Baaghi TV

Tag: بریکنگ

  • بیلجیئم کیخلاف شاندار فتح کےبعد مراکشی کھلاڑی گراؤنڈ میں ہی سجدہ ریز

    بیلجیئم کیخلاف شاندار فتح کےبعد مراکشی کھلاڑی گراؤنڈ میں ہی سجدہ ریز

    دوحہ:بیلجیئم کیخلاف شاندار فتح کے بعد مراکشی کھلاڑی گراؤنڈ میں ہی سجدہ ریز،اطلاعات کے مطابق قطر میں جاری فیفا ورلڈکپ میں گروپ ایف کے میچ میں مراکش نے بیلجیئم کو شکست دے کر ٹورنامنٹ میں ایک اور اپ سیٹ کر دیا۔

    فیفا کی عالمی رینکنگ میں 22 ویں نمبر پر موجود مراکش نے عالمی نمبر 2 بیلجیئم کو ورلڈکپ میں 2 صفر سے شکست دی۔ بیلجیئم کے خلاف تاریخی فتح کے بعد مراکش ٹیم کے کھلاڑیوں نے گراؤنڈ میں ہی سجدے میں گرکر خدا کا شکر ادا کیا۔

    سوشل میڈیا پر بھی سعودی فٹبال ٹیم کے کھلاڑیوں کے فتح کے بعد سجدے کرنے کی تصاویر وائرل ہورہی ہیں۔

    دوسری طرف بیلجیئم کیخلاف تاریخی فتح: مراکشی کھلاڑی نے اسٹیڈیم میں موجود ماں کا ماتھا چوم لیا،عالمی نمبر دو بیلجیئم کو شکست دینے پر مراکش کے کھلاڑی گراؤنڈ میں سجدہ ریز ہوگئے تاہم مراکش کے ڈیفنڈر اشرف حکیمی نے منفرد انداز میں جشن منایا۔

    فیفا ورلڈکپ؛ جاپان کو کوسٹاریکا کے ہاتھوں شکست

    اشرف حکیمی تماشائیوں کے اسٹینڈ میں موجود والدہ کے پاس گئے، اپنی شرٹ اتار کر انہیں دی اور گلے لگاکر ماتھا چوم لیا۔والدہ نے بیٹے کا بوسہ لیا اور شاباش دی۔

    قطر میں جاری فٹبال ورلڈکپ میں گروپ ای کے میچ میں جرمنی کو اپ سیٹ شکست دینے والا جاپان اپنے دوسرے میچ میں ہار گیا۔جاپان کو کوسٹاریکا نے دلچسپ مقابلے کے بعد ایک صفر سے شکست دی۔میچ کے پہلے ہاف میں دونوں ٹیمیں ہی گول کرنے پر ناکام رہیں، لیکن پھر میچ کا واحد گول کیشر فُلر نے آخری منٹوں میں کیا جو جاپان کی شکست کا باعث بنا۔

    ایشین یوتھ سکریبل چیمپئن شپ، بھارت کو شکست، پاکستان نے ٹائٹل جیت لیا

    واضح رہے کہ جاپان نے پہلے میچ میں جرمنی کو دو ۔ ایک سے شکست دی تھی جبکہ کوسٹا ریکا کو اسپین سے شکست کا سامنا کرنا پڑا تھا۔گروپ ای کا ایک اور میچ رات بارہ بجے ہوگا جس میں دو سابق چیمپئنز جرمنی اور اسپین کا مقابلہ ہوگا۔ پہلے میچ میں شکست کے بعد جرمنی کیلئے اس میچ میں جیت کافی ضروری ہوگئی ہے۔

  • متنازع ٹوئٹس: اعظم سواتی کیخلاف کراچی، کوئٹہ اور جیکب آباد میں مقدمات درج

    متنازع ٹوئٹس: اعظم سواتی کیخلاف کراچی، کوئٹہ اور جیکب آباد میں مقدمات درج

    کراچی: تحریک انصاف کے رہنما اعظم سواتی کے خلاف متنازع ٹوئٹس پر کراچی، کوئٹہ اور جیکب آباد میں مقدمات درج کرلیے گئے۔ سینیٹر اعظم سواتی کے خلاف کراچی کے مختلف تھانوں میں 6 مقدمات درج ہوئے اور یہ مقدمات شہریوں کی مدعیت میں درج کیے گئے۔

