Tag: بریکنگ

لندن:نوازشریف کےوفادار،پیروکار”شیرپُتر”نے پھربڑھک ماردی،اطلاعات کے مطابق لندن میں‌ موجود پاکستانی عدالتوں کو مطلوب سابق وزیراعظم نوازشریف کے سیاسی لخت جگراور تربیت یافتہ بھانجے ، فیصل آباد کے شیر عابد شیر علی نے آج پھر اپنے مخصوص اندازتکلم استعمال کرتے ہوئے پی ٹی آئی کو خاصی چوٹ لگائی ہے

عابد شیر علی نے چند دن پہلے کے پی کے انتخابات میں پی ٹی آئی کوشکست پرغیرت مند پختونوں کے بارے میں‌ توہین آمیز،انتہائی شرمناک اورلعن طعن پرمشتمل ایسے طعنے دیئے تھے کہ جس کے بعد پختونوں نے سیاست کو پیچھے چھوڑ کرپختونوں کی اجتماعئی عزت ، حمیت اور غیرت کا دفاع کرنے کا فیصلہ کیا تھا

عابد شیرعلی نے پختونوں کی تذلیل کی انتہا کردی

https://login.baaghitv.com/abid-sher-ali-puts-an-end-to-humiliation-of-pakhtuns/

اسی عابد شیر علی جو کہ نوازشریف کے تربیت یافتہ بھی ہیں اور ریاست مخالف بیانیے کے ایک روح رواں رہنما بھی ہیں ، آج اپنے تازہ بیان میں‌ کہا ہے کہ تحریک انصاف کے لوگ اپنے علاج کی تیاری کریں، اس میں صحت کارڈ بھی کام نہیں آئے گا۔

انہوں نے کہا کہ انہیں لاحق بیماری میں سرجری ہوتی ہے اور یہ لوگ جلد ہی آپریشن تھیٹر میں ہوں گے۔

تحریک انصاف کے لوگ اپنے علاج کی تیاری کریں، اس میں صحت کارڈ بھی کام نہیں آ ئے گا۔ انہیں لاحق بیماری میں سرجری ہوتی ہے، اور یہ لوگ جلد ہی آپریشن تھیٹر میں ہوں گے۔

— Abid Sher Ali (@AbidSherAli) January 3, 2022

عابد شیر علی نے کہا کہ ثاقب نثار اور فائز عیسیٰ دو نمائندہ کردار ہیں۔ پہلا سازش کا، دوسرا آئین کے خلاف جرم کا ارتکاب کرنےسے انکار کا۔ اور اسی پاداش میں اس کی اہلیہ کو ہراساں کرنے جیسے گھٹیا ہتھکنڈے استعمال ہورہے ہیں۔

نواز لیگ کے رہنما نے کہا کہ حکومت کی ناکامی صرف اتنی سی بات نہیں بلکہ قوم کو یہ سمجھنا ہوگا کہ اسے کس بری طرح سے بے وقوف بنایا گیا ہے۔ اس کا ووٹ چرا کر ، مینڈیٹ کو تبدیل کرکے ایک ناجائز حکومت اس پر مسلط کی گئی۔ ووٹ کو عزت دو اسی استحصال کا راستہ روکنے کا لائحہ عمل ہے۔

یاد رہے کہ چنددن پہلے

اطلاعات کے مطابق نوازشریف کے قریبی عزیزاور سابق رکن اسمبلی عابد شیر علی نے کے پی میں بلدیاتی انتخابات پرپی ٹی آئی کوشکست کو پختونوں کی شکست قرار دیتے ہوئے ایسے گھٹیا الفاظ کہے ہیں کہ تین دن گزرنے کے بعد بھی ان الفاظ کی زہرکم ہونے کا نام نہیں لے رہی

ادھر سوشل میڈیا پر پختون طلبا ، وکلا اور دیگر شعبہ ہائے زندگی سے تعلق رکھنے والے ہزاروں نوجوانوں نے عابد شیر علی کی طرف سے پختونوں کی تذلیل کوایک طئے شدہ پراکسی کا حصہ قراردیتے ہوئے اسے پختونوں کی غیرت و حمیت پرایک خطرناک حملہ قرار دیا ہے

یاد رہے عابد شیر علی نے کے پی میں بلدیاتی انتخابات میں پی ٹی آئی کی شکست کو پختونوں کی شکست قراردیتے ہوئے بہت ہی گھٹیا اورزہریلاطنز کیا تھا اور کہا کہ "لگتا ہے کہ پختون بھائیوں‌ میں سے تبدیلی والا کیڑا نکل گیا ہے،جو آٹھ سال سے ان کو تنگ کررہا تھا ”

