Tag: بلدیہ عظمیٰ کراچی شہر

میئرکراچی بیرسٹر مرتضیٰ وہاب نے کہا ہے کہ بلدیہ عظمیٰ کراچی کے انسٹیٹیوٹ آف ہارٹ ڈیزیز میں 12سال کے وقفے کے بعد دوبارہ مستقل پیس میکر لگانے کا آغاز کر دیا گیا ہے اور پہلے مریض کو کامیابی کے ساتھ پیس میکر لگا دیا گیا ہے.

باغی ٹی وی کی رپورٹ کے مطابق مرتضیٰ وہاب نے کہا کہ اللہ تعالیٰ کے فضل سے آج ہم اس قابل ہیں کہ کے آئی ایچ ڈی میں تقریباً تمام کارڈک پروسیجرز مکمل طور پر فعال ہو چکے ہیں، جن میں الیکٹیو پی سی آئی، پرائمری پی سی آئی، اینجیوگرافی شامل ہیں جبکہ نان انوویسیو ڈیپارٹمنٹ بھی مریضوں کو بھرپور خدمات فراہم کر رہا ہے، یہ سہولیات دس بارہ سال سے بند تھیں جنہیں دوبارہ شروع کرنے پر کراچی انسٹی ٹیوٹ آف ہارٹ ڈیزیز کی ایگزیکٹو ڈائریکٹر پروفیسر ڈاکٹر رفعت اور ان کی ٹیم جس میں کارڈیولوجسٹس اور ڈاکٹرز شامل ہیں کو مبارکباد اور ستائش پیش کرتا ہوں، پاکستان پیپلز پارٹی اپنے منشور کے مطابق شہریوں کو بہترین طبی سہولیات کی فراہمی کے لئے کوشاں ہے اور ہر گزرتے دن کے ساتھ شہری اداروں کی ترقی و کامیابیوں کا سفر جاری ہے، ان خیالات کا اظہار انہوں نے کراچی انسٹی ٹیوٹ آف ہارٹ ڈیزیز میں 12 سال کے بعد دوبارہ پیس میکر لگانے کے آغاز پر اسپتال کی انتظامیہ کو مبارکباد دیتے ہوئے کیا، میئر کراچی بیرسٹر مرتضیٰ وہاب نے کہا کہ ضلع وسطی، ضلع شرقی اور ضلع غربی کے مکینوں کیلیے یہ بہت بڑی خوش خبری ہے کہ انہیں اپنی رہائش گاہ کے قریب دل کی بیماریوں کے علاج کی معیاری اور باکفایت سہولیات میسر آئی ہیں، کراچی انسٹیٹیوٹ آف ہارٹ ڈیزیز میں نوجوانوں کو نرسنگ کی تربیت بھی سو فیصد اسکالرشپ پر فراہم کی جا رہی ہے اور اس اسپتال کو سیٹلائیٹ کے ذریعے قومی ادارہ برائے امراض قلب سے منسلک کیا گیا ہے جس سے یہاں علاج. معالجے کا نظام کافی حد تک بہتر ہو گیا ہے اور اس میں مزید بہتری لائی جائے گی، اس موقع پر میئرکراچی بیرسٹر مرتضیٰ وہاب کو کراچی انسٹیٹیوٹ آف ہارٹ ڈیزیز کی ایگزیکٹو ڈائریکٹر نے بریفنگ دیتے ہوئے بتایا کہ 10 سے 12 سال کے بعد کراچی انسٹیٹیوٹ آف ہارٹ ڈیزیز میں دوبارہ مستقل پیس میکر لگانے کا آغاز کیا گیا جسے اس کی اشد ضرورت تھی اور کامیابی سے علاج مکمل کر لیا گیا ہے اور پیس میکر لگنے کے بعد مریض صحت یاب ہے، یہ مشکل کام تھا اور اس میں خطرات بھی تھے تاہم الحمدللہ تمام پروسیجرز مکمل طور پر درست انداز میں کیے گئے جس کے لیے اسپتال کے تمام شعبوں نے سخت محنت سے کام کیا، انہوں نے کہا کہ اس کے لئے ہم میئرکراچی بیرسٹر مرتضیٰ وہاب،ڈپٹی میئر کراچی سلمان عبداللہ مراد اور میونسپل کمشنر افضل زیدی صاحب کے تعاون اور حوصلہ افزائی کے لئے شکر گزار ہیں، خاص طور پر میئرکراچی بیرسٹر مرتضیٰ وہاب کا شکریہ جنہوں نے غیر معمولی سپورٹ فراہم کی جس کی بدولت آج ہم کے آئی ایچ ڈی میں تقریباً تمام پروسیجرز کو غیر معمولی سپورٹ کے ذریعے انجام دینے کے قابل ہو گئے ہیں، مستقبل میں ہم اسی طرح آپ کے ساتھ کام کرنے اور کراچی کے لوگوں کومزید سہولیات فراہم کرنے کی کوشش کریں گے، میئر کراچی بیرسٹر مرتضیٰ وہاب نے کہا کہ شہر کے طبی اداروں کو بہتر بنانے کے لیے اسی طرح محنت اور لگن سے کام کرنے کی ضرورت ہے، اگر تمام محکمے اپنی ذمہ داریاں احسن طریقے سے پورا کریں تو ہر جگہ بہتری آ سکتی ہے.