    اعظم سواتی 2 روزہ جسمانی ریمانڈ پر ایف آئی اے کے حوالے

    اعظم سواتی کےخلاف بن قاسم، شاہ لیطف ٹاون، درخشان،کلفٹن اور اورنگی ٹاون تھانوں مقدمات درج ہوئے۔درخشاں تھانے میں بھی شہری کی مدعیت میں درج کیا گیا جس کے مدعی طارق آرائیں کے مطابق ٹوئٹ سے نفرت پھیل سکتی ہے، اعظم سواتی کے ٹوئٹ سے مجھے انتہائی دکھ ہوا۔علاوہ ازیں اعظم سواتی کےخلاف کوئٹہ کے کچلاک پولیس اسٹیشن میں بھی مقدمہ درج کیا گیا۔

    آرمی چیف جنرل قمر جاوید باجوہ کے خلاف مذموم مہم پر آئی ایس پی آر کا ردعمل

    اعظم سواتی کےخلاف مقدمہ شہری عزیز الرحمان نے درج کرایا جس میں مؤقف اختیار کیا گیا ہے کہ اعظم سواتی نے راولپنڈی میں تقریر اور ٹوئٹر پرپاک فوج کےخلاف غلط زبان استعمال کی لہٰذا پاک فوج کےخلاف لوگوں کو اکسانےپراعظم سواتی کےخلاف کارروائی کی جائے۔

    اداروں پر تنقید، اعظم سواتی کیخلاف کوئٹہ میں بھی مقدمہ درج

    جیکب آباد کے صدر تھانے میں سینیٹر اعظم سواتی کے خلاف مقدمہ درج ہوا اور یہ مقدمہ شہری کی مدعیت میں درج کیا گیا۔خیال رہے کہ اسلام آباد پولیس نے سوشل میڈیا پر متنازع بیانات دینے کے الزام میں پی ٹی آئی کے سینیٹر اعظم سواتی کو گرفتار کیا ہے اور عدالت سے ان کا دو روزہ جسمانی ریمانڈ حاصل کرلیا ہے۔

  • ڈی سی عمر کوٹ سےگاڑی واپسی کیلیے ڈبلیو ایچ او کا وزارت خارجہ کو مراسلہ

    ڈی سی عمر کوٹ سےگاڑی واپسی کیلیے ڈبلیو ایچ او کا وزارت خارجہ کو مراسلہ

    کراچی:ڈی سی عمر کوٹ سے گاڑی کی واپسی ، عالمی ادارے کو میدان میں آنا پڑگیا،اطلاعات کے مطابق عالمی ادارے صحت ( ڈبلیو ایچ او) نے سیلاب میں سروے کیلئے ڈی سی عمر کوٹ کو دی گئی گاڑی کی واپسی کے لیے پر وزارت خارجہ کو مراسلہ لکھ دیا۔

    آرمی چیف کا فوجی فاؤنڈیشن کا دورہ،طبی سہولیات اورکردارپراظہار اطمینان

    عالمی ادارے صحت کے مراسلے پر وزارت خارجہ نے نوٹس لیتے ہوئے ڈی سی مٹیاری کو گاڑی واپس کرنے کا حکم جاری کر دیا ہے۔ وزارت خارجہ نے چیف سیکریٹری سندھ سے جواب طلب کر لیا جبکہ وزارت خارجہ کا کہنا ہے کہ گاڑی جس کے بھی استعمال میں ہے واپس کی جائے۔

    تمام ارکان اسمبلی چھوڑنےکے لیے تیار ہیں: سپیکرپختونخوا اسمبلی

    ڈبلیو ایچ او کا مؤقف تھا کہ ہماری گاڑی ذاتی استعمال میں نہیں لائی جا سکتی اور وہ ایک مخصوص وقت اور کام کے لیے دی گئی تھی اس لیے اب تک واپس نہیں ملی اس سلسے میں اقدام اٹھائے جائیں تاکہ گاڑی کی واپسی کو یقینی بنایا جا سکے۔

    چین میں کورونا لاک ڈاؤن کے خلاف احتجاج، شی جن پنگ استعفیٰ دو کے نعرے

    ذرائع کی مطابق ڈبلیو ایچ او کی جانب سے بم پروف گاڑی ڈی سی عمر کوٹ کو دی گئی تھی تاکہ سیلاب کے دوران سروے میں کوئی رکاوٹ نا ہو سیلاب گزر جانے کے باوجود جب ایچ ڈبلیو او کو گاڑی واپس نہیں کی گئی تو عالمی ادارے صحت نے وزارت خارجہ سے رابطہ کیا۔

