Baaghi TV

Tag: بلوچستان

  • بلوچستان حکومت نے ضلع گوادر کو ٹیکس فری زون قرار دے دیا

    بلوچستان حکومت نے ضلع گوادر کو ٹیکس فری زون قرار دے دیا

    بلوچستان حکومت نے ضلع گوادر کو ٹیکس فری زون قرار دے دیا اور وفاقی حکومت سے بھی گوادر کو ٹیکس فری قرار دینے کی سفارش کردی۔

    باغی ٹی وی: بلوچستان حکومت کا کہنا ہے کہ ضلع گوادر میں سروسز، ایکسائز ٹیکس اور جائیداد کی منتقلی پر کوئی ٹیکس نہیں ہوگا، وفاقی حکومت ضلع گوادر کو اسپشل اکنامک ڈسٹرکٹ قرار دے۔

    سعید ہاشمی کے بیٹے نے ” باپ” سے علیحدگی اختیار کر لی

    گوادر سے تعلق رکھنے والے سینیٹر کہدہ بابر نے ٹیکس فری زون سے متعلق کابینہ کا فیصلہ خوش آئند قراردےدیا میں وزیراعلی بلوچستان عبدالقدوس بزنجو اور کابینہ کا مشکور ہوںاور کہا کہ صوبائی کابینہ نے گوادرکو ٹیکس فری زون کا درجہ دے کردیرینہ مطالبہ منظور کرلیا، وفاقی حکومت بھی وفاقی ٹیکسز میں چھوٹ دے، ٹیکس فری زون سے گوادر پورٹ فعال اور سرمایہ کار راغب ہوں گے۔

    گوادر سے تعلق رکھنے والے سینیٹر کہدہ بابرنے ٹیکس فری زون سے متعلق کابینہ کا فیصلہ خوش آئند قرار دے دیا۔ سینیٹر کہدہ بابر نے کہا کہ م، صوبائی کابینہ نے گوادر کو ٹیکس فری زون کادرجہ دے کر ہمارا دیرینہ مطالبہ منظورکرلیاوفاقی حکومت بھی وفاقی ٹیکسزمیں چھوٹ دے۔

    ایران کا پاکستان سمیت خلیجی ریاستوں کے ساتھ بحری اتحاد بنانے کا منصوبہ

    سینیٹر کہدہ بابر نے کہا کہ گوادر ٹیکس فری زون سے سی پیک اصل روح میں بحال ہوگا، پورٹ سٹی دبئی اور سنگارپور بھی ٹیکس فری زون تھے تبھی ترقی ہوئی،گوادرمیں انڈسٹری لگنے سے لاکھوں لوگوں کو روزگار اور فارن ایکسچینج بھی آئے گا گوادر میں انڈسٹری لگنے سے لاکھوں لوگوں کو روزگار اور فارن ایکسنچ بھی آئےگا۔

  • آڈیو لیکس کمیشن ، کاروائی روک دی گئی، مزید کاروائی نہیں کر رہے،جسٹس قاضی فائز عیسی

    آڈیو لیکس کمیشن ، کاروائی روک دی گئی، مزید کاروائی نہیں کر رہے،جسٹس قاضی فائز عیسی

    مبینہ آڈیوز کی تحقیقات کیلئے قائم انکوائری کمیشن کا معاملہ.انکوائری کمیشن کے لیے کیمرے، کمپیوٹر، پرنٹر و دیگر سامان واپس بھجوا دیا گیا.سپریم کورٹ کے پانچ رکنی لارجر بینچ نے انکوائری کمیشن کی کاروائی روک دی تھی. انکوائری کمیشن نے جدید آلات کے ذریعے کاروائی کو آگے بڑھانا تھا. جسٹس قاضی فائز عیسیٰ کی سربراہی میں تین رکنی کمیشن نے کاروائی ملتوی کردی ہے.

    مبینہ آڈیوز انکوائری کمیشن کے دوسرے اجلاس کا حکمنامہ جاری کر دیا گیا محکمنامہ میں کہا گیا کہ اٹارنی جنرل نے پانچ ججز کا 26 مئی کا جاری کردہ آرڈر پڑھ کر سنایا، اٹارنی جنرل نے کہا درخواست گزاروں نے انکوائری کمیشن کے خلاف مفاد عامہ کے تحت سپریم کورٹ سے رجوع کیا، اٹارنی جنرل سے پوچھا کیا انکوائری کمیشن کو سپریم کورٹ کے پانچ رکنی بینچ کے سامنے فریق بنایا گیا؟ اٹارنی جنرل نے جواب دیا کہ صدر سپریم کورٹ بار اور سیکرٹری سپریم کورٹ بار نے کمیشن کو بذریعہ سیکرٹری فریق بنا رکھا ہے، اس تناظر میں انکوائری کمیشن کا اجلاس ملتوی کیا جاتا ہے،

    آڈیو لیکس جوڈیشل کمیشن ،جسٹس قاضی فائز عیسی اور کمیشن کے ارکان سپریم کورٹ پہنچ گئے. اٹارنی جنرل بھی سپریم کورٹ پہنچ گئے ،آج آڈیو لیکس کمیشن نے گواہان کو طلب کر رکھا تھا.سپریم کورٹ کے پانچ رکنی بینچ نے کل کمیشن کو کاروائی سے روک دیا تھا سپریم کورٹ نے کل کمیشن کے قیام کا نوٹیفکیشن بھی معطل کر دیا تھا.

    مبینہ آڈیو لیکس کی انکوائری کیلئے جوڈیشل کمیشن کا دوسرا اجلاس شروع ہو گیا،جسٹس قاضی فائز عیسی کی سربراہی میں تین رکنی کمیشن کاروائی کر رہا ہے اسلام آباد ہائیکورٹ اور بلوچستان ہائیکورٹ کے چیف جسٹسز عامر فاروق اور نعیم افغان کمیشن کا حصہ ہیں ،اٹارنی جنرل کمیشن کے سامنے پیش ہوئے،اٹارنی جنرل نے گزشتہ روز کا عدالتی حکم پڑھ کر سنایا ،جسٹس قاضی فائز عیسیٰ نے ریمارکس دیتے ہوئے کہا کہ انکوائری کمیشن کو سماعت سے قبل نوٹس ہی نہیں تھا تو کام سے کیسے روک دیا،سپریم کورٹ رولز کے مطابق فریقین کو سن کر اس کے بعد کوئی حکم جاری کیا جاتا ہے،جسٹس قاضی فائز نے اٹارنی جنرل سے استفسار کیا کہ آپ کیوں کل کمرہ عدالت میں تھے نوٹس تھا یا ویسے بیٹھے تھے،اٹارنی جنرل نے عدالت میں کہا کہ مجھے زبانی بتایا گیا تھا کہ آپ عدالت میں پیش ہوں،سماعت کے بعد مجھے نوٹس جاری کیا گیا،جسٹس قاضی فائز عیسیٰ کا کہنا تھا کہ ایک جج کے خلاف الزام پر سیدھا ریفرنس جائے تو وہ پوری زندگی بھگتتا رہے گا

