Tag: بریکنگ

کراچی: کراچی کے مختلف علاقوں میں منگل کو تیز ہوا کے ساتھ وقفے وقفے سے ہونے والی ہلکی اور تیز بارش کے سلسلے کے دوران کے الیکٹرک (کے ای) نے شہر اور اُس کے ملحقہ علاقوں میں بجلی کی بلاتعطل فراہمی کو یقینی بنایا۔

کے الیکٹرک کی ٹیمیں بارش کے دوران کسی بھی صورتحال کے نمٹنے کے لیے پوری طرح مستعد و تیار رہیں۔ مجموعی طور پر 1900 سے زائد فیڈرز پر مشتمل کے ای کے ڈسٹری بیوشن نیٹ ورک میں زیادہ تر بحال رہے اور شہر بھرکو بجلی کی مستحکم اور قابل اعتماد فراہمی یقینی بنائی گئی۔ جن علاقوں میں بجلی چوری اور کنڈوں کا استعمال عام ہے، وہاں چند فیڈرز کو اُن علاقوں میں موجود خطرات کے تناظر میں احتیاطی تدابیر کے طور پر بند کیا گیا تھا، جہاں کے- الیکٹرک کی مقامی ٹیموں کی جانب سے کلیئرنس ملنے کے بعد بجلی کی فراہمی بحال کر دی گئی۔

کے الیکٹرک ترجمان اور ڈائریکٹر کمیونی کیشنز عمران رانانے کہا کہ منگل کو دن کے اوقات میں کراچی میں ہلکی اور تیز بارش کے دوران کے الیکٹرک نے شہر اور اس کے ملحقہ علاقوں میں بجلی کی بلاتعطل فراہمی کو یقینی بنایا۔ چند علاقوں میں جہاں کنڈے، ٹی وی، انٹرنیٹ کے کیبلز وغیرہ کی بہتات ہے اور بجلی کے انفرا اسٹرکچر سے تعمیرات کا محفوظ فاصلہ نہیں ہے، وہاں احتیاطی تدابیر کے تحت بجلی کی فراہمی کو عارضی طور پر معطل کیا گیا تھا۔ تاہم مقامی ٹیموں کی جانب سے کلیئرنس ملنے کے بعد اُن علاقوں کی بجلی بتدریج بحال کردی گئی۔

ترجمان کے۔الیکٹرک نے مزید کہا کہ صارفین کی سہولت کیلئے کے الیکٹرک کے کال سینٹر 118، ایس ایم ایس سروس 8119، کے ای لائیو اَیپ، اور سوشل میڈیا پلیٹ فارم 24/7 فعال رہے۔ انہوں نےصارفین کو کسی بھی قسم کی معاونت کیلئے ان چینلز کے استعمال کا مشورہ بھی دیا۔

لندن :بھارتی تعلیمی اداروں میں حجاب پر پابندی، ملالہ نےہندووں کی مذمت کی بجائے حمایت کردی ،اطلاعات کے مطابق امن کا نوبیل انعام حاصل کرنے والی پاکستانی طالبہ اور سماجی کارکن ملالہ یوسف زئی کا بھارتی ریاست کرناٹک کے تعلیمی اداروں میں حجاب پر پابندی کے معاملے پر ردعمل سامنے آگیا۔

اپنی ٹوئٹ میں ملالہ کا کہنا تھاکہ حجاب والی لڑکیوں کو اسکول میں داخل ہونے سے روکنا خوفناک ہے۔ملالہ نے یہ تو بیان دے دیا لیکن ان انتہا پسند ہندووں کی مذمت نہیں کی جنہوں نے اس مسلمان طالنبہ کے ساتھ بدتیمزی کی، حالانکہ ان انتہا پسند ہندووں کی مذمت کا سلسلہ دنیا بھر سے جاری ہے

“College is forcing us to choose between studies and the hijab”.

Refusing to let girls go to school in their hijabs is horrifying. Objectification of women persists — for wearing less or more. Indian leaders must stop the marginalisation of Muslim women. https://t.co/UGfuLWAR8I

— Malala Yousafzai (@Malala) February 8, 2022

ان کا کہنا تھا کہ کم یا زیادہ لباس پہننے کے معاملے میں خواتین پر اعتراضات برقرار ہیں۔انہوں نے مطالبہ کیا کہ بھارتی رہنما مسلم خواتین کو مرکزی دھارے سے الگ کرنے کے عمل کوروکیں۔
ملالہ یوسف زئی نے اسلامی تشخص کی حفاظت کی بجائے الٹا یہ مشورہ دیا ہے کہ بھارتی رہنما مسلم خواتین کو مرکزی دھارے سے الگ نہ کریں اس سے واضح معلوم ہوتا ہے کہ ملالہ بھارتی رہنماوں سے اس بات کا تقاضا کررہی ہیں کہ قومی دھارے میں رہنے کےلیے مجموعی سوچ کا اپنانا ہوگا