اس بیان کے بعد پختونوں کی طرف سے سخت ردعمل کے تدارک کے لیے نوازشریف،مریم نواز، شہبازشریف اور حمزہ شہباز کی طرف سے عابد شیر علی کی مذمت میں ایک لفظ تک بھی نہیں بولا گیا اور نہ ہی کسی دوسرے لیگی رہنما نے عابد شیر علی کے ان گھٹیا ، زہریلے اور پختونوں کی توہین آمیز رویے اور ان الفاظ کی اور عابد شیر علی کے اس رویے کی مذمت کی

یہ بھی معلوم ہوا ہے کہ ان انتہائی توہین آمیز الفاظ کے سامنے آنے پرپختون بھی پریشان ہیں اور سوشل میڈیا پر یہ باتیں سننے کو عام مل رہی ہیں کہ پختونوں نے آج تک اتنے گھٹیا اور توہین آمیز طنز اور جملے نہیں سنے جو آج پنجاب لاہور کی ایک سیاسی جماعت کے کارندوں کی طرف سے کیے جارہے ہیں ، احسن اقبال نے یہ کہا ہے کہ وہ عابد شیر علی کے موقف کے ساتھ نہیں لیکن انہوں نے عابد شیر علی اور ان کے اس گھٹیا رویے کی مذمت نہیں کی

ادھر اطلاعات ہیں کہ پختوںوں نے یہ مطالبہ کیا ہے کہ اگر نوازشریف عابد شیر علی کو ان توہین آمیز الفاظ پرپارٹی سے نہیں نکالتے تب تک ان کا یہ احتجاج جاری رہے گا

یہ بھی معلوم ہوا ہے کہ عابد شیر علی نے پختونوں سے معافی مانگنے سے انکار کردیا ہے اور نوازشریف نے بھی پارٹی سے نکالنے کا مطالبہ مسترد کردیا ہے ، اس حوالے سے پختونوں کے غُصے کوٹھنڈا کرنے کے لیے کچھ رسمی الفاظ ادا کیے گئے ہیں اور ساتھ ہی یہ اس جرم کا اقرار کرتے ہوئے لکھتے ہیں کہ میں‌ اس ٹویٹ کو پختونوں کی تذلیل کے بعد ڈلیٹ کررہا ہوں

جس میں‌عابد شیر علی لکھتے ہیں‌کہ میں کسی بھائی کی دل آزاری نہیں چاہتا خاص طور پر اپنے پختون بھائیوں کی اسلئے ٹویٹ ڈیلیٹ کررہا ہوں ۔ میرا مطمع نظر عمران خان انتظامیہ پر تنقید ہے کسی بھی طبقے کی دل آزاری نہیں ۔

لاہور:عرب ممالک میں نسوار کے ساتھ فضائی سفر جرم قرار:پٹھان غُصّے میں‌ آگئے،اطلاعات کے مطابق عرب ممالک نے نسوار کو منشیات کے طور پر فہرست میں شامل کرکے اس کے استعمال پر پابندی عائد کردی ہے۔

اس حوالے سے مزید معلوم ہوا ہے کہ یہ پابندی مزید سخت ہوسکتی ہے ، ادھر ذرائع کے مطابق مشرق وسطی میں نسوار منشیات کی فہرست میں شامل ہے، نسوار کے ساتھ عرب ممالک کا سفر جرم قرار دے دیاگیا ہے۔

اینٹی نارکوٹکس فورس (اے این ایف) نے ملک بھر کے ایئرپورٹس پراس حوالے سے آگاہی کےلئے بینرز بھی آویزاں کر دئیے ہیں۔این ایف نے پاکستانی مسافروں کو عرب ممالک کے سفر کے دوران اپنے ساتھ ’نسوار‘ لے جانے سے منع کر دیا ہے۔

اے این ایف کی ہدایت کے مطابق عرب ممالک میں نسوارکے ساتھ فضائی سفر کرنا جرم ہے، اگرکسی بھی پاکستانی مسافر سے دوران فضائی سفر نسواربرآمد ہوئی تووہاں کے قانون کے تحت سزا دی جائے گی۔اس سے قبل سول ایوی ایشن اتھارٹی (سی اے اے) نے کراچی کے جناح انٹرنیشنل ایئرپورٹ پر گٹکا، نسوار اور پان کھانے پر پابندی کا اعلان کیا تھا۔