    جسٹس قاضی فائز عیسیٰ نے عبدالقیوم صدیقی کو روسٹرم پر بلا لیا ان کا کہنا تھا کہ ہوسکتا ہے انہیں کمیشن کی کارروائی پرکوئی اعتراض نہ ہو ان کے دوسرے فریق نے ہمیں درخواست بھیجی انکے دوسرے فریق نے کہا کہ وہ میڈیکل چیک اپ کے لیے لاہور ہیں، کہا جب لاہورآئیں توان کا بیان بھی لے لیں،عابد زبیری اور شعیب شاہین نے آج آنے کی زحمت بھی نہیں کی، کیا انہیں آ کر بتانا نہیں تھا کہ کل کیا آرڈ ہوا ،

    جسٹس قاضی فائز عیسیٰ نے اٹارنی جنرل کو جج کا حلف پڑھنےکی ہدایت کی ، انہوں نے حلف پڑھا تو جسٹس قاضی فائز عیسیٰ نے کہا کہ حلف میں لکھا ہے فرائض آئین و قانون کے تحت ادا کروں گا یہ انکوائری کمیشن ایک قانون کے تحت بنا ہے کمیشن آف انکوائری ایکٹ کے تحت یہ کمیشن بنایا گیا ہم صرف اللہ کے غلام ہیں اور کسی کے نہیں شعیب شاہین روزانہ ٹی وی پربیٹھ کر وکلا پریکٹس اینڈ پروسیجر ایکٹ کی خلاف ورزی کرتے ہیں ہمیں قانون سکھانے آگئے ہیں رولز کے مطابق وکیل اپنے مقدمے سے متعلق میڈیا پر بات نہیں کر سکتا کوئی بات نہیں سکھائیں ہم تو روزانہ قانون سیکھتے ہیں ،جسٹس قاضی فائز عیسیٰ سانحہ کوئٹہ کا ذکرکرتے ہوئے جذباتی ہوگئے ان کا کہنا تھا کہ ہمیں اس طرح کی دردناک تحقیقات کرنی پڑتی ہیں اب ہمیں ٹاک شوز میں کہا جائے گا ہم آئین کی خلاف ورزی کر رہے ہیں حلف کے تحت اس کمیشن کی اجازت نہ ہوتی تو معذرت کر کے چلا گیا ہوتا ٹی وی پر ہمیں قانون سکھانے بیٹھ جاتے ہیں یہاں آکر بتاتے نہیں کہ اسٹے ہوگیا ہے ایک طرف پرائیویسی کی بات کرتے ہیں اور دوسری طرف خود اپنی آڈیوز پر ٹاک شو میں بیٹھے ہیں ہم ججز ٹاک شو میں جواب تو نہیں دے سکتے بطور وکیل ہم بھی اس لیے آرڈر لیتے تھے کہ اگلے روز جا کر متعلقہ عدالت کو آگاہ کرتے ،جسٹس قاضی فائز عیسیٰ نے سوال کیا کہ یہ ٹویٹر کیا ہے؟ پتہ تو چلے کہ کون آڈیو جاری کررہا ہے، اصلی ہیں بھی یا نہیں ہوسکتا ہے جن لوگوں کی آڈیوزہیں انہوں نے خود جاری کی ہوں ہوسکتا ہے عبدالقیوم صدیقی نے اپنی آڈیو جاری کی ہو تحقیقات ہونگی تو یہ سب پتا چل سکے گا جج کو پیسے دینے کی بات ہورہی ہے مگر تحقیقات پر اسٹے آجاتا ہے ججز کے بارے میں آڈیوز آئیں تحقیقات تو ہونی چاہیں پرائیویسی کی آڑ میں کیا کسی الزام کی تحقیقات نہیں ہونی چاہیے مجھے کوئی مرضی کے فیصلے کے لیے رقم آفر کرے تو کیا یہ گفتگو بھی پرائیویسی میں آئے گی؟ کیا راستے پر کوئی حادثہ ہوجائے تو اس کی ویڈیو جاری کرنا پرائیویسی کے خلاف ہوگا؟ اٹارنی جنرل کا کہنا تھا کہ ٹوئٹر ایک سافٹ ویئر ہے، ہیکر کا مجھے علم نہیں شاید میڈیا والوں میں سے کوئی جانتا ہو

    جسٹس قاضی فائز عیسیٰ نے اٹارنی جنرل سے مکالمہ کرتے ہوئے کہا کہ حیران ہوں آپ نے کل ان نکات کو رد نہیں کیا، شعیب شاہین نے میڈیا پر تقریریں کر دیں، یہاں آنے کی زحمت نہ کی پرائیویسی ہمیشہ گھر کی ہوتی ہے کسی کے گھر میں جھانکا نہیں جاسکتا باہر سڑکوں پر جو سی سی ٹی وی کیمرے لگے ہیں کیا یہ بھی پرائیویسی کے خلاف ہیں؟ آپ نے کل عدالت کو بتایا کیوں نہیں ان کے اعتراضات والے نکات کی ہم پہلے ہی وضاحت کرچکے ابھی وہ اسٹیج ہی نہیں آئی تھی نہ ہم وہ کچھ کر رہے تھے کمیشن کو سماعت سے قبل نوٹس ہی نہیں کیا گیا تھا توکام سے کیسے روک دیا، ہم کمیشن کی مزید کارروائی نہیں کر رہے ہم آج کی کارروائی کا حکم نامہ جاری کریں گے

    جسٹس قاضی فائز عیسیٰ کا کہنا تھا کہ ہمیں زندگی میں بعض ایسے کام کرنے پڑتے ہیں جو ہمیں پسند نہیں ہوتے، ہمیں پٹیشنرز بتا رہے ہیں کہ حکم امتناع ہے آپ سن نہیں سکتے، وکلا کوڈ آف کنڈکٹ کو کھڑکی سے اٹھا کر باہر پھینک دیا گیا ہے، ہم بعض کام خوشی سے ادا نہیں کرتے لیکن حلف کے تحت ان ٹاسکس کو ادا کرنے کے پابند ہوتے ہیں، ہمیں اس اضافی کام کا کچھ نہیں ملتا، ہمیں کیا پڑی تھی سب کرنےکی

