Tag: بنگلہ دیش

ڈھاکا: بنگلہ دیش کے ضلع کاکس بازار میں کچھ جرائم پیشہ عناصر کی جانب سے ایئرفورس بیس پر حملہ ہوا ہے،بنگلہ دیشی فوج نے حملے کی تصدیق کردی ہے۔

باغی ٹی وی : بنگلہ دیشی میڈیا کے مطابق حملے میں کم از کم ایک شخص ہلاک ہوگیاہلاک ہونے والے شخص کی شناخت 30 سالہ مقامی تاجر شہاب کبیر کے طور پر ہوئی ہے، جنہیں مبینہ طور پر گولی مار کر ہلاک کیا گیا۔

بنگلہ دیشی مسلح افواج کے تعلقات عامہ کے ادارے ”انٹر سروسز پبلک ریلیشنز (آئی ایس پی آر)“ کی جانب سے جاری کردہ مختصر بیان میں کہا گیا’کاکس بازار ایئرفورس بیس کے قریب واقع سمیتی پاڑہ سے کچھ مجرموں نے ایئرفورس بیس پر حملہ کیا، بنگلہ دیش ایئرفورس اس حوالے سے ضروری اقدامات کر رہی ہے۔

خیبر پختونخوا میں آج پھر زلزلے کے جھٹکے
رپورٹ کے مطابق یہ حملہ زمین کے تنازع کے بعد پیش آیا، جو پیر کی صبح ایئرفورس اہلکاروں اور مقامی رہائشیوں کے درمیان جھڑپ کی صورت اختیار کر گیا تھاجھڑپ کے دوران صورتحال اس وقت سنگین ہوگئی جب مقامی افراد نے پتھراؤ شروع کردیا، جس کے نتیجے میں دونوں جانب افراد زخمی ہوئے تاہم، حکام نے زخمیوں کی صحیح تعداد نہیں بتائی ہے۔

طبی ذرائع کے مطابق، شہاب کبیر کو جھڑپ کے دوران گولی لگی تھی، اور انہیں کاکس بازار ڈسٹرکٹ صدر اسپتال منتقل کیا گیا، جہاں پہنچنے پر ڈاکٹروں نے انہیں مردہ قرار دے دیا،مقتول کے سر کے پچھلے حصے پر شدید زخم آئے تھے۔

امریکہ سے دہلی آنے والے طیارے میں بم کی اطلاع،روم میں ہنگامی لینڈنگ

اسسٹنٹ ڈائریکٹر عائشہ صدیقہ کے دستخط شدہ پریس ریلیز کے مطابق، بنگلہ دیش ایئر فورس صورتحال کو کنٹرول کرنے کے لیے ضروری اقدامات کر رہی ہے-

کاکس بازار کے ڈپٹی کمشنر محمد صلاح الدین نے کہا کہ واقعے کی مکمل تحقیقات کی جائیں گی تاکہ تصادم کی وجوہات معلوم کی جاسکیں، اور ذمہ داروں کے خلاف کارروائی عمل میں لائی جائے گی،جبکہ سیکورٹی فورسز نے علاقے میں حفاظتی اقدامات مزید سخت کر دیئے ہیں تاکہ صورتحال کا جائزہ لیا جا سکے اور مزید کشیدگی کو روکا جا سکے۔

انٹیلجنس بیسڈ کارروائی، کروڑوں روپے مالیت کی منشیات برآمد،ملزمان فرار

پولیس کے مطابق، کاکس بازار ڈسٹرکٹ صدر اسپتال کے پولیس باکس کے انچارج سیف الاسلام نے بتایا کہ واقعہ تقریباً 12 بجے پیش آیا،جھڑپ کے دوران 30 سالہ مقامی تاجر شہاب کبیر کو گولی لگی، جو سَمیتی پارہ، وارڈ نمبر 1 کے رہائشی نصیر الدین کے بیٹے تھے۔

دوسری جانب، موقع پر موجود نمائندے کے مطابق، سیکیورٹی فورسز نے جائے وقوعہ کے قریب جانے سے لوگوں کو روک دیا ہے۔

پاکستان اور آذربائیجان کے درمیان مفاہمتی یادداشتوں پر دستخط

بھارت کی پاکستان بنگلا دیش کے درمیان ہونے والی پیشرفت پر گہری نظر ہے۔

باغی ٹی وی :بین الاقوامی خبر رساں ادارے ڈی ڈبلیو کے مطابق شیخ حسینہ کے اقتدار کے خاتمے سے اب تک پاکستان اور بنگلا دیش کے بہتری کی جانب گامزن باہمی تعلقات نے بھارت کی پریشانی بڑھا دی،بھارت کے ناقابل برداشت خطے میں اجارہ داری کے بھارتی منصوبے کی راہ میں پاکستان بنگلا دیش تعلقات چیلنج بن گئے، بھارتی وزارت داخلہ کا کہنا ہے کہ ضرورت پڑنے پر مناسب کارر وائی کی جائے گی حالیہ دنوں میں بنگلا دیش نے سرحد پر بھارت کی جانب سے باڑ لگانے پر کئی بار اعتراض کیا۔

