Tag: بنگلہ دیش

سابق بنگلہ دیشی صدر ضیاء الرحمان کو دنیا سے رخصت ہوئے 45 برس ہو گئے-

بنگلہ دیش کے وزیراعظم اور بنگلہ دیش نیشنلسٹ پارٹی (بی این پی) کے چیئرمین طارق رحمان نے ہفتے کے روز اپنے والد، سابق صدر اور بی این پی کے بانی ضیاء الرحمان کی 45ویں برسی کے موقع پر انہیں خراج عقیدت پیش کیا۔

طارق رحمان نےڈھاکا کے شیر بنگلہ نگر میں واقع ضیاء الرحمان کی قبر پر حاضری دی جہاں انہوں نے پہلے وزیراعظم اور بعد ازاں بی این پی چیئرمین کی حیثیت سے پھولوں کی چادریں چڑھائیں، اس موقعے پر پارٹی کے سینیئر رہنما، کابینہ کے ارکان اور حکومتی مشیر بھی ان کے ہمراہ موجود تھے مختصر خاموشی اور دعا کے بعد طارق رحمان نے پارٹی کے مذہبی ونگ کے زیر اہتمام منعقدہ دعائیہ تقریب میں شرکت کی۔

بعد ازاں انہوں نے ڈھاکا کے مانک میا ایونیو پر واقع راجدھانی ہائی اسکول میں مستحق خاندانوں میں کپڑوں کی تقسیم کے ذریعے ملک گیر فلاحی پروگرام کا آغاز کیا یہ اقدام ضیاء الرحمان کی برسی کی مناسبت سے منعقدہ تقریبات کا حصہ ہے جن میں خوراک، امدادی سامان اور مفت طبی سہولیات کی فراہمی بھی شامل ہے۔

اس موقعے پر کارکنوں اور حامیوں سے خطاب کرتے ہوئے وزیراعظم نے کہا کہ ضیاء الرحمان کی سیاست عوامی خدمت، محروم طبقات کی مدد اور قومی تعمیر پر مبنی تھی، شہید صدر ضیاء الرحمان کی سیاست عوام کے ساتھ کھڑے ہونے، ان کی مدد کرنے اور قوم کی تعمیر کے لیے تھی ان کے نظریات سے رہنمائی لیتے ہوئے ملک کی تعمیر کے لیے خود کو وقف کریں۔

بنگلہ دیش کے ساحلی علاقے میں 54 برس قبل لاپتا ہونے والا ایک 83 سالہ ماہی گیر اچانک اپنے گھر واپس پہنچ گیا۔

میڈیا رپورٹس کے مطابق سید احمد نامی ماہی گیر تقریباً 54 سال قبل کتب دیا کے ساحل کے قریب ایک ماہی گیری ٹرالر الٹنے کے بعد لاپتا ہوگیا تھا کئی دہائیوں تک اس کا کوئی سراغ نہ ملنے پر اہلِ خانہ نے سمجھ لیا تھا کہ وہ سمندر میں جاں بحق ہوچکا ہے،تاہم اب بزرگ شخص 5 مئی کو ہاتیا میونسپلٹی کے علاقے پنچ بیگھا گاؤں میں واقع اپنے آبائی گھر واپس آیا، جس کے بعد علاقے میں جذباتی مناظر دیکھنے میں آئے اور لوگوں میں تجسس پھیل گیا،مقامی لوگوں نے اس واقعے کو جذباتی اور حیرت انگیز قرار دیتے ہوئے کہا کہ یہ کسی فلمی کہانی سے کم نہیں۔

خاندانی ذرائع کے مطابق سمندری حادثے کے بعد سید احمد کسی طرح بھارت پہنچ گیا تھا، جہاں اس نے کئی دہائیاں مختلف علاقوں اور مذہبی اداروں میں گزاریں،حال ہی میں مبینہ طور پر ہاوڑہ ریلوے اسٹیشن کے قریب لٹنے کے بعد بھارت کی بارڈر سیکیورٹی فورس نے اسے تحویل میں لیا،قانونی کارروائی مکمل ہونے کے بعد اسے بنگلہ دیش واپس بھیج دیا گیا۔