  • فیفا ورلڈکپ 2022؛ مراکش نے 0-2 سے بیلجیئم کو شکست دیدی

    فیفا ورلڈکپ 2022؛ مراکش نے 0-2 سے بیلجیئم کو شکست دیدی

    دوحہ: قطر میں جاری فیفا ورلڈکپ 2022 کے گروپ ایف کے میچ میں مراکش نے دنیا کی دوسری بہترین ٹیم بیلجیئم کو 0-2 سے دھول چٹا دی۔اطلاعات کے مطابق قطر کے الثمامہ اسٹیڈیم میں کھیلے گئےاسٹیج میچ میں مراکش نے مخالف ٹیم پر تابڑ توڑ حملے کیے جب کہ بیلجیئم نے آغاز سے ہی دفاعی اور محتاط انداز اپنایا تاہم مراکش نے جارحانہ کھیل پیش کرتے ہوئے 73 ویں منٹ پر میں پینلٹی کا فائدہ اٹھاتے ہوئے گول اسکور کرکے سبقت حاصل کرلی۔

    بعدازاں میچ کے آخری لمحات میں مراکشی کھلاڑی زکریہ ابوالخلال نے ایک اور گول کرکے بیلجئیم کی شکست کو یقین میں بدل دیا۔

    بیلجیئم نے متعدد بار گول کرنے کی کوشش کی تاہم مخالف کھلاڑیوں اور مراکشی گول کیپر کی بدولت ناکامی کا سامنا کرنا پڑا، مراکش کی جانب سے میچ کا پہلا پینلٹی گول عبدالحامد نے اسکور کیا جب کہ دوسرا گول زکریہ ابوالخلال نے کیا۔بیلجیئم اور مراکش کے درمیان کھیلے گئے میچ سے متعلق فٹبال ماہرین نے کہا کہ بیلجیئم کا کھیل دیکھ کر ایسا لگ نہیں رہا تھا کہ دنیا کی دوسری بہترین ٹیم کھیل رہی ہے۔

    واضح رہے کہ بیلجیئم فٹبال ورلڈ رینکنگ میں دوسرے نمبر پر براجمان ہے اور اب تک 5 عالمی مقابلے جیت چکا ہے۔

     

    اس سے پہلےفیفا ورلڈکپ کے گروپ ای کے میچ میں کوسٹاریکا نے جاپان کو 0-1 سے شکست دیدی۔احمد بن علی اسٹیڈیم میں کھیلے گئے میچ میں دونوں ٹیموں نے آغاز سے ہی جارحانہ انداز اپنایا تاہم کوسٹاریکا نے 81 ویں منٹ میں گول اسکور کر کے سبقت حاصل کرلی جو میچ کے اختتام تک برقرار رہی۔

    مقابلے کی عالمی دوڑ، پی آئی اے کا نئی تکنیک آزمانے کا فیصلہ

    جاپان نے متعدد بار گول کرنے کے مواقع پیدا کیے تاہم ناکامی کا منہ دیکھنا پڑا، کوسٹاریکا کی جانب سے میچ کا واحد گول کیشر فلر نے گول اسکور کیا۔دھر دوسرے میچ میں‌ فیفا ورلڈکپ کے گروپ سی کے میچ میں ارجنٹینا نے میکسیکو کو 0-2 سے شکست دیدی۔

    فیفا ورلڈ کپ؛ پولینڈ نےسعودی عرب کو2گول سےشکست دے دی

    لوسیل اسٹیڈیم میں کھیلے گئے میچ میں دونوں ٹیموں نے جارحانہ کھیل پیش کیا اور گول کرنے کے کئی مواقع پیدا کیے تاہم ناکام رہیں۔ دوسرے ہاف میں ارجنٹینا کے کپتان لیونل میسی نے 64 ویں منٹ میں گول داغ کر ٹیم سبقت دلائی۔

    جواب میکسیکو کی ٹیم نے بھی ارجنٹینا کے گول پوسٹ پر متعدد حملے کیے جو سود ثابت ہوئے، دوسرے ہاف کے اختتام سے محض 3 منٹ قبل ارجنٹینا کے اسٹرائیکر فرنینڈنس نے گول کرکے میکسیکو کی امیدوں پر پانی پھیر دیا۔قبل ازیں فرانس نے ڈنمارک کو 1-2 سے شکست دی جبکہ پولینڈ نے سعودی عرب کو 0-2 سے شکست دی تھی۔