    آڈیو لیکس کمیشن کی کارروائی روک دی گئی،جسٹس قاضی فائز عیسیٰ نے ریمارکس دیتے ہوئے کہا کہ ہم مزید کارروائی نہیں کر رہے،ہم مزید آگے نہیں بڑھ سکتے، آج کی کارروائی کا حکمنامہ جاری کریں گے،

    واضح رہے کہ آڈیو لیکس کے معاملے پر وفاقی حکومت نے 3 رکنی جوڈیشل کمیشن تشکیل دیا ہے، سپریم کورٹ کے سینئر ترین جج جسٹس قاضی فائز عیسیٰ کی سربراہی میں قائم کمیشن میں بلوچستان ہائیکورٹ اور اسلام آباد ہائیکورٹ کے چیف جسٹس شامل ہیں۔

    آڈیو لیکس جوڈیشل کمیشن نے کارروائی پبلک کرنے کا اعلان کر دیا

    عابد زبیری نے مبینہ آڈیو لیک کمیشن طلبی کا نوٹس چیلنج کردیا

    تحریک انصاف کی صوبائی رکن فرح کی آڈیو سامنے

    سردار تنویر الیاس کی نااہلی ، غفلت ، غیر سنجیدگی اور ناتجربہ کاری کھل کر سامنے آگئی 

    سپریم جوڈیشل کونسل کے ہوتے ہوئے کوئی کمیشن قائم ہونا ممکن نہیں، چیف جسٹس نے واضح کر دیا 

    زیر تحقیق 9 آڈیوز کے ٹرانسکرپٹ جاری

  • کالعدم تنظیم بلوچستان نیشنلسٹ آرمی کے بانی کی وزیر داخلہ بلوچستان کے ہمراہ پریس کانفرنس

    کالعدم تنظیم بلوچستان نیشنلسٹ آرمی کے بانی کی وزیر داخلہ بلوچستان کے ہمراہ پریس کانفرنس

    کالعدم تنظیم بلوچستان نیشنلسٹ آرمی (بی این اے) کے بانی گلزار امام شمبے نے قوم سے معافی مانگتے ہوئے کہا ہے کہ ریاست ماں ہے مجھے اصلاح کا موقع دے گی-

    باغی ٹی وی : وزیر داخلہ ضیا لانگو اور سینٹر آغا عمر کے ہمراہ بی این اے کے سابق کمانڈر گلزار امام عرف شمبے نے پریس کانفرنس کرتے ہوئے کہا ہے کہ بے گناہ افراد کے قتل پرقوم اورنوجوانوں سے معافی کا طلبگارہوں بلوچستان کےحالات کی خرابی میں بے روزگاری اور وسائل کی منصفافہ تقسیم کا نہ ہونا ہے، لیکن مسلح تحریکوں کا سب سے زیادہ نقصان بلوچوں کا اپنا ہو رہا ہے۔

    جلیل شرقپوری نے بھی پی ٹی آئی سے علیحدگی کا اعلان کر دیا

    گلزار امام شمبے نے بتایا کہ کچھ عرصہ قبل گرفتار ہوا تو مزاحمتی تحریک کا باریک بینی سے جائزہ لیا اور ماضی کا تجزیہ کیا، اس دوران ریاست اور بلوچستان کے جیو پولیٹیکل اہمیت کو سمجھے بغیر جنگ لڑنے کی غلطی کا ادراک ہوا دوران حراست سمجھا کہ مسلح جدوجہد مسائل کا حل نہیں نے جس راستے کا انتخاب کیا وہ غلط تھا کیوں کہ مسلح جدوجہد سے بلوچستان کے مسائل مزید گمبھیر ہوتے گئے، کچھ طاقتیں بلوچ قوتوں صرف ایک پریشر گروپ کے طور پر استعمال کرنا چاہتی ہیں جس سے نقصان صرف بلوچ قوم کا ہورہا ہے جس کی وجہ سے بلوچستان پستی کا شکار ہوگیا ہے۔

    انہوں نے مسلح جدوجہد میں شامل بلوچ باشندوں سے اپیل کی کہ وہ واپسی کا راستہ اختیار کریں تاکہ مل کر بلوچستان کے مسائل حل کرنے کی کوشش کریں، یہاں سرمایہ اور ترقی نہ ہونے کے برابر ہے، بلوچ طلبا سے بھی اپیل ہے کہ وہ لڑائی میں وقت ضائع کرنے کے بجائے صوبے کی ترقی کے لیے کام کریں.

    صحافی نے سوال کیا کہ بی این اے کو اتنے عرصے میں کروڑوں روپے کی مالی سپورٹ کہاں سے ملی؟ اس پر گلزار امام نے کہا کہ ہر ملک کےاپنے مفادات ہوتے ہیں بلوچستان کی جغرافیائی اہمیت سے کوئی انکار نہیں کرسکتا اوراس پر دنیا کی نظریں ہیں، بلوچوں کو ضرور کہیں نہ کہیں سے سپورٹ مل رہی ہوگی۔

    ظل شاہ قتل کیس : پی ٹی آئی رہنماؤں کی عبوری ضمانت خارج

    گلزار امام نے قوم سے معافی مانگتے ہوئے کہا کہ 15 سالہ تحریک میں جن بے گناہ لوگوں کا خون بہا ان کے پیاروں سے معافی مانگتا ہوں، ریاست ماں ہے مجھے اصلاح کا موقع دے گی، اگر موقع ملا تو نوجوانوں سے رابطے کر کے قومی دھارےم یں لاؤں گا۔

    اس موقع پر وزیرداخلہ بلوچستان ضیا لانگو کا کہنا تھا کہ صوبائی حکومت کی طرف سے کہتا ہوں بات چیت بہتر حل ہے، جن کو حقوق نہیں ملتے ہم ان کے ساتھ ہیں، پاکستان کے قانون کے تحت لوگوں کوروزگارملناچاہئے اگر کوئی ریاست اور اداروں سے کھیلے گا تو کوئی رحم کا کوئی آپشن نہیں ہے، اگر کوئی بات چیت کرنا چاہتا ہے تو ہم دو قدم آگے آجائیں گے، مسائل بات چیت سے ہی حل کئے جاسکتے ہیں۔