ابتدائی طور پر اہلِ خانہ کو اس کی شناخت پر یقین نہیں آیا، تاہم خاندان کے بزرگ افراد اور مقامی لوگوں نے ذاتی یادوں اور خاندانی تفصیلات کی بنیاد پر اسے پہچان لیااس غیرمعمولی واپسی کے بعد خاندان کے اندر تنازع بھی پیدا ہوگیا ہے، سید احمد کے بیٹے اکرم نے ہاتیا تھانے میں جنرل ڈائری (جی ڈی) درج کرائی ہے۔

شکایت کنندہ نے الزام لگایا ہے کہ بعض رشتہ دار جائیداد اور مالی معاملات کے باعث اس کے والد کو اپنی تحویل میں لینے کی کوشش کر رہے ہیں ہاتیا پو لیس اسٹیشن کے افسر انچارج کبیر حسین نے تصدیق کی کہ معاملہ پولیس کے علم میں آچکا ہے اور خاندان کے افراد کے درمیان بزرگ شخص کی دیکھ بھال اور رہائش کے حوالے سے بات چیت جاری ہے۔

ڈھاکا میں وفاقی وزیر داخلہ محسن نقوی نے سابق وزیراعظم بنگلہ دیش بیگم خالدہ ضیاء کی قبر پر حاضری دی۔

وزیر داخلہ محسن نقوی نے مرحومہ کی قبر پر پھول رکھے اور ان کے ایصالِ ثواب کے لیے فاتحہ خوانی کی،انہوں نے مرحومہ کی روح کے ایصالِ ثواب کے لیے خصوصی دعا بھی کی،محسن نقوی نے اس موقع پر سابق وزیراعظم بیگم خالدہ ضیاء کی بنگلہ دیش اور اس کے عوام کے لیے خدمات کو خراج عقیدت پیش کیا۔

انہوں نے کہا کہ بیگم خالدہ ضیاء کی سیاسی اور عوامی خدمات کو ہمیشہ یاد رکھا جائے گا،وزیر داخلہ کے بنگلہ دیش کے حالیہ دورے کو دو طرفہ احترام اور سیاسی تاریخ کی اہم شخصیت کو خراج تحسین کے طور پر دیکھا جا رہا ہے۔

بنگلہ دیشی قیادت نے چینی صدر شی جن پنگ کے پیش کردہ ‘مشترکہ مستقبل کی عالمی برادری’ کے تصور کو سراہتے ہوئے چین کے عالمی اقدامات کا خیرمقدم کیاہے-

بنگلہ دیش اور چین نے بیجنگ میں ہونے والے اعلیٰ سطحی مذاکرات کے دوران اپنے اس عزم کا اعادہ کیا ہے کہ وہ باہمی تعلقات کو مزید مضبوط بنائیں گے اور جامع تزویراتی تعاون پر مبنی شراکت داری کو آگے بڑھائیں گے بنگلہ دیش نے چین کے 15ویں 5 سالہ منصوبے کے کامیاب آغاز پر مبارکباد پیش کی، جبکہ چین نے بنگلہ دیش کی نئی حکومت کے سیاسی ایجنڈے کو آگے بڑھانے میں حمایت کا اظہار کیا۔

دونوں ممالک نے بیلٹ اینڈ روڈ اقدام کے تحت اعلیٰ معیار کے تعاون کو فروغ دینے اور تجارت، سرمایہ کاری، صنعت، ڈیجیٹل معیشت، آبی وسائل، صحت اور عوامی روابط کے شعبوں میں تعاون بڑھانے پر اتفاق کیا بنگلہ دیش نے اپنی ترقی کے لیے چین کی دیرینہ حمایت کو سراہا اور تیستا دریا کے جامع انتظام و بحالی منصوبے میں بیجنگ کے تعاون کی خواہش ظاہر کی۔

