لاہور:معروف تجزیہ نگار غریدہ فاروقی کا کہنا ہے کہ ان کے سننے میں آیا ہے کہ سابق وزیراعظم عمران خان کے زخمی ہونے کے بعد میڈیکل رپورٹس میں کچھ منفی رپورٹس بھی سامنے آئی ہیں ، ان کا کہنا تھا کہ جناح ہسپتال کے میڈیکو لیگل رجسٹر کو ڈاکٹر یاسمین راشد اپنے ساتھ لے گئیں۔ یہ تمام بہت عجیب و غریب معاملہ ہے اور ذرائع کیمطابق ایسا ہوا ہے
بلڈ ٹیسٹ یا ایکسرے کروانے سے انکار کر دیا اور عمران خان کی منشا کیمطابق کی رپورٹ بنا کر دے دی۔ بعد میں MS جناح ہسپتال نے ڈاکٹر یاسمین راشد کو بتایا کہ جسطرح کا میڈیکو-لیگل ہوا ہے یہ غیرقانونی ہے اور یہ مجسٹریٹ کی اجازت کے بغیر نہیں ہو سکتا۔ کچھ ذرائع یہ بھی بتا رہے ہیں کہ ۔۔۔
اس حوالے سے سماجی رابطے کی ویب سائٹ ٹویٹرپراپنے پیغام میں کہا ہے کہ یہ بھی سننے میں آیا ہے کہ بلڈ ٹیسٹ یا ایکسرے کروانے سے انکار کر دیا اور عمران خان کی منشا کیمطابق کی رپورٹ بنا کر دے دی۔ بعد میں MSجناح ہسپتال نےڈاکٹر یاسمین راشد کوبتایا کہ جسطرح کا میڈیکو-لیگل ہوا ہےیہ غیرقانونی ہےاوریہ مجسٹریٹ کی اجازت کے بغیر نہیں ہو سکتا۔
چند ہسپتال ذرائع بتا رہے ہیں کہ عمران خان کا بلڈ ٹیسٹ جب شوکت خانم پہنچتے ہی لیا گیا تو ٹیسٹ میں چند “ممنوعہ چیزوں” کی مقدار بھی رپورٹ میں آ گئی۔ جسکی وجہ سے وہ رپورٹ چھپا لی گئی۔ اس دوران تیزی دکھاتے ہوئے ڈاکٹر یاسمین راشد جناح ہسپتال کی ٹیم شوکت خانم لے آئیں لیکن شوکت خانم نے۔۔
غریدہ فاروقی کا کہ یہ بھی کہنا ہے کہ کچھ ذرائع یہ بھی بتا رہے ہیں کہ عمران خان کا بلڈ ٹیسٹ جب شوکت خانم پہنچتے ہی لیا گیا تو ٹیسٹ میں چند “ممنوعہ چیزوں” کی مقدار بھی رپورٹ میں آ گئی۔ جسکی وجہ سے وہ رپورٹ چھپا لی گئی۔ اس دوران تیزی دکھاتے ہوئے ڈاکٹر یاسمین راشد جناح ہسپتال کی ٹیم شوکت خانم لے آئیں لیکن شوکت خانم نے ان رپورٹس کوپبلک کرنے سے انکار کردیا ہے
جناح ہسپتال کے میڈیکو لیگل رجسٹر کو ڈاکٹر یاسمین راشد اپنے ساتھ لے گئیں۔ یہ تمام بہت عجیب و غریب معاملہ ہے اور ذرائع کیمطابق ایسا ہوا ہے 😱🤷🏼♀️🤷🏼♀️🤷🏼♀️
لاہور:وفاقی وزیراطلاعات مریم اورنگزیب کا کہنا ہے کہ عمران خان پنجاب میں طاقتورکا قانون چاہتا ہے اور جھوٹی ایف آئی آرکٹوانا چاہتا ہے۔
تحریک انصاف کے چیئرمین عمران خان پر وزیرآباد میں فائرنگ کی ایف آئی آر تاحال درج نہیں ہوسکی، جس پر ردعمل کا اظہار کرتے ہوئے وفاقی وزیر اطلاعات مریم اورنگزیب کا کہنا ہے کہ دوگھنٹے الزام، بہتان، جھوٹ اور غلاظت سے بھری پریس کانفرنس کرسکتے ہیں لیکن 4 دن میں ایف آئی آرنہیں کٹ سکی۔
