Baaghi TV

Tag: بریکنگ

  • ترکیہ میں دھماکہ:صدرمملکت اور وزیراعظم کی طرف سےدہشت گردی کی شدید مذمت

    ترکیہ میں دھماکہ:صدرمملکت اور وزیراعظم کی طرف سےدہشت گردی کی شدید مذمت

    اسلام آباد: صدر مملکت ڈاکٹر عارف علوی اور وزیراعظم شہباز شریف نے ترکیہ میں ہونے والے دھماکے کی شدید الفاظ میں مذمت کی ہے۔اطلاعات کے مطابق وزیراعظم شہباز شریف نے ترکیہ میں دہشت گردی کے واقعے کی شدید مذمت کرتے ہوئے کہا کہ ترکیہ کی استقلال اسٹریٹ میں دھماکے کی شدید مذمت کرتے ہیں، ہمیں واقعے میں قیمتی انسانی جانوں کے ضیاع پر بے حد افسوس ہے۔

    وزیر اعظم نے کہا کہ بچوں سمیت واقعے میں زخمی ہونے والوں کی جلد صحت یابی کی دعا کرتے ہیں، پاکستان ترکیہ کے عوام اور حکومت سے مکمل یکجہتی کا اظہار کرتا ہے، ہرطرح کی دہشت گردی قابل مذمت ہے۔

    دوسری جانب صدر عارف علوی نے ترکیہ کی استقلال اسٹریٹ میں دھماکے کی شدید مذمت کرتے ہوئے کہا کہ دہشت گردی تمام دُنیا کا مشترکہ مسئلہ ہے، ترکیہ کی حکومت اور عوام کےساتھ دہشت گردی کے اِس واقعے کےخلاف کھڑے ہیں۔

    انہوں نے دھماکے میں قیمتی انسانی جانوں کے ضیاع پر گہرے افسوس کا اظہار کرتے ہوئے جاں بحق افراد کی مغفرت اور ورثا کے لیے صبر کی دعا کی اور کہا ہک دکھ کی اِس گھڑی میں ترکیہ کی عوام کے ساتھ ہیں۔

    علاوہ ازیں پی ٹی آئی چیئرمین عمران خان، سابق صدر اور پی پی کے شریک چیئرمین آصف علی زرداری، وزیر خارجہ بلاول بھٹو سمیت دیگر رہنماؤں نے بھی ترکی میں ہونے والے دھماکے کی شدید الفاظ میں مذمت کرتے ہوئے یکجہتی کا اظہار کیا ہے۔

    یاد رہے کہ ترکیہ کے استقلال ایونیو میں زور دار بم دھماکا ہوا جس میں 6 افراد جاں بحق اور 53 زخمی ہوگئے۔

    عالمی خبر رساں ادارے کے مطابق ترکیہ کے شہر استنبول کے علاقے استقلال ایونیو میں زورد دار دھماکا ہوا۔ جس جگہ دھماکا ہوا وہاں کافی تعداد میں راہگیر موجود تھے اور یہ مصروف ترین علاقہ ہے۔

    ترک صدر طیب اردوان نے دھماکے میں 6 افراد کے جاں بحق اور 53 کے زخمی ہونے کی تصدیق کرتے ہوئے بتایا کہ یہ ایک بم دھماکا تھا۔ بم دھماکے ذمہ داروں کو سخت سزائیں دیں گے۔

    عمران خان کے صاحبزادوں قاسم اور سلیمان کی زمان پارک آمد 

    شوکت خانم کے باہر سے مشکوک شخص گرفتار

    جس کو پنجاب کا سب سے بڑا ڈاکو کہتا تھا اسے ڈاکو کی وزارت اعلیٰ کے نیچے عمران خان پر حملہ ہوا

  • جس میں اللہ کی رضا، ہم اس میں ہمیشہ راضی ہیں:محمد رضوان کی زبردست ٹویٹ

    جس میں اللہ کی رضا، ہم اس میں ہمیشہ راضی ہیں:محمد رضوان کی زبردست ٹویٹ

    لاہور:پاکستان کرکٹ ٹیم کے وکٹ کیپر بیٹر محمد رضوان کا فائنل میں انگلینڈ کے ہاتھوں شکست کے بعد کہنا ہے کہ ‘جس میں اللہ کی رضا، ہم اس میں ہمیشہ راضی ہیں’۔