کراچی کے شہری پانی کی بوند بوند کو ترس گئے، حکام نے ہاتھ کھڑے کر دیے

کراچی کے سرکاری اسکولوں کو ملی کتابیں، کاپیاں فروخت ہونے کا انکشاف

کراچی کی این ای ڈی یونیورسٹی میں آئی ٹی ٹاور بنے گا

کراچی: سرکاری حساس ادارے کا اہلکار ظاہر کرنیوالا جعلساز گرفتار

میئر کراچی بیرسٹر مرتضیٰ وہاب نے کہا ہے کہ فریئرہال، باغ ابن قاسم، خالقدینا ہال اور کراچی کی دیگر تاریخی جگہوں پر شہریوں کے لئے ثقافتی پروگراموں کا انعقاد کیا جائے گا.

باغی ٹی وی کی رپورٹ کے مطابق باغ ابن قاسم کلفٹن میں بحیثیت مہمان خصوصی چوتھے کراچی بائنل (کے بی) فیسٹیول کا افتتاح کرنے کے بعد گفتگو کرتے ہوئے مرتضیٰ وہاب کا کہنا تھا کہ چوتھے کراچی بائنل فیسٹیول میں ملک و بیرون ملک سے فنکاروں اور عمائدین کی بڑی تعداد میں شرکت خوش آئند ہے، بہت جلد شہریوں کے لیے ان تاریخی مقامات پر ہفتے میں تین دن ساز و آواز سننے کے مواقع مہیا کئے جائیں گے جس سے شہر کی رونقوں میں مزید اضافہ ہوگا، کراچی بائنل ٹرسٹ کی مینیجنگ ٹرسٹی نیلوفر فرخ ،کیوریٹر وحیدہ بلوچ اور ڈائریکٹر جنرل پارکس جنید اللہ خان کے علاوہ غیر ملکی سفارتکار، آرٹسٹ اور ممتاز شہری بھی موجود تھے، میئر کراچی بیرسٹر مرتضیٰ وہاب نے شہریوں سے کہا کہ چوتھے کے بی فیسٹیول میں اپنی فیملی سمیت شرکت کرکے اپنے شہر کو اون کریں اور اس بات کا ثبوت پیش کریں کہ کراچی زندہ دل لوگوں کا شہر ہے، میئر کراچی بیرسٹر مرتضیٰ وہاب نے فیسٹیول کے کامیاب انعقاد پر منتظمین کو مبارکباد دیتے ہوئے کہا کہ چوتھا کے بی فیسٹیول باغ ابن قاسم، فریئر ہال، این ای ڈی یونیورسٹی سمیت پانچ مختلف جگہوں پر منعقد ہونے سے شہر کے مختلف علاقوں میں رہنے والوں کو اس فیسٹیول سے محظوظ ہونے کا موقع ملے گا ،اس ایونٹ سے فنکاروں، مصوروں اور فنون لطیفہ سے وابستہ افراد کی حوصلہ افزائی ہوگی اور نئے فنکاروں اور مصوروں کو اپنے فن کا مظاہرہ کرنے کے مواقع میسر آئیں گے، انہوں نے کہا کہ کراچی میں ہونے والے فیسٹیولز، علمی و ادبی کانفرنسز، کلچرل فیسٹیول اور سماجی سرگرمیوں کی حوصلہ افزائی کی جائے گی، بلدیہ عظمیٰ کراچی شہر کے امیج کو بہتر بنانے اور شہر کی رونقوں میں اضافے کے لئے منعقد کئے گئے پروگرامز میں ہر ممکن تعاون کرے گی۔اس موقع پر کراچی بائنل ٹرسٹ کی منیجنگ ٹرسٹی نیلوفر فرخ نے بتایا کہ کراچی بائنل میں پیش کیا جانے والا بینڈ اسینڈ ایک صدی پرانا ہے اور 1920 سے اس کے تحت پروگرام منعقد کیے جا رہے ہیں انہوں نے کہا کہ اس فیسٹیول کے ذریعے عصری فنون کو تاریخی مقامات کے امتزاج کے ساتھ شہریوں کے سامنے پیش کیا جا رہا ہے تاکہ اس فیسٹیول میں شرکت کرنے والے شہریوں کے ذہنوں میں طویل عرصے تک یہ یادیں محفوظ رہیں اور وہ ان سے ہمیشہ محظوظ ہوتے رہیں، انہوں نے بتایا کہ اس فیسٹیول میں 10 مختلف ملکوں سے تعلق رکھنے والے مصوروں کے 40 سے زائد فن پارے شامل کیے گئے ہیں جسے شہریوں اور فن کے دلدادہ شائقین نے بے حد سراہا ہے اس کے علاوہ یہاں پیش کیے جانے والی ویڈیوز اور موسیقی سے بھی شہریوں نے بھرپور لطف اٹھایا ہے اور ان کے ذریعے شہریوں کو دیئے جانے والے پیغام کے مثبت نتائج برآمد ہوں گے۔

