Tag: بلوچستان

لاہور: ‏وزیرِاعلیٰ پنجاب مریم نواز شریف سے بلوچستان ریزیڈنشل کالج لورا لائی کے 50 رکنی طلبہ کے وفد نے ملاقات کی-

باغی ٹی وی : وزیرِاعلیٰ پنجاب مریم نواز شریف نے بلوچستان کے طلبہ کے لئے لیپ ٹاپ کا تحفہ اور بلوچستان کے طلبہ کی درخواست پر سیر و سیاحت کے لئے جیب خرچ دینے ڈبل ڈیکر بس پر لاہور کی سیر کرانے اور بہترین ہوٹل میں لنچ کا اہتمام کرنے کی ہدایت کی-

بلوچستان کے طلبہ نےپنجاب میں وزیرِاعلیٰ مریم نواز شریف کے اقدامات کی تعریف کی،بلوچستان کے طلبہ نے پنجاب میں تعلیم حاصل کرنے کی خواہش کا اظہار کیا ،وزیرِاعلیٰ مریم نواز شریف نے بلوچستان کے طلبہ کیلئے مصروفیات ترک کردیں۔

خاتون اول آصفہ بھٹو شعبہ صحت میں تعاون پر چینی حکومت کی مشکور

مریم نواز شریف نے کہا کہ بہت جلد بلوچستان آکر طلبہ کو ہونہار سکالرشپ دینا چاہتی ہوں، بس چلے تو پنجاب سے زیادہ سکالر شپ اور لیپ ٹاپ بلوچستان کے طلبہ کو دوں، کافی عرصے سے بلوچستان کے طلبہ کے بارے میں سوچ رہی تھی، بلوچستان کے طلبہ کو ای بائیک دینے کا بھی جائز ہ لیا جائے گا-

وزیراعلیٰ پنجاب نے کہا کہ جہاں پاکستان مسلم لیگ (ن) کی حکومت رہی ترقی وہاں پر ہوئی، نواز شریف کے 3 مرتبہ وزارتِ عظمی کے دور میں بلوچستان اوپر کو گیا، نواز شریف نے بلوچستان پر ہر مرتبہ بھرپور توجہ دی، شاید پنجاب سے بھی زیادہ بلوچستان توجہ کا مرکز رہا، ہر پاکستانی کی طرح میرے دل میں بھی بلوچستان کے لئے بہت محبت ہے-

قومی اسمبلی میں پھر ہنگامہ آرائی ، اپوزیشن نے ایجنڈے کی کاپیاں پھاڑ دیں

انہوں نے کہا کہ نواب احمد جوگیزئی نے خون سے پاکستان زندہ باد کا نعرے والا رومال ساتھ دفن کرنے کی وصیت کی، بلوچستان پاکستان کے لئے جانیں دینے والے شہداء کی سرزمین ہے، بلوچستان کے لوگوں کے لئے دل تڑپتا ہے، بلوچستان کے بچے کسی سے کم نہیں،موافق حالات ملیں تو سب سے آگے بڑھیں گے،جتنا پنجاب کے بچوں کے بارے میں سوچتی ہوں، اتنی ہی فکر بلوچستان اور دیگر صوبے کے بچوں کے لئے بھی ہے-

مریم نواز نے کہا کہ دہشت گردوں کا بلوچستان میں فعال ہونا افسوسناک اور تکلیف دہ ہے، سچائی کو عقل ودانش اور شعور کی کسوٹی پر پرکھنا چاہیے، دہشت گرد خود باہر رہتے ہیں، بچے بھی باہر رکھتے ہیں اور دوسروں کے بچوں کو ورغلا کر مرواتے ہیں، ہم پنجابی اور بلوچی بعد میں ہیں پہلے پاکستانی ہیں، پنجاب میں 3 لاکھ سے کم آمدن والے 30 ہزار بچوں کو ہونہار سکالر شپ دے رہے ہیں-

دنیا صرف مذمتیں کرتی رہی،ٹرمپ نے غزہ میں سیز فائر کرادیا،تجزیہ :شہزاد قریشی

وزیراعلیٰ پنجاب نے کہا کہ سرکاری ہی نہیں اچھی پرائیویٹ یونیورسٹی کے طلبہ کو پہلی مرتبہ سکالر شپ مل رہا ہے، 30 ہزار میں سے ایک بھی سکالر شپ سفارش پر نہیں دیا، 18 ہزار طالبات نے ہونہار سکالرشپ حاصل کیا، سکالر شپ دیتے ہوئے کسی سے نہیں پوچھا گیا کہ تعلق کس جماعت سے ہے، سکالرشپ حاصل کرنے والے اگلے 4 سال مفت تعلیم حاصل کریں گے-

مریم نواز نے کہا کہ لاہور میں بیٹھ کر سکالر شپ نہیں دیئے، 9 ڈویژن میں جاکر بچوں کو سکالرشپ دئیے، ہونہار سکالرشپ کی تقریب میں جو اپنائیت اور محبت طلبہ کی طرف سے ملی، خواب سا لگتا ہے، طلبہ کی طرف سے ملنے والی محبت اور پیار کو مخالفین نے ڈرامہ قرار دیا، ہونہار سکالر شپ میں انڈر گریجوایٹ پروگرامز کے سیکینڈ ایئر اور تھرڈ ایئر کے طلبہ کو بھی شامل کیا جارہا ہے-

انسانیت کا عملی مظاہرہ: فیصل آباد کا خاموش مسیحا

مریم نواز شریف نے کہا کہ ڈیجیٹل دور میں لیپ ٹاپ کے بغیر پڑھائی ممکن نہیں،منصب عوام کی امانت ہے، اللّٰہ اور عوام کے سامنے خود جوابدہ سمجھتی ہوں، پنجاب میں لائیو سٹاک کارڈ، گرین ٹریکٹر، کسان کارڈ، انٹرن شپ اور دیگر اقدامات سے زراعت کو فروغ دے رہے ہیں، فری میڈیسن، ڈائلیسز کارڈ اور صحت کی دوسری سہولتوں سے بلوچستان کے لوگ مستفید ہوتے ہیں، مانگ کر قومیں ترقی نہیں کرتیں، 2016میں آئی ایم ایف کے چنگل سے نکلے، بعد میں پھر پھنسا دیا گیا-

وزیر اعلیٰ پنجاب نے کہا کہ اپنے وسائل اور انسانی ترقی کو ذریعہ بنا کر آگے بڑھنا چاہتے ہیں، پنجاب اور بلوچستان کو آبادی کے لحاظ سے فنڈز ملتے ہیں، بلوچستان قدرتی وسائل سے مالا مال ہے، ہمارے اتنے وسائل نہیں لیکن ریونیو بڑھا کر عوام پر خرچ کرتے ہیں، سڑکیں اور پل ہی نہیں بنا رہے بلکہ لوگوں کی حالت بدلنے پر توجہ دے رہے ہیں،ہر کسی کو ترقی کا ثمر ملنا چاہیے، پاکستان کے پہلے سرکاری نواز شریف کینسر ہسپتال بلوچستان اور دیگر صوبوں کے لوگ بھی علاج کرا سکیں گے، چین سے کینسر کے علاج کے لئے لیکویڈ نائٹروجن کرائیو سرجری مشین لارہے ہیں-

آج کے دن تک بانی پی ٹی آئی کو جیل میں رکھنے کا ہدف پورا ہوگیا،فیصل واوڈا