وزیراطلاعات کا کہنا تھا کہ پنجاب میں عمران خان کی اپنی حکومت، اپنی پولیس، اپنی انتظامیہ لیکن ایف آئی آرنہیں کٹ سکی، فارن فنڈڈ فتنہ پنجاب میں طاقتور کا قانون اور جھوٹی ایف آئی آرکٹوانا چاہتا ہے۔
مریم اورنگزیب کا کہنا تھا کہ فارن فنڈڈ فتنہ غلط ایف آئی آرکٹوانے کیلئے پنجاب انتظامیہ کو پریشرائز کر رہا ہے، فارن فنڈڈ فتنہ اپنی خواہش کے مطابق غیر قانونی ایف آئی آر کٹوانے پر بضد ہے۔
2 گھنٹے کی الزام، بہتان اور جھوٹ بھری پریس کانفرنس کرسکتے ہیں، ٹاک کر سکتے ہیں لیکن چار دن گزرنے کے بعد اپنی حکومت میں چار دن قاتلانہ حملے کی ایف آئی آر نہیں کٹوا سکا، جب کہ عمران نیازی کی خواہش پر ایف آئی آر درج کرنے کیلئے پی ٹی آئی کے ڈنڈا برداروں نے تھانوں پر بھی دھاوا بولا۔
مریم اورنگزیب نے کہا کہ فارن فنڈڈ فتنہ وزیراعظم، وزیر داخلہ اور آئی ایس آئی کے افسر پر قاتلانہ حملے کا بھونڈا الزام لگا رہا ہے، لیکن حقیقی آزادی دلوانے والا فارن فنڈڈ فتنہ وزیر آباد کے تھانے میں ایف آئی آر نہیں کٹوا سکتا۔
لاہور:ارشاد بھٹی نے عمران خان کے دعوے کوجھوٹ قراردیا ،اطلاعات کے مطابق معروف تجزیہ نگار اور سینیئراینکر ارشاد بھٹی نے ایک نجی ٹی وی پر گفتگو کرتے ہوئے کہا ہے کہ انکے بارے میں ان کی غیرموجودگی کے دوران بہت غلط پراپیگنڈہ کیا گیا جو کہ درست نہیں تھا
ارشاد بھٹی نے کہا کہ وہ ارشد شریف کی شہادت کے دوران پاکستان سے باہرچلے گئے تھے اس کی وجہ یہ تھی کہ ایک غیر ملکی این جی او "سکون آرگنائزیشن”کی طرف سے ان کی کسی تقریب میں شمولیت کی دعوت تھی ، تو وہ اس تقریب میں شرکت کے لیے پاکستان سے باہرچلے گئے تھے ، ان کا یہ بھی کہنا تھا کہ یہ این جی او بے بس ، بے سہارا اورمعذورلوگوں کی خدمت میں مصروف رہتی ہے،
ان کا یہ بھی کہنا تھا کہ پہلے حسن نثار بھی جاتے تھے لیکن ان کا کہنا تھا کہ ان ملکوں میں بہت زیادہ سردی ہوتی ہے تو ان کو تو بہت سردی لگتی ہے اس لیے وہ نہیں جاتے، لیکن میں چلا گیا
ان کا یہ بھی کہنا تھا کہ اس دوران پاکستان میں میرے بارے میں کسی فیک اکاونٹ سے یہ خبرچلائی گئی کہ میں پاکستان چھوڑ چکا ہوں اور ارشد شریف کی شہادت کے بعد میرے لیے حالات سازگار نہیں تھے اس لیے میں پاکستان سے چلا آیا
ان کا یہ بھی کہنا تھا کہ ایسا نہیں تھا بلکہ میں کسی خاص مقصد کے تحت گیا تھا ، میرے بچے بھی میرے ساتھ تھے ، میں اب واپس آگیا ہوں ، مجھے تو کوئی مسئلہ نہیں ہے ، یہ میرے اپنے لوگ ہیں ان پر کھل کر تعمیری تنقید کروں گا ان کوسمجھاوں گا ، یہ میرے اپنے ہی لوگ ہیں
ان کا کہنا تھا کہ اب سب کو پتہ تو چل گیا کہ میرا قائد میرا کتنا مداح ہے ، میں پاکستان سے گیا تو سب سے پہلے میرے لیڈر نے مجھے مس کیا اور میرے بارے میں خدشات ظاہر کیے ،ان کایہ کہنا تھا کہ یہ میرا ملک ہے میرا مرنا جینا اسی ملک میں ہے