  • قومی اسمبلی کا الیکشن 6 ماہ آگے لے جا سکتےہیں: رانا ثناء اللہ

    قومی اسمبلی کا الیکشن 6 ماہ آگے لے جا سکتےہیں: رانا ثناء اللہ

    لاہور:وفاقی وزیر داخلہ رانا ثناء اللہ نے کہا ہے کہ لوگوں کو ریلیف دینے کیلئے 4 سے 6 مہینے درکارہوں گے، 6مہینےبعدہم اس پوزیشن میں ہونگے پنجاب میں الیکشن جیت سکتےہیں، قومی اسمبلی کا الیکشن 6 ماہ آگے لے جا سکتےہیں۔

    بلاول بھٹو نے عمران خان کا اسمبلیوں سے استعفوں کا اعلان ڈرامہ قرار دے دیا

    نجی ٹی وی کو انٹرویو دیتے ہوئے وفاقی ویر داخلہ نے کہا کہ عمران خان کا اعلان غیر منطقی ہے، عمران خان کہتے ہیں کہ کرپٹ سسٹم سے باہر جا رہے ہیں، اگر سسٹم سے مسئلہ ہے تو پھر انقلاب لائیں، الیکشن کے بعد آپ اسی سسٹم میں آئیں گے، پیپلز پارٹی نے جب الیکشن کا بائیکاٹ کیا تو اس کے بعد سے آج تک پنجاب میں داخل نہیں ہو سکی، عمران خان نےغصےمیں آ کر اسمبلیاں توڑنے کی بات کی۔

    عمران خان نےاسمبلیاں توڑنےکا اعلان کرکےشکست کا اعلان کیا ہے:رانا ثنااللہ

    انہوں نے کہا کہ پرویز الہٰی کی اپنی حیثیت کیا ہے وہ آدھے منٹ میں اسمبلی توڑنےکی بات کر رہے ہیں۔پرویزالہٰی کے پاس جو اختیار ہے اس کو کیسے روکنا ہے یہ ہمیں پتہ ہے۔ وہ بطورِ وزیراعلیٰ پنجاب اسمبلی نہیں توڑ سکیں گے، ہمیں یہ بھی پتہ ہوتا ہے کہ ان کی میٹنگز میں کیا باتیں ہوتی ہیں، اگر ہم نے آج تک ان کو روکا ہے تو کچھ ہمیں پتہ تو ہے۔ پی ٹی آئی سے 15 سے 20 لوگ ہمیں دستیاب ہوں گے، پنجاب میں مقابلہ پی ٹی آئی اورن لیگ کےدرمیان ہے، اگر دونوں اسمبلیاں توڑدی جاتی ہیں پھر بھی میری تجویز یہی ہے کہ صرف وہاں الیکشن کروائیں، پیپلزپارٹی اس وقت کسی صورت سندھ میں الیکشن نہیں چاہے گی، مولاناچاہیں گے کہ وفاقی حکومت رہے اور خیبرپختونخوا میں الیکشن ہو جائیں۔

    نیب راولپنڈی نے ملک ریاض کو یکم دسمبر کو طلب کرلیا

    رانا ثناء اللہ نے کہا کہ اگلے الیکشن سے میں نوازشریف کا پارٹی کو لیڈ کرنا بہت ضروری ہے، لوگوں کو ریلیف دینے کیلئے ہمیں 4 سے 6 مہینے درکارہوں گے، ہم نے سیاسی نقصان اٹھایا ہے لیکن ہم نے ریاست کو بچا لیا، 6 مہینے بعد ہم اس پوزیشن میں ہونگے کہ پنجاب میں الیکشن جیت سکتے ہیں، مفتاح اسماعیل 2 ماہ پہلےخود کہہ رہے تھے ڈیفالٹ کا خطرہ نہیں ہے۔ جب تحریک انصاف والے حکومت سےنکلیں گے تو ان کو لگ پتہ جائے گا اپوزیشن ہوتی کیا ہے

    وزیر داخلہ نے مزید کہا کہ اعظم سواتی نے جوباتیں کیں کیاوہ کرنے والی ہیں؟ کیا یہ مناسب گفتگوہے؟ قومی اسمبلی کا الیکشن 6 ماہ آگے لے جا سکتے ہیں۔

  • آرمی چیف کا فوجی فاؤنڈیشن کا دورہ،طبی سہولیات اورکردارپراظہار اطمینان

    آرمی چیف کا فوجی فاؤنڈیشن کا دورہ،طبی سہولیات اورکردارپراظہار اطمینان

    راولپنڈی:آرمی چیف کا فوجی فاؤنڈیشن کا دورہ، طبی سہولیات اور کردار پر اظہار اطمینان،اطلاعات کے مطابق آرمی چیف جنرل قمرجاوید باجوہ نے فوجی فاؤنڈیشن ہیڈ کواٹرزکا دورہ کیا جہاں انہیں فوجی فاؤنڈیشن کے جاری اور مستقبل کے منصوبوں پر بریفنگ دی گئی۔

