا اعلان کر دیا، لانگ مارچ 27فروری دوپہر کو مزارِ قائد کراچی سے روانہ ہوگا، پہلی رات سکھر میں قیام کرے گا، اس قافلے کی میزبانی پاکستان پیپلز پارٹی کے رکن قومی اسمبلی خورشید شاہ کریں گے۔ جہاں پر بڑا جلسہ ہوگا جس سے بلاول بھٹو خطاب کریں گے۔

    اس سے اگلے روز 28فروی کو لانگ مارچ رحیم یار خان پڑاؤ کرے گا جبکہ حکومت مخالف مارچ یکم مارچ کو ملتان پہنچے گا، ملتان میں سابق وزیراعظم اور سینیٹ میں قائد حزب اختلاف یوسف رضا گیلانی میزبانی کریں گے۔

    2 مارچ کو پیپلز پارٹی کا مارچ ساہیوال کی تحصیل چیچہ وطنی پہنچے گا جہاں پر ایک لاکھ لوگ اکٹھے کرنے کا پلان ہے۔

    اس سے اگلے روز 3 مارچ کو پیپلز پارٹی کا مارچ لاہور پہنچے گا، رات کو لاہور میں متعدد بڑے جلسے کا انعقاد ہو گا، 4 مارچ کو لانگ مارچ لاہور سے روانہ ہوگا اور وزیر آباد قیام کریگا۔5 مارچ کو لانگ مارچ وزیرآباد سے گجر خان پہنچے گا جبکہ چھ مارچ کو لانگ مارچ اسلام آباد پہنچے گا۔

  • ملک میں صدارتی نظام آرہا ہے؟صدارتی نظام ڈکٹیٹرشپ کا دوسرانام ہے :مولانا فضل الرحمٰن

    ملک میں صدارتی نظام آرہا ہے؟صدارتی نظام ڈکٹیٹرشپ کا دوسرانام ہے :مولانا فضل الرحمٰن

    ملک میں صدارتی نظام آرہا ہے؟صدارتی نظام ڈکٹیٹرشپ سمجھیں گے:اطلاعات کےمطابق پاکستان ڈیمو کریٹک موومنٹ (پی ڈی ایم) کے سربراہ مولانا فضل الرحمان نے کہا ہے کہ ایسے لگ رہا ہے کہ جیسے اب ملک میں صدارتی نطام آنے والا ہے ، ان کا کہنا تھا کہ اگرصدارتی نطام لایا گیا تو اسے ڈکٹیٹرشپ ہی سمجھیں گے

    سربراہ پی ڈی ایم کا مزید کہنا تھا کہ پنجاب کے وسائل پر صوبے کے بچوں کا حق ہے، اگر کل سرائیکی صوبہ بنتا ہے تو پھرسرائیکی بچوں کا حق ہوگا، پارلیمانی طرز حکومت کا مطلب کوئی صدارتی نظام نہیں چلے گا، صدارتی نظام ڈکٹیٹرشپ کی علامت ہے، ایوب خان اور ضیا الحق کے صدارتی نطام نے نقصان پہنچایا ، آج پھر صدارتی نظام کی باتیں میثاق ملی کے خاتمے کی باتیں ہیں، ایسی تجاویز پاکستان کوایک بار پھر دولخت کرنے کی سازش نظر آتی ہیں۔

    لیہ میں جلسے سے خطاب کرتے ہوئےپی ڈی ایم اور جمعیت علمائے اسلام (ف) کے سربراہ مولانا فضل الرحمان نے کہا کہ اگر آئین کو کہیں سے بھی چھیڑا گیا تو ان کو پاکستان توڑنے کا آج سے ذمہ دارقراردیتے ہیں، آئین کو چھیڑنا ملک کو توڑنے کے مترادف ہوگا، اس ملک کے ہم مالک ہیں اور مالک قبضہ چھڑوانا جانتے ہیں، تبدیلی کے امکانات روشن ہو رہے ہیں، جس کشتی کو انہوں نے ڈبویا اس کو ساحل پر لانا چیلنج ہے ،