    آئی سی سی ٹی ٹوئنٹی ورلڈکپ کے فائنل میں انگلینڈ نے پاکستان کو 5 وکٹوں سے شکست دے کر ٹی ٹوئنٹی ورلڈکپ اپنے نام کرلیا۔میلبرن کرکٹ گراؤنڈ میں پاکستان نے پہلےکھیلتے ہوئے 20 اوورز میں 8 وکٹ پر137 رنزبنائے جواب میں انگلینڈ نے 138 رنز کا ہدف 19 اوورز میں 5 وکٹ پر پورا کردیا۔

     

    ورلڈکپ فائنل میں شکست کے بعد محمد رضوان نےا پنی ٹوئٹ میں کہا کہ ‘ہم اٹھائے ہوئے تھے سر اپنے اور جس میں اللہ کی رضا، ہم اس میں ہمیشہ راضی ہیں’۔
    رضوان نے کہا کہ ہم جاگتی آنکھوں سے خواب دیکھتے رہیں گے اور کامیابی حاصل کرنے کے لیے اپنی محنت جاری رکھیں گے۔

    اس کے علاوہ انہوں نے ٹی ٹوئنٹی ورلڈکپ جیتنے پر انگلش ٹیم کو مبارکباد بھی دی۔

    اس سے پہلے بابراعظم نے ٹویٹ کی تھی اوراپنے ساتھیوں کی حوصلہ افزائی کرتے ہوئے کہا تھا کہ سب اچھا کھیلے لیکن فتح شکست اللہ کی طرف سے ہوتی ہے ،

     

    آئی سی سی ٹی ٹوئنٹی ورلڈکپ کے فائنل میں انگلینڈ کے ہاتھوں 5 وکٹوں سے شکست کے بعد قومی ٹیم کےکپتان بابر اعظم نے ٹوئٹر پر اپنے کھلاڑیوں کی تعریف کی ہے۔ ٹوئٹر پر پوسٹ کرتے ہوئے بابراعظم کا کہنا تھا کہ الحمداللہ، اس سے زیادہ اپنی ٹیم پر اور کتنا فخر کروں، سب نے جنگجوؤں کی طرح مقابلہ کیا۔

    بابر اعظم نے ٹیم کو سپورٹ کرنے پر تمام مداحوں کا شکریہ بھی ادا کیا۔

    عمران خان کے صاحبزادوں قاسم اور سلیمان کی زمان پارک آمد 

    شوکت خانم کے باہر سے مشکوک شخص گرفتار

    جس کو پنجاب کا سب سے بڑا ڈاکو کہتا تھا اسے ڈاکو کی وزارت اعلیٰ کے نیچے عمران خان پر حملہ ہوا

  • لاہور:بےہوشی کی حالت میں ملنے والے دونوں افراد دم توڑ گئے:کراچی میں 5 ہلاکتیں

    لاہور:بےہوشی کی حالت میں ملنے والے دونوں افراد دم توڑ گئے:کراچی میں 5 ہلاکتیں

    لاہور:مختلف علاقوں سے بے ہوشی کی حالت میں ملنے والے دونوں افراد اسپتال میں دم توڑ گئے۔پولیس کے مطابق پنجاب کے دارالحکومت لاہور میں مختلف علاقوں سے دو افراد بے ہوشی کی حالت میں ملے تھے جنہیں فوری طور پر اسپتال منتقل کردیا گیا تھا۔

    پولیس کا کہنا ہے کہ گلشن راوی مون مارکیٹ کے قریب بے ہوشی کی حالت میں ملنے والا 55 سالہ شخص اسپتال میں دوران علاج دم توڑ گیا، جس کی ابھی تک شناخت نہیں ہوسکی۔

    دوسری جانب شادباغ کے علاقہ میں بےہوشی حالت میں ملنے والا بزرگ شہری اسپتال میں دوران علاج دم توڑ گیا، 65 سالہ شخص کی شناخت زاہد بٹ کے نام سے ہوئی ہے، پولیس نے کارروائی کے بعد لاش ورثاء کے حوالے کردی۔

    ادھرکراچی کے علاقے ایم اے جناح روڈ پر ٹریفک حادثے میں دو موٹر سائیکل سوار نوعمر لڑکے جاں بحق اور ایک زخمی ہوگیا۔

    جاں بحق لڑکوں کی شناخت پندرہ سالہ خنان اور بارہ سالہ احمد کے نام سے ہوگئی۔ خنان اور احمد اپنے ایک اور رشتے دار 16 حبیب کے ساتھ موٹرسائیکل پر چائے پینے نکلے تھے جنہیں پیچھے سے آنے والی موٹرسائیکل نے ٹکر ماردی۔

    عینی شاہدین کا کہنا ہے کہ دو موٹرسائیکل والے لڑتے ہوئے آرہے تھے انہوں نے جگہ نہیں دی کیرئیر پر لات لگی جس کے باعث موٹرسائیکل کھمبے سے ٹکرائی۔