سندھ ہائی کورٹ کے توہین عدالت کی درخواست پرحکومت سندھ ودیگر کو نوٹس جاری

وزیراعلیٰ سندھ نے 7 روزہ خصوصی انسداد پولیو مہم کا افتتاح کردیا

کراچی:گاڑی ٹکر سے نجی ٹی وی چینل کا کارکن جاں بحق، ڈمپر نے نوجوان کچل دیا

سندھ ہائیکورٹ نے میئر کراچی کے براہ راست انتخاب سے متعلق درخواست پر تحریری حکم جاری کر دیا۔

باغی ٹی وی کی رپورٹ کے مطابق تحریری حکم نامے میں کہا گیا ہے کہ وکیل درخواستگزار کے مطابق مئیر کراچی سے متعلق درخواستیں آئینی تناظر میں دائر ہیں۔ وکیل درخواستگزار نے کہا کہ 26 ویں آئینی ترمیم کے بعد یہ درخواستیں آئینی بینچ ہی سن سکتا ہے۔جب تک صوبائی اسمبلی میں آئینی بینچ کی تشکیل کا مرحلہ مکمل نہیں ہوتا اس وقت روسٹر کے مطابق بینچز سماعت کرتے رہیں گے۔ 26 ویں ترمیم کے تحت ہائی کورٹس میں آئینی بینچ کی تشکیل کے لئے متعلقہ اسمبلیوں کو کثرت رائے سے قرارداد منظور کرنا ہوگی۔ آئینی بینچ کا مرحلہ مکمل ہونے تک حسب معمول بینچز اپنا کام جاری رکھیں۔عدالت نے آئندہ سماعت پر وکلا سے دلائل طلب کرلیے۔ عدالت نے درخواستوں کی مزید سماعت یکم نومبر تک ملتوی کردی۔ عدالت نے عبوری حکم امتناع میں آئندہ سماعت تک توسیع کردی ۔ عدالت نے مئیر کراچی کی کامیابی کے نوٹیفکیشن کو درخواست کے حتمی فیصلے سے مشروط کر رکھا ہے۔

ایکسپو سینٹر میں پانچویں ٹیکسپو پاکستان نمائش کا باقائدہ آغاز ہو گیا

رعنا انصار کے بیٹے کی نمازِ جنازہ ادا ، چیئرمین ایم کیو ایم سمیت سیاسی و سماجی شخصیات کی شرکت

سندھ بلڈنگ کنٹرول اتھارٹی کی شہر بھر میں بڑے پیمانے پر توڑ پھوڑ کاسلسلہ جاری

گلبرک ٹائون اینٹی انکروچمنٹ سیل کی واٹرپمپ مارکیٹ میں تجاوزات کیخلاف بھرپور کارروائی کر دی.

