پشاور: اپوزیشن جماعتوں کے سیاسی اتحاد پاکستان ڈیموکریٹک موومنٹ ( پی ڈی ایم) کے سربراہ مولانا فضل الرحمان نے کہا ہے کہ موجودہ نا اہل حکومت سے ہر پاکستانی پریشان و تنگ ہے پی ڈی ایم کے سربراہ نے واضح طور پر کہا کہ ہمارا مطالبہ عام انتخابات کے انعقاد کا ہے۔

باغی ٹی وی : پشاور میں پریس کانفرنس کرتے ہوئے پی ڈی ایم کے سربراہ مولانا فضل الرحمان کا کہنا تھا کہ پی ڈی ایم کی صوبائی قیادت سے لانگ مارچ کے حوالے سے مشاورت کی ہے، خیبرپختونخوا میں میری اور پنجاب میں شہبازشریف کی ذمہ داری تھی-

پیپلزپارٹی پی ٹی آئی کواپنے وجود کے لیے خطرہ سمجھنے لگی:حلیم عادل شیخ بھی بول اٹھے

پی ڈی ایم کے سربراہ کا کہنا تھا کہ 23 مارچ کے لانگ مارچ کے حوالے سے تمام جماعتوں نے جذبے کا اظہار کیا ہے، اس لئے فیصلہ کیا گیا ہے کہ 23مارچ کو پوری قوم مہنگائی کیخلاف اسلام آباد کی طرف مارچ کرے گی، لانگ مارچ کی تاریخ میں تبدیلی کے حوالے سے فیصلہ سربراہی اجلاس میں ہوگا۔

مولانا فضل الرحمان کا کہنا تھا کہ نااہل حکومت نے ملکی معیشت کو تباہ وبرباد کردیا ہے، مہنگائی کی وجہ سے لوگوں کا جینا مشکل ہوگیا ہے، آج لوگ مہنگائی کی وجہ سے خودکشیاں کررہے ہیں، منی بجٹ پر کوئی بحث نہیں کرائی گئی-

نواز شریف اور ان کے بچوں کو بھی صحت کارڈ دیں گے،یہ ان کا حق ہے:اہم شخصیت کا اعلان

انہوں نے کہا کہ منی بجٹ کے بل کو اسٹینڈنگ کمیٹی میں جانا چاہیے تھا، بل کے ذریعے اسٹیٹ بینک کو آئی ایم ایف کنٹرول کرے گا، اسٹیٹ بینک نے حکومت کو کوئی قرضہ نہیں دیا، حکومت نے اب تک جتنے بھی قرضے لیے وہ کمرشل بینکوں سے لیے، ملک کو معاشی صورتحال سے نکالنا وقت کی ضرورت بن گئی ہے۔

انہوں نے کہا کہ بلدیاتی انتخابات میں وہ نیوٹرل نظر آئے تو نتائج بھی سب کے سامنے ہیں انہوں نے دعویٰ کیا کہ اسمبلی میں تمام اپوزیشن جماعتیں شہباز شریف کے ساتھ ہیں۔ انہوں نے متنبہ کرتے ہوئے کہا کہ کوئی ہرگز نہ سمجھے کہ ہم میں دراڑیں پیدا ہو گئی ہیں۔

سربراہ پی ڈی ایم نے کہا کہ ہم نے پیپلز پارٹی کو کبھی اپنا مخالف نہیں سمجھا، پیپلزپارٹی اور اے این پی کو اپوزیشن کا حصہ سمجھتے ہیں، ہمارا مطالبہ عام انتخابات کا ہے، اور پیپلزپارٹی کے ساتھ ہماری سوچ اور فکر حکومت گرانے پر اتفاق رائےموجود ہے۔

عثمان بزدار”زیرو”شہبازشریف”ہیرو”:مگراندھی سیاسی تقلید میں…

مولانا فضل الرحمان نے کہا کہ خیبرپختونخوا میں بلدیاتی انتخابات میں تحریک انصاف کو بدترین شکست ہوئی ، کے پی کے بلدیاتی الیکشن کے نتائج سے ثابت ہو چکا ہے کہ عوام مزید اس حکومت کو برداشت کرنےکو تیار نہیں، اگلے مرحلے میں بھی حکمران جماعت کو ناکامی کاسامنا کرنا پڑے گا اور اس سے برا حشر ہوگا۔