    شیریں مزاری کا بھی پارٹی چھوڑنے کا فیصلہ

    واضح رہے کہ گلزار امام عرف شمبے 1978 کو پنجگور میں پروم کے مقام پر پیدا ہوا، 2009 تک ٹھیکیدار اور نیوز رپورٹر کی ملازمتیں کیں، گلزار امام 2018 تک کالعدم بلوچ ری پبلیکن آرمی میں براہمداغ بگٹی کا نائب رہا گلزار امام عرف شمبے نے نومبر 2018 میں بلوچ راجی آجوئی سنگر نامی تنظیم کی تشکیل میں کلیدی کردار ادا کیا، اور یہ کالعدم بلوچستان نیشنل آرمی کا بانی ہے، یہ تنظیم بی آراے، یو بی اے نامی تنظیموں کو ملا کر بنائی گئی۔

    گلزارامام دہشت گردی کی درجنوں وارداتوں سمیت پنجگور اور نوشکی حملوں میں ملوث تھا، اس کے بھارت اور افغانستان سے رابطے تھے، اس نے دسمبر 2017 میں گل نوید کے نام سے افغان پاسپورٹ پر بھارت کا دورہ بھی کیا تھا، اور 11 جنوری 2022 کو بلوچ نیشنلسٹ آرمی کا سربراہ منتخب ہوا۔ گلزار امام شمبے کو 7 اپریل کو گرفتار کیا گیا تھا۔

    ایشیا کپ:بھارت کی ہائبرڈ ماڈل کو تسلیم کرنے کی مشروط رضامندی

  • بلوچستان میں امن سی پیک کے محفوظ مستقبل کی ضمانت ہے،سراج الحق

    بلوچستان میں امن سی پیک کے محفوظ مستقبل کی ضمانت ہے،سراج الحق

    لاہور: امیر جماعت اسلامی سراج الحق نے کہا ہے کہ بلوچستان میں صوبائی حکومت عوامی اعتماد کے شدید فقدان کا شکار ہے-

    باغی ٹی وی : لاہور میں میڈیا سے بات کرتے ہوئے سراج الحق نے کہا کہ بلوچستان کی مجموعی صورتحال انتہائی تشویشناک ہے جبکہ صوبے میں اپوزیشن کے علاوہ حکومت میں شامل جماعتیں بھی مایوس ہیں صوبہ بدا نتظامی اور کرپشن کے سمندر میں غوطے کھا رہا ہے،بلوچستان میں صوبائی حکومت عوامی اعتماد کے شدید فقدان کا شکار ہے، بلوچستان میں امن سی پیک کے محفوظ مستقبل کی ضمانت ہے-

    سراج الحق کےقافلےپرخودکش دھماکاکرنیوالےحملہ آورکی شناخت ہوگئی

    امیر جماعت اسلامی نے کہا کہ ملکی وسائل حکمران اشرافیہ کی حفاظت اور بہتری کے لیے استعمال ہو رہے ہیں، حکمرانوں نے قوم کو لاوارث اور لاچار کردیا، کروڑوں لوگ بدترین مہنگائی اور بدامنی کی چکی میں پس رہے ہیں حالات سنبھالنا حکمران سیاسی جماعتوں کے بس کی بات نہیں، امن و امان کے قیام کے لیے حکومت کے پاس کوئی ایکشن پلان نہیں ہے-

    پاک فوج میں اعلیٰ افسران کے تبادلے

    واضح رہے کہ ژوب میں گزشتہ روز امیر جماعت اسلامی سراج الحق کے قافلے پر خودکش حملہ ہوا تھاجس میں 6 کارکن زخمی جبکہ حملہ آور ہلاک ہوگیا تھا واقعہ کا مقدمہ سی ٹی ڈی تھانہ ژوب میں انسداد دہشت گردی، اقدام قتل اور 3,4,5ایکسپلو سیو ایکٹ کےتحت درج کیا گیا ہے وا قعہ کی مزید تحقیقات سی ٹی ڈی کر رہی ہے اور حملہ آور کے نیٹ ورک کا پتہ لگایا جا رہا ہے۔

    پاکستان نے ایشیاکپ کے لیے دوسرا ہائبرڈ ماڈل پیش کردیا

  • پاک فوج کے تین جوان بلوچستان میں پاک سر زمین پر قربان

    پاک فوج کے تین جوان بلوچستان میں پاک سر زمین پر قربان

    باغی ٹی وی کی رپورٹ کے مطابق پاک فوج کے تین جوان بلوچستان میں پاک سر زمین پر قربان ہو گئے

    آئی ایس پی آر کے مطابق بلوچستان کے علاقے زرغون میں افسوسناک واقعہ پیش آیا، سیکورٹی فورسز کی چیک پوسٹ پر دہشت گردوں نے فائرنگ کی جس کے نتیجے میں پاک فوج کے تین جوان شہید ہو گئے ہیں، ڈی جی آئی ایس پی آر کے مطابق دہشت گردوں کے حملے کے بعد پاک فوج کے جوانوں نے بھی بھر پور جوابی کاروائی کی، جس کے بعد حملہ آور دہشت گرد بھاگ گئے، جوابی کاروائی میں ایک دہشت گرد جہنم واصل بھی ہوا ہے،

    ڈی جی آئی ایس پی آر کے مطابق کوئلے کی کانوں سے بھتہ خوری روکنے کے لیے چیک پوسٹ حال ہی میں بنائی گئی تھی

    وزیراعظم محمد شہباز شریف نے بلوچستان کے علاقے زرغون , مارگٹ میں سیکورٹی فورسز کی چیک پوسٹ پر حملے کی شدید مذمت کی ہے،وزیراعظم نے حملے میں شہید ہونے والے پاک فوج کے جوانوں, سپاہی ضمیر احمد ، سپاہی مدثر اور لانس نائیک عبدالقدیر کو خراج عقیدت پیش کیا ہے وزیراعظم نے شہداء کی بلندی درجات کی دعا اور لواحقین سے اظہار تعزیت کی ہے،وزیراعظم نے حملے میں زخمی ہونے والوں کی جلد صحت یابی کی دعا کی ہے اور کہا ہے کہ شہداء کی قربانیوں کو پوری قوم سلام پیش کرتی ہے،

    سابق صدر آصف علی زرداری نے بلوچستان میں سکیورٹی کے چیک پوسٹ پر حملے کی مذمت کی ہے، آصف علی زرداری نے سکیورٹی فورسز کے جوانوں کی شہادت پر اظہار افسوس کیا ہے، آصف علی زرداری نے شہید جوانوں کے خاندانوں سے ہمدردی اور تعزیت کا اظہار کیا ہے، اور کہا ہے کہ دھرتی اور امن کی خاطر جانیں قربان کرنے والے جوانوں پر قوم کو
    فخر ہے،