    مولانا فضل الرحمن نے کہا کہ 23 مارچ کے لانگ مارچ کا فیصلہ برقرار ہے، آئین کا ایک بنیادی ڈھانچہ ہے، بنیادی ڈھانچے کے چار عناصر ہیں، اسلام آئین کے بنیادی ڈھانچے کا حصہ ہے، دوسرا عنصرجمہوریت ہے، اس کا مطلب پاکستان میں ڈکٹیٹرشپ نہیں آسکتی، کوئی طالع آزما پاکستان کے اقتدار پر قبضہ نہیں کرسکتا، آئین کا تیسرا عنصر ملک کا وفاقی نظام ہے جبکہ چوتھا عنصر پارلیمانی طرز حکومت ہے۔

    مولانا فضل الرحمان نے اپنے خطاب میں کہا کہ پاکستان کی پہلی دستور ساز اسمبلی میں قرارداد مقاصد پاس کی تھی، آئین کہتا ہے قرآن وسنت کے منافی کوئی قانون نہیں بنایا جاسکتا، مسئلہ آئین نہیں، بڑی مشکل آئین پرعملدرآمد نہ کرنا ہے، پارلیمنٹ ایسے لوگوں سے بھر دی جاتی ہے جن کو قرآن وسنت سے دلچسپی نہیں اور ہماری اسٹیبشلمنٹ بھی پاور پالیٹیکس کرتی ہے۔

    مولانا فضل الرحمان نے کہا کہ یہ جعلی اسمبلی ہے اس کے اندر جمہوریت کی روح نہیں ہے، جعلی اسمبلی نے فیٹیف کے دباؤ پرقانون سازی کرکے پاکستان کوغلام بنا دیا، نا اہل حکومت سال میں چارمرتبہ بجٹ پیش کرتی ہے،

  • وجیہہ سواتی قتل کیس، پہلےشوہرکی بند فائل 7سال بعد دوبارہ کھل گئی

    وجیہہ سواتی قتل کیس، پہلےشوہرکی بند فائل 7سال بعد دوبارہ کھل گئی

    راولپنڈی: وجیہہ سواتی قتل کیس، پہلےشوہرکی بند فائل 7سال بعد دوبارہ کھل گئی ،اطلاعات کے مطابق پاکستانی نژاد امریکی خاتون وجیہہ سواتی کے اغوا اور قتل کیس میں نیا موڑ آ گیا ہے، ان کے پہلے شوہر کے قتل کے کیس کی فائل 7 برس بعد دوبارہ کھول دی گئی۔

    تفصیلات کے مطابق وجہیہ سواتی کے 7 سال قبل قتل ہونے والے پہلے شوہر کی بند فائل دوبارہ کھل گئی، ڈاکٹر مہدی علی کو چنیوٹ کے علاقے چناب نگر میں 2014 میں قتل کیا گیا تھا۔

    چنیوٹ پولیس نے وجیہہ سواتی کے قتل کیس میں گرفتار ان کے دوسرے شوہر رضوان حبیب سے تحقیقات کا فیصلہ کر لیا ہے، اس سلسلے میں چنیوٹ پولیس نے راولپنڈی پولیس سے رابطے کے بعد مقامی عدالت میں ملزم حوالگی و سفری ریمانڈ کی درخواست کی تھی۔

    چنیوٹ پولیس نے قانونی تقاضوں کے بعد سینٹرل جیل اڈیالہ سے ملزم رضوان حبیب، جو وجیہہ سواتی کے قتل کا اعتراف کر چکا ہے، کو اپنی تحویل میں لے لیا، اب اس سے ڈاکٹر مہدی علی کے قتل سے متعلق تفتیش کی جائے گی۔

    ذرائع کے مطابق وجیہہ سواتی کے پہلے شوہر کے قتل کے الزام میں مرکزی ملزم رضوان حبیب کو باقاعدہ طور پر گرفتار کیا گیا ہے، ملزم کو کل جسمانی ریمانڈ کے لیے چنیوٹ کی عدالت میں پیش کیا جائے گا۔