باغی ٹی وی کی رپورٹ کے مطابق مئیر کراچی مرتضیٰ وہاب ڈپٹی کمشنر سینٹرل طحہ ٰ سلیم اور چیئرمین گلبرک ٹائو ن نصرت اللہ خان کی ہدایت پر سینئر ڈائریکٹرلینڈ عمار احمدخان نے ایکشن لیا اے ڈی سی ون اور ڈائریکٹرلینڈ سینٹرل کی زیر نگرانی ڈپٹی ڈائریکٹر لینڈ سینٹرل محمد ریحان نے اے سی گلبرک احمد مرتضیٰ عملے اور علاقہ پولیس کے ہمراہ واٹر پمپ مارکیٹ میں تجاوزات کیخلاف بھرپور آپریشن کیا اور ٹھیلے وپتھارے ضبط کرکے کے ایم سی اسٹور میں جمع کرادئیے اور مین روڈ سروس روڈ اور فٹ پاتھوں کو کلئیر کرادیا گیا علاوہ ازیں مئیر کراچی مرتضیٰ وہاب اور چیئرمین گلبرک ٹائون نصرت اللہ کی ہدایت پر گلبرک ٹائون میں تجاوزات کیخلاف آپریشن تسلسل کے ساتھ جاری ہے. واضح رہے رواں ہفتے وزیر اعلی سندھ کی زیر صدارت اجلاس میں تجاوزات کے خلاف کراچی بھر میں کاروائی کرنے کا فیصلہ کیا گیا تھا.

کراچی پولیس کےشہید اہلکار کے قاتل افغانی شہری نکلے، مقابلے مٰیں ہلاک

کراچی میں دفعہ 144 میں 2 دن کی توسیع

پی ایم ڈی سی نے چاروں صوبوں میں میڈیکل و ڈینٹل کالجز میں داخلے روک دیئے

پی ایم ڈی سی نے چاروں صوبوں میں میڈیکل و ڈینٹل کالجز میں داخلے روک دیئے

کراچی میں جراثیم کش اسپرے نہ ہونے کی وجہ سے وبائی امراض پھوٹنے کا خدشہ پیدا ہوگیا، شہری مختلف امراض میں مبتلا ہور ہے ہیں بلدیہ عظمی کراچی اور پچیس ٹائون ہاتھ پر ہاتھ رکھ کر بیٹھے ہوئے ہیں۔

باغی ٹی وی کی رپورٹ کے مطابق کراچی میں بارشوں کے بعد جراثیم کش اسپرے کی مہم شروع نہیں ہو سکی جس کی وجہ سے مچھروں، مکھیوں کی بہتات ہو گئی ہے اور گندگی اور غلاظت کی وجہ سے وبائی امراض پھوٹنے کا خدشہ پیدا ہو گیا ہے۔بلد یہ عظمی کراچی اور پچیس ٹائونز کی انتظا میہ خاموش تماشائی بنی ہوئی ہے، شہر میں کہیں بھی جراثیم کش اسپرے نہیں کیا جا رہا جس کی وجہ سے شہری ڈینگی، ملیریا، چکن گونیا سمیت مختلف امراض میں مبتلا ہورہے ہیں۔کراچی کے تمام سرکا ری و نجی اسپتال اس وقت مریضوں سے بھرے ہوئے ہیں لیکن شہرمیں جراثیم کش اسپرے کا مرحلہ اب تک شروع نہیں ہوسکا، بلدیہ عظمی کراچی مختلف ٹیکسوں کی ریکوری پراپنی پوری طاقت صرف کررہی ہے لیکن عوام کو سہولیات فراہم کرنے کے لیے کوئی اقدامات نہیں کیے۔دوسری جانب پچیس ٹائونز کی انتظا میہ بھی عوام کو ریلیف فراہم کر نے کے لیے کو ئی اقدامات کرنے کو تیارنہیں ہے جس کی وجہ سے شہریوں کو شدید مشکلا ت کاسامنا کرنا پڑرہا ہے۔شہریوں نے حکومت سندھ سے مطالبہ کیا ہے کہ کراچی میں فوری طور پر جراثیم کش اسپرے کرایا جا ئے تاکہ ان بیماریوں سے بچا جا سکے۔

کراچی کے مختلف علاقوں میں آندھی کیساتھ بارش

کراچی ایئرپورٹ سگنل پر خودکش حملے کے مقام سے ملنے والی باقیات کی شناخت ہوگئی

سندھ ہائی کورٹ نے کے الیکٹرک کے بلوں میں ٹیکس وصولی کے خلاف درخواست مسترد کر دی.