بنگلہ دیشی قیادت نے چینی صدر شی جن پنگ کے پیش کردہ ‘مشترکہ مستقبل کی عالمی برادری’ کے تصور کو سراہتے ہوئے چین کے عالمی اقدامات کا خیرمقدم کیا بین الاقوامی امور پر دونوں ممالک نے اقوام متحدہ کے منشور، کثیرالجہتی نظام، بین الاقوامی تعلقات میں جمہوریت اور تنازعات کے پرامن حل کے اصولوں سے وابستگی کا اعادہ کیا۔ انہوں نے ایک منصفانہ اور منظم کثیر القطبی عالمی نظام اور سب کے لیے مفید اقتصادی عالمگیریت کے فروغ پر بھی اتفاق کیا۔

مشرقِ وسطیٰ کی صورتحال کے حوالے سے بنگلہ دیش نے شی جن پنگ کی جانب سے پیش کردہ چار نکاتی تجویز کو سراہا اور خطے میں امن و استحکام کے لیے فوری اور جامع جنگ بندی کا مطالبہ کیا۔ دونوں ممالک نے آبنائے ہرمز میں محفوظ جہاز رانی، غیر فوجی اہداف کے تحفظ اور سفارتی کوششوں کی حمایت پر زور دیا، روہنگیا بحران کے حوالے سے چین نے بنگلہ دیش اور میانمار کے درمیان قابلِ قبول حل تلاش کرنے میں تعاون جاری رکھنے کا عندیہ دیا اور واپسی کے عمل میں اپنی استطاعت کے مطابق مدد جاری رکھنے کا عزم ظاہر کیا۔

وزیر خارجہ خلیل الرحمان نے دورے کے دوران میزبانی پر وانگ یی اور چینی حکومت کا شکریہ ادا کیا اور انہیں مناسب وقت پر بنگلہ دیش کے دورے کی دعوت بھی دی۔

بنگلہ دیش کی حساس تنصیبات پر انتہا پسندانہ حملوں کے خطرے سے متعلق سیکیورٹی الرٹ جاری کر دیا گیا-

بنگلہ دیش کے کاؤنٹر ٹیررازم اینڈ ٹرانس نیشنل کرائم (سی ٹی ٹی سی) یونٹ نے ریاست کی اہم تنصیبات پر انتہا پسندانہ حملوں کے خطرے سے متعلق پولیس ہیڈ کوارٹرز کے الرٹ کے بعد عوام سے پرسکون رہنے کی اپیل کی ہےڈھاکہ میٹروپولیٹن پولیس کے میڈیا سینٹر میں بریفنگ کے دوران سی ٹی ٹی سی کے جوائنٹ کمشنر منشی شہاب الدین نے صحافیوں کو بتایا کہ ایجنسی کو ممکنہ خطرات کے حوالے سے الرٹ موصول ہوا ہے اور ان کی سائبر انٹیلیجنس ٹیم اس معاملے کا باریک بینی سے جائزہ لے رہی ہے۔

پولیس ہیڈ کوارٹرز نے 23 اپریل کو ملک بھر کے قانون نافذ کرنے والے اداروں کو ایک ’انتہائی اہم اور خفیہ‘ مراسلہ جاری کیا تھا، جس میں ایک کالعدم انتہا پسند گروپ کے حامیوں کی جانب سے ممکنہ حملوں کی وارننگ دی گئی تھی۔

خفیہ الرٹ کے مطابق ممکنہ اہداف میں قومی پارلیمنٹ کمپلیکس، شاہ باغ انٹرسیکشن، عبادت گاہیں، اور پولیس یا فوجی تنصیبات جیسی حساس جگہیں شامل ہوسکتی ہیں۔ اگرچہ حکام نے عوامی سطح پر ملوث تنظیم کا نام ظاہر نہیں کیا، تاہم بتایا جا رہا ہے کہ یہ وارننگ حال ہی میں گرفتار ہونے والے ایک مشتبہ عسکریت پسند اشتیاق احمد سمیع عرف سمیع سے ملنے والی معلومات کے بعد جاری کی گئی ہے۔

