Tag: بریکنگ

کراچی:6 ماہ کے دوران ریوینیو اکٹھا کرنے کے تمام ریکارڈ ٹوٹ گئے:مگراتنا پیسہ کہاں گیا ؟عوام پوچھتی ہے ،اطلاعات کے مطابق 6 ماہ کے دوران ریوینیو اکٹھا کرنے کے تمام ریکارڈ ٹوٹ گئے، ایف بی آر نے جولائی تا دسمبر کے عرصے کے دوران تقریباً 3 ہزار ارب روپے اکٹھے کر لیے۔

تفصیلات کے مطابق فیڈرل بورڈ آف ریونیو نے سال 2021 میں مقررہ ہدف سے 287 ارب روپے ٹیکس وصول کرلیا ۔ایف بی آر سے جاری کردہ اعلامیے کے مطابق سال 2021 میں جولائی تا دسمبر 2920 ارب روپے ٹیکس جمع کیا گیا جو 2633 ارب کے ہدف سے 287 ارب روپے یا 32.5 فیصد زیادہ ہے۔

رپورٹ کے مطابق گزشتہ سال اسی مدت میں 2204 ارب روپے ٹیکس جمع ہوا تھا اور دسمبر 2021 میں 600 ارب روپے ٹیکس جمع کیا گیا جو دسمبر 2020 میں ہونے والے ریونیو سے 18 فیصد زیادہ ہے۔ایف بی آر کے مطابق جولائی 2021 تا دسمبر 2021 کے دوران 148 ارب روپے کے ریفنڈز جاری کئے گئے جو سال 2020 میں 111 ارب روپے کے ہونے والے ریفنڈز سے 37 ارب روپے یا 33 فیصد زیادہ ہے۔

یہاں واضح رہے کہ وفاقی حکومت کی جانب سے تیار کردہ فنانس ترمیمی بل میں رواں مالی سال کے اختتام تک 6 ہزار ارب روپے سے زائد کا ریونیو اکٹھا کرنے کا ہدف مقرر کیا ہے۔

اس ہدف کے تحت ایف بی آر کو اگلے 6 ماہ کے دوران 3 ہزار ارب روپے سے زائد اکٹھے کرنا ہوں گے۔ دوسری جانب پاکستان کی کرنسی مارکیٹ میں گزشتہ چند روز کے دوران قدرے استحکام دیکھنے میں آیا۔ انٹر بینک اورمقامی اوپن کرنسی مارکیٹ میں ڈالر کے مقابلے پاکستانی روپیہ تگڑا ہو گیا جس کے باعث انٹر بینک میں ڈالر کی قدر 178روپے سے کم ہو کر176روپے اور اوپن مارکیٹ میں ڈالرکی قدر181روپے سے گھٹ کر178روپے کی کم سطح پر آ گئی۔

فاریکس ایسوسی ایشن آف پاکستان کی رپورٹ کے مطابق ایک ہفتے کے دوران انٹر بینک میں روپے کے مقابلے ڈالر کی قدر میں1.40روپے کی کمی واقع ہوئی جس سے ڈالر کی قیمت خرید 178روپے سے گھٹ کر176.60روپے اور قیمت فروخت178.20روپے سے گھٹ کر 176.80روپے ہو گئی اسی طرح مقامی اوپن کرنسی مارکیٹ میں ڈالر کی قیمت خرید 180.50روپے سے کم ہو کر178روپے اور قیمت فروخت181روپے سے کم ہو کر178.50روپے ہو گئی ۔

اسلام آباد: پینڈورا پیپرز کی تحقیقات:240 بڑے بڑےنام شامل:پھرتہلکہ مچ جانے کا امکان ،اطلاعات کے مطابق وزیراعظم عمران خان کی طرف سے پنڈورا پیپرز سے متعلق قائم کیے گئے جائزہ کمیشن کی تحقیقات آخری مرحلے میں داخل ہو گئیں۔وزیر اطلاعات فواد چودھری نے تحقیقات کے آخری مرحلے میں ہونے کی تصدیق کر دی۔

وزیر اعظم جائزہ کمیشن نے پنڈورا پیپرز میں آنے والے مبینہ 700 میں سے 240 ناموں میں سے اکثریت کی تحقیقات مکمل کر لیں، جائزہ کمیشن کو 200 سے زائد پاکستانیوں نے جواب جمع کرادیئے، 240 پاکستانیوں میں سے اکثریت نے جواب میں منی لانڈرنگ کے الزمات کو مسترد کیا۔