باغی ٹی وی کی رپورٹ کے مطابق بجلی کے بلوں میں ٹیکس وصولی کے خلاف دائر درخواست پر سماعت ہوئی، عدالت نے کہا کہ درخواست مسترد کرنے کی وجوہات بعد میں جاری کی جائیں گی، فنانس ایکٹ کے تحت ٹیکس کا نفاذ کیا جاتا ہے، آپ نے فنانس ایکٹ چیلنج کیا؟۔سندھ ہائی کورٹ نے کہا کہ فیول ایڈجسٹمنٹ کئی ماہ بعد ہوتے ہیں اگر کوئی کرایہ دار ہے تو یہ فیول ایڈجسٹمنٹ اس کی حق تلفی ہے۔درخواست گزار کے وکیل نے کہا کہ نیپرا درخواست کا جائزہ لے کر فیول ایڈجسٹمنٹ طے کرتا ہے۔کے الیکٹرک کے وکیل نے کہا کہ ایڈوانس ٹیکس، اِنکم ٹیکس دینے والے صارفین پر نافذ نہیں ہوتا اگر درخواست گزار انکم ٹیکس ادا کرتے ہیں تو ہم سے رابطہ کر لیتے، بجلی ایک قابل فروخت شے ہے جس پر ٹیکس لگتے ہیں۔فیول ایڈجسٹمنٹ تیل کی قیمتوں کے مطابق ریگولیٹ ہوتے ہیں۔وکلاءکے دلائل کے بعد عدالت نے کے الیکٹرک کے بلوں میں ٹیکس وصولی کے خلاف درخواست مسترد کر دی۔خیال رہے کہ اس سے قبل سندھ ہائی کورٹ نے کے-الیکٹرک کے بلوں میں میونسپل ٹیکس کی وصولی کے خلاف درخواست پر میئر کراچی مرتضیٰ وہاب، کے-الیکٹرک اور دیگر فریقین کو نوٹس جاری کرتے ہوئے 27 اگست تک جواب طلب کیا تھا۔سندھ ہائی کورٹ کے جسٹس صلاح الدین پہنورکی سربراہی میں دو رکنی بینچ نے سٹی کونسل میں اپوزیشن لیڈر اور جماعت اسلامی کے رکن سیف الدین ایڈووکیٹ کی جانب سے دائر درخواست پر سماعت کی اور حکم نامہ جاری کردیاتھا۔جسٹس صلاح الدین پہنور نے میئر کراچی مرتضیٰ وہاب سے اسکولوں اور اسپتالوں کی فہرست طلب کرلی اور حکم دیا ہے کہ سکولوں اور ہسپتالوں میں بالترتیب طلبہ اور عملے کی تفصیلات بھی پیش کی جائیں۔عدالت نے مئیر کراچی، کے-الیکٹرک اور دیگر فریقین کو نوٹس جاری کرتے ہوئے جواب طلب کیا تھا۔عثمان فاروق ایڈووکیٹ نے عدالت سے استدعا کی کہ مئیر کراچی کی جانب سے لگائے گئے میونسپل ٹیکس غیر قانونی قرار دیا جائے، مئیر کراچی اور کے-الیکٹرک کے درمیان ہونے والے معاہدے کو بھی کالعدم قرار دیا جائے۔

خواتین کو شرعی وراثتی حق فراہم کرنے کی ضرورت،سپریم کورٹ کا فیصلہ

کراچی میں حالیہ بارشوں کے باعث تباہ ہونے والے انفرااسٹریچکر کی بحالی کے لئے کام تیز کردیا گیا ۔

باغی ٹی وی کی رپورٹ کے مطابق بلدیہ عظمیٰ کراچی کے محکمے انجینئرنگ کی جانب سے گزشتہ دونوں دو ارب روپے کی لاگت سے شہر کی 33 سڑکوں کی تعمیر کے ٹینڈرز کی اسکروٹنی کا عمل مکمل کرلیا گیا ہے۔ایک ارب چالیس کروڑ روپے کراچی کی سڑکوں کی تعمیر پر خرچ کئے جائیں گے جبکہ 40 کروڑ روپے کراچی کے انڈر پاسز اور پلوں کی مرمت پر خرچ کیے جائینگے۔20 کروڑ کی لاگت سے شہر کے مختلف سڑکوں پر لگی اسٹریٹ لائٹس کو جدید سسٹم سے لیس کیا جائے گا۔آئندہ ہفتے سے سڑکوں کی تعمیر کے کاموں کا آغاز کردیا جائے گا۔ کے ایم سی کی جانب سے گزشتہ دونوں سڑکوں کی تعمیر کے لئے الاٹ کئے گئے ٹینڈرز کی اسکروٹنی کا عمل مکمل کرلیا گیا ہے جس کے بعد آئندہ ہفتے سے سڑکوں کی تعمیر کا کام شروع کردیا جائے مختلف مقامات پر سڑکوں کی تعمیر پر خرچ ہونے والی رقم کی تفصیلات کے مطابق خوشحال روڈ ،راضی روڈ پی ای سی ایچ ایس اور ایکسپو سینٹر سے اسٹیڈیم جانے والی سڑک کی مرمت پر 5 کروڑ روپے خرچ ہونگے، بابائے خیبر روڈ سے مومن آباد پولیس اسٹیشن تک میٹروول پر موجود سڑک کی مرمت اور سیوریج کے نظام کی بحالی پر 8 کروڑ خرچ ہونگے شاہراہ اورنگی کی مرمت پر 8 کروڑ روپے خرچ کیے جائینگے حب ریور روڈ ،مدینہ الحکمت روڈ ،لال شہباز قلندر روڈ محمود روڈ کی مرمت اور سیوریج نظام کی بحالی پر 21 کروڑ روپے خرچ ہونگے کشمیر روڈ ،چاندنی چوک اور کامران چورنگی کی مرمت پر 5 کروڑ روپے خرچ کیئے جائینگے.