    پاک فوج کے شعبہ تعلقات عامہ (آئی ایس پی آر) کے مطابق آرمی چیف نے فوجی فاؤنڈیشن کے صحت کے کئی منصوبوں کا افتتاح کیا جس میں مصنوعی اعضاء مرکز اور فاؤنڈیشن یونیورسٹی نرسنگ کالج شامل ہیں۔

     

     

    ترجمان پاک فوج کے مطابق آرمی چیف نے نئے تعمیر شدہ نیوایسٹ رج اسپتال کا بھی دورہ کیا۔ فوجی فاؤنڈیشن کے زیرانتظام نیوایسٹ رج 40 کلینک اور 146 بستر پر مشتمل ہے۔

    آئی ایس پی آر کے مطابق آرمی چیف جنرل قمرجاوید باجوہ نے فوجی فاؤنڈیشن کی طبی سہولیات اور کردار پر اطمینان کا اظہار کیا۔

  • "ہریانہ بنے گا خالصتان تھیم”سکھوں نے میلبورن میں مہم شروع کردی

    "ہریانہ بنے گا خالصتان تھیم”سکھوں نے میلبورن میں مہم شروع کردی

    میلبورن: خالصتان کے حامی علیحدگی پسند گروپ سکھس فار جسٹس (SFJ) نے میلبورن آسٹریلیا میں خالصتان ریفرنڈم مہم کا آغاز کیا جس میں نگر کیرتن میں ہزاروں افراد نے شرکت کی جس میں آسٹریلوی سکھوں سے 29 جنوری کو “ہریانہ بنے گا خالصتان” کے مقصد کے ساتھ ووٹ ڈالنے کی اپیل کی گئی۔

    یہ یاد رہے کہ پچھلی دہائیوں کے دوران ریاست ہریانہ سے ہندوستانیوں کی ایک بڑی آمد آسٹریلیا منتقل ہوئی ہے۔

    اٹلی میں خالصتان ریفرنڈم کا انعقاد ، ووٹنگ کیلئے ہزاروں افراد کی شرکت

    میلبورن سے ملنے والی اطلاعات میں بتایا گیا ہے کہ اس بڑے شہر میں کئی سو سکھ نوجوان خالصتان جھنڈے، شہید بھنڈرانوالے کی ٹی شرٹس پہنے پکڑے ہوئے ہیں۔ اور “ہریانہ بنے گا خالصتان” کے نعرے بلند کرتے ہوئے میلبورن میں 29 جنوری کو ہونے والی ووٹنگ کے لیے مہم چلا رہے ہیں‌

     

    کینیڈا میں دیوالی کی تقریبات میں بھارتی اور خالصتان کا پرچم لہرانے والے سیکڑوں…

    میلبورن میں خالصتان ریفرنڈم ووٹنگ سینٹر شہید ستونت سنگھ اور شہید کیہر سنگھ کو وقف کیا گیا ہے – اندرا گاندھی کے قاتل جنہیں 6 جنوری 1989 کو تہاڑ جیل دہلی میں پھانسی دی گئی تھی۔

    سکھ فار جسٹس تنظیم نے خالصتان ریفرنڈم کے ذریعے ہندوستان سے علیحدگی کے لیے مختص علاقوں کا نقشہ جاری کیا ہے جس میں شملہ کو دارالحکومت قرار دیا گیا ہے اور اس میں مرکزی علاقہ چندی گڑھ اور ہریانہ، ہماچل پردیش اور راجستھان، اتر پردیش اور اتراکھنڈ کے سکھ آبادی والے علاقے شامل ہیں۔

    بھارتی پنجاب میں خالصتان تحریک کی بڑھتی مقبولیت سے مودی سرکار شدید خائف

    سکھ فار جسٹس تنظیم کا نقشہ مقصد کے لیے سکھ وطن خالصتان، پنجاب سے باہر ہندوستان کی کئی ریاستوں اور علاقوں کو اپنی لپیٹ میں لے کر پاکستان میں سکھوں کے تاریخی مقامات ننکانہ صاحب اور کرتارپور صاحب کو واضح طور پر نقشے سے باہر کر دیتا ہے۔