آئی سی آئی جے نے مبینہ 700 میں سے 240 نام وزیر اعظم جائزہ کمیشن کو دیئے، جائزہ کمیشن کو موصول ہونے والے 240 ناموں میں سے 40 پبلک آفس ہولڈرز، بیوروکریٹس شامل ہیں، تحقیق کئے گئے 240 ناموں میں سے زیادہ تر نے ٹیکس چوری، منی لانڈرنگ کے الزمات کی نفی کی ہے۔

جائزہ کمیشن کے مطابق آئی سی آئی جے کی جانب سے مزید نام بھیجوائے گئے تو انکی بھی تحقیقات ہونگی، کمیشن کی فیکٹ فائنڈنگ انکوائری کا پہلا مرحلہ جنوری کے آخر تک مکمل ہونے کا امکان ہے۔

جائزہ کمیشن کو سٹیٹ بینک، ایس ای سی پی، نادرا، پی ٹی اے اور ایف بی آر کی معاونت بھی حاصل ہے، کمیشن 3 ماہ سے وزیراعظم کے احکامات پر پنڈوراپیپرز میں شامل ناموں کی تحقیقات کر رہا ہے، 200 سے زائد پاکستانیوں سے7 روز میں پوچھے گئے سوالات کے جواب مانگے تھے۔

کمیشن کو آئی سی آئی جے کی جانب سے نامکمل تفصیلات فراہم کی گئیں، نامکمل تفصیلات کے باعث نادرا اور کمیشن کو لوگوں کے ناموں کی تصدیق میں مشکلات کا سامنا کرنا پڑا، 240 ناموں میں سے 30 سے 35 ناموں کی تاحال تصدیق نہ ہوسکی۔ آئی سی آئی جے نے اکتوبر میں پنڈورا پیپرز میں 700 پاکستانیوں کے شامل ہونے کا دعویٰ کیا تھا۔

اسلام آباد: پاکستان اوردنیا بھرمیں ہرروز زلزلے:آج پھرزلزلہ:لوگوں پرخوف وہراس چھا گیا ،اطلاعات کے مطابق خیبرپختونخوا، گلگت اور وفاقی دارالحکومت اسلام آباد میں زلزلے کے جھٹکے محسوس کیے گئے جس کے باعث شہری خوف میں مبتلا ہو گئے۔

تفصیلات کے مطابق خیبرپختونخوا کے علاقے پشاور، سوات، نوشہرہ، شبقدر، مہمند، صوابی، مردان، باجوڑ، بونیر، شانگلہ، لوئردیر سمیت ملاکنڈ کے گردو نواح اور ایبٹ آباد میں بھی زلزلے کے جھٹکے محسوس کیےگئے۔اس کے علاوہ چترال میں بھی زلزلےکے جھٹکے محسوس کیےگئے۔

دوسری طرف گلگت بلتستان کے ضلع غذر میں بھی زلزلے کے جھٹکے محسوس کیے گئے، زلزلےکے جھٹکوں کے بعد مختلف علاقوں میں شہری کلمہ طیبہ کا ورد کرتے ہوئے گھروں سے باہر نکل آئے۔

مزید برآں وفاقی دارالحکومت اسلام آباد سمیت دیگر جگہوں پر زلزلے کے جھٹکے محسوس کیے گئے تاہم تاحال کوئی جانی و مالی نقصان کی اطلاع نہیں ملی۔

پی ایم ڈی کے مطابق زلزلے کا مرکز افغانستان ، تاجکستان بارڈر تھا، ریکٹر اسکیل پر زلزلے کی شدت 5.3 ریکارڈ کی گئی، زلزلے کی گہرائی 180 کلو میٹر ریکارڈ کی گئی۔

ادھر اطلاعات کے مطابق پاکستان اور دنیا بھرمیں مسلسل کئی ہفتوں سے روزانہ زلزلے آرہے ہیں ، دنیا میں‌ کوئی ایسا خطہ نہیں بچا جہاں زلزلہ نہ آرہا ہو، اطلاعات ہیں‌کہ پاکستان میں پچھلے مہینے میں‌ مختلف علاقوں میں ہردوسرے دن زلزلے نے ایک عجیب سی کیفیت بپا کردی ہے ،لوگ خوف زدہ ہیں اور ان کو کچھ سمجھ نہیں‌دے رہا کہ آیا ایسا کیوں‌ہے
ادھر علما نے خبردار کای ہے کہ حدیث نبوی صلی اللہ علیہ والہ وسلم ہے کہ قیامت کی نشانیوں میں سے ایک نشانی یہ ہے کہ زلزلے بڑے آئیں گے اور یہ سلسلہ قیامت تک بڑھتا ہی جائے گا ، علما کا کہنا ہے کہ ہمیں اللہ سے معافی مانگنی چاہیے اور گناہوں سے توبہ کرنی چاہیے