    پی پی پی چیئرمین و وزیر خارجہ بلاول بھٹو زرداری نے کازرغون میں سیکیورٹی فورسز کی چوکی پر حملے کی مذمت کی ہے،پی پی پی چیئرمین نے دہشتگردانہ حملے میں سکیورٹی فورسز کے تین جوانوں کی شہادت پر اظہارِ افسوس کیا ہے،
    بلاول بھٹو زرداری نے شہداء کے لواحقین سے دلی تعزیت و یکجہتی کا اظہار کیا ہے، اور کہا ہے کہ ارضِ وطن کی خاطرسکیورٹی فورسز کی قربانیاں بے مثال ہیں ریاستی عملداری کو چیلینج کرنے والوں کو منہ توڑ جواب دیں گے، شہداء کے لہو کے ہر قطرے کا حساب لیں گے ،

    نگران وزیراعلیٰ پنجاب محسن نقوی نے بلوچستان کے علاقے زرغون میں سکیورٹی فورسز کی چیک پوسٹ پر دہشت گردوں کے حملے کی شدید مذمت کی ہے۔محسن نقوی نے شہید ہونے والے سکیورٹی فورسز کے3 جوانوں کی عظیم قربانی کو خراج عقیدت پیش کیا۔نگران وزیراعلیٰ محسن نقوی نے شہدا کے لواحقین سے دلی ہمدردی و تعزیت کااظہار کیاہے۔محسن نقوی نے کہاکہ شہید جوانوں کی بہادری کوسلام پیش کرتے ہیں۔ شہید ہونے والے بہادر سپوت قوم کے ہیرو ہیں – شہداء نے وطن عزیز کے امن کے لئے اپنی جان کی قربانی دی-اللہ تعالیٰ شہداء کے درجات بلند کرے اورلواحقین کو صبر جمیل عطا فرمائے

    ووٹ کا حق سب سے بڑا بنیادی حق ہے،اگر یہ حق نہیں دیاجاتا تو اس کامطلب آپ آئین کو نہیں مانتے ,عمران خان
    سعیدہ امتیاز کے دوست اورقانونی مشیرنے اداکارہ کی موت کی تردید کردی
    جانوروں پر ریسرچ کرنیوالے بھارتی ادارے نےگائے کے پیشاب کو انسانی صحت کیلئے مضر قراردیا
    یورپی خلائی یونین کا نیا مشن مشتری اور اس کے تین بڑے چاندوں پر تحقیق کرے گا
    برطانوی وزیرداخلہ کا پاکستانیوں کو جنسی زیادتی کا مجرم کہنا حقیقت کے خلاف ہے،برٹش جج

  • بلوچستان میں خود کش حملہ ہوا، سراج الحق محفوظ ہیں،امیرالعظیم

    بلوچستان میں خود کش حملہ ہوا، سراج الحق محفوظ ہیں،امیرالعظیم

    ژوب میں امیر جماعت اسلامی سراج الحق کے قافلے پر دھماکہ ہوا ہے واقعہ کے بعد سکیورٹی فورسز نے علاقے کو گھیرے میں لے لیا اور تحقیقات شروع کر دیں،

    جماعت اسلامی کی جانب سے کہاگیا ہے کہ امیر جماعت اسلامی سراج الحق کے قافلے پر خود کش حملہ کیا گیا سراج الحق قافلے کی صورت میں ژوب میں جلسہ عام سے خطاب کے لیے جا رہے تھے خودکش حملہ آور نے اس دوران سراج الحق کی گاری کے قریب خود کو دھماکہ سے اڑایا سراج الحق اس حملے میں محفوظ رہے جماعت اسلامی کے 7 کارکنان زخمی ہیں، 4 کی حالت نازک ہے امیر جماعت اسلامی سراج الحق شیڈول کے مطابق جلسہ عام سے خطاب کریں گے

    واقعہ کے بعد پولیس اور قانون نافذ کرنے والے اداروں نے علاقے کو گھیر لیا سراج الحق کا قافلہ نیو اڈہ کے قریب سے گزر رہا تھا کہ دھماکا ہوا، امیر جماعت اسلامی سراج الحق کو پولیس لائن ژوب منتقل کر دیا گیا امیر جماعت اسلامی سراج الحق نے جلسے سے خطاب کرنا تھا دھماکہ کے بعد سیکورٹی فورسسز نے علاقے کوگھیرے میں لے لیا،بم ڈسپوزل اسکواڈ ٹیم موقع پر پہنچ گئے شواہد اکھٹے کیے جارہے ہیں ، امیر جماعت اسلامی شیڈول کے مطابق جلسہ عام سے خطاب کریں گے ،سراج الحق ژوب میں جلسے سے خطاب کے لیے جارہے تھے خودکش حملہ آور نے گاڑی کے قریب خود کو اڑایا

    امیر العظیم سکرٹری جنرل جماعت اسلامی پاکستان کا کہنا ہے کہ امیر جماعت اسلامی سراج الحق حملہ میں محفوظ رہے، سکرٹری جنرل جماعت اسلامی امیر العظیم نے ٹویٹ کرتے ہوئے کہا کہ امیر جماعت اسلامی پاکستان سراج الحق پر بلوچستان میں خودکش حملہ ہوا ہے حملہ آور مارا گیا ہے ہے الحمدللہ سراج الحق اور دیگر تمام احباب محفوظ ہیں

    جماعت اسلامی کے ٹویٹر اکاؤنٹ سے کہا گیا ہے کہ امیر جماعت اسلامی سراج الحق کے قافلے پر ژوب بلوچستان میں خود کش حملہ، حملہ آور مارا گیا۔ الحمدللہ سراج الحق محفوظ ہیں۔ جلسہ عام سے خطاب کے لیے ژوب میں موجود تھے

    سراج الحق کے بیٹے نے ٹویٹ کرتے ہوئے کہا کہ امیر محترم سراج الحق صاحب سے ٹیلی فون رابطہ ،الحمدللّٰه امیر محترم صاحب محفوظ ہیں اور کارکنان عافیت سے ہیں

    امیر جماعت اسلامی سراج الحق پر خود کش حملے کی ویڈیو سامنے آئی ہے جس میں دیکھا جا سکتا ہے کہ جماعت اسلامی کا ایک قافلہ جا رہا ہے، لوگ پیدل بھی ساتھ چل رہے ہیں، اچانک سراج الحق کی گاڑی کے قریب دھماکا ہو جاتا ہے، جس کے بعد دھویں کا بادل اٹھتا ہے اور کارکنان بھاگتے ہیں،