تفتیش کاروں کا ماننا ہے کہ مذکورہ مشتبہ شخص حملوں کی منصوبہ بندی کے سلسلے میں فوج سے نکالے گئے دو اہلکاروں کے ساتھ رابطے میں تھا،سیکیورٹی حکام نے فی الحال تھریٹ لیول میں کسی تبدیلی کا اعلان نہیں کیا لیکن واضح کیا ہے کہ حفاظتی اقدامات اور مانیٹرنگ کا عمل پوری سختی سے جاری ہے۔

بنگلہ دیش میں سابق وزیرِ اعظم شیخ حسینہ واجد سمیت 22 افراد کے خلاف جبری گمشدگی کے الزامات پر انٹرنیشنل کرائمز ٹریبونل میں درخواست دائر کر دی گئی ہے۔

یہ درخواست پیر کے روز سابق جوبو دل رہنما مشیر رحمان مامون نے چیف پراسیکیوٹر امین الاسلام کے پاس جمع کروائی ملزمان میں ڈائریکٹوریٹ جنرل آف فورسز انٹیلی جنس (ڈی جی ایف آئی) کےسابق سربراہ لیفٹیننٹ جنرل (ر) شیخ مامون خالد بھی شامل ہیں، تاہم تمام ملزمان کی مکمل فہرست تاحال جاری نہیں کی گئی۔

درخواست گزار کے مطابق انہیں 23 فروری 2015 کو ڈھاکا کے بین الاقوامی ہوائی اڈے سے بنکاک جاتے ہوئے مبینہ طور پر سادہ لباس اہلکاروں نے حراست میں لیا، جنہوں نے خود کو قانون نافذ کرنے والے اداروں سے تعلق رکھنے والا ظاہر کیا انہوں نے دعویٰ کیا کہ انہیں 6 ماہ تک نامعلوم مقام پر رکھا گیا، جہاں وہ آنکھوں پر پٹی اور ہتھکڑیوں میں رہے۔

اسحاق ڈار کا پرتگال کے وزیر مملکت برائے امور خارجہ سے ٹیلی فونک رابطہ

مامون کے مطابق 23 اگست 2015 کو انہیں ڈیٹیکٹو برانچ کے حوالے کیا گیا، جہاں مختصر ریمانڈ کے بعد انہیں ڈھاکا سینٹرل جیل منتقل کر دیا گیا وہ تقریباً 2 سا ل جیل میں رہے اور بعد ازاں ہائیکورٹ سے ضمانت پر رہائی ملی-

نیتن یاہو کا چیف آف اسٹاف عہدے سے مستعفیٰ

بنگلہ دیش میں پاکستانی ہائی کمشنر عمران حیدر نے بنگلہ دیش کی وزیر برائے شہری ہوا بازی و سیاحت افروزہ خانم اور وزیر مملکت ایم رشید الزمان سے ملاقات کی ہے۔

رپورٹس کے مطابق ملاقات کے دوران دونوں ممالک نے بنگلہ دیش اور پاکستان کے درمیان موجودہ دوطرفہ تعلقات کو مزید مضبوط بنانے اور مختلف شعبوں خصوصاً شہری ہوا بازی اور سیاحت میں تعاون کو وسعت دینے پر زور دیا۔

پاکستانی ہائی کمشنر عمران حیدر نے ہوا بازی کے شعبے میں بنگلہ دیش کے ساتھ مشترکہ کام کرنے میں پاکستان کی دلچسپی کا اظہار کیا اور دونوں ممالک کے درمیان فضائی رابطوں میں اضافے کی اہمیت پر روشنی ڈالی انہوں نے ڈھاکہ لاہور روٹ کا حوالہ دیتے ہوئے مستقبل میں پروازوں کی تعداد بڑھانے کی ضرورت پر زور دیا تاکہ سفر اور تجارت کو سہولت فراہم کی جا سکے۔