خیال رہے کہ بی آرٹی کی لانچنگ کے بعد خیبرپختونخوا حکومت نے بی آر ٹی پر سفر کے دوران نسوار کے استعمال کرنے پر پابندی عائد کر دی تھی۔

انتظامیہ کے اس حکم کے بعد بی آر ٹی پشاور کے سٹیشنوں پر سیکیورٹی کا عملہ تمام مسافروں کی تلاشی لیتا ہے اور اگر کسی سے نسوار، لائٹر، بلیڈ یا چاقو وغیرہ برآمد ہو جائے تو اسے اسی جگہ پر رکھ لیا جاتا ہے اور اس کے بعد مسافر کو سفر کی اجازت دے دی جاتی تھی

شہریوں کے مطابق یہ عمل اس لحاظ سے بہترین ہے کہ یہ بس میں سفر کرنے والے دیگر مسافروں کے حقوق کا خیال رکھنے کا بہترین طریقہ ہے اور ویسے بھی کسی کو عوامی مقامات پر ایسی چیزوں کے استعمال کی اجازت نہیں دی جانی چاہیے۔

خرطوم:اپوزیشن کی خواہش یا فوج کا دباو:وزیراعظم نے استعفیٰ‌ دے دیا ،اطلاعات کے مطابق اکتوبر میں فوجی بغاوت کے بعد فوج سے معاہدہ کرکے نومبر میں دوبارہ بحال ہونے والے سوڈانی وزیراعظم عبداللہ حمدوک نے استعفیٰ دے دیا ہے، جس کے بعد ملک کا مکمل کنٹرول فوج کے پاس چلا گیا ہے۔دراصل2019 میں آمر عمر البشیر کے اقتدار کے خاتمے کے بعد سے سوڈان غیر استحکامی کی صورت حال سے گزر رہا تھا لیکن جب فوجی رہنما جنرل عبدالفتاح البرہان نے 25 اکتوبر کو بغاوت شروع کی اور حمدوک کو حراست میں لیا تو وہاں ہنگامے شروع ہوگئے۔

عبداللہ حمدوک کو21 نومبر کو اس معاہدے کے تحت بحال کیا گیا تھا جس میں جولائی 2023 میں انتخابات کا وعدہ شامل تھا، لیکن مقامی ذرائع ابلاغ نے خبر دی تھی کہ وہ کئی دنوں سے اپنے دفتر سے غیر حاضر تھے اور ان کے ممکنہ استعفے کی افواہیں گردش کر رہی تھیں۔حمدوک نے اتوار کی شام سرکاری ٹیلی ویژن پر قوم سے خطاب کرتے ہوئے کہا: ’سوڈان ایک خطرناک موڑ سے گزر رہا ہے، جس سے اس کی پوری بقا کو خطرہ ہے۔‘

ان کا کہنا تھا کہ سویلین اور فوجی فریقین کے درمیان اتفاق رائے کے لیے انہوں نے کوشش کی مگر کامیاب نہیں ہوئے۔نومبر میں حمدوک کی بحالی کے بعد بھی فوجی بغاوت کے خلاف بڑے پیمانے پر مظاہرے جاری رہے ہیں۔ شہریوں کو جنرل برہان کے ملک کو مکمل جمہوریت کی طرف لے جانے کے وعدے پر مکمل اعتماد نہیں۔مظاہرین نے یہ بھی الزام لگایا ہے کہ حمدوک کی بحالی کے معاہدے کا مقصد صرف جرنیلوں کو قانونی حیثیت دینا ہے، جن پر وہ عمر البشیر کی قائم کردہ حکومت کو جاری رکھنے کی کوشش کا الزام لگاتے ہیں۔

اتوار کو ہزاروں مظاہرین نے آنسو گیس، بھاری فوجی تعیناتی اور ٹیلی کمیونیکیشن بلیک آؤٹ کا مقابلہ کرتے ہوئے سویلین حکومت کا مطالبہ کیا۔ انہوں نے دارالحکومت خرطوم میں صدارتی محل کے قریب اور اس کے جڑواں شہر ام درمان میں ہونے والے مظاہروں میں بغاوت کی مذمت کی اور ’عوام کو طاقت‘ کا نعرہ لگایا اور فوج کی بیرکوں میں واپسی کا مطالبہ کیا۔ جمہوریت نواز ڈاکٹرز کمیٹی نے کہا ہے کہ سیکورٹی فورسز نے تین مظاہرین کو ہلاک کیا جن میں سے ایک کے سینے میں گولی لگی۔ جمہوریت کے حامی طبی عملے کے مطابق بغاوت کے بعد اب کم از کم 57 مظاہرین ہلاک ہو چکے ہیں۔