یہاں ملالہ قومی دھارے سے الگ نہ رہنے کے حوالے سے یہ بھی بتانا چاہتی ہیں کہ مسلمان طالبات کو بھارت میں رہتے ہوئے قومی دھارے میں رہنے کے لیے ایسے کاموں سے دور رہنا چاہیے جس سے کوئی تفریق پیدا ہوتی ہو، سوشل میڈیا پر صارفین نے آڑے ہاتھوں لیتے ہوئے کہا ہے کہ ملالہ مسلمان طالبات سے دوبٹہ اور حجاب بھی چھیننا چاہتی ہیں

خیال رہے کہ گزشتہ دنوں بھارتی ریاست کرناٹک میں لڑکیوں کے ایک سرکاری کالج میں 6 مسلم طالبات کو حجاب پہننے کی وجہ سے کلاس سے باہر نکال دیا گیا تھا۔یہ کیس مقامی ہائیکورٹ میں زیر سماعت ہے۔

آج بھی کرناٹک کے کالج جانے والی باحجاب طالبہ کو انتہاپسند طلبہ کے جتھے نے ہراساں کیا۔تاہم طالبہ نے بھی ڈٹ کر ہراساں کرنے والوں کا مقابلہ کیا اور اس واقعے کی ویڈیو سوشل میڈیا پر پھیل گئی۔

دوسری طرف جمعیت علماء ہند نے بھارتی ریاست کرناٹک کے کالج میں انتہا پسند جتھے کے سامنے ڈٹ جانیوالی طالبہ مسکان خان کیلئے انعام کا اعلان کردیا۔

بھارتی ریاست کرناٹک میں ہندو انتہا پسندوں نے باحجاب طالبات پر زندگی تنگ کردی۔کرناٹک میں کالج جانے والی طالبہ کو انتہا پسندوں نے ڈرایا دھمکایا لیکن طالبہ نے بھی ڈٹ کر ہراساں کرنے والوں کا مقابلہ کیا۔

اسلام آباد:عالمی مالیاتی ادارے (آئی ایم ایف) نے کہا ہے کہ بیورو کریسی کی سست روی اور ریگولیشنز کی وجہ سے پاکستان میں کاروبار کرنا مشکل ہے، بیوروکریسی کی نااہلی کاروبار کی راہ میں بڑی رکاوٹ ہے، سرمایہ کاری کے لیے خطرات بڑھ رہے ہیں جبکہ کرپشن میں بھی اضافے کا خدشہ ہے۔

عالمی مالیاتی ادارے نے اپنی رپورٹ میں کہا ہے کہ پاکستان میں بیوروکریسی کی نا اہلی کاروبار کی راہ میں بڑی رکاوٹ ہے، بہت زیادہ ریگولیشنز سے بھی کاروباری سرگرمیاں متاثر ہو رہی ہیں جبکہ کمزور ٹیکس سسٹم ٹیکس ادائیگیوں میں رکاوٹ ہے ۔

آئی ایم ایف نے مطالبہ کیا ہے کہ حکومت پاکستان ٹیکس ادائیگی کا عمل آسان بنائے اور کاروباری ماحول بہتر کرنے کیلئےغیر ضروری ریگولیشنز ختم کی جائیں۔

اسلام اباد :ڈائریکٹر جنرل ایف آئی اے کی ہدایت پرانٹرنیشنل سیف انٹرنیٹ ڈے سائبر کرائم ونگ ایف آئی اے میں منعقد کیا گیا۔،اطلاعات کے مطابق ڈائریکٹر جنرل ایف آئی اے ڈاکٹر ثناء اللہ عباسی صاحب کی ہدایت پر انٹرنیشنل سیف انٹرنیٹ ڈے آج بروز منگل 8 فروری 2022 کو سائبر کرائم ونگ ایف آئی اے میں منعقد کیا گیا۔

ڈائریکٹر جنرل ایف آئی اے ڈاکٹر ثناء اللہ عباسی کا کہنا ہے کہ یہ دن عوام کو انٹرنیٹ کے محفوظ اور مثبت استعمال کے بارے میں شعور فراہم کرنے کے حوالے سے آگاہی کا دن ہے۔

اس موقع پر ایف آئی اے سائبر کرائم ونگ کے ایڈیشنل ڈائریکٹر جنرل محمد جعفر صاحب اور ایڈیشنل ڈائریکٹر طارق پرویز صاحب کی ہدایات پر اس دن کی اہمیت کو اجاگر کرنے کیلئے سائبر کرائمز ونگ کے افسران نے بریفنگ دی۔