نیو ٹاؤن پولیس اسٹیشن سے پی آئی بی کالونی اور نظامی روڈ کی مرمت کی بحالی پر پانچ کروڑ روپے خرچ ہونگے اسی طرح ناظم آباد ،لیاقت آباد ،طارق روڈ اور عمر شریف انڈر پاس کی مرمت پر 10 کروڑ روپے خرچ ہونگے، اسین آباد ،ناتھا خان ،ڈرگ روڈ پل کی مرمت پر 10 کروڑ روپے خرچ ہونگے،گلشن چورنگی ،لیاقت آباد اور نیپا کے پل کی مرمت پر پانچ کروڑ روپے خرچ ہونگے،سہراب گوٹھ ،گولی مار اور پاکستان کوارٹر کے پل کی مرمت پر پانچ کروڑ روپے خرچ ہونگے،آئی سی آئی ،بلوچ کالونی اور کارساز کے پل کی مرمت پر پانچ کروڑ روپے خرچ ہونگے،ضلع وسطی میں سات ہزار اور شاہ ولی اللہ روڈ کی اسٹریٹ لائٹس کی مرمت پر پانچ کروڑ روپے خرچ ہونگے،اتحاد ٹاؤن روڈ ،بلدیہ اسٹیڈیم روڈ ،جنگل اسکول روڈ اور 13 ڈی گلشن اقبال اسٹریٹ لائٹس کی مرمت پر پانچ کروڑ روپے خرچ ہونگے،ملیر پندرہ ریلوے گیٹ ،ابراہیم حیدری روڈ ،بہادر یار جنگ روڈ کورنگی ،اولڈ کوئن روڈ ،کلب روڈ،آئی آئی چند دیگر روڈ ،سندھ سیکریٹریٹ روڈ کی اسٹریٹ لائٹ کی مرمت پر پانچ کروڑ روپے خرچ ہونگے،گلستاں جوہر کانٹیننٹل بیکری ،کامران چورنگی ،میڈی کیئر اسپتال شرف آباد ، نیو ٹاؤن پولیس اسٹیشن ،پی آئی بی کالونی سمیت دیگر علاقوں کی اسٹریٹ لائٹس پر پانچ کروڑ روپے خرچ ہونگے.

بلدیہ عظمیٰ کراچی کے محکمے انجینرنگ نے اسکروٹنی کے بعد ٹھیکے حاصل کرنے والی کمپنیوں سے آئندہ ہفتے سڑکوں کے تعمیراتی کام شروع کرنے کی ہدایت دی ہیں جبکہ محکمہ انجینئرنگ نے میئر کراچی کی ہدایت پر تمام کمپنیوں کو واضح طور پر ہدایت دی ہیں کہ سڑکوں کی تعمیر میں کسی قسم کی کوتاہی برداشت کی جائے گئی اور ناہی کسی کو غیر معیاری میٹریل استعمال کرنے کی اجازت دی جائے گی زرائع کا کہنا ہے کہ میئر کراچی نے محکمہ انجینئرنگ کو ہدایت کی ہے کہ سڑکوں کی تعمیر میں غیر معیاری میٹریل استعمال کرنے والی کمپنیوں کو کے ٹھیکے منسوخ کرکے کمپنی کو بلیک لسٹ کرنے کی ہدایت دی ہیں زرائع بتایا کہ حالیہ بارشوں کے دوران حال پی میں تعمیر کی گئی سڑکوں کی ٹوٹ پھوٹ پر میئر کراچی نے سخت براہمی کا اظہار کیا تھا۔

امیرجماعت اسلامی کراچی منعم ظفر خان نے کہا ہے کہ کراچی کے حق اور وسائل پر کسی کو قبضہ نہیں کرنے دیں گے،عوام کے حقوق اور بلدیاتی نمائندوں کے اختیارات لے کر رہیں گے.