لاہور: عمران خان کے 1 تیر سے 7 شکار۔ پاکستان کی تاریخ کا سب سے بڑا ڈرامہ ،عمران خان پر حملے کے بعد سب سے زیادہ فائدہ بھی عمران خان کو ہوا ہے اور اس کے واضح ثبوت ہے ، اس حوالےسے سینئر صحافی مبشرلقمان نے عمران خان پرہونے والے حملے کا پس منظربیان کرتے ہوئے اہم تکنیکی نقات پیش کیے ہیں اور کہا ہے کہ کوئی بھی ذی شعور ان سوالات کےجوابات تلاش کرسکتا ہے
مبشرلقمان نے کہا کہ وزیرآباد میں عمران خان نے ڈرامہ کرنے کا زبردست انداز اپنایا ، انہوں نے چیئرمین واپڈا کا ایک واقعہ بتایا، اس حوالے سے انہوں نے کہا کہ وزیرآباد حملے میں عمران خان نے جان بوجھ کراس واقعہ کے ثبوت مٹا دیے
ان کا یہ بھی کہنا تھا کہ میں بتاتا ہوں کہ عمران خان نے ایک نہیں ساتھ فائدے اٹھائے ، میں یہ ثابت کرتا ہوں ، ان کا کہناتھا کہ جس شخص نے تسلیم کیا ہے کہ حملہ اس نے کیا ہے تویاد رکھیں کہ اس کو سزا کبھی بھی نہیں ہوگی اور یہ بھی یاد رکھیں کہ وہاں ایک بے گناہ شخص کوگولی لگی اس کو کس نے مارا ، فائرنگ تو کہیں اور سے ہورہی تھی اوراسٹیج سے گولی اس شخص کو لگی پھریہ بھی دیکھا گیا کہ وہ بے چارہ فوت ہوگیا اس کا پوسٹ مارٹم جلدی جلدی کرکے اس کودفنانے کی کوشش کی گئی لیکن یہ پتہ نہیں لگایا گیا کہ اس کو گولی کس نے ماری
مبشرلقمان کا کہنا تھا کہ پھر کوئی بھی پی ٹی آئی والا اس کے نماز جنازہ میں بھی نہیں گیا ، ان کا یہ بھی کہنا تھا کہ عمران خان کو اس سارے واقعہ کا فائدہ ہوا ہے اور اس کا مطلب واضح ہے کہ جس کو فائدہ ہوا وہی بہتر جانتا ہے کہ یہ کھیل کیسے کھیلا گیا
مبشرلقمان نے کہا کہ جب عمران خان نے تقریر کی تو میں نے اپنے پروڈیوسر سے پوچھا کہ عمران خان نے تقریری کرلی تو اس نے جواب دیا جی کرلی ہے تو میں نے پوچھا کہ اس نے کون سی خاص بات کی تو انہوں نے کہا کہ عمران خان نے تین لوگوںپر الزامات لگا دیئے ہیں، ان کا کہنا تھا کہ ایسے الزامات تووہ لگاتے رہےہیں ، جس طرح کوئی یہ الزام لگاتاہے کہ رمیز راجہ نے پیسے کھائے ہیں
انہوں نے کہا کہ جب عمران خان پرحملہ ہواتو وہاں تھر تھر کی آوازآئی وہ کہاں سے آرہی تھی ، ان کا کہنا تھاکہ فیصل جاوید کے کپڑوں پراس طرح خون لگا ہے کہ جس طرح کوئی جانورذبح ہوجاتا ہے ، ان کا کہنا تھا کہ وہاں اس کے بعد واقعہ کے شواہد مٹا دیئے گئے ، وہاں آرپی او اور ڈی پی او گوجرانوالا ذمہ دار ہیں پولیس یہ شواہد رکھتی ہے لیکن پولیس نے کچھ ایسا نہیں کیا