جب سیکورٹی فورسز نے ایمبولینسوں کو زخمیوں تک پہنچنے سے روک دیا تو موٹر سائیکلوں پر سوار نوجوان کو زخمی مظاہرین کو ہسپتالوں میں لے جاتے ہوئے دیکھا گیا۔ ویب مانیٹرنگ گروپ نیٹ بلاکس نے کہا ہے کہ سال کے پہلے احتجاج کے موقع پر مظاہروں سے قبل صبح سے موبائل انٹرنیٹ معطل کر دیا گیا تھا اور شام کو بحال کر دیا گیا تھا۔کارکن مظاہروں کے انعقاد اور ریلیوں کی براہ راست فوٹیج نشر کرنے کے لیے انٹرنیٹ کا استعمال کرتے ہیں۔فوج کے کنٹرول میں آنے کے بعد سے ہونے والے مظاہروں کے خلاف سیکورٹی فورسز کی جانب سے آنسو گیس اور پولیس کی جانب سے لاٹھی چارج کیا جاتا رہا ہے۔

پشاور:شہبازشریف نے میری ذمہ داری لگائی ہے کہ 23 مارچ دما دم مست قلندرہوجائے:مولانا فضل الرحمن نے اپنی نیت ظاہر کردی،اطلاعات کے مطابق پاکستان ڈیمو کریٹک موومنٹ(پی ڈی ایم) کے سربراہ مولانا فضل الرحمان نے کہا ہے کہ پاکستان نوازشریف کا وطن، ن لیگی قائد واپس آئیں، موجودہ حکومت ناجائز اور نااہل ہے ، عوام مسائل کے گرداب میں دھنس گئے ، مہنگائی سے جینا دوبھر ہوگیا ہے اور23مارچ کو شروع ہونے والا مارچ حکمرانوں کی رخصتی کا آغاز ہوگا۔

پشاور میں میڈیا سے گفتگو کرتے ہوئے جمعیت علمائے اسلام(ف) اور پی ڈی ایم کے سربراہ مولانا فضل الرحمان نے حکومت کی جانب سے قومی اسمبلی میں پیش کئے جانے والے منی بجٹ پر تنقید کرتےہوئے کہا کہ منی بجٹ پر قومی اسمبلی میں کوئی بحث نہیں ہوئی،ایک نیا بل تیار کیا جارہا ہے جس میں اسٹیٹ بنک آئی ایم ایف کے کنٹرول میں چلا جائے جائے،حکومت اب بھی جو قرضے لے رہی ہے وہ کمرشل بنکوں سے لے رہی ہے ۔

انہوں نے مزید کہا کہ 23 مارچ کو اسلام اباد کی طرف مارچ کریں گے ، اس حوالے سے پنجاب میں شہباز شریف اور کے پی میری ذمہ داری لگائی گئی، مہنگائی مارچ کی تیاریاں جاری ہیں ، ناجائز اور نااہل حکومت نے ملکی معیشت تباہ کر دی ہے ، اس صورتحال سے ملک کو نکالنا قومی فریضہ ہے ، بلدیاتی الیکشن میں حکمران جماعت کو شکست بھی اپوزیشن کی فتح ہے ، ثابت ہو گیا کہ عوام کو حکومت پر اعتماد نہیں ہے ، اگلا مرحلہ حکمران جماعت کے لیے اس سے بھی برا ہوگا۔

مولانا فضل الرحمان نے مزید کہا کہ پہلے دھرنے اور اب میں فرق ہے ، پی پی پی اور اے این پی کو کبھی بھی اپنا مخالف نہیں سمجھا ، حکمران خوش نا رہیں کہ اپوزیشن آپس میں لڑ رہے ہیں ہم دیگر پارٹیوں کو بھی اپوزیشن کا حصہ سمجھتے ہیں ، ہم ملک میں رہتے ہوئے خود مختار ہیں ، نواز شریف واپس آئیں ان کا وطن ہے ، افغانستان میں امن کی ضرورت ہے اس کے لیے ہمیں بھی کوشش کرنی ہوگی۔