    پاکستانی نژاد امریکی شہری وجیہہ سواتی اپنے سابق شوہر رضوان حبیب سے جائیداد کا معاملہ حل کرنے پاکستان آئی تھیں۔ وجیہہ کے سابق شوہر نے انہیں قتل کرنے کا اعتراف کرتے ہوئے بتایا تھا کہ اس نے اپنی سابقہ اہلیہ کو پاکستان پہنچتے ہی اغوا کیا تھا اورقتل کرکے لاش ڈیرہ اسماعیل خان کے علاقے لکی مروت میں دفنائی تھی۔

  • چودھری برادران کی شہبازشریف کوپاکستان مسلم لیگ شامل ہونےکی دعوت:شہبازشریف نےغورشروع کردیا

    چودھری برادران کی شہبازشریف کوپاکستان مسلم لیگ شامل ہونےکی دعوت:شہبازشریف نےغورشروع کردیا

    اسلام آباد:چودھری برادران نے شہباز کو (ق) لیگ جوائن کرنیکی دعوت دےدی :اہم شخصیت کا دعویٰ ،اطلاعات کے مطابق پاکستان کی اہم شخصیت نے دعویٰ کیا ہے کہ اطلاعات ہیں کہ چوہدری برادران نے شہبازشریف کو پاکستان مسلم لیگ میں شامل ہونے کی دعوت دے دی ہے ،ادھر یہ بھی معلوم ہوا ہے کہ شہبازشریف نے اس پیشکش پر غورشروع کردیا ہے

    وزیراعظم عمران خان کے معاون خصوصی شہباز گل نے کہا ہے کہ غیر مصدقہ اطلاعات کے مطابق چودھری برادران نے شہباز شریف کو پاکستان مسلم لیگ جوائن کرنے کی دعوت دی ہے۔

     

     

    پاکستان مسلم لیگ (ن) کے صدر اور قومی اسمبلی میں قائد حزب اختلاف شہباز شریف کی چودھری برداران سے ملاقات پر ردعمل دیتے ہوئے وزیراعظم کے معاون خصوصی ڈاکٹر شہباز گل نے سماجی رابطے کی ویب سائٹ ٹوئٹر پرطنزیہ پیغام میں کہا کہ شہباز شریف نے بھی (ق) لیگ جوائن کرنے بارے سنجیدگی سے سوچنے کا کہا ہے۔

    شہباز گل کا کہنا تھا کہ ویسے (ق) میں کم از کم (ن) سے زیادہ عزت ملے گی، یہاں تو بیچارے صرف پاؤں پڑنے کے لئے رکھے گئے ہیں، کبھی سیاسی مخالفوں کے اور کبھی اپنوں کے۔

     

     

    دوسری طرف اپوزیشن لیڈر شہباشریف کی 22 سال بعد چوہدری برادران سے ہونے والی ملاقات کی اندرونی کہانی سامنے آگئی۔

    حکومت کے خلاف عدم اعتماد کی تحریک سیاسی مخالفین کو قریب لے آئی، مسلم لیگ (ن) اور مسلم لیگ (ق) کے درمیان 22 سال بعد سیاسی ملاقات ہوئی۔

    ملاقات کے لئے شہباز شریف چوہدری برادران کی رہائشگاہ پہنچے جہاں اسپیکر پنجاب اسمبلی چوہدری پرویز الٰہی نے شہباز شریف کا استقبال کیا۔

     

    مسلم لیگ کے وفد میں خواجہ سعد رفیق ،رانا تنویر اور عطا تارڑ شامل ہیں جبکہ اہم ترین ملاقات میں مسلم لیگ (ق) کے وفد میں چوہدری شجاعت ،چوہدری پرویز الٰہی ،سالک حسین اور شافع حسین شامل تھے۔

     

    ذرائع کے مطابق ایک گھنٹہ 20 منٹ تک جاری رہنے والی ملاقات میں شہبازشریف نے عدم اعتماد کی بات نہیں چھیڑی اس لیے سعدرفیق اور ایازصادق بھی پی ڈی ایم فیصلے پر چپ رہے۔

    ق لیگی ذرائع کا کہنا ہے کہ خیال تھا شہبازشریف عدم اعتمادکی بات چھیڑیں گے شاید ن لیگ والوں کوہمارےجواب کاعلم تھا۔