ان کا کہنا تھاکہ عمران خان پر حملہ ہوا تو وہ وزیرآباد جانے کے جو کہ قریب تھا اور پھرراستے میں گوجرانوالا کا ہسپتال بھی تھاوہاں سے علاج کیوں نہیں کروایا،وہ شوکت خانم سے کیوں علاج کروا رہے ہیں ،ان کا کہنا تھاکہ اس طرح تو نہیں ہوتا ، پھروہاں جسم سے گولیاں نکالنے کا کام کیا جاتا ہے جو کہ اس مقصدکےلیے ہسپتال ہے ہی نہیں
مبشرلقمان کا کہنا تھا کہ کبھی کہا جارہا ہے کہ دو گولیاں ، تین لگیں اور کبھی کہا جاتا ہے کہ چار گولیاں لگیں ، کہیں یہ کہا جاتا ہے کہ گولیوں کے خول لگے ، یہ کیا ڈرامہ ہے ، ان کا کہنا تھا کہ اس سارے حملے کا فائدہ عمران خان کو پہنچا ہے
ان کا کہنا تھا کہ گولی لگی ہوتو خون تو بہےگا لیکن کوئی خون نہیں لگا ، ایسے نہیں ہوتا ، ان کا یہ بھی کہنا تھا کہ جب حملہ ہوا تو کنٹینر سے ہاتھ ہلاتے ہوئے ایسے اتر رہے ہیں کہ جیسے آپ ٹارزن ہیں ان کا یہ کہنا تھا کہ کس طرح یہ شخص ڈرامہ کررہا ہے ، کبھی یہ کہا گیا کہ عمران خان نے بے ہوش ہونے کی دعا لینے سے انکار کردیا ، ان کا یہ بھی کہنا تھا کہ سینیٹر اعجاز چوہدری بھی کہہ رہے ہیں کہ میں نے کہا تھا کہ وزیرآباد میں حملہ ہوگا تو پھر اس کی بات پر کس نے توجہ دی ، ان کا کہنا تھا کہ اب ان کو اپنے بیان کی وضاحت کرنا پڑے گا
ان کا یہ بھی کہنا تھا کہ کل کو جس پر حملہ کرنے کا الزام ہے ، ان کا کہنا تھا کہ حملہ کرنے والے نے تسلیم کرلیا اور پھر اس کی وڈیو بیان بھی آگیا اور پھردوبار بیان آیا ، ان کا کہنا تھا کہ اس بندے کو کبھی بھی سزا نہیں ہوسکتی ، ان کا یہ بھی کہنا تھاکہ وہ عدالت میں بیان دے گا کہ مجھ پر تشدد کرکے بیان لیا گیا
یوں حملہ آور کو سزا نہیں ملے گی ، ان کا کہنا تھا کہ تمام شواہد مٹا دیئے گے جس کا مطلب یہ ہے کہ حملہ آوروں تک پہنچنا مشکل ہوجائے گا، ان کا یہ بھی کہنا تھا کہ اس طرح تو کسی کو سزا نہیں دی جاسکتی ہے ، ان کا یہ بھی کہنا تھا کہ اس سارے واقعہ کا فائدہ عمران خان کو ہوا ہے اور مزید ہوگا ،
ان کا یہ بھی کہنا تھا کہ اداروں پر الزامات لگائےگئے ،ان کا یہ بھی کہنا تھا کہ یہ الزامات اچھے نہیں ہیں ، ان کا یہ بھی کہنا تھا کہ ہم بھی الزامات لگاتے رہے لیکن شخصیات پر اداروں اور پارٹیوں پر نہیں ، ہم نے فرح گوگی بشریٰ بی بی ، علی زیدی ، فواد چوہدری سمیت کئی لوگوں پر الزامات لگائے لیکن پاکستان تحریک انصاف پر کبھی بھی الزامات نہیں لگائے ،
ان کا یہ بھی کہنا تھا کہ اس سارے واقعہ کا فائدہ عمران خان کو ہوا ہے اور وہ اس واقعہ سے مزید فائدہ اٹھائے گا لیکن اصل حقائق تک شاید کوئی نہیں جائے گا
کراچی:اکاؤنٹ میں کروڑوں روپے آنے پر کراچی پولیس کا افسر اور سپاہی پریشان،اطلاعات کے مطابق کراچی پولیس کے اہلکاروں کی چاندی ہوگئی ہے ، کہا جارہا ہے کہ کراچی پولیس کا افسر اور سپاہی اکاؤنٹ میں کروڑوں روپے آنے پر پریشان ہوگئے۔