    لندن جو کہ برطانیہ کا دارالحکومت بھی ہے ، اس عالمی شہر لندن سے جہاں خالصتان ریفرنڈم کی ووٹنگ 31 اکتوبر 2021 کو شروع ہوئی تھی، اب تک جنیوا، میلان، روم اور ٹورنٹو میں ہونے والی پولنگ میں 600,000 سے زیادہ سکھ ووٹ ڈال چکے ہیں۔

  • فیفا ورلڈکپ؛ جاپان کو کوسٹاریکا کے ہاتھوں شکست

    فیفا ورلڈکپ؛ جاپان کو کوسٹاریکا کے ہاتھوں شکست

    دوحا: فیفا ورلڈکپ کے گروپ ای کے میچ میں کوسٹاریکا نے جاپان کو 0-1 سے شکست دیدی۔احمد بن علی اسٹیڈیم میں کھیلے گئے میچ میں دونوں ٹیموں نے آغاز سے ہی جارحانہ انداز اپنایا تاہم کوسٹاریکا نے 81 ویں منٹ میں گول اسکور کر کے سبقت حاصل کرلی جو میچ کے اختتام تک برقرار رہی۔

    مقابلے کی عالمی دوڑ، پی آئی اے کا نئی تکنیک آزمانے کا فیصلہ

    جاپان نے متعدد بار گول کرنے کے مواقع پیدا کیے تاہم ناکامی کا منہ دیکھنا پڑا، کوسٹاریکا کی جانب سے میچ کا واحد گول کیشر فلر نے گول اسکور کیا۔

    ادھر دوسرے میچ میں‌ فیفا ورلڈکپ کے گروپ سی کے میچ میں ارجنٹینا نے میکسیکو کو 0-2 سے شکست دیدی۔

    فیفا ورلڈ کپ؛ پولینڈ نےسعودی عرب کو2گول سےشکست دے دی

    لوسیل اسٹیڈیم میں کھیلے گئے میچ میں دونوں ٹیموں نے جارحانہ کھیل پیش کیا اور گول کرنے کے کئی مواقع پیدا کیے تاہم ناکام رہیں۔ دوسرے ہاف میں ارجنٹینا کے کپتان لیونل میسی نے 64 ویں منٹ میں گول داغ کر ٹیم سبقت دلائی۔

    جواب میکسیکو کی ٹیم نے بھی ارجنٹینا کے گول پوسٹ پر متعدد حملے کیے جو سود ثابت ہوئے، دوسرے ہاف کے اختتام سے محض 3 منٹ قبل ارجنٹینا کے اسٹرائیکر فرنینڈنس نے گول کرکے میکسیکو کی امیدوں پر پانی پھیر دیا۔قبل ازیں فرانس نے ڈنمارک کو 1-2 سے شکست دی جبکہ پولینڈ نے سعودی عرب کو 0-2 سے شکست دی تھی۔

  • تمام ارکان اسمبلی چھوڑنےکے لیے تیار ہیں: سپیکرپختونخوا اسمبلی

    تمام ارکان اسمبلی چھوڑنےکے لیے تیار ہیں: سپیکرپختونخوا اسمبلی

    پشاور:خیبرپختونخوا کی اسمبلی کے سپیکر اور تحریک انصاف کے رہنما مشتاق غنی نے کہا ہے کہ ان کے تمام ارکان اسمبلی چھوڑنے کے لیے تیار ہیں۔اطلاعات کے مطابق اپنے ایک بیان میں صوبائی اسمبلی کے سپیکر مشتاق غنی نے کہا کہ پارٹی کے چیئرمین عمران خان کے حکم کے منتظر ہیں، اسمبلی چھوڑنے میں ایک منٹ کی تاخیر نہیں ہوگی۔ اسمبلی سے نکلنے کو تیار ہیں، عمران خان کے حکم کا انتظار ہے اور ایک لمحے کی بھی تاخیر نہیں ہو گی۔ خیبرپختونخوا اسمبلی سے اگر پی ٹی آئی کے ارکان نکل جائیں تو پیچھے خالی کرسیاں رہ جائیں گی۔

    اس سے قبل معاونِ خصوصی برائے اطلاعات خیبر پختونخوا بیرسٹر محمد علی سیف نے کہا تھا کہ اسمبلی استعفوں سے متعلق عمران خان کے حکم پر فوری عمل ہوگا۔ خیبرپختونخوا حکومت عمران خان کے ہر حکم پر من و عن عمل درآمد کرے گی۔ استعفے، اسمبلی تحلیل اور حکومت سے نکلنے کے لیے تیار ہیں۔سیاسی بحران کے خاتمے کا واحد حل نئے اور شفاف انتخابات ہیں، اگر امپورٹڈ حکومت ملک و قوم کے ساتھ مخلص ہے تو الیکشن کا اعلان کرے۔‘