کراچی: سال نو پر ہوائی فائرنگ سے 16 افراد زخمی اطلاعات کے مطابق آج نئے سال کے آغاز پر کراچی میں سال نو کے موقع پرمختلف علاقوں میں ہوائی فائرنگ سے 16 افراد زخمی ہوگئے۔

پاکستان میں سال نو 2022 کا آغاز ہوگیا جس کی خوشی میں ملک کے مختلف شہروں میں نوجوان سڑکوں پر نکل آئے،آتش بازی اور ہوائی فائرنگ کا مظاہرہ کیا گیا۔اس موقع پر کراچی میں مختلف علاقوں میں ہوائی فائرنگ کے نتیجے میں 16 افراد زخمی ہوگئے۔

ریسکیو ذرائع کے مطابق نارتھ ناظم آباد میں فائرنگ سے ایک بچی اور سولجر بازار میں ایک شخص زخمی ہوا جسے اسپتال منتقل کردیا گیا ہے۔

معروف عالم دین مولانا طارق جمیل نے نئے سال کےآغاز کے حوالے سے بڑی ہی اچھی بات کی ہے ان کا کہنا ہےکہ قمری اور شمسی سال دونوں نظام ہی اللہ کے ہیں بس ہمیں‌اپنے رب کو راضٰی کرنا چاہیے

انہوں نے یہ بات سماجی رابطے کی ویب سائٹ ٹویٹر پراپنے پیغام میں کہی ، ان کا کہنا تھاکہ میں کئی سالوں سے یکم جنوری کی رات کو جاگتا ہوں اور اللہ سے ان تمام لوگوں کی مغفرت کیلئے آنسو بہاتا ہوں۔ جو لوگ اس رات کو گناہوں ساتھ گزار رہے ہیں، اور آئیں ہم اس رات کو گناہ کی بجائے توبہ کے ساتھ منائیں!

ان کا یہ بھی کہنا تھا کہ ہمیں‌اپنے رب سے ڈر جانا چاہیے اس رات شرابیں پینے والے ، ناچ گانا کرنے والے کل اللہ سے کس منہ سے ملیں گے ،ہمٰیں‌ خیر کے کام کرنے چاہیں ، شر اور شراب جیسے امورہمیں اللہ کی رحمت سے دور کردیں‌گے اور ہمارے پاس اللہ کی رحمت کے سوا اور ہے کیا کچھ 1

پشاور:بد زبانی کنٹرول کرنے کا زبردست فارمولا:عوامی مقامات پر گالم گلوچ کرنے پر جرمانہ عائد:بل منظور،اطلاعات کے مطابق خیبر پختونخواہ اسمبلی میں اپر سوات ڈیولپمنٹ اتھارٹی بل 2021 منظور کرلیا گیا، وادی سوات میں تجاوزات کرنے، ماحولیاتی اور صوتی آلودگی پھیلانے پر جرمانہ عائد کردیا گیا۔

تفصیلات کے مطابق خیبر پختونخواہ اسمبلی میں اپر سوات ڈیولپمنٹ اتھارٹی بل 2021 منظور کرلیا گیا، بل کے تحت بغیر اجازت وادی میں تعمیرات پر جرمانہ کیا جائے گا۔

بل میں کہا گیا ہے کہ تجاوزات کرنے والے کو 3 سال قید اور 50 پچاس لاکھ روپے جرمانہ ہوگا۔ اتھارٹی کے قیام کے بعد صفائی اور ترقیاتی منصوبے ڈائریکٹر جنرل کی زیر نگرانی ہوں گے۔

بل میں کہا گیا ہے کہ کچرا پھینکنے پر 5 ہزار روپے جرمانہ ہوسکتا ہے، ماحولیاتی آلودگی اور گندگی پھیلانے پر 10 سے 20 ہزار روپے جرمانہ ہوگا۔ پریشر ہارن اور تیز آواز میں موسیقی سننے پر بھی 3 ہزار روپے جرمانہ ہوگا۔

بل کے مطابق عوامی مقامات پر گالم گلوچ پر 3 ہزار روپے جرمانہ ادا کرنا پڑے گا، پیشہ ور گداگری کرنے پر 2 ہزار روپے جرمانہ اور غیر قانونی اسپیڈ بریکر بنانے پر 20 ہزار روپے جرمانہ ہوگا۔

دوسری طرف عوام الناس نے اس بل کی تعریف کی ہے اور کہا ہے کہ جہاں بدزبانی کرنےوالوں کے سامنے بدزبانی سے روکنے والے بے بس ہوجاتے ہیں وہاں‌اس قانون کے اطلاق سے بدکلامی کرنے والے سزا کے ڈر سے اجتناب کریں گے