ہرات: مغربی افغانستان کے صوبہ ہرات میں ایک شخص نے اپنے دوسرے بچوں کو زندہ رکھنے اور انھیں کھانا کھلانے کے لیے اپنی ایک 10 سالہ بیٹی کو بیوی کو بتائے بغیر شادی کے لیے فروخت کردیا۔ مایوس باپ نے اس خاندان سے ڈاون پیمنٹ لیا جس نے اسے کھانے کے بدلے خریدا تھا۔

نابالغ لڑکی کی والدہ عزیز گل نے کہا: ’’میں نے اپنے شوہر سے کہا کہ وہ کھانا لے آئے کیونکہ میرے پانچ بچوں کے پاس کھانے کے لیے کچھ نہیں ہے اور وہ باقاعدگی سے کھانا لے کر آنے لگا۔

جب میں نے اس سے پوچھا کہ وہ کھانا کہاں سے لاتا ہے، تو اس نے جواب دیا کہ ایک خاندان اسے ہماری 10 سالہ بیٹی کے بدلے روزانہ کی بنیاد پر کھانا دے رہا ہے،”۔ خامہ پریس نیوز ایجنسی نے اس خبرکی رپورٹ کی ہے۔ حال ہی میں، افغانستان میں بہت سے بے سہارا خاندان، جو جنگ کی وجہ سے بے گھر ہوئے اور غیر ملکی امداد بند ہونے کے بعد بے روزگار ہو گئے، نے اپنے خاندانوں کو کھانا کھلانےکے لیے ایسے مایوس کن فیصلے کیے ہیں۔

خامہ پریس کے مطابق، 31 دسمبر کو شمالی صوبہ بدخشاں کے رہائشیوں نے ایک اور شخص کو اپنے دو بچوں کو فروخت کرنے سے روکا تاکہ اس کے خاندان کو بھوک سے مرنے سے بچایا جا سکے۔

کراچی:پیپلزپارٹی پی ٹی آئی کواپنے وجود کے لیے خطرہ سمجھنے لگی:حلیم عادل شیخ بھی بول اٹھے ،اطلاعات کے مطابق پاکستان تحریک انصاف کے رہنما اور اپوزیشن لیڈر سندھ اسمبلی حلیم عادل شیخ کو دھمکی آمیز ویڈیو موصول ہوئی ہے جس پر انہوں نے ایف آئی اے سائبر کرائم میں درخواست جمع کروادی ہے۔

پی ٹی آئی رہنما حلیم عادل شیخ نے موصول ہونے والی دھمکی پر کہا ہے کہ گزشتہ تین چار روز سے ایک نمبر سے دھمکی آمیز کالز اور اسلحے کی تصاویر موصول ہورہی ہیں جس میں بتایا جارہا ہے کہ مجھ پر حملہ ہوسکتا ہے جس پر میں نے ایف آئی اے کو درخواست بھی جمع کرائی ہے۔

انہوں نے کہا کہ کل رات سے ایک اور ویڈیو مختلف گروپس میں وائرل ہورہی ہے، ویڈیو میں دکھانے کی کوشش کی جارہی ہے کہ سندھ پولیس مجھ سے ناراض ہوگئی ہے، میں پولیس کے ہاتھوں مارے جانے والے بے گناہوں کی آواز بنتا ہوں، میری کوئی پولیس سے دشمنی نہیں ہے، اگر کسی پولیس والے کے ساتھ بھی ظلم ہوتا ہے تو میں اس کے ساتھ بھی کھڑا ہوتا ہوں۔

حلیم عادل شیخ نے کہا کہ کچھ ماہ پہلے سُکھن تھانے کے پولیس اہلکار نعمان شاہ اور اوباوڑو میں ہیڈ کانسٹیبل سلطان رند کو مارا گیا میں ان کے گھر گیا، شکارپور میں زخمی اور شہید ہونے والے پولیس اہلکاروں کے گھر سب سے پہلے میں گیا تھا جب کہ سہراب گوٹھ میں ایس ایچ اور ٹیم نے ڈاکوؤں کو مارا میں نے تھانے جاکر انہیں شاباش اور انعام دیا۔