اس موقع پر بچوں کے محفوظ اور مثبت انٹرنیٹ کے استعمال کے حوالے سے کچھ اہم پیرنٹل کنٹرول سوفٹ ویئرز کو بھی متعارف کروایا گیا۔ جس کے استعمال سے والدین اپنے بچوں کی انٹرنیٹ سرگرمیوں کی نگرانی کر سکیں گے۔

مزید برآں اینٹی چائیلڈ پورنو گرافی سیل کے انچارج اسسٹنٹ ڈائریکٹر عمران حیدر صاحب نے چائیلڈ پورنو گرافی پر مبنی کیسز اور ان میں سائبر کرائم ونگ کے افسران کی کاوشوں پر تفصیلی بریفنگ بھی دی اور سال 2021 میں ساٸبر مجرمان کی گرفتاریوں اور عدالتوں کی جانب سے دی گٸ سزاٶں کا بھی جائزہ لیا گیا۔

اس موقع پر ایڈیشنل ڈائریکٹر جنرل محمد جعفر صاحب نے افسران کی کارکردگی اور پیشہ وارانہ صلاحیتوں سراہا اور انٹرنیٹ کے محفوظ استعمال کے حوالے سے سائبر کرائم ونگ کی آگاہی مہم کو جاری رکھنے کی ہدایات دیں۔ ڈاٸریکٹر ساٸبر کراٸم ونگ نے امید ظاہر کرتے ہوٸے کہا کہ سائبر کرائم ونگ کی مزکورہ مہم سے معاشرے پر مثبت اثرات مرتب ہوں گے اور جراٸم کو کنٹرول کرنے میں مدد ملے گی۔

مزکورہ دن کی مناسبت سے آؤٹ ڈور ایکٹیویٹی کے طور پر آگاہی مہم کی انچارج اسٹنٹ ڈائریکٹر زونی اشفاق صاحبہ کی سربراہی میں فاطمہ جناح ویمن یونیورسٹی میں بھی آگاہی سیمینار کا انعقاد کیا گیا جس میں اساتذہ اور سٹوڈنٹس نے کرونا ایس او پیز کو مد نظر رکھتے ہوئے شرکت کی اور ادارے کے اس اقدام کو سراہتے ہوٸے اسے ملک گیر سطح پر جاری رکھنے کی درخواست کی۔

اسلام آباد : طالبان حکومت وعدوں کے مطابق سرحد پار سےدہشت گرد کارروائیاں روکے:دہشت گرد انسانیت کے دشمن ہیں:وفاقی وزیر داخلہ شیخ رشید احمد نے پاک افغان سرحد پار سے سکیورٹی فورسز پر حملے کی مذمت کرتے ہوئے طالبان حکومت سے اپنے وعدوں کے مطابق سرحد پار سے دہشت گرد کارروائیاں روکنے کا مطالبہ کیا ہے۔

ایک بیان میں وزیر داخلہ شیخ رشید کا کہنا تھا کہ سکیورٹی فورسز کی وطن کے لیے قربانیاں رائیگاں نہیں جائیں گی، سکیورٹی فورسزکے جذبہ قربانی کو خراج تحسین پیش کرتے ہیں۔
شیخ رشیدکا کہنا تھا کہ طالبان حکومت اپنے وعدوں کے مطابق سرحد پار سے دہشت گرد کارروائیاں روکے

یاد رہے کہ آج ایک بار پھر افغانستان کی سرحد کے اندر سے پاکستانی فوج کی چوکیوں پر فائرنگ کی گئی ، اس حوالے سے پاک فوج کے شعبہ تعلقات عامہ کے مطابق ضلع کرم میں افغانستان سے دہشت گردوں نے سکیورٹی فورسز پر فائرنگ کی جس کے نتیجے میں 5 جوان شہید ہوگئے۔

آئی ایس پی آر کا کہنا ہے کہ فورسز کی بھر پور جوابی کارروائی میں دہشت گردوں کو بھاری جانی نقصان ہوا ہے۔آئی ایس پی آر نے بتایا کہ شہدا میں لانس نائیک، ضیاء اللہ خان، ناہید اقبال، سمیر اللہ خان اور سپاہی ساجد علی شامل ہیں۔

آئی ایس پی آر کے مطابق پاکستان دہشت گردوں کی جانب سے افغان سرزمین کے استعمال کی شدید مذمت کرتا ہے اور افغان عبوری حکومت سے مستقبل میں ایسی سرگرمیاں نہ ہونے کی توقع کرتا ہے۔

آئی ایس پی آر کا کہنا ہے کہ پاک فوج دہشت گردی کی لعنت کے خلاف پاکستان کی سرحدوں کے دفاع کیلئے پرعزم ہے، ہمارے بہادر جوانوں کی ایسی قربانیاں ہمارے عزم کو مزید مضبوط کرتی ہیں۔