    ترجمان جماعت اسلامی بلوچستان عبدالولی شاکر کا کہنا ہے کہ ژوب میں استقبالیہ جلوس میں خود کش دھماکا ہوا جماعت اسلامی کا ژوب میں جلسہ تھا، جس سے سراج الحق نے خطاب کرنا تھا، جلسہ شیڈول کے مطابق ہو گا،

    برج کھیل کب ایجاد ہوا، برج کھیلتے کیسے ہیں

    عمران خان سے اختلاف رکھنے والوں کی موت؟

    حضوراقدس پر کوڑا بھینکنے والی خاتون کا گھر مل گیا ،وادی طائف سے لائیو مناظر

    برج فیڈریشن آف ایشیا اینڈ مڈل ایسٹ چیمپئن شپ مہمان کھلاڑی حویلی ریسٹورنٹ پہنچ گئے

    کھیل سے امن کا پیغام دینے آئے ہیں.بھارتی ٹیم کے کپتان کی پریس کانفرنس

    وادی طائف کی مسجد جو حضور اقدس نے خود بنائی، مسجد کے ساتھ کن اصحاب کی قبریں ہیں ؟

    وزیراعظم شہباز شریف کا کہنا ہے کہ ژوب میں امیر جماعت اسلامی سراج الحق کے قافلے پر خودکش حملے کی شدید مذمت کرتا ہوں۔ قیمتی جانوں کے ضیاع پردل رنجیدہ ہے۔ میں نے بلوچستان حکومت کو ہدایت کی ہے کہ وہ حملے کی تمام زاویوں سے تحقیقات کرے اور اس خوفناک حملے میں ملوث کرداروں کو انصاف کے کٹہرے میں لایا جائے۔ اللّہ پاک زخمیوں کو جلد اور مکمل صحت یابی عطا فرمائیں

    سابق صدر آصف علی زرداری نے امیرجماعت اسلامی سراج الحق کے قافلے کے قریب خود کش حملہ کی مذمت کی ہے اور کہا ہے کہ امیرجماعت اسلامی سراج الحق کے قافلے کے قریب خودکش حملے کے منصوبہ سازوں کو گرفتار کیا جائے،
    آصف علی زرداری نے امیرجماعت اسلامی سراج الحق کے لیئے نیک خواہشات کا اظہار کیا، آصف علی زرداری نے دھماکے میں زخمیوں کی جلد صحتیابی کیلئے دعا کی ،

    چیئرمین پی پی پی اور وزیر خارجہ بلاول بھٹو زرداری نے ژوب میں امیر جماعت اسلامی سراج الحق کے قافلے کے قریب دھماکے کی مذمت کی ہے، بلاول بھٹو زرداری نے امیرجماعت اسلامی سراج الحق کے لئے نیک تمناؤں کا اظہار کیا، بلاول بھٹو زرداری نے ژوب میں ہونے والے دھماکے میں جاں بحق ہونے والے افراد کے لواحقین سے اظہار افسوس کیا، بلاول بھٹو زرداری نے ژوب میں ہونے والے دھماکے میں زخمی ہونے والوں کے فی الفور علاج معالجے کی ہدایت کی اور کہا کہ ژوب میں امیر جماعت اسلامی سراج الحق کے قافلے کے قریب دھماکے کی فوری تحقیقات کی جائیں، ژوب میں امیر جماعت اسلامی سراج الحق کے قافلے کے قریب دھماکے کے ذمہ داران کو کٹہرے میں لایا جائے،

    چیئرمین سینیٹ محمد صادق سنجرانی نے ضلع ژوب میں امیر جماعت اسلامی سراج الحق کے قافلے کے قریب ہونے والے بم دھماکے کی شدید مذمت کی ہے۔ چیئرمین سینیٹ نے کہا کہ دہشتگردی کا یہ واقعہ جمہوریت اور ہماری قوم پر حملہ ہے۔ چیئرمین سینیٹ نے دھماکے میں شہید ہونے والوں کے اہلخانہ سے دلی تعزیت کا اظہار کیا اور زخمیوں کی جلد صحتیابی کیلئے دعا کی۔ اُنکا مزید کہنا تھا کہ پاکستانی قوم دہشت گردی کے خلاف متحد ہے اور اس حملے کے ذمہ داران کو جلد کیفرکردار تک پہنچایا جائیگا۔ چیئرمین سینیٹ محمد صادق سنجرانی نے امیر جماعت اسلامی سراج الحق کی خیریت کی خبر پر اطمینان کا اظہار کیا۔ ڈپٹی چیئرمین سینیٹ، مرزا محمد آفریدی نے بھی اپنے الگ پیغام میں امیر جماعت اسلامی کے قافلے کے قریب حملے کی مذمت کی اور زخمیوں کی جلد صحتیابی کیلئے دعا کی

    نگران وزیر اعلی پنجاب محسن نقوی نے ژوب میں امیر جماعت اسلامی سراج الحق کے قافلے کے قریب دھماکے کی شدید الفاظ میں مذمت کی ہے اور کہاکہ اللہ تعالیٰ کا شکر ہے کہ سراج الحق حملے میں محفوظ رہے۔ نگران وزیر اعلی محسن نقوی نے زخمیوں کی جلد صحت یابی کیلئے دعاکی ہے۔انہوں نے کہاکہ ملک دشمن قوتیں پاکستان کو عدم استحکام کا شکار کرنے کے درپے ہیں۔موجودہ نازک حالات میں سب کو اتحاد اور اتفاق پر چلنے کی ضرورت ہے

    پاکستان مرکزی مسلم لیگ کے صدر خالد مسعود سندھو صاحب نے ژوب میں امیر جماعت اسلامی سراج الحق کے قافلے پر خودکش دھماکے کی شدید مذمت کرتے ہوئے کہا ہے کہ مذہبی سیاسی رہنماؤں پر حملوں کا مقصد وطن عزیز میں افراتفری و فتنہ و فساد کی فضاء پیدا کرنا اور قومی سلامتی کو نشانہ بنانا ہے ۔انہوں نے واقعہ میں امیر جماعت اسلامی کے محفوظ رہنے پر اطمینان کا اظہار کیا اور کہا کہ دہشتگردی کو پروان چڑھانے والے ملک دشمن قوتیں اپنے مذموم مقاصد میں کامیاب نہیں ہوسکتی۔اس موقع پر انہوں نے جماعت اسلامی کے زخمی ہونے والے کارکنان کے لیے کے دعا خیر کرتے ہوئے کہا کہ اللہ پاک زخمیوں کو جلد از جلد صحتیابی عطاء فرمائے آمین