امیر جے یو آئی (ف) مولانا فضل الرحمان نے کہا کہ نواز شریف کا اپنا وطن ہے وہ کسی بھی وقت آ سکتے ہیں۔ انہوں نے کہا کہ دعاگو ہیں کہ نوازشریف خیرخیریت سے واپس آئیں۔ ان کا کہنا تھا کہ افغانستان میں مکمل امن کی ضرورت ہے۔

دوسری جانب خبریں ہیں کہ خیبرپختونخوا میں بلدیاتی انتخابات کے باعث پی ڈی ایم کا لانگ مارچ ملتوی ہونے کا امکان ہے ذرائع پی ڈی ایم کا کہنا ہے کہ خیبر پختونخوا میں دوسرے مرحلے کے بلدیاتی انتخابات 27 مارچ کو ہونے جاریے ہیں، جس کی وجہ سے لانگ مارچ کی تحریک متاثر ہوسکتی ہے، اس لئے لانگ مارچ کی تاریخ تبدیل کرکے حتمی فیصلہ کیا جائے گا۔

پنجاب اور خیبر پی کے میں دھند کا راج :بارشوں کی خوشخبری بھی آگئی

جاتی امرا :کے پی سے ن لیگ اپنے اختتام کے قریب:اگلے مرحلے میں مکمل صفایا ہونے کا امکان،اطلاعات کےمطابق ن لیگ کی قیادت اس وقت سخت پریشان ہے اورن لیگ میں پریشانی مزید بڑھ رہی ہے،اطلاعات ہیں کہ ن لیگ کو کے پی کے بلدیاتی انتخاب میں جوشکست ہوئی ہے اس شکست نے پارٹی کے وجود کوخطرے میں‌ ڈال دیا ہے

ادھر ذرائع کے مطاق نوازشریف نے اس شکست کا نوٹس لیا ہے اورپارٹی کوہدایت کی ہےکہ وہ شکست کے اسباب نوٹ کرکے لندن روانہ کریں ، ادھر یہ بھی اطلاعات ہیں کہ پارٹی ویسے ہی دو گروہوں میں واضح تقسیم ہوتی ہوئی نظر آتی ہے ، ن لیگ اور ش لیگ کی صورت میں سامنے آنے والے گروہوں کے بعد اب پارٹی پنجاب کی حد تک رہ گئی ہے

کے پی میں 64 میں سے صرف 3 نشستیں حاصل کرنے کے بعد جو تصویر سامنے آئی ہے وہ کچھ اس طرح ہے ، ن لیگ نے جو تین نشستیں حاصل کی ہیں ان میں ن لیگ کوجمیعت علما اسلام فضل الرحمان،جمعیت علمائے اسلام نورانی گروپ ، جمعیت علمائے اسلام نیازی گروپ،مرکزی جعمیت اہلحدیث، پختون خواہ ملی عوامی پارٹی، نیشنل پارٹی،پی ٹی ایم سمیت ایک درجن کے قریب علاقائی جماعتوں نے سپورٹ کیا

یہ بھی معلوم ہوا ہے کہ اسی اتحاد نے جے یو آئی ف کو کے پی میں‌ سپورٹ کرکے حکومت کوٹف ٹائم دیا ہے،

ادھر انہیں حالات کی نشاندہی کرتے ہوئے وزیراعظم کے معاون خصوصی برائے سیاسی ابلاغ ڈاکٹر شہباز گِل نے کہا ہے کہ نااہل لیگ کی امیدوں کا مرکز لوکل گورنمنٹ الیکشن ہے۔

شہباز گِل نے احسن اقبال کے بیان پر ردعمل دیتے ہوئے کہا کہ گزشتہ آٹھ برس سے پی ٹی آئی خیبرپختونخوا کی مقبول ترین پارٹی ہے،ن لیگ کا خیبر پختونخوا سے صفایا ہو گیا ہے، نااہل لیگ صرف پنجاب کے چند حلقوں کی پارٹی ہے۔

انہوں نے مزید کہا کہ پہلے فیز کی ناکامی پر خوش ہونے والے کل ہماری جیت پر آنسو بہاتے ملیں گے، خیبرپختونخوا پی ٹی آئی کا قلعہ تھا اور رہے گا، عمران خان پاکستانی عوام کے واحد امید ہیں۔

اس سے قبل احتساب عدالت کے باہر میڈیا سے گفتگو کرتے ہوئے احسن اقبال نے کہا تھا کہ عوام کو مبارک ہو، عمران نیازی نے خیبر پختونخوا کی شکست کا نوٹس لے لیا ہے۔انھوں نے کہا کہ خیبر پختونخوا کے بلدیاتی الیکشن میں پی ڈی ایم کی جماعتوں پر اعتماد کا اظہار کیا ہے۔