ان کا کہنا تھا کہ یہ ویڈیو پولیس کی نہیں اس کے پیچھے سازش ہے، ماحول پیدا کیا جارہا ہے کہ پولیس کی حلیم عادل شیخ سے دشمنی ہے اس کے ڈائریکٹر پروڈیوسر وزیراعلیٰ ہاؤس اور بلاول ہاؤس میں بیٹھے ہوئے ہیں، مراد علی شاہ اس کے اور اس کو کھوج کر نکالنے کے ذمے دار ہیں،پہلے کلاشنکوف آئی پھر سرکاری جی تھری آئی، میری اگر سیاسی مخالفت ہے تو وہ پی پی سے ہے جسے دشمنی بنادیا گیا ہے۔

تحریک انصاف کے رہنما کا مزید کہنا تھا کہ اس پوری سازش کے پیچھے آصف زرداری، بلاول زرداری، مراد علی شاہ اور ان کے بہادر بچے ہیں، میں عمران خان کا سپاہی ہوں صرف اللہ کی ذات سے ڈرتا ہوں، ان ظالموں کے خلاف مظلوموں کی جنگ لڑتا رہوں گا۔

لاہور:عثمان بزدار”زیرو”شہبازشریف”ہیرو”:مگراندھی سیاسی تقلید میں قبول کرنے کے لیے کوئی تیارنہیں‌ ،اطلاعات کے مطابق وزیراعظم عمران خان کی ہدایت پر کفایت شعاری کی پالیسی پر عملدرآمد کرتے ہوئے پنجاب حکومت نے کفایت شعاری میں سب کو پیچھے چھوڑ دیا۔

تفصیلات کے مطابق وزیراعلیٰ پنجاب عثمان بزدار نے کفایت شعاری مہم میں سابق وزیراعلیٰ شہبازشریف کو پیچھے چھوڑدیا،عثمان بزدار نے شہباز شریف کے دور حکومت کی نسبت پٹرول کی مد میں کم اخراجات کئے۔

شہبازشریف کےآخری مالی سال اور موجودحکومت کےمالی سال کا موازنہ جاری کردیا گیا ہے، رپورٹ کے مطابق شہباز شریف کے آخری سال میں قومی وسائل کا بےدریغ استعمال کیاگیا۔

شہباز شریف کے سال 2017-18 میں اخراجات23 کروڑ 90 لاکھ تھے، عثمان بزدار کے دور میں سال 2020-21 میں اخراجات 14 کروڑ 30 لاکھ رہے، شہبازشریف دور میں مالی سال2017-18 میں گاڑیوں کی مرمت پر 4 کروڑ 20 لاکھ خرچ کئے گئے جبکہ عثمان بزدار دور میں مالی سال 2020-21 میں گاڑیوں کی مرمت پر صرف ڈیڑھ کروڑ خرچ ہوئے، یعنی کم وبیش 3 کروڑ روپے بچائے گئے۔

رپورٹ کے مطابق شہباز شریف دور میں مالی سال 2017-18 میں انٹرٹینمنٹ اور تحائف پر9 کروڑ کا خرچ آیا جبکہ عثمان بزدار دور میں مالی سال 2020-21 میں انٹرٹینمنٹ اور تحائف پر 4 کروڑ 40 لاکھ خرچ کئے گئے۔

شہبازشریف دور میں مالی سال 2017-18 میں گاڑیوں کے3 لاکھ 72 ہزار لیٹر ایندھن کا خرچ ہوا جبکہ عثمان بزدار دور میں مالی سال 2020-21 میں گاڑیوں کا2 لاکھ 28 ہزار لیٹر ایندھن خرچ ہوا۔

اسی طرح شہباز دور میں مالی سال 2017-18 میں گاڑیوں کے ایندھن کی پر3 کروڑ 50 لاکھ خرچ ہوئے جبکہ وزیراعلیٰ پنجاب عثمان بزدار دور میں مالی سال 2020-21 میں گاڑیوں کےایندھن پر2 کروڑ 70 لاکھ خرچ کئے گئے۔

اس موقع پر عثمان بزدار کا کہنا تھا کہ وزیراعلیٰ آفس سمیت پنجاب میں شاہ خرچیوں کا کلچرختم کردیا گیا ہے، ماضی کی حکومت نے سرکاری خزانے کو مال مفت کی طرح اڑایا، عوام کے وسائل پر سب سے پہلا حق عوام کاہے نہ کہ اشرافیہ کا، ہم قومی وسائل کی پائی پائی کے امین ہیں۔وزیراعلیٰ پنجاب کا مزید کہنا تھا کہ اشرافیہ اور مافیا نے مل کر ملک کے وسائل کو لوٹا ہے، ہم نے مافیا کی لوٹ مار کا خاتمہ کیا ہے۔