  • پاک ایران سرحد پر بارڈر مارکیٹ،وزیراعظم اور ایرانی صدر نے کیا افتتاح

    پاک ایران سرحد پر بارڈر مارکیٹ،وزیراعظم اور ایرانی صدر نے کیا افتتاح

    وزیراعظم شہباز شریف اور ایرانی صدر نے پاک ایران سرحد پر بارڈر مارکیٹ کا افتتاح کردیا

    وزیراعظم شہبازشریف نے پاک ایران سرحد کا دورہ کیا،اس موقع پر پاکستان کے وزیر خارجہ بلاول زرداری اور مریم اورنگزیب بھی وزیراعظم کے ہمراہ ہیں ،وزیراعظم شہباز شریف اور ایرانی صدرابراہیم رئیسی نے بارڈر مارکیٹ کا افتتاح کیا، دونوں سربراہان نے بارڈر مارکیٹ کے مختلف حصوں کا دورہ کیا۔ مزید 5 بارڈر مارکیٹس پر کام جاری ہے جو جلد تجارت کیلئے کھول دی جائے گی بارڈر مارکیٹ سے دونوں اطراف کے عوام کیلئے روزگار کے مواقع پیدا ہوں گے

    تقریب سے خطاب کرتے ہوئے وزیراعظم شہباز شریف کا کہنا تھا کہ پاکستان ایران کے بارڈر پر موجود ہیں، بلوچستان کے وزیراعلیٰ بھی ہمراہ ہیں،ایرانی صدر ابراہیم رئیسی کے ساتھ ملاقات ہوئی اور معاملات پر ہمہ گیر بات چیت ہوئی، دونوں اطراف سے یہ بڑی سنجیدگی کے ساتھ اور خلوص کے ساتھ اس بات کا برملا اظہار کیا گیا کہ ہم دونوں برادر ممالک، ہمسایہ ممالک ،ہمیں زندگی کی اس دوڑ میں چاہے وہ تجارت ہو، سرمایہ کاری ہو، انفارمیشن ٹیکنالوجی ہو، زراعت ہو اور دوسرے معاشیات کے میدان ہیں ان میں بڑی تیزی کے ساتھ آگے بڑھنا چاہئے، یہ طے پایا ہے کہ فری ٹریڈ جلد سے جلد شروع کریں گے، بجلی کی ٹرانسمیشن کے لئے ایران سے پاکستان بہت بڑی گنجائش ہے، اس پرہم آگے بڑھیں، میری تجویز پر ایرانی صدر نے یقین دہانی کروائی کہ شمسی توانائی میں تیزی سے آگے بڑھیں،ہماری مفید گفتگو ہوئی، عملدرآمد کے لئے تیزی سے آگے بڑھیں گے،

    دوسری جانب وزیراعظم محمد شہباز شریف نے کہا ہے کہ پاکستان اور ایران گہرے مذہبی،ثقافتی اور لسانی رشتوں میں منسلک برادر ممالک ہیں دونوں ممالک کی حکومتیں اپنے عوام کی سماجی اور اقتصادی ترقی کےلئے قریبی تعاون کررہے ہیں

    وزیرِاعظم محمد شہباز شریف کا پاکستان ایران سرحد کا دورہ ،وزیرِ اعظم محمد شہباز شریف اور ایرانی صدر عزت مآب ابراہیم رئیسی کی مند-پشین مشترکہ مارکیٹ کے افتتاح کے بعد وفود کے ہمراہ ملاقات ہوئی، پاکستانی وفد میں وزیرِ خارجہ بلاول بھٹو زرداری، پاور منسٹر انجینئیر خرم دستگیر خان، وزیرِ اطلاعات مریم اورنگزیب، وزیرِ مملکت برائے پیٹرلیم ڈاکٹر مصدق ملک، وزیرِ اعلی بلوچستان عبد القدوس بازنجو بلوچستان نیشنل پارٹی کے سربراہ سردار اختر مینگل، بلوچستان عوامی پارٹی کے اراکینِ پارلیمنٹ سردار خالد حسین مگسی اور زبیدہ جلال شامل تھے ملاقات میں پاکستان ایران دو طرفہ تعلقات بالخصوص تجارت کے فروغ پر تفصیلی گفتگو ہوئی.

    گوادر ائیرپورٹ پہنچنے پر وزیراعلیٰ بلوچستان عبدالقدوس بزنجو نے وزیراعظم شہبازشریف کا استقبال کیا۔

    بنوں آپریشن کے بعد سپہ سالار جنرل عاصم منیر کا وزیرستان،ایس ایس جی ہیڈکوارٹر کا دورہ بھی اہمیت کا حامل 

    عمران خان کے فوج اور اُس کی قیادت پر انتہائی غلط اور بھونڈے الزامات پر ریٹائرڈ فوجی سامنے آ گئے۔

     ریاست مخالف پروپیگنڈے کوبرداشت کریں گے نہ جھکیں گے۔

    چیف جسٹس عامر فاروق نے معاملے کا نوٹس لے لیا

    نیب ٹیم توشہ خانہ کی گھڑی کی تحقیقات کے لئے یو اے ای پہنچ گئی، 

  • پاکستان کوسٹ گارڈزکی کاروائی ،11.34 ملین ڈالرکی منشیات برآمد

    پاکستان کوسٹ گارڈزکی کاروائی ،11.34 ملین ڈالرکی منشیات برآمد

    پاکستان کوسٹ گارڈز کو خفیہ ذرائع سے اطلاع ملی کہ اورماڑہ کے علاقے اشپیاق (بلوچستان) سے بھاری مقدار میں منشیات سمندر کے راستے اسمگل کی جارہی ہے،

    جسکو مدِنظر رکھتے ہوئے ڈائریکٹر جنرل پاکستان کوسٹ گارڈز نے متعلقہ کمانڈر کو اپنے علاقے میں چیکنگ مزید سخت کرنے کے احکامات جاری کیے اور ایک ٹیم اشپیاق کے علاقے میں گشت کیلئے تشکیل دے دی۔ دوران چیکنگ اشپیاق کے علاقے میں موبائل گشت پارٹی نے 680 کلو گرام اعلی کوالٹی کی چرس برآمد کرلی جس کی مالیت بین الاقوامی مارکیٹ میں 11.34 ملین ڈالر بنتی ہے۔

    یاد رہے کہ یہ چرس سمندر کے راستے بیرون ملک اسمگل ہونا تھی۔پاکستان کوسٹ گارڈز نے چرس تحویل میں لیکر ملزمان کی تلاش شروع کر دی ،واضح رہے کہ پاکستان کوسٹ گارڈز ہر قسم کی منشیات اور اسمگلنگ کی روک تھام کے لیے ہمہ وقت مصروف عمل ہے۔اور معاشرے کو منشیات سے دور رکھنے میں اپنا کردار ادا کر تی رہے گی۔