ان کا کہنا تھا کہ عمران نیازی کی حکومت نے عوام سے جھوٹے وعدے کیے اور انتقامی ایجنڈے پر کام کیا۔ ملک میں گیس کا بحران شدت اختیار کر چکا ہے۔ عوام کی ضرورت کی اشیا کو منافع خوروں کے ہاتھوں میں دے کر سٹہ بازی کروائی۔

مہنگائی کا بلدیاتی انتخابات سے کوئی تعلق نہیں،کامران بنگش
خیبر پختونخواہ کے صوبائی وزیر کامران بنگش نے کہا ہے کہ 17اضلاع میں پی ٹی آئی کے امیدوار تھے ،

صوبائی وزیر کامران بنگش کا کہنا تھا کہ ہمارے ناراض ارکان بھی امیدوار تھے،پی ٹی آئی کی مقبولیت کا گراف نہیں گرا، مسائل ہرجگہ ہوتے ہیں،وزیراعظم کہہ چکے ہیں ٹکٹ کی غلط تقسیم نے شکست کا موقع پید ا کیا،ہم آگے کمزوریوں کا جائزہ لیں گے اور اصلاح کریں گے،پشاورمیں بلدیاتی انتخابات کی صورتحال عجیب رہی الیکشن سے 3 دن پہلے ایک امیدوار کے والد نے کہا 20 کروڑ روپے جیت کے لیے لگائے دھاندلی کے الزام نہیں لگا رہے ،ایک شخص اعتراف کررہاہے اس کا نوٹس لینا چاہیے،مہنگائی کا بلدیاتی انتخابات سے کوئی تعلق نہیں ، وزرا کا مہنگائی کوبلدیاتی انتخابات میں شکست وجہ قراردینا ان کی آرا ہیں،پی ٹی آئی سے وابستگی ہے ،ہار پر افسوس ہے ،ہم غلطیوں سے سیکھ کرآگے بڑھنے کی کوشش کریں گے

وفاقی وزیر فواد چودھری کا کہنا ہے کہ اس وقت اگر پی ٹی آئی کمزورہوئی توملک بھیڑیوں کےہاتھ لگ جائےگا۔ وفاقی وزیر اطلاعات فواد چودھری نے سماجی رابطے کی ویب سائٹ ٹوئٹر پو اپنے ٹوئٹ میں خیبرپختونخوا کے بلدیاتی انتخابات میں شکست پر کہا ہے کہ پی ٹی آئی قیادت اورکارکنان ذاتی اختلافات پس پشت ڈالیں عمران خان کی قیادت میں خود کومنظم کریں۔

اگر JUI جیسی شدت پسند جماعتیں PTI کا متبادل ہیں تو واقعی آپ کی بات درست ہے ، PTI کی لیڈرشپ اور کارکنان اس صورتحال میں ذاتی اختلافات کو پس پشت ڈالیں اور عمران خان کی قیادت میں خود کو منظم کریں اس وقت اگر PTI کمزور ہوئ تو ملک بھیڑیوں کے ہاتھ لگ جائیگا https://t.co/3tIXzSzStZ

— Ch Fawad Hussain (@fawadchaudhry) December 21, 2021

انہوں نے اپنے پیغام میں کہا ہے کہ اس وقت اگر پی ٹی آئی کمزورہوئی توملک بھیڑیوں کےہاتھ لگ جائے گا جے یوآئی جیسی شدت پسند جماعتیں پی ٹی آئی کا متبادل نہیں ۔

بلدیاتی انتخابات،تحریک انصاف کی شکست، وزیراعظم بھی بول پڑے

انہوں نے ایک اور ٹویٹ میں قرضوں کی ادائیگیوں کا موازنہ کرتے ہوئے کہا ہے کہ رواں سال غیر ملکی قرضوں کی ادائیگی 12.27 ارب ڈالر ہے آئندہ مالی سال 2023 میں غیر ملکی قرضوں کی ادائیگی 12.5 ارب ڈالر ہوگی۔

Foreign debt payment this year alone is $12.27bn and about same $12.5bn in FY23

Overall In PTI 5 years total debt payments would be around $55bn vs $27bn paid by PMLN in 5 years #economy

— Ch Fawad Hussain (@fawadchaudhry) December 21, 2021

وفاقی وزیر نے کہا کہ پی ٹی آئی کے 5 سال دور حکومت میں مجموعی قرض ادائیگیاں 55 ارب ڈالر ہوں گی مسلم لیگ ن نے 5 سالہ حکومت میں 27 ارب ڈالر بیرونی قرضوں کی ادائیگی کی۔