بہادرآباد پولیس کے تفتیشی افسر انسپکٹرعامرانورگوپانگ کےاکاؤنٹ میں 10 کروڑ جبکہ ون فائیو مددگار کے سپاہی علی رضا کے اکاؤنٹ میں 5 کروڑ روپے کی خطیر رقم منتقل کی گئی۔
دونوں اہلکار اتنی بڑی رقم کی اپنے اکاؤنٹ میں موجودگی پر حیران و پریشان ہوگئے اور بینک کو شکایت کی جس پر بینک نے انکے اکاؤنٹس کو فریز کردیا ہے۔
پولیس کے مطابق انسپکٹر عامر گوپانگ نے معاملے کے بارے میں ایف آئی اے، بینک، اعلیٰ حکام کو آگاہ کردیا ہے۔
پولیس کا کہنا ہے کہ شکایت کے بعد پولیس افسرکے اکاؤنٹ سے رقم واپس منتقل ہوگئی ہے تاہم رقم کی منتقلی اور واپسی کی تحقیقات کررہے ہیں۔
اسلام آباد: وفاقی حکومت نے کیپیٹل سٹی پولیس آفیسر (سی سی پی او) لاہور غلام محمد ڈوگر کو معطل کردیا۔
گریڈ 21 کے پولیس افسرغلام محمد ڈوگر کی معطلی کا نوٹیفکیشن اسٹیبلشمنٹ ڈویژن سےجاری کردیا گیا ہے۔
ذرائع کا کہنا ہے کہ غلام محمد ڈوگر پر گورنر ہاؤس کو تحفظ دینے میں غفلت برتنے کا الزام ہے۔ذرائع کا کہنا ہے کہ غلام محمد ڈوگر پر پولیس کو سیاست زدہ کرنے کا الزام بھی ہے۔
خیال رہے کہ گزشتہ دنوں چیئرمین پی ٹی آئی پر قاتلانہ حملے کے بعد تحریک انصاف کے کارکنوں نے لاہور میں احتجاج کے دوران گورنر ہاؤس لاہور پر بھی توڑ پھوڑ کی تھی۔
لاہور:تحریک انصاف نے چیئرمین عمران خان کے مارچ میں فائرنگ کے بعد سپریم کورٹ میں توہین عدالت کیس کی سماعت ملتوی کرنے کی استدعا کردی جبکہ لاہور ہائیکورٹ نے ممنوعہ فنڈنگ کیس سماعت کیلئے مقرر کردیا۔
سپریم کورٹ میں توہین عدالت کیس کی سماعت ملتوی کرنے کی استدعا کیلئے درخواست عمران خان کے وکیل سلمان اکرم راجہ نے دائر کی۔
درخواست میں مؤقف اپنایا گیا ہے کہ عمران خان کے ساتھ افسوسناک واقعہ پیش آیا ہے، اُن کی سرجری ہوئی ہے اور مزید سرجری بھی ہوسکتی ہے، اس صورتحال میں عمران خان کا تفصیلی جواب جمع کرانا ممکن نہیں ہے۔
درخواست میں کہا گیا ہے کہ موجودہ صورتحال میں 7 نومبر کو سماعت نہ کی جائے۔ پی ٹی آئی کو عمران خان سے مشاورت کے بعد تفصیلی جواب جمع کرانے کا حکم ملا تھا۔
دوسری جانب لاہور ہائیکورٹ نے عمران خان کی ممنوعہ فنڈنگ کیس میں ایف آئی اے طلبی کیخلاف دائر درخواست سماعت کیلئے مقرر کردی۔
لاہور ہائیکورٹ کے جسٹس علی ضیاء باجوہ 7 نومبر کو عمران خان کی درخواست پر سماعت کریں گے، درخواست میں وفاقی حکومت اور ایف آئی اے کو فریق بنایا گیا۔
درخواست گزار نے مؤقف اختیار کیا کہ ایف آئی اے ممنوعہ فنڈنگ کیس میں 7 نومبر کو عمران خان کو طلب کر رکھا ہے، ایف آئی اے کی انکوائری حقائق کے برعکس ہے۔