    شوکت خانم میں عمران خان کا علاج جاری ہے،میڈیکل رپورٹس تسلی بخش قرار دے دی 

    جس کو پنجاب کا سب سے بڑا ڈاکو کہتا تھا اسے ڈاکو کی وزارت اعلیٰ کے نیچے عمران خان پر حملہ ہوا

    تحریک انصاف کے دو ٹکٹس ہولڈرز بھی کرپشن میں ملوث

    زمان پارک میں بجلی چوری؛ لیسکو نے انتظامیہ کو نوٹس جاری کردیا

     ثاقب نثار کے بیٹے نے بھی پی ٹی آئی کی ٹکٹوں کی لوٹ سیل لگا دی ،آڈیو لیک

  • وزیر اعظم آج ایرانی صدر سے آج ملاقات کریں گے

    وزیر اعظم آج ایرانی صدر سے آج ملاقات کریں گے

    اسلام آباد: وزیر اعظم شہباز شریف سے ایرانی صدر ابراہیم رئیسی آج اہم ملاقات کریں گے-

    باغی ٹی وی:ذرائع کے مطابق وزیر اعظم شہباز شریف اور ایرانی صدر ابراہیم رئیسی کے درمیان آج بلوچستان کے علاقے پشین میں غیر رسمی ملاقات ہوگی جب کہ شہباز شریف مشترکہ طور پرایران سے 110 میگاواٹ بجلی درآمد کرنے کےمنصوبےکا افتتاح بھی کریں گے شہباز شریف اور ابراہیم رئیسی ایران پاکستان بارڈر مارکیٹ کا باضابطہ افتتاح کریں گے۔

    پاکستان کی موجودہ صورتحال:اراکین کانگریس نےانٹونی بلنکن کو خط لکھ دیا

    وزیراعظم ایرانی صدر کے ہمراہ ایران سے بجلی کی درآمد پر بریفنگ بھی دیں گے۔ اپران اور پاکستان کی سرحد پر تین نئی تجارتی منڈیاں بھی کھولی جا رہی ہیں۔

    ذرائع کے مطابق ایران اور پاکستان کی سرحد پر 3 نئی تجارتی منڈیاں بھی کھولی جا رہی ہیں، مند کے مقام پر پاک ایران تجارتی منڈی کھول دی گئی ہے جبکہ 2 منڈیوں کو کھولنے کا کام جاری ہے۔

    فردوس شمیم نقوی سکھر جیل منتقل

  • جون میں کراچی اور مشرقی بلوچستان میں پری مون سون کا امکان

    جون میں کراچی اور مشرقی بلوچستان میں پری مون سون کا امکان

    کراچی: محکمہ موسمیات نے جون میں پری مون سون کا امکان ظاہر کیا ہے-

    باغی ٹی وی : موسمیاتی تجزیہ کار جواد میمن کے جون میں کراچی میں پری مون سون بارشوں کا آغاز ہوسکتا ہے، جون میں سندھ اور جنوب مشرقی بلوچستان میں پری مون سون کی اچھی بارشیں متوقع ہیں، اس کے علاوہ پنجاب کے چند علاقوں میں بھی معمول سے زیادہ بارشیں متوقع ہیں۔

    پاکستانی نوجوان سائیکل پر ہزاروں میل کا سفر طے کرکے مدینہ منورہ پہنچ گیا

    جواد میمن کے مطابق کراچی میں ابرآلود موسم کے باوجود حبس کی کیفیت ہے، بحیرہ عرب میں سمندری ہواؤں کی رفتار میں بھی اضافہ ہوا ہے، سمندری ہواؤں کےباعث نمی کا تناسب زائد رہتا ہے، نمی کا تناسب زائد ہونےسےگرمی کی شدت 4 سے 5 ڈگری زیادہ ہے ایل نینو سرگرم ہونے پر سندھ اور بلوچستان میں معمول سےکم بارشوں ہوسکتی ہیں۔

    ایل نینو ایسا موسمیاتی رجحان ہے بہت وسیع پیمانے پر واقع ہونے والا ایک قدرتی مظہر ہے جس سے بحرالکاہل کے پانی معمول سے زیادہ گرم ہو جاتا ہے اور زمین کے درجہ حرارت میں بھی اضافہ ہوتا ہےا یسا اندازہً ہر پانچ سال بعد ہوتا ہے۔

    عمران ریاض کوسیالکوٹ ائیر پورٹ سے گرفتار کرنے والا ایس ایچ او معطل

    رواں سال ایک رپورٹ میں ماہرین نے کہا تھا کہ 2023 میں ایل نینو کی واپسی سے دنیا بھر میں موسم کی شدت میں اضافہ ہوگا۔ 2023 میں عالمی درجہ حرارت1.5 ڈگری سینیٹی گریڈ تک بڑھنے کی پیشگوئی کی ہے موسمیاتی تبدیلیوں کے باعث ایل نینو لہر کے اثرات پہلے سے زیادہ تباہ کن ہوں گے اور ہیٹ ویوز کی شرح ایسی ہوسکتی ہے جس کی مثال تاریخ میں موجود نہیں گرم سمجھا جانے والا موسم2023 میں معتدل سمجھا جائے گا جبکہ شدید گرم موسم اب تک کی گرمی سے کہیں زیادہ ہو سکتا ہے جس کا اندازہ لگانا ابھی ممکن نہیں۔

    ماہرین کا کہنا تھا کہ ایل نینو لہر سال کے وسط سے شروع ہوگی جس کے باعث اس کے اثرات سال کے آخر اور 2024 میں بھی محسوس کیے جائیں گے۔ یہاں تک کہ 2024 میں درجہ حرارت کے نئے ریکارڈ بھی بن سکتے ہیں۔

    یہ ممکن ہی نہیں کہ عمران خان اور ان کے سپوٹرز کو شرم آ جائے،عفت …

    ماہرین کا کہنا تھا کہ ابھی تک 2016 کو تاریخ کا گرم ترین سال سمجھا جاتا ہے اس سال بھی دنیا کو ایل نینو لہر کا سامنا کرنا پڑا تھا جبکہ گزشتہ 3 سال کے دوران لا نینا لہر دیکھنے میں آئی جو کسی حد تک موسم کو سرد رکھتی ہے۔ تین سال بعد ایل نینو لہر کی واپسی پر ماہرین نے اس کے تباہ کن ہونے کی پیشگوئی کردی ہے۔