دونوں فریقین نے سیاحت کے شعبے میں تعاون بڑھانے کے لیے مفاہمتی یادداشت (ایم او یو) پر دستخط کے امکان پر بھی تبادلہ خیال کیا،بنگلہ دیش کی وزیر برائے شہری ہوا بازی اور وزیر مملکت نے شہری ہوا بازی اور سیاحت کے شعبوں میں پاکستان کے ساتھ قریبی تعاون جاری رکھنے کے عزم کا اعادہ کیا۔

ملاقات کے اختتام پر دونوں جانب سے اس امید کا اظہار کیا گیا کہ ٹرانسپورٹ اور سیاحت کے شعبوں میں مضبوط روابط سے دونوں ممالک کے عوام کے درمیان رابطوں اور اقتصادی تعلقات کو مزید فروغ ملے گا۔

بنگلہ دیش کے وزیراعظم طارق رحمان نے پیر کو ملک گیر نہریں کھودنے کے پروگرام کا باضابطہ آغاز کیا-

یہ پروگرام دِناج پور ضلع کے کہارول اپازِیلا کے سہاپارا میں شروع کیا گیا، جہاں وزیراعظم نے 12 کلومیٹر طویل نہر کی دوبارہ کھدائی کا افتتاح کیا اس منصوبے کے تحت ملک بھر کی بند اور مٹی سے بھر گئی نہروں کو بحال کیا جائے گا تاکہ خاص طور پر مون سون کے موسم میں پانی کے بہتر انتظام کو یقینی بنایا جا سکے۔

حکام کے مطابق اس منصوبے سے زراعت کے لیے آبپاشی بہتر ہوگی، سیلاب کے نقصان میں کمی آئے گی اور نہروں سے وابستہ اقتصادی سرگرمیوں جیسے مچھلیوں کی پرورش اور بتھ پالنے میں مدد ملے گی ماہرین کا کہنا ہے کہ نہروں کی بحالی ماحولیاتی توازن برقرار رکھنے اور دیہی پیداوار بڑھانے میں بھی مددگار ثابت ہوگی۔

بشنوئی گینگ کی گلوکار بادشاہ کو سر پر گولی مارنے کی دھمکی

افتتاح کے بعد وزیراعظم نے نہر کے مقام کے قریب ایک اجتماع سے خطاب کیا یہ تقریب وزارت آب و وسائل اور بنگلہ دیش نیشنل پارٹی کے مقامی رہنماؤں کی شراکت سے منعقد کی گئی تھی تقریب میں مقامی رہائشی، حکام اور کمیونٹی نمائندگان بھی موجود تھے۔

تقریب میں مقررین نے کہا کہ سہاپارا نہر طویل عرصے سے مٹی اور کیچڑ سے بھری ہوئی تھی، جس کی وجہ سے پانی نکاس اور کسانوں کو مشکلات کا سامنا تھا، نہر کی دوبارہ کھدائی سے پانی کی روانی بہتر ہوگی اور مقامی زراعت کو فائدہ پہنچے گا۔

برطانیہ کی کینٹ یونیورسٹی میں خطرناک وبا ، 2 طالب علم ہلاک، 11 شدید بیمار

مقامی رہائشیوں نے اس اقدام کا خیرمقدم کیا اور یاد دلایا کہ نہر کبھی کھیتی باڑی اور روزمرہ زندگی میں اہم کردار ادا کرتی تھی لیکن وقت کے ساتھ ناقابل استعما ل ہو گئی تھی کسانوں کا کہنا ہے کہ نہروں کی بحالی سے زمین کے پانی پر انحصار کم ہوگا اور آبپاشی کے لیے بجلی کے اخراجات میں کمی آئے گی، علا قے کو 2017 کے سیلاب میں شدید نقصان پہنچا تھا، اور مناسب نہری نظام کے انتظام سے مستقبل میں ایسے نقصانات کو روکا جا سکتا ہے۔

بھارت: اسپتال میں آتشزدگی، آئی سی یو کے 10مریض ہلاک