    دوسری جانب شارع فیصل اور سہراب گوٹھ میں تیزرفتارگاڑی کی موٹرسائیکل کو ٹکر سے بھی دو نوجوان جاں بحق ہوگئے جبکہ شارع فیصل پر ٹریفک حادثےمیں بائیس سالہ نیازجان کی بازی ہار گیا۔

    عمران خان کے صاحبزادوں قاسم اور سلیمان کی زمان پارک آمد 

    شوکت خانم کے باہر سے مشکوک شخص گرفتار

    جس کو پنجاب کا سب سے بڑا ڈاکو کہتا تھا اسے ڈاکو کی وزارت اعلیٰ کے نیچے عمران خان پر حملہ ہوا

  • اسلام آبادبلدیاتی انتخابات،جماعت اسلامی نےامیدواروں کو پارٹی ٹکٹس جاری کر دیے

    اسلام آبادبلدیاتی انتخابات،جماعت اسلامی نےامیدواروں کو پارٹی ٹکٹس جاری کر دیے

    اسلام آباد :جماعت اسلامی پاکستان نے اسلام آباد کے بلدیاتی انتخابات کیلئے80 یونین کونسل کے امیدواروں کو پارٹی ٹکٹس جاری کر دیے ۔جماعت اسلامی آفیشل فیسبک پیج کے مطابق 101 یونین کونسل میں سے 80 یونین کونسلز میں اپنے نشان اور جھنڈے کے ساتھ الیکشن لڑیں گے۔ جماعت اسلامی اسلام آباد کی طرف سے پارٹی ٹکٹ جاری کردئیے گئے ہیں ۔ اسلام آباد بلدیاتی انتخابات میں دیگر سیاسی جماعتوں کے ساتھ جماعت اسلامی بھرپور طریقے سے حصہ لے رہی ہے ۔

    وفاقی دارالحکومت اسلام آباد میں 31 دسمبر کو ہونے والے بلدیاتی انتخابات کیلئے کاغذات نامزدگی جمع کرنے کا عمل مکمل ہوگیا،101 یونین کونسل کی نشستوں پر 3 ہزار 866 امیدواروں کی جانب سے کاغذات نامزدگی جمع کرائے گئے ہیں۔الیکشن کمیشن کے مطابق شیڈول کے تحت امیدواروں کی فہرست 14 نومبر کو جاری کی جائے گی اور کاغذات نامزدگی کی جانچ پڑتال 18 نومبر تک جاری رہے گی۔

    یاد رہے کہ آج وفاقی دارالحکومت اسلام آباد میں 31 دسمبر کو ہونے والے بلدیاتی انتخابات کیلئے کاغذات نامزدگی جمع کرنے کا عمل مکمل ہوگیا ہے۔ترجمان الیکشن کمیشن آف پاکستان کی جانب سے جاری بیان کے مطابق بلدیاتی انتخابات کیلئے کل 12 سو 11 نشستوں پر 3 ہزار 866 امیدواروں کی جانب سے کاغذات نامزدگی جمع کرائے گئے ہیں۔

    الیکشن کمیشن آف پاکستان کے مطابق اسلام آباد میں بلدیاتی انتخابات میں چیئرمین اور وائس چیئرمین کی 101 نشستوں کیلئے 537 امیدواروں کے کاغذات نامزدگی جمع کروائے گئے۔

    جنرل ممبرز کی 606 نشستوں کیلئے 1 ہزار 945، خاتون ممبر زکی 202 نشستوں کیلئے 546 اور نوجوان ممبرز کی 101 نشستوں کیلئے 344 امیدواروں نے کاغذات نامزدگی جمع کروائے۔

    مزدور اور کسان ممبر زکی 101 نشستوں کیلئے 348 امیدواروں نے کاغذات نامزدگی جمع کیئے جبکہ اقلیتوں کیلئے مخصوص 101 نشستوں کیلئے 146 امیدواروں کے کاغذات نامزدگی جمع ہوئے۔

    الیکشن کمیشن کے مطابق شیڈول کے تحت امیدواروں کی فہرست 14 نومبر کو جاری کی جائے گی اور کاغذات نامزدگی کی جانچ پڑتال 18 نومبر تک جاری رہے گی۔

  • کراچی:ضلع ویسٹ پولیس کی کامیاب کاروائیاں

    کراچی:ضلع ویسٹ پولیس کی کامیاب کاروائیاں

    کراچی:ضلع ویسٹ پولیس کی کامیاب کاروائیاں ،اطلاعات کے مطابق ضلع ویسٹ پولیس نے گزشتہ ہفتے کے دوران 19 اشتہاری و مفرور سمیت مجموعی طور پر 149 ملزمان کو گرفتار کیا۔