ڈی ڈبلیو کے مطابق شیخ حسینہ کی حکومت ہمیشہ بھارت کے زیر سایہ رہی اور اس نے پاکستان کی جانب سے تعلقات میں بہتری کی کوشش پر کبھی مثبت جواب نہ دیا ایک سفارتی تجزیہ کار کا کہنا ہے کہ پاکستان اور بنگلا دیش کے درمیان تعلقات شیخ حسینہ کے 15 سالہ دور اقتدار میں تعطل کا شکار رہے جس میں پس پردہ بھارتی کردار نمایاں رہا بھارت نے پاکستان اور بنگلا دیش کے درمیان تعلقات میں بہتری کی راہ میں ہمیشہ رکاوٹیں کھڑی کیں جس میں شیخ حسینہ سہولت کار بنی رہیں۔

ہاتھوں میں ہتھکڑی،پاؤں میں بیڑی،پانی بھی نہ ملا،برازیلی شہری امریکہ سے کیسے واپس پہنچے؟

رواں ماہ بنگلا دیشی فوج کے سیکنڈ ان کمان لیفٹیننٹ جنرل قمر الحسن کے پاکستان کےحالیہ غیر معمولی دورے پر بھی بھارت پریشان ہے۔

چیمپئنز ٹرافی:گروپ میچز اور پہلے سیمی فائنل کے ٹکٹوں کی فروخت کل سے شروع

بھارت اور بنگلہ دیش کی سرحد پر دونوں ممالک کے کسانوں کے درمیان تلخ کلامی کے بعد جھڑپ ہوئی۔

باغی ٹی وی: بھارتی میڈیا کی رپورٹ کے مطابق ہفتے کی صبح بھارت اور بنگلہ دیش کی سرحد پر بارڈر سیکیورٹی فورسز (بی ایس ایف) کی چیک پوسٹ کے قریب دونوں ممالک کے کسانوں کے درمیان تلخ کلامی کے بعد جھڑپ ہوئی۔

پیراملٹری فورس نے بتایا کہ صورت حال پر قابو پالیا گیا ہےدونوں ممالک کے کسانوں کے درمیان جھڑپ سرحد کے اسی مقام پر ہوئی ہے جہاں بھارت باڑ لگا رہا ہے تاہم بی جی بی نے مذکورہ علاقے کو بنگلہ دیش کی حدود قرار دیا ہے، جس کے بعد 6 جنوری سے کام روک دیا گیا تھا جبکہ مذاکرات کے نتیجے میں اگلے ہی روز باڑ پر کام دوبارہ شروع کردیا گیا۔

پاکستان جامع ڈیجیٹل معیشت کی طرف گامزن ہے،وزیراعظم

بی ایس ایف نے بیان میں کہا کہ کسانوں کے درمیان جھڑپ کے بعد بی ایس ایف اور بارڈر گارڈ بنگلہ دیش (بی جی بی) کی مداخلت سے صورت حال کو معمول پر لانے کے لیے یقینی اقدامات کیے گئے ہیں کسانوں میں جھڑپ کا واقعہ سکدیوپور سرحد کے قریب صبح 11 بج کر 45 منٹ پر پیش آیا، جب بین الاقوامی سرحد کے قریب کام کرنے والے بھارتی کسانوں نے الزام عائد کیا کہ بنگلہ دیشی کسان فصل چوری کر رہے ہیں۔

ویمن انڈر 19 ورلڈ کپ،بارش کے باعث 3 میچز متاثر

جھڑپ کے حوالے سے بتایا گیا کہ جملوں کے تبادلہ فوری طور پر جھگڑے میں تبدیل ہوا اور دونوں اطراف کسانوں کی بڑی تعداد جمع ہوگئی اور ایک دوسرے پر پتھراؤ کیا بی ایس ایف اور بی جی بی کے عہدیداروں کی بروقت مداخلت سے صورت حال کو قابو کرلیا گیا اور دونوں ممالک کے کسانوں کو منتشر کرکے اپنی اپنی سرحد کی جانب بھیج دیا گیا۔

پی ٹی آئی کا کور کمیٹی کا اجلاس آج رات 10 بجے طلب

رپورٹ میں بتایا گیا کہ بھارت اور بنگلہ دیش کے کسانوں کی لڑائی میں جانی نقصان یا کسی کے زخمی ہونے کی رپورٹ نہیں دی گئی معاملے رفع دفع ہونے کے بعد دوپہر کو بنگلہ دیش کی طرف سرحد سے 50 سے 75 میٹر دور چند لوگ جمع ہوگئے تھے تاہم بی جی بی نے مزید کشیدگی روکنے کے لیے انہیں منتشر کردیا۔

عمران خان کو سزا سے پاکستان سےٹرمپ انتظامیہ کا تصادم کا امکان بڑھ گیا، برطانوی اخبار