چیئرمین ایف بی آر نے تاجروں کو غیر قانونی چھاپوں کے خاتمے کی یقین دہانی کرادی۔ چیف کلیکٹر کسٹم نے تجویز دی ہے کہ جو بھی کسٹم افسر چھاپہ مارنے آئے تو اس کا سروس کارڈ چیک کیا جائے اور تصویر لیں۔
چیئرمین ایف بی آر عاصم احمد نے ہفتہ کو کراچی چیمبر آف کامرس اینڈ انڈسٹریز (کے سی سی آئی) اور فیڈریشن چیمبر آف کامرس اینڈ انڈسٹریز (ایف پی سی سی آئی) کا دورہ کیا اور تاجروں کے مسائل سنے، اس موقع پر یف بی آر اور کسٹم کے اعلیٰ افسران بھی ان کے ہمراہ تھے۔ کراچی چیمبر میں چیئرمین ایف بی آر اور ان کی ٹیم کو بتایا گیا کہ کسٹم کا اینٹی اسمگلنگ اسکواڈ کپڑا بنانے والی فیکٹریوں پر چھاپے مارتے ہیں اور اسمگلنگ کا الزام عائد کرتے ہیں، اسی طرح کسٹم اہلکار ٹرک اڈے، ریلوے یارڈ پر بھی چھاپے مار کر بیرون ملک جانیوالے مال کو ضبط کرتے ہیں، جبکہ عدالت میں کیس حل ہونے کے بعد مال واپس کیا جاتا ہے تو وہ بھی کم ہوتا ہے۔
چیف کلیکٹر کسٹم یعقوب ماکھو نے کہا کہ کہ بہت سارے ریٹائرڈ کسٹم انٹلیجنس اہلکار لوگوں سے پیسے لیتے ہیں، انہوں نے تاجروں کو مخاطب کرتے ہوئے کہا کہ آپ بھی (ر) افسران کو پیسے دیتے ہیں تو ہم کیا کریں؟۔ انہوں نے تاجروں کو ہدایت کی کہ جو کسٹم افسر آئے اس کا سروس کارڈ چیک کریں، اس کی تصویر لیں اور ہم سے معلومات شیئر کریں۔
کراچی چیمبر کے صدر طارق یوسف، زبیر موتی والا اور ابراہیم کسمبی سمیت دیگر رہنماؤں نے ایف بی آر ٹیم کو تاجروں کو درپیش مسائل کے بارے میں آگاہ کیا۔ فیڈریشن چیمبر آف کامرس میں تاجروں سے گفتگو کرتے ہوئے چیئرمین ایف بی آر نے کہا کہ ریٹیل اور ہول سیل سیکٹر ابھی تک ریٹرنز نہیں دیتے، اس شعبے سے سالانہ 20 ارب روپے کا ریونیو حاصل ہوسکتا ہے۔
انہوں نے کہا ٹیکس ریفنڈ کے معاملات بہتر ہورہے ہیں، وزیر خزانہ اسحاق ڈار کے آنے کے بعد ٹیکس ریفارمز کمیٹی نے کام شروع کردیا ہے۔ سینئر نائب صدر ایف پی سی سی آئی سلیمان چاؤلہ، نائب صدر شبیر منشاء، ایم اے جبار اور میاں ناصر حیات مگوں نے چیئرمین ایف بی آر کو کہا کہ چھوٹے کاروبار کیلئے ٹیکس کا نظام آسان بنایا جائے، ایف بی آر کے بلا جواز نوٹسز کا خاتمہ ہونا چاہئے۔
کراچی:وزیرِ اطلاعات سندھ شرجیل انعام میمن نے کہا ہے کہ میڈیکل بورڈ سے عمران خان کا طبی معائنہ کرایا جائے، عمران خان کو ہونے والی مخبریوں پر سوال اُٹھاتے ہوئے کہا کہ وہ کون تھا جس نے عمران کو بتایا کہ حملہ ہوگا، کس نے انہیں ارشد شریف کے بارے میں بتایا، اگر کسی کا نام نہیں بتارہے مطلب عمران خان خود کرا رہا ہے۔
ان خیالات کا اظہار وزیرِ اطلاعات سندھ شرجیل انعام میمن نے کراچی میں پریس کانفرنس کے دوران کیا۔