باغی ٹی وی کی رپورٹ کے مطابق ان خیالات کا اظہار انہوں نے چئیرمین لانڈھی ٹائون عبدالجمیل خان ڈپٹی پارلیمانی لیڈر کے ایم سی قاضی صدرر الدین وائس چئیرمین محمد عمران ۔گروپ لیڈر الخدمت عبدالحفیظ۔کواڈینیٹر لانڈھی ٹاون اقبال سعید۔ڈپٹی ڈائریکٹر انفارمیشن کامران نواز کیہمراہ سنورتا لانڈھی پروجیکٹ کے تحت یوتھ ایمپاورمنٹ آئی ٹی سینٹر ۔ای لائبریری و کڈزز لائبریری کے افتتاح کے موقع پر منعقدہ تقریب سے خطاب کرتے ہوئے کیا۔منعم ظفر خان نے مزید کہا کہ پیپلز پارٹی اپنے بانی ذوالفقار علی بھٹو کے بنائے گئے 1973 کے آئین کے تحت اختیارات بھی موجودہ بلدیاتی نظام میں منتخب بلدیاتی نمائندوں کو دینے پر تیار نہیں،۔جماعت اسلامی کے چیئرمینز سندھ حکومت کے دیے گئے اختیارات وسائل سے بڑھ کر کام کر رہے ہیں اور وہ کام بھی کروا رہے ہیں جو کہ ایم سی کی ذمہ داری ہے۔سنورتا پروجیکٹ لانڈھی اپنی تکمیل کے بعد تاریخ رقم کرے گا۔ جماعت اسلامی کے منتخب چیئرمینز نے مختصر عرصے کے دوران اختیارات وفنڈز کی کمی کے باوجود بے مثال کام کیے ہیں ،جماعت اسلامی کا یہ عزم ہے کہ اس شہر کے 9 ٹاونز جو جماعت اسلامی سے وابستہ ہیں انکو ماڈل ٹاون بنائیں گے۔

کراچی: موبائل چوری کے الزام میں بدترین تشدد، متاثرہ نوجوان چل بسا

اس موقع ٹاون چئیرمین عبدالجمیل خان کہا کہ ہم عوام کی خدمت کو اپنا نصب العین سمجھتے ہیں۔جماعت اسلامی کی تاریخ گواہ ہے کہ ہم کو جب بھی عوامی خدمت کا موقعہ ملا ہے ہم نے ترقیاتی کاموں کے ریکارڈ بنائے ہیں۔اس موقع پر عبدالحفیظ ۔قاضی صدر الدین و دیگر نے خطاب کیا۔جبکہ ڈپٹی ڈائریکٹر انفارمیشن محمد کامران نواز نے سنورتا لانڈھی پروجیکٹ کے تحت جاری ترقیاتی کاموں کے حوالے تفصیلی بریفنگ بھی دی۔

کے الیکٹرک کا لائسنس منسوخ کر دیا تو ملک میں انارکی ہوگی، نیپرا

متحدہ قومی موومنٹ پاکستان (ایم کیو ایم پاکستان) نے کراچی میں ترقیاتی کاموں میں اپنے ووٹرز والی یوسیز کو نظر انداز کرنے کا الزام لگاتے ہوئے معاملہ صدر آصف زرداری کے سامنے اٹھانے کا فیصلہ کرلیا۔

باغی ٹٰ وی کی رپورٹ کے مطابق ذرائع ایم کیو ایم پاکستان نے کہا کہ فنڈز جاری ہونے کے باجود کراچی میٹروپولیٹن کارپوریشن (کے ایم سی) نے محض چند حلقوں میں ترقیاتی کام کیا، جان بوجھ کر ایم کیو ایم پاکستان کے ووٹرز والی یوسیز اور علاقے نظر انداز کیے جارہے ہیں۔کے ایم سی ٹاؤن چیئرمین اور پیپلز پارٹی کی مقامی قیادت کام میں بھی تفریق کررہی ہے۔ذرائع نے بتایا کہ ایم کیو ایم پاکستان کا وفد 2 سے 3 روز میں صدر مملکت آصف زرداری سے ملاقات کرے گا جس میں میں خالد مقبول، مصطفی کمال، فاروق ستار اور دیگر رہنما شریک ہوں گے۔

بجلی کے بلوں میں کمی نہ لائی گئی تو تحریک منظم کی جائے گی ، حافظ نعیم

میئر کراچی بیرسٹر مرتضیٰ وہاب نے کہا ہے کہ شہر میں گزشتہ بارشوں سے متاثرہ انفراسٹرکچر کی بحالی کا کام تیزی سے جاری ہے.