  • اپنےہی گھرمیں شکست‘فضل الرحمان پربنوں والوں نے عدم اعتماد کردیا:11جماعتی پی ڈی ایم شکست سےدوچار

    اپنےہی گھرمیں شکست‘فضل الرحمان پربنوں والوں نے عدم اعتماد کردیا:11جماعتی پی ڈی ایم شکست سےدوچار

    ڈیرہ اسمٰعیل خان :اپنے ہی گھر میں عبرتناک شکست‘فضل الرحمان پربنوں والوں نےعدم اعتماد کردیا:11جماعتی پی ڈی ایم شکست سے دوچار ،اطلاعات ہیں کہ کے پی میں ہونے والے ضمنی انتخابات میں مولانا فضل الرحمن کو اپنے ہی گھر اور اپنے ہی گڑھ سے عبرتناک شکست ہوئی ہے ،

    ڈیرہ اسماعیل خان میں میئر انتخابات کے ضمنی انتخابات میں پی ٹی آئی کے عمرامین گنڈاپور نے 11 جماعتی پی ڈی ایم اتحاد کو عبرتناک شکست دے کر مولانا فضل الرحمن کے اپنے ہی علاقے کے لوگوں کی طرف سے عدم اعتماد کردیا ہے ہے

    ابتدائی نتائج کچھ یوں ہیں کہ ؛بنوں سے اسرار وزیر جیت گئے ،کرک سے عنایت حٹک گئے ، باجوڑ سے ڈاکٹر خلیل جیت گئے اور مولانا فضل الرحمن کے گھر اور گڑھ ڈی آئی خان سے عمر امین جیت گئے

    خیبر پختونخوا میں بلدیاتی انتخابات کے پہلےمرحلے کی 13 اضلاع میں ہونے والی ری پولنگ کے نتائج آنے کا سلسلہ جاری ہے۔ ڈیرہ اسماعیل خان میں سٹی میئر کی نشست پر وفاقی وزیر علی امین گنڈا پور کے بھائی تحریک انصاف کے امیدوار عمر امین گنڈا پور کوواضح برتری حاصل ہے۔

    ذرائع کے مطابق ڈیرہ اسماعیل خان (ڈی آئی خان) میں میئر کی نشست پر ہونے والے الیکشن میںبریکنگ:- ڈی آئی خان:302 میں سے 214 پولنگ اسٹیشنز کا غیر حتمی نتیجہ آچکا ہے جس کے مطابق پی ٹی آئی کے عمر امین گنڈاپور 45 ہزار 414ووٹ لےکر آگےجبکہ جے یو آئی(ف)کے کفیل نظامی 25 ہزار 184 ووٹ لے کر پیچھے ہیں‌

     

    ڈپٹی اسپیکر قومی اسمبلی قاسم سوری کہتے ہیں کہ پی ڈی ایم کے گیارہ جماعتی اتحاد کو مولانا کے آبائی شہر میں بھاری شکست ہوئی ہے پی ڈی ایم کی عدم اعتماد کی پوری داستان کو شدید جھٹکا۔
    بنوں سے اسرار وزیر، کرک سے عنایت خٹک، باجوڑ سے ڈاکٹر خلیل اور ڈی آئی خان سے عمر آمین جیت گئے۔

     

    دوسری طرف تحریک انصاف کے سینیٹر فیصل جاوید نے ٹوئٹر بیان میں کہا ہے کہ ماضی سےسیکھتےہوئےتحریک انصاف کا بھرپورکم بیک کیا ہے سٹی میئرکےانتخابات میں واضح برتری ،ویلڈن پی ٹی آئی۔

    انہوں نے کہا کہ عمرامین گنڈاپور بہت بڑےمارجن سے میدان مارتے ہوئے، ان کوان کےگڑھ میں شکست فاش، پی ڈی ایم پاش پاش۔

    معاون خصوصی ڈاکٹر شہبازگل نے کہا کہ فضل الرحمان کو اپنےگھر کی تحصیل سےعبرتناک شکست، مولانافضل الرحمان کے گھر سے ان پر عدم اعتماد ہے۔