بنگلہ دیش کی سابق وزیراعظم شیخ حسینہ کی بھانجی اور برطانیہ کی انسداد بدعنوانی کی وزیر ٹیولپ صدیق نے کرپشن الزامات پر عہدے سے استعفیٰ دے دیا۔

غیر ملکی میڈیا کے مطابق 42 سالہ ٹیولپ صدیق بدعنوانی میں ملوث ہونے سے مسلسل انکار کرتی رہیں اور وزیر اعظم کیئر اسٹارمر نے بھی گزشتہ ہفتے کہا تھا کہ انہیں اپنی وزیر پر مکمل اعتماد ہے،گزشتہ دو ماہ کے دوران حکومت کے دوسرے وزیر کا استعفیٰ کیئر اسٹارمر کے لیے ایک دھچکا ہے، جولائی میں عام انتخابات میں لیبرپارٹی کی کامیابی کے بعد ان کی مقبولیت میں مسلسل کمی آرہی ہے۔ ٹیولپ صدیق کو برطانوی وزیراعظم نے فنانشل سروسز کی پالیسی کا قلمدان سونپا گیا تھا جس میں منی لانڈرنگ کے خلاف اقدامات کی ذمہ داری بھی شامل تھی۔

واضح رہے کہ شیخ حسینہ کی بھانجی پر الزام ہے کہ وہ اور ان کا خاندان بنگلہ دیش کی حکومت کی طرف سے تحفے میں دی گئی لندن کی جائیدادوں سے فائدہ اٹھا رہے ہیں۔ بنگلہ دیش کی عبوری حکومت کے سربراہ محمد یونس نے دعویٰ کیا ہے کہ ٹیولپ صدیق لندن میں ان جائیدادوں میں رہ رہی ہیں، جو مبینہ طور پر کرپشن سے حاصل کی گئی ہیں ,محمد یونس نے ان جائیدادوں کی دھوکہ دہی اور غبن کے حوالے سے تحقیقات کا مطالبہ کیا ہے۔

سابق اسپنر عبدالرحمان قومی ٹیم کے اسپن بولنگ کوچ مقرر

سندھ حکومت کا تھر جیب ریلی، تھر اسپورٹس فیسٹول منعقد کرانے کا فیصلہ

عالمی بینک کا پاکستان کو 20 ارب ڈالرز دینے کا وعدہ

بیرون ملک میڈیکل کالجوں میں داخلے کیلئے ایم ڈی کیٹ لازمی قرار

پاکستان کے تجارتی وفد نے 12 سال بعد ایف پی سی سی آئی کے صدر کی زیرقیادت بنگلہ دیش کا دورہ کیا .

ایف پی سی سی آئی سے جاری بیان کے مطابق صدر ایف پی سی سی آئی عاطف اکرام شیخ کی زیر قیادت پاکستانی تجارتی وفد نے بنگلہ دیش کے وزیر تجارت شیخ بشیرالدین سے ملاقات کی اور پاکستانی وفد نے دونوں برادر ممالک کے مابین اقتصادی روابط اور سرمایہ کاری بڑھانے پر زور دیا گیا۔صدر ایف پی سی سی آئی عاطف اکرام شیخ نے کہا کہ یہ ایک نئے دور کا آغاز ہے، آزمائش کے ہر موقع پر بنگلہ دیش کے ساتھ کھڑے ہوں گے، بنگلہ دیشی وزیر تجارت نے پاکستان سے تجارتی تعلقات کو ترجیح دینے کا اعلان کیا ہے۔سینیئر نائب صدر ایف پی سی سی آئی ثاقب فیاض مگوں نے کہا کہ بنگلہ دیش کی جانب سے پاکستانیوں کے لیے ویزا شرائط میں نرمی کا خیر مقدم کرتے ہیں، پاکستانی بزنس کمیونٹی کو لانگ ٹرم ویزے دیے جائیں۔ پاکستان نے بھی بنگلہ دیش کے لیے ویزا شرائط میں نرمی کر دی ہے۔بنگلہ دیش کے وزیر تجارت شیخ بشیرالدین نے کہا کہ پاکستان کے ساتھ مل کر اقتصادی، معاشی، سرمایہ کاری، انڈسٹریل، کاروباری اور تجارتی مواقع تلاش کریں گے۔پاکستانی وفد سے ہونے والی ملاقات پر بات کرتے ہوئے انہوں نے کہا کہ باہمی تجارت بڑھانے پر اتفاق ہوا ہے، پاکستانی کمپنیوں کی حوصلہ افزائی کریں گے۔اجلاس میں بنگلہ دیش میں پاکستانی ہائی کمشنرسید احمد معروف نے خصوصی شرکت کی۔

پنجاب بھر میں تعطیلات ختم،کل اسکولزکھلیں گے

شہباز حکومت کے 9ماہ، قرضے 5556 ارب روپے بڑھ گئے

190ملین پاؤنڈ کیس کا فیصلہ کل سنایا جائےگا

رکشہ ڈرائیور کی ساتھی سمیت 20سالہ لڑکی سے زیادتی