باغی ٹی وی کی رپورٹ کے مطابق میڈیا کو جاری بیان میں مرتضی وہاب کا کہنا تھا کہ اورنگی ٹائون میں قصبہ موڑ کے اطراف سڑکوں کی مرمت اور استرکاری کا کام انجام دیا جا رہا ہے جس سے اس علاقے کے مکینوں کو آمدورفت میں سہولت فراہم ہوگی، آئی آئی چندریگر روڈ ،شاہراہ اورنگی، جی الانہ روڈ، بلوچ کالونی روڈ اور میوہ شاہ روڈ سمیت مختلف دیگر سڑکوں کی تعمیر و مرمت کے کام بھی ترجیحی بنیادوں پر انجام دیئے جا رہے ہیں جس کا مقصد متاثرہ انفراسٹرکچر کو جلد از جلد شہریوں کے لئے بہتر بنانا ہے، حکومت سندھ کی طرف سے ٹائون انتظامیہ سے بھی ان کی زیر انتظام ذیلی سڑکوں اور گلیوں کی مرمت و بحالی کے لئے تجاویز طلب کی گئی ہیں تاکہ پورے شہر میں سڑکوں اور گلیوں کو موٹر ایبل بنایا جاسکے، تنقید کرنے والے تنقید کرتے رہیں ہم اپنا کام کرتے رہیں گے اور شہر کی بہتری کے لئے انجام دیئے جانے والے کاموں میں سب کو ساتھ لے کر چلنے کی حکمت عملی پر عمل پیرا رہیں گے.

میئر کراچی بیرسٹر مرتضیٰ وہاب نے کہا کہ کے ایم سی کا محکمہ انجینئرنگ شہر کے مختلف علاقوں میں حالیہ بارشوں سے متاثر ہونے والی سڑکوں اور شاہراہوں کی مرمت اور استرکاری کا کام انجام دے رہا ہے اور اس کام کے لئے تمام تر وسائل بروئے کار لائے جا رہے ہیں، انہوں نے کہا کہ بلدیہ عظمیٰ کراچی کے زیر انتظام 106 مرکزی سڑکوں اور شاہراہوں کو بہتر بنانے کے ساتھ ساتھ ٹائون انتظامیہ کو بھی ان کی حدود میں آنے والی گلیوں اور ذیلی سڑکوں کی مرمت و بحالی میں مدد کی پیشکش کی ہے تاکہ سب مل کر شہر کو بہتر بنانے میں اپنا کردار ادا کریں، تعمیراتی کاموں میں معیار کو یقینی بنانے کے لئے ایسے اقدامات کئے جا رہے ہیں جن سے غیرمعیاری کاموں کی حوصلہ شکنی ہو اور شہر کی تعمیر و ترقی کے لئے مختص کئے جانے والے فنڈز کا ایک ایک پیسہ شفاف طریقے سے استعمال ہوسکے، سڑکوں کی تعمیر و مرمت میں جن ٹھیکیداروں کا کام غیر معیاری پایا گیا انہیں بلیک لسٹ کیا جا رہا ہے اور تعمیراتی کاموں کی مسلسل مانیٹرنگ کا طریقہ کار اپنایا جا رہا ہے جس سے مستقبل میں شہر کے بنیادی انفراسٹرکچر کو پائیدار بنانے میں مدد ملے گی.

انہوں نے کہا کہ سڑکوں کی مرمت و بحالی کے کام بلاتخصیص شہر کے تمام اضلاع میں جاری ہیں ، ہم پورے شہر میں ترقیاتی عمل کو یکساں رفتار سے جاری رکھنے پر یقین رکھتے ہیں اور اس کے لئے تمام متعلقہ شہری اداروں سے رابطے کا عمل جاری ہے، میئر کراچی بیرسٹر مرتضیٰ وہاب نے کہا کہ کے ایم سی کو آئندہ برسوں میں دس سے گیارہ ارب روپے سالانہ ترقیاتی پروگرام کے تحت اور سوا تین ارب روپے مختلف ٹیکسز کی مد میں ملیں گے لہٰذا سڑکوں کے تعمیراتی کاموں میں فنڈز کی فراہمی کا کوئی مسئلہ نہیں ہے تاہم اس بات کی ضرورت ہے کہ شہریوں کی نمائندگی کرنے والے تمام بلدیاتی نمائندے اس سلسلے میں اپنے فرائض دیانتداری کے ساتھ انجام دیں اور اپنے علاقوں کے مسائل حل کرانے کے لئے متعلقہ اداروں سے رجوع کریں۔

حکومت سندھ نے کتے کی قبر کو محفوظ ورثہ قرار دینے کی منظوری دیدی