پاکستان کے ساتھ کیا معاملات طئے ہوئے؟آئی ایم ایف نے تفصیلات جاری کردیں ،اطلاعات کے مطابق عالمی مالیاتی ادارے(آئی ایم ایف) نے پاکستان کے ساتھ طے پانے والے معاہدے کی تفصیلات جاری کردی ہیں
آئی ایم ایف کی جانب سے جاری کی گئی رپورٹ کے مطابق آئی ایم ایف نے مطالبہ کیا ہے کہ پاکستان تعمیراتی شعبے کے لیے مالیاتی اداروں کی ایمنسٹی اسکیم کنٹرول کرے، آئی ایم ایف نے بجلی کی قیمتیں بھی بڑھانےکا مطالبہ کیا ہے۔

رپورٹ کے مطابق ایف بی آر نے انکم ٹیکس چھوٹ ختم کرنے کی تیاری شروع کردی ہے، آئندہ مالی سال ایف بی آرکے لیے 1155 ارب روپےکے اضافی ٹیکس کا ہدف رکھا گیا ہے، آئندہ مالی سال کے لیے ایف بی آرٹیکس ہدف 7255 ارب روپے تجویز کیا گیا ہے،پیٹرولیم لیوی کی مد میں406 ارب روپےکی وصولیوں کی تجویز ہے اور براہ راست ٹیکسوں کی مد میں 2711 ارب روپے وصولی کی تجویز دی گئی ہے۔

آئی ایم ایف نے مطالبہ کیا ہےکہ پاکستان ایف اے ٹی ایف کے ایکشن پلان پرعمل درآمد مکمل کرے، پاکستان نےمنی لانڈرنگ کے خلاف27 میں سے 26 نکات پر عمل درآمد کیا ہے، پاکستان اقوام متحدہ کی طرف سے دہشت گرد قرار دیے گئےگروپوں کے رہنماؤں کے خلاف تحقیقات کرکے سزا دلوائے۔

آئی ایم ایف کا کہنا ہےکہ پاکستان اے پی جی کی طرف سے نشاندہی کے بعد مالیاتی نظام میں خامیاں دورکرے، آئندہ مالی سال کے لیے سود ادائیگیوں کی مد میں 3523 ارب روپے کا تخمینہ ہے، اخراجات کا تخیمنہ 12ہزار994 ارب روپے اور آمدن کا تخمینہ 10 ہزار272 ارب روپے لگایا گیا ہے۔

کراچی :سندھ میں ہر طرف تباہی اور مایوسیاں : ذمہ دار پیپلزپارٹی جو پچھلے13سال سےحکومت کررہی ہے:اطلاعات کے مطبق پاکستان مسلم لیگ (ن) کے رہنما اور سابق وزیر خزانہ مفتاح اسماعیل نے کہا ہے کہ پیپلز پارٹی والے سندھ میں پچھلے تیرہ سال سے حکومت کر رہے ہیں۔

مفتاح اسماعیل نے اپنے جاری کردہ ایک بیان میں کہا کہ پی ٹی آٸی والے کہتے ہیں کہ مہنگاٸی ہے تو کیا ہوا ووٹ ہمیں ہی دو، پیپلز پارٹی والے سندھ میں پچھلے تیرہ سال سے حکومت کر رہے ہیں مگر اسکولوں میں اساتذہ نہیں۔

ان کا کہنا تھا کہ اسکولوں میں فرنیچر نہیں، سہولیات نہیں لیکن وہ بھی کہتے ہیں کہ ووٹ ہمیں دو، یہاں گلی گلی میں گندگی کے ڈھیر ہیں لیکن حکومت کہتی ہے کہ ووٹ ہمیں دو۔

انہوں نے کہا کہ پیپلز پارٹی نے یہاں کی عوام اور ان کے بچوں کو سزا دی ہوئی ہے کہ ان سے بنیادی سہولیات چھین لو، چار سو کروڑ یومیہ دیا جاتا ہے یہاں سے پر عوام پر ایک کوڑی بھی خرچ نہیں ہوتی، عمران خان نے پچاس لاکھ نوکریاں دینے کا وعدہ کیا نہ سانگھڑ میں ایک گھر بنا نہ سانگھڑ میں ایک نوکری ملی

یاد رہے کہ اس سے پہلے  سابق وزیراعظم شاہد خاقان عباسی نے کہا ہے کہ جتنے وسائل مسلم لیگ نواز نے صوبوں کے بڑھائے اس کی تاریخ میں مثال نہیں ملتی۔ان خیالات کا اظہار ن لیگ کے مرکزی رہنما و سابق وزیراعظم شاہد خاقان عباسی نے پیپلزپارٹی اور موجودہ حکومت پر تنقید کرتے ہوئے کیا، انہوں نے کہا کہ پیپلزپارٹی کو سندھ کے عوام کے مسائل حل کرنے میں ناکام رہی ۔