امریکہ میں اومی کرون سے پہلی موت

دوسری جانب بلدیاتی انتخابات کے حوالے سے وزیراعظم عمران خان نے کہا ہے کہ کے پی کے بلدیاتی انتخابات میں غلطیاں کیں اور قیمت چکائی، وزیراعظم عمران خان کا کہنا تھا کہ غلط امیدواروں کا انتخاب سب سے بڑا سبب بنا ، اب سے ذاتی طورپر بلدیاتی انتخابات کی نگرانی کروں گا، دوسرے مرحلے سمیت پورے ملک کے بلدیاتی انتخابات نگرانی کروں گا،آئندہ تحریک انصاف مضبوط بن کرسامنے آئے گی-

اومی کرون ویریئنٹ کی علامات سامنے آگئیں

واضح رہے کہ تحریک انصاف کے سیاسی قلعے خیبرپختونخوا میں ہونے والے بلدیاتی الیکشن میں جے یو آئی نے میدان مار لیا ہے، جے یو آئی کے امیدواروں نے تحریک انصاف حکمران جماعت کو شکست دے دی ہے، بلدیاتی انتخابات میں پی ٹی آئی کو میئرز کے الیکشن میں شکست کا سامنا ہے اسی طرح چیئرمین تحصیل کونسلز کے انتخابات میں بھی جے یو آئی (ف) کے امیدواران آگے ہیں پشاور، مردان، بنوں اور کوہاٹ میں میئر کے لیے پی ٹی آئی کا کوئی امیدوار کامیاب نہیں ہو سکا-

مولانا فضل الرحمان کا کہنا ہے کہ بلدیاتی انتخابات نے ثابت کردیا ہے کہ گزشتہ الیکشن میں دھاندلی ہوئی تھی-

باغی ٹی وی :تفصیلات کے مطابق پی ڈی ایم کے سربراہ مولانا فضل الرحمان نے پریس کانفرنس میں کہا کہ سابق وزیراعلیٰ بلوچستان نواب اسلم رئیسانی نے پارلیمانی معاملات میں ہمیشہ جمیعت کو سپورٹ کیا ہے۔ انہوں نے کہا کہ صوبہ خیبرپختونخوا کی عوام نے پیغام دے دیا ہے کہ یہ جعلی حکومت تھی اور ہے۔

بلدیاتی الیکشن، پشاور سمیت میئر کی تین سیٹوں میں جے یو آئی آگے

مولانا فضل الرحمان نے دعویٰ کیا کہ جے یو آئی (ف) پہلے بھی صوبہ خیبر پختونخوا کی بڑی جماعت تھی اور آج بھی ہے پریس کانفرنس میں مولانا عبدالغفور حیدری اور بلوچستان کے سابق وزیراعلیٰ نواب اسلم رئیسانی بھی موجود تھے۔

پی ٹی آئی کو پی ٹی آئی ہی لے ڈوبی: سٹی میئر پشاور کی سیٹ جے یو آئی لے اُڑی

ایک سوال کے جواب میں مولانا فضل الرحمان نے کہا کہ ملک بھر میں کارکنان کی سطح پر تیاریاں شروع ہیں ہمارے صوبے میں بلدیاتی انتخابات آگئے تھے جبکہ دیگر پارٹیاں بھی کچھ مصروف تھیں لیکن ابھی ہمارے پاس دو ماہ ہیں پنجاب میں شہباز شریف 23 مارچ کے پلان پر مشاورت مکمل کریں گے۔

بلدیاتی انتخابات میں جیتنے والی جے یو آئی کوسینیٹ انتخاب میں ذلت آمیزشکست:شوکت ترین سینیٹر بن گئے

امیر جے یو آئی (ف) مولانا فضل الرحمان نے کہا کہ پاکستان عمران خان سے بہتر چلانا جانتے ہیں ہمیں نظام چلانا آتا ہے اور پاکستان کو بہتر طریقے سے چلائیں گے کرپشن کی صرف باتیں کی گئیں لیکن جے یو آئی کے خلاف کوئی کرپشن ثابت نہیں ہوئی۔

پی ڈی ایم کے سربراہ مولانا فضل الرحمان نے ایک سوال کے جواب میں کہا کہ امریکہ نے طالبان سے صلح کرلی ہے۔

وزیر اعظم عمران خان سے سعودی وزیر خارجہ کی ملاقات:عالم اسلام کے لیے جدوجہد کوسلام