    وزیر مملکت برائے اطلاعات فرخ حبیب نے ٹوئٹر پر ردعمل میں لکھا کہ مولانا پر 2018 کی طرح ڈی آئی خان کے عوام نے ایک بار پھر عدم اعتماد کر دیا، عمرامین گنڈا پور نے تحصیل مئیر کا الیکشن واضح اکثریت سے جیت لیا۔

  • کرپشن کے خلاف جنگ اولین ترجیح ہے: چیئرمین نیب

    کرپشن کے خلاف جنگ اولین ترجیح ہے: چیئرمین نیب

    اسلام آباد: چیئرمین نیب جسٹس جاوید اقبال نے کہا ہے کہ نیب بدعنوانی کے خلاف جنگ کو اولین ترجیح دیتا ہے، بدعنوانی کے ذریعے اربوں روپے لوٹنے والوں کے مقدمات کو قانون کے مطابق منطقی انجام تک پہنچا یا جاے گا۔انہوں نے کہا کہ نیب کا کسی فرد، جماعت یا کسی تنظیم سے کوئی تعلق نہیں ہے، اس کا تعلق صرف ملک سے ہے۔انہوں نے کہا کہ نیب نے ’’احتساب سب کے لئے‘‘ کی پالیسی کے تحت آگاہی، تدارک اور قانون پر عملدرآمد کی انسداد بدعنوانی کی جامع حکمت عملی وضع کی جس کو معتبر ملکی اور بین الاقوامی اداروں نے سراہا ۔انہوں نے کہا کہ گیلانی اینڈ گیلپ سروے کے مطابق 59 فیصد لوگ نیب پر اعتبار کرتے ہیں۔

    انہوں نے کہا کہ نیب کی موجودہ انتظامیہ کے دور میں نہ صرف بڑی مچھلیوں کو قانون کے کٹہرے میں لایا گیا ہے بلکہ 1405 ملزمان کو معزز احتساب عدالتوں نے نیب کی موثر پیروی کی بدولت اکتوبر 2017ء سے دسمبر 2021ء تک نہ صرف سزا سنائی بلکہ نیب نے موجودہ انتظامیہ کے دور میں 539 ارب روپے بلاواسطہ اور بلواسطہ طور پر برآمد کئے ایسی کارکردگی انسداد بدعنوانی کے کسی دوسرے ادارے نے نہیں دکھائی، نیب نے 1999ء میں اپنے قیام کے بعد سے اب تک 821ارب روپےبلاواسطہ اور بلاواسطہ برآمد کئے اس وقت مختلف احتساب عدالتوں میں 1237بدعنوانی کیسز زیر سماعت ہے ہیں جن کی مجموعی مالیت تقریباً 1335 ارب روپے بنتی ہے۔ انہوں نے کہا کہ نیب سارک ممالک کے لئے رول ماڈل کی حیثیت رکھتا ہے، ان ممالک میں سری لنکا، بنگلہ دیش، نیپال اور بھوٹان شامل ہیں، نیب سارک اینٹی کرپشن فورم کا چیئرمین ہے، نیب اقوام متحدہ کے انسداد بدعنوانی کے کنونشن کے تحت پاکستان کا فوکل ادارہ ہے، نیب نے پاکستان میں جاری سی پیک منصوبوں کی نگرانی اور بدعنوانی کی روک تھام کے لئے چین کے ساتھ مفاہمت کی یادداشت پر دستخط کئے ہیں، نیب نے نیب راولپنڈی میں جدید فرانزک سائنس لیبارٹری قائم کی ہے،نیب ہیڈ کوارٹرز میں پاکستان اینٹی کرپشن ٹریننگ اکیڈمی قائم کی گئی ہے، اس اکیڈمی کا مقصد انویسٹی گیشن افسران کو وائٹ کالر کرائمز کی تحقیقات کے لئے جدید تکنیک سے آگاہ کرنا ہے۔