     

    بیٹے کےبعد باپ نے عمران خان کے ساتھ عہد نبھانے کا اعلان کردیا،اطلاعات کے مطابق وزیراعلیٰ پنجاب چودھری پرویز الٰہی نے کہا ہے کہ پاکستان تحریک انصاف کے چیئر مین اور سابق وزیراعظم عمران خان اسمبلیاں توڑنے کا کہیں گے تو ایک منٹ کی دیر نہیں ہوگی۔

    اپنے ایک بیان میں وزیراعلیٰ پنجاب کا کہنا تھا کہ پنجاب حکومت عمران خان کی امانت ہے، ہم وضع دار لوگ ہیں جس کے ساتھ چلتے ہیں اس کا ساتھ نہیں چھوڑتے، اسمبلیوں سے جب استعفے دئیے تو شہباز شریف کی 27 کلومیٹر کی حکومت 27 گھنٹے بھی نہیں چل سکے گی، عمران خان اسمبلیاں توڑنے کا کہیں گے تو ایک منٹ کی دیر نہیں ہوگی۔

    کراچی:پنیاری پولیس کا جوے کے اڈے پر چھاپہ، 6 جواری گرفتار، مقدمہ درج

     

    انہوں نے کہا کہ اللہ تعالیٰ نے عمران خان کو ایک نئی زندگی عطا کی ہے، راولپنڈی جلسے میں عمران خان کی سیاسی حکمت عملی فیصلہ کن راؤنڈ میں داخل ہو گئی ہے، عوام کا ٹھاٹھیں مارتا ہوا سمندر عمران خان کی مقبولیت کا منہ بولتا ثبوت ہے، صوبائی اسمبلیوں سے استعفے آتے ہی پی ڈی ایم کا جعلی اتحاد بھی انتشار کی شکل اختیار کرتا جائے گا، ن لیگ والے شعبدہ باز جھوٹ بولنے باز ہی نہیں آ رہے آپ کو سمجھ لگ جائے گی آپ کے ساتھ الیکشن میں وہ کچھ ہو گا کہ آپ کی پشتیں بھی یاد رکھیں گی۔

    بلاول بھٹو نے عمران خان کا اسمبلیوں سے استعفوں کا اعلان ڈرامہ قرار دے دیا

    چودھری پرویزالٰہی نے مزید کہا کہ اس ملک میں دین کی حکمرانی ہو گی اور ایسے کام ہوں گے جس سے عام اور غریب آدمی اور ان کے بچوں کو فائدہ ہوا، اس کی ابتدا پنجاب سے ہو چکی ہے کینسر کا علاج بھی انشاء اللہ فری ہو گا، انشاء اللہ روز ایک نئی چیز نظر آئے گی جس کا فائدہ عام آدمی غریب آدمی کو ہو گا۔

    گزشتہ روز سماجی رابطے کی ویب سائٹ ٹویٹر پر اپنے ایک بیان میں سابق وفاقی وزیر مونس الٰہی نے لکھا تھا کہ 27 جولائی کو اللہ پاک نے ہمیں سرخرو کیا تھا اور چودھری پرویز الٰہی کو وزیراعلیٰ پنجاب بنایا تھا۔ اس دن کے بعد سے ہم بونس پر چل رہے ہیں۔ تحریک انصاف کے ساتھ ہم اپنے وعدے پر قائم ہیں۔ جس دن ہمارے وزیراعظم عمران خان نے کہا اسی وقت انشاءاللہ پنجاب اسمبلی توڑ دی جائے گی۔

    خیال رہے کہ راولپنڈی میں ہونے والے پاکستان تحریک انصاف کے جلسے میں سابق وزیراعظم عمران خان نے کہا تھا کہ ملک مشکل حالات میں ہے، اسلام آباد نہ جانے کا فیصلہ کیا ہے، سری لنکا والے حالات نہیں چاہتا ، فیصلہ کیا ہے کہ پنجاب اور خیبرپختونخوا کی اسمبلیوں سے نکل جائیں گے۔

  • آزاد کشمیر: تین دہائیوں بعد بلدیاتی انتخابات کےلیے پولنگ کا وقت ختم،گنتی جاری

    آزاد کشمیر: تین دہائیوں بعد بلدیاتی انتخابات کےلیے پولنگ کا وقت ختم،گنتی جاری

    مظفرآباد:اکتیس سال بعد آزاد کشمیر ( Azad Kashmir ) میں بلدیاتی انتخابات کےلیے پولنگ کا وقت ختم ہوگیا، پہلے مرحلے میں مظفر آباد کے تین اضلاع میں صبح 8 بجے سے پولنگ شروع ہوئی جو بلا تعطل شام پانچ بجے تک جاری رہی۔