    فرض کی ادائیگی کے دوران تھانہ سرجانی پولیس اور ملزمان کے درمیان دو مختلف مقابلے ہوئے، جس کے دوران 02 ملزمان کو زخمی حالت میں گرفتار کیا گیا۔
    اطلاعات کے مطابق گرفتار ڈکیت/اسٹریٹ کرمنلز ملزمان سے 10 غیر قانونی پسٹلز/اسلحہ بمعہ ایمونیشن، چھینے گئے 07 موبائل فونز اور 23,590 نقدی برآمد ہوئے ہیں‌

    گرفتار منشیات فروش ملزمان سے 10 کلو 670 گرام چرس، 76 گرام ہیروئن, کرسٹل اور فروختگی کی رقم برآمد ہوئی،ضلع ویسٹ پولیس نے موٹرسائیکل لفٹرز ملزمان سے 06 چھینی/چوری کی گئی موٹرسائیکلز اور مختلف موٹرسائیکلوں کے پارٹس بھی برآمد کیئے۔

    پولیس نے مزید مضرصحت گٹکا ماوا فروش ملزمان سے 961 عدد پڑیاں تیار گٹکا ماوا، چھالیہ، تمباکو اور کیمیکل بھی برآمد کیا۔ گرفتار ملزمان کیخلاف ضابطے کے تحت مقدمات درج کرکے تفتیشی حکام کے سپرد کیا گیا۔

    تفصیلات کے مطابق ہالا کے قریب گائوں پیر مولا بخش میں عبدالواحد نامی شخص نے بیوی سے ناراض ہو کر پسٹل سے فائرنگ کر کے گل بانو کو گولی مار کر خود کو گولی مار دی۔زخمی گل بانو کو فوری طور پر ہسپتال منتقل کیا جا رہا ہے۔پولیس جائے وقوعہ پر پہنچ گئی ہے اور لاش کو تحویل میں لے چکی ہے۔

    پولیس کا کہنا ہے کہ واقعہ مقتول اور زخمی بیوی کے گھر کا تنازعہ بتایا جا رہا ہے۔پولیس ذرائع کے مطابق واردات میں استعمال ہونے والا پسٹل قبضے میں لے کر مزید تفتیش شروع کر دی گئی ہے۔

  • ترکیہ میں زوردار دھماکا،5 جاں بحق اور 40 زخمی

    ترکیہ میں زوردار دھماکا،5 جاں بحق اور 40 زخمی

    استنبول : ترکیہ کے استقلال ایونیو میں زور دار دھماکا ہوا جس میں 5 افراد کے جاں بحق اور 40 کے زخمی ہونے کی اطلاعات موصول ہو رہی ہیں۔

    عالمی خبر رساں ادارے کے مطابق ترکیہ کے شہر استنبول کے علاقے استقلال ایونیو میں زورد دار دھماکے کی آواز سنی گئی ہے تاہم دھماکے کی نوعیت کا تعین نہیں ہوسکا۔

    ایمبولینسوں اور فائر بریگیڈ کی گاڑیوں کو جائے حادثہ کی جانب جاتے ہوئے دیکھا گیا ہے جب کہ پولیس غیر متعلقہ افراد کو وقوعہ پر جانے سے روک رہے ہیں۔ جس جگہ دھماکا ہوا وہاں کافی تعداد میں راہگیر موجود تھے اور یہ مصروف ترین علاقہ ہے۔

     

    https://twitter.com/ItsTalatAgain/status/1591801540897280002?ref_src=twsrc%5Etfw%7Ctwcamp%5Etweetembed%7Ctwterm%5E1591801540897280002%7Ctwgr%5Ea855690bd4e5c76bc8188d95b398705f22534c8f%7Ctwcon%5Es1_&ref_url=https%3A%2F%2Fwww.express.pk%2Fstory%2F2400369%2F10

    اب تک دھماکے میں 40 افراد کے زخمی ہونے کی تصدیق ہوئی ہے اور تاہم استنبول کے گورنر نے اپنی ٹوئٹ میں بتایا کہ دھماکے میں ہلاکتیں بھی ہوئی ہیں لیکن انھوں نے تعداد نہیں بتائی۔

    غیر ملکی خبر رساں ایجنسی نے غیر مصدقہ اطلاع دی ہے کہ دھماکے میں ہلاکتوں کی تعداد 5 ہوگئی ہے۔

     