    انہوں نے کہا کہ نیب نے مستقبل کی قیادت کو بدعنوانی کے مضر اثرات سے آگاہ کرنے کے لئے کالجوں اور یونیورسٹیوں میں آگاہی پھیلانے کے لئے ہایئر ایجوکیشن کمیشن کے ساتھ مفاہمت کی یادداشت پر دستخط کئے گئے ہیں جوکہ قابل تعریف اقدام ہے، اس تناظر میں ملک کے مختلف یونیورسٹیوں اور کالجوں میں پچاس ہزار سے زائد کردار سازی کی انجمنیں قائم کی گئی ہیں، نیب میں شفافیت اور میرٹ یقینی بنانے کے لئے ہر ممکن اقدامات کئے جا رہے ہیں، شکایت کی جانچ پڑتال سے لے کر بدعنوانی کا ریفرنس دائر کرنے تک ہر مرحلے پر اس کی نگرانی کی جاتی ہے اور رہنمائی فراہم کی جاتی ہے تاکہ شفافیت یقینی بنائی جائے، اس تناظر میں اجتماعی دانش سے فائدہ اٹھانے کیلئے مشترکہ تحقیقاتی ٹیم کا نظام وضع کیا گیا ہے تاکہ ٹھوس شواہد کی بنیاد پر قانون کے مطابق انویسٹی گیشن کے معیار میں بہتری لائی جا سکے۔

    انہوں نے کہا کہ نیب دوسروں کے احتساب کے ساتھ ساتھ خود احتسابی پر بھی یقین رکھتا ہے، نیب غیر قانونی ہائوسنگ سوسائٹیوں کے مقدمات اور بدعنوانی کے میگاکرپشن مقدمات کو منطقی انجام تک پہنچانے کے لئے پرعزم ہے، غیر قانونی ہائوسنگ سوسائٹیوں نے ہزاروں معصوم لوگوں کو ان کی محنت کی کمائی سے محروم کیا، نہ ہی انہیں پلاٹ دیئے اور نہ ہی انہیں ان کی محنت سے کمائی گئی رقم واپس کی گئی۔ انہوں نے کہا کہ نیب بزنس کمیونٹی کا بہت احترام کرتا ہے جو کہ ملکی ترقی میں اہم کردار ادا کر رہی ہے، نیب کی موجودہ انتظامیہ کے دور میں انکم ٹیکس، سیلز ٹیکس اور انڈر انوائسنگ کے معاملات قانون کے مطابق ایف بی آر کو بھیجے جا چکےہیں، بزنس کمیونٹی کی شکایات کے ازالے کے لئے نیب ہیڈ کوارٹرز میں ایک ڈائریکٹر کی سربراہی میں خصوصی ڈیسک قائم کیا گیا ہے، بزنس کمیونٹی کے رہنمائوں نے ان کے مسائل کے بروقت حل کے لئے ذاتی دلچسپی لینے پر نیب کی کوششوں کو سراہا ہے، نیب عوام دوست ادارہ ہے، نیب میں آنے والے تمام افراد کی عزت نفس کے احترام پر یقین رکھتا ہے۔

  • "میرا حجاب میرا فخر”پاکستان کی بیٹوں کا مسکان کے ساتھ اظہاریکجہتی:ایمان افروزتقریبات

    "میرا حجاب میرا فخر”پاکستان کی بیٹوں کا مسکان کے ساتھ اظہاریکجہتی:ایمان افروزتقریبات

     

    "میرا حجاب میرا فخر”پاکستان کی بیٹوں کا مسکان کے ساتھ اظہاریکجہتی:ایمان افروزتقریبات اور ریلیوں نے پاکستان کی بیٹیوں کو بھی حجاب کی طرف مائل کیا اور اس وقت پورے ملک سے ایک ہی آواز آرہی ہے کہ "میرا حجاب میرا فخر” ہے

     

     

     

    اس سلسلے میں ویسے تو پچھلے کئی دنوں سے پاکستان سمیت دنیا بھر میں مسکان کی حمایت میں مظاہرے ہورہےہیں لیکن پاکستان میں ہونے والے آج کے مظاہروں نے دنیا بھر میں ایک ٹھوس پیغام پہنچایا ہے کہ جب تک خواتین کو ان کا حق نہیں دیا جائے گا کوئی معاشرہ کامیابی سے آگے نہیں بڑھ سکتا