    مظفرآباد، وادی نیلم اور جھیل ویلی میں تقریباً سات لاکھ ووٹرز حق رائے دہی استعمال کر رہے ہیں۔ چھ سو چودہ نشستوں میں سے انیس کونسلرز بلامقابلہ منتخب ہوچکے ہیں۔ پانچ سوپچیانوے نشستوں پر اکتیس خواتین سمیت ستائیس سو پچیس امیدوار میدان میں ہیں۔

    مظفر آباد ڈویژن میں ایک ہزار 323 پولنگ اسٹیشن قائم کیے گئے تھے جن میں تقریباً 4 ہزار 500 پولیس اہلکارسمیت کوئیک رسپانس فورس (کیو آر ایف) کے 500 پولیس اہلکار تعینات کیے جائیں گے، یہ اہلکار کسی بھی ہنگامی صورت حال سے نمٹنے کیلئے تمام پولنگ اسٹیشن پر تعینات ہوں گے۔

    عمران خان نےاسمبلیاں توڑنےکا اعلان کرکےشکست کا اعلان کیا ہے:رانا ثنااللہ

    مظفرآباد ڈویژن کے تین اضلاع نیلم، مظفرآباد اور جھیل میں کل 6 لاکھ 97 ہزار 732 ووٹرز ہیں، جن میں سے خواتین ووٹرز کے تعداد 3 لاکھ 21 ہزار 536 ہے۔مظفر آباد ڈویژن میں صبح 8 بجے سے شام 5 بجے تک شہری اور دیہی کونسل کے تقریباً 750 وارڈز میں ووٹرز اپنے بلدیاتی نمائندگان کا انتخاب کریں گے۔بلدیاتی انتخابات میں تقریباً 2 ہزار 716 امیدوار حصہ لے رہے ہیں جن میں زیادہ تر تعلق پاکستان تحریک انصاف اورپاکستان پیپلز پارٹی اور پاکستان مسلم لیگ (ن) سے ہے۔

    حکام کے مطابق کہ ایک ہزار 323 پولنگ اسٹیشن میں سے 418 حساس اور 257 انتہائی حساس قرار دیا گیا ہے جہاں بالترتیب 3 اور5 پولیس اہلکار تعینات ہوں گے تاہم دیگر پولنگ اسٹیشن پر2 پولیس اہلکار تعینات ہوتے ہیں۔

    عمران خان اسمبلیوں سے نکلنے کے فیصلے پر یوٹرن لیں گے،قمرزمان کائرہ

    غیر سرکاری غیر حتمی نتائج

    آزاد کشمیر بلدیاتی انتخابات کے غیر سرکاری غیر حتمی نتائج کے مطابق میونسپل کارپوریشن مظفرآباد کے وارڈنمبر 8 سے تحریک انصاف کے سعید شاہ 446ووٹ لیکر کامیاب قرار پائے جبکہ مسلم لیگ ن کے سیدرحمت شاہ 439 ووٹ لیکر لیکردوسرے نمبر پر رہے۔

    یونین کونسل 76 دومیل کے وارڈ نمبر ایک سے پیپلزپارٹی کے امیدواراعظم خان 259 ووٹ لیکرکامیاب رہے جبکہ یوسی کٹن جاگراں سے آزاد امیدوارعنایت اللہ نے میدان مار لیا۔

    وزیراعلیٰ پرویز الٰہی کو اعتماد کا ووٹ لینے کے حوالے سے ن لیگ کی منصوبہ بندی…

    آزاد کشمیر میں بلدیاتی انتخابات کے دوران یونین کونسل انوار شریف میں دو گروپوں میں تصادم کے بعد متعلقہ پولنگ اسٹیشن پر ووٹنگ کا عمل روک دیا گیا ہے۔ پولنگ اسٹیشن پر تصادم کے دوران دو گروپس کے کارکنوں نے مکوں اور ڈنڈوں کا آزادنہ استعمال کیا، جس سے پولیس اہلکار سمیت پانچ افراد زخمی ہوئے۔

    تصادم کے بعد پولنگ اسٹیشن میں ووٹنگ کا عمل روک دیا گیا ہے، تاہم اس سلسلے میں یہ نہیں بتایا گیا کہ ووٹنگ کو کب تک روکا کیا گیا ہے۔