    پولیس کا کہنا ہے کہ دھماکے کی تحقیقات کر رہے ہیں۔ اب تک دھماکے کے مواد اور نوعیت سے متعلق معلومات نہیں مل سکیں۔ پہلی ترجیح زخمیوں کو فوری طبی امداد کی فراہمی ہے۔

    ترک صدر طیب اردوان نے دھماکے کی مذمت کرتے ہوئے زخمیوں کو طبی امداد کی فراہمی کو یقینی بنانے کی ہدایت کی ہے۔

    واضح رہے کہ ترکیہ میں داعش نے کئی بار خود کش حملے کیے ہیں اور 2017 میں ایک نائٹ کلب میں مسلح افراد کے حملے میں 39 افراد ہلاک ہوگئے تھے۔

  • میری ساری ٹیم ہی اچھاکھیلی:ورلڈکپ فائنل میں شکست کےبعدبابراعظم کی ٹوئٹ

    میری ساری ٹیم ہی اچھاکھیلی:ورلڈکپ فائنل میں شکست کےبعدبابراعظم کی ٹوئٹ

    لاہور:آئی سی سی ٹی ٹوئنٹی ورلڈکپ کے فائنل میں انگلینڈ کے ہاتھوں 5 وکٹوں سے شکست کے بعد قومی ٹیم کےکپتان بابر اعظم نے ٹوئٹر پر اپنے کھلاڑیوں کی تعریف کی ہے۔

    ٹوئٹر پر پوسٹ کرتے ہوئے بابراعظم کا کہنا تھا کہ الحمداللہ، اس سے زیادہ اپنی ٹیم پر اور کتنا فخر کروں، سب نے جنگجوؤں کی طرح مقابلہ کیا۔بابر اعظم نے ٹیم کو سپورٹ کرنے پر تمام مداحوں کا شکریہ بھی ادا کیا۔

     

    قومی کرکٹ ٹیم کے کپتان بابر اعظم نے کہا ہے کہ اگر شاہین کی انجری نہ ہوتی اور ہم بیس رنز زیادہ بنالیتے تو ٹی 20 ورلڈکپ فائنل کا فیصلہ مختلف ہوتا۔

    ملیبرن کرکٹ اسٹیڈیم میں میچ کے بعد پریس کانفرنس میں بابر اعظم نے کہا کہ ہم نے جو ہدف سوچا تھا اُس حساب سے بیس رنز کم بنائے اگر ایسا ہوتا تو صورت حال مختلف ہوتی۔

    انہوں نے کہا کہ پاکستان کی شکست کی وجہ شاہین آفریدی کی انجری بھی ہے اگر اُس کے ساتھ مسئلہ پیش نہ آتا تو شاید میچ کا نتیجہ مختلف ہوتا۔ بابراعظم نے اسٹیڈیم آکر سپورٹ کرنے پر شائقین کا شکریہ ادا کیا اور انگلینڈ کو فتح پر مبارک باد بھی دی۔

    اُن کا کہنا تھا کہ ’ٹورنامنٹ میں ہمارے آخر کے چار میچز بہت شاندار ہوئے، میں نے اپنے لڑکوں کو کہا تھا کہ وہ جیت کا جذبہ رکھتے ہوئے اپنا نیوٹرل گیم کھیلیں اور پھر ایسا ہی ہوا‘۔

    بابر اعظم نے کہا کہ میچ میں آخری اوور تک فائٹ کو برقرار رکھتا، ہمارا اہم بولر اتفاق سے انجرڈ ہوا جس کی وجہ سے نتیجہ بھی مختلف ہوا مگر یہ سب کھیل کا حصہ ہے۔

    عمران خان کے صاحبزادوں قاسم اور سلیمان کی زمان پارک آمد 

    شوکت خانم کے باہر سے مشکوک شخص گرفتار

    جس کو پنجاب کا سب سے بڑا ڈاکو کہتا تھا اسے ڈاکو کی وزارت اعلیٰ کے نیچے عمران خان پر حملہ ہوا

  • عمران خان آئینی راستہ نکالنےکی کوشش کررہےہیں:شاہ محمود قریشی کا کھاریاں میں خطاب

    عمران خان آئینی راستہ نکالنےکی کوشش کررہےہیں:شاہ محمود قریشی کا کھاریاں میں خطاب

    کھاریاں: وائس چیئرمین تحریک انصاف شاہ محمود قریشی کا کہنا ہے کہ عمران خان آئینی اور جمہوری راستہ نکالنے کی کوشش کررہے ہیں۔کھاریاں میں پریس کانفرنس کے دوران شاہ محمود قریشی کا کہنا تھا کہ غیر یقینی صورتحال کیا پاکستان کے مفاد میں ہے، مسلم لیگ ن اہم تعیناتی پر ملک کو بحرانوں میں کیوں دھکیل رہی ہے۔

    شاہ محمود قریشی کا کہنا تھا کہ سعودی ولی عہد محمد بن سلمان کا اہم دورہ کا بھی کینسل ہو چکا ہے، سعودی ولی عہد کے آنے سے ملک کی جو معاشی صورتحال میں بہتری ہونی تھی وہ کھٹائی میں پڑ گئی ہے۔

    رہنما تحریک اںصاف کا کہنا تھا کہ ساری صورتحال بے یقینی کی ہے جس پر پوری قوم پریشان ہے، ملک کو بحران سے نکالنے کا واحد راستہ عام انتخابات ہیں۔شاہ محمود قریشی کا کہنا تھا کہ الیکشن نئی اصلاحات کے مطابق ہی ہونا چاہیں، حکومت الیکشن اصلاحات پر بہانے تلاش نہ کرے۔ مزید کہا کہ وزیرآباد واقعے کے ایف آئی آر کے مطالبے پر آج بھی قائم ہے۔

    شاہ محمود قریشی کا کہنا تھا کہ ملکی معاشی بحران کے ذمہ دار کون ہیں، بزنس کمیونٹی کی اکثریت کہہ رہی ہے کہ ملکی معیشت کی سمت درست نہیں ہے ان چھ ماہ میں مہنگائی بیروزگاری میں بتدریج اضافہ ہوا ہے۔

    سابق وفاقی وزیر نے کہا کہ ہم نے ان تمام مسائل اور سیاسی عدم استحکام کا حل پیش کیا ہے کہ فوری انتخابات کرائے جائیں لیکن اس پر توجہ نہیں دی جا رہی۔

    عمران خان کے صاحبزادوں قاسم اور سلیمان کی زمان پارک آمد 

    شوکت خانم کے باہر سے مشکوک شخص گرفتار

    جس کو پنجاب کا سب سے بڑا ڈاکو کہتا تھا اسے ڈاکو کی وزارت اعلیٰ کے نیچے عمران خان پر حملہ ہوا

  • ‘قومی ٹیم نے بہادری سے مقابلہ کیا’، وزیراعظم کی انگلینڈ کو جیت پر مبارکباد

    ‘قومی ٹیم نے بہادری سے مقابلہ کیا’، وزیراعظم کی انگلینڈ کو جیت پر مبارکباد

    لاہور:وزیراعظم شہباز شریف نے ٹی 20 ورلڈ کپ جیتنے پر انگلینڈ کی کرکٹ ٹیم کو مبارکباد دی جبکہ قومی ٹیم کے لئے کہا کہ انہوں نے بہادری سے مقابلہ کیا۔

    خیال رہے کہ انگلینڈ نے پاکستان کو فیصلہ کن معرکے میں 5 وکٹ سے شکست دے کر دوسری مرتبہ چیمپئن بننے کا اعزاز حاصل کیا۔

    قومی ٹیم کی شکست پر سماجی رابطے کی ویب سائٹ ٹوئٹر پر پیغام جاری کرتے ہوئے وزیراعظم شہباز شریف نے لکھا کہ پاکستانی ٹیم نے سخت اور بہادری سے مقابلہ کیا، شاندار باؤلنگ پرفارمنس دی گئی لیکن انگلینڈ نے آج بہتر کھیل کا مظاہرہ کیا۔

    انہوں نے اپنے ٹوئٹ میں مزید لکھا کہ اس میگا ٹورنامنٹ کے فائنل میچ میں جگہ بنانے پر ہمیں اپنے لڑکوں پر فخر ہے۔

    صدر عارف علوی

    صدر مملکت ڈاکٹر عارف علوی نے بھی سماجی رابطے کی ویب سائٹ ٹوئٹر پر اپنے پیغام میں لکھا کہ عمدہ آل راؤنڈر کارکردگی کا مظاہرہ کرتے ہوئے کپ جیتنے پر انگلینڈ کو مبارک دیتا ہوں۔

    اپنے ٹوئٹ میں انہوں نے لکھا کہ پاکستان ٹیم آپ نے اچھا کھیلا، کم سکور کے باوجود اچھی باؤلنگ کی اور اپنی پوری کوشش کی۔

     

    یاد رہے کہ ٹی 20 ورلڈ کپ کے فائنل میں پاکستان کو 5 وکٹ سے شکست دے کر انگلینڈ دوسری مرتبہ چیمپئن بن گیا۔ٹی 20 ورلڈ کپ کا فائنل میلبرن کرکٹ گراؤنڈ میں کھیلا گیا جہاں انگلینڈ کے کپتان جوز بٹلر نے ٹاس جیت کر پاکستان کو پہلے بیٹنگ کی دعوت دی۔

    انگلینڈ اننگز

    138 رنز ہدف کے تعاقب میں انگلینڈ کی جانب سے کپتان جوز بٹلر اور الیکس ہیلز نے اننگز کا آغاز کیا، ہیلز پہلے اوور کی آخری گیند پر شاہین شاہ آفریدی کی گیند پر کلین بولڈ ہوگئے، تاہم جوز بٹلر نے پر اعتماد بلے بازی کا مظاہرہ کیا، وہ 1 چھکے اور 3 چوکوں کی مدد سے 17 گیندوں پر 26 رنز بناکر حارث رؤف کی گیند پر محمد رضوان کو کیچ دے بیٹھے۔

     

    فل سالٹ نے 10 رنز بنائے اور حارث رؤف کی ہی گیند پر افتخار احمد کے ہاتھوں کیچ آؤٹ ہوگئے، چوتھے آؤٹ ہونے والے بیٹر ہری بروک تھے جنہوں نے 20 رنز بنائے اور شاداب خان کی گیند پر حارث رؤف کو کیچ دے بیٹھے۔

     

    اس طرح انگلش ٹیم نے مقررہ ہدف 19 اوورز میں 5 وکٹ کے نقصان پر حاصل کرلیا، بین سٹوکس نے شاندار بلے بازی کا مظاہرہ کیا اور 1 چھکے، 5 چوکوں کی مدد سے 49 گیندوں پر 52 رنز بناکر ناقابل شکست رہے، لیام لیونگسٹون بھی 1 رن بناکر ناٹ آؤٹ رہے۔

    پاکستان کی جانب سے حارث رؤف نے سب سے زیادہ 2 جبکہ شاہین شاہ  آفریدی، شاداب خان اور محمد وسیم جونیئر نے 1،1 وکٹ اپنے نام کی۔

    پاکستان اننگز

    قومی ٹیم نے پہلے کھیلتے ہوئے انتہائی مایوس کن بلے بازی کا مظاہرہ کرتے ہوئے مقررہ 20 اوورز میں 8 وکٹ کے نقصان پر صرف 137 رنز بنائے، اوپنر محمد رضوان 15 رنز بنا کر سیم کرن کا شکار بنے جبکہ ٹیم کے 45 کے مجموعی سکور پر محمد حارث 8 اور بابر 32 رنز بنا کر عادل رشید کی گیند پر آؤٹ ہوئے، افتخار احمد صفر پر بین سٹوکس کی گیند پر آؤٹ ہوئے۔

    شان مسعود کو 38 اور محمد نواز کو 5 رنز پر سیم کرن نے جبکہ شاداب کو 20 رنز پر کرس جورڈن نے آؤٹ کیا جبکہ محمد وسیم جونیئر 4 رنز بناکر پویلین لوٹے۔

    انگلینڈ کی جانب سے سیم کرن نے 3، عادل رشید اور کرس جورڈن نے 2، 2 جبکہ بین سٹوکس نے ایک وکٹ حاصل کی۔

  • فائنل میں ناکامی پر شاداب خان نے قوم سے معافی مانگ لی

    فائنل میں ناکامی پر شاداب خان نے قوم سے معافی مانگ لی

    لاہور:ٹی 20 ورلڈ کپ کے فائنل میں شکست پر شاداب خان نے قوم سے معافی مانگ لی۔میلبرن میں کھیلے گئے ٹی 20 ورلڈ کپ کے فائنل میں انگلینڈ نے پاکستان کو شکست دی۔

    فائنل میں ہار کے بعد قومی ٹیم کے نائب کپتان شاداب خان نے ٹوئٹ کی ہے، جس میں انہوں نے مداحوں سے شکست پر معذرت کی ہے۔شاداب خان نے کہا کہ قومی ٹیم کی مسلسل حمایت پر ہم پاکستانی شائقین کا شکریہ ادا کرتے ہیں۔

    مداحوں سے مخاطب ہوکر شاداب خان نے کہا کہ ہم نے ہر ممکن کوشش کی لیکن آپ کے لئے ٹرافی نہ جیت سکے، آپ کی امیدوں پر پورا نہ اتر سکنے پر معذرت چاہتے ہیں۔شاداب خان نے مزید کہا کہ ہم بحیثیت ٹیم خود کو بہتر کرنے اور مزید مضبوطی سے واپسی کی کوشش کریں گے۔آل راؤنڈر نے کہا کہ ہم پر بھروسہ نہ چھوڑیں، آپ کا اعتماد ہمیں مضبوط بناتا ہے۔

    قومی ٹیم کے نائب کپتان اور آل راؤنڈر شاداب خان پاکستان کی جانب سے ٹی 20 انٹرنیشنل کرکٹ میں سب سے زیادہ وکٹیں حاصل کرنے والے بولر بن گئے ہیں۔

    13 نومبر کو میلبرن میں پاکستان اور انگلینڈ ٹی 20 ورلڈ کپ کے فائنل میں مدمقابل آئے۔میچ کے دوران شاداب خان نے ہیری بروکس کو آؤٹ کرکے اپنی 98 ویں وکٹ لی۔

     

    اس کے ساتھ ہی شاداب خان ٹی 20 انٹرنیشل میں پاکستان کے سب سے کامیاب بولربن گئے۔اس سے قبل شاداب خان اور شاہد آفریدی 97 وکٹوں کے ساتھ پہلے نمبر پر تھے۔

    یاد رہے کہ اس سے پہلےٹی 20 ورلڈ کپ کے فائنل میں پاکستان کو 5 وکٹ سے شکست دے کر انگلینڈ دوسری مرتبہ چیمپئن بن گیا۔ٹی 20 ورلڈ کپ کا فائنل میلبرن کرکٹ گراؤنڈ میں کھیلا گیا جہاں انگلینڈ کے کپتان جوز بٹلر نے ٹاس جیت کر پاکستان کو پہلے بیٹنگ کی دعوت دی۔

    انگلینڈ اننگز

    138 رنز ہدف کے تعاقب میں انگلینڈ کی جانب سے کپتان جوز بٹلر اور الیکس ہیلز نے اننگز کا آغاز کیا، ہیلز پہلے اوور کی آخری گیند پر شاہین شاہ آفریدی کی گیند پر کلین بولڈ ہوگئے، تاہم جوز بٹلر نے پر اعتماد بلے بازی کا مظاہرہ کیا، وہ 1 چھکے اور 3 چوکوں کی مدد سے 17 گیندوں پر 26 رنز بناکر حارث رؤف کی گیند پر محمد رضوان کو کیچ دے بیٹھے۔

    فل سالٹ نے 10 رنز بنائے اور حارث رؤف کی ہی گیند پر افتخار احمد کے ہاتھوں کیچ آؤٹ ہوگئے، چوتھے آؤٹ ہونے والے بیٹر ہری بروک تھے جنہوں نے 20 رنز بنائے اور شاداب خان کی گیند پر حارث رؤف کو کیچ دے بیٹھے۔

    اس طرح انگلش ٹیم نے مقررہ ہدف 19 اوورز میں 5 وکٹ کے نقصان پر حاصل کرلیا، بین سٹوکس نے شاندار بلے بازی کا مظاہرہ کیا اور 1 چھکے، 5 چوکوں کی مدد سے 49 گیندوں پر 52 رنز بناکر ناقابل شکست رہے، لیام لیونگسٹون بھی 1 رن بناکر ناٹ آؤٹ رہے۔

    پاکستان کی جانب سے حارث رؤف نے سب سے زیادہ 2 جبکہ شاہین شاہ آفریدی، شاداب خان اور محمد وسیم جونیئر نے 1،1 وکٹ اپنے نام کی۔

    پاکستان اننگز

    قومی ٹیم نے پہلے کھیلتے ہوئے انتہائی مایوس کن بلے بازی کا مظاہرہ کرتے ہوئے مقررہ 20 اوورز میں 8 وکٹ کے نقصان پر صرف 137 رنز بنائے، اوپنر محمد رضوان 15 رنز بنا کر سیم کرن کا شکار بنے جبکہ ٹیم کے 45 کے مجموعی سکور پر محمد حارث 8 اور بابر 32 رنز بنا کر عادل رشید کی گیند پر آؤٹ ہوئے، افتخار احمد صفر پر بین سٹوکس کی گیند پر آؤٹ ہوئے۔

    شان مسعود کو 38 اور محمد نواز کو 5 رنز پر سیم کرن نے جبکہ شاداب کو 20 رنز پر کرس جورڈن نے آؤٹ کیا جبکہ محمد وسیم جونیئر 4 رنز بناکر پویلین لوٹے۔

    انگلینڈ کی جانب سے سیم کرن نے 3، عادل رشید اور کرس جورڈن نے 2، 2 جبکہ بین سٹوکس نے ایک وکٹ حاصل کی۔