انہوں نے عمران خان پر حملے پر سوال اُٹھاتے ہوئے کہا کہ کبھی وہ کہتے ہیں کہ ایک گولی لگی ،کل کہا کہ 4 گولیاں لگی، کون شخص ہے جس کو 4 گولیاں لگیں اور ہاتھ ہلارہا ہے۔ 4گولیاں لگنے والے کو قریبی اسپتال کی بجائے شوکت خانم لےکر گئے، شوکت خانم کینسر کا اسپتال ہے وہاں گولیاں لگنےکا علاج کرایا گیا۔
انہوں نے کہا کہ میڈیکل بورڈ بنا کر گولیاں لگنے کے معاملے کو سامنے لایا جائے کہ کتنی گولیاں لگی ہیں، جس ملک کا وہ نام لے وہاں کے میڈیکل بورڈ کو بلایا جائے۔
ان کا کہنا ہے کہ پوری قوم گواہ ہے کہ لانگ مارچ ناکام ہورہا تھا، کچھ لوگ مخصوص ایجنڈے پر کام کررہے ہیں۔
انہوں نے کہا کہ عمران خان پر جب حملے کی خبر آئی تو سب نے واقعے کی مذمت کی لیکن کچھ لوگ اب بھی مخصوص ایجنڈے پر کام کررہے ہیں۔
انہوں نے کہا کہ اگر پی ٹی آئی کو سندھ میں جلسے جلوس کرنے ہیں تو صوبائی حکومت انہیں اجازت دے گی۔انہوں نے مزید کہا کہ ملک کی تازہ ترین صورتحال سب کے سامنے ہے، بخوبی دیکھا جاسکتا ہے کہ واقعے سے کس کو فائدہ ہورہا ہے۔
شرجیل انعام میمن نے اداروں کے خلاف جاری مہم کو سوجی سمجھی منصوبہ بندی قرار دے دیا۔انہوں نے کہا کہ سوچی سمجھی سازش کے تحت پاکستان کو نقصان پہنچایا جا رہا ہے۔
انہوں نے کہا کہ اقتدار کی لالچ میں وہ شخص اداروں کو بدنام کررہا ہے۔ سوشل میڈیا پر عمران خان کے ورکرز نے اداروں کو نشانہ بنایا۔ان کا کہنا ہے کہ سب نے ملکی سلامتی کی حفاظت کا حلف لیا ہے لیکن اچھے آفیسرز کو بدنام کیا جارہا ہے۔
عمران خان کا مقصد فساد پھیلانا ہے ، ایسے فسادی شخص کے لیے قانون کو فوری حرکت میں آنا چاہے۔
صوبائی وزیرِ اطلاعات کا کہنا ہے کہ پی ٹی آئی کے لوگ خود کہہ رہے تھے کہ خونی مارچ ہوگا، انہوں نے احتجاج کو خود پُرتشدد بنایا، جس کی پوری قوم گواہ ہے کہ لانگ مارچ ناکام ہورہا تھا۔انہوں نے معظم نامی شخص کی موت پر اظہارے افسوس کرتے ہوئے کہا کہ اسے فوری طبی امداد کیوں نہیں دی گئی؟
صوبائی وزیرِ اطلاعات نے کہا کہ عمران خان چاہتا ہے سب اس کے مطابق چلیں، وہ ملک کا بادشاہ بننا چاہتا ہے وہ چاہتے ہیں کہ ان کی مرضی کے لوگ ہر جگہ تعینات کئے جائیں۔عمران خان اب سپریم کورٹ سے انصاف کی بات کررہا ہے، پنجاب میں آپ کی حکومت ہے کارروائی کیوں نہیں کررہے؟
ان کا کہنا ہے کہ عمران خان کے تمام مطالبے غیر آئینی و غیر قانونی ہیں۔ وفاقی حکومت شاید عمران خان کے ساتھ نرمی کررہی ہے لیکن یہ شخص نرمی کے لائق نہیں۔عمران خان آج تک لاڈلہ ہے ، احتجاج کی آڑ میں جوکیا جارہا ہے وہ ناقابل برداشت ہے۔
صوبائی وزیرِ اطلاعات نے تحقیقات پر زور دیتے ہوئے کہا کہ وزیر اعظم سے جے آئی ٹی بنانے کی اپیل کرتا ہوں۔