     

     

    اس سلسلے میں آج کراچی میں مزار جناح کے مقام پر کراچی کی خواتین نے اپنے مسکان بہن کی حمایت میں میرا حجاب میرا فخر کے نام سے آواز بلند کی اور بھارت میں ہندوتوا سوچ کے خلاف نعرے لگائے

     

     

     

     

    کراچی کی طرح لاہور میں بھی مسکان کے حق میں مظاہرے کیے گئے اور میرا حجاب میرا فخر کے نام سے مظاہرے کیے ہیں اور مودی اور مودی نواز سوچ کی شدید مذمت کی ہے

     

     

    لاہور کی طرف فیصل آباد میں بھی مسکان کے حق میں مظاہرے اور ریلیاں نکالی گئیں اور میرا حجاب میرا فخر کا نعرہ لگا کر مسکان کے حق میں مظآہرے کیے گئے

     

    سکھر پریس کلب میں بھی مسکان کے حق میں مظاہرے کیے گئے اور بھارت میں مودی نواز سوچ کی مذمت کی گئی اور میرا حجاب میرا فخر پر ثابت قدم رہنے کا اعادہ کیا

     

    قصور میں بھی بھارت میں مسلمان بیٹی مسکان کے حق میں احتجاجی مظاہرے کیے گئے اور مودی اور مودی نوازوں کے خلاف نعرے لگائے گئے

    میر پورخاص میں بھی مسکان کے حق میں مظاہرے کیے گئے اور میرا حجاب میرا فخر کے نام سے ریلیاں نکالی گئیں اور انہتا پسند ہندووں کی مذمت کی گئی

     

    چونیاں میں بھی مسکان کے حق میں مظاہرے کیے گئے اور "میرا حجاب میرا فخر” کے نام سے مظاہرے کے گئے

    ذرائع کے مطابق سندھ کے شہر حیدر آباد میں بھی مسکان کے حق میں مظاہرے کیے گئے

     

     

     

     

     

     

     

     

     

     

  • برطانوی حکومت نے افغانستان سے متعلق خطرناک بات کہہ دی

    برطانوی حکومت نے افغانستان سے متعلق خطرناک بات کہہ دی

    لندن:برطانوی حکومت نے افغانستان سے متعلق خطرناک بات کہہ دی ،اطلاعات کے مطابق برطانوی حکومت نے دعویٰ کیا ہے کہ افغانستان میں موجود ان کے شہریوں کو طالبان نے حراست میں لے لیا ہے جن میں زیادہ تر صحافی اور کچھ تاجر شامل ہیں۔

    عالمی خبر رساں ادارے کے مطابق برطانوی وزارت خارجہ کی جانب سے افغانستان میں اپنے شہریوں کے طالبان کی حراست میں ہونے کا بیان گزشتہ روز ہی دو غیر ملکی صحافیوں کی طالبان سے رہائی کے بعد سامنے آیا ہے۔

    برطانوی وزارت خارجہ نے اپنے بیان میں مزید کہا ہے کہ افغانستان میں طالبان کی حراست میں موجود برطانوی شہریوں کے اہل خانہ کے ساتھ مکمل تعاون کر رہے ہیں اور اس سلسلے میں طالبان کے اعلیٰ حکام سے بھی رابطے میں ہیں۔

    بیان میں وزارت خارجہ نے حراست میں لیے جانے والے برطانوی شہریوں کی تعداد کے حوالے سے کچھ نہیں بتایا البتہ مغربی میڈیا کے مطابق یہ تعداد 6 تک ہوسکتی ہے جن میں دسمبر میں گرفتار ہونے والے جوینال بھی شامل ہیں جو صحافی ہونے کے ساتھ ایک تاجر بھی ہیں اور ایک افغان خاتون سے شادی بھی کی ہے۔

    واضح رہے کہ طالبان نے گزشتہ روز جن دو غیر ملکی صحافیوں کو رہا کیا ہے ان میں بی بی سی کے سابق نمائندے بھی شامل ہیں۔ طالبان کا کہنا تھا دونوں صحافیوں کے پاس سفری دستاویزات نہیں تھے۔