انہوں نے کہا کہ یہ تحقیقات ضروری ہیں کہ معلوم کیا جائے کہ کتنی گولیاں لگیں، اگر تحقیقات نہیں ہوتی تو مطلب عمران خان خود شامل ہے۔
انہوں نے مزید کہا کہ عمران خان کے خلاف قانونی کارروائی کی جائے، اگر میڈیکل بورڈ کے سامنے پیش نہیں ہوتے تو گرفتار کرکے زبردستی ایگزیمن کیا جائے۔شرجیل انعام میمن نے کہا کہ عمران کو مزید ایسی حرکتیں کرنے دینا وطن دشمنی کے مترادف ہے۔
لاہور:سابق وزیراعظم عمران خان کے ذاتی معالج ڈاکٹر فیصل سلطان کے حوالے سے حیران کُن انکشافات آرہے ہیں ، ڈاکٹر فیصل سلطان کی تعلیم اور پیشہ ورانہ تجربہ وبائی امراض میں ہے، تا ہم وزیر آباد جلسے میں فائرنگ ہوئی عمران خان کو گولی کے ذرات لگے تو فیصل سلطان سرجن بن گئے اور انہوں نے عمران خان کی ٹانگ کا آپریشن کر ڈالا
ان کے حوالے سےکہا جارہا ہے کہ ڈاکٹرفیصل سلطان ویسے تو پیشے کے حوالے سے ایک وبائی امراض کے ڈاکٹر ہیں لیکن وہ اس وقت عمران خان کو لگنے والے فائرکے پیچھے پڑے ہوئے ہیں، ڈاکٹرفیصل سلطان نے پہلے کچھ کہا اور بعد میں کچھ ، ڈاکٹرفیصل سلطان نے کپتان کی ایک ٹانگ میں گولی کے ذرات دریافت کئے اور پھر آرتھوپیڈک سرجن بن کر دونوں ٹانگوں میں سے چار گولیاں بھی نکال ڈالیں اور سرجری بھی ایک کینسر ہسپتال میں کی ۔
پاکستان جیسے ملک میں ایسا ہو رہا ہے اور کمال کی بات ہے کہ گولی لگنے کا علاج کینسر ہسپتال میں ہو رہا ہے اور وہ بھی ایک وبائی امراض کا ڈاکٹر کر رہا ہے یہاں تو ڈاکٹر فیصل سلطان گولیاں تلاش کررہےہیں اور ہر بار ایک نیا دعویٰ کرتے ہیں ، اگرانہوں نے یہ حرکت دنیا کے کسی اور ملک میں کی ہوتی تو ڈاکٹر صاحب ابھی تک اپنے ڈاکٹری کے لائسنس سے محروم ہو کر سڑکوں پر ٹیکسی چلا رہے ہوتے ۔
عمران خان پرہونے والے حملے کے بعد ڈاکٹرفیصل سلطان اس وقت عمران خان کے ذاتی معالج کے طور پر کام کررہےہیں اور ان کی صحت اور ان کو لگنے والے فائرز کے حوالے سے مختلف دعوے کررہے ہیں ، ان کے ان دعووں پرکہا جارہا ہے کہ ان کو شاید اس صورت حال کا اتنا بہتر علم نہیں جتنا وہ باور کرارہے ہیں۔ سوچنے کی بات ہے کہ وبائی امراض کا ڈاکٹر کیسے سرجن بن کر آپریشن کر سکتا ہے اور کبھی دو کبھی تین کبھی چار گولیوں کے متضاد دعوے تحریک انصاف کے رہنماون اور ڈاکٹر فیصل سلطان کی جانب سے کیے جاتے ہیں
عمران خان پر حملے کے بعد کسی سرکاری ہسپتال میں انکا علاج معالجہ کیوں نہیں کروایا گیا پنجاب میں تحریک انصاف کی ہی حکومت ہے۔ اندراج مقدمہ کے لئے ضروری ہے کہ سرکاری ہسپتال سے میڈیکل کروایا جاتا ہے لیکن یہاں شوکت خانم میں عمران خان کا علاج چل رہا ہے وزیرآباد سے لاہور پہنچ گئے لیکن سرکاری ہسپتال سے علاج